الفصل الثامن عشر
سيف بخبث: اسف اني قطعت عليكي اللحظة دي يا قدر هانم
قدر بضيق: لحظة ايه يا بني ادم انت، انا سؤالي واضح انت ايه اللي دخلك بدون اذن، جرا ايه يا سمير لو صاحبك ميعرفش الاصول المفروض انت تكون عارفها
سمير بحرج: والله انا قولتلو نستاذن الاول قال مفيش داعي وشدني بالعافيه
قدر بسخريه: مش جديد عليه طول عمره قليل الذوق
سيف بعصبية: لأ اسمعيني بقي…
قاطعته قدر بصوت عالي: اسمعني انت اولا صوتك ميعلاش وانت في مكان بخصني ثانيا بقي لحظة ايه دي اللي قطعتها ان شاءلله متقف معوج واتكلم عدل(اكملت بهدوء) ولا الشخص الزبالة فاكر النااس كلها زبالة زيه
(لاحظت قدر ان جميع من في الشركه تجمعو صاحت بهم بغضب)
قدر بصياح:في ايه كل واحد علي شغله يلا
(انصرف الموظفين بخوف فهم يعلمون غضب المديرة جيدا وانها لا تسامح في الاهمال)
سيف بغضب مكتوم: اظن ان مفيش داعي للكلام ده كله احنا جينا عشان الشغل اللي بينا مجاش في بالي ان قدر هانم بتعمل غراميات فى مكتبها
مراد وقد نفذ صبره: ماتحترم نفسك يا جدع انت انا ساكتلك من بدري
قدر بهدوء: دقيقة واحدة يا استاذ مراد، استاذ سمير تقدر تاخد صاحبك وتتفضلوا من هنا من غير مطرود والشغل اللي بنا خلاص انتهي
سمير بسرعه: لأ لأ ارجوكي اعملي اي حاجه غير انك تلغي الشغل اللي بينا الصفقة دي مهمة اووي بالنسبة لشركتنا
سيف بضيق: انت هطبلها ولا ايه
قدر: روحو طبلو في مكان تاني بقي
سمير برجاء: من فضلك لأ…متتكلم يا سيف طب عاوزة ايه واحنا نعملو
قدر: يعتذر
سيف: اعتذر؟!
قدر بتحدي: ايوة تعتذر ليا وللاستاذ مراد ياكدا يا مفيش شغل مابينا واظن انت محتاج الصقة دى عشان تعوض خصارتك الكبيرة
(شرد سيف عندما طلبت منه هكذا من عشرة سنوات)
Flash back…
وَجْد بانفعال:انا مش قليلة الادب ويلا طرقنا
سيف بضيق:طب اعملك ايه عشان تيجي الاجتماع
وَجْد بتفكير: اااا...اعتذر
سيف بصدمه:نعم ياختيي...ده انا عمري ماعملتها
وَجْد بتحدي:والله بقي ده اللي عندي غير كدا معطلكش مع السلامه
سيف بضيق:متتحادنيش يا وَجْد انت مش قدي
وَجْد بقوة:لا انا قدك وقد عشرة زييك اعتذر اجي الاجتماع مش هاتعتذر مش هاجي الاجتماع ده اللي عندي ومش هتراجع عن طلبي
سيف بخنق:اعملها ازاي دي يعني
وَجْد باستغراب:هي كرامه حضرتك هتنئح لو قولت انا اسف دول كلمتيت ا..ن..ا ا..س..ف ايه صعبة
سيف غمض عيونه بغضب ثواني وبعدها قالها بسرعه بعد معانا:انا اسف حقك عليا وادي راسك
Back…
قدر ببرود: لو هتقدي اليوم كله سرحان روح اسرح في حتي تانيه انا مش فضيالك
سمير بيضغط علي اسنانه: انطق يا سيف الله يخربيتك الصفقه هتروح مننا
سيف بهدوء مميت: انت كدا بتلعبي بعداد عمرك يا قدر
قدر بقوة: كويس انك تقبلت فكرة اني قدر وياتعتذر ياتمشي
سمير: اخلص يا سيف الله يخليك
سيف بضيق: تمام ماشي اسف يامدام قدر اسف ياستاذ مراد
قدر: قابل اعتذاره يا استاذ مراد
مراد بصدمه مما يحدث: ها؟
قدر تشدد على كلامها: قابل اعتذاره؟
مراد: ايوة اعتذارك مقبول
قدر بهدوء: تمام، أستاذ سيف تقدر تمشي وبعد شهر هتلاقيني بنفسي عندك في الشركة
سيف: ان…
قدر بمقاطعة: وقتك خلص…تقدر تتفضل
(نظر سيف لها بغضب وكره شديد ورحل بغضب)
سمير: طبعا انا اسف علي اللي حصل ده
قدر بهدوء: ولا يهمك يا سمير انت ملكش دخل باللي حصل اصلا تقدر تتفضل مع صحبك عشان ميعملش مشاكل ولو عمل انا مش هسكتله
سمير: في دي معاكي حق عن اذنك
(رحل سمير بسرعه خلف سيف، وتحدث مراد بعد رحيل سمير)
مراد بحرج: إحم…انا اسف علي اللي حصل لكن كنتي هتقعي وو…
قدر بمقاطعة: استاذ مراد انت مش مطلوب منك انك تبرر حاجه لانك مغلطش هو اللي بني ادم مش بيفهم
(ثواني ودلف معتز وهو يرقض بمرح)
معتز بسعادة: وافقت وافقت والله ياجدعان وافقت
مراد يضغط على اسنانه: اسكت يا متخلف
معتز بمرح: والله انهارده احلي يوم في حياتي
قدر بسعادة داخلية لم تظهرها أبداً: مبروك يا استاذ معتز انشاء الله هحضر كتب الكتاب الاسبوع الجاي
معتز: تنوري طبعا
مراد: طب بما اننا خلصنا اللي كنا جايين علشانه نقدر نمشي بقى
معتز: طبعا يلا لسة في حاجات كتيره لازم تخلص قبل يوم كتب الكتاب
مراد: طب يلا بينا مع السلامه يا مدام قدر
قدر بهدوء: فرصة سعيدة
(هم مراد لكي يرحل لكن اوقفه صوت قدر)
قدر بهدوء: استاذ مراد
التف مراد لها: ايوة
قدر: ياريت اللي قولتلك عليه يبقي عندي
مراد: تمام ماشي
(غادر مراد ومعتز اما قدر فقد اخذت حقيبتها وخرجت من الشركه متجهة الي منزلها)
…………………………………………………………..
*في شركة الملك*
(يجول سيف ذهابا وايابا بغضب بينما يتابعه سمير بملل)
سمير بزهق: يابني اتهد بقي خايلتني
سيف بغضب: انا تكلمني بالاسلوب ده وتقولي اعتذر للاستاذ زفت اما واريتك يا وَجْد الكلب
سمير: انت مش كنت اقتنعت انها قدر ايه دخل وَجْد دلوقتي
سيف بصوت عالي: سميييير متعصبنيش انت التاني
سمير: الاه طب وانا مالي انا يا لمبي
سيف ويتغط على اسنانه بغضب: ثانيه واحده وملقش قدامي فاهم
سمير: ياخويا انا هروح مكتبي بلا نيلة
……………………………………………………….....
*في قصر قدر*
(تجلس قدر في مكتبها وامامها لعبة الشطرنج وكانت تلعب باللون الاسود حتى جائها اتصال ردت قدر بجمود)
قدر بجمود: ايه الجديد
المتصل: ركبنا كل حاجه ياهانم ودلوقتي هما طلعو الشقه تقدري حضرتك تشوفي كل حاجه دلوقتي
قدر بجدية: تمام ماشي
(اغلقت قدر الهاتف وفتحت الاب توب و وصلت تسجيلات الكاميرا عندها واصبحت ترا كل شئ وتسمع كل شئ وجهت نظرها للعبة الشطرنج وظلت تلعب وهي تستمع للحديث الذي يدور بينهم)
نهال بعصبية: بلال متستهبلش انت عارف كويس ان سيف لو عرف حاجه هيقتلنا
بلال بضيق: ماخلاص يا نهال مش كل مره الموال ده
نهال: لو عرف اللي بنيني وبينك هيقتلها
قدر وهي تلعب بسخريه: الطيور علي اشكالها تقع ولا و وقعت علي واحده شبهك يا سيف
بلال: هيعرف ايه تقدري تقوليلي كدا هيعرف ايه انت وعلي طول معاه وعمره ماعين حراسة عليكي وعايشين مع بعض زي الفل انت وهو ولميس
…امسكت قدر قطعة شطرنج وكانت تحركها لكن ماسمعته اوقفها بصدمه …
نهال بانفعال: انت عارف كويس ان لميس بنتك مش بنت سيف
…رفعت قدر نظرها لشاشة الاب توب تتابع مايحدث باهتمام شديد…
بلال ببرود: اظن انت متلعطيش خسرانا من الموضوع ده عندك زوج معيشك ملكة عايشة في ڤيلا لو بعتيها تشتريكي انت وانا واهلك كمان مكنتش غلطه حصلت قبل جوازك يعني وبعدين انا مقصرتش معاكي اخدك وعملتلك عمليه عشان ميعرفش اللي فيها وادينا بنتقابل اهو وبشوفك وتشوفيني و عايشين مع بعض اجمل عيشه
نهال بضيق: أجمل عيشة وانا قاعدة معاه خايفة ليمسك التليفون ويعرف دي تبقي اجمل عيشه لما اكون في حضنك واروح انام في حضنه دي تبقي اجمل عيشه ولما بنتي تقول لواحد تاني يا بابا دي تبقي اجمل عيشه انت ايه مبتحسش ياخي علي الاقل لو مش بتفكر فيا فكر في بنتك لميس في بنتنا
…نهض بلال واقترب منها وحاوط خصرها بيده وقربها منه فالم يعد هناك خطوة بينهم…
بلال بلؤم: اسمعي يا نهال اظن الوضع ده مدخلناش فيه بارادتنا فاليه تبقي زعلانه بالشكل ده انا مش عاوزك تزعلي ان شاءلله انا هظبط كله حاجه
نهال بضعف: وعد؟
بلال يقترب أكثر بخبث: وعد
…لم تستطع قدر ان تري اكثر من ذلك اغلقت الاب بتوب ونظرت امامها بشرود وامسكة قطعة شطرنك واوقعة قطعة الملك وتحدثت بانتصار…
قدر بانتصار: كش ملك، سيف مهران فضل طول حياته مشيه كله زفت ويوم ماتجوز اتجوز جوازة في نظره انها تعر ويوم ماجاله طفل من صلبه كان عاوز يموتو هئ شوف سخرية القدر ربنا بعتله واحده لما اتجوزها مكنتش عذراء في الأساس ودي كانت جوازة تشرف ولما جاله طفل مش من صلبه فرح بيه جدا، نهايتك قربت يا سيف يامهران قربت اووي.
…نهضت قدر وذهبت لغرفتها لتستريح قليلاً ابدلت ملابسها بملابس النوم وتركت لشعرها العنان واستلقت على السرير لكن غلبها النوم وذهبت في سبات عميق…
…………………………………………………………..
Flash back…
(وَجْد نائمه في غرفتها بعد تفكير شاق كالعادة قبل النوم ولكنها شعرت بيد تملس علي وجهها في البدايه ظنت انها حنين لكن شعرت ان اليد كانت تسير علي جسدها بجراءة فتحت عيونها بفزع ونهضت بسرعة من غلي السرير وعندما نظرت تفاجئت مما راءت)
وَجْد بصدمه: كرم بيه؟
كرم بنظرات وقحة: انا قولت اجي اتكلم معاكي كلمتين شوية
وَجْد بخوف: اتفضل
اقترب كرم منها بشدة: عاوزين نعمل صفقة مع بعض
وَجْد بتوتر: مش فاهمه
كرم: لا ازاي ده اللي توقع سيف مهران وتتجوزو وتهرب بالمجوهرات والشيك ده لازم تكون ذكية وذكيه جدا كمان
وَجْد تحاول ابعاده عنها: انا معملتش حاجه هو اللي ضحك عليا انا معملتش حاجه ولو سمحت ابعد بقي عشان كدا مينفعش
امسكها كرم من يدها وضغط عليها بقوة: طب بصي بقي انتي يقيتي اقرب واحده ل قدر حتي مكتبها محدش بيدخلو الا انت، ياهتجبيلي كل اللي انا عاوزو من مكتبها وهنبقي حبايب، يا هاخد اللي انا عاوزو منك انت وباردو هنبقي حبايب ها قولتي ايه
وَجْد بالم وبكاء: ابوس ايدك سيبني انت ازاي تخون قريبك كده مش حرام عليك
كرم بحده: لأ بقولك ايه شغل الحلال والحرام ده مش عليا انا ياماما ها هتعملي اللي قولت عليه من سوكات
وَجْد برفض ومزالت تبكي: لأ مش هعمل كده انت فاهم مش هعمل كدا
كرم بنظرة شر: يبقي انت اللي اخترتي……
stop 🤚🏻❤