لذئاب وجوه اخري الكاتبة نورا محمد الفصل ١٧ و ١٨

 الفصل السابق

الحلقة السابعة عشر 

لذئاب وجوه اخري 

بقلمي نورا محمد علي 

دخلت سهام الي مكتبه وهي تفكر وتقول لنفسها أو تعامل معي بتعالي كاني شحاته هلقنه درس في التواضع وانصرف فمن يظن نفسه 

وقفت أمامه تتصارع مع افكارها ولكن عندما تلاقت عينها بعينه قالت 

سهام مساء الخير 

امير مساء الخير اتفضلي وهو يشير الي المقعد 

اقتربت لتجلس وهي تحاول ان تلملم افكارها المتناثرة فقال امير بستخفاف 

امير يبدو انك استوعبتي الدرس وبدأت تحافظي علي موعيدك 

سهام جمعت كل ثقتها ورفعت عينها تنظر له وتقول

سهام انا يحافظ علي موعيدي دايما والتزم بكلمتي الا اذا اضطرتني الظروف ثم ابتسمت 

امير كويس ثم اخذ يلعب بوازنت ورق من الكريستال بنقلها من يده الي الأخري وهو يسألها تحبي تشربي ايه 

سهام لا شكرا مش عاوزة وكمان .... لم تكمل كلامها وهي ترفع محمولها وتنظر الي الشاشة ثم قالت تسمح  

امير اتفضلي 

سهام ايوة يا ماما في حاجة 

الام لا يا قلب امك في مهندس اتصل عليكي بيقول عشان البيت مش فاكرة اسمه ادام 

سهام تقصدي ادهم 

الام ايوة ادهم بيقول اتصلي عليه 

سهام حاضر يا ست الكل هكلمه عاوزة حاجة تاني 

الام لا يا حبيبتي بس انت فين 

سهام انا في شركة ومش هتأخر بأذن الله متقلقيش عليه مع السلامة  

وأنهت الاتصال مع امها وهي تنظر له بخجل وتقول أسفة بس ماما بتقلق لو مردتش عليها هنبدأ امتي 

امير بعد ما تتصل بالمهندس اللي عاوزك هو اسمه ايه 

سهام أدهم الببهي ليه بعد ما اكلمه 

امير بخبث عشان بكون تفكيرك صافي

  وابتسم ابتسامة صفراء وعقله يقول له لم يمر اسبوعين حتي انتشرت انا وادهم وعادل وقريب باقي الشلة 

سهام التي أدركت فيما يفكر قالت

سهام في عادة وحشة مبحبش اريح حد هو حر يفكر بالطريقة اللي تريحة يفترض اللي هو عاوزة ومهما كان ما هو سوي رجل ثم ابتسمت وقالت اسمح لي ورفعت الهاتف لتتصل بادهم

ادهم وهو يتكلم بمهنية انا رحت الأرض زي ما قولتلك عشان اشوفة علي الطبيعة 

 وتذكرت سهام أنه طلب منها ذلك بعد أن تركت شركته فأرسلت معه احد بيري الأرض كان مهندس زراعي ذاهب الي هناك استغلت سهام ذلك لانها ليس لديها وقت 

اكمل ادهم كلامه وقال بس فوجئت بكمية الاعشاب والحشائش اللي الفلاحين سببتها ومش ببزلوها 

سهام ضحكة بصوت مرتفع 

ادهم قولت ايه يضحك 

سهام لو حد من الفلاحين زالوها هخسر مبلغ ضخم الاعشاب دي للبيع وكمان سعرها غالي جدا 

ادهم لي هي اعشاب مخدرة 

سهام لا طبعا وهو مفيش غير الاعشاب المخدرة اللي بتتباع ولا ايه يا باشمهندس دي اعشاب طبية من الفئات النادرة وعشان كده يا ريت تصمم البيت من غير ما تقرب لاعشابي ولا لاشجاري 

ادهم وهو يتعجب من ردها قال اللي يسمعك يفتكرك بتكلمي عن ولادك 

سهام هما فعلا ولادي والأرض دي بيتي وفيها اتعلمت أن استخدام ايدك في صنع مستقبلك أكثر قسوة من استخدام عقلك فمتشلش حاجة منها لو سمحت كانت جادة في كلامها 

ادهم باستغراب قال هحاول مع السلامة 

سهام الي اللقاء انهت المكالمة وهي في مزيج بين الرضا وعدم الرضا 

امير أرض ايه اللي بتكلمي ادهم عليه وايه حكاية الشجر والاعشاب 

رجعت سهام من رحلة افكارها وقالت

سهام ارضي أزرعها كلها شجر وتحت أزرعها اعشاب طبية وخضر 

امير ليخفف الجوي بعد أن رأي الجدية التي تتكلم بها سهام مع ادهم أنه تتحدث في نطاق العمل فقط اذا هي ليس حية تتلون عليهم والشجر يثمر 

سهام بأمل لسه بس اكيد هيثمر بأذن الله أنواع كتير من الفواكة

امير انت وراثة الأرض دي 

سهام لا انا مورثتهاش انا اشترتها كنت يشتغل في توزيع الأدوية في إجازة الثانوية العامة بعد وفاة والدي رحمه الله مع عادل بيه يعني من اربع سنين تقريبا وكنت بعمل وادخر و ادرس في نفس الوقت وجمعت كل اللي وفرت وحطيته في الأرض وها انا انتظر 

امير تنتظري ايه 

سهام ان يتحقق الحلم انها تثمر فاكهة زي ما أثمرت عشب 

ابتسم امير علي طموحها وسعبها لتحقيق الحلم 

امير هيتخقق بأذن الله يلي نبدأ الدرس

سهام يلا

امير ونبدأ عملي ولازم تكتب بصوابعك كلها 

سهام بدأت باستخدام أصابعها كلامها في الكتابة بطيئة في بداية الأمر ثم تحسنت ولم تعد تخطء 

امير ضغط علي زر في مكتبه وقال فريده قهوة لو سمحتي ثم قال سهام قهوتك ايه 

سهام مضبوطة 

امير ٢ قهوة مضبوطة واكمل الشرح والتعديل وهي تطبق 

مر الوقت واتت القهوة واستمر الدرس واستمرت تتعلم وهو يشعر بأنها مثل الاسفنجة تشرب كل ما يقوله فهو ذلك الخارقة الذي يستطيع أن يخترق أي شفرة مهما كانت معقدة 

وبعد وقت كان يحتسي سيجارة وهو يرها تطبق ما يقول 

امير تحبي نكمل ولا تعبتي 

سهام انا ما بتعبش من حاجة بحبها 

امير تمام واكمل شرح وهي عاوزة ترتوي من هذا العلم من هذا النبع وتعلق يتمكن وتناقشه فيما يقول وبعد وقت طويل قال 

امير كفاية كده النهاردة 

سهام تمام 

امير طبعا معاكي لاب توب 

سهام ايوة  

امير كل اللي تعلمتها النهاردة تطلقيه تاني وتحاول تذودي السرعة 

سهام حاضر انا عاجزة عن شكرك يا امير بيه 

امير مش لازم تشكريني بعد كل حصة 

سهام هحاول امتي الميعاد التالي 

امير امتي يناسبك 

سهام أي وقت يناسبك يناسبني انا اقدر الغي اي موعد لو تتعارض مع ميعادك 

فنظر لها وهو يقول بجد 

سهام ايوة  

امير ابتسم ابتسامة خفيفة وقال حتي لو الموعد مع عادل 

سهام معتقدش أن عادل ممكن يزعل لو لغيت موعده عشان عندي درس معاك 

امير تفتكري أنه مش هيزعل 

سهام ويزعل ليه مادام عاوزني اتعلم علي ايدك 

امير خلاص بعد بكرة الساعة أربعة 

سهام تمام وهي تجمع أشيائها هكون هنا قبلها 

امير وجدها واقفة ولم تنصرف فسألها عاوزة حاجة تاني 

سهام ايوة 

امير ايه 

سهام عاوزك تفتكر ان اسمي سهام فمش انا اللي اتنسي بسهولة 

امير ابتسم ابتسامة خفيفة وقال حاضر وهي حقا لفتت انتباهها بسرعة بديهتها وتعلمها بسرعة وذكائها الواضح 

سهام الي اللقاء يا امير بيه 

امير الي اللقاء يا سهام 

انصرفت وعلي وجهها ابتسامة الي البيت

الحلقة الثامنة عشر 

لذئاب وجوه اخري 

بقلم نورا محمد علي 

رجعت سهام إلي البيت وفور دخولها نادت علي امها 

سهام ماما انا رجعت 

الأم تعالي يا نور عيني انا في المطبخ 

سهام جاية عشان جعانة 

دخلت إلي المطبخ البسيط وجلست علي تلك الطاولة ووضعت لها امها الطعام اكلت بسرعة لتعود إلي غرفتها لتذاكر لوقت قليل ثم حاولت أن تتذكر ما علمه لها امير 

ثم غلبها النوم لقد ارهقت طول اليوم وأن لبدنك عليك حق 

وفي الصباح استيقظت علي صوت أخواتها ليذهب إلي مدرسهن 

لقد كانت سهر وسمر في مدرسة واحدة ولكنها بعيدة عن المنزل ام سما بالمدرسة في نفس المكان استيقظت رغم نومها في وقت متأخر 

سهام صباح الخير 

الأم صباح الورد يا قلب امك صحوكي بصوتهم العالي 

سهام لا يا ماما انا كان لازم اصحي بدري 

الأم اقعدي علي ما أجيبلك كوبية لبن وأعلمك الفطار 

سهام تسلمي يا امي بس كفاية لبن مليش نفس ثم دخلت إلي الحمام لتتوضئ وتخرج لتصلي ثم مشطت شعرها وجلست بجوار أخواتها 

سهام صباح الخير يا بنات 

سهر وسمر صباح النور يا سهام ام سما فقالت 

سما ايه النشاط دا كله دا انا بقي لي فترة مشفتكش علي الفطار اكيد في حاجة غلط 

سهام وايه الغلط يا ام نص لسان 

سما من اول ما دخلتي الجامعة وانت مابتفطريش معنا 

سهام عشان بسهر عشان اذاكر بالليل وبعدين ميبقاش عندي محاضرات بدري اصحي ليه عشان ابيع لبن 

سما بتعرفي تقلشي اهوه 

سهام ايوة يا اختي بعرف بس مش فاضية 

الأم سيبي اختك يا سما اللي هي شيلاه ميقدرش عليه الرجالة لا بتنام ولا بتاكل ومستحمل علشانا 

سهام اربتت علي يد امها وقبلتها وقالت متقوليش كده وبعدين انا وحشني لسانها الطويل 

سما ببراءة خلاص اصحي بدري وانا اسمعك اسطوانة كل يوم بس دلوقتي هحرمك من دمي الخفيف والحق مدرستي وحمل حقيبتها علي ظهرها وتتجه إلي الباب 

سهام خدتي مصروف  

سما وهي تعطي نفسها كشاف علي جبهتها وقالت لا نساني وجودك المصروف ودي حاجة ما بتحصلش اصلا المصروف 

سهام ههههه عاوزة كام 

سما انت كريمة وانا استاهل 

سهام اعطتها عشرون جنيه 

سما ببراءة اصرفها كلها 

سهام برحتك طبعا فقبلتها سما وهي تقول اصحي بدري كل يوم  

سهام ليه يا اوزعة

سما وهي تمشي دي قد مصروف ثلاث مرات سلام يا سوسو وخرجت إلي المدرسة 

أكملت سهام شرب اللبن وجدت سهر وسمر ينهضنا ليخرجا 

أخرجت لكل من هنا ورقة مالية فئة الخمسين جنية 

سهر دا كتير 

سمر انا مش عاوزة مصروف انا بس عاوزة وسكتت 

سهام ايه انت ساكته ليه 

الأم اصلها طلبت مني مصروف الدرس 

سهام حاضر واخرجت جزدانها من الحقيبة وهي تسألها كام يا سمور  

سمر وهي ترفع كفها بحياء ٥٠٠ 

سهام من عنية واعطتها لها ونظرت إلي سهر 

سهر انا معايا ٢٠٠ جنية حوشتهم من المصروف و عاوزة ٤٠٠

سهام ناولتها ٦٠٠ جنية وقالت اصرفي مصروف انا طالع عيني عشان محرمكوش من حاجة متحسسنيش اني مقصرة 

سهر انا قولت اساعد 

سهام سعديني بتفوقك انا مشتكتش وأشارت إلي درج في البار دا في كل اللي تحتاجوه اللي تعوز حاجة تاخدها

وبعد أن انتهت من أخواتها وانصرف إلي مدارسهم سألت سهام امها عما يحتاج المنزل حتي تنتهي من الأشياء الصغيرة وتفكر في ما يشغلها 

بعدها ارتدت ملابسها وذهبت إلي الجامعة وبعد يوم طويل رجعت إلي المنزل لم يكن عندها ما تفعله 

أردت أن تمكث في المنزل كأنها سأمت من كل شيء ورغم أنها تحب عملها إلا أنها تشعر بالتعب جلست في المنزل تعبث أمام الحاسب الآلي وهي تفكر في تلك الصفقة والتي لا تعرف كيف تسوقها 

هي ليست في مجال الأدوية انه في العطور والميكب وهي لا تعرف شيء في هذا السوق 

فهي لا توزع في المستشفيات والصيدليات تأخذ منها كميات قليلة فماذا تفعل 

انتباها الصداع من كثرة التفكير فهي الان تمر بضائقة مالية وعندها مشكلة في الأرض وذلك المنزل الذي فتح عليها أبواب اخري من المصروفات ولكنه مهم 

ثم رجعت بأفكاره إلي الماضي إلي ما مر في حياتها وإغلبها لم تكن ذكريات سعيدة 

كل شئ بثمن العمل بثمن والاستمرار فيه بثمن فلقد مر عليها كثير من ذلك النوع القذر الذي كلمت عنه إلينا في بداية عملها هناك انوع تظن أنها لن تأخذ الصفقة فقط بل من توزع الصفقة أيضا فعليهم اللعنة هم وصفقاتهم 

فإذا كان الحلال لا يبقي أيبقي الحرام ولو كان أكوام فشغلت ميوزك هادئة لتربح أعصابها وتترك كل شئ لوقته فهي الان مطمئنة أن البيت لا ينقصه شيء وكذلك أخواتها حتي لا تضع علي عنقها عبئ آخر 

كان تسبح في أفكارها واستمتع بالنغمات الهادئة ثم انتبهت إلي أن المحمول يرن فرفعته دون أن تنظر 

سهام الوو من معايا 

عادل انا  

سهام عادل ازيك عامل ايه 

عادل كويس انت نايمة أه 

سهام لا بس تقصد ايه باه 

عادل صوت المزيكا كنت بتفكري في ايه 

سهام صفقة معقدة مستحضرات تجميل ومش عارفة ازاي اوزعها

عادل لو مفيش حاجة شغلاكي تعالي هسوقهالك ولعلمك ازاي تسوقبها 

سهام نظرت إلي الساعة وجدتها الرابعة عصرا فقالت طيب انا اصلا حاسة بملل ومش عارفة اعمل ايه ولا اروح فين 

عادل عتابها وهو يقول واضح انك بتعتبريني صديق 

سهام فهلا يا عادل انت صديق يعتز بيه 

عادل واضح 

سهام متزعلش انا جاية 

عادل مستنيكي

وقفت أمام الدولاب لتختار ما تلبسه فامسكت ذلك البنطلون الجينز الأسود كأنها تعتقل فيه انوثتها عليه بلوزة بيضاء و واخذت حقيبتها وأوراق الصفقة بعد أن مشطت شعرها وأكملت زينتها ثم ابتسمت لصورتها في المرأة

لقد كانت أنيقة جميلة خرجت من الغرفة لتخبر امها بنزولها ركبت سيارتها الفيت البيضاء 

ووصلت إلي شركة A A جروب 

سهام ازيك إلينا 

إلينا تمام انت عاملة ايه 

سهام الحمد لله ممكن تقولي لعادل اني وصلت 

إلينا تمام ضغطت علي الزر أمامها وقالت عادل بيه سهام وصلت 

عادل خليها تدخل 

دخلت سهام وقبل أن تلقي السلام سأل عادل 

عادل هو انت لما توجهك المشاكلة تحلوي كده ونظر لها يعينه التي تحولت إلي عين ذئب فابتسمت دون أن تلاحظ 

عادل ايه دا انت سهام متأكدة 

سهام بطل مجاملة انا مش مصدقاك 

عادل انا مش بجاملك دي حقيقة هي مرايتك مقالتش ليكي انك جميلة جدا 

سهام ابتسمت بخجل فهي في الاول والاخر امرأة حتي لو اخذت مكان الرجال وكلمات الغزل تسعدها ثم قالت 

سهام مش هنتكلم في الشغل احسن ازاي هتسوقها 

عادل اقعدي بس وانا هشرحلك وأخذ يشرح ثم اتصل بأحد موزع العطور اتكلم معه عن الصفقة فطلب جزء كبير منها فأخذ عادل يكتب ما يطلبه  

انهي الاتصال ونظر إلى سهام وقال  

عادل شوفتي يا جميلتي نصف الصفقة اتوزع

سهام ابتسمت بفرح ثم قالت طيب والباقي هنعمل فيه ايه 

عادل فاضل معرض AA لمستحضرات التجميل 

سهام ومين صاحبة 

عادل قدامك ثم أخذ يقرأ ويقول هذا النوع وهذا وهذا ثم قال لسهام

عادل البرفيوم اللي حطاه دلوقتي جوتشي 

سهام فعلا عرفت ازاي انا حاطه خفيف جدا 

عادل هو اللي زي بتسأل ازاي يعرف برفيوم امرأة فنظرت له وصمتت من نظرة عينه التي تحولت إلي عين ذئب نفس النظرة التي ارعبتها من حوالي سنتين فاكمل دون أن يلاحظ خوفها منه 

عادل انا لو جلست وسط ١٠٠ امرأة يضعنا برفيوم مختلف تعرف مين حاطه ديور ومين الجانس وكسيب ومين كوبرا ومين جولدي ومين شانيل أو منتانا أو أرماني او اي نوع آخر لقد كنت علامة في أمور النساء يا طفلتي 

ودون أن تعي ماذا يعني قال هاخد باقي الكمية من جوتشي 

سهام ايه 

عادل صدمتك كنت بقولك اني هاخد الباقي من العطر اللي انت حاطاه

سهام اه وكانت تشعر بالخوف

الفصل التالى

تعديل المقال