الفصل السادس
*في بيت وَجْد*
حنين بصدمه: يعني هو قالك كدا
وَجْد بفرحه: ايوه ومكنتش مصدقه نفسي
حنين: بصراحه بقي انا مش مصدقه
وَجْد بفرحه: ولا انا كنت مصدقه لكن بصي لبسني الخاتم ده وقالي اننا لازم نتجوز باسرع وقت وحدده من نفسه الشهر الجاي وقالي انك هتقعدي معانا مكنتش مصدقه نفسي أبدا
حنين بعدم ارتياح: ولو اني لسة مش مصدقه لكن ربنا يسعدك يارب، لكن يا وَجْد خلي بالك من نفسك
وَجْد بابتسامه: حاضر ياقلبي المهم انت مبسوطه اني هتجوز ولا زعلانه
حنين: وانا ايه اللي هيزعلني يا هبله ده انا حتي هلبس فستان جديد
وَجْد: والله انت هبله يلا قومي ذاكري وانا هقوم اشوف ورايا ايه
حنين بمرح: قولي انك عاوزة توزعيني بس مكسوفه تقولي لكن It's OK هقوم باصلي احسن ماترديني؛(كملت بتمثيل انها بتعيط) انهارده بتوزعيني الله اعلم بكرا هتعملي ايه هترميني في الشارع اهئ اهئ اهئ اهئ.
وَجْد:يلا ياهبله ادخلي ذاكري وبالنسبه لكلمه هارميكي في الشارع انا عندي استعداد اسيبه هو وانت لأ...فهمه ولا افهمك ولا انجري ذاكري.
حنين:خلاص خلاص انا بهزر احنا اسفين ياصلاااح
(حنين دخلت و وَجْد كلمت سيف)
وَجْد:الو
سيف: ايوه ياحبيبتي عامله ايه
وَجْد بابتسامه:الحمدلله وانت
سيف:تمام
وَجْد:اتصلت عشان اقولك اني قولت ل حنين وهي فرحة اووي حبيت اعرفك
سيف:بدام حنين وافقت يبقي انا كدا اطمنت
وَجْد باستغراب:اشمعنا؟
سيف:عشان انا عارف حنين عندك ايه وكمان هي مفتاح قلبك يعني لو حبيت اعرف حاجه هكلمها فورا بدون تفكير
وَجْد بضحك:ده انا لازم اخد بالي من نفسي بقي عشان متتفقوش عليا
سيف:انا اقدر ياعشقي؛المهم قبل الفرح باسبوع هتروحي تجيبي الفستان اتفقنا
وَجْد بفرحه:اتفقنا مع السلامه
سيف:سلام👋
(وَجْد قفلت مع سيف وسرحت شويه وافتكرت لما كانت مع سيف واعترفلها بحبه اتكسفت وبعدها فكرت انها تكلم صديقها سمير تعرفه هي علي طول معتبراه اخ وصديق ليها كانت هتكلمه لكن حنين ندهت عليها قامت تشوفها ونسيت تكلمه)
ـــــــــــــــــــــــــــــــــــــــــــــــــــــــــــــــــــــــــــــــــ
* في شركه الملك *
(سمير قاعد علي مكتبه بيفكر في وَجْد وحشته نفسه يشوفها بعدها فكر انه لازم يقابلها ويعترفلها بحبه ويتجوزو عشان تفضل معاه دايما مسك الفون ورن عليها اول مره مردتش رن تاني ردت)
وَجْد:السلام عليكم
سمير بسعاده لسماع صوتها:و عليكم السلام،ازيك يا وَجْد ايه اخبارك مردتيش من اول مره ليه
وَجْد: ازيك ياسمير انا تمام الحمدلله معلش كنت بعيده عن التليفون كنت لسة هكلمك اصلا
سمير بهيام: بجد ليه
وَجْد بفرحه: مفاجأة بس قولي انت الاول كنت متصل ليه
سمير: قولي ايه المفاجأة الاول وانا اقولك كنت متصل ليه
وَجْد بفرحه: لا قول انت الاول هو ايه اصله ده بص انا مبسوطه اووي وعاوزة اشاركك فرحتي
سمير بحب: طب قولي انتي الاول وانا هقول بعدك
وَجْد بفرحه: تمام تمام،جاهز المفاجأة
سمير: جاهز
وَجْد بفرحه: انا وسيف هنتجوز
(الكلام نزل كالصعقه علي سمير ابتسامته تلاشت تلقائي وحس ان الدنيا ضاقت بيه)
وَجْد: الو...الوووو...سمير انت روحت فين
سمير بحزن: معاكي...معاكي الف مبروك
وَجْد بفرحه: الله يبارك فيك
سمير بحزن وعيون دامعه: الفرح امتي
وَجْد: كمان شهر
سمير بحزن: ربنا يتمملك علي خير
وَجْد: وانت بقي كنت عاوز تقول ايه
سمير بحزن وحسرة: لا ولا حاجه انا كنت عاوز اطمن عليكي بس
وَجْد: ربنا يديمك يا سمير انا بجد بعتبرك اخ وصديق ليا
سمير بدموع: القلوب عند بعضها معلش انا هضر اقفل عشان عندي شغل مع السلامه
وَجْد بابتسامه: سلام، لا إله إلا الله
سمير ويمنع دموعه من السقوط:محمد رسول الله
(وَجْد قفلت وسمير قعد بحزن يفكر في حب عمره اللي راحت منه لكن فكر انها ممكن تكون خطة من سيف عشان يتقرب منها قام راحله ودخل بهدوء)
سيف بضيق: مهما حاول افهمك انك تخبط قبل ماتدخل هتفضل طول عمرك مابتفهمش على العموم تعالي كنت هبعتلك عاوزك في موضوع
سمير قعد بكل هدوء: مبروك
سيف باستغراب: الله يبارك فيك لكن على ايه
سمير: انت مش هتتجوز بعد شهر
سيف باستغراب: وانت مين اللي قالك انا لسة كنت هبعتلك عشان الموضوع ده
سمير بابتسامه حزينه: من وَجْد...وَجْد حكتلي
سيف: وهي وَجْد ليها كلام معاك
سمير بحسرة: وَجْد معتبراني اخوها وانا فاهم ده كويس لكن اللي مش قادر افهمه هو انت...انت ياسيف بحاول افهمك ومش فاهمك
سيف بتعجب: مش فاهم
سمير بضيق: لا انت فاهم وفاهم كويس كمان، انت واخد وَجْد زي اللي قبلها ياسيف؟
سيف بجدية: وَجْد انا بحبها فاهم يعني ايه ولا لأ ب..ح..ب..ه..ا وخطيبتي وهتبقي مراتي
سمير بحزن وعدم تصديق: بصراحه بقي انا مش مصدقك ومش مصدق اللي انت بتقوله
سيف بابتسامه: لا صدق انا لاول مره احب بجد وهاتجوزها وهتبقي مراتي
سمير بحزن: اتمني انك متكنش بتلعب بيها ياصحبي عشان وَجْد متستهلش منك كدا
سيف: متقلقش انا مش هازيها
سمير بحزن: اتمنى يكون كلامك صح عن اذنك
سيف: رايح فين
سمير بحزن: حاسس اني تعبان وعاوز اروح
سيف بقلق: انت كويس؟
سمير بابتسامه حزينه: متقلقش انا كويس
سيف: متاكد!؟
سمير بابتسامه وايماء: ايوة يلا سلام
سيف: ابقي طمني عليك
(سمير خرج ومردش هو خلاص حاسس انه مخنوق ومعدش عنده طاقه انه يتكلم اخد عربيته وروح بيته وهو في قمة حزنه علي حبه؛ أما عند سيف كان بيفكر في صاحبه وانه ماله تعب فجأة لكن بعدها افتكر ان وَجْد كلمت سمير اتعصب ومسك التليفون رن عليها دقايق وجاله الرد)
وَجْد بابتسامه الو
سيف بعصبيه: انت كلمتي سمير
وَجْد بتفاجئ من صوته: ااا...ايوه
سيف: ليه
وَجْد: عشان اقوله اننا هنتجوز
سيف بعصبيه: و هو انت كنتي قولتيلي انك هتكلميه بتتصرفي من دماغك ليه
وَجْد بخضه: اهدي يا سيف محصلش حاجه
سيف بعصبيه: يعني ايه محصلش حاجه بصي من هنا ورايح متتكلميش معاه نهائي انت فاهمه ياكدا يا اما اقسم بالله العلي العظيم هكسرلك تليفونك وهكسرلك دماغك اللي ماشية على كيفها دي اييييه ملكيش راجل ماشيه علي حل شعرك حضرتك
وَجْد بعصبيه وصوت عالي: انت ازاي بتكلمني كده اولا يامحترم سمير انا بعتبره زي اخويا الكبير ثانيا مش انا اللي اتصلت عشان يطمن عليا بدافع الاخوة ثالثا بقي وده الاهم انا مسمحلكش انك تزعقلي انت مين عشان تزعقلي وتهني بالشكل القذر ده كله الا كدا صدقني ياسيف انا عندي اني اخسرك ولا اني اخسر كرامتي ملعون ابو الحب اللي يخليني اخسر كرامتي ولحد ماتعرف غلطك وانك غلطان وتعتذر انا مش هوافق علي الجوازة دي فاهم ومن غير زفت سلام.
سيف بعصبيه: انت بتز...
(وَجْد قفلت السكة في وشه وهو هبد التليفون في الارض كسره من كتر العصبيه)
سيف بعصبيه: لو فضل قريب منها كل حاجه هتبوظ كل حااااجه هتدمررر لكن انا مش هسمح بكدا مش هسمح بكدااااااا الموضوع ده لازم يخلص وباسرع وووقتتتت.
ـــــــــــــــــــــــــــــــــــــــــــــــــــــــــــــــــــــــــــــــ
*في بيت وَجْد*
حنين: انتو لحقتو يابنتي وبعدين ايه صوتك ده انا اخضيت انت ازاي تزعقي كدا من امتي وانت عصبية كدا انا عمري ماشوفتك كدا
وَجْد بضيق: متعصبنيش انت كمان هو مفكر نفسه ايه عشان يزعقلي ده بيقولي انت ماشية على حل شعرك ليييه كنت عملت ايه لكل ده طب والله مانا مكلماه غير لما هو اللي يكلمني ويقول انا اسف كمان هو مفكرني ايه مليش شخصية
حنين: اهدي شويه علي نفسك كده كل حاجه هتبقي كويسه بس انت اهدي
وَجْد بضيق: طيب طيب، انت ايه اللي مقعدك هنا قومي ذاكري يابت انتي انا مش نقصاكي
حنين: الله طب وانا مالي يا لمبي...هي الجوازه دي هاتيجي علي دماغي ولا ايه
وَجْد بضيق: هو انا كلامي مابيتسمعش
حنين: باااااس سعيده يابرنس انا هخلع يلعن اللي يقعد معاك تاني ياشيخه
(حنين جريت بسرعه و وَجْد قعدت زعلانه وتفكر مين اللي غلطان فيهم فضلت تقول انها مكنش لازم تنفعل عليه بالشكل ده ورجعت تاني قالت مكنش المفروض زعق لها وهانها بالشكل ده نامت وهي بعيط وبتندب حظها انها حبت شخص زي ده جارح في كلامه ومش بيهمه زعلها ابدا نامت حزينه)
*في بيت وَجْد الساعة 9مساء*
حنين بخوف: وَجْد وَجْد وَجْد اصحي ايه نايمه تحت الارض قووومييييي
وَجْد بنوم: في ايه يا زفته عاوزة ايه
حنين: باب الشقه بيخبط ومعرفش مين
وَجْد باستغراب: حد مين ده طب بصي من العين السحرية شوفي مين
حنين بقلق: الساعه تسعه وجيت ابص في حد حاطت ايده مش شايفه حاجه خالص
(الباب خبط تاني)
وَجْد:طب وسعي اشوف مين اللي جاي الساعه دي
(وَجْد قامت لبست طرحة وفتحت الباب وكانت المفاجأة سيف واقف لابس بدلة فرح

وبيبتسم بحب ومعاه بنات كتير وراه بصت باستغراب وبتحاول تفهم في ايه )
وَجْد باستغراب:سيف ان...انت ايه اللي جابك الساعه دي ومين...مين دول
سيف و وجه كلامه للبنات: اتفضلو عاوزها احلي عروسه و اتوصو ب حنوني شويه واوعو الاقي حاجه مش عجباني دي الليلة دي ليلة العمر
وَجْد بصدمه: انا مش فاهمه حاجه مين دول وفى ايه بالضبط
سيف بابتسامه جزابة: يلا يابنات اتفضلو
(البنات دخلت اخدت وَجْد و وَجْد بتحاول تفهم في ايه مش فاهمه حاجه خالص حنين فهمت سيف بيعمل ايه عشان كدا كانت عمالة تضحك علي شكل اختها المصدومه دخلو اوضة وَجْد وبداو يعملولها Makeup Artist عقبال مكانو خلصو الميكب ل وَجْد كانت حنين لبست فستان جميل جداً وعملت ميكب كمان الفستان كان جميل عليها اووي و وَجْد كانت فرحانه لفرحة اختها اووي)

وَجْد باعجاب:تحفه عليكي بجد ياقلبي
حنين بفرحه:بجد يا وَجْد
وَجْد بابتسامه:بجد ياروح وَجْد؛مبسوطه ياقلبي
حنين بفرحه:اووي يا وَجْد
:يلا يا انسة عشان تلبسي الفستان عريسك مستني
وَجْد بابتسامه: حاضر
(وَجْد قامت لبست الفستان ولفت الطرحه وكانت جميلة اووي فيه وكانت فرحانه جدا)

حنين بفرحه: بسم الله ماشاء الله جميل اووي
وَجْد بفرحه:بجد يعني حلو
حنين:حلو بس ده حلو باجرام
: يلا يا عروسه اخرجي لعريسك
وَجْد بخوف: انا مش فاهمه فرح ايه بس الساعه دي مش كان قالي احنا كنا متفقين على شهر
حنين: يابت بطلي تتبطري علي النعمه اجرجي
وَجْد: حاضر حاضر
(وَجْد خرجت وهي مكسوفه لقت سيف بيبص لها بإعجاب شديد قرب منها وعلى وشه ابتسامه وسيمه وهي كانت موطيا راسها في الارض)
سيف بإعجاب: زي القمر
وَجْد بابتسامه: مش كنت تقولي انت لغبتني علي فكره وخضتني بالدخلة بتاعتك دي
سيف: مانا لاقيتك زعلانه منى فكرت اصالحك ازاي ملقتش غير الطريقه دي اللي اصالحك بيها
وَجْد بفرحه: انا مش مصدقه نفسي بجد
سيف باس جيبينها: لا صدقي يا عشقي
وَجْد بكسوف:علي فكره البدلة حلوة اووي
سيف بغمزة:انت احلى علي فكرة
وَجْد بكسوف:ماطبتل تكسف فيا
سيف: وَجْد
وَجْد بابتسامه: ممم
سيف بحب: بحبك❤
حنين بمرح: إحم إحم ايه ياعريس مش وقته انا هنا اييه ملكوش بيت يلمكوا ولا ايه
وَجْد بتحزير: بنت انا قولت ايه لمي لسانك ده شويه يلا اعتذري
حنين بضيق: هو انت علي طول كده
وَجْد بتحزير: حنيييييين
حنين بضيق: اوووووف حاضر...انا اسفة يا ابيه
سيف بغمزة ل وَجْد: يا واد انت يا مصيطر، مش يلا بقي عشان سمير بقاله ساعه متلقح تحت
وَجْد: طب مطلعتوش معاك ليه
سيف: مرديش يلا بقي ننزل
حنين بفرحه: هيييييه افرحي ياعروسه انااا العرييييس ياعروسه ياعروسه انااا العرييييس يلا ياست المكسوفة يلاااا ياعرييييييس
سيف بضحك: شكلنا كده مش هنحتاج دي جي في الفرح حنين هتقوم بالواجب
حنين بفرحه: انت بتقول فيها ده انا هولعها
وَجْد: يابنتي اتهدي بقي،يلا يا سيف ننزل لسمير عشان ميزهقش
سيف بابتسامه: يلا يا عشقي
(سيف مسك ايد وَجْد وخرجو من البيت و حنين وراهم بفرحه نزلو لاقو سمير واقف مستنيهم ولابس بدلة شيك لايقه عليه جدا)

سمير بابتسامه:مبروك يا عريس مبروك ياعروسه
سيف بابتسامه: الله يبارك فيك ياصاحبي
وَجْد بابتسامه: الله يبارك فيك يا سمير
سمير بابتسامه حزينه: مش تعرفونا علي الامورة
وَجْد بابتسامه: حنين اختي
حنين بضيق: استني يا وَجْد ده فاكرني عيلة بيقولك مش تعرفونا علي الامورة
وَجْد بتحزير: حنيييين
حنين بضيق: سكت
سمير بضحك: طب يلا بينا
سيف: يلا
(سمير اتحرك بالعربية وهو جواه وجع كبير علي حبه اللي بتتجوز قدامه لكن كان متماسك)
سيف: ايه رأيك تنامي شويه ياحبيبتي عشان الساعه دلوقتي 1عقبال مانوصل هيكون فيها على الساعة 7الصبح ريحي شويه
وَجْد باستغراب: ليه هي بعيده اووي كدا وبعدين هو في فرح بيبقي الساعه 7الصبح
سيف بابتسامه: انت هتبقي حرم الملك سيف مهران لازم كل حاجه تبقي مميزة زيك
وَجْد بابتسامه: ربنا يديمك ليا
سيف بحب: ويديمك ليا يا عشقي
(وَجْد بصت لقت حنين نامت فضلت صاحية وقت طويل فالاخر نامت وتمام الساعه 7ونص وصلو القاعه وسيف صحي وَجْد)
سيف: وَجْد...وَجْد...اصحي يا حبيبتي وصلنا
وَجْد بنوم: أخيراً وصلنا؛ حنين وسمير فين
سيف بابتسامه: خلتهم ينزلو عقبال ماصحيكي
وَجْد بخجل: طب يلا ننزل بلاش نفضل قاعدين كدا
سيف بضحك: حبيبي اللي بيتكسف مني ياناس ده كلها شويه وهنبقي في بيت واحد و اوضة واحده هتعملي ايه هتحمري اكتر من كدا فيين
(وَجْد ضحكت بخجل)
سيف بغني: ضحكت يعني قلبهاااا مااااال
وَجْد بضحك: مايلا بقي
سيف بابتسامه: يلا ياقلبي
(سيف و وَجْد نزلو من العربية ومسكو ايد بعض ودخلو القاعه وكانت بنهار وكانت جميلة جداً)






وَجْد بإعجاب: ايه الجمال ده تحفي بجد
سيف بابتسامه: مبسوطه يا عشقي
وَجْد بفرحه: اووي اووي يا سيف
(سيف و وَجْد قاعدو و الماذون بكتب الكتاب)
الماذون: بارك الله لكما وعليكما وجمع بينكما في الخير.
حنين بفرحه: مبروك يا ست البناااااات
سمير بابتسامه: مبروك ياصحبي مبروك يامدام وَجْد
وَجْد بابتسامه: ايه مدام وَجْد دي اسمي وَجْد زي مانا متغيرتش
سيف: طب عن اذنكم انا بقي
وَجْد مسكت ايده بسرعه: رايح فين يا سيف
سيف: عامل لك مفاجاه
وَجْد: مفاجأة ايه!؟
سيف بابتسامه:هي المفاجاه هتبقى مفاجاه لو قلت لك عليها؛ ثواني وجايلك
وَجْد بفضول: سمير سمير هو سيف رايحفين
سمير:والله يا وَجْد معرفش
وَجْد بضيق: انا معرفش ايه الحركات دي هو راح فين وسابني وسط النااس دي كلها عاوزه افهم ده انا معرفش حد غيرك يعني لو حد جه كلمني هبقي زي الهبلة معرفش هو مين اوووووف
سمير بحزن: متقلقيش زمانه جاي
حنين: وَجْد وَجْد
وَجْد بضيق:ايييييييه
حنين بضحك:شوفتي البنات اللي هنا بتبصلك ازاي كانك اختي جايزة نوبل هههههه
وَجْد:اسكتي بقا انا علي اخري
(شويه وكان سيف واقف في نص القاعه ومعاه ميكروفون وباصص ل وَجْد بحب وبدأ الكلام)
سيف بحب: وَجْد...احم يمكن اول مره اقول كده لاي واحده ويمكن كمان الكل هنا مستغرب من ان هو ده الملك لكن.....معاكي مبحسش اني الملك سيف مهران بحس اني سيف وبس انا انهارده وقدام الصحافه وقدام اكبر رجال البلد وقدام النااس دي كلها بقولك انا بحبك .... وبعشقك ... انتى روحى وقلبى وعشقي وعمري ماتخيل حياتي من غيرك ابدا بحبك ❤
(في اللحظه دي وَجْد جريت علي سيف بحب ودموع حضنت سيف وهو شالها ولف بيها وسط سقفات المعازيم وبعدها سيف بص ل وَجْد)
سيف بحب: انا عمري ماعملتها لكن هعملها انهارده بسببك بس ماتخديش علي كده
وَجْد بفرحه ودموع: هتعمل ايه
سيف بخبث: مش انت لوحدك اللي صوتك حلو
(بصتله وَجْد باستغراب وبعدها الموسيقي اشتغلت و سيف بصلها بتعمق وبدأ بالغناء وكان صوته حلو)
سيف بغناء: بات الامل في عيني يروي الجفن صبرا والعشق في جسدي يجعلني ادوب والام الشوق تروي فؤادي عطشا وما اداركي وما عطش القلوب.
(شهقت وَجْد في اللحظه دي وبعدها سيف كمل وهو جالس علي ركبته ويمسك يدها وينظر لها بعشق)
سيف بحب وغناء: يا اميرتي يا جميلتي يا سيدة كل النساء لا تتركيني في وحدتي فالابتعاد عنك ابتلاء.
يصعب عليا تحمله وحان وقت الانتهاء ساكون معكي برغبتك وكما مولاتي تشااااااااااء.
(وجد حضنته جامد وسط سقفات المعازيم ثم اكمل سيف بعدما وقف وقبل جبينها)
سيف بحب وغناء: يا حور عين قد اكتفيت من العذااااااب الله رحيم فكيف انتي لا ترحمي.
سؤالي انتي وانتي الرد والجواب حني على قلب قد بات مغرم.
(في اللحظه دي سيف بص في عيونها بحب وكمل)
سيف وهو ينظر داخل عيون وَجْد بحب: يا اميرتي يا جميلتي يا سيدة كل النساء لا تتركيني في وحدتي فالابتعاد عنك ابتلاء.
يصعب عليا تحمله وحان وقت الانتهاء ساكون معكي برغبتك وكما مولاتي تشاااااااااء.
(انتهي سيف من الغناء وسط سقفات المعازيم منهم يسقف حزنا ومنهم يسقف فرحا ومنهم من يسقف حقدا ولكن فرحة وَجْد كانت لا توصف وحنين كانت مبسوطه لاختها وسيف كان مبسوطه انه كسبها واما سمير كان حزين عشان حببته اللي حبها بتتجوز قدامه بعدها اشتغلت اغنيه slow للعريس والعروسه يرقصو عليها بدأو رقص)
وَجْد بابتسامه حب: مكنتش اعرف ان صوتك حلو
سيف بفخر: انا سيف مهران يا حبيبتي مش اي حد
وَجْد بضحك: ياسلام علي التواضع
سيف بابتسامه: مبسوطه يا وَجْد
وَجْد بفرحه ونظرة ترجي: اووي يا سيف...سيف اوعي في يوم من الايام تسيبني انا اول مره احس بالامان وانا معاك اول مره احس اني مطمنه وانا معاك عشان خاطري يا سيف متخلنيش اندم واحس اني اتسرعت....متخلنيش اخاف منك اوعدني انك هتفضل جمبي علي طول ومش هتسبني ابدا و اوعدني كمان انك مش هتتخلي عني مهما حصل اوعي تخليني اخاف منك.
سيف وباس جيبنها: انا مستعد اقوم حرب عشانك يا وَجْد عشانك انتي وبس يا عشقي.
وَجْد بترجي: عشان خاطري يا سيف متخلنيش اخاف منك.
صدى صوت:متخلنيش اخاف منك، متخلنيش اخاف منك، متخلنيش اخاف منك، متخلنيش اخاف منك، متخلنيش اخاف منك.
ــــــــــــــــــــــــــــــــــــــــــــــــــــــــــــــــــــــــــــــــــ
Buck...
(قامت قدر مخضوضه من النوم وعرقانه ومش عارفه تاخد نفسها كويس لقت كريم بيبصلها)
كريم بنوم: مالك يا مامي
قدر اخدته في حضنها وهي بتنهج: مفيش حاجه يا حبيب مامي مفيش حاجه
كريم: امال مالك انت شوفتي حلم وحش
قدر: لا ياحبيبي مفيش حاجه يلا قوم اجهز عشان المدرسه
كريم بنوم: عشان خاطري يا مامي سيبني انهارده ومتروحيش الشغل وخلينا نقعد مع بعض بقالي...بقالي كتير مش بنام في حضنك او بتخرجي معايا ولا حتي بتلعبي معايا سيبيني ونبي
قدر بحنيه: حاضر ياحبيبي بس بشرط
كريم: ايه هو يا مامي
قدر بابتسامه: تجيب حضن كبيييير ل مامي
كريم بضحك: ههههه مامي حبيبتي
(كريم حضن قدر جامد بعدها بعد عنها)
قدر بحنيه: يلا بقي اسبقني علي اوضك وانا جايه وراك و اوعي تجري عشان متقعش ها واوعي تمد ايدك علي حاجه فاهم ولا اغير رأي
كريم: لا هسمع الكلام
قدر: يلا روح
(كريم راح للاوضة بتاعته وهي سرحت شويه)
قدر بقسوة: اترجيتك اكتر من مره اليوم ده متخلنيش اندم متخلنيش اخاف لكن انت كنت مصمم تعمل كل حاجه تخوفني وتندمني بعد اليوم ده انا انتهيت او بمعني اصح كنت لسة ابتديت انتهي جهز نفسك يا سيف عشان اللي جاي تقيل اووي شركتك عمالة تقع يوم بعد يوم وبكره.
انت كمان هتقع معاها بس الصبر الصبررررررر
يتبع