الفصل السابع
صباحا في قصر قدر *
قدر بابتسامه: حبيب مامي جاهز
كريم بفرحه: ايووووه
قدر بضحك: طب يلا بقا نروح نفطر مع خالتو حنين عشان متزعلش
كريم بضحك: اه صح عشان خالتو حنين قموصه
قدر بعتاب: ولد عيب كدا
كريم باسف: سوري مامي
قدر بابتسامه: بص يا حبيبي عاوزه اعلمك حاجه
كريم: ايه يا مامي
قدر: مش غلط انك تغلط لكن عارف ايه الغلط...الغلط هو انك غلط ومتعترفش بده لازم لما تغلط تعترف انك غلطان وتصلح الغلط ده ماشي ياروح مامي اتعلم ده كويس اووي
كريم بابتسامه: حاضر يا مامي
قدر بابتسامه: يلا بينا
كريم بفرحه: يلااااااا
(قدر وكريم نزلو لاقو حنين قاعده علي السفرة)
حنين بضيق: لسة بدري يا هانم انت والبيه
قدر: في حاجه ياحنين
حنين بضيق: في مصيبه
قدر بقلق: في ايه؟
حنين بضيق: جعانه...جعانه اووي ومستنياكي انت والبيه اتاخرتو وانا جعانه اووي شوفتي المصيبة
قدر تنهدت بارتياح: يا شيخه انا قولت في حاجه حرام عليكي وقعتي قلبي
كريم بضحك: حلو المقلب ده
حنين بابتسامه: انت مش راحه الشركه؟
قدر: كريم بيه زعلان عشان بقالي كتير مش بقعد معاه فقررت اني مش هاروح الشغل وهخرج انا وهو وهنبدا دلوقتي؛ صحيح ياكيمو تحب نروح فين دلوقتي...نروح النادي
كريم بفرحه: اه نروح النادي ونفطر هناك
حنين: نعم ياروح خالتك وانا هفطر لوحدي
قدر بابتسامه: تعالي معانا
حنين: للاسف عندي عملية كمان ساعتين
قدر بتفهم: اااه يادوب تفطري وتروحي المستشفى
حنين: ماهو عشان كدا انا هاخد سندوتش واجري
قدر: يابنتي لسة بدري
حنين: انا كنت هقعد عشانكم لكن انتو خارجين يبقي امشي انا بقي
قدر: لا اقعدي افطري
حنين: معلش يا قدر بقا لازم امشي يلا سلام يا قدر سلام يا كيمو
كريم: سلام يا خالتو
حنين بتحذير: كيموووو
كريم بضحك: سلام يا حنون
حنين: ايوة كده اظبط يلا لا آله الا الله
قدر: سيدنا محمد رسول الله،يلا احنا بقي
كريم: يلا
( قدر اخدت كريم وركبو العربيه وراحو النادي وهما في طريقهم للمطعم كريم خبط في بنت وكانت جميلة جداً وكانت بتعيط قدر بصتلها بشفقه وطت تكلمها)
قدر وبتمسحلها دموعها:مالك يا قمر بتعيطي ليه
البنت بعياط: عاوزة مامي وعاوزة بابي
قدر: ياروحي انتي تايهه، طب انت كنتي فين لما سبتيهم
البنت: مش عارفه
قدر بحزن: طب انت اسمك ايه؟
مجهول: لمييييييس
(بصت قدر لقت واحده جميله جدا شقراء وعيونها زرقاء وكانت بتجري وتعيط جت عليهم وحضنت البنت جامد وفضلت تعيط جامد)
: انا مش قولتلك متتحركيش ميشيتي ليه
لميس: انا اسفه
: شكرا يا مدام بجد متشكرة
قدر: تشكريني علي ايه انا معملتش حاجه انا اصلا لسة معرفتش اسمها ايه كانت بتعيط جامد
: باردو لو مكنتيش وقفتيها كان زمانها خرجت برا باب النادي؛(مدت ايدها للسلام): انا«نهال»
(مدت قدر ايدها للسلام بابتسامه خفيفه): انا قدر اتشرفت بحضرتك يا مدام نهال
نهال بابتسامه: الشرف ليا انا (تابعت بخضة) ينهار ابيض انا مكلمتش جوزي اقوله اني لاقتها زمانه دلوقتي عمال يدور عليها
قدر بابتسامه: طب عن اذنك انا فرصه سعيده
نهال بابتسامه: انا اسعد ماتيجي حضرتك نقعد مع بعض ونتعرف علي بعض
قدر: والله كنت اتمنى لكن انا رايحه المطعم عشان ابني ماكلش حاجه
نهال: انا كمان كنت في المطعم مع جوزي لما لميس تاهت؛ تعالي نفطر مع بعض
قدر بابتسامه: اعذريني مش عاوزة ازعج حضرتك وجوز حضرتك
نهال: تزعجي مين...جوزي...هههههه، احب اقولك ان جوزي عمره ماجه النادي معانا ويوم مايجي معانا بعد محايلة كبيرة الست لميس تتوه تعالي تعالي ده حتي وهو معايا بيتكلم في الشغل
قدر: خلاص ماشي يلا بينا
( نهال و قدر مشيو وراحو المطعم دخلو قعدو)
نهال بابتسامه: ثواني هاروح اكلم جوزي اقوله على مكانا عشان زمانه قلقان
قدر بابتسامه: اتفضلي
(ثواني و رجعت نيهال قعدت وطلبو الفطار)
نهال بابتسامه: نسيت اسالك الامور اسمه ايه
قدر: كريم
نهال: واو اسمه جميل وهو جميل ماشاء الله
قدر: ميرسي لذوقك
نهال: وعندك كام سنه يا كيمو
كريم بابتسامه: 9سنين
نهال: ربنا يحميك،لميس عندها 6سنين
قدر: ربنا يحميها
نهال: هو الاكل اتاخر كده ليه
قدر: زمانهم جايبينو دلوقتي
نهال: ياريت يجي قبل ما جوزي يجي
(دقايق وكان الفطار جه)
قدر بابتسامه خفيفه: و ادي الفطار جه
نهال بسعادة: و ادي سيف كمان جه
(اختفت ابتسامه قدر وخافت لما شافته لانه نفسه سيف مهران لانه كدا شاف كريم لكن دارت خوفها اما سيف فخاف لما شافها قاعده مع مراته قرب منهم ونهال اتكلمت)
نهال وهي ماسكه ذراع سيف بابتسامه: اعرفك ياسيف، مدام قدر هي اللي لاقت لميس، مدام قدر اعرفك جوزي س...
قاطعتها قدر بابتسامه خفيفه: استاذ سيف مهران صاحب شركات الملك جروب
قالت نهال باستغراب: حضرتك تعرفيه
قدر: اعرفه صميم المعرفه في بنا شغل
نهال بفرحه: واو يعني نقدر نبقي اصدقاء
سيف بتحذير: نهال!
قدر بخبث: طبعا يامدام نهال ده شرف ليا
نهال بسعاده: ازاي هنبقي اصحاب وانت بتقولي مدام
قدر: خلاص نهال، يلا نفطر بقي الاولاد ماكلوش
(تليفون نهال رن)
نهال باسف: طب معلش يا سيف اقعد انت افطر عقبال مارد علي ماما عن اذنك يا قدر
قدر: اتفضلي
(سيف اقعد وهو مش فاهم ردة فعلها والهدؤ اللي هيفيه حتى لما عرفت انها مراته ومين الطفل اللي معاها ده )
لميس: بابي طنط قدر طيبة اووي مسابتنيش لما كنت بعيط زي الناس التانيه
سيف بابتسامه: كلي ياحبيبتي، احم انا متشكر يا وَجد...
قدر وتحاول السيطرة على اعصابها: افندم؟!
سيف: احم قصدي مدام قدر
قدر بخبث: العفو علي ايه لميس دي زي بنتك ماشاء الله شبه مامتها لكن شوف يا استاذ سيف سخرية القدر فضلت حياتك كلها عمال تتسلي و يوم ماتتجوز جوازة حقيقه مش اي كلام ربنا يرزقك ببنت (واكملت وهي حاطة ايدها علي لميس ونظرة كره قوية وخفوت): مين يعرف يمكن ربنا رزقك ببنت عشان يتعمل فيها زى مانت عملت معايا (شالت ايدها واتكلمت عادي): اصل انا بؤمن بالمقولة اللي بتقول " كل ساقي سيسقى بما سقى ولو بعد حين والله يومهل ولا يهمل كما تدين تدان
(كريم بص لها بقلق منها ومن كلامها فضلو باصين لبعض كتير بصات كره وخوف حتي اتكلم كريم)
كريم وهو ياكل: مامي ممكن العصير
قدر بتوتر تحاول تخفيه: لما تاكل الاول ياحبيبي
سيف بتساول: بالمناسبه ابنك ده
كريم: مانا لسة قايلها مامي يبقي اكيد ابنها يا ذكي
قدر: كريييم انا قولت ايه لما الكبار يتكلمو انت تسكت وبعدين دي طريقه تتكلم بيها
كريم بحزن: اسف يا مامي، اسف يا ابيه
قدر حضنته واتكلمت بحنية: خلاص ياروحي متزعلش كدا انا مش زعلانه يلا افطر عشان نمشي
كريم بسعادة:حاضر يا مامي
سيف بابتسامه خبيثة: اللي يشوفك وانت بتتكلمي معاه مايشوفكيش وانت بتتكلمي معانا في الشركه
قدر بتعالي: اصل في ناس مينفعش معاها الحنية والمعامله الكويسة ابدا
سيف ويحاول كتم عصبيته: وياترا فكرتي في العرض اللي عرضناه عليكي
قدر وهي تشرب القهوة ومش بصاله: اولا ده مش مكان نتكلم فيه في الشغل ثانيآ انا قولتلك هفكر وابلغك يبقي خلاص انتهينا
سيف بإماء: تمام
(نهال جت وهي زعلانه ومضايقه)
نهال بحزن: سوري اتاخرت عليكم
سيف: مالك يا نهال
نهال بابتسامه حزينه: مفيش يا حبيبي انا كويسه، الا مقولتليش صحيح يا قدر عندك اخوات
قدر: عندي اخت واحده
نهال: ربنا يديمها لك
قدر: يارب
نهال: طب تعالي نتعرف على بعض بشكل كامل انا عندي اخ واخت انا الكبيرة مامي محاميه وبابي صاحب شركات هندسه معمرية عمران السيوفي
قدر: اتشرفنا اعرفك انا بقي عن نفسي انا عندي اخت واحده بابا وماما متوفيين انا ابقي صاحبة شركات الإمبراطورة جروب للاسترداد والتصدير انا اكبر من اختي اما حالتي الاجتماعية بقي ارمله
نهال باسف: سوري اني فكرتك بوفات جوزك مكنتش اعرف انا كان قصدي نتعرف بس
قدر: لا ولا يهمك عادي
نهال:ممكن اسال سؤال من باب الفضول
قدر بتعجب:اسالي
نهال:انت اتجوزتي عن حب
(قدر استغربت السؤال وكمان سيف قدر سكتت شويه بعدين اخدت نفس عميق واتكلمت)
قدر: ايوة لكن كان من طرف واحد
نهال:اااااا يعني ايه مش فاهمه؟
قدر بقسوة: يعني الحب كان جاي من جهة واحده
نهال: اووو فهمت
قدر بخبث:بالمناسبه استاذ سيف يعرف جوزي الله يرحمه كويس أووي
سيف بصدمه:انا؟!
قدر:هو حضرتك نسيت انك حضرت فرحي
نهال باستغراب: ده بجد
قدر: اصل قبل مابقي مديرة اعمال كنت شغاله في شركة استاذ سيف
نهال بصدمه: واااااو يعني في معرفة قديمه،لكن انت ليه ياسيف عمرك ماجبتلي سيرة الموضوع ده ولا حتي الشغل اللي بينكم
سيف بتوتر:ها...اااا...مجتش فرصه
كريم: خلصت يا مامي
قدر: اشرب العصير عشان نمشي
سيف: وتمشي ليه احنا ممكن نقضي اليوم كله كلنا مع بعض
نهال بسعاده: طب والله فكره
قدر: لا شكرا انا مش هاقدر اجي انا ورايا شغل مهم ولازم امشي اعذروني
كريم: يلا يا مامي
قدر بابتسامه خفيفه: يلا ياحبيبي، فرصه سعيده مع السلامه يا نهال مع السلامه يا لميس
نهال: مع السلامه
(قدر مشيت وهي مش عارفه تعمل ايه بعد ما سيف شاف كريم خايفه انه يتاذي خايفه انه ياخده منها لكنها قالت بكل قوة): مش هسمحله ياخد ابني مني مش ده اللي كان هايموتهولي انا بقا مش هخليه ياخده مني ابدااا
كريم: مامي
قدر: ايوة ياحبيبي
كريم: هنروح فين
قدر بابتسامه: هاودي كيمو الملاهي
كريم بفرحه: هيييييييييي
(قدر حضنته جامد وسرحت في الماضي تاني)
ــــــــــــــــــــــــــــــــــــــــــــــــــــــــــــــــــــــــــــــ
flash back…
(صباحا تاني يوم بعد الفرح في احد الفنادق الفخمه وَجْد نايمه وسيف بيحاول يصاحيها)
سيف بمرح: وَجْد وَجْد حبيبتي اصحي
وَجْد بنوم: سيبني انام ياسيف عاوز مني ايه
سيف بحب: هو ايه اللي عاوز ايه اصحي عاوزين نفطر ونخرج نتمشي شوية على البحر
وَجْد بنوم: انا مش جعانه روح كل انت
سيف: مش هعرف اكل لوحدي قومي بقي
وَجْد: حاضر هقوم اهو وسع اما اقوم
سيف بحب: يلا قومي عوزين نتبسط
(بص لقاها نامت تانى قرب وشالها)
وَجْد شهقت وخوف: ايه يا سيف في ايه
سيف: بما انك مش عاوزة تصحي هصحيكي بطريقتي
وَجْد بخوف: لا لا لا لأ لأ انا صحيت اهو انت رايح فييييين
سيف ويدعي البرائة: أبداً يا قلبي انا هاخدك زي الشاطرة ارميكي في البانيو واشغل عليكي الماية عشان تصحي وبعدها انت اتصرفي مع نفسك
وَجْد بصريخ: لااااااا خلاص خلاص انا فوقت اهو
سيف نزلها واتكلم بخبث: ايوة كده يلا اجهزي
وَجْد بضيق: حاضر
سيف بمشاكسة: قمر ياناس متجوز قمر
وَجْد بضيق: القمر متزفت داخل يلبس
سيف باس جبينها: طب متتاخريش
(وَجْد لبست وخرجو راحو المطعم يفطرو)
سيف بابتسامه: يلا افطري عشان نتمشي شوية
وَجْد بتوتر: ممكن اطلب منك طلب صغير
سيف وهو يأكل: قومي كلميها
وَجْد بصدمه: اكلم مين؟
سيف: حنين
وَجْد بصدمه: وانت عرفت ازاي اني عاوزة اكلمها
سيف بابتسامه: عارفك وحفظك يلا قومي
وَجْد: ربنا يديمك ليا يا حبيبي
(وَجْد قامت اخدت التليفون وراحت تكلم حنين)
وَجْد: الو
حنين بنوم: يابنتي هو انت ورايا ورايا حتى وانت مسافرة مش مخلياني اعرف انام
وَجْد بضحك: حقك عليا كنت عوزة اطمن عليكي
حنين بنوم: سيبني انام وانا هبقي كويسه
وَجْد: حد مزعلك عندك
حنين: هو انا لحقت اقعد عشان حد يزعلني انا لسة جاية امبارح وبعدين هو مش عيب عليكي تكوني في شهر العسل وتكلميني والله عيب عليكي
وَجْد بضيق: تصدقي انا غلطانة اني بفكر فيكي
حنين: اه صح انت غلطانه سيبيني انا بقي
وَجْد بضيق: ماشي يا حنين سلام
حنين: استني
وَجْد: مش كنتي عاوزة تنامي
حنين: سيبك مني انت عامله ايه مبسوطه
وَجْد بفرحه: اووووي
حنين بابتسامه: ربنا يسعدك، يلا روحي لجوزك ياختي ومتتصليش عليا تاني
وَجْد بضحك: سلام يا غلاباوية
(وَجْد قفلت مع حنين ورجعت ل سيف لكن شافت حاجه سحبت الدم من عروقها وخلاها تفور من العصبية شافت سيف بيسلم عٌلَيَ بنت وبيبوسها وبعدها البنت خضنته بكل وقاحه قربت منهم وهي تستشيط غضب وحالفة انها هتبهدلهم)
سيف بابتسامه: وَجْد كويس انك جيتي احب اعرفك زيزي صديقة ليا، زيزي اعرفك مدام وَجْد مراتي وحاليا بنقضي شهر العسل
زيزي بحقد: مبروك يامدام وَجْد
وَجْد بضيق: لا مدام ايه بقي مانت عمالة تسلمي وتبوسي وتحضني معدش فيها مدام وزفت
سيف بتحذير: وَجْد في ايه مالك؟
زيزي بابتسامه مستفزه: سيبها ياسيف خير يامدام وَجْد سيف صديق عزيز عليا مالك معصبة نفسك ليه ماتهدي كدا ده انت حتي عروسه مينفعش تعصبي نفسك بحجات تافهه زى دى
وَجْد بضيق وسخرية: صح انت صح مينفعش اضايق طب انا عندي فكره ايه رأيك تاخديه وتطلعو ترايحو فوق شويه
سيف باحراج ويجز علي سنانه: وَجْد كفايه
زيزي باستفزاز: طب عن اذنك يا سيف لو عوزت اي حاجه ابقي كلمني انت عارفني علي طول هنا في شرم لو عوزت اي حاجه كلمني مش هسيبك
وَجْد بغيره: وفين يابيبي، قوليلو مش هسيبك يابيبي
سيف بحدة: شششششش
زيزي: good luck
(زيزي جت تمشي وَجْد مسكت كوباية عصير المانحة ومثلت انها خبطت فيها و وقعته علي بلوزتها البيضا و زيزي كانت هتنفجر)
وَجْد بتمثيل: Or chit اسفة مكنش قصدي وبعدين انت ماشية بسرعه
زيزي يغضب تخفيه: ولا يهمك يا مدام وَجْد
سيف: تحبي اساعدك في حاجه
وَجْد بضيق: هتساعدها ازاي انشاء الله هتديها قميصك وبعدين اصلا انت ازاي لابسة كدا بلوزه كب ومعكيش شال حتي كنتي داريتي بيه البقعة
زيزي بضيق: عن اذنكم
وَجْد بخبث: اذنك معاكي ياختي
(زيزي جت تمشي وَجْد حطت رجلها كعبلتها وقعت كل اللي في المطعم ضحك عليها و وَجْد فرحت)
وَجْد بتمثيل: لا بقي ده انت اكيد محسوده
زيزي بغضب: انت قصداها
وَجْد بتمثيل: مين انا طب و غلاوتك عندي أبداً
(كل ده و سيف واقف بيحاول يمنع نفسه انه يتعصب زيزي مشيت وهو مسك وَجْد من ايدها)
سيف بعصبية مكتومه: ايه اللي انت عملتيه ده
وَجْد بضيق: عملت ايه وبعدين تعلالي هنا بقي انا اسيبك اروح خمس دقايق اعمل مكالمه ارجع الاقيك بتشقط و وبتتشقط ده احنا لسة في شهر العسل وحصل كدا امال بعد شهر هتعمل ايه بص يابن الناس اللي تسيبه الهانم تاخده مساحة السلالم عن اذنك اخرج مع نفسك.
(سيف واقف مصدوم من كلامها وهي سابته وطلعت الاوتيل وهو بعدها طلع لقاها قاعده متعصبه وبتتفرج على التليفزيون)
سيف بعصبية: انت ازاي تسيبني وتمشي وانا بكلمك ها وبعدين انت ايه اللي عملتيه مع زيزي ده
وَجْد بعصبية: اهلااااا جينا للزفته ام شعر احمر بنت كوم شكاير الجزم خييير معملتش حاجه هي اللي مش مظبوطه وهي جاية تبوس وتحضن في راجل متجوز وقال ايه مش هسيبك ايييييه مكنتو طلعتو رايحتو شويه وانا استناكم اشرب حاجه
سيف: انا مش فاهم ايه اللي حصل لكل ده عادي يعني وبعدين هي مكنتش تعرش اني اتجوزت
وَجْد بانفعال: نعععععم ياعنيا ولو متعرفش تقربيلك ازاي بقولك ايه متكلمش ام اربعه واربعين دي تاني
سيف بضحك: هي مش كانت ام شعر احمر دلوقتي
وَجْد بعصبية: سييييف
سيف: خلاص خلاص relax (سيف قرب منه وعلي وشه ابتسامه خبيثه حاوطها بايده من علي وسطها وهي كانت بتحاول تبعده): لا بس ايه ده كله ده انت طلعتي بتغيري عليا جامد وانا مش واخد بالي
وَجْد بضيق: عشان مابتحسش
سيف بخبث: انا...مين ده...طب ده انا اجدع واحد يحس باللي قدامه على كول
وَجْد بضيق: وسع يا سيف انا مش طايقه نفسي
سيف: ليه بس يا قمر
وَجْد بضيق: متعصبنيش ايه اللي خلاك تقرب من الملزقة دي
سيف بابتسامه: خلاص ياستي مش هكلمها تاني
وَجْد بغل: والله العظيم لو ماكنش فيها حبس انا كنت كسرت الكوبايه علي دماغها
سيف بضحك: يا شرسة انا سلمت عليها وبوستها عش....
وَجْد بعصبية: متفكرنييييييش
سيف بضحك: ههههههه حاضر بس انا مردتش اكسفها بس
وَجْد بضيق: لا يا راجل شهم اووي وادبا بقي للشهامه دي انت انهارده هتنام علي الكنبه
سيف بانفعال: نعممم ياختييي ده اللي هو ازاي يعني مش فاهم
وَجْد بضيق: هو كدا زي الناس
سيف بدلال: و اهون عليكي يا عشقي
وَجْد بغيز: وانا مهونتش عليك
سيف: خلاص بقي محصلش حاجه متزعليش
وَجْد: لا انا زعلانه اووي و كمان ....
(سيف قطع كلامها وباسها برقه وهى للحظه تجمدت بس بعد كدا اتجاوبت معاه وضمته ليها جامد وثواني وهي زقته وطلعت تجري منه)
وَجْد بعصبية وكسوف: انت قليل الادب
سيف بضحك: انا قليل الادب
وَجْد بضيق: ايوة ويلا امشي من هنا
سيف: طب ايه رأيك بقي اني هاخد بوسة كمان
وَجْد بتحدي: بعينك ده عند امه يا ادهم
سيف: انت بتتحديني طب تعالي بقي
(سيف فضل يجري وراها وهي تجري منه ويضحكو كانو مبسوطين و وَجْد كانت فرحانه اووي وبتضحك من قلبها وكانت مطمنه وهي معاه لكن هل الفرحه دي هتدوم علي طول)
ـــــــــــــــــــــــــــــــــــــــــــــــــــــــــــــــــــــــــــــــــ
Buck…
*في فلة الملك وتحديدا غرفة المكتب *
سيف: كل ده يا سمير عشان تيجي
سمير: يابني الدنيا زحمه وبعدين ايه الحاجه المهمه اللي انت عاوزني فيها قلقتني
سيف: وَجْد
سمير بقلق: مالها وَجْد
سيف: مش مطمنلها رجوعها باسم قدر ده مش عاجبني اكيد وراها حاجه
سمير: ياخي ممكن تكون غيرت اسمها بس عادي بتحصل
سيف: اسكت اسكت انت متعرفش اللي حصل انهارده كنت عاوز الارض تبلعني من اللي حصل
سمير: ايه اللي حصل
(حكاله سيف اللي حصل وسمير كان مصدوم)
سمير بصدمة: وَجْد قالت كدا
سيف وكان هايتجنن: اه القطه المغمضة البريئه فتحت وطلعلها انياب وضوافر وبتخربش لا وتقول ايه ل نهال ده حضر فرحي مكنتش عارف اعمل ايه
سمير: اهدي اهدي لكن الولد اللي كان معاها ده ابنها
سيف: ايوة وتقولك انا ارملة انا مش فاهم حاجه (سيف لف ل سمير واتكلم بشك وخفوت): انت مش قولتلي انها لما كنت حابسها الدكتورة قالت انها سقطت وان الجنين مات
سمير بضيق: ايوة كانت بتستنجت بيا عن طريق الدكتوره اللي صقطتها بامر منك يعني اكيد مش ابنك بلاش غباء بقي
سيف بصوت عالي: امال ابن مين هتجنن هطق
سمير: يهمك في ايه انت مش طلقتها يبقي خلاص
سيف بعصبية: يهمني انها شادة حيلها اووي ومش خايفه دي كانت بتترعب مني و مكنتش غيرانه لما نهال مسكت فيا وفضلت تقولي حبيبي دي كانت بتولع في اللي بتبقي بتسلم عليا بالايد ايه اللي حصل وتقولك انا ارملة وجوازها كان حب طرف واحد وقال ايه كمان انا حضرت فرحها والاسؤ تقولي هايحصل في بنتك زي مانت عملت معايا
سمير: وانت عملت ايه لما قالت لك كدا
سيف بعصبية: لساني اتربط معرفتش ارد واقولها على الشغل تقولي لما اقرر انتهينا دي وَجْد اللي كانت لو اتكلمت معايا متبطلش كلام ساكته ومش مديا للي بيكلمها اي قيمه.
سمير بضيق: وانت يعني فاكرها بعد كل اللي انت عملته فيها هتفضل تحبك اما انك غبي بصحيح (كمل بعصبية) انت ناسي انت عملت فيها ايه انت دمرتها فاهم يعني ايه دمرتها
سيف بعصبية: هو انت مش هتتغير؛ اموت واعرف مين اللي هربها من المخزن ومين اللي هرب اختها من الڤلي مين اللي عمل كده انت نفسك لما عرفت ملحقتش توصلها لا ويومها تسجيلات كاميرات الڤلي والمخزن اتسرقت مين عمل كل ده
سمير: انت بتفكر في الماضي ليه دلوقتي مش مهم ده حصل ازاي المهم انها موجوده خلاص حصل اللي حصل وبعدين انت تاعب نفسك ليه كل شيء بكرا يبان كل باوانه.
سيف وهو ساند على المكتب بايده: صح معاك حق كله باوانه وكل شيء هيبان وهعرف انت ناويه علي ايه يا وَجْد وكله باوانه