الفصل الثاني عشر
في فيلا الملك*
(وَجْد قاعده جمب سيف في الصالون وحنين قاعده معاهم)
وَجْد بسعادة: تعرف ياسيف انا فرحانه ان هيكون عندي أبن منك
سيف بابتسامه: وانا كمان ياقلبي مبسوط ان هيكون عندي ابن منك انت
حنين بمرح: إحم إحم نحن هنا
سمير من وراهم:راعو ان في سناجل هنا
وَجْد بابتسامه: سمير...جيت امتي
سمير بمرح: ماهو اصل من لقي احبابه نسي اصحابه بقالك شهر مبتكلمنيش
وَجْد: اسفه والله الحمل متعب اووي وعلى طول تعبانه
سيف بسخريه: صعب جدا لدرجة انك تصحيني 3الفجر تقوليلي نفسي في مانجة...اجبلك مانجة منين في الشتاء ردي عليا
وَجْد بضيق: بتوحم الله ابني ونفسه في مانجة مجبلوش يعني
سمير: لا ازاي المفروض كان شق الارض وجابلك مانجة
وَجْد: شوفت زي مانا قولتلك يوميها
سيف بصوت عالي: انت هتستعبطي
وَجْد بصدمه: انت بتزعقلي ياسيف عاااااااااااااااا
حنين: يخربيتك ودني يابنتي
سيف بانزعاج: اسكتي ونبي
وَجْد بعياط: طلقنيييييي انت مش بتحبني طلقنيييييي
سمير بصدمه: انت اتهبلتي يا وَجْد
سيف: والله بحبك اهدي بقي اهدي
وَجْد: أحلف
سيف: وحياتك بحبك ❤
وَجْد بابتسامه: وانا بحبك اووووووي
حنين: يخربيت هرمونات الحمل الغبية اللي هتطلع علينا واولهم جوزك
سمير: الله يكون في عونك والله
سيف: عشان تعزوروني لما افقد اعصابي
وَجْد: انا عاوزه اكل شاورما
سيف: عيوني حاضر حاجه تاني
وَجْد بتفكير: اممممم اه عاوزه شاورمه لحمة وشاورمه فراخ وبيبسي وتفاح وبرتقال وشيبسي بالطماطم وكيكه بالكريمة وبسكوت بالشيكولاته بس
سيف وسمير وحنين بصدمه:بس؟!
وَجْد بابتسامه: ايوه مالكم في ايه
سيف: لا ابدا عيوني حاضر
سمير: بقولك يا سيف، المفروض ان لازم حد يسافر لندن عشان الصفقه هتم من هناك
سيف: والمطلوب
سمير: تسافر
سيف: سافر انت
سمير: نعم ياخويا
سيف: عندك اعتراض
سمير بضيق: لا ابدا، انا اسافر شهر برا وانت تقعد هنا مرتاح
سيف: تمام، هتسافر بكرا مش كده
سمير بضيق: ايوه ياخويا انا هقوم امشي عشان احضر شنطة السفر
وَجْد: ترجع بالسلامة يا سمير
سمير: اشوف وشوكو بخير
حنين: ترجع بالسلامة يا ابيه
سمير: الله يسلمك يام لسانين، يلا سلام ياسيف سلام يا وَجْد
سيف و وَجْد: مع السلامه
ــــــــــــــــــــــــــــــــــــــــــــــــــــــــــــــــــــــــــــــــــ
Back…
*سمير سايق في اتجاه للشركه *
سمير يتحدث في التليفون: الو…ايه ياسيف
سيف: انت فين؟
سمير: انا جايلك أهو
سيف: متتاخرش عشان عاوزك في موضوع مهم
سمير: اهو انا مبخفش غير من مواضيعك
سيف: اخلص يالا
(سيف قفل في وشه وسمير بص للتليفون وفضل يشتم لحد ماطلعت بنت في وشه و وقف بسرعه لكن خبط البنت اتخض ونزل يشوفها)
سمير بقلق: انت كويسه يا انسة
: ااااااااه هبقي كويسه ازاي بذمتك ااااااااه
سمير: اسف والله ماختش بالي
البنت بعياط و وجع: أصرفها فين مش قادرة من وجع رجلي ااااااااه يا ماما
سمير: ابوس رجلك وطي صوتك عشان الناس متتلمش ويعملولي مشكله
البنت بانفعال: ده انا هحبسك ده كل اللي همك
سمير بتوتر: طب تعالي اوديكي المستشفى
البنت بوجع وصراخ: مستني ايه من بدري
(سمير شالها وهي صوتت)
البنت بغضب: نزلني ياحيوان
سمير بضيق: استغفر الله العظيم مش انت يابنتي مش قادره تدوسي علي رجلك
البنت: يا اما تتحرك يا اما تنزلني يا حيوان انت استحليتها
سمير بضيق: اوووف
(سمير حطها في العربية وركب جمبها ولسه هيتحرك)
البنت: استني عندك
سمير بنفاذ صبر: خيير
البنت: انزل هات الحاجه اللي وقعت مني لما البعيد خبطني ونزلني قعدني ورا
سمير بضيق: اوووف حاضر
(سمير جاب الحاجه حطها في العربية من ورا وركب جمبها ولسه هيتحرك)
سمير بضيق: يا صبر ايوب في ايه ثاني عاوزه ايه؟
البنت: ركبني ورا يا أخ انت
سمير بضيق: اولا اسمي سمير ثانيا هتقعدي هنا مش سواق الهانم انا عشان انت تقعدي ورا وانا اسوق ثالثا من دلوقتي لحد ما نوصل المستشفى مسمعش صوتك خالص انت فاهمه عشان انا على أخرى
البنت بسخريه: طيب يا استاذ سمير لو سمحت عايزه اركب ورا عشان ما ينفعش اركب جنبك
سمير بصدمه:وحياه امك يا شيخه ده وقت انك تقولي اركب فين واحده غيرك كانت سكتت
البنت بوجع: طيب تمام ممكن تمشي بقى عشان رجلي بتوجعني
سمير وهو بيتحرك:ما احنا قلنا كده من الاول اريد قوي يا اسمك ايه
البنت بوجع: هويام اسمي هويام ااااااااه
سمير: سوري لكن مين اللي سماكي الاسم ده
هويام بوجع: ماما ليه؟
سمير بسخرية: شكلها كانت بتتفرج علي حريم السلطان كتير
هويام بوجع: ماتتظبت ياعم انت وسرع شويه
سمير بسخرية:تعرفي بقي انك شبه السلطانة هويام في كل حاجه ماعدا لسانك ده
هويام بعصبيه:هو انت هتصاحبني يالا ولا ايه
سمير بصدمه:يالا...؟! بقي عيون السلطانة هويام دي تقول يالا
هويام بعصبيه: ما هو زي ما كانت السلطانه هويام حلوه كانت بتخربش وانا بعيد عنك اسم على مسمى فما تخلينيش اقلب عليك
سمير: اقولك علي حاجه انا مستحملك بس عشان مقدر وضعك كويس
هويام بسخرية: لأ كتر خيرك والله
سمير: انت مسلمة بقي ولا مسيحيه
هويام بانفعال: ااااااخ يا برميل الذكاء امال انا لابسة الطرحة ليه زينة مثلاً
سمير بضيق: ما تحترمي نفسك يا بنت انت ما اخدتش بالي هو انا عارف اركز معك من ساعه ما طلعت في وشي الله يخرب بيتك يا شيخه ما بتفصليش ابدا
هويام: بسرعه بقولك رجلي بتوجعني ياما اتصل با أخويا اخليه يحبسك انت لسة متعرفش انا مين
سمير بنفاذ صبر: ومش عاوز اعرف اسكتي بقا
هويام بوجع: ااااااااه سكت.
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الانصاري*
(مراد قاعد مركز في الملفات وفجأة الباب اتفتح جامد و مراد اتخض وكان صديقه معتز)
معتز بمرح: اتخضيت يابيبي يقطعني
مراد بضيق: الله يخربيتك خضتني
معتز: لا متتخدش ياخويا ده العادي بتاعي بحب اعمل فيك مقالب
مراد: اهبل أعملك ايه
معتز: من يومي، المهم عملت ايه في الشحنة اللي مش عاوزة تيجي دي
مراد: اتحلت
معتز: بالسرعة دي
مراد بفخر: يابني انا مش أي حد
معتز: عاش ياوحش، المهم باردو حلتها ازاي
مراد: اتافقت مع شركه تانيه وهي هتحل المشكله
معتز: انت لحقت تلاقي شركة تتفق معاها، وياترا شركة ايه دي اللي لحقت تتفق معاها دي بقي
مراد: شركة الإمبراطورة جروب
معتز بصدمه: انت اتهبلت
مراد: ليه
معتز: الكل بيقول ان مديرة الشركه دي صاعبة جدا وعمر ماحد شافها
مراد: والله لما نبقي محترمين معاها مش هتبقي صعبه ولا حاجه واخرج من نفوخي بقي
معتز: انت حر مديت العقود
مراد: انا لسة رايحلها امبارح هنمضي امبارح باردو
معتز: ومقولتليش ليه انك روحت
مراد: كنت هاجي علي هنا واعرفك لكن اختي كلمتني وكانت تعبانه فنسيت اقولك
معتز: الف سلامة عليها مالها
مراد: الله يسلمك، ولا حاجه كان ضخطها واطي شويه عشان ماكنتش اكلت
معتز: لأ ألف سلامة، هتمضي امتي العقود
مراد: يوم الاربعاء
معتز: يعني بعد بكرا
مراد: بالضبط كدا
معتز: طب بقولك
مراد: مممم
معتز: هي كبيرة؟
مراد بأستغراب: هي ايه؟
معتز بابتسامه عريضة: قدر الاسواني مديره الشركه اصل باين من اسمها انها كبيرة
مراد: لأ مش كبيره شابة عادي
معتز: حلوة؟!
مراد: متحترم نفسك يالا انت
معتز: هو انا غلط في بنت اختك ياعم انت، انا ماشي
مراد: رايح فين؟
معتز: مروح هموت وانام
مراد: كسلان افندي، روح على شغلك
معتز: لأ ياعم انا عاوز أنام
مراد: طب خدني معاك
معتز مقلداً مراد: كسلان افندي روح على شغلك
مراد: خفة اووى امشي عاوزين نتغدي ونرجع
معتز: نرجع…قصدك اتغدى وارجع انا هروح
مراد: لا يالا
معتز: امرك يباشا
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر قدر *
قدر بتصحي حنين: اصحي ياحنين اتأخرتي
حنين بنوم: عشر دقايق ونبي
قدر بعصبيه مزيفه: انا مش قولت قومي
حنين بخضه: انا صحيت اصلا بس كنت بخطف حلم وجيالك تاني
قدر: قومي يلا
حنين: حاضر
(حنين قامت و قدر خرجت لكريم)
كريم: مامي
قدر: ايه ياروحي
كريم: هتروحي الشغل
قدر: ايوه ياروحي
كريم: ممكن اطلب طلب
قدر بابتسامه: اطلب ياقلب ماما
كريم: ممكن اجي معاكي
قدر: مينفعش والله يا كيمو
كريم: عشان خاطري يا مامي
قدر: مينفعش والله اخدك معايا الشغل
كريم بضيق: اووف
قدر: خلاص متزعلش جبتلك البلايستيشن غير اللي عندك اللي باظ ده
كريم بفرحه: بجد ياماما
قدر بابتسامه: بجد ياروحي
كريم: هو فين؟
قدر: فوق في الاوضه بتاعتك
كريم: انا هروح اشوفه
قدر: استني بس ياعم الفرحان، ده مش هيشتغل غير يوم الجمعه وبس، انت فاهم
كريم: لييه
قدر: عشان عندك مذاكره
كريم بضيق: يوووه
قدر: اطلع ذاكر يلا
كريم: حاضر
(كريم طلع وحنين نزلت)
حنين: هاااي
قدر: هاي ورحمة الله وبركاته
حنين: حد يصحي حد كدا
قدر: انا مش فاضيه لك يلا افطري و روحي على شغلك
حنين: معايا سندوتشات، يلا سلام .
قدر: سلام.
(حنين مشيت و قدر ندهت علي سنية)
سنية: امرك ياست هانم
قدر: خلي بالك من كريم عقبال ماحنين ترجع
سنية: مش هيروح المدرسه ياست هانم
قدر: معدوش حاجه مهمة انهارده اقعدي معاه ومتخليهوش يشغل البلايستيشن وخليه يقعد يذاكر واكليه كويس
سنية: من عيني حاضر
قدر: يلا سلام
سنية: مع السلامه ياهانم
(قدر خرجت ركبت العربية واتجهت للشركه)
ــــــــــــــــــــــــــــــــــــــــــــــــــــــــــــــــــــــــــــــــــ
*في المستشفى عند سمير و هويام*
(سمير وصل قدام المستشفى ونزل وساب هويام)
هويام بضيق: انت يا بني ادم
سمير: خير
هويام: رايح فين وسايبني
سمير: رايح اجبلك كرسي متحرك
هويام بصدمه: اااخ ياحيوان انت بتفول عليا
سمير بضيق: الصبر يارب، ادخلك بيه جوا بدال ماشيلك مش انت بتضايقي اني بشيلك
هويام: طب يلا امشي
سمير بضيق: استغفر الله العظيم
(سمير دخل جاب كرسي وسندها تقعد عليه وزقها ودخل المستشفى و وقف قدام موظفة الاستقبال)
سمير: لو سمحتي الانسة في عربية خبطتها فاكن..
هويام مقاطعه: في ايه ياخويا…عربية خبطتها، ماتقول ان انت اللي خبطني مالك
سمير بضيق: استغفر الله العظيم، ايوة انا اللي خبطها ممكن دكتور يشوف رجلها مالها
موظفة الاستقبال:حضرتك ممكن تاخدها على غرفة 407 ودكتور خالد هيجي لحضرتك
سمير: تما...
هويام مقاطعه: مش عاوزة دكتور
سمير بنفاذ صبر: امال عاوزة ايه سباك
هويام: لا عاوزة دكتوره
موظفة الاستقبال: مفيش مشكله يا فندم هخلي الدكتوره مودة تروح لحضرتك، بس استاذنك تملي الاستماره دي
(سمير ملئ الاستماره و هويام مضت)
سمير: اتفضلي
هويام: فين؟
سمير بسخرية: في الصالون تسترحي شويه، على الاوضة عشان نشوف رجلك
هويام ببرود: طب ماتزق ولا هقز انا مثلآ
سمير وهو بيمسك الكرسي وبيزقه: حاشا لله
(سمير دخلها الاوضة والدكتوره دخلت وطلبت منه يعملها اشاعة علي رجلها دلوقتي)
هويام: انت ياعم المرسيدس
سمير: انا مش قولتلك اسمي سمير
هويام بلا مبالا: what ever ممكن معملش الإشاعة
سمير: و ده من ايه انشاء الله
هويام: عشان محدش يكشفلي رجلي لو ست ماشي
سمير بضيق: اوووف حاضر ماهي مستشفى ابونا هي
هويام: علي فكره كتر العصبية ممكن يجبلك جلطه وتموت او تتشل لاسمح الله
سمير: اقعدي ساكتة
(سمير دخلها تعمل الإشاعة وبعدين رجعو للدكتوره وقالت ان الخبطة كانت قوية عليها وحصلها كسر بسيط وهتعملها جبيرة وادتها مسكن لالم رجلها)
هويام بتعب: اللهي منك لله ياستاذ سمير اشوفك مكاني يابعيد
سمير بسخرية: ولازمتها ايه استاذ بقي صحيح خيراً تعمل شراً تلقي
هويام بانفعال: اه صح لما تخبطني كدا خير فعلاً
الدكتوره: لو سمحت يافندم ممكن تستني برا
سمير: تمام، ابقي اعملي لها جبيرة في لسانها
هويام: نعم ياخويا
سمير: انا خارج برا
(سمير خرج وفضل يبرطم بالكلام)
سمير بضيق: طب واقسم بالله انا غلطان اني سعتها المفروض كنت سبتها بسبب ام لسانها الطويل ده لأ وقال ايه هويام دي مينفعش يكون اسمها هويام المفروض يبقي اسمها نار
: انت بتكلم نفسك يا أبيه سمير
سمير اتلفت لقي حنين: حنين بتعملي ايه هنا
حنين: دي المستشفى بتاعتي
سمير بتفاجئ: ايه ده بجد؟
حنين: ايوة مستشفى «حنين القدر» مانا قولتلك قبل كدا
سمير بتذكر: اه صح انا،اصلا ماختش بالي من اسم المستشفى كنت عاوز مستشفى في أسرع وقت لقيت المستشفى في طرقي وقفت ودخلت علي طول
حنين: حضرتك تعبان؟
سمير بضيق: ياريت كنت أنا…خبط واحده بالعربيه وجبتها المستشفى مبتفصلش وعصبيه وصدعت لي دماغي نفسي اولع فيها
حنين بضحك: هههه طب اهدي شويه علي نفسك مش كده هي عملت ايه لكل ده
سمير بضيق: عليها لسان طويل بشكل بطول المستشفى دي كلها
حنين بضحك: معلش، بس قولي بقي
سمير: خير
حنين بخبث: هي حلوه؟!
سمير بتلقائية: مزة شبه السلطانة هويام بالضبط اسما علي مسمي
حنين بضحك: حقها تتنك ياعم
سمير وتدارك ما تفوه به: لأ مش قصدي لكن...
حنين: بس بس خلاص اتكشفت واللي حصل حصل
سمير بضيق: حنين ممكن تدخلي تشوفيها عشان انا اتخنقت
حنين: حاضر دخلالها اهو
(حنين دخلت وتليفون سمير رن وكان سيف)
سمير: الو
سيف: انت فين يا زفت
سمير: في المستشفي
سيف: ليه؟
سمير: خبط واحده بالعربيه وجبتها المستشفى
سيف: طب وانت كويس يعني
سمير: انا كويس، المهم انا هتاخر عليك انهارده
سيف: تمام ماشي خد بالك من نفسك، سلام
سمير: سلام
هويام من وراه: يلا ياعم المرسيدس
سمير:اللهم طولك ياروح
حنين: تحب اساعدك في حاجه يا أبيه
سمير: لا ياحنون تسلمي، انت مش عاوزة حاجة
حنين بابتسامه: لأ يابيه شكرا، بس لازم الانسة هويام تيجي كمان اسبوعين عشان نطمن على رجلها، الف سلامة عليكي ياقمر
هويام بابتسامه: الله يسلمك
سمير بسخرية: بعد آذن الهانم ممكن يلا عشان السواق عنده شغل
هويام:ده واجب عليك ياخويا، يلا اخلص
سمير بضيق: اوووف سلام ياحنين
حنين: سلام يا أبيه
ـــــــــــــــــــــــــــــــــــــــــــــــــــــــــــــــــــــــــــــــــ
*في شركة الإمبراطورة جروب*
(قدر بتتكلم في التليفون باللغة الألمانيّة)
قدر بجدية:Herr. Albert, ich habe Ihnen ein Fax geschickt, um einen Vertrag mit Al-Ansari abzuschließen (مستر ألبرت لقد ارسلت لك فاكس من اجل التعاقد مع شركة الانصاري)
Herr Albert :Ja, Madame-Faxe haben mich erreicht und alles ist unter Kontrolle. Keine Sorge(نعم مدام لقد وصل لي الفاكس وكل شيء تحت السيطرة لا تقلقي)
قدر بجدية: Ich möchte, dass Sie mir die Verträge am Mittwoch senden, um so schnell wie möglich einen Vertrag abzuschließen (أريدك أن ترسل لي العقود يوم الأربعاء من أجل إنجاز العقد في أقرب وقت ممكن)
Herr Albert : Nun Madame (حسنا مدام)
قدر: Wie sind die Bedingungen des Unternehmens, das Sie haben, ist alles unter Kontrolle (ما حال الاوضاع عندك هل كل شيء تحت السيطرة)
Herr Albert: Ja, Madame, machen Sie sich keine Sorgen (أجل مدام لا تقلقي)
قدر بجدية: Wir sehen uns, Herr Albert (إلي اللقاء مستر ألبرت)
Herr Albert: Auf Wiedersehen, Madame (إلي اللقاء مدام)
ـــــــــــــــــــــــــــــــــــــــــــــــــــــــــــــــــــــــــــــــــ
*عند سمير و هويام*
هويام: ماتشغلنا حاجه نسمعها ياعم انت
سمير بضيق: تحت امرك تحبي تسمعي ايه
هويام بابتسامه: شغلنا عنبة
سمير باستغراب: مين ياختي؟
هويام: عنبة يا عم انت متعرفوش
سمير بسخرية: لأ والله محصليش الشرف
هويام: ده انت فاتك كتير اووي، استني انا هشغل
(هويام اتلفتت جابت شنطتها وطلعت فلاشة)
سمير باستغراب: ايه ده؟
هويام ببراءة: كنزي ده الكنز بتاعي اللي جواها اللي بيخليني مبسوطه وفرحانه
سمير بابتسامه: طب ماتشغلي يلا
(هويام شغلت الفلاشة والاغنيه اشتغلت وفضلت تغني مع الاغنيه وسمير اتفاجئ من الاغاني وكان حاسس بانزعاج لانها كانت معليا الصوت)
هويام بغناء بصوت عالي: مجنون و دماغى طاقة هربانة ننى
يا برووووو
انا بكسب اى عاركة اجبارى هتموت من الخوووووف
ليه بتجرى و تستخبى
ولا مالسلاح ده تدووووق
رجلى انا على الارض ثابتة
هعملكم فتة
يا زبوووون
وسع يالا البابا جيه
اى حد ادوس عليه
هتنسى نفسك ولا ايه
عناب تقيل غشيم عليك
غلطت يسطا وده عقابك
انك تقابل العصابة
مش هتفلت مالاصابة
العصابة حضرت
يا حبيبى
سمير وقف العربيه مرة واحده وقفل الاغنيه واتكلم بانفعال: حبك برص يابعيده ايه اللي انت مشغلاه ده بزمتك في بنت بتسمع الحاجات دي
هويام: مش انا بسمع
سمير: اه
هويام باستفزاز: يبقي في
سمير بضيق: ياشيخه
هويام: طب خلاص هشغلك الحتة الجوانية
سمير بعدم فهم: مين؟!
هويام: تامر حسني، استني
(سمير اتحرك بالعربيه وهي شغلت الاغنيه وغنت معاها بصوت عالي جدا وسمير كان مضايق)
هويام بغناء بصوت عالي: قدمت لك السبت وعمري
ما شفت الحد ولا الإثنين
هتعب نفسي معاك ليه يعني
ما أشوف بقى نفسي وأعيش لي يومين
آه ألف سلامة طريقك وردي، وقتك عدى وقتك فات
خذت كثير من عمري و وقتي، يلا كفاية بقى وألوهات كرّهتني في الحب وسيرته وقلبي وطيبته وشوفت معاك
أيام صعبة الله لا يعدها بس في بيتها أروح وأنساك
وإبقى قابلني إن حد بجد عمل ربع اللي عملته معاك
سمير وقف العربيه مرة واحده وقفل الاغنيه واتكلم بانفعال للمرة التانيه: ربع الصداع اللي كنتي بتجبيهولو، بصي من دلوقتي لحد مانوصل لبيتك مسمعش صوتك ماشي
هويام: مالك يا سماسيو قفوش كدا ليه
سمير بضيق: اسمي سمير انت فاهمه
هويام: تمام يا استاذ سمير ممكن نتحرك
(سمير اتحرك وفضلو ساكتين لكن هويام كسرت السكوت واتكلمت برقة عكس اول ماقبلتو)
هويام بابتسامه: استاذ سمير
سمير: اممم
هويام بابتسامه ورقه: شكرا على اللي انت عملته معي واسفه على طريقتي معك لكن انا لما بتعصب او بحس بوجع مابعرفش انا باقول ايه ما تزعلش مني حضرتك شخص محترم وانا كنت قليلة الذوق معك قوي انا اسفه وشكرا مره ثانيه.
سمير بابتسامه: لأ ولا يهمك المهم انك بخير
(يعم السكوت لحد ماوصلو)
سمير بابتسامه: واضح انك مش السلطانة هويام في الشكل وبس لا حتي في القصر
هويام بابتسامه: والله كان نفسي اقولك اتفضل لكن اخويا مش موجود
سمير باعجاب واول مره يركز في ملامحها اووي: لأ عادي انا اصلا عندي شغل
هويام بابتسامه: عن اذنك
سمير بسرعه: استنى، هنزل اسندك
هويام: لأ شكرا هخلي حد من الحرس ينادي لكريمة الشغالة تسندني
سمير: خلاص خليكي لحد ماينادولها
(هويام امرت حد من الحرس يشيل الحاجه من العربية وينده للشغالة)
سمير: ممكن رقمك
هويام باستغراب: ليه
سمير: يعني عشان ابقي اطمن عليكي وكمان اخدك المستشفى تاني
هويام بابتسامه: لا ميرسي اخويا هايوديني
سمير: لأ والله مايحصل مش انا اللي خبطتك يبقي انا اللي اتحمل نتيجه اللي عملته
هويام بابتسامه: ياسيدي كتر خيرك
سمير: ونبي مايحصل
هويام: طب اكتب عندك الرقم
سمير: اتفضلي قولي
هويام: 010********
سمير بابتسامه: ميرسي
هويام: متتصلش بيا بليل عشان مش برد علي حد بليل تمام
سمير: تمام
(كريمه جت سندت هويام عشان تدخلها وهويام بصت لسمير وابتسمة ودخلت القصر وسمير مشي و هو جواه فرحة مش فاهم ايه سببها)
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر قدر *
(حنين دخلت القصر جريت على كريم)
حنين: مساء الخير يا كيمو
كريم بابتسامه: مساء النور يا حنون
حنين بابتسامه: اتأخرت عليك
كريم: مقعديش كتير اصلا
حنين: عشان ماكنش في حاجه في المستشفى
كريم: فضلت اذاكر لحد مازهقت
حنين: كنت العب
كريم بضيق: ماما قالتلى مشغلش البلايستيشن
حنين: ليه
كريم: قالتلي في الاجازة بس
حنين بتفكير: اممم طب قوم نشغله
كريم: ماما هتزعل
حنين: لأ مش هتزعل يلا قوم، اصلا هي مش هتعرف اصلا هنقفله قبل ماهي تيجي
كريم بفرحه: طب يلا بينا
حنين: يلا ياروحي
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الملك جروب*
سيف: كفارة
سمير: ايه ياعم ده مقابل واحد خارج من السجن
سيف: انت اتاخرت ليه
سمير: عقبال مالبنت اتعملها جبيرة و وصلتها وجتلك اهو
سيف: كويس انها عدت علي خير
سمير بابتسامه: الحمدلله
سيف بنظرة خبيثه: هي حلوه البنت دي؟
سمير بضيق: ماتحترم نفسك ياعم انت فين إيه
سيف بضحك: مالك اتحمقت ليه
سمير بتوتر: لا مفيش وانا هتحمق ليه يعني
سيف باستفزاز: يابني فكك البنات كلها صنف واحد
سمير بغضب:مسمحلكش هويام غير اي واحده زباله انت عرفتها
سيف بضحك: وقعتك يا نمس هههه بيضحك عليك بسهولة وعرفت اسمها هههه
سمير بضيق: متستعبطش
سيف: انا باردو، ده انت اوعي تقولي انك حبتها من اول نظرة وشغل الافلام ده
سمير: حب ايه اللي انت بتتكلم عنه، اخلص وقول كنت عاوزني في ايه عاوز أمشي
سيف: كنت عاوز اسالك اذا كنت هتروح فرح حنين اخت وَجْد ولا لاء
سمير: هروح طبعا وبعدين الفرح لسة بدري عليه وكمان هو انت مكلمني اجيلك عشان كدا
سيف: ماتكلم الست وَجْد ولا قدر دي تشوف وافقت على العرض ولا لاء دي بقالها اكتر من اسبوع بتفكر
سمير: ياعم كبر دماغك وقت ماتوافق هتقول وبعدين يعني تلاقيها مشغوله بتحضيرات فرح أختها اصبر انت بس
سيف: اووف ماشي
سمير: استاذن انا بقي
سيف: رايح فين
سمير: هطير، مروح
سيف: خدني معاك
سمير: تعالي ياخويا
(سمير وسيف نزلو وكل واحد ركب عربيتو ومشيو وسمير لاحظ الفلاشة بتاعة هويام لسة موجوده شالها وابتسم بعدها اتصل علي هويام)
ــــــــــــــــــــــــــــــــــــــــــــــــــــــــــــــــــــــــــــــــــ
*عند هويام*
(هويام كانت نايمة علي السرير بتعب وبتفكر في تفاصيل اليوم وفجأة تليفونها رن برقم غريب اتردت ترد في الاخر ردت)
هويام: السلام عليكم
سمير بابتسامه: وعليكم السلام، انسة هويام انا سمير
هويام: اهلا استاذ سمير
سمير: رجلك عامله ايه دلوقتي
هويام بابتسامه: الحمدلله
سمير: كنت عاوز اقولك انك نسيتي الفلاشة بتاعتك في العربية
هويام بتذكر: اه صح نسيت اخودها وانا نزله ده انا قلبت عليها الشنط
سمير: متقلقيش هجبهالك بكرا
هويام: لأ متتعبش نفسك، انا هبقي اشوف طريقه اخدها منك
سمير: ياستي ولا تعب ولا حاجه هجبهالك بكرا
هويام بخجل: شكرا بجد ياستاذ سمير واسفة علي طريقتي معاك مرة تانيه
سمير بابتسامه: شكلك بتحبي الاعتذار كتير وانا مبحبش كدا وبعدين ايه استاذ سمير استاذ سمير شيفاني مدرس جغرافيا
هويام بضحك: هههه امال اقول ايه
سمير بابتسامه: قوليلي سمير وبس
هويام بكسوف: تصبح علي خير يا..
سمير مقاطعة: يا ايه؟
هويام بضحك: هههه ياسمير
سمير بابتسامه: وانت من اهله يا..
هويام بمقاطعة: يا ايه؟
سمير بضحك: هههه يا هويام
(هويام قفلت وسرحت شويه وفجأة الباب اتفتح وكان اخوها داخل وباين عليه الخوف جري عليها وقعد جمبها وحضنها جامد وبعدين بعدها عنه واتكلم بخوف شديد عليها)
: انت كويسه يا حبيبتي
هويام بابتسامه: انا كويسه الحمدلله ايه الخوف ده كله
: ايه اللي حصلك ومكلمتنيش ليه وبعدين ماخديش الحراسة معاكي ليه؟!
هويام بضحك: حيلك حيلك في ايه اهدي كدا
: انجزي يا هويام قولي لي ايه اللي حصل
هويام: محصلش حاجه كنت في المول بعد ماخلصت وانا بعدي الطريق عربية خبطتني صاحب العربيه اخدني وداني المستشفى وخلصت و وصلني علي هنا وانا من اللي حصل نسيت اكلمك
: انا مت من قلقي عليكي
هويام: متخافش عليا انا كويسه
: طيب اكلتي واخدتي الدواء
هويام بابتسامه: ايوة وهنام كمان اهو
: نامى يا حبيبتي
هويام بابتسامه: تصبح علي خير
: وانت من اهله يا حبيبتي
(اخو هويام خرج وهويام نامت علي طول)
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر قدر *
(حنين و كريم قاعدين بيلعبو علي البلايستيشن)
حنين بصوت عالي: جووووووووول انا كسبتك يامعلم يامعلم يامعام 😝😝
كريم بضيق: هكسبك المرة الجاية وهتشوفي
جه صوت من وراهم: والله عال يا ست حنين
حنين لفت بخضه: احم قدر ايه اللي جابك
قدر بحدة: نعم!؟
حنين لأ قصدي جيتي علي الاوضة قبل متغيري هدومك
قدر:ابقي خلي فرحتك هاديه عشان مكشفكيش بعد كده
كريم بخوف: والله يا ماما خالتو اللي قالتلي هشغلو من غير مانتي تعرفي
قدر: عارفه ياحبيبي انك شطور وبتسمع الكلام وخالتو هي اللي هبلة
حنين: ماشي ياكريم لينا قاعده تلمنا
قدر: البلايستيشن ده يتقفل وميشتغلش غير في الاجازه ياما هكسره انتو فاهمين
حنين و كريم: حاضر
قدر: تصبحو على خير
حنين و كريم: وانت من اهله
(قدر دخلت الاوضه وبدلت هدومها و وقفت في التراس وغمضت عيونها بالم وافتكرت الماضي المؤلم تاني)
ــــــــــــــــــــــــــــــــــــــــــــــــــــــــــــــــــــــــــــــــــ
flash back…
*في ڤيلا الملك*
حنين برجاء: عشان خاطري يا وَجْد وافقي ونبي
وَجْد: انا قولت لأ مرة صح ولا غلط
حنين: قولتي لكن عشان خاطري وافقي دي رحلة كامب اسبوع مش حوار يعني
وَجْد: وانا قولت لا
سيف من وراهم: خليها تروح يا وَجْد تغير جو
وَجْد: مينفعش يا سيف هبقي قلقانه عليها
حنين: يا ستي متقلقيش عليا هبقي اكلمك كل شويه وكل يوم
سيف: وافقي يا وَجْد بقي
وَجْد: بس...
سيف مقاطعه: اهي موافقه يلا ياحنون روحي جهزي شنطتك عشان الرحلة الصبح بدري
وَجْد: استني بس...
قاطعها سيف: مصاريف الرحلة يا حبيبتي دفعتها من وراكم يلا ياحنون روحي جهزي الشنطة
حنين بفرحه: فوريرة
(حنين جريت و وَجْد بصت لسيف بغضب)
سيف: قلبي جامد مبخفش
وَجْد: انا مش عوزاها تطلع الرحلة دي
سيف: ياستي سيبيها تغير جو ومتقلقيش انا كلفت واحد يراقبها عشان لو وقعت في مشكله
وَجْد: بجد؟!
سيف: جد الجد
وَجْد حضنته: ربنا يديمك ليا
سيف: ويديمك ليا يا عشقي
(تاني يوم الصبح وَجْد وسيف وقفين بيودعو حنين عشان كانت ماشية و وَجْد سبتها بالعافيه)
سيف: بم ان حنين مشيت اطلعي اللبسي
وَجْد: هنروح فين؟!
سيف: هنروح المستشفى نطمن علي البيبي
وَجْد بفرحه: بجد؟
سيف: من ساعة ماحملتي وانا ماختكيش تكشفي ولا مرة يلا اطلعي بدلي هدومك ونروح
وَجْد بفرحه: طيارة
(وَجْد سابت سيف وطلعت جري وهي فرحانه عشان تبدل هدومها وكانت طايرة من الفرح

وَجْد لبست دريس تايجر وطرحة وجزمه سوداء ونزلت لسيف اللي كان مستنيها)
وَجْد بابتسامه: انا جاهزة يا سيڤو
سيف: ايه الحلاوه دي
وَجْد بابتسامه: انت اللي عيونك حلوه عشان كده شايفني حلوة
سيف: طب ايه رأيك بعد الكلام الحلو ده نمشي عشان متتاخرش علي الدكتورة
وَجْد بفرحه: يلا
(وَجْد وسيف خرجو ركبو العربية ومشيو و وَجْد كانت فرحانه جداً وصلو المستشفى ودخلو الاستقبال)
ــــــــــــــــــــــــــــــــــــــــــــــــــــــــــــــــــــــــــــــــــ
*في المستشفي *
سيف: اقفي هنا هشوف الدكتورة و اجي
وَجْد بابتسامه: تمام
(وَجْد قعدت وقت طويل قلقت قامت تشوف سيف فين وهي مشيا خبطت في شخص وكانت هتقع لكن هو مسكها بسرعه قبل ماتقع)
الشخص: حضرتك كويسه
وَجْد بخوف: اه الحمدلله، اسفه ماختش بالي
الشخص بابتسامه: ولا يهمك انا كمان غلطان كنت ماشي بسرعه بس اصل اختي تعبانه وكنت بخلصلها شوية أوراق
وَجْد بابتسامه: ربنا يشفيها لك ياستاذ ااا...
الشخص: مراد
وَجْد بابتسامه: ربنا يشفيها لك ياستاذ مراد
الشخص بابتسامه: يارب
وَجْد: عن اذنك
(وَجْد مشيت تدور علي سيف لحد ماسمعت صوته جاب من اوضة من الاوض بيتكلم مع واحده وكان عصبي وقفت تسمع من ورا الباب )
سيف بعصبية: هتعملي اللي قولتلك عليه غصبن عنك انت فاهمه
الدكتوره: لو سمحت ياستاذ سيف قولت لحرضرتك مش هعرف اعمل كده
سيف ببرود: ايه الصعب في اللي انا بقوله هتدخل تكشفي عادي وتقوليلها انها ضعيفه شويه وهتديها حقنة مقويات دلوقتي(طلع حقنة من جيبه) وتديها دي وهنروح والحقنة تبقي تشتغل مع نفسها.
الدكتوره: حضرتك ازاي بتتكلم بالبساطة دي دي عملية اجهاض مش لعبة
وَجْد من ورا الباب بدموع وصدمة: إجهاض؟!
سيف ببرود:دي حاجه بتاعتي انا…انا مش عاوز عيال منها
الدكتوره بجدية:دي مراتك ازاي تعمل فيها كده،بص ياستاذ سيف انا استحالي اعمل اللي حضرتك بتقول عليه ده
سيف:لا هتعملي
الدكتوره:قولت مش هعمل كده وبعدين وريني كده الحقنه دي(الدكتوره قرات اسم الحقنه اتصدمت)
انت اتجننت الحقنه دي ممكن تدمر الرحم عندها دي اقوي حقنة للاجهاض دي مش بتتجاب غير من برا بسبب قوتها لازم نعرف اذا كانت هتقدر تستحملها ولا لاء
سيف ببرود:انا ميهمنيش كل ده كل اللي يهمني اني اخلص من الجنين ده في أسرع وقت
وَجْد حطت ايدها علي بطنها واتكلمت برعب:أبني
ـــــــــــــــــــــــــــــــــــــــــــــــــــــــــــــــــــــــــــــــــ
Buck…
(قدر لسة واقفة في التراس فتحت عينها بعد مادموعها خانتها ونزلت واتكلمت بقهر)
قدر: لو مكنتش قربت اليوم ده كان زمان دلوقتي ابني مش موجود معايا دلوقتي وربي لندمك علي كل ده يا سيف بس استني عليا والله لحرق قلبك
(رساله جتلها مسكت من رقم Private مسحت دموعها و فتحت الرساله اتافجئت بمحتواها)
الرساله كان مكتوب فيها: عيناكي مثل الؤلؤ المنير فهي تبكي دموعاً مثل المطرالنقي الجميل فتباً للحب اللعين الذي يبكي هذا الوجه الجميل.
قدر بابتسامه بسيطة: وده مين روميو ده علي المساء، يمكنت غلط، انا هروح انام عشان الشغل الصبح.
(وَجْد دخلت نامت و هي لسة بتفكر في الماضي لكن من كتر التفكير نامت، ياترا ايه اللي هيحصل تاني ل «وَجْد» في الماضي و هتعمل ايه «قدر» في الحاضر وايه نصيب «سمير» و «هويام» و ايه هو نصيب «سيف» و«نهال» و ياترا «قدر» بتخطط لايه).
يتبع