الفصل الخامس عشر
في شركة الامبراطورة*
(قدر بتابع بعض الملفات وتركيزها فيها لحد ماصدر صوت الهاتف معلناً وصول رسالة ولم يكن سواه هو المجهول روميو كما سمته قدر تنهدت وامسكت الهاتف)
قدر تفتح الرساله: اما نشوف عم روميو باعت ايه انهارده
♡قد لا أكون رفيق موعدك الأول، قبلتك الأولى، أو حبك الأول، ولكني أريد أن أكون الأخير♡
قدر بابتسامة بسيطة: ماهو ياما ده كله غلطه ياما ده كله متوجه ليا، علي كل حال بدام مفيش اي نوع من المضايقات كدا انا مرتاحه
(قدر تابعت عملها وعقلها مع المجهول حتى دق الباب امرت قدر بدخول الطارق ودلفت چيچي)
قدر بجدية: خير يا چيچي
چيچي بعملية: مدام قدر في واحد برا طالب يشوف حضرتك
قدر بتساؤل: مقالش اسمه؟
چيچي: بيقول ان اسمه كرم
قدر: طب دخليه
چيچي: اوامرك يا هانم
(خرجت چيچي ودلف هذا المدعو كرم رجل في اواخر الخمسين وصدمت قدر من رؤيته)
كرم: ازاي حضرتك يا هانم
قدر بضيق: خير؟
كرم بحرج: كنت عاوز اتكلم معاكي في موضوع مهم
قدر: علي ماعتقد مفيش كلام بيني وبينك
كرم: معلش يا هانم عشر دقايق وهمشي علي طول
قدر: اقعد، وياريت بسرعه عشان انا معنديش وقت
كرم بندم: كنت جاى اقول لحضرتك انا اسف وحقك عليا واتمنى انك تسمحيني
قدر بسخريه: اسامحك؟.(تابعت بكره) اسامحك علي ايه ولا علي ايه، علي طردك ليا انا واختي وانا حامل ولا علي محاولت انك تتهجم عليا ولا علي محاولة سرقة الهانم الكبيرة الله يرحمها، يا مؤمن ده لاخر نفس قالتلي وصيتي انك تاخدي لي طاري من كرم ولا علي محاولة قتلها، اسامحك على ايه ولا علي ايه يا كرم بيه
كرم بدموع ندم: ندمت والله ندمت وجاي استسمحك، انا بعد مافلست كل حاجه باظت، بنتي في واحد اغتصبها واتجوزها مقابل الفلوس وبعد جوازهم بفترة انا اشهرت إفلاسي جوزها رماها في الشارع وهي حامل ومعرفناش هي فين، وامها من حزنها علي بنتها جاتلها سكتة قلبية وماتت، وابني بعد إفلاسي وضياع اخته وموت والدته اتجه المخدرات ومات بجرعة مسممة، وبعد موته بست شهور جالي خبر انهم لقوم بنتي مايتة في شقه بسبب محاولة اغتصاب عنيفة وهي متحملتش وماتت وجستها عفنت، لما قعد مع نفسي وفكرت في كل اللي جرالي عرفت انه ذنبك وذنب الهانم الكبيرة جاي استسمحك واقولك حقك عليا ارجوكي سامحيني
(صمتت قدر وقد رأت دموع الندم في عينيه)
قدر: تعرف يا كرم بيه ربنا كبير اووي وربنا هو اللي بيسامح مش أنا يعني اقولك علي حاجه،(تابعت بقسوة) انت تاني اسؤ بني ادم انا قبلته في حياتي انت حاولت تسرق وتقتل بنت عمك ومعملتش حساب ل صلة الرحم اللي بينكم ونسيت قول الله تعالى:
«فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَ تُقَطِّعُوا أَرْحامَكُمْ• أُولئِكَ الَّذِينَ لَعَنَهُمُ اللَّهُ فَأَصَمَّهُمْ وَ أَعْمى أَبْصارَهُمْ»
انا بجد اتصدمت فيك وقتها، لكن ربنا بيخلص منك كله اول بأول وزي ماحاولت تتهجم عليا جه واحد اغتصب بنت وزي ماحاولت تقتل الهانم الكبيرة بالسم ابنك مات مسموم وزي ماحاولت تسرقها بإمضة قلم مني شركتك وقعت و فلست وزي ماطرتني وانا حامل بنتك جوزها رماها وهي حامل، اياك تاخد كلامي علي محمل الشماته انا واحده اعرف ربنا انا بسمعك انك كل اللي عملته في النااس طلع عليك وللمرة التانية تنسي
قول الله تعالى: «وَلا تَحسَبَنَّ اللَّـهَ غافِلًا عَمّا يَعمَلُ الظّالِمونَ إِنَّما يُؤَخِّرُهُم لِيَومٍ تَشخَصُ فيهِ الأَبصارُ* مُهطِعينَ مُقنِعي رُءوسِهِم لا يَرتَدُّ إِلَيهِم طَرفُهُم وَأَفئِدَتُهُم هَواءٌ».
(كرم بيسمع كل حاجه و وشه في الارض ودموعه نازله بندم وعارف ان كل كلمه قالتها معاها حق فيها)
قدر بحدة: تعرف يا كرم الهانم الكبيرة الله يرحمها علمتني حاجه، علمتني ان الانتقام واخدان الحق زي لعبة الشطرنج خطوة واحدة توقع الجيش كله وانا خطوتي كانت اغلي حاجه علي قلبك شركتك وفلوسك ونفوذك انا عملت خطوة واحده بس وقعت جيشك كله، أمشى يا كرم قوم امشى واطلب السماح من ربنا مش مني واتمني مشوفش وشك تانى...اتفضل اطلع برا
(كرم قام مشي وهو بيعيط بندم علي كل حاجه عملها وفضل يطلب السماح من ربنا علي كل حاجه عملها، اما قدر قعدت كملت شغلها وكأن شئ لم يكن)
....................................................................…
*في قصر الانصاري*
(هويام قاعده في اوضتها علي السرير بتكلم سمير)
سمير بضحك: يابنتي اسمعي الكلام وخليني اخدك المستشفى تفكي الجبس
هويام بمرح: اااااه تيجي معايا عشان بعدها تقولي تعالي زوري امي عشان عيانه وحكتلها عنك وحبيتك واروح معاك اتفاجئ انك وحيد أصلا وتجرجرني للرذيلة مش كدا لاااااااااااء نحن بنات عائلات محترمات أوووي.
سمير بضحك: يابنتي ارحمى امى بقي ده خامس فيلم عربي قديم تقوليهولي دلوقتي
هويام تتدعي الفخر: بس ايه رأيك مؤلفة شاطرة صح
سمير: مؤلفة هبلة هتتشتمي اكتر ما هتتمدحي
هويام: ياخويا مش مهم اهم حاجه الشهرة
سمير: مش ملاحظه انك عمالة تتوهي عن موضوعنا الاساسي، هعدي عليكي الساعه11 الضهر نروح المستشفى
هويام: نعم ياخويا الساعة11لييييه مش كفاية رنيت عليا وصحتني الساعة 9الصبح اييييييه نزلة ابيع لبن
سمير: نفسي تقصري لسانك ده شويه، طيب ليه مش عيزاني اروح معاكي
هويام: عشان اخويا ميعرفش، ولو قولتله مش هيوافق
سمير: مين قالك كدا، اديني رقمه
هويام بأستغراب: رقمه ليه؟!
سمير: ملكيش دعوة انت ابعتيلي الرقم
هويام: طب اقفل ابعتهولك واتساب
سمير: تمام، سلام يا جناب السلطانة
هويام بابتسامه: سلام
…………………………………………………………
*في شركة الانصاري*
(مراد قاعد سرحان، دلف معتز وجلس بدون كلام)
مراد: خير يا جلاب المصايب
معتز بتوتر: كنت جايلك في خدمه صغيره
مراد بأستغراب: خدمة ايه دي؟
معتز: تيجي معايا لمدام قدر دلوقتي
مراد: نعم ياخويا، وده ليه إنشاء الله
معتز: هكلمها في موضوع چيچي هي اللي هتنقذني
مراد بعدم فهم: باردو مش فاهم ايه علاقة مدام قدر ب چيچي اللي مخلياك متاكد اووي كده انها اللي هتقنعها
معتز: ياعم الحلو افهمني بس، انا جبت ارار چيچي من بعد ماسفرت لقيت انهم عذلو بعديها بسنتين وعرفت انها بقت وحيده ولا اب ولا أم ولا حبيب ولا قريب ولا غريب غير اخت ليها عندها15سنة وعرفت انها بتحب قدر اووي وبتعتبرها اختها فقلت انها اكيد اللي هتساعدني
مراد بصدمه: وانت عرفت الحاجات دي كلها أمتي؟
معتز بفخر: عيب عليك بعد انت ممشيت عملت مكلماتي جبتلي كل حاجه اول ماصحيت
مراد بابتسامه: ربنا يفرحك كمان وكمان وتتجوز بقي وارتاح منك
معتز: علي قلبك
(كاد مراد يتحدث ولكن قاطعه رن هاتفه كان رقم مجهول)
مراد: الو
: الو، استاذ مراد
مراد: ايوة، مين حضرتك
: انا سمير اللي كنت خبط الانسة هويام،فاكرني
مراد: ايوة طبعاً فكرك، بس غريبة ايه سر المكالمه الغريبه دي
سمير: كنت بستأذن حضرتك يعني لو ينفع اخد الانسة هويام المستشفى انهارده عشان معاد فك الجبس
مراد: لأ شكرا متتعبش نفسك انا هوديها
سمير: انا كلمتها وقولتلها قالتلي مش هينفع غير لما اقول لاخويا فكلمت حضرتك استأذنك
مراد بخبث: طب ممكن اعرف جبت رقمها منين؟
سمير بتوتر: ها…لا ده انا لما وصلتها بعد ماجبتها من المستشفى اخد رقمها عشان اطمن على اللي جرا بسببي لكن والله العظيم مكانت راضية تدهولي ده انا اخده منها بمعجزة
مراد باعجاب: تمام ماشي، تقدر تاخدها وتجيبها علي طول
سمير: انا هروح الساعه 11عشان الميعاد الساعه 12 نلحق نوصل المستشفى وهرجعها علي طول
مراد بابتسامه: تمام ماشي انا هقفل عشان عندي شغل
سمير: اسف لو عطلت حضرتك مع السلامه
(مراد قفل وبص لمعتز)
مراد: يلا
معتز: يلا ايه؟
مراد: علي مدام قدر
معتز بفرحه: يلا يا كبير، هو مين اللي كان بيكلمك؟
مراد: بعدين، يلا بينا
(نزل مراد ومعتز ركبو العربية واتجه ل قدر)
…………………………………………………………..
*في شركة الملك*
(دلف سمير لمكتب سيف)
سمير: انت ايه يابني اللي جابك انهارده كنت ريحت عشان ايدك يابني
سيف: اولا انا كويس وماسك القلم زي مانت شايف أهو ثانيا عندنا إجتماع الساعة 12 ولا نسيت
سمير ضرب راسه بخفة: اوووف نسيت
سيف: نسيت؟! لا واضح انك نايم في العسل خالص
سمير: طب ونبي يا سيف اعفيني من الاجتماع ده، ده انا سمير صاحبك حبيبك اللي بيداري علي بلاويك
سيف: خلاص انت هتشحت، مش اعرف الاول ايه سبب الإعفاء
سمير: عندي مشوار مهم، اعفيني بالله عليك
سيف: ماشي ياسيدي عفونا عنك
سمير: حبيبي حبيبي حبيبي يا نقيب يلا معطلكش
سيف: علي فين يالا
سمير: ايه ده هو انا مقولتلكش
سيف: لأ مقولتليش
سمير: يقطعني
سيف بيجز علي أسنانه: سميييير انجز
سمير: مش انا معادي بيبداء من دلوقتي يلا بقي معطلكش
(سمير خرج بسرعة وسيف ضرب كف على كف وتابع شغله)
…………………………………………………………..
*عند نهال*
(نهال راكبة عربيتها وسايقة وجالها تليفون ردت)
نهال: الو
: ايه يا قلبي أنتِ فين؟
نهال: قربت اوصلك أهو، انا مش عارفه ليه غيرت رأيك واصريت نتقابل في الشقة مش كنا اتفقنا
: قولت عشان نبقي براحتنا
نهال: طب اقفل انا داخلة علي البيت اهو
(نهال قفلت التليفون و وصلت وجهتها ونزلت من العربية وطلعت عمارة و وصلت الشقة لسة هتفتح بالمفتاح لقيت الباب اتفتح وظهر من خلفه شاب في منتصف الثلاثينات من عمره اول ماشاف نهال حضنها ونهال بادلته الحضْن ودخلت الشقة)
: وحشتيني أوي ياروحي
نهال بابتسامه: وانت كمان وحشتني اووي يا بلال
بلال بعد عنها: بقي كدا شهر بحاله مشوفكيش
نهال تنهدت: معلش يا حبيبي حقك عليا متزعلش بس كان سيف فضل فترة مايخرجش كتير وتعب قبل كدا وماما تعبانه مامورلها بعملية يعني شويه مشاكل كدا، المهم انت عامل ايه وحشتني
بلال بمكر: والله زي مانت شايفه بس الحالة معايا مش قد كدا
نهال: حبيبي قولي مالك فيك حاجه
بلال بمكر: مفيش بس ظروفي وحشة ومعيش فلوس وحالتي تصعب علي الكافر،مش عارف الدنيا مخبطة معايا ليه
نهال: لأ يا حبيبي متقولش كدا انا جيبالك معايا فلوس عارفه ان ظروفك وحشه اووي اليومين دول
بلال بلؤم: ماهو باردو يا نهال مش كل شويه اخد منك باردو
نهال: بلال متقولش كده فلوسي هي فلوسك
(نهال فتحت شنطتها وطلعت منها ظرف)
نهال: خد يا حبيبي دول اللي معايا دلوقتي والله
بلال: لأ طبعا مش كل مره كدا
نهال: وحياتي عندك لتاخدهم
بلال بتمثيل: امري لله، كام دول
نهال: دول 10آلاف جنية بس اوعدك المره الجايه هجبلك قدهم مرتين
بلال حضنها: حبيبتي ربنا يخليكي ليا، تابع بخبث: فاكره يا روحي اول مره شوفتك فيها
نهال بضحك: متفكرنيش بالله عليك
بلال: طب ودي تيجي تعالي اما افكرك جوا
(بلال سحب نهال وراه ودخل بيها الغرفة ونهال افتكرت اول مره شافت فيها بلال)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Flash Back…
نرمين: يابنتي تعالي معانا متبقيش باردة
نهال: يا ستي انا مش عاوزة اجي المره اللي فاتت اتاخرت ورجعت سكرانه خوفت لحد يشوفني
نرمين: مانت كل مره بتعملي كدا ايه اللي حصل
نهال بضيق: يا باي عليكي زنانه خلاص هاجي اقابلك الساعة 8كدا
نرمين: ok في الـnight club اللي اتقابلنا فيه اخر مرة
نهال: ok, يلا باي
(الساعه بقت 8 ونهال نزلت عربيتها واتجهت للـnight club اللي نرمين قالتلها عليه وكانت لابسة فستان احمر قصير يصل لمنتصف الفخذ وكب وفوقيه وشاح اسود)
نرمين: اووف اتاخرتي ليه؟
نهال: هو فين التاخير ده، امال فين البت علياء
نرمين: تعبانه فامجتش
نهال: طب هنفضل واقفين تعالي نقعد ونشرب حاجه ولا اقولك تعالي نرقص الاول
نرمين: تعالي يلا
(نهال ونرمين فضلو يرقصو)
نهال: بقولك ايه انا هروح الـ Toilet وارجعلك
نرمين: ok ماشي
(نهال وهي في ماشية واحد خبط فيها جامد)
نهال بنرفزة: مش تحاسب ياحيوان انت
بلال بنظرات اعجاب: Sorry ماختش بالي مع اني مش غلطان اني خبط في القمر
نهال بضيق: احترم نفسك احسن لك يا اخ بدام ماتشوف وش مش هيعجبك
بلال بابتسامة: ماهو باردو الاحمر ماخدش باله وهو ماشي
نهال بقرف: وسع كدا
بلال بضحك: ماهو باردو عم الاحمر مينفعش يسيبني لوحدي كدا
نهال: بيئه وسع كدا عديني جتك القرف(زقته ومشيت)
بلال بضحك: طب وعهد الله عم الاحمر مينفعش يسيبني كدا حرام والله
زياد: انت اتهبلت يا بلال ولا ايه واقف بتكلم نفسك
بلال: اصلك مشوفتش الصاروخ الاحمر اللي كان لسه معدي
زياد: صاروخ ايه؟
بلال: حتة صاروخ يخرتق النفوخ يا جدع شعر اصفر وعيون زرقاء بس ايه صااااااروخ يابااااااااا
زياد بضحك: طب والله انت متخلف، تعالي يلا اما اعرفك علي الحتة بتاعتي
بلال: يلا يا شبح
(عند نهال ونرمين)
نهال بعصبيه: بني ادم متخلف
نرمين: مالك في ايه؟
نهال بضيق: واحد لزج عمال يستزرف، بصي متجبيش سيرته عشان بتعصب
نرمين بضحك: طب اهدي طيب المهم عاوزة اعرفك علي زياد الـX بتاعي
نهال: اكيد زي اللي قبله يابنتي انت عمرك ماعرفتي حد عدل
نرمين: والله بقى حد عدل مش عدل قادينا بنتسلي وبنضيع وقت
نهال: ماشي ياختي
نرمين: اهو جاء اهو
( زياد وبلال قربوا ونهال اول ما شافت بلال تعصبت)
نهال بعصبيه: انت يا ابني ادم مستقصدني يعني هو انا كل ما اتحرك تطلع لي في وشي
بلال بضحك: اعمل ايه بتيجي كده حظك بقى هتعملي ايه
نرمين باستغراب: هو انتو تعرفوا بعض؟
نهال بضيق: فاكره المتخلف اللي لسه كنت باتكلم معك عليه وانه مستفز هو الشخص ده
زياد بتسرع: ولا هي دي الصاروخ الاحمر
نهال بغضب: كتك صاروخ لما يلهفك ما تحسن ملافظك يا جدع انت
بلال: طب ايه رايك نبدا على ميه بيضاء
نهال باستغراب: ازاي؟!
بلال بابتسامه: سهله نبقى اصدقاء
زياد ونرمين: طب والله يا ريت
بلال يمد يده للمصافحة: اصدقاء
نهال: اصدقاء
( عدت ثلاث شهور علي صداقه نهال وبلال ونهال حسيت انها مشدوده ليه وواحده واحده حبته وفي يوم من الايام كانوا سهرانين في الديسكو كالعاده وشربوا كثير ونهال في مره من المرات فتحت عينيها لقيت نفسها جنب بلال في وضع مخل واكتشفت انه قد سلب منها عذريتها نهال اتوترت وخافت لكن فكرت انها بتحبه واللي حصل ده دليل على حبهم لبعض وهو وعدها انه هيتقدم لها وهيتجوزها لكن لما ظروفه تتحسن شويه ونهال صدقت ولحد دلوقت مستنياه بقى كل ما يقابله بعض تحصل تجاوزات كثير ويفعلون ما حرمه الله حتى القط نهال بالقنبله التي غيرت حياتها وحياه بلال)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Back…
*عند سمير*
( سمير واقف مستني هويام شافها جايه اول ما شافها ابتسم تلقائيا وراح لعندها عشان يسندها لانها لسه طبعا بالجبس اول ما هويام شفتوا فرحت قوي)
سمير بابتسامه: ازيك عامله ايه، تعالى هاتي ايدك اسندك
هويام بضحك: اولا الحمد لله بخير ثانيا انا هعرف امشيك لوحدي ممكن يلا عشان ما نتاخرش زي ما اخويا قال
( هويام وسمير ركبوا العربية وانطلقوا في اتجاههم للمستشفى وكانوا صامتين حتى كسرة هويام هذا الصمت)
هويام بابتسامه: تعرف اني لحد دلوقت ما اعرفش انت عندك كم سنه
سمير بابتسامه: 40 وأنت
هويام بصدمة: يا نهار مدوحس بقى انت عندك 40 سنه طب والله اللي يشوفك ميدكش اكثر من 29 سنه
سمير بضحك: ما هي ده الحاجه اللي بتميزني اني مش بيبان عليا السن
هويام: وانا اللي كنت فاكرك صغير طلعت اكبر بعشر سنين
سمير بصدمه: ايه ده انت عندك 30 سنه
هويام بضحك: ههه شفت بقى مش انت لوحدك اللي مش بيبان عليك السن
سمير ولسه مصدوم: انت عاوز تقنعيني انك 30 سنه ولسه ما تجوزتيش
هويام بمرح: يا عم بلا جواز بلا وجع دماغ طب اديني اهو قاعده معك فكرك لو كنت متجوزه كنت اقعد معك كده لا طبعا كنت هلاقي راجل يقرف امي وانا ما بحبش الخنقه ولا البسي ده ولا ما تلبسيش ده ولا كلمي ده ولا بتكلميه ده ما فيش احسن من السنجله يابا السنجله جنتله احنا في نعمه وعهد الله
سمير بضحك: طب ها فين الكنز بتاعك عايزين نفرفش
هويام بضحك: ثواني يا معلم اما اطلعها من الشنطه
( هيام طلعت الفلاشه وشغلت مهرجان وصدمت تمير للمره الثانيه في ذوقها للاغاني وعللت الاغنيه وغنت معها من اولها بصوت عالي)
هويام بغناء: بحس ياسطا بانبساط اكني انا راكب البساط
فاكس بيبي نو ارتباط خلاص مليت انا جالي احباط
زوكش جاي من الحارات
هيلعب بيك زي الاوشاط
ريحة شياط ولعت بيت شغل الشفاط
سمير بانزعاج: انا اللي جبت ده كله لنفسي يخرب بيتك اللي يشوفك ما يقولش انك ولا 30 سنه ولا سرسجيه بالشكل ده
هويام بغناء وعند: هما غارو منى ليه اكمنى جامد ولا ايه
انا ذنبى بس ايه
غصب عني بريئ يبيه
بطير بطير عنبه فوق على المريخ
غريب عجيب رايق اوى فى نفسى شيك
اعلنت الحرب على اعدائي
قتلت حبه وسبت الباقى
بلاعبهم بمزاجى
تحيا طالعه ليكى بلادي
( سمير وقف العربيه فجاه وقفل الاغنيه)
هويام بضيق: ايه يا عم ما تبقاش خنيق
سمير بهدوء:هويام ممكن لو سمحت تشغلي اغنيه اهدي من كده شويه
هويام: حاضر شغل العربيه و ثواني عشان اقول لك اهدي اغنيه
( سمير اتحرك وهويام شغلت اغنيه ثانيه وبدا تغني معها في هدوء)
هويام بغناء: ياللي نسيت الغرام ارجع هينا وقولي ياللي نسيت الغرام ارجع هينا وقولي
من زئك على الخصام من زئك على الخصام من زئك على الخصام
دانتا اللي فاضلي
( سمير ما كانش سمع الاغنيه دي قبل كده في الاول لقيتها هادئه ابتسم وعجبته لكن ثق من اللي حصل مره واحده لقي هويام بتكمل الاغنيه بصوت عالي عكس بدايه الاغنيه)
هويام بغناء: أول ماعرفت انك عايزني جيت أوام ما اقدرش استغنى عنك يا معلمني الغرام
أول ماعرفت انك عايزني جيت أوام ما اقدرش استغنى عنك يا معلمني الغرام
وحقولك برضه عيني ياوحشني ألف عيني وحقولك برضه عيني ياوحشني ألف عيني
وحقولك برضه عين ياللي في بعدك كاويني وحقولك برضه عين ياللي في بعدك كاويني
أؤمرني حتلاقيني سجادة بين يديك
كله كله كوم وزعلك انت كووم كله كله كوم وزعلك انت كووم
انا عندي الدنيا تزعل ولا تزعل مني يوم يلا
سمير بانزعاج: متاكده ان دي اهداء اغنيه عندك
هويام بضحك: استنى استنى اسمع الكوبليه دي بس
( سمير سكت وفضل يسمعها وهي بتغني)
هويام بغناء: وانا لسة ياكوتة بحلم وبعد النجوم ياللي في بعدك بقاسي ولاأرتحش يوم
وانا لسة ياكوتة بحلم وبعد النجوم ياللي في بعدك بقاسي ولاأرتحش يوم
وحقولك برضه عين ياللي في بعدك كاويني وحقولك برضه عين ياللي في بعدك كاويني
أؤمرني حتلاقيني سجادة بين يديك
كله كله كوم وزعلك انت كووم كله كله كوم وزعلك انت كووم
انا عندي الدنيا تزعل ولا تزعل مني يوم
أول ماعرفت انك عايزني جيت أوام
ما اقدرش استغنى عنك يا معلمني الغرااااااااام
سمير بارتياح: يا فرج الله خلصت اخيرا
هويام بضحك: ايوه خلصت ايه رايك حلوه مش كده
سمير بسخرية: جداً
هويام: استني هشغلك اغنيه ثانيه
سمير بسرعه: لا لا استنى عندك ممكن لو سمحت تشغلي حاجه هاديه مثلا حاجه رومانسيه
هويام: ايه يا اسطى الكابه دي
سمير بقى الرومانسيه كابه يا فقر شغلي حاجه رومانسيه باقوللك
هويام: ماشي انت حر بس مش هغني معاها
سمير: وهو ده المطلوب شغلي بقى
( هويام فضلت قلب وقفت عند اغنيه ما تعرفش دي اغنيه ايه اساسا الاغنيه بتاعه تشتغل وسمير سرح فيها وما يعرفش ليه اخذ كلام الاغنيه على نفسه)
قابلتك نسيت الحياة وانت اللى قلبى ماصدق لقاه
خلينى اصدق عنيا ده انا كتير عليا وانت اللى هفضل معاه
ولازم اعيش كل يوم بين ايديك اقولك حبيبى واشوفها فى عنيك
شوفتك ما صدقت عينى وبينك وبينى حاجات مش هقولها الا ليك
واوصف ايه مش عارف اوصف ايه اجمل مافيك
الضحكة ولا براءة عنيك ولا الحنان اللى دايما ماليك
( هيام كمان سرحت وفاقت لما سمير قفل الاغنيه من غير ما تخلص وقف العربيه و مسك يدها وهي اتوترت)
سمير بحب: بصي انا يمكن ماعرفكيش من سنين واعرفك من اسبوعين بس بس انا حاسس اني اعرفك من زمان قوي وحاسس اني مشدود لك ودائما بفكر فيك ومن ساعه ما خبطتك وانت ما مغبتيش عن بالي لحظه واحده سميها بقى حب من اول نظره جنان المهم اني حاسس من جوايا اني باحبك ويمكن كمان فرق السن بيننا كثير لكن اوعدك طول ما انت معي اخليك اسعد واحده في الدنيا دي كلها حتى لو اخوك واقف في طريق سعادتنا صدقيني هخطفك من الدنيا دي كلها واخبيك في حضني في قلبي، جناب السلطانه هويام تقبل انك تتجوزيني وتبقى سلطانة قلبي
( هويام كانت بتسمع الكلام ده وحاسه انها هيغمى عليها واتوترت جامد هي كمان كانت حاسه بحاجه من ناحيته لكن كانت دائما تكذب نفسها وتقول حب ايه ده اللي يجي من اسبوعين غبيه ما تعرفش ان الحب بيجي في اي وقت باي سم ما بيفرقش بالمده صاحبه ايديها في كسوف وكحت بتوتر)
هويام بتوتر: ممكن يلا عشان متتاخرش
سمير بابتسامه: طب ردي عليا طيب
هويام بتوتر: مراد هيزعق لو اتاخرت ممكن يلا
سمير فهم انها اتكسفت: حاضر يا جناب السلطانه
( سمير اتحرك بالعربيه واتجه الى المستشفى هويام فكت الجبس وبقيت كويسه ومشيت مع سمير عشان يوصلها وهويام طول الطريق كانت ساكته سمير افتكر انه ضايقها وانه فرض حبه عليها وصلها قدام القصر وقبل ما تنزل مسك ايدها وهي اتوترت)
سمير بملامح حزن: هيام قولي ردك على اللي انا قلتهولك ولو انا ضايقتك انا اسف ولو مش هتقبلي حبي لكي ارجوك نفضل اصدقاء زي ما احنا
( هويام اتصدمت معقول فهم سكتها انها مش قبله حبه لها معقول حتى لو مش هتقبل حبه يفضلو اصدقاء ومش عايز يبعد عنها سحبت ايديها وفتحت باب العربيه وقبل ما تنزل شغاله ال كاسيت وجاءت تكملت الاغنيه اللي سمير مكملهاش)
ماتسالش ليه روحى فيك وبدل ماتسالنى ساال عنيك
معقولة اقول ياحبيبى ليه انت حبيبى ده انا نفسى معرفش ليه
ولازم اعيش كل يوم بين ايديك اقولك حبيبى واشوفها فى عنيك
شوفتك ما صدقت عينى وبينك وبينى حاجات مش هقولها الا ليك
واوصف ايه مش عارف اوصف ايه اجمل مافيك
الضحكة ولا براءة عنيك ولا الحنان اللى دايما ماليك
(سمير فرح وبص علي باب القصر لقاها واقفة مبتسمه واتكسفت وطلعت تجري وهو فرح اووي واتحرك بالعربيه وقعد يقلب لحد مالقي اغنيه حلوه فضل يسمعها لحد محفظها وبدأ يغني معاها)
سمير بغناء وحب: نصيبي وقسمتي الحلوه ونور عيني
في بحر عيونك الحلوه تدوب عيني
انا لو اجبلك الدنيا علي كفي ولا يكفي غرامي وشوقي وحنيني
بحبك اه بحبك مش كلام وخلاص
مفيش اصلا كلام يوصفلك الاحساس
لقيت فيكي اللي ملاقتهوش في كل الناس
بحبك اه بحبك مش كلام يتقال، يا اجمل من رأت عيني أدب وجمال
يا فرحه عمرها ما خطرتلي يوم علي بال
نصيبي وقسمتي
(سمير طلع تليفونه وبعت رساله ل هويام محتواها كلمة واحدة ♥بحبك❤ وقفل ورجع يغني تاني)
سمير بغناء: كتير بسرح في حالي قبل ما اقابلك
في ايه ضيعت عمري من قبلك
ده يوم ما هواكي جاني
لقيت نفسي ومكاني
اتاريني جيت الدنيا عشان احبك
بحبك اه بحبك مش كلام وخلاص
مفيش اصلا كلام يوصفلك الاحساس
لقيت فيكي اللي ملاقتهوش في كل الناس
نصيبي وقسمتي الحلوه ونور عيني
في بحر عيونك الحلوه تدوب عيني
انا لو اجبلك الدنيا علي كفي ولا يكفي غرامي وشوقي وحنيني
…………………………………………………………..
*في شركة الإمبراطورة*
(قدر قاعده بتتكلم في التليفون)
قدر بأستغراب: شقة ايه دي اللي هي طلعتها؟
المتصل: معرفش يا هانم هي فوق يجيلها ساعتين
قدر بجدية: تجبلي كل المعلومات عن الشقه دي وعن اي حد تلاقيه معاها، ولو نزلت لوحدها تسيب حد يراقب الشقة استحالة تكون فوق كل ده لوحدها خصوصا ان البيت مفيهوش سكان
المتصل: امرك يا هانم
(قدر قفلت وكملت شغلها حتي دلفت چيچي)
چيچي بأحترام: مدام قدر مستر مراد الانصاري وشريكه برا عاوزين يقابلو حضرتك
قدر بتساؤل: عندهم ميعاد
چيچي: لا يا مدام لكن بيقولو الموضوع مهم
قدر: طب دخليهم
(خرجت چيچي ودلف مراد ومعتز كان متوتر)
قدر بجدية: أهلاً وسهلاً استاذ مراد
مراد بابتسامه: اهلا بحضرتك طبعاً احنا اسفين اننا جينا من غير ميعاد لكن الموضوع مهم
معتز بسرعه: ايوه والله موضوع حياه او موت
قدر باستغراب: طب اتفضلو اقعدو
(جلس مراد ومعتز ودام الصمت طويلاً)
مراد: متتكلم يابني
معتز: انا؟
مراد: انا مش قلتلك اتكلم انا قلتلي لا انت جاي معي محرم بس
قدر: ممكن ندخل في الموضوع علي طول
معتز بتسرع: بصراحة كدا انا طالب القرب منك
قدر بحده: نعم!؟
مراد بضحك: هههه اسكت اسكت هتفضحنا الله يخربيتك
قدر بجدية: ممكن افهم في ايه عشان انا مش فاضيه
معتز: مانا قولت لحضرتك اهو طالب القرب منك
مراد: يا ابني اسكت انت بصراحه كده بقى يا مدام قدر معتز طالب يد چيچي وعرف ان حضرتك اقرب حد ليها فجه لحضرتك بدون تفكير
قدر: وهو يعرفها منين؟
معتز بحب: معرفة قديمة من ايام الطفوله بس هي مش فكراني
قدر لاحظت نظرات الحب في عيون معتز: طب ممكن اعرف كل حاجه من الاول عشان اقدر اساعدك
معتز: الحكايه كلها انه……(وقص عليها كل شئ)
قدر بابتسامة بسيطة: انا هخلصلك موضوعك ده دلوقتي
معتز: ازاي؟
(قدر طلبت چيچي تيجي و ثواني ودلفت چيچي)
چيچي بابتسامة: نعم يا مدام
قدر بدون مقدمات: معتز طلب إيدك مني
چيچي بصدمة: ها؟
معتز قام وقف بضحك: طالب إيدك يا صغنن
چيچي بصدمة اكبر: صغنن؟
مراد بضحك: هو انت صدي صوت ولا ايه 😂
قدر: ردك يا چيچي
چيچي تنظر لمعتز بدموع: زيزو؟
(أومأ معتز بمعني نعم وحضنها قدام قدر ومراد)
معتز بحب: وحشتيني يا صغنن
چيچي بدموع: اتاخرت عليا اووي يا زيزو
معتز بشوق: والله متاخرت انت اللي عزلتي
قدر: سوري اني هقطع وصلة العشق منذ الصغر دي لكن مينفعش تقربلها قبل متتجوزها
(چيچي لاحظت انها في حضن معتز بعدت بسرعه بكسوف ومعتز ضحك علي شكلها)
معتز بمرح: ياجدعان جوزوني يا جدعااااااان
مراد بضيق: يابني اسكت بقي فضحتنا
چيچي بكسوف: عن اذنكم
قدر: استني عندك، ردك ايه
چيچي باحراج: اللي حضرتك تشوفيه
قدر: مبروك يا استاذ معتز انا في رأي نقرأ الفاتحه وكتب الكتاب الاسبوع الجاي
معتز بفرحه: طب وربنا احلي مدام قدر في الدنيا دي كلهااااااا
قدر بحدة: افندم؟!
معتز وقد تدارك ماتفوه به: ااااا مش قصدي والله من فرحتي
قدر بحدة: رأيك يا چيچي
چيچي بتوتر من حدتها: موافقه
مراد: يبقي نقرأ الفاتحه
(كلهم قرءو الفاتحه وقدر جتلها رساله افتكرت انه كما اسمته روميو ولكن لقت رقم تاني باعتلها صورة فتحتها لقت صورة ليها وهي متكتفة في مخزن سيف اتوترت وعرقت وجاتلها رساله تانيه)
الرساله: صدقيني كل ماتحاولي تستخدمي ذكائك عليا او تفكري تاذيني او تاذي حد من عائلتي هطلعك حاجه من ماضيكي تخليكي تفتكري انك مش قدي يا وَجْد او قدر زي مابتقولي حذاري مني.
(قدر كانت بتقراء وهي عماله تعرق لان في حاجه فكرتها بماضيها ودلوقتي هي مش بتفتكر وبس ده في صورة من ماضيها قدما بصت بغضب وكل اللي في الاوضه لاحظه انها اتغيرت قامت بهدوء اخدت شنطتها وخرجت بدون ولا كلمة وچيچي قلقت عليها)
چيچي بقلق: ممكن يا استاذ مراد تروح وراها انا مشوفتهاش كدا من سنين انا خايفه عليها
مراد: تمام ماشي
(مراد خرج ورا قدر وكان يتعمد انها متحسش بيه لقاها خرجت برا الشركه واخدت مفتاح العربية من السواق وساقت هي ومنغير حرس فضل ماشي وراها ومش عارف هي رايحه فين ولا ايه اللي هيحصل)
يتبع