رواية العشق الأبدي2 ( توأم روحي)
رواية العشق الأبدي2 ( توأم روحي) بقلم لبنى دراز
الفصل الاول
❤🌹❤🌹❤🌹❤🌹❤🌹❤
عن النبي صلى الله عليه وسلم قال: (أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ، وَهُوَ مَسْئُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْئُولٌ عَنْهُمْ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ، وَهِيَ مَسْئُولَةٌ عَنْهُمْ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ، أَلَا فَكُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ) متفق عليه.
صدق رسول الله صلى الله عليه و سلم
🌹❤🌹❤🌹❤🌹
ملخص بسيط لـ #العشق_الأبدي ج1 (حلم الفارس)
حلم .. سيدة أعمال بسيطة جدا و متواضعة و من حبها للزراعة ابتدت مشروعها من الصفر و هى لسة طالبة فـ أخر سنة جامعية بعد دعم أستاذتها و جوزها اللى كان ليها الأب الروحى لغاية ما وصلت و بقى ليها اسم و وزن و بقت اسطورة فـ مجالها أسمها بيتعمل له حساب رغم صغر سنها و الكل بيتمنى بس نظرة منها
فارس .. ظابط امن وطنى أتنقل من بلده هو و أسرته لـ بلدها و لان والدته و والدتها بنات عم أضطر ينزل ضيف عندها فترة مؤقتة و بعدها سكن فـ شقة قصادها بصفة دايمة و فضل حوالى فترة من غير ما يقابلها لانها باستمرار فـ مزرعتها و لما اتقابلوا حصل بينهم مشاكسات كتير بسبب و من غير سبب .. و اللى جمعهم سوا بعد أحداث كتير شخص واحد و هو عابد الوزير بينه و بين حلم عداوة و فـ نفس الوقت هو نفس الشخص اللى فارس مكلف بالقبض عليه و اتنقل مخصوص من بلده عشانه و توطدت العلاقة بين حلم و فارس لغاية ما بقت قصة عشق بيحكوا و يتحاكوا عنها قابلتهم مواقف كتير قبل جوازهم فرقتهم عن بعض و فـ الاخر انتصروا ع كل اللى حاولوا يفرقوهم و اتجوزوا و خلفوا أربع اولاد و تتوالى الأحداث فـ الجزء الثاني معاهم و مع أبطال جداد و قصص عشق جديدة ان شاء الله
#الأن_أترككم_مع_أحداث
#الجزء_الثانى
#تمنيـــــــــاتى_لكم_بقراءة_ممتعة
توأم روحي بقلمى✍️_________لبنى دراز
تعريف أبطال العشق الأبدي
نجوى المحمدى:: أم فارس و طبعا كلنا عارفينها
فارس المنصورى و حلم الرشيدي
أولادهم
حور المنصورى:: هادية جدا و بريئة لدرجة ان كلمة توديها و كلمة تجيبها و حلمها تبقى طبيبة عسكرية
أحمد المنصورى:: جد جدا عنيد و جريء و قوى و عنده عيلته خط أحمر و طموحه يبقى ظابط مخابرات
تسنيم المنصورى:: توأم أحمد قوية عنيدة جريئة ماحدش يقدر يقف قصادها عايزة تبقى سيدة أعمال و تكمل مسيرة حلم الرشيدي
جاسر المنصورى:: مرح جدا بيحب الضحك و الهزار و مجنن فارس دايما
بس وقت الجد بيكون واحد تانى خالص زى حلم شخصيتين فـ بعض بيفكر يمسك شركات حلم و يقعدها فـ البيت
أدهم المنصورى و أمل العربي
أولادهم
فارس أدهم المنصورى:: قوى جريء عنيد واخد طبع عمه فارس المنصورى فـ كل حاجة
هنا المنصورى:: مرحة جدا و مجنونة و العقل بالنسبالها مرض مزمن و غاوية برطمة زى امل
لوچين المنصورى:: النسخة التانية من أمل فـ الجنان و البرطمة بس فى عندها شوية عقل
قصي النويري و ياسمين المنصورى
أولادهم
ياسين قصي النويري:: عنيد و جريء و طبعه الغيرة الشديدة بيحب حور و فارض عليها سيطرته و بيغير عليها جدا
أدم قصي النويري:: النسخة التانية من جاسر المنصورى بيحب الضحك و الهزار و وقت الجد مايعرفش حد
رؤى قصي النويري:: بنت رقيقة جدا و هادية زى ياسمين
سيف عز الدين و عاليا المنصورى
أولادهم
علا سيف:: شقية و مرحة و ع طول متعصبة لو حد كلمها تقولهم ابعدوا عنى انا بنت سابعة و زرابينى طالعة
شادى سيف:: الضلع التالت فـ مثلث المرح جاسر المنصورى و أدم قصي 3 كوارث لما يتجمعوا سوا
هشام الرشيدي و فُتنة حسان
أولادهم
سامر الرشيدي:: جد جدا صاحب رأى حر و مش بيتهاون فـ الغلط مهما كان مين اللي غلط طموحه يبقى وكيل نيابة او قاضى
روڤان الرشيدي:: توأم سامر شبه حلم جدا فـ كل حاجة
و طبعا كل الشباب أبطال العشق الجداد كل كابل منهم ليه قصة عشق مختلفة و كالعادة باقى الأبطال هنتعرف عليهم حسب الظهور
العشق الأبدي ج2 بقلمى✍️__________لبنى دراز
فـ ڤيلا فارس
بعد ما رجع من الرحلة اللى طلعها هو و حلم عمره اللى هربوا فيها من مسؤولياتهم و أولادهم و هما داخلين الڤيلا قابلهم
جاسر:: اممممم حمد الله ع السلامة يا ست مامى بقى بتهربى مني و تروحى مع فارس و تسيبينى كدا لوحدى
حلم:: بسعادة ..حبيب مامى وحشتنى تعال هات حضن و بوسة كبيرة
فارس:: بغيظ مصطنع و عينه ع جاسر .. انتى يا بت انتى انا مش قايلك مافيش حضن و بوس لـ حد غيرى
جاسر:: برفعة حاجب .. يا سلام و ده ليه بقى يا سى بابا هى حلمك لوحدك ياخويا ولا ايه
فارس:: مسكه من قفاه .. انت ياض رخم ليه اه هى حلمى و حلم عمرى كله
جاسر:: كان زمان يا باشا دلوقتي بقت حلمى انا و انت بقى كفاية عليك كدا
فارس:: و حياة أمك !!! هو مين ده اللى كفاية عليه كدا .. ده لا انت و لا أخواتك و لا اللى يتشددلكم حتى .. هى هتفضل حلم عمرى انا و بس قال كفاية كدا قال
حلم:: بضحك .. خلاص انتوا الاتنين ما تتخانقوش انا حلمكم كلكم ههههههههههههه
نجوى:: بضحك .. طبعا مبسوطة انتى و هما بيتخانقوا عليكى كدا .. حمد الله ع السلامة يا ولاد
حلم:: هههههههههههه باست راسها و إيدها .. أعمل ايه بس يا ماما ابنك عامل عقله بعقل أبنه الصغير
فارس:: باس راس أمه الله يسلمك يا حبيبتى .. قوليلى الاول العيال دول تعبوكى
نجوى:: لا يا حبيبى ماتعبونيش ثم هما كبار مش بيبيهات يعنى هشيل و احط فيهم
حلم:: حبيبتى يا نوجة ربنا يبارك لنا فـ عمرك و لـ جاسر .. أخواتك فين يا جاسور
جاسر:: بغمزة لـ فارس قاصد يغيظه .. قلب جاسور يا حلم حياتى انتى .. حور و تسنيم فوق كل واحدة فـ أوضتها هطلع اناديهم و باسها فـ خدها و جرى ينادى أخواته
فارس:: بغيظ .. لـ حلم عاجبك كدا عمايل أبنك دى شوفتى عمل ايه و جرى
حلم:: ههههههههههههه الله هو أبنى لوحدى
فارس:: الواد لسة ما طلعش م البيضة و حاطط راسه بـ راسى و بيغيظنى
نجوى:: يا حبيبى جاسر بيحبك بس بيحب يناغشك زى عوايده
فارس:: خليكى انتى يا نوجة دلعيه كدا .. ده لسة ما كملش 14 سنة و بيعمل كدا لما يكبر شوية بقى هيعمل ايه
جاسر:: من وراه .. هعمل كتير يا والدى
فارس:: هتعمل ايه بقى يا ظريف افندى ان شاء الله
جاسر:: هاخد حلم حياتى و أهرب بيها نروح الكاريبى
فارس:: لسة هيتكلم شاف حور و تسنيم نازلين جرى
تسنيم:: باااااابى حبيبى وحشتنى وحشتنى وحشتنى جدا اوى خالص
حور:: بابى حبيبى كدا مشيت و مش قولتلنا وحشتنى جدا
فارس:: فتح دراعاته لـ بناته .. حورياتى حبايبى و انتوا كمان وحشتونى اوى و بهمس .. رجعتلكم مخصوص ماقدرتش ابعد اكتر من كدا ماتقولوش بس لـ حلم عمرى 🤫
تسنيم:: باسته فـ خده .. أيوا بقى هو ده
حلم:: اممممم بصرف النظر يعنى عن الاسرار اللى ابتدت دى .. مافيش وحشتينى يا مامى و لا هو بابى بس اللى كان مسافر
حور:: لأ طبعا يا مامى حضرتك وحشتينا خالص حمد الله ع السلامة
حلم::فتحت دراعتها لـ بناتها أخدتهم فـ حضنها و انتوا كمان يا نور عيني و حشتونى اوى .. أحمد فين يا ولاد
جاسر:: فـ النادى يا حلم حياتى شوية و يجي
تسنيم::و هى فـ حضن حلم يا سلام يا ست مامى عشان كدا انتى و بابى قفلتوا تليفوناتكم عشان ما نعرفش انتوا فين
حلم:: بريئة يا توتة بابى هو اللى دبر الجريمة و حجز و خلص كل حاجة و قال يلا نهرب قبل ما الولاد يصحوا و يطالبوا بحقوقهم اليومية
تسنيم:: اممممم بقى كدا ياسي ريزو بقى انت اللى فكرت و دبرت .. كدا بقى فى غرامة و لاااازمن و حتمن و لابد تندفع
فارس:: لـ حلم بقى كدا تبيعينى وتسلمينى تسليم أهالى يا حبيبتى
حلم:: و انا مالى يا حبيبى مش هما حورياتك قابل بقى ههههههههههههه
فارس:: فتح دراعاته لـ بناته مرة تانية .. تعالوا فـ حضن بابى يا حورياتى الحلوين .. و ببراءة مصطنعة سماح بقى
تسنيم:: امممم ماشى يا سي بابى هنسامحك بس بشرط
فارس:: امممم شرط؟؟
حور:: ببراءة .. هو مش شرط هو بس طلب صغنون اوى يعنى يا بابى
فارس:: حورياتى يأمروا أمر و بابى ينفذ
حور:: عايزين نسافر نتفسح كلنا مع بعض ونعمل جولة باريس روما لندن برلين موسكو و كدا يعنى
فارس:: بس كدا من عيونى انا تحت أمر حورياتى اظبط بس شغلى و أخد أجازة كبيرة نلف فيها العالم كله
جاسر:: بتذمر .. أه يا عم طلبات حورياتك أوامر و انا أبن البطة السودة مش عارف هو انا مش أبنك برضوا و لا لاقينى ع باب جامع بس ياربى
حلم:: لـ جاسر .. أخص عليك يا جاسورة بقى انا بطة سودة
جاسر:: و هو بيرقص حواجبه .. أنتى بطة قلبى يا أحلى بطة فـ حياتى يا قمر انتى
فارس:: قام وقف و شال جاسر و علقه ع باب الڤيلا و سابه و دخل تانى
جاسر:: نزلوووونى يا عاااالم ياللى جوة حرام كدا و الله
فارس:: من جوة عشان تبطل طولة لسان و تبطل تعاكس حلم عمرى قصادى
حلم:: لـ فارس .. نزله بقى يا فارس
فارس:: لأ
حلم:: عشان خاطرى يا حبيبى
فارس:: خاطرك غالى يا حلم عمرى كله بس برضوا مش هنزله
أحمد:: من ع الباب لـ جاسر .. طالما متعلق كدا يبقى بابا رجع من السفر
جاسر:: نزلنى يا أحمد أنا أخوك حبيبك عشان خاطرى
أحمد:: أكيد عملت مصيبة جديدة لـ بابا عشان كدا متعلق كالعادة
جاسر:: أبدا و الله يا ميدو ما عملتش حاجة نزلنى بقى
أحمد:: لأ خليك كدا عشان تتربى و سابه متعلق و دخل سلم ع فارس و حلم .. حمد الله ع السلامة يا بابا
فارس:: الله يسلمك يا حبيبى عامل ايه
حلم:: أخدته فـ حضنها وحشتنى يا حبيبى عامل ايه طمنى عليك
أحمد:: باس إيدها .. الحمدلله يا حبيبتى كويس حمد الله ع السلامة
جاسر:: و هو متعلق ما اهو يا حاج فارس بيقولها يا حبيبتى أهو و لا هو حلو ليه و وحش ليا يعنى ده ايه التفرقة العنصرية دى يا خواتى بس
فارس:: لـ جاسر .. امممم شكلك بتحرضنى ع أخوك ياض انت مش كدا و انا بصراحة بتلكك
أحمد:: ليه بس كدا يا حاج انا فـ حالى أهو و ساكت مابتكلمش
جاسر:: يا باااابااااا نزلنى خلاص حرمت مش هعاكسها تانى بس نزلنى
نجوى:: خلاص بقى يا فارس
فارس:: سامحينى يا حبيبتى بس لما يجيلى مزاجى ابقى انزله
جاسر:: ما انت أهو بتقول لـ نوجة يا حبيبتى اشمعنى بقى يا ناااااس هى مش حلم دى أمى و من حقى أحبها و لا ايييه
فارس:: طب و حياة أمك الغالية دى ما انا منزلك خليك متعلق كدا
حلم:: بدلع .. لـ فارس خلاص بقى يا فارس نزله
فارس:: يا بنتى قولتلك مليون مرة بلاش فارس بالطريقة دى بتاخدى روحى بيها .. حاضر يا قلبى هنزله عشان خاطرك و فعلا راح و هو بينزله .. لو سمعتك بس بتعاكسها تانى هعلقك و مش هنزلك تانى
جاسر:: حاضر حاضر .. و هو بيجرى ع السلم لـ حلم أحبك يا بطتى تسلميلى يا حلم حياتى و حدفلها بوسة ف الهوا و غمز لـ فارس و جرى
فارس:: بغيظ أه يا أبن الـ.... و لـ حلم شوفتى الواد
حلم:: هلكانة ضحك ع تصرفات جاسر مع فارس ههههههههههههه انتوا الاتنين مالكمش حل بجد مشكلة
فارس:: لسة هيرد عليها لكن موبايله رن بيعلن عن أستلام رسالة و فتحها و كان نصها
خد بالك من عيالك
امضاء/ عائد بقوة
شرد جواه و فكر فـ عابد معقول يكون هو بس لأ ده اتنفذ فيه حكم الأعـ ـدام
و رجع بالذاكرة
"فلاش باك"
قاعد فـ مكتبه فـ القطاع و فجأة دخل
سيف:: السلام عليكم
فارس:: و عليكم السلام و رحمة الله .. ها ايه الاخبار طمنى
سيف:: اخبار بمليون جنيه .. عابد خلاص اتحدد ميعاد تنفيذ الحكم فيه بعد يومين و أخيرا هيتعلق ع المرجيحة
فارس:: امممم تمام يا سيف كويس اوى الكلام ده
سيف:: بتفكر فـ أيه يا أبن المنصورى
فارس:: ما تشغلش بالك انت باللى بفكر فيه
سيف:: برفعة حاجب .. اممممم مش عارف حاسس انك بتفكر تروحله صح ؟؟
فارس:: قام وقف و بص لـ سيف بطل تدخل جوة دماغى عشان مهما حاولت هتوه برضوا و مش هتوصل ماشى
سيف:: بس برضوا شكلك عايز تروحله ها .. و لـ نفسه عارفك يا فارس مش هترتاح اللى لما تشوفه بيتمرجح
"عودة للوقت الحالى"
حور:: بابى حضرتك مش سامعنى و انا بكلمك
فارس:: بأنتباه .. ها مالك يا حبيبتى بتقولى حاجة
حور:: بقول لحضرتك عايزة أروح عند عمتو عاليا أقعد مع علا شوية
فارس:: بخوف زعق مرة واحدة لدرجة ان الكل اتصدم .. لأ مافيش خروج من البيت خاااالص و الكلام ليكم كلكم مفهوم
حور:: بدموع بتـ ـهد د بـ النزول ..
ليه يا بابي ما أنا بروح هناك ع طول إشمعنى النهاردة يعنى
فارس:: بصوت عالي أنا قولتها كلمة يا حور مافيش خروج يعني مافيش خروج و أنتى عارفة انا مش بحب أكرر كلامي مرتين فاهمة و لا لأ
حور:: حاضر يا بابى و طلعت جرى ع اوضتها و هى بتعيط و مش فاهمة فارس عمل كدا ليه
حلم:: بأندهاش من موقفه .. مالك يا حبيبى فى ايه .. انت اول مرة تزعق لـ حور او لـ اى حد من الولاد كدا .. الرسالة اللى جاتلك دى فيها ايه غيرك بالشكل ده
نجوى:: مالك يا فارس قلقان ليه كدا فيها ايه الرسالة دى
فارس:: بقلق متدارى .. مافيش حاجة يا جماعة ما تقلقوش دى رسالة تافهة من شخص تافه و بيستظرف شوية
حلم:: ضيقت عينيها اوى .. مش عارفة مش مصدقاك ليه و لما هى رسالة تافهة اوى كدا تقوم تتعصب و تزعق بالشكل ده لـ حور و تزعلها
فارس:: بقلق جواه .. معلش يا حبيبتى أعصابى بس تعبانة شوية .. انا هطلع لها اراضيها و أخدها بنفسى أوصلها عند عاليا
حلم:: لـ فارس ايه تاعب اعصابـ.....
و قطـ ـع كلامها رنة موبايلها بيعلن عن استلام رسالة و فتحتها و نصها
خليكى أعقل من جوزك و خافى ع ولادك خصوصا حبيبة أبوها حور
أمضاء/ عائد بقوة
فارس:: لاحظ تغير ملامحها بعد ما بصت لـ تليفونها و أخده منها و شاف الرسالة و بهدوء .. تعالى نطلع اوضتنا و لـ نجوى معلش يا حبيبتى هنطلع نرتاح شوية من تعب السفر و لـ ولاده مافيش خروج برة باب الڤيلا و لا حتى الجنينة مفهوم
أحمد:: حاضر يا بابا مافيش حد هيخرج برة
فارس:: أحمد هعتمد ع الله ثم عليك .. انت دلوقتي بقيت راجل و لازم تتحمل مسؤولية أخواتك من بعدى
أحمد:: ربنا يبارك لنا فـ عمرك يا بابا و ماتقلقش مافيش حد فينا هيخرج من باب الڤيلا
نجوى:: بقلق من تصرفه .. ماشى يا حبيبى اطلعوا ارتاحوا و ماتقلقش عليهم مش هخليهم يخرجوا برة الڤيلا
و بالفعل طلعوا هو و حلم عمره اوضتهم يفكروا مين اللى بيبعتلهم رسايل التهد يد دى
فـ اوضة فارس
حلم:: بدموع الخوف .. انت جاتلك رسالة زى دى صح شكلك بيقول كدا
فارس:: فعلا الرسالة اللى جاتلى بتقول خد بالك من عيالك
حلم:: طيب مين ده و عايز مننا ايه
فارس:: مش عارف يا حلم مش عارف
انا لو ما حضرتش تنفيذ حكم الإعـ ـدام فـ عابد بنفسى كنت قولت هو
حلم:: قلبى مش مطمن ..أشمعنى حور أنا خايفة ع الولاد اوى ..
انت متأكد يا فارس انه اتعـ ـدم
فارس:: شرد جواه و أفتكر
"فلاش باك"
فارس راح فعلا لـ عابد قبل تنفيذ الحكم بيوم بعد ما جاب إذن النيابة عشان يحضر تنفيذ الحكم بنفسه و طلب من النائب العام انه يروح يتكلم معاه وصل فعلا عنده و أمر العسكرى يفتحله الباب و دخل
عابد:: قاعد مكانه و هو بـ البدلة الحمرا اول ما شاف فارس .. جاى ليه يا باشا .. جاى تشمت فيا و لا جاى ليه بالظبط
فارس:: مش طبعى يا عابد و حتى لو جاى اشمت فيك فـ طبيعى انت واحد مجـ ـرم و هتاخد جزائك
عابد:: قولتلك جاى ليه يا فارس
فارس:: بقوة .. جاى اترحم عليك مع انك ما تستاهلش
عابد:: هههههههههههههههههههه ما تقلقش مش هتلحق تترحم عليا .. و بهمس .. أصل الموت عمره ما هيبعدنى عنك و هرجعلك تانى بس المرة الجاية هتبقى ضربتى ليك الضربة القاضية
فارس:: امممممم أرجع و ماله لو عرفت تنزل من ع حبل المشنـ ـقة اللى هتتعلق عليها هتلاقينى مستنيك
و لـ العسكرى افتح يابنى الباب ده
تانى يوم
فارس:: واقف مع مأمور السجن و وكيل النيابة و دكتور السجن و شاف عابد داخل مع العساكر و طلعوه ع المنصة و حطوا الحبل فـ رقبته و عينيهم اتقابلت فـ نظرة طويلة من غير اى كلمة لغاية ما غطوا وش عابد و اتنفذ الحكم و الدكتور أكد وفاته
"عودة للوقت الحالى
حلم:: بخوف .. طيب مييين ميييين يا فارس
فارس:: خدها فـ حضنه يطمنها .. ما تقلقيش يا حبيبتى أكيد مش هسكت لغاية ما أعرف مين ده و عايز ايه
و بالفعل حاول يهديها و يطمنها لغاية ما نامت و قام راح أوضة حور و خبط
حور:: أدخل
فارس:: حبيبة بابى لسة صاحية ليه
حور:: بتحاول تدارى عينيها الوارمة من كتر العياط .. أبدا يا بابى مش جايلى نوم
فارس:: قعد جنبها و ضمها لـ حضنه .. ممكن حورية بابا تبطل عياط و متزعلش مني .. معلش يا حبيبتى سامحينى غصب عنى كنت متضايق شوية
حور:: انا عمرى ما أزعل من حضرتك .. بس صعبت عليا نفسى أول مرة حضرتك تزعقلى و انا مش عارفة ليه
فارس:: أسف يا حوريتى مش هعملها تانى .. انتى ماتعرفيش أنتى و أخواتك و حلم كل دنيتى و بخاف عليكم قد أيه
حور:: ببراءة .. و نوجة راحت فين بقى
فارس:: بدموع الخوف .. نوجة دى حياتى هى و عمك أدهم و عماتك ياسمين و عاليا دول مش أخواتى و بس .. دول أولادى زيكم انا ماليش غيركم فـ الدنيا دى و لو أى حد منكم جراله حاجة انا ممكن أروح فيها
حور:: خرجت من حضنه و بتمسح دموعه .. بعد الشر عنك يا حبيبى ربنا يخليك لينا .. بس ليه الدموع دى يا بابى اول مرة اشوفها فـ عينك
فارس:: عشان زعلان من نفسى انى زعلت حوريتى الجميلة و خليتها تعيط
حور:: بابى حبيبى مايعيطش ممكن و انا مش زعلانة خلاص
فارس:: بأبتسامة .. يعنى حورية قلب بابا خلاص مش زعلانة و هتبطل عياط
حور:: هزت راسها بأبتسامة بمعنى اه خلاص مش زعلانة
فارس:: طيب يلا يا حبيبتى قومى أغسلى وشك الجميل ده و نامى و بكرة ان شاء الله انا هاخدك بنفسى عند عمتك عاليا و لا أقولك هقول لـ سيف يجيبهالك هى و علا لغاية عندك ماشى
حور:: بأبتسامة .. ماشى اتفقنا
فارس:: باس جبينها .. يلا يا حبيبتى تصبحى ع خير
و بعد ما صالح حور و اطمن عليها راح لـ تسنيم يطمن عليها شافها نايمة بطريقة غريبة شوية و الغطا واقع فـ الارض ضحك عليها و هو بيعدلها و يغطيها و باس جبينها و خرج و عمل نفس الحكاية مع أحمد و جاسر و كمان نجوى زى كل ليلة ما يعرفش ينام قبل ما يطمن عليهم بس الليلة دى مش عارف ينام و فضل طول الليل يفكر فـ الرسالة إلى جاتله و جات لـ حلم عمره و قرر لازم يعرف مين ده و عايز ايه منهم
________________________
فـ بيت قصي
قاعد فـ أوضته بيذاكر مع فارس أبن خاله أدهم فـ نفس الوقت اللى زعق فيه فارس لـ بنته حور و فجأة اتخنق و مش قادر ياخد نفسه
فارس أدهم:: بخضة .. ولا يا ياسين مالك انت ياض فيك أيه
ياسين:: بدموع .. مش عارف يا فارس مش قادر أخد نفسى حاسس انى بتخنق روحى بتروح منى
فارس أدهم:: يخـ ـرب عقلك كل ده ليه
ياسين:: دخل البلكونة يشم هوا و بتنهيدة أكيد حور فيها حاجة يا فارس
فارس أدهم:: طيب ما تتصل بيها أطمن عليها و لا أكلمهالك انا
ياسين:: بغيرة .. اتعصب ايييه تكلمها دى مش مالى عينك انا و لا ايه بقولك ايه يا فارس مالكش دعوة بيها انت فاهم انا بقولك أهو
فارس أدهم:: بضحك .. يخـ ـربيت اللى يزعلك دلوقتي صوتك طلع .. و بعدين يعنى ايه مالكش دعوة بيها دى ع فكرة حور بنت عمى و ليا فيها أكتر منك يا فالح احنا الاتنين منصورى زى بعض يا نويرى
ياسين:: بزعيق .. فااااااااارس أتلم بقولك ايه ليك فيها دى .. حور ملكى انا و بس أبوها نفسه مالوش فيها انت فاهم
ياسمين:: دخلت ع صوت ياسين مخضوضة .. مالكم يا ولاد فى ايه .. و لـ ياسين مالك ياحبيبى حصل ايه بتزعق ليه كدا
فارس:: مافيش يا عمتو ياسين بس قلقان شوية ع حور
ياسمين:: مالها حور يا حبيبى .. انا كنت عندهم الصبح و كانت كويسة
ياسين:: انا عايز اروح أطمن عليها يا ماما لو سمحتى
فارس:: يابنى انت جرا لـ مخك ايه انت ناسى ان عمو فارس و طنط حلم مسافرين و ممنوع اننا نروح هناك لغاية ما يرجعوا
ياسين:: ماليش دعوة هروح يعنى هروح و بعدين ناناه موجودة و كمان أحمد و جاسر موجودين ايه المانع بقى
ياسمين:: يا حبيبى فارس عنده حق .. انت عارف ان خالك مانع أى حد من شباب العيلة يروح لما يكون مسافر هو و حلم .. اصبر يا ياسين و بكرة فـ المدرسة أطمن عليها
فارس أدهم:: انا قولتله يكلمها يا عمتو و لو مش قادر أكلمها انا و أطمنه عليها
ياسين:: فاااااااارس و بعدين معاك بقى
فارس أدهم:: خلاص يا عم أتحـ ـرق انت و هى .. معلش يا عمتو ماتزعليش منى بس غيرة ابنك الزيادة دى هتضيعها منه بعد أذن حضرتك انا ماشى
ياسين:: بنرفزة .. اترزع ياض انت خلينا نخلص مذاكرة
فارس أدهم:: لأ خلاص صدعت مش قادر أذاكر تانى يلا سلام
ياسين:: ماتزعلش مني بقى يا فارس انت عارف مش بستحمل عليها كلمة
فارس أدهم:: ع فكرة صدقنى غيرتك الزايدة دى هتضيعها منك بص ليا انا و عُلا عاملين ازاى و كل العيلة برضوا عارفين من زمان انى بحبها و بغير عليها بس مش زيك كدا
ياسين:: معرفش بقى انا من يوم ما وعيت ع الدنيا انا و حور و بحس انها مسؤولة مني بحسها توأم روحي يا فارس
فارس:: ما علا كمان يا ياسين توأم روحي بس مش خانقها زي ما أنت خانق حور بالطريقة دى
ياسمين:: بنفاذ صبر .. انا مش عارفة بس انتوا لسة عيال حب ايه اللى بتفكروا فيه ده و انتوا لسة 18 سنة
فارس أدهم:: حط دراعه ع كتف عمته و بضحك عارفة يا عمتو يا قمر انتى ده حتى الواد جاسر و البت لوچين اختى بيحبوا بعض بس ايه انا مسيطر برضوا ما تقلقيش ههههههههههههه
ياسمين:: لأ انتوا اتجننتوا رسمى كلكم .. فكروا فـ مستقبلكم الأول
ياسين:: ما تقلقيش يا ماما احنا مركزين اوى فـ مستقبلنا بس ده ما يمنعش برضوا اننا نحب
ياسمين:: وماله حبوا براحتكم يا ولاد بس من غير تجاوز مع البنات فاهمين و لا لأ
فارس أدهم:: ما تخافيش يا عمتو أحنا عارفين حدودنا كويس معاهم
ياسمين:: ربنا يحميكم كلكم يا حبيبى
فارس أدهم:: أمين يارب يا حبيبتى انا همشى بقى الوقت اتأخر يلا سلام
و بالفعل مشى فارس أدهم و خرجت ياسمين من اوضة ابنها و ياسين أتصل بـ حور عشان يطمن عليها و عرف منها ان فارس رجع و زعق لها من غير سبب و عشان كدا اتخنقت و عيطت و هو فعلا حس بيها
________________________
فـ مكتب فارس
تانى يوم راح شغله متعصب جدا و قلقان بسبب رسايل التهد يد اللى جاتله هو و حلم و شافه
سيف:: بتهليل .. حبيبى يا ابو نسب عمى و خال عيالى حمد الله ع السلامة يا كبير
فارس:: بضيق .. الله يسلمك يا سيف
سيف:: يا ستار بقى ده شكل واحد لسة راجع من اسبوع عسل .. اتخانقتوا و لا ايه .. تؤ دى ماتحصلش .. ماتنطق يابنى مالك فيك ايه
فارس:: بعصبية هو انت سايبلى فرصة ارد عليك
سيف:: سكت أهو ارغى بقى فى ايه
فارس:: مانمتش من أمبارح و مصدع من قلة النوم
سيف:: و ده ليه بقى ان شاء الله .. فى براغيت فـ بيتكم بتقرصك و لا ايه
فارس:: بنفاذ صبر .. براغيت ايه الله يقرفك
سيف:: أومال فى ايه يعنى يخليك ما تنامش و انت لسة راجع مبسوط انت و مراتك من السفر و سايبنا هنتجنن ومش عارفين انتوا فين
فارس::مش عارف يا سيف فى حد بعتلى امبارح انا و حلم رسايل تهـ ـديد
سيف:: بصدمة ..نععععم يا خويا رسايل ايه
فارس:: رسايل تهـ ـديد
سيف:: ازاى يعنى و مين اللي بيهـ ـددكم و ليه أصلا
فارس:: مش عارف مين و ليه و هتجنن يا سيف دماغى هتنـ ـفجر
سيف:: و اللى بيهـ ـددكم ده بيهـ ـدد بـ ايه
فارس:: بيهـ ـددنا بـ الولاد و خصوصا حور انا قلقان عليهم و بفكر أخليهم قاعدين فـ الڤيلا و ما يروحوش مدارسهم مع أنى اتفقت مع حلم انها توصلهم و انا أرجعهم
سيف:: غلط طبعا انت كدا هتقول للى بعتلك الرسالة انك خايف منه و برضوا انكم توصلوهم و ترجعوهم دى كمان هتلفت النظر أكتر
فارس:: بخوف .. دول ولادى يا سيف انت فاهم يعنى ايه حد يفكر يأذيهم .. انا ممكن يجرالى حاجة لو حد منهم اتأذى
سيف:: ما تقدرش البلا قبل وقوعه يا عم انت و خليكم طبيعين و سيبوا الولاد يروحوا مدارسهم بـ الباص عادى .. و تعال نفكر بالعقل انت مسكت قضية قريب كبيرة و خلصتها ممكن يكون حد من اللى اتقبض عليهم هرب و لا حاجة
فارس:: لأ قضية الـ سـ لاح الأخيرة ماحدش هرب منهم كلهم اتحاكموا و كمان الأ رهـ ـا بيين اللى اتقبض عليهم برضوا اتحاكموا و بعدين حتى لو حد منهم هرب ليه يبعتوا رسالة تهـ ـديد لـ حلم كمان
سيف:: هى كمان مراتك جالها رسالة تهـ ـديد
فارس:: بنرفزة .. أومال انا بقول ايه من الصبح يا بنى أدم انت
سيف:: استنى بقى كدا افهم .. انت عايز تقول انك انت و مراتك جاتلكم رسايل تهـ ـديد
فارس:: ايوا يا سيف جاتلى انا و حلم رسايل مضمونها خدوا بالكم من عيالكم
سيف:: اممممم مش يمكن طيب حد من المنافسين ليها هى فـ شغلها
فارس:: طيب لو منافسين ليها هى هيبعتولى انا ليه برضوا
سيف:: بـ حيرة .. و بعدين بقى فـ الحيرة دى طيب واضح كدا انه حد خفى طرف تالت لا تبع شغلك و لا تبع شغل مراتك طب يبقى ميييين
فارس:: بنفاذ صبر .. أنت كدا حليتها يعنى و جبت التايهة
سيف:: الله مش بفكر معاك يا جدع
فارس:: مسح بـ إيده ع شعره و بص لـ سيف ممكن ما تفكرش تانى
سيف:: بهزار .. تصدق انا غلطان انى بفكر معاك صحيح خيرا تعمل شرق الدلتا
فارس:: سييييف انا مش ناقصك و لا ناقص هزارك
سيف:: يا عم فارس بلاش تكبر الموضوع تلاقيه حد تافه و بيستظرف و لا حد من الولاد نفسهم عامل فيكم مقلب عشان ترجعوا بسرعة من السفر و ياااااعم عشان اريحك هات الرقم اتحرى عنه ساعة زمن وأعرفلك مين ده
و بالفعل أخد سيف رقم اللى بعت الرسالة من فارس و خرج من المكتب
__________________________
فـ ڤيلا فارس
نزلت بدرى من جناحها و قررت انها توصل الولاد مدرستهم بنفسها وشافتها
حور:: صباح الخير يا مامى
حلم:: بهدوء ظاهر و قلق مخفى .. صباح الخير يا قلب مامى
حور:: حضرتك نازلة الشركة بدرى ليه كدا
أحمد:: نزل من اوضته و صبح ع حلم و باس إيدها .. صباح الخير يا حبيبتى و لـ حور صباح الخير يا حورية قلب بابا
حلم:: صباح الورد يا حبيبى
حور:: صباح الخير يا أحمد
جاسر:: بمرح لـ حلم صبااااااحو يا مزتى و لـ حور صباحو فل يابت يا حور و لـ أحمد نصك التانى فين يا برنس
تسنيم:: من وراه انا هنا يا فاشل .. و لـ الكل صباح الخير يا بشر و لـ حلم بغمزة فارس قلبك فين يا حلم عمره
و ناناه فين
حلم:: صباح الخير يا حبايبى يلا اتفضلوا افطرو عشان مانتأخرش ع المدرسة و لـ تسنيم بابا نزل بدرى راح شغله و ناناه لسة نايمة
جاسر:: لـ حلم مزتى حبيبتى هو انا سمعت صح ؟ قولتى ما نتأخرش ع المدرسة صح و لا انا بيتهيألى
تسنيم:: لـ جاسر تصدق ياض انت انا كمان سمعت نفس اللى انت سمعته ده
حلم:: و بعدين معاكم بقى ممكن تقعدوا تفطروا و تبطلوا لماضة شوية
حور:: مامى حضرتك هتوصلينا المدرسة بنفسك؟؟
حلم:: ايوا يا حور هوصلكم بنفسى و ده كل يوم
أحمد:: طيب و ليه يا ماما حضرتك تتعبى نفسك ما احنا بنروح فـ الباص
حلم:: بنرفزة و انا قولت من النهاردة مافيش باص و ده مش قرارى لوحدى
جاسر:: اممممم يعنى بابا كمان قرر كدا طب ليه بقى القرارات المفاجأة دى ها ها ليه بقى
تسنيم:: مامى هو انتوا ممكن مش تسافروا تانى مع بعض
حلم:: و ده ليه بقى ان شاء الله يا لمضة
حور:: عشان من وقت ما رجعتوا و فى حاجة بتحصل مش فاهمينها الاول بابى يزعق و يمنعنا نخرج من باب الڤيلا و دلوقتي حضرتك نازلة بنفسك توصيلنا المدرسة
حلم:: بخوف و عصبية .. مش لازم تفهموا حاجة كلامنا انا و بابا يتنفذ و من غير نقاش و اعتقد مش معنى اننا ربيناكوا ع حرية الرأى انكم تعارضوا قرارتنا و اتفضلوا خلصوا فطاركم و انتم ساكتين
أحمد:: و هو بيفطر .. بعد أذن حضرتك احنا بس محتاجين نفهم مش أكتر
حلم:: أحمممد و انا قولت مش لازم تفهموا حاجة و الكلام يتنفذ و انتوا ساكتين و أه عينك ع أخواتك طول ما انتوا فـ المدرسة ممنوع تكلموا أى حد غير ولاد أعمامك و ولاد خالك هشام و ممنوع تاخدوا اى حاجة من حد و لا حتى تشتروا من بوفيه المدرسة حاجة مفهوم
تسنيم:: بهمس لـ حور سمعه جاسر أقطـ ـع دراع الواد جاسور ده ان ما كان فى حاجة و حاجة كبيرة كمان
حور:: بنفس الهمس فعلا .. انا مش متعودة ع بابى و مامى كدا ابدا
جاسر:: لـ تسنيم انتى عايزة تقطـ ـعى دراعى ليه ابت انتى ها
أحمد:: ممكن خلاص بقى و يلا بينا عشان مانتأخرش
حلم:: يلا و بطلوا رغى و ندهت ع قمر
قمر:: امرك يا مدام حلم
حلم:: الأمر لله يا قمر .. لما تصحى ماما قوليلها انى نزلت بدرى هوصل الولاد للمدرسة و هروح الشركة
قمر:: حاضر .. طب حضرتك تحبى أعمل غدا ايه
جاسر:: انا عايز بشاميل يا قمر
تسنيم:: و انا و انا عايزة زيه
قمر:: حاضر و سي أحمد و انسة حور
حور:: بلاش انسة دى انا حور بس يا قمر و بعدين اللى يجى منك حلو
قمر:: شالله يجبر بخاطرك يارب حاضر هعملك الاكل اللى بتحبيه
تسنيم:: أيوا بقاااااا فراخ مشوية ع الفحم و مكرونة بالوايت صوص هو ده
حلم:: خلاص يا قمر اعمليلهم اللى طلبوه و ماتنسيش تشوفى ماما كمان و أعمليلها اللى هتقول عليه
قمر:: حاضر من عيونى يا ست الكل
حلم:: تسلم عينك يا قمر .. و لـ ولادها يلا يا ولاد خلاص مافيش وقت
و فعلا خرجت و اخدت ولادها و راحت وصلتهم المدرسة و قبل ما ينزلوا من العربية
حلم:: مش محتاجة أقول تانى و أكرر كلامى ممنوع الكلام مع اى حد و لا تاخدوا حاجة من اى حد مفهوم
أحمد:: و هو بينزل من العربية .. حاضر يا ماما ما تقلقيش
حلم::و هى بتنزل من العربية عشان توصلهم لغاية الباب .. أحمد ممنوع نهائى تخرجوا برة باب المدرسة تفضلوا مستنيين جوة لغاية ما بابا يجى ياخدكم مفهوم
جاسر:: هو بابا كمان هيجى ياخدنا
حلم:: أيوا يا جاسر و كلامى يتسمع و بلاش تتعب أحمد معاك فاهم و لا لأ
جاسر:: اممممم يعنى حضرتك و بابا حد هيوصلنا و حد هيرجعنا و كمان علينا سجان جوة المدرسة .. كدا فى حاجة يا مزتى و لازم افهمها
أحمد:: جاااااسر احترم نفسك شوية احنا فـ الشارع ايه مزتى دى
جاسر:: لـ أحمد ع فكرة دى مامتى
حلم:: ادخلوا يلا و بطلوا رغى ..
وفعلا دخلوا مدرستهم و هى قعدت فـ عربيتها لغاية ما اتقفل الباب و مشيت راحت شغلها
جوة المدرسة
حور:: انا مش فاهمة حاجة اول مرة بابى و مامى يبقوا كدا
تسنيم:: فعلا يا حور عمرنا ما شوفناهم كدا
أحمد:: هو انتوا ما لاحظتوش ان بابا و ماما كانوا كويسين اول لما رجعوا من السفر و فجأة اتغيروا من غير سبب
جاسر:: لأ يا فالح بابا جاتله رسالة ع تليفونه و بعدها زعق لـ حور
تسنيم:: لـ جاسر انت لماح ياض انت .. و مامى برضوا بعدها بشوية جاتلها رسالة و بابى خدها و طلعوا جناحهم .. اممممم 🤔 تفتكروا يا ولاد فارس المنصورى الرسايل دى فيها اييييه
جاسر:: بمرح فيها فيل هههههههههههه
تسنيم:: لـ جاسر بس يا خفة انا بتكلم بجد دلوقتي
أحمد:: لـ أخواته بعصبية بس بقى انت و هى بطلوا هزار و يلا ع فصلك يا جاسر و انتى اتفضلى قدامى ع الفصل
حور:: انا ماشية بقى هشوف علا فين
يلا باى
تسنيم:: بهزار باى يا حوحو
حور:: بزعل تسنيم من فضلك بلاش الاسم ده انتى عارفة بيعصبنى قد ايه
جاسر:: حط أيده ع كتف حور .. ليه بس يا أختشى يا حبيبتشى بتتعصبى منه ها ليه ليه ها
أحمد:: بزعيق نزل أيدك يا متخلف انت و مش هقولك تانى خد بالك من تصرفاتك
جاسر:: بهمس لـ تسنيم انا قولت سجان و ربنا ماحدش صدقنى
تسنيم:: بنفس الهمس هو مش توأمى بس لأ الواد شكله شغال مع عشماوى بعد الضهر مستحيل نكون انا و هو نازلين من نفس الحزقة تؤتؤ
جاسر:: ايييييه نصيبنا يا بنتى هنعمل ايه يلا يلا قبل ما يقبض علينا بتهمة الهمس بين الفصول ههههههههههه
وفعلا طلعوا كل واحد فيهم ع فصله و ابتدوا يومهم الدراسى و هما مش فاهمين حلم و فارس متغيرين ليه بالشكل ده
توأم روحي بقلمى✍️______لبنى دراز
جاسر:: حوووورررر ؟؟؟
تسنيم::؟؟؟؟؟؟؟
يتبــــــــع
