الفصل الثالث عشر
صباحا في قصر مراد الانصاري*
(يجلس مراد علي مائدة الطعام لتناول وجبة الافطار وكان شاردا حتي لحظة دخول معتز)
مراد:ايه اللي جابك يالا علي الصبح؟
معتز: ده بدال ماتقول صباح الخير
مراد: صباح الزفت عاوز ايه بقي
معتز بمرح: ابدا وحشتني يا مرمر
مراد بتفاجئ: مين مرمر ده يالا؟!
معتز بمزاح: هو في مرمر هنا الانت دي حتي جاية من رمرام
مراد بصوت عالي: انا رمرام يالا
معتز: هموت واشوفك رمرام
مراد: اتعدل احسن لك
معتز: امال المصخوطة فين؟
مراد: ماتحترم نفسك يالا
معتز: براحتك انا هاكل
مراد: اتنيل كُل وانت ساكت
(جه الحارس موجه حديثة ل مراد)
الحارس: في واحد برا طالب يقابل الانسة هويام
مراد بأستغراب: واحد مين ده؟
الحارس: حضرتك ده اللي وصلها إمبارح هنا
مراد: خليه يتفضل
(الحارس مشي و مراد قال لكريمة تجيب هويام ودقائك وكان سمير دخل مراد قام وقف يسقبله)
سمير بابتسامه: صباح الخير
مراد بجدية: صباح النور
سمير بحرج: طبعا انا اسف اني جيت بدري كدا لكن مكنش ينفع اجي وحضرتك مش موجود
مراد بابتسامه: لا عادي لكن باردو مين حضرتك
سمير: بصراحه كدا انا اللي خبط الانسة هويام و ودتها المستشفى
مراد: ااااه اهلا وسهلا
سمير بابتسامه: بصراحه كانت نسيت حاجه في العربية بتاعتي وجيت ادهالها
مراد بتساؤل: حاجه ايه؟
جه صوت هويام من وراهم وهي متسندة علي عجاز: يا صباح الخير
مراد و معتز: صباح النور
مراد بابتسامه: سلمي على الاستاذ سمير يا هويام
هويام بابتسامه بسيطة: صباح الخير ياستاذ سمير
سمير بابتسامه: صباح النور
مراد: ها ياسيدي ايه هي الحاجه اللي اختي نسيتها في عربيتك
هويام بسرعه: فلاشتي
مراد بأستغراب: فلاشه؟
هويام: ممم
مراد: يعني انت تاعبة الراجل عشان فلاشه
سمير: ولا تعب ولا حاجه ياستاذ اااا...
مراد بابتسامه: مراد
سمير بابتسامه وطلع الفلاشة اداها ل مراد: ولا تعب ولا حاجه ياستاذ مراد
مراد بابتسامه وهو بياخد منه الفلاشه: شكرا ياستاذ سمير
سمير: العفو، استاذن انا، ألف سلامة يا انسة هويام واسف مرة تانية
هويام بابتسامه: الله يسلمك
(سمير مشي و مراد وجه كلامه ل هويام)
مراد بابتسامه: رجلك عامله ايه يا جناب السلطانة
هويام: الحمدلله
معتز: چان اووي سمير ده
مراد: طبعا انت مش رايحه في حتة انهارده
هويام: أروح فين برجلي دي
مراد: طيب معطلكيش انا ورايا شغل
هويام: ماشي مع السلامه
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر قدر*
(قدر لسة نايمة وصحيت علي صوت رساله علي تليفونها فاقت ومسكت التليفون لقت نفس الرقم المجهول باعت رساله جديدة فتحتها)
قدر بتقرأ الرساله: دمعي علي الخد سايل .. مشتاق وحظي مايل .. أكتب بالقلم السايل .. أحبك بكل الوسايل.
(قدر قراتها اكتر من مره ولاحظت الساعة في التليفون وكانت متاخرة قامت بسرعه)
قدر بسرعه:طب والله عم روميو طلع له لازمه أهو
(قدر دخلت اخدت شاور وصلت فرضها ولبست

ونزلت راحت علي الشركه علي طول حتى موقفتش تكلم حنين او كريم زي كل يوم ركبت العربيه ومشيت علي طول وكانت حاسة بشوية تعب)
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الملك جروب*
(سيف قاعد بيتابع ملفات وسمير دخل براحة عكس عادته و كان مبتسم و سيف استغربه)
سيف باستغراب: انت كويس يا سمير
سمير بابتسامه: اه الحمدلله، ليه؟!
سيف: اصلك داخل براحه ومن غير هزار، انت كويس
سمير بضحك: انا كويس الحمد لله والله انت اللي اتعود على رخامتي بس
سيف: والله يمكن
سمير: انت بتعمل ايه؟
سيف بضيق: هكون بهبب ايه بخلص الملفات اللي قدامي، في شغل كتير مش عارف بيطلعلي منين
سمير: ممم، طب انا هروح اشوف شغلي انا كمان
سيف: يلا امشي خلص
سمير: ياعم نفسي تبطل تكبر شويه
سيف: امشي يا سمير
سمير: متنيل ماشي
ــــــــــــــــــــــــــــــــــــــــــــــــــــــــــــــــــــــــــــــــــ
*في مستشفى حنين القدر *
( حنين بتمر علي المرضي و دخلت مكتبها وتليفونها رن وكان حبيبها وخطيبها سامر ابتسمت بحب وردت عليه واتكلمت بحب)
حنين بحب: الو
سامر بحب: احلي الو في الدنيا والله
حنين بكسوف: احم، عاوز ايه
سامر بمرح: عاوز ايه دي بقي يبقي مكسوفه
حنين وكست الحمرا وشها: هقفل
سامر: لأ لأ لأ لأ خلاص هتكلم بأدب، إحم إحم وحشتيني
حنين: ماتخلص بقي و قول عاوز ايه
سامر: هكون عاوز ايه يعني وحشتيني و قدر هانم قافلة عليا ومش عوزانا نتكلم او نتقابل قبل كتب الكتاب مش عارف ليه
حنين بضحك: ههههه معلش كلها يوين اتنين و نكتب الكتاب و تكلمني براحتك
سامر: كتير يومين يعني اقعد سنتين اجري وراكي عقبال ماوفقتي واكتر من تلات شهور عقبال ماقولتيلي بحبك وقولتيها بالعافيه وكل ماكلمك تقولي كلمتين وتقفلي اتحايلت عليكي توافقي علي الخطوبه يوم قرايان الفتحه وكان ناقص ابوس ايدك عشان توافقي علي كتب الكتاب ياشيخه ربنا علي الظالم والمفتري، لا وايه تيجي اختك وتكملها.
حنين بضحك: يالهووي ده انت شايل مني اووي
سامر بحب: انا اقدر ياعمري
حنين بابتسامه: طب انا هقفل عشان عندي شغل
سامر: اهربي براحتك، سلام ياقلبي
حنين: سلام
(حنين قفلت وهي مبتسمة فجأة الباب خبط)
حنين: اتفضل
دلفت الممرضة: دكتوره حنين في اتنين عاوزين حضرتك واحده منهم بتقول ان اسمها نهال
حنين بتذكر: اه…ايوة دخليها بسرعه
الممرضه: حاضر يا دكتوره
(الممرضه خرجت وثواني وكانت نهال دخلت ومعها امرأة باواخر الخمسين وكانت بشوشة اووي)
حنين بابتسامه: اهلا وسهلا المستشفى نورت
نهال بابتسامه: ده نورك يا دكتوره
حنين بابتسامه: ايه دكتوره دي انا اسمي حنين
نهال: طيب ياحنين ممكن تكشفي علي ماما و تطمنيني عليها
حنين بعمليه: اكيد طبعاً، حضرتك بتشتكي من ايه يا حجة…معلشي اسم حضرتك ايه
: فريدة
حنين بابتسامه: بتحسي بايه يا حجة فريدة
فريده: بحس بألم في الصدر…و ألم في القدم الشمال و…ذراعي الشمال…و ضيق في التنفس
حنين بعملية:نهال قالتلي ان حضرتك كنتي متابعة مع دكتور،ممكن اعرف الدكتور قال ايه
فريده بتلقائية:والله يابنتي مرة يقول اجهاد مرة يقول ذبحه صدرية ومعتش فاهمه حاجه
حنين بابتسامه:طب علي العموم حضرتك متقلقيش خالص حضرتك هتعملي اشاعه دلوقتي،وانشاء الله تبقي كويسه،(تحدثت مازحة) وبعدين ده انا حنين دكتورة جراحه عامة علي سن ورمح يعني متقلقيش خالص يا فوفا
فريده بضحك:ربنا يسعدك يابنتي
(حنين كتبت حاجه في ورقه واتصلت علي الاستقبال جاتلها الممرضه خبطت ودخلت)
الممرضه: ايوة يا دكتوره
حنين: اتفضلي مع مدام نهال والحجة علي قسم الأشعّة هتخلي دكتور كمال يعمل للحجة اشعة علي القلب وبعدين تعمليها رسم قلب
الممرضه: حاضر يا دكتوره، اتفضلو
حنين: اعملو الاشعة ورسم القلب وارجعولي تاني
نهال بقلق: تمام ماشي
حنين: متقلقيش يا نهال انشاء الله تبقي كويسه
فريده بابتسامه: ربنا يطمن قلبك يابنتي
(نهال والحجة فريدة خرجو وحنين تابعت ملفات المرضى بتركيز وكانت شاكة في مرض فريده)
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الإمبراطورة جروب *
(قدر قاعده علي المكتب بتراجع ملفات لحد ماوصلها فاكس من فرع الشركه اللي موجود في المانيا بعقود العمل خادتهم راجعتهم واتصلت علي چيچي تيجي و ثواني ودخلت چيچي)
چيچي برسمية:نعم يا مدام
قدر بتعب: كلمي مراد الانصاري بلغيه ان العقود جاهزة يجي بكرا الساعه 10عشان نمضي العقود
چيچي: حاضر يا مدام، مدام حضرتك تعبانه
قدر تتدعي القوة: لأ مش تعبانه ويلا روحي بلغي مراد الانصاري زي ماقولتلك
چيچي: حاضر يا مدام
(چيچي خرجت و قدر نامت علي المكتب بتعب)
قدر بتعب: ياربي حاسه ان قلبي هيقف ودايخه اووى يارب «لا إله إلاّ أنت سبحانك إني كنت من الظالمين»
~الباب خبط~
قدر رفعت راسها وادعت القوة: ادخل
دلفت چيچي: مدام، استاذ مراد بيسال لو ينفع يخلص النهارده يعني ويجي يمضي دلوقتي
قدر بضيق: فرقت يعني انهارده من بكرا…اووف…تمام خليه يتفضل يجي
چيچي بقلق: مدام اجيب لحضرتك دكتور
قدر بضيق: انا مش قولتلك روحي بلغيه، يلا خلينا نخلص
چيچي بإيماء: حاضر يا مدام، بعد اذن حضرتك
قدر: اتفضلي يلا علي شغلك
(چيچي خرجت و قدر تابعت شغلها بعب)
ــــــــــــــــــــــــــــــــــــــــــــــــــــــــــــــــــــــــــــــــــ
*في شركه الانصاري*
(دلف معتز ل مكتب مراد وجلس علي الكرسي)
معتز: يانعم
مراد: مدام قدر خلصت العقود واحتمال نمضيهم انهارده
معتز بدهشة: هي البت دي ايه الاه! بالسرعه دي
مراد بضيق: متحسن ملافظك ياجدع انت ايه بت دي ماعلينا المهم مستني الرد عشان نشوف اذا كنا هنروح انهارده ولا في معادنا بكرا
~تليفون المكتب رن~
مراد رد: الو…ايوه…طيب تمام…مسافة السكة…مع السلامه
معتز: مين؟
مراد قام وقف: يلا
معتز باستغراب: علي فين؟
مراد بجدية: علي قدر هانم
معتز: بجد
مراد: امال يعنى بهزر معاك، يلا امشي
معتز بمرح: بينا يابرنس
مراد: برنس!!…طول عمرك بيئة يلا قدامي
معتز: بينا يا باشا
(مراد و معتز خرجو ركبو العربية واتجه ل قدر)
ــــــــــــــــــــــــــــــــــــــــــــــــــــــــــــــــــــــــــــــــــ
*في المستشفى*
نهال بتوتر: خير يا حنين
حنين بتوتر:بصراحه مش هقدر اخبي عليكو لكن…
حجه فريده: لكن ايه؟
حنين اخدت نفس واتكلمت: بصراحه يا حجة حضرتك عندك تصلب في شريان القلب
نهال بتوتر: يعني ايه؟
حنين بعملية: تصلب الشرايين (arteriosclerosis) عبارة عن عملية تدريجية تتراكم فيها المواد، التي تحتوي على الدهنيات والكوليسترول، منها الكلس، على جدار الشريان، الأمر الذي يؤدي لضيق الشريان وقد يصل الأمر لإنسداده بشكل مطلق تسمى العملية تكلّس (Calcification) وذلك لأننا نجد عند إجراء جراحة
نهال ببكاء: يعني ماما هتغضع لجراحة
حنين باسف: للاسف ايوة، لكن متقلقيش دي عملية بسيطه جدا مفيش قلق منها
فريده: اقدر اعملها امتي
حنين: والله يا حجة انا لسة هستشير كام دكتور متخصص في جراحه القلب وبعدها هرد عليكو، لكن متنسيش تاخدي الدواء في مواعيده عشان من هنا لوقت العملية متحصلش اي مضعفات
نهال بحزن: شكرا يا حنين،عن اذنك
حنين: مع السلامه يانهال، الف سلامة يا حجة
فريده بابتسامه: الله يسلمك يا بنتي
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الإمبراطورة جروب *
(قدر بتابع الملفات بتعب وفجأة حست انها داخت سابت الملفات وسندت راسها علي ايديها)
قدر بتعب: في ايه مالي مش قادره ليه كده
~الباب خبط~
قدر تدعي القوة: ادخل
دلفت چيچي: مدام قدر، استاذ مراد برا
قدر بجدية: دخليه
چيچي: حاضر يا مدام
(چيچي خرجت و مراد ومعتز دخلو و قدر قامت وقفت)
مراد بابتسامه جذابه: اهلا مدام قدر
قدر بجدية: اهلا وسهلا استاذ مراد
مراد بابتسامه: احب اعرفك معتز صديقي ومدير اعمالي
قدر بجدية: اهلا وسهلا استاذ معتز
معتز مد ايده للمصافحة: اهلا مدام قدر
قدر بصت علي ايده وقعدة: نحبه تشربو ايه؟
مراد قعد: لا شكرا
قدر: ازاي بقي مينفعش (رفعت السماعة) تعالي ياچيچي
چيچي دخلت: ايوة يامدام
قدر محاولة التماسك: اطلبي اتنين قهوة مظبوط وهاتي الملف اللي ايدتهولك الصبح
چيچي بأيماء: حاضر يا مدام، عن اذنك
مراد بابتسامه: إحم، انا بصراحة اتفاجئت لما عرفت ان العقود جاهزة قبل الميعاد اللي اتفقنا عليه
قدر بتعالي: ماهو ده اللي بيميز شركة الإمبراطورة
(الباب خبط ودخل الـ Offs Boy بالقهوة وخرج)
قدر بجدية: اتفضلو اشربو القهوه عقبال مالعقود تيجي
معتز بفضول: إحم، هو ممكن اسأل سؤال؟
مراد بتحزير: معتز
قدر بأستغراب: اتفضل اسأل
معتز: بصراحه ان اللي معروف عن قدر الاسواني انها كبيرة في السن ومحدش عمره شافها لكن لما شوفت حضرتك اتفاجئت، ممكن اعرف ايه سبب الاختفاء الدايم
قدر سكتت شويه: لو والدك جابلك هديه مقفوله وقالك متفتحهاش هتحس بايه
معتز: هتشوق اكتر للهدية واعوز اعرف جواها ايه
قدر بجدية: اهو انا بقي زي الهديه محدش عرف يعرف اللي جوايا بيتشوق وبس، فخليك متشوق.
~الباب خبط~
قدر: ادخل
چيچي: العقود اهي يا مدام
قدر: متشكره يا چيچي، روحي على شغلك
چيچي: بعد اذن حضرتك
(چيچي خرجت والقهوة جت و قدر ركزت في الملفات وتناقشت مع مراد ومعتز كتير وكانت تعبانه لكن كانت بتقاوم التعب وبعد مدة بداءو يمضو العقود مراد مضي)
مراد: ناقص امضت حضرتك علي العقود
(قدر وهي بتمضي كانت الرؤية مش واضحة لكن مضت ولسة بتقفل الملف في حد فتح الباب ودخل)
قدر قامت بفزع وجريت عليه: كريم،(وطت لمستواه واتكلمت بخوف وكانت ماسكة وجه بين ايديها): ايه اللي جابك يا حبيبي انت تعبان فيك حاجه
كريم بضحك: ايه رأيك في Surprise دي
قدر بخوف: اخلص يا كريم قول مالك وايه اللي جابك
كريم ببراءة: ابدا انت مش عايزه تجيبيني معك الشغل وما شفتكيش خالص النهارده قلت اجي واعمل لك Surpriseبس ايه رايك حلوه مش كده
(كل ده تحت انظار مراد و معتز اللي كانو متفاجئين ان اللي كانت لسة بتتكلم وبتتعامل بحدة فجأة اتغيرت اول ماشافت الولد، مراد قرب منهم وبص لكريم وحط ايده علي راسة)
مراد بحنيه: ازيك ياقمر انت
كريم بأستغراب: حضرتك مين؟
مراد لسة هيتكلم قدر اتكلمت بتعب: كريم، يلا روح السواق هيوصلك يلا انزل
كريم بترجي: بليز سيبيني اقعد معاكي
(قدر لسة هتتكلم وقعت مغمي عليها وكريم ومراد ومعتز اتخاضو وكريم عيط وكان ماسك ايديها)
كريم ببكاء: ماما اصحي يا ماما مالك
مراد بخضة: قدر، قدر مالك…قومي ياقدر، هات ماء يامعتز
معتز جاب الكوباية: خد
(مراد رش ماء علي وشها مفاقتش)
مراد بقلق: مفيش فايدة لازم نروح على المستشفى، كريم حبيبي هات شنطة ماما خليها معاك، وانت يامعتز هات كريم ويلا ورايا.
(كريم خاد الشنطة ومسك في ايد معتز ومراد شال قدر ومشي بيها وسط قلق الموظفين واستغربهم ان في راجل اتجراء ولمس المديرة لكن دي تعبانه مفيش في الوقت ده تفكير، ركبها عربيتو وكريم جمبها ومعتز جمب مراد، ومراد ساق باقصي سرعة و وصل المستشفى، شالها وجري بيها في المستشفى)
ــــــــــــــــــــــــــــــــــــــــــــــــــــــــــــــــــــــــــــــــــ
*في المستشفى *
مراد شايل قدر بصوت عالي: دكتورة بسرعه
الدكتوره جت بسرعه: اتفضل يافندم دخلها في الاوضه دي
(مراد دخلها الاوضة ونيمها علي السرير)
الدكتوره: هو ايه اللي حصلها بالضبط
مراد:وقعت مرة واحده، منعرفش مالها
الدكتوره: طب اتفضل استني برا
(مراد خرج لقي كريم بيعيط بصله بحنيه قعد جمبه وحضنه وبيلعم في شعره وكريم كان عمال يعيط)
مراد بحنيه:اهدي يا حبيبي ماما هتبقي كويسه
كريم ببكاء: ماما تعبت بسببي…صح؟
مراد: لا ياحبيبي ليه بتقول كده
كريم: عشان قالتلي مجيش الشغل عندها ولما جيت هي تعبت أووي
مراد بحنيه: لا ياحبيبي مش انت السبب هي كانت تعبانه لوحدها انت ملكش دعوه…وبعدين مش ماما بتحبك…تخيل تصحي تلاقيك بتعيط هتتعب اكتر
كريم بيمسح دموعه: لا خلاص مش هعيط (لف بيفتح شنطت قدر)
مراد: لا كدا غلط…بتفتح الشنطه ليه؟
(كريم طلع مصحف صغير من الشنطة ومراد ومعتز بصو لبعض بأستغراب)
مراد بتساؤل: انت طلعت ده ليه يا كريم؟
كريم ببراءة: ماما على طول بتخليه معاها، وقالتلي ان القرآن بيريح اي حد تعبان او عنده مشكله، وبتقعد تقرألي منه لما اكون تعبان، وبتقراء منه لما بتتعب…انا هقرأ وادعي لماما عشان تخف
معتز بصله باعجاب: شاطر يا كيمو
مراد بابتسامه: أيه رايك تقرأ وتسمعنا معاك
كريم: بس بشرط
مراد باستغراب: شرط إيه؟
كريم: تدعي معايا ان ماما تخف
مراد بابتسامه: بس كده…وهقراء معاك كمان
كريم: طب يلا نقراء
مراد: يلا
كريم ومراد بيقرأو والصوت كان واصل لعند قدر: « وَلَوْ جَعَلْنَاهُ قُرْآنًا أَعْجَمِيًّا لَقَالُوا لَوْلَا فُصِّلَتْ آيَاتُهُ أَأَعْجَمِيٌّ وَعَرَبِيٌّ قُلْ هُوَ لِلَّذِينَ آمَنُوا هُدًى وَشِفَاءٌ وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى أُولَئِكَ يُنَادَوْنَ مِنْ مَكَانٍ بَعِيدٍ » الآية 44 من سورة فصلت.
ــــــــــــــــــــــــــــــــــــــــــــــــــــــــــــــــــــــــــــــــــ
flash back…
*في ڤيلا الملك*
(وَجْد طلعت تجري علي الاوضة وهي بتعيط)
وَجْد بعياط: ليه كده…ليه يموت ابني قبل ماشوفه لييييه…انا عملت ايه عشان يعمل معايا كده…انا لازم امشي ايوة لازم امشي قبل مايجي
(وَجْد جريت تلم حاجتها وهي بطلع مفتاح بيتها من الدولاب لقت فلاشة علي شكل مفتاح بصتله باستغراب لكن خادتها ونزلت جري اخدت تاكسي ومشيت راحت بيتها وكانت منهارة وصلت بيتها وطلعت قفلت الباب عليها وقعدت علي الارض تعيط حست انها تعبت قامت تدخل جه في بالها سيف)
وَجْد بخوف ودموع: طب لو عرف مكاني هيحصل ايه…هيقتل ابني…لأ لأ انا قولتلو اني بعت الشقة وانا مكنتش بعتها كده احسن مش هيعرف اني هنا (بتبص لقت الفلاشه علي الارض) إيه دي ياترا ممكن تكون حاجه ضد سيف…ايوه والا ايه اللي يخليها علي شكل مفتاح…ايه اللي انا بقولو ده لو حاجه ضده هيخليها ليه…يووووه انا هقوم اشغلها اشوف ايه ده يمكن يفدني في حاجه
(وَجْد قامت جابت الاب توب من دولابها وحطته علي الشاحن وشغلته وحطت الفلاشة وكانت المفاجأة…كل علاقات سيف متصورة في الفلاشة دي حتي يوم ماكتشفت انه خاين متصورة وكان في فيديو بتاريخ من يومين يعني حتي لما رجعت خانها وَجْد مستحملتش المنظر قفلت علي طول وفضلت تعيط جامد وصوت شهقتها كان عالي)
وَجْد بعياط: هو ده اللي كنت حابة اديه فرصه تانيه عشان نعيش طلع بني ادم قذر…بس لأ الفلاشة دي هتكون في مصلحتي انا ههدده بيها لو مبعدش عني وطلقني الڤيديوهات دي هسلمها للبوليس واعمله قضية زنا…هو ده الصح مش هسمحله يقتلي أبني
(وَجْد عملت نسخ وحطتها علي الاب توب وطلعت الفلاشة وعانتها وفجأة الباب خبط اتخضت ومشيت راحت بصت من العين السحرية لقت حد حاطت ايده فتحت وهي خايفه لقت سيف اللي واقف)
وَجْد بخوف: سيف؟
سيف يدعي القلق: قلقتيني عليكي ياقلبي (حضنها) روحتي فين كدا رجعت ملقتكيش خوفت عليكي اووي روحت الڤلي ملقتكيش جيت علي هنا الحمدلله انك كويسه
وَجْد زقته وضربته بالقلم واتكلمت بانهيار و بكاء: انت ايه…انت ايييييييه…مبتحسش معندكش دم من يوم مادخلت الڤيلا بتاعتك وانا مشوفتش يوم واحد حلو معاك…انا استحملتك بكل قرفك ضرب وسكت عشان بحبك شتيمة واهانه وسكت عشان بحبك وقولت مفيش كرامه بين الراجل ومراته خيانه واستحملت قولت معلش نزوة وجاتله ورجعت عشان خاطر ابننا…استحملتك بكل قرفك ومشاكلك وطريقتك الزبالة معايا لكن لحد ابني واقف…انا عملتلك ايه عشان تكرهني كدا عملتلك ايه عشان تبهدلني كدا…عملتلك ايه عشان يوصل بيك الرخص انك تخليني أجهض الجنين…لييييه…انت احقر وازبل واقذر من انك تكون بني ادم، انت شخص قذر وحيوان وزباله، عملتلك ايه عشان تكون بالوحشية دي معايا لييييييه ساكت ليه متسكتش اتكلم رد عليا عملت لييييه كدا…لييييه؟
(سيف قرب بهدوء مريب وقفل الباب و وقف قدامها وضربها جامد علي وشها وشدها من شعرها جامد)
سيف بهدوء وعيون غاضبة:هو انا مش قولتلك قبل كدا صوتك ده مايعلاش لا وبتغلطي لا والاسوء بتمدي ايدك، لأ شكلك كدا عاوزة تتربي من اول وجديد
وَجْد زقته: هتعمل ايه ها هتضربني…اضرب، اضرب ماهو ده اللي انت فالح فيه انك تسترجل علي البنات يا حيوان
سيف اتعصب وضربها ومسكها من شعرها تاني: لأ ياشاطرة هقتلك اختك لو متعدلتيش انت فاهمه
وَجْد خافت لكن ادعت الشجاعه وزقته واتكلمت: مش هتقدر تعمل كده عارف ليه…عشان لو انت ماسكني من ايدي اللي بتوجعني فانا مسكاك من رقبتك عارف ليه استني
(وَجْد جابت الاب توب وفتحت الفيديوهات)
وَجْد: هسلم الفيديوهات دي للبوليس واعملك قضية زنا وهتتحبس واسمك وسمعتك هينتهو
سيف بسخريه: وانت فكراني هخاف من واحده زييك، شكلك نسيتي نفسك ولازم افكرك انت مين
(سيف طلع منديل وحطه علي وشها واغمي عليها خاد الاب توب كسره وشالها ومشي بيها)
ــــــــــــــــــــــــــــــــــــــــــــــــــــــــــــــــــــــــــــــــــ
*في مخزن قديم*
(وَجْد بتفتح عيونها لقت نفسها في مكان كبير وغريب جت تقوم لقت نفسها علي الارض ومربوطة بجنازير ايدها ورجليها حاولت تقوم معرفتش)
وَجْد بعياط وصراخ: انا فين حد يفكني انتو ياللي هنا سيبوني أمشي…حد يلحقني
(الباب اتفتح وظهر سيف من وراه و وَجْد اتصدمت، سيف قرب و هو علي وشه ابتسامة شر)
وَجْد بصدمه: أنت!؟
سيف ببرود: ايه يا حبيبتي عاوزة حاجة
وَجْد بدموع: انا مش مصدقه نفسي
سيف: لا صدقي، لانك هتقعدي هنا شويه
وَجْد بصراخ: انت حيوان
سيف ضربها علي وشها: لمي لسانك عشان مخلكيش تتخرسي، انت فاهمه
وَجْد بخوف وترجي: ابوس ايدك سيبني أمشي…انا عملتلك ايه لكل ده…انا ماذتكش في حاجه
سيف: مين قالك انك معملتيش حاجه، بالعكس عملتي…وعملتى كتير جدا كمان
وَجْد بصراخ: عملت ايه…هاتلي موقف واحد اذيتك فيه…انا حبيتك وعشقتك واتمنتلك الرضا ترضي
(سيف وطي لمستواها ومسكها من شعرها واتكلم وهو عمال يهزها جامد من شعرها)
سيف: انت عمرك ماحبيتني انت زيك زي بنات كتير بيحبو الفلوس وبس…انت الوحيده اللي وقفتي في وشي انت الوحيده اللي صدتيني وانا بصراحه بحب النوع…يوم عشاء العمل كنت هخلص كل حاجه…لكن الشريفة اتحدتني فانا اخدك تحدي وزعقت وغلطت…فاهو ده مقامك…انت غبية هو عشان فرشتلك الارض ورد وقولتلك كلمتين يبقي بحبك…انا يوم ماتجوز اتجوز واحده من الطبقة الوسطة انت بتحلمي…لأ وعاوزة تدبسيني وتجيبيلي عيل…وانا ايه اللي يضمنلي ان الولد ده ابني ها
وَجْد بصدمه وصراخ: ابنك والله ابنك
سيف:مش ابني…لاني مش معترف بيه
وَجْد بصراخ: انت حيواان
سيف ضربها علي وشها ومسكها من شعرها: اسمعي يا بت انت لسانك ده تقصريه واللي في بطنك ده هتنزليه بمزاجك او غصبن عنك لو بمزاجك هعملك عملية وبعدين اطلقك غصبن عنك هعملهالك هنا واحتمال متعرفيش تبقي أم تاني وفي الحالتين هطلق، اختاري
وَجْد بصراخ:انا ندمانه علي كل لحظة خبيت فيها واحد مريض زيك
سيف ضربها تاني: هسيبك شويه تفكري وانت حرة لكن لازم تعرفي اني هخلص من الجنين ده بأي طريقه مش يوم مابقي عندي ولد يبقي من واحده زيك تبقي بتحلمي، فكري كده مع نفسك عشان برضاكي او غصبن عنك هموتو سلام يااا…ياعشقي
سيف خرج و وَجْد قالت بصراخ: ابني لأ ياسيف ابني لأ ااااااااااااااه (كملت بقهرة) يارب انا معملتش حاجه غير اني حبيته هو ليه بيعمل معايا كدا (غمضت عينيها وقالت بحزن)«لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ» (فتحت عينيها وقالت بصراخ) ابني لأ ياسيف يامهران مش هسمحلك تاذيه ابدا ابني لأ انت فاهم ابني لااااااااااااأ
ــــــــــــــــــــــــــــــــــــــــــــــــــــــــــــــــــــــــــــــــــ
Buck…
قدر صحيت مفزوعه: ابني لأ (بصت لقت الدكتوره) انا فين…وايه اللي حصل
الدكتورة: اخيرا فوقتي يا مدام قدر انت بقالك 5ساعات مافوقتيش علي العموم حضرتك في المستشفى انت تعبتي ضغطك وطي جامد واضح انك مش بتتغذي كويس وماجهدي نفسك جامد
قدر لقت انها مركبه محاليل: ابني…ابني فين
الدكتوره: هدخله لحضرتك حالاً
(الدكتوره خرجت و قدر اتكلمت بقهر)
قدر بقهر: والله لاندمك علي كل حاجه عملتها دي كانت نتيجه حبي ليك، انت شوفت وَجْد وهي بتعشق…لكن مشوفتش قدر وهي بتنتقم…وحياة ابني لاندمك يا سيف
(كريم دخل جري و وراه مراد ومعتز)
كريم حضنها واتكلم ببكاء: ماما انا خوفت عليكي اووي…خوفت تسيبني زي بابا
(قدر ملامح وشها اتحولت لحزن وكره ومراد لاحظ)
مراد بحنيه: وبعدين بقي ياكيمو احنا اتفقنا على ايه
كريم مسح دموعه: خلاص اهو مش هعيط
قدر مسكت وشه بين ايديها واتكلمت بحنيه: انا مش هسيبك ياحبيبي…ماما قويه طول ما كريم بيضحك لكن لما كريم بيعيط ماما بتبقي ضعيفه انا عوزاك تضحك اوعي تعيط تاني عشان افضل قوية علي طول
كريم: خلاص مش هعيط، انا كنت جايلك الشغل عشان اديكي حاجه اصلا
قدر بتساؤل: حاجه ايه دي؟
(كريم فتح شنطته وطلع منها شنطة هداية)
قدر: ايه ده
كريم: افتحي وانت تعرفي
(قدر فتحتها امام انظار مراد ومعتز قدر اتفاجئت باللي كان في الشنطه بصت لكريم)

كريم بابتسامه: كل سنه وحضرتك طيبه يا ماما، ماما انهارده تمت الـ32سنة شوفتي انا عارف ازاي
قدر حضنته: وانت طيب ياحبيبي انا نسيت والله
الدكتوره جت ابتسمت: لا ده احنا بقينا كويسين اووي اهو احنا نكتبلك علي خروج
قدر: يعني ينفع اخرج دلوقتي
الدكتوره: ينفع طبعا، لكن لازم ترتاحي اسبوع تترتاحي ولا شغل ولا تجهدي نفسك
كريم ببراءة: سيبيها عليا دي، انا مش هخليها تروح في حتى خالص
مراد: الف سلامة عليكي يا مدام قدر
قدر بجدية: الله يسلمك
معتز: الف سلامة مدام قدر
قدر: الله يسلمك
كريم: عارفه يا ماما عمو مراد هو االلي شالك وجابك المستشفى وهو اللي قالي اني لو عيط انت هتتعبي وفضل يقرأ معايا قرآن عشان تخفي
قدر بصت لمراد: شكرا يا استاذ مراد انك اخد بالك من كريم
مراد بابتسامه: لا شكر علي واجب، المهم يلا اوصل حضرتك
قدر بسرعه: لأ لأ شكرا كفايه لحد كدا انا هروح لوحدي
كريم ببراءة: ونبي يا ماما خلينا نروح مع عمو مراد ده طيب اووي وانا حبيته اووي
قدر: كريم
كريم بترجي: بلييييز وحياتي عندك
معتز بمرح: طب عشان خاطر كيمو بيه
مراد: يلا بينا يا كيمو
كريم: يلا يا ماما
قدر بنفاذ صبر: يلا
(مراد جه يسند قدر…قدر بعدت بسرعه لكن هو تفهم ومشيو خرجو برا المستشفى وقدر وكريم ركبو وراء ومراد ومعتز قدام واتحركو لقصر قدر و عربيات قدر اتحركت وراهم وطول الطريق كانو ساكتين)
ــــــــــــــــــــــــــــــــــــــــــــــــــــــــــــــــــــــــــــــــــ
*امام قصر قدر*
(حنين جت بتعب لقت سامر قدام باب القصر مبتسم بحب ابتسمت لما شافتو وراحت عنده)
سامر بحب: وحشتيني
حنين بكسوف: إحم، ايه اللي جابك
سامر رفع حاجبه: بقي انا اقولك وحشتيني تقوليلي ايه اللي جابك، تصدقي ان انا غلطان
حنين بضحك: خلاص متزعلش مانت عارف اللي فيها
سامر بضيق: مزعلتش مانا متعود علي كده، علي العموم انا كنت جاي وجايبلك ده

حنين بفرح: الله كتاب افراح المقبرة عرفت منين اني عوزاه
سامر باتسامة: من الكومنت اللي عملتيه امبارح علي صفحة الكاتب، صحيت جبته علي طول
حنين خدت الكتاب و حضنته واتكلمت بسعادة: ربنا يديمك ليا انا بحبك اوى اوى اوى
: الله الله ياست حنين
(حنين اتخضت وبعدت عن سامر لقت قدر وكريم)
سامر بضيق: مدام قدر Excuse me حضرتك بتيجي في اوقات غلط
قدر بسخريه: لأ والله
سامر: اه والله ده انا مصدقت انها عملت حاجه دي زالة انفاسي عشان تقولي كلمه واحده
حنين باحراج: طب انا هطلع ارتاح بقي عشان تعبانه
قدر: اهربي اهربي
سامر: وانا هخلع انا يلا بقي سلام يا حنوني
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الملك جروب*
(سمير بيكلم هويام علي الواتس اب)
سمير: رجلك عامله ايه انهارده
هويام: انت مش سالت السؤال ده الصبح
سمير: بسال تاني من باب التأكيدي
هويام: الحمدلله بس بتوجعني شويه اصل البعيد اللي سايق كان فاكر نفسه في مسابقة ساق جامد
سمير: ده شخص غبي
هويام: كويس انك عارفه
سمير: بس والله طيب
هويام: مايشكر في نفسه الا ابليس
سمير: يابنتي اتكلمي معايا حلو لمرة واحده
هويام: مانا اتكلمت حلو معاك الصبح احنا هنقرع
سمير: نقرع؟!
هويام: يعني هنفتي
سمير: نفتي؟!
هويام: اوووف…يعني هنمثل او هنكدب
سمير: طب ماتقولي كده من الاول
هويام: اعملك ايه انت اللي جاهل
سمير: جاهل؟!
هويام: طبعا جاهل، ده انا وبسنت نعلمك
سمير: مين بسنت دي؟!
هويام: بنت عمتي، مسافرة تركيا من وهيا عندها 15سنه وهترجع الشهر الجاي تعيش معايا وتستقر هنا
سمير: ربنا يجبهالك بالسلامه
هويام: يارب، يلا انا هقفل بقي
سمير: ليه؟!
هويام: هاكل ياخ
سمير: بالهنا والشفا، سلام ياجناب السلطانه
هويام: سلام
(سمير قفل التليفون وسيف دخل)
سيف: خلصت
سمير: يااااه من بدري
سيف: امال قاعد ليه
سمير: عادي يعني، كنت بعمل مكالمه
سيف: طب انا مروح عشان نهال مش كويسه
سمير: مالها؟
سيف: كانت في المستشفى انهارده مع والدتها وعماله تعيط
سمير: طب استني انا جاي معاك
سيف: تعالي يالا
(سمير وسيف نزلو ركبو العربية و وصله الڤيلا)
ــــــــــــــــــــــــــــــــــــــــــــــــــــــــــــــــــــــــــــــــــ
*في ڤيلا الملك*
سيف بيهدي نهال: اهدي بقي…طب ايه اللي حصل
~قصت له كل اللي حصل في المستشفى~
سمير: ربنا يشفيها يانهال
سيف: ممكن متعيطيش، انشاء الله هتبقي كويسه
نهال ببكاء: يارب
سيف: متعيطيش بقي عشان خاطري
نهال: حاضر
سيف: يلا اطلعي دلوقتي وانا شويه وهاجي وراكي
نهال: ماشي، عن اذنكم
(نهال مشيت وسمير اتكلم)
سمير: طب معطلكش انا بقي، انا مروح سلام
سيف: وانا كمان هطلع انام، سلام
~عند نهال بتتكلم في التليفون~
نهال: الله يسلمك يا قدر
قدر: انشاء الله تبقي كويسه انت متقلقيش
نهال: يارب، بقولك ياقدر ماتيجي بكرا نقعد مع بعض واعرفك علي ماما دي هتحبك أوي
قدر: مرة تانيه يا نهال عشان بجهز لكتب كتاب حنين
نهال: مش هتنازل عن العزومه دي
قدر: سيبيها بظروفها، مع السلامه
نهال: سلام
سيف من وراها: بتكلمي مين؟
نهال: دي قدر
سيف: قدر…ودي عاوزة ايه؟
نهال: ابدا كانت بتقولى الف سلامة علي ماما
سيف: ممم…طب انا هنام…تصبحي علي خير
نهال: وانت من اهله…انا كمان هنام
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر الانصاري*
هويام: اتاخرت ليه
مراد: كان في مشكله كدا حلتها وجيت
هويام: طبعا مانت حلال المشاكل
مراد: بطلي لماضة وخليكي في تامر حسني بتاعك ده
هويام: والله علي رأيك علي الاقل تيمو بيسليني مش انت بتعاملني كأني الفيلبانية اللي طنط جابتهالك
مراد: انا غلطان اني جيت اطمن عليكي، انا هروح انام
هويام تدعي البكاء: ياعيني علي بختي وبختك ياما
مراد بصدمه: ايه؟!
هويام بتمثيل: عشمني فيه وغدر بيااا
مراد بصدمه: هو مين ده؟!
هويام بنفس التمثيل: علقني بيه وسابني ياماااا
مراد بضيق: بت انت مش عاليا قفشات الأفلام دي
هويام بمرح: بضحك معاك يا مرمر
مراد: في بنت تقول لاخوها الكبير يا مرمر
هويام ببرود: مش انا قولت
مراد: اه
هويام بابتسامه مستفزة: يبقي في
مراد بنفاذ صبر: انا هنام تصبحي علي خير
هويام: وانت من اهله
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر قدر *
(قدر نايمه علي السرير بتعب بتفكر في الماضي لكن قاطعها رساله على تليفونها وكان الرقم الخاص)
: لوتاه الحب انت الدليل لو مات القلب انت البديل وكلمة حب في حبك قليل.
قدر بسخرية: واضح ان عم روميو ولهان علي الاخر
(جت تنام جت رساله تانيه فتحتها)
: الف سلامة عليكي يا إمبراطورة قلبي ❤
(قدر استغربت الرساله وفضلت تقرها مرة ورا مرة لحد ماتعبت من التفكير وقفلت التليفون ونامت)
قدر بنوم: ياترا مين عم روميو.
يتبع