رواية عشق الوتد الجزء الاول بقلم ايمان صالح

 #عِشق_الوَدق_بين_العشق_واللعنه

#مقدمه_سريعه

مسكين ياإبن آدم مسكين ،،بتخاف الموت وآخرتك للطين ،،،

ومن منا لايخاف الموت ؟؟

ممكن تتسمع من حد مجذوب في الشارع ،،وومكن تتسمع من حد حصلت له ظروف صعيبه خلت عنده عقده نفسيه ومش هايم على وجهه،،وممكن تكون رساله لأشخاص عاديه زينا ،،بيعملو ذنوب ومعاصي ومحتاجين رساله تفوقهم ،،،جمله ،،حاجه بسيطه بتشمل معاني كتيره ،، قصه في حد ذاتها ،،لكن في الواقع اننا فعلاااا من واللي التراب (الطين)فهل ياتري ماقصة هذه الجمله ؟؟

#الجزء_الأول،،،

يااآهل الناااچع !!الحجو إستخبو ياأهل النچع إجفلو على روحكم زيين ،،بت الغچريه طلعت ،،،بت الغچريه طللللعت ،،،

في مشهد تقشعر له الأبدان كل اللي يسمع الجمله يجري يقفل علي نفسه بابه ،،ستات النجع كلهم طالعين يقفلو الشبابيك واللي تشد إبنها تدخله ،،واللي ترش ملح وتحزم البيت بيه داير مايدور ،،وفجأه،،،ظهرت فتاه في العقد الثامن عشر من عمرها بقميص بيتي أبيض وشعر مربوط وجزء منه متسيب ،،الفتاه جايه من بعيد بتقترب عالأهالي اللي بيجرو ،،وكأنها عشماوي،،،في ثانيه كانو الأهالي أقرب لجيش النمل لما سمع خطوات سيدنا سليمان لما إستخبو في مخابئهم ،،كل فرد في النجع إستخبي معادا ودق ،،،ودق جايه بخطوات أشبه بخطوات طفل بيتعلم الخطي حديثاااا،،خطواتها متخبطه ،،ماشيه تبص فوق في السما وتحت في الأرض وفي كل الإتجاهات وعماله تقول ،،،

ودق••مسكين ياإبن آدم مسكين ،،بتخاف الموت وآخرتك للطين،،تتعالي نبرات صوتها بالإرتفاع وكأنها أسد يزأر ثم تنخفض تدريجياً لوحدها ،،صوتها زى صوت أي حد مريض توحد ،،،فضلت ودق ماشيه بتقلب وجهها يمينااا ويسارااا وفجأة،،وقفت قدام بيت من بيوت النجع وفردت إيديها الإتنين علي مصراعيها وبدأت السماء تنهمر عليها بالشتاء ،،ثم كأنها أتت بالودق معهااا،،الغريب في الأمر ،،،إن الشتاء نازل عليها فقط ،،،هيا والمنزل اللي وقفت قدامه ،،،ووقفت قدام البيت وبصت للأرض بدماغها وهدلت دراعتها ومعاها كل جسمها ،،ووقفت تتهز كأنها يهودي واقف قدام حائط البراق ،،،وقعدت تردد وتقول بسرعه رهيبه وإهتزاز أسرع ،،

ودق••مسكين يآبن آدم مسكين بتخاف الموت وآخرتك للطين ،،مسكين ياإبن آدم مسكين،،بتخاف من الموت وآخرتك للطين،،ودق مش بتردد غير الجمله دى،،وبسرعه غرقت ودق بالماء ،،وغرق المنزل معاها من الميه اللي نازله عليه،،وقفت واحدة من اهل البيت تزعقلها من شباك واربته وقالت لها ،إمشي ياوش البومه من هنا ،،،إمشي هطلع أموتك ،، لحظه ما الست بتتكلم من حيث لا تعلم مسك فيها سلك كهرباء عريان وقعها ميته في ساعتها وبدأ أهل البيت بالصراخ عليها ،،،بعد ربع ساعه متواصلين ودق واقفه بتتهز وتقول جملتها قدام المنزل ،،مشيت ودق وكأن المطر الغزير ماشي معاها ومع مشيها بتردد جملتها اللي مش بتقول حاجه غيرها ،،،

،،،،،في الصباح ،،،عند بيت الغچريه ،،،ناس كتييير متجمعه بالمشاعل ،،عمالين يصرخو عالغجريه وينادو عليها ،،،إطلعي ياااغچريه ،،،دا ماينفعش أبدااا الحال دة ،،إطلعي ،،،الغجريه واقفه جوا بيتها ومعاها بنتها ودق اللي وخداها في حضنها ،،ودق عماله تزوم زى الأسود ،،،

غچريه ••بس ،،بس يابتي بس !!!سامعينك عااد وهيموتونا إحنا التنين ،،

ودق••مسكين يااأبن آدم مسكين،،بتخاف الموت وآخرتك للطين ،،غجريه حطت إيدها علي بق البنت وقالت لها 

غچريه ••أسكتي عاااد بجي هنموتو يامخبله ،،وبدأت ودق تصرخ بصوت أعلي ،،،وزمجرت عجريه ،،يوووة؟؟يامري ؟؟يابتي آني مفييش حيل واصل لمداحلتك !!أجولك؟؟أجعدي إهني ,,واني هخرچ وياكي عشيه ماشي؟؟

ودق••بزئير ،،،أهممممم ،،،اههمممم ،،،

غچريه ••يامرك الطافح ياغچريه ؟؟أخرچ أجولهم إييه ؟؟أني مشيفاش عاااد ،،يلااا هخرج ورزجي علي اللي خلجني بجي ،،،هييه 

وطلعت غجريه لأهل النجع اللي كانو واقفين بيهددوها من بره بإحراق البيت لو ماطلعتش أو طلعتلهم البنت ،،وطلعت غجريه وهيا بتتسند على عكازها عشان تسكت الناس،،

غجريه ••إيييه ،،،فيه إيه ياأهل نچع أبو عكييشه ؟؟مالكم إنشاالله ؟؟رد عليها واحد من الناس اللي واقفه ،،

الرجل ••بجي ماخبراش فيه إيه ؟؟يسخمطك إبسخميييط إنتي وبتك !!

غچريه ••آنني ياولدي؟؟بتجولي آني إكده ؟؟طب عيب عليك؟؟إختشي ،،أني مره كبيره جد أمك ياااولدي !!

الرجل••إخرسي جطع لسانك من لغلوغه !!أمي مين إنتي اللي تاااچي چارها !!إنتي آخرك كنتي غزيه في الموالد ،،إتحشمي وإنتي بتحدتيني يامره !!!

غچريه ••حجلت ،،أبيبي بي بيبي بي ،،،ياولد الشوم ياناجص ربااايه ،،بتتطاول على مره كابيره؟؟انت من عليه مين في النچع هشتكيك لابوك ،،قام عليه الواقفين كلهم شتموة وسكتوه ،،،وطلع راجل أكبر من اللي شتمها وقالها ،هما كلمتين ياغچريه ،إمنعي بتك من الطلوع أحسن ليكي ولينا ،،مفهوم؟؟

غچريه •• بمسكنه وذل ،،ياابو عمو !! دي غلبانه ياودي !!إنحبسها في البيت يعني؟؟ماهتخرچش زي الخلج؟؟عشان عجلها علي جده أكتلها ياودي؟؟

الرجل التاني••مالناش صالح ،،كفي أذاها عننا ،،كفايه بجي كل ماتخرچ بنكبه عالنچع ،،

غچريه ••حاضر ياولدي حاضر هكتفها وأجعدها ،،إللي تشوفوه ،،بس أبوس يدكم ،،بلاشي تتهچموو عليا تاني إكدة ,, آني مره كبيره ونضري رايح لحاله وماعرفاش انتو مين اللي جدامي ،،،ووقفت تعيط ،،، آني ماليش دخل يابو عمو انت وياااه !!آني ربنا إبتلاني فيها ،،سامحونا وححنو علينا بدل إكدة !!أعمل فيها إيه بس !!! أطخها ؟؟أجتلها ياخلج وتتحبس واحده عاميه كيف حالاتي؟؟إهئ إهئ إهئ ،،حاضر ياناس ،،ربنا عالجوي إهئ إهئ ،،صعبت على الجميع ،،وقف الناس اللي كانو ثايرين من شويه وكانو عاوزين يولعو فيها هيا وبنتها يخبطو كف علي كف ويقولو ياااحول الله يااارب ؟؟ربنا يتولاكي إنتي وهيا ياستي ،،،وإنفضو من حول اللبيت وكل واحد فيهم مكسوف من نفسه ،،ويخبط كف علي كف،،،ودخلت غجريه على بيتها وقفلت الباب على نفسها وبدأت تسك ميييت ترباس ،،،،

#يتتتبع،،،،،،،،،،،،،،،،،،،،،،،،،،

#إيمان_صالح_عوض

#إيمان_صالح

الفصل التالى

تعديل المقال