" السلام عليكم ورحمة الله وبركاتة "
هذا اللقاء مميز ومختلف عن جميع لقاءات الماضي، هذه المرة معنا مديرة جروب اللارواية ويستدنا ان نتعرف بها، فهيا معًا لِنبدأ ♡♡
اولا انا مش لوحدي في ادارة الكيان احنا اربعه
كوكي: سمر: شوشو: وانا
▪︎الاسم؟ صافي محمد
▪︎السن؟ ٣٦
▪︎المحافظة؟ البحيره متجوزه في كفر الشيخ
▪︎الموهبة؟ التصميم
لقبك؟ صافي
▪︎ هل بإمكانك أن تحدثنا عن نفسك ؟ انا صافي محمد من مواليد دمنهور كنت في المعهمد الازهري ومعايا ليسانس، شريعه اسلاميه متزوجه ومعايا ثلاث اطفال وكفايا كده عشان بفرهد بسرعه 😂
▪︎كيف إكتشفت موهبتك ؟ من تلات سنين عند الاعلان عن دورة تصميم
▪︎ متى بدأت فى تجميع فريق العمل وكيف فعلت ذلك
بعد التخرج كنا انا وكوكي وسمر بنلتحق بجروبات للتصميم وكنت كل فتره الح ع كوكي اننا عايزين حاجه خاصه بينا بدل التحقنا بحد وفعلا بعدها بكام يوم لقيت كوكي وسمر جاين وقالوا ايه رايك في اسم اللاروايه كان الاول حساه صعب والناس مش هاتفهم الاسم وبعدين قالوا يلا هانبتدي وبعدين انا نزلت اعلان في معظم الجروبات وبدات رحلة البحث عن مصممات متميزين ومن هنا كانت البدايه بس كنا عاملين جروب لمسة ابداع قبلها والحمدلله في فتره وجيزه نجحنا وسمعنا بفضل ربنا سبحانه وتعالي
▪︎ من أول من شجعك على موهبتك وعلى انشاء الفريق؟ كان اول مشجع اصحابي وكانت شيماء اووفا ومنال نوله كانو اكتر الناس الي لما وقفت بقوا يشجعوني كتير عشان ارجع
وبالنسبه للكيان كانت كوكي وسمر وشوشو كنا بنشتغل بالليل والنهار
▪︎ماهي الصعوبات التي واجهتوها سويا وكيف تخطيتوها؟ : كتير فكرة الوصول ماكانتش، سهله في الاول بس اقدر اقول توفيق من ربنا واجتهادنا ووقوف الكاتبات جنبنا ساعدنا كتير
▪︎هل تعتقدين أنك ستتخلين يومًا عن ذلك الفريق ؟ لا طبعا ان شاءلله ده حلم وتعب سنين استحاله اسيبه
▪︎ماذا يمثل لك العمل الجماعى ؟ مش يفرق معايا نجاح اسمي ع قد مايفرق معايا اسم اللاروايه ونجاح الاسم بيخليكي تعدي اي شئ عشان اسمنا يكبر ويكبر
▪︎أرِنا بعض من تصميماتك و شغل الفريق
▪︎من هو مثلك الأعلى في هذا المجال؟ ميري سمر كوكي
▪︎هل ترى أن التواصل الإجتماعي لهُ دورًا في هذا المجال؟ : ده اهم من الشغل نفسه عشان نوصل كان لازم نسمع عند كل الكاتبات اولا وده ماكانش هايحصل من غيرالتواصل الاجتماعي
▪︎ما هي طموحاتك فى المستقبل ؟ اننا يكون لينا دار ورقي خاص بالكيان
▪︎رسالة توجهها لِكل مبتدئ فى ذلك المجال ؟ ماتيأس استمر اتعلم ماتوقفش وماتحبطش ماتقولش استحاله اوصل عشان مفيش مستحيل
فيديوا شكر لكيان اللارواية