الفصل التاسع
في الاوتيل الذي يقيم فيه وَجْد و سيف*
ـــــــــــــــــــــــــــــــــــــــــــــــــــــــــــــــــــــــــ
سيف: شايفك مستعجله عشان نرجع
وَجْد بابتسامة: بصراحه اه حنين وحشتني اووي
سيف بغموض: ماتسمعي الكلام وخلينا هنا يومين كمان صدقيني انت هنا احسن من هناك
وَجْد: لما انت واختي تكونو جمبي هبقي مبسوطه اكتر عشان اكتر اتنين بحبهم معايا
سيف: تمام، بس خليكي فاكره ان انت اللي اخترتي
وَجْد بابتسامة: ماشي ياسيدي عن اذنك اغير هدومي عشان نلحق نوصل بدري
سيف: تمام
(وَجْد مشيت دخلت الحمام وهو اتكلم بغموض)
سيف في نفسه: صدقيني هتندمي انك رجعتي
(وَجْد دخلت بدلت هدومها بدريس بيچ وحطت حجابها واخدت شنطتها السوداء وخرجت لسيف)

وَجْد: انا جاهزه
سيف: وانا كمان خلصت
وَجْد: ايه رأيك؟
سيف بالامبالا: جميلة
وَجْد باستغراب: انت كويس
سيف: اه جدا، يلا بينا عشان منتاخرش
وَجْد: يلا
(وَجْد وسيف خرجو من الاوتيل وركبو العربية دي كانت رغبت وَجْد عشان بتخاف من الطيارة وسيف مرداش يجادلها و وافق على طول وهما في الطريق كان الصمت يعم المكان محدش كان بيتكلم لحد ما وَجْد حست بالزهق وكسرت الصمت)
وَجْد بتساول: سيف انت مدايق من حاجه
سيف: وهدايق من ايه
وَجْد: حساك فيك حاجه وبصراحه اكتر قلبي مش مطمن نهائي فيك حاجه
سيف: نهائي مفيش اى حاجه ده احنا حتي قدينا اسبوع حلو ايه في كدا يدايق
وَجْد: بس عرفت مالك
سيف: بجد!؟، طب كويس وياترا مالي بقي
وَجْد: انت زعلان عشان احنا راجعين
سيف: براكه انك حاسة
وَجْد: سيف ارجوك افهم وضعي انا عمري ماسبت حنين كل ده طول عمري واخده بالي منها وانا بعد عنها كتير اووي وهي وحشتني اووي عشان خاطري بلاش تزعل مني بليييييز
سيف بابتسامه: خلاص ياستي مش زعلان
وَجْد: احلف كدا
سيف بابتسامه: وحياتك عندي مش زعلان
وَجْد بسعاده: طب متشغلنا حاجه تسلينا في الطريق اصل الطريق طويل اووي
سيف بابتسامه: بس كده من عيني، تحبي اشغلك ايه تسمعي مين
وَجْد بتفكير: امممم أم كلثوم
سيف: من عيوني
(سيف شغلها الاغاني وجت اغنيه أم كلثوم الليل وسماه ونجومه وقمره و وَجْد كانت بتغني مع الاغنيه وتبص ل سيف بحب)

وَجْد بغناء: الليل وسماه ونجومه وقمره، قمره وسهره
وإنت وأنا يا حبيبي أنا يا حياتي أنا
كلنا، كلنا في الحب سوا
والهوى آه منه الهوى
الهوى آه منه الهوى، آه منه الهوى، آه منه الهوى
سهران الهوى يسقينا الهنا ويقول بالهنا
سيف: بقولك ايه يا وَجْد
وَجْد بابتسامة: ايه يا حبيبي
سيف: ماتيجي نعمل بكلام الست ونرجع ونقعد مع بعض ومع الليل وسماه ونجومه وقمره وكل الحاجات الحلوه دي وسيبيك من موضوع الرجوع ده خالص
وَجْد بضحك: لأ لأ خلينا زي ماحنا كده خلينا نروح
سيف: خلاص ماشي انت اللي اخترتي
وَجْد: ماشي ماشي الاغنيه خلص يلا هات اي اغنيه تانيه او اقولك انا هنام شويه عقبال مانوصل
سيف: ماشي ياقلبي.
(عدا الوقت و وَجْد نايمه و سيف سايق بيفكر في حاجه طول الطريق وبعد وقت طويل وصل سيف و وَجْد لامام ڤيلا الملك سيف صحي وَجْد)
سيف: وَجْد...وَجْد حبيبتي اصحي يلا وصلنا
وَجْد بنوم: حاضر صحيت اهو
(وَجْد وسيف دخلو القصر ولقو حنين في اسقبالهم وبجري علي وَجْد بفرح وحضنت وَجْد جامد)
حنين: قلبي اللي واحشني
وَجْد: وحشتيني اووي
حنين بعدت عن وَجْد و وجهت كلامها ل سيف: ازيك يا ابيه سيف حمدلله علي السلامة
سيف بضحك: ابيه ايه بس قوليلي يا سيف عادي خليكي فريش كدا
حنين اتحرجت: وَجْد اطلعو استريحو وانا هخلي خديجه تحضرلكم العشاء
سيف: لأ لأ احنا كالنا في الطريق هنطلع ننام
وَجْد: اه انا بصراحه جعانه نوم
حنين: طب خلاص تصبحي علي خير، تصبح علي خير يا ابيه
سيف بمرح: ابيه ايه بقي مش قولتلك خليكي كوول اسمي سيف انا مش كبير يعني
حنين باحراج: عن اذنكم تصبحو علي خير
وَجْد بابتسامة: وانت من اهل الخير يا حبيبتي
(حنين مشيت وسيف و وَجْد طلعو غرفتهم)
وَجْد: الڤيلا حلوه اووي يا سيف
سيف: طب كويس انها عجبتك بس بزمتك مش القاعده في شرم والاوتيل احلي من الڤيلا
وَجْد بابتسامة: بصراحه اه بس هنا حلو باردو مش وحش يعني، بالحق كنت عاوزة اسالك علي حاجه
سيف: اسألي ياروحي
وَجْد بعفويه: هو سمير مش هايجي مكلمتوش من ساعة الفرح واحشني الواد ده
سيف بعصبيه: نعم ياختي هو مين ده اللي واحشك
وَجْد بخوف: في ايه يا سيف انا قول...
قاطعها سيف بزعيق: اخر مره اسمعك تقوليها انت فاهمه
(قال الكلمه الاخيرة بزعيق جامد نزلت دموعها)
وَجْد ببكاء وصوت مبحوح: حاضر فاهمه عن اذنك
سيف بعصبيه: راحه فين
وَجْد ببكاء: داخله اغير هدومي عشان انام
(وَجْد دخلت الحمام فتحت الماء وفضلت تعيط لانه كسر فرحتها لكن ليه وعشان ايه وهي عملت ايه مسحت دموعها وغيرت وخرجت لاقته هو كمان غير ونايم نامت جمبه وادته ضهرها وهو قفل النور وفضلت تعيط طول الليل وتقول في نفسها)
وَجْد ببكاء في نفسها: ربنا يسامحك يا سيف زي ماكسرت فرحتي (مسحت دموعها) انا مش هعيط ولا هكلمه غير لما يحس انه غلطان ويعتذر،ايوه انا كده صح انا معملتش حاجه عشان يزعقلي.
ـــــــــــــــــــــــــــــــــــــــــــــــــــــــــــــــــــــــــــــ
Back...
(في ڤيلا الملك وتحديداً غرفة سيف)
نهال: على فكرة انت اسلوبك كان وحش مع قدر
سيف بضيق: ماخلاص بقي يا نهال اللي حصل حصل قولت لك اتفجئت مش اكتر
نهال بضيق: انا نازله اشوف الغداء
سيف: ابعتيلي سمير على المكتب
(في مكتب سيف)
سمير: يا خير
سيف بتفكير : بقولك ايه ماتكلمها
سمير باستغراب: اكلم مين؟
سيف: وَجْد
سمير بصدمه: نعم ياخويا
سيف: افهم بس، هي طول عمرها بتستريح لك و بتعتبرك اخوها وانت اول واحده استنجيت به كلمها بحجه انك بتطمئن عليها اكمنك بقالك سنين ما شفتهاش ولا تعرف عنها حاجه مره في مره حاول تعرف ايه اللي في دماغها
سمير: انسى مش هاعمل اللي انت بتقول عليه ده
سيف: تصدق يالا انك عيل واطي
سمير: تشكر ياعم بس باردو لأ
سيف: اوعي تقولي انك خايف من وَجْد
سمير: اولا اسمها قدر،وَجْد دي كانت زمان ثانيا مش خايف انا مش عايز اشاركك في الاعيبك
سيف: بقي كدا
سمير: اه وعن اذنك بقي عشان جعان
سيف: غور في داهيه يالا
سمير: قال اكلم قدر قال لا ياخويا انا لسة صغير وعاوز اتجوز ابعد عني بمصايبك ده انت وشلفتك امال انا بقي هتعمل فيا ايه لا ياخويا يفتح الله
سيف بعصبيه: اطلععع برااااا يا سمييييير
(سمير طلع حري وسيف فضل يفكر ازاي يعرف وَجْد بتفكر ازاي وهي ناويالو على ايه)
ـــــــــــــــــــــــــــــــــــــــــــــــــــــــــــــــــــــــــــــــــ
(في قصر قدر)
حنين: بقولك ايه ياقدر انت هتعملي ايه مع اهل سامر يوم الجمعه
قدر بخبث: ملكيش دعوة ياحنين خليكي في نفسك
حنين بضيق: يوووو بقي عشان خاطري قولي لي
قدر: مش هقولك وريحي نفسك
حنين:حاضر سكت انا هقوم اشوف كيمو
قدر: وانا هروح اعمله شوربة واحصلك
حنين: طب ماتخلي سنية تعملها
قدر: لا انا هعملها له
حنين: براحتك
(حنين طلعت اوضت كريم وقدر راحت عملت الشوربة وطلعت لكريم لقته بيتكلم مع حنين)
قدر بحب: ياترا كيمو حبيبي بيتكلم في ايه
كريم: خالتو عاوزة تديني دواء وحش
قدر: معلش يا روحي خده عشان تخف وتبقي كويس مش انت بطل الابطال مش بيتعبو
كريم: حاضر هاتي ياخالتو
حنين: خد ياروحي
(كريم خد الدواء و هو مضايق)
قدر: شطور يلا بقي عشان تشرب الشوربه دي وتنام عشان شكلك تعبان اووي
كريم: هو انت هتروحي الشغل وتسيبيني يا ماما
قدر بحب: لا ياروحي انا مش هاروح انا هفضل معاك مش هاروح في حته، يلا اشرب بقي
كريم بتعب: حاضر يا ماما
(عدي اليوم على ابطالنا وعدي اليوم التاني بدون اي احداث جديده سيف بيفكر في قَدر و قَدر مشغوله بتعب كريم و حنين كانت فرحانه عشان سامر هتتجوز سمير وجه يوم الجمعة)
قَدر: خلصتي لبس يا حنين
حنين بفرحه: ايوة خلصت ايه رأيك...حلوة؟

قَدر بابتسامه: زى القمر ياااااه اخيرا هتتجوزي
حنين: انا فرحانه اووي
قَدر: ربنا يسعدك يا حبيبتي
حنين بصدمه: انت لسة ملبستيش؟
قَدر: كنت بتمم على شويه حاجات رايحه البس اهو
حنين: طب يلا روحي انتي مستنيه ايه
قَدر: راحه اهو، انزلي تحت اقعدي في المطبخ مع خديجه وكريم عقبال مايجو ومتخرجيش منه غير لما انا انادي عليكي فاهمه ولا لأ
حنين بصدمه: مطبخ...مطبخ ايه ده انا عروسه؟
قَدر: هتقعدي معاها مش هتعملي حاجه يلا انزلي
حنين: ايوة بس...
قاطعتها قَدر: هتنزلي ولا اللغي واخلي الجمعه الجايه وانت عرفاني اعملها
حنين: يابنتي انا اصلا مولودة في المطبخ، روحي انتي اجهزي
(قَدر مشيت وحنين نفخت بضيق ونزلت المطبخ و قَدر كانت بتلبس وهي فرحانه لفرحة اختها خلصت لبس ونزلت لهم تحت و حنين شافتها)

حنين: زي القمر كالعاده لكن ممكن يا قَدر متلبسيش اسود انهارده عشان خاطري
قَدر: ليه يعني ده حتي الاسود سيد الالوان وبعدين احنا مش اتكلمنا في الموضوع ده كتير خلاص بقي
حنين:ايوة بس....
(الجرس رن وهما بيتكلمو قَدر راحت بنفسها استقبلتهم ودخلو قاعدو واتعرفو علي بعض)
شاهين برسمية: حضرتك احنا جايين انهارده طالبين يد الانسة حنين لابني
قَدر برسمية: اول حاجه مش عوزه حضرتك تقولي حضرتِك دي تاني حضرتك في مقام والدي ثانيا انا يشرفني اني اناسب حضرتك
شاهين:طب ممكن نعرف ايه هي طلباتك
قَدر بجدية:انا عاوزه حاجه واحده بس
دُرية: اتفضلي
قَدر: سعادة حنين لازم تفهم يا سامر ان حنين دي مش اختي دي بنتي انا اللي مربياها يعني لو يوم لقيت اختي بتعيط بسببك انا اللي هقفلك واظن الحق والصراحه ميزعلوش
سامر بتوتر: طبعا يا مدام انا عمري ماهزعلها
شاهين: طبعا عارفه سامر شغال ايه واحنا ايه
قَدر: طبعا عارفه سامر بيشتغل مدير قسم الحسابات في شركة الملك جروب وحضرتك طبعآ فاتح مكتب محاسبة في مدينة نصر والمدام فاتحه مكتب محامه في اكتوبر
شاهين بصدمه: ده حضرتك عارفه كل حاجه بالتفصيل حتي الاماكن
قَدر: لازم اطمن علي اختي
دُرية: يعني حضرتك موافقه
قَدر: طبعا موافقه لكن في حاجه
سامر بقلق: خير حضرتك لو هتسالي علي هنعيش فين هنعيش في الڤيلا بتاعتنا مع والدي و والدتي يعني ده لو مش هيضايق حضرتك او حنين
قَدر: دي حاجه راجعه لحنين، انا كنت هقول ان لو انشاء الله لو الموضوع تم الفرح انا اللي هعمله وهيكون في خلال شهر و نص.
سامر بجدية: انا اسف يا مدام قَدر لكن انا احب ان الفرح يكون عليا انا لان زي محضرتك عارفه ان هي دي الأصول
قَدر: طبعا عارفه ان دي الأصول لكن انا عاوزة يكون عليا هديتي ليكم
شاهين: طب سامر كان عاوز لما نقرا الفاتحه يلبسها الدبلة علي طول وكمان بعد ازن حضرتك طبعا لو يكتبو الكتاب الاسبوع الجاي
قَدر: والله دي باردو حاجه ترجع ل حنين
دُرية: طب هي فين العروسة
قَدر: تعالي يا حنين
(حنين دخلت وهي مكسوفه سلمت على شاهين و دُرية ومسلمتش على سامر وقعدت جمب قَدر)
قَدر: حنين...سامر عاوز يكتب الكتاب الاسبوع الجاي وتعيشو في الڤيلا مع اهله انت ايه رأيك؟
حنين بكسوف: اللي تشوفيه يا
قَدر
قَدر: لا بدام العروسه دبستني يبقي نقرأ الفاتحه
(قراءو الفاتحه وسامر قام لبس لحنين الدبله وحنين لبسته دبلتو باردو وقعدو شويه مع بعض وبعد ساعه مشيو وحنين طلعت اوضتها وقدر طلعت مع كريم الاوضة غيرت ومسكت تليفونها وطلعت الرقم اللي كانت طلباه قبل كده)
قَدر: الو
: الو مين
قَدر بخبث: ازيك يا نهال عامله ايه انا قَدر
نهال: قَدر ازيك عامله ايه انت جبتي رقمي منين
قَدر بخبث: مش صعب عليا اني اجيب رقمك
نهال: على العموم انا كنت طلبت رقمك من سيف لكن قالي انه مش معاه كنت عوزاكي
قَدر: هو فعلا رقمي مش معاه المهم كنتي عوزاني في ايه
نهال: كنت عاوزة اعتذر لك عن اسلوب سيف معاكي
قَدر: لا لا ولا يهمك المهم بنوتك عامله ايه
نهال: خفت الحمدلله و كريم بقي احسن
قَدر: اه الحمدلله انا بس حبيت اطمن علي بنتمك
نهال: هي كويسه الحمدلله
قَدر: طيب تمام تصبحي علي خير
نهال: وانت من اهل الخير، باي
ــــــــــــــــــــــــــــــــــــــــــــــــــــــــــــــــــــــــــــــــــ
(نهال قفلت مع قَدر وسيف طلع الاوضه)
سيف: منمتيش ليه
نهال بابتسامه: مش هتصدق مين اللي كلمني
سيف: ياترا مين
نهال: قَدر
سيف بصدمه: قَدر...ليه؟!
نهال: كانت بتطمن علي لميس
سيف: وبعدين
نهال: ولا قبلين قفلت
سيف بقلق: اممم طب يلا نامى
(نهال نامت وسيف فضل يفكر في قَدر)
ـــــــــــــــــــــــــــــــــــــــــــــــــــــــــــــــــــــــــــــــــ
(في نفس الوقت كانت قَدر بتبتسم بخبث)
قَدر: شهر ونص وانت هتنتهي يا سيف أجهز عشان اللي جاي كله خراب
(صباحا في قصر قدر، قَدر قامت غيرت وبدات يومها بنشاط ونزلت للفطار

قَدر: صباح الخير يا سنية
سنية: صباح الخير ياست هانم
قَدر: امال حنين فين
سنية: الست حنين نايمه قالتلي محدش يصحيني
قَدر: طب خلاص انا خارجه كريم هايصحي فطريه وخدي بالك منه عقبال ماحنين تصحي
سنية: امرك يا ست هانم احدرلك الفطار
قَدر: لا مليش نفس اكيد يعني مش هفطر لوحدي
سنية: ماشي يا هانم
(قَدر خرجت ركبت العربيه وامرت السواق يتحرك لكن مقالتلوش يتجه للشركه لمكان تاني)
ــــــــــــــــــــــــــــــــــــــــــــــــــــــــــــــــــــــــــــــــ
(في ڤيلا الملك)
سيف بضيق: ايه اللي جابك من الصبح كده يازفت
سمير بمرح: والله انا كنت معدي من هنا لقيت حاجه بتقولي انزل اشوفك واشوف عروستي مش كده يا لولو يا عروستي
لميس: بضحك: كدا يا ميرو
نهال بابتسامه: تعالي يا سمير افطر
سمير: سبقتكم روحو انتو
سيف:احسن باردو يلا نروح احنا
لميس بفرحه وصوت عالي: طنط قَدر
(لميس جريت على قَدر و قَدر شالتها وباستها وسيف اتصدم وسمير قرب لسيف وهمس)
سمير بهمس: سبحان الله طول عمري باركة
نهال بسعاده: قَدر ازيك عامله ايه
قَدر: تمام الحمدلله
نهال بابتسامه: بنت حلال تعالي افطري معانا
قَدر: لا انا جايه اقولك حاجه وامشي على طول
نهال: اخس عليكي يا قَدر المرة اللي فاتت مشيتي عشان كان كريم تعبان والمرة دي ايه
سيف بتوتر: خلاص...خلاص يا...يانهال سيبيها علي راحتها انت زي ماتكوني قفشتي حرامي
نهال بضيق من سيف: جرا ايه يا سيف
قَدر بخبث: وانا مقدرش ارفضلك طلب يا نهال
نهال: بجد!؟
قَدر: طبعا احنا اصحاب
نهال: طب يلا اتفضلي
(نهال وقدر و لميس و سيف و سمير قعدو على السفرة وبدأو يفطرو وسيف كان هيطق)
نهال: ماتفطر يا سيف مالك
سمير بضحك: ايو يا سيف افطر يا حبيبي شكلك هفتان و وشك مصفر زي اللمونه
سيف: تعرف تسكت
قَدر: بالحق يا نهال اختي هتتجوز بعد شهر ونص
سمير بفرح: بجد هي حنين لسه متجوزتش
قَدر بابتسامه خفيفه: لا لسه وكنت جايه بنفسي اعزمك يا نهال
نهال: طبعا هاجي
قَدر: تمام دعوة الفرح هتوصلك
(سيف كان ساكت وبياكل)
قَدر بخبث: صحيح كنت جايبة لك هديه بسيطه مهايا يا نهال
نهال باستغراب: هديه ليا انا؟
(قَدر فتحت شنطتها وطلعت منها علبة قطيفه كبيره و خلت اتجاه العلبة لنهال وفتحتها واول مافتحتها سيف كان بيشرب عصير شرق جامد من الصدمه فكان في العلبة السلسله اللي كان سيف اداها ل«وَجْد» في عيد ميلادها واللي سماها مفتاح قلبه و قَدر مدتلوش اي اهتمام)
نهال بخضه: على مهلك ياحبيبي
سيف هداء: انا كويس
نهال بصدمه: هي دي الهديه البسيطه يا قَدر دي غاليا اووي اعذريني مش هقدر اقبلها
قَدر: يبقي انت كدا بتلغي الصداقه اللي بنا
نهال: لا مش قصدي بس...
قَدر: مبسش ياتقبليها ونفضل صحاب يااا
نهال: خلاص خلاص هديه مقبوله شكرا يا قَدر
قَدر: ولو احنا صحاب المهم تكون عجبتك
نهال باعجاب: تحفة، بص يا سيف حلوه مش كده
سيف يتوتر: اااا...اه...اه...اه حلوه
قَدر بخبث:طب ايه رأيك تلبسهالها بنفسك
سيف:ها؟
نهال:خد لبسهالي يا سيف
سيف:ح...حا...حاضر
(سيف قام مسك السلسله واعصابه متوتره لبسها لنهال و قَدر بصتلهم وافتكرت لما لبسهالها)
قَدر: استأذن انا بقي
نهال: اقعدي شويه
قَدر: ورايا شغل كتير وكمان واضح ان جوزك مش مرحب بيا وانا محبش كده
سمير بيحاول كتم الضحكه: لا متقوليش كده سيف بس تعبان شويه
قَدر بخبث: لا الف سلامه عليك يا استاذ سيف اجمد كده ده انا كل ما شوفك الاقيك تعبان ده الجايات كتير....كتير اووي
سيف: انا ماشي يانهال يلا يا سمير
(سيف وسمير خرجو وقبل مايركب العربية وقفه صوتها قربت وهي على وشها ملامح انتصار)
قَدر بخبث: ياريت ياستاذ سيف اشوفك مع نهال في الفرح وانت طبعا يا استاذ سمير تشرفني طبعا
سمير بابتسامه:طبعا هاجي واشوف الغلاباوية الصغيرة متشوق اشوفها اووي
قَدر بخبث: هانت هانت بس ياريت ياستاذ سيف تكون خفيت يوم الفرح عشان محدش يفتكر انك شوفت عفريت ولا حاجه (جت تمشي رجعت تاني واتكلمت بنظرة خبيثه) امانتك رجعتلك مش قولتلي انها امانه اديني رجعتهالك تاني...سلام.
(قَدر مشيت بكل كبرياء وسيف اتجمد مكانه)
سمير: انت ياعم
سيف: ها...ايه في ايه
سمير: مش السلسله دي شبه اللي كانت وَجْد بتلبسها
سيف: قصدك هي اللي كانت بتلبسها اللي انا كنت جايبهالها يوميها قولتلها دي امانه واهي دلوقتي بتقولي الامانه رجعت لاصحابها...اااااااه انا ضغطي ارتفع ومعدش فاهم حااااااجه
سمير بضحك: ههههه اهدي بس ههههههه اهدي اهدي ههههههه متعملش في نفسك كدا ههههههه
سيف بعصبيه: اسكت يا سمير مش نقصك
سمير بضحك: انا بحاول ابطل والله ههههههه لكن مش ههههه مش قادر ههههههه
سيف بتعب واضح: انا حاسس ان دماغي هتنفجر
سمير انتبه انه تعبان: مالك ياعم انا بهزر معاك
سيف بتعب: مش...مش قادر اقف
سمير بخوف: طب ادخل الڤيلا
سيف: دايخ اووي
سمير بخوف: طب تعالي تعالي
(سيف لسه بيتحرك وقع مغمي عليه)
سمير بخوف: سيف...سيف مالك...سيف فوق كده سييييييييف
(خرجت نهال علي الصوت)
نهال بخوف وصراخ: سيف..سيف حبيبي مالك...ماله يا سمير
سمير: مش عارف تعالي نوديه المستشفى
نهال ببكاء: طب يلا بسرعه
(سمير ونهال خدو وراحو بيه علي المستشفى و سمير كان هايتجنن علي صاحبه ونهال كانت حضنا سيف وعماله تعيط جامد؛ ياترا ايه اللي هيحصل لسيف تاني و قَدر ناويه علي ايه تاني)
######################
ــــــــــــــــــــــــــــ