رواية العشق الأبدي2
رواية العشق الأبدي2 (توأم روحي)بقلم لبنى دراز
الفصل الثالث
❤🌹❤🌹❤🌹❤🌹❤🌹❤
قال الله عز و جل
أعوذ بالله من الشيطان الرجيم
﴿ وَالَّذِينَ آمَنُوا وَاتَّبَعَتْهُمْ ذُرِّيَّتُهُمْ بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُمْ مِنْ عَمَلِهِمْ مِنْ شَيْءٍ كُلُّ امْرِئٍ بِمَا كَسَبَ رَهِينٌ}
🕊🕊🕊🕊🕊
و قال تبارك و تعالى
أعوذ بالله من الشيطان الرجيم
﴿يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ ﴾
توأم روحي بقلمى✍️________لبنى دراز
فـ ڤيلا فارس
جناح حلم و فارس
بعد ما فارس و حلم أطمنوا ع حور و رجعوا الڤيلا و طمنوا نجوى طلعوا جناحهم
حلم:: قعدت بتعب ع السرير انا خايفة اوى يا فارس .. اللى حصل بين أحمد و حور مش هيعدى بالساهل
فارس:: بحزن .. عارف يا حبيبتى انه مش هيعدى بالساهل و حور طالعة زيك مش بتنسى بسهولة بس دورنا أحنا بقى نصلح اللى اتكـ ـسر بينهم مش كدا و لا ايه
حلم:: أكيد يا حبيبى و غمضت عينيها بوجع كان نفسي بنتى ما تدوقش كـ ـسر الخاطر من أخوها .. مؤلمة أوى يا فارس أوى
فارس:: ضمها لـ حضنه و حس بوجعها و كأن ضـ ـرب أحمد لـ حور جدد وجعها من هشام .. انتى لسة مش قادرة تنسي بعد كل السنين دى يا حلم
حلم:: أنا كنت نسيت فعلا بس اللى حصل النهاردة فكرنى بكل حاجة عارفة بنتى حست بـ أيه و اتكـ ـسرت ازاى من جواها و كمان حسيت بأحساس أمى وقتها اللى اتوجعت و ماقِدرتش تشوف ولادها بالمنظر ده وقعت فـ ساعتها و مـ ـاتت بس انا ما مـ ـوتـ.....
فارس:: بمقاطعة ششششش ماتكمليش أرجوكى ماتوجعيش قلبى عليكى و بعدين يعنى أحنا مرينا بـ أزمات كتير فـ حياتنا و عديناها سوا .. الازمة دى يعنى هى اللى هتكـ ـسرنا ؟؟
حلم:: بدموع وهى فـ حضن فارس ولادنا يا فارس الحاجة الوحيدة اللى ممكن تكـ ـسرنى لو حد منهم جراله حاجة انا ممكن أروح فيها
فارس:: ما تخافيش ماحدش فيهم هيجراله حاجة و ما تقلقيش انا اتفقت مع شركة أمن عندهم ناس متدربة ع مستوى عالى و هيبقوا موجودين كمان شوية و معاهم بدر يعرفهم دورهم ايه بالظبط و مهمة كل واحد منهم ايه
حلم:: خرجت من حضنه قصدك انك اتفقت مع حراسة خاصة عشان الولاد ؟
فارس:: ايوا يا روحى و مش الولاد بس و انتى كمان و عشان خاطرى بلاش تنشفى دماغك زى عوايدك خلينى أبقى فـ شغلى و انا مطمن عليكم
حلم:: يا حبيبى انت عارف انا مش بحب امشى بحراسة و بعدين بدر معايا رغم اني دايما بتخانق معاه بس برضوا بيمشى ورايا
فارس:: بمشاكسة .. أسمعى الكلام مرة لله من غير مجادلة كتير و بطلى تعملى فيها أسترونج وومن و تمشى لوحدك
حلم:: برفعة حاجب .. لأ يا حبيبى فوووق انا فعلا إسترونج إندبندنت وومن .. انا الاسطورة يا قلبى و لا نسيت
فارس:: بتتحولى فـ ثانية سبحان الله ههههههههههههه كنتى لسة كيوت من شوية و صوتك مش طالع
حلم:: انت ناسى يا فوفو انى شخصيتين فـ بعض ؟؟
فارس:: ههههههههههههه قلب فوفو انتى يا حلم عمرى كله انتى عارفة.... وقـ ـطع كلامهم خبط ع الباب
حلم:: أدخل
أحمد:: استأذن و دخل و ساكت
فارس:: تعال يا أحمد خير
أحمد:: أنا جاى أعتذر لـ حضرتك و لـ ماما ع تصرفى مع حور فـ المدرسة
حلم:: غلط
أحمد:: مش فاهم غلط ازاى
فارس:: العنوان غلط .. الصح انك تروح لـ حور نفسها وتعتذر لها و الأصح ان الاعتذار ده يبقى فـ نفس المكان و قصاد نفس الناس اللى أحرجتها قصادهم و بكدا تكون رديت لها كرامتها
أحمد:: فهمت حضرتك حاضر هعتذر لها فـ المدرسة
حلم:: قامت وقفت و مسكت وشه بين إيديها .. أحمد يا حبيبى اوعى تفتكر ان ده تقليل لـ قيمتك بالعكس مش أى حد بيقدر يعتذر الانسان القوى بس هو اللى بيقدر يعتذر و اللى بيقدر يواجه غلطه قصاد الناس و يقول انا اسف انا غلطان
فارس:: تعال أقعد جنبى يا أحمد
أحمد:: قرب من فارس و قعد و هو باصص فـ الأرض من كتر أحراجه
فارس:: أرفع راسك كدا و بص لى .. خلى عينك فـ عينى و خليك قوى وأنت بتعترف بغلطك ما تبقاش مكـ ـسور .. و لازم تفهم ان ثقافة الأعتذار يا بطل مش أى حد يفهمها و زى ما حلم قالت القوى بس هو اللى بيقدر يقول انا اسف فهمتنى الانسان القوى بس هو اللى بيقدر يعترف بغلطه و يعتذر عنه و مش بس كدا ده بيقدر كمان يخلى الشخص اللى زعلان منه يسامحه
أحمد:: ما تقلقش يا بابا انا فهمت كلام حضرتك و كلام ماما و هاعتذر لـ حور و كمان هاخليها تسامحنى
و هو لسة بيتكلم دخل بيهلل
جاسر::يااااااا بااااااباااااا ريزووو باشا لوووومى حيااااتشى اناااااااا
فارس:: بغيظ جييت فـ وقتك تعالالى بقى .. فى حد يدخل كدا من غير ما يخبط يا متخلف انت
جاسر:: الله يا بابا بقى ما الباب مفتوح اهو و كمان السجان قصدى أحمد موجود أهو
حلم:: المفروض كنت تخبط و تستأذن يا جاسر حتى لو الباب مفتوح ما تتكررش تانى ممكن ؟؟
جاسر:: و هو بيغمز لـ فارس قاصد يغيظه و لـ حلم أمرك يا قمر .. حلم حياتى تؤمر بس و باسها فـ خدها
فارس:: لأ بقى كدا كتير و قام مسكه بغيظ و هو خارج بيه من الجناح و نازل يعلقه ع باب الڤيلا كالعادة .. انا عديتلك اللى عملته فـ المستشفى بمزاجى لكن انت بقى اللى ليك شوق تتعلق
حلم:: خارجة وراهم و هى بتضحك خلاص بقى يا فارس
فارس:: أبدا لاااازم يتعلق و اللى رايح واللى جاى يشوفه كدا
جاسر:: يا باااابااااا حراااام كدا بقى كل ده ليييه بس
فارس:: عشان اللى عملته يا روح أمك
جاسر:: أهو قولتها بنفسك يا حاج أهو روح أمى يعنى يرضيك يعنى أمى تطلع روحها و تفلسع بدرى
فارس:: ولاااااا أكتم و مالكش دعوة بـ حلم خالص انت فاهم و لا لأ و بالفعل علقه كالعادة
جاسر:: نزلووووونى يا نااااااس هو أنا مش أبنكم و لا جبتونى من ملجأ بس
فارس:: كنت طالع فوق و داخل بالطريقة دى لييييه
جاسر:: كنت طالع اقول عمتو عاليا و عمتو ياسمين جم نزلنى بقى
فارس:: خليك كدا مش هنزلك و سابه و دخل سلم ع أخواته
فـ الليڤنج
ياسمين:: بضحك من شكل جاسر لـ فارس حمد الله ع السلامة يا حبيبى
فارس:: خدها بالحضن .. حبيبتى يا سمسمة الله يسلمك يا قمر وحشتينى
عاليا:: أبيه فارس وحشتنى انا كمان
فارس:: قلب أبيه بنتى الكبيرة و انتى كمان وحشتينى اوى
ياسمين:: لومى حمد الله ع السلامة
حلم:: الله يسلمك يا سمسمة عاملة ايه و لـ عاليا وحشتينى يا لولى .. فين رؤى و علا مش معاكم ليه
عاليا:: لأ معانا بس طلعوا مع توتة فوق لـ حور
ياسمين:: والشباب شوية و جايين
جاسر:: و هو متعلق لـ نجوى يا نانااااه قولى لـ أبنك ينزلنى و النبي شكلى بقى وحش
نجوى:: ههههههههههههه أكيد عملتله حاجة يا جاسر عشان تتعلق كدا و انا ماليش دعوة
جاسر:: يا ناناه مش انتى مامته ؟؟ يعنى مافيش مرة واحدة بس باسك من خدك و لا عاكسك حتى
فارس:: و انت مالك يا ظريف
جاسر:: الله يعنى هو حلو ليك و وحش ليا يا ناااااس
سيف:: من ع باب الڤيلا يابنى قولتلك قبل كدا أبوك ده مفترى ماصدقتنيش
جاسر:: نزلنى يا عمو و النبي عشان خاطرى
سيف:: مين انا ؟؟
جاسر:: اه انت و النبي و النبي نزلنى
سيف:: تؤتؤتؤتؤ لا يا حبيب عمك ماعنديش استعداد اتعلق مكانك
جاسر:: لـ قصي .. عمو قصي يارب يخليلك عمتو المزة السكرة دى نزلنى و النبي
قصي:: يابنى انا عندى عيال عايز أربيها سيبنى فـ حالى الله يخليك
جاسر:: لـ فارس انت ماسك عليهم ذلة و لا ايه يا عم انت خايفين منك ليييييه نزلووووونى حرررررمت خلااااص
أدهم:: من وراه عملتله ايه تانى يا أخرة صبره
جاسر:: شاف عمه و معاه أمل و البنات .. كملت و المزة شافتنى متعلق يا ختاااااااااااى
أدهم:: المزة ؟! طيب خليك بقى متعلق كدا
فارس:: سيبه يا أدهم و أدخل تعال
أدهم:: دخل هو و امل و سلموا ع نجوى و الكل و قعدوا معاهم
لوچين:: لـ جاسر الله يا جاسر حلوة المرجيحة دى تحفة
جاسر:: بذهول .. مرجيحة ؟! هو انا كدا بالنسبالك بتمرجح ؟؟ اشوفك متعلقة فيها يا بعيدة قولى ان شالله
لوچين:: طيب انزل و ركبنى شوية
جاسر:: هى البت دى عبيطة و لا شكلها كدا و لـ فارس يا بابااااااا بنت أخوك عايزة تركب شوية المرجيحة نزلنى و ركبها تاخد لفة والنبي
أدهم:: بضحك مالكش دعوة انت بيها و خليك فـ نفسك انا هأبقى أوديها الملاهى
أمل::باستفسار مرح .. حلوة ياض يا جاسر التعليقة دى؟؟
جاسر:: بغيظ .. تحبى تجربيها يا طنط ؟؟ يا مامااااا نزلينى و ركبى سلفتك عايزة تجرب التعليقة .. يا ربى انا مش عارف ايه العيلة الهبلة دى البت و أمها فاكرينها مرجيحة .. نزلووووونى و خلوهم يجربوهااااا
فارس:: جاسر لو ماسكتش و بطلت تهليل هسيبك كدا لبكرة
جاسر:: طب نزلنى و انا اسكت
أدهم:: لـ فارس .. خلاص بقى يا فارس نزله
حلم:: لـ فارس عشان خاطرى بقى يا حبيبى كفاية كدا
فارس:: خلاص عشان خاطركم و راح فعلا ينزل جاسر و هو بينزله بيعاكس فـ لوچين بنت عمه
جاسر:: ماتيجى يا مزتى اعلقك فـ المرجيحة دى هتعجبك اوى ايه رأيك يا قمر
أدهم:: لـ جاسر و هو بيقوم تصدق ياض انت انا اللى هعلقك
جاسر:: طلع يجرى فـ الجنينة .. اللى يحصلنى يعلقنيييى ههههههههههههه
قصي:: عيل مشكلة بجد بس دمه زى العسل
سيف:: ههههههههههه طالع لـ أبوه
فارس:: لـ سيف و ماله أبوه يا خفة
حلم:: ياريت يا سيف يطلع لـ أبوه .. هو فارس فى زيه
فارس:: باس جبينها ربنا يباركلى فيكى يا حبيبتى
حلم:: و يبـ.... و قطع كلامها صوت رسالة و فتحتها
حمد الله ع سلامة حور خدى بالك منها كويس المرة الجاية هاهاهاهاهاهاهاهاها
/عائد بقوة
حلم شافت الرسالة و صرخت حوووور و طلعت تجرى ع السلم
فارس:: لسة هيتكلم جاتله هو كمان رسالة
أوعى تفتكر انك لما تمشي حراسة ورا ولادك مش هعرف اوصلهم لا تبقى بتحلم خد بالك منهم أكتر من كدا يا باشا هاهاهاهاهاهاهاهاها
/عائد بقوة
سيف:: أخد باله من فارس و تغيير ملامحه .. خير يا فارس رسالة تهـ ـديد برضوا
فارس:: أيوا يا سيف
أدهم:: انا مش فاهم حاجة تهـ ـديد ايه ده
فارس:: أبتدى يحكى اللى بيحصل معاه هو و حلم من وقت ما رجعوا من السفر
نطلع عند حور
حلم اول ما شافت الرسالة و طلعت جرى ع حور و دخلت مخضوضة
حور:: بخضة .. مامى مالك بتعيطى ليه
حلم:: ضمت حور فـ حضنها .. انتى كويسة فيكى حاجة يا نور عيني حد عملك حاجة طمنينى عليكى
تسنيم:: بذهول .. فى ايه يا مامى مالك يا حبيبتى اوعى يكون فارس زعلك
حلم:: شدت تسنيم كمان لحضنها و خايفة .. انتوا كويسين صح ؟؟ حد عملكم حاجة قولولى .. بصوا من النهاردة مافيش مدرسة مش هتخرجوا من البيت و المدرسين ييجولكم هنا لأ لأ ماحدش ييجي انا هتفرغ لـ مذاكرتكم بنفسى
تسنيم:: أهدي يا مامى مالك قلقانة و خايفة كدا ليه
علا:: بأستغراب .. طنط حلم مالك فى حاجة حصلت مع حضرتك؟؟
رؤى:: أكيد طنط قلقانة ع حور عشان اللى حصل فـ المدرسة الصبح و لـ حلم مش كدا يا طنط ؟
تسنيم:: لـ رؤى لأ يا رورو مامى كانت فـ المستشفى أهدى من كدا و رجعنا كويسين مافيش حاجة و هى بتتكلم شافت عمتها
ياسمين:: داخلة هى و عاليا و شافت حلم واخدة بناتها فـ حضنها و ساكتة و مافيش غير دموعها نازلة و بس .. لـ حلم و بعدين معاكى يا حلم ايه اللى انتى عملتيه تحت ده
عاليا:: تعالى يا حلم قومى معانا يلا و سيبى البنات مع بعض
حلم:: بتهز دماغها بخوف لأ مش هسيب بناتى لأ لأ مش هسيبهم
ياسمين:: مالهم بناتك ما اهم قاعدين مع بناتنا حلوين أهم و لا يعنى عشان فارس قالك كلمتين هزار تخافى كدا و تطلعى تجرى زى المجنونة ع فوق
حلم:: بصت لـ ياسمين بمعنى ايه اللى بتقوليه ده
عاليا:: لحقتها و كملت بسرعة و لـ حور و تسنيم اسكتوا يا بنات امكم الاسطورة طلعت ورق و بتتخض من أقل حاجة أبيه فارس بيهزر معاها و بيقولها هطلقك و أجيب عروسة جديدة تربي العيال طلعت تجرى زى المجنونة و تقول بناتى ماحدش هياخدهم مني ههههههههههههه
تسنيم::اممممممم و برفعة حاجب لـ عاليا مع انى مش مقتنعة يا عمتو يا عسل أنتى بس هعديها
ياسمين:: لـ تسنيم و بعدين معاكى يا شقية ماتعرفيش تسكتى شوية
تسنيم:: عشان خاطرك يا عمتو يا سكرة أنتى خلاص تنزل المرة دى ههههههههههههههههه
عاليا:: لـ حلم يلا يا لومى تعالى معانا بقى و سيبى البنات براحتهم
و بالفعل نزلت معاهم بس و هى قلقانة و خايفة و قعدت فـ الليڤنج معاهم
ياسمين:: بجدية .. جرا ايه يا حلم بقى رسالة زى كدا تهزك اوى بالشكل ده
حلم:: بدموع الخوف .. دول ولادى يا ياسمين فرحة عمرى عارفة يعنى ايه حد يفكر يأذيهم
عاليا:: بهزار .. ع فكرة بقى انتى فعلا طلعتى اسطورة من ورق و هنسميكى
حلم قشوع ههههههههههه
ياسمين:: بس يا عاليا ده مش وقت هزار و تريقة
أمل:: ع فكرة بقى يا سمسمة عاليا مش بتتريق فعلا حلم طلعت ورق و ضعيفة اللى قدمى دى واحدة تانية خالص غير اللى اشتغلت معاها فـ المستشفى و اللى بتقف قصاد الكل بثقة و ثبات و ماحدش قدر يغلبها
حلم:: بخوف قدروا يا أمل يغلبونى اللى بيبعت الرسايل عرف نقطة ضعفى و دخل منها
أدهم:: و أنتى بقى بتديله الفرصة بخوفك و قلقك ده مش كدا ؟؟
فارس:: المشكلة يا أدهم اننا مش عارفين هو مين و عايز ايه بالظبط
قصي:: لـ فارس عيب عليك يا أخى و انت لوا و رئيس قطاع الأمن الوطنى و تقول الكلمة دى
سيف:: فعلا يا قصي مش قادرين نعرف الرقم اللى اتبعتت منه الرسايل اول مرة مالوش وجود فـ اى شركة اتصالات مصرية او حتى دولية
فارس:: و رسايل النهاردة من رقم برايڤت و برضوا متأكد انى لو دورت وراه مش هوصل لـ حاجة
أمل:: بقولك ايه يا باشا ده تلاقيه حد من الكـ ـوارث اللى مخلفينهم و عامل كدا فيكم
سيف:: الله أكبر عليكى يا دكتورة انا قولت كدا و النعمة
أدهم:: ممكن تتلهوا انتوا الاتنين .. و لـ أمل انتى ما تفكريش تانى يا حبيبتى و لـ سيف ازاى يعنى يا سيادة العميد ع ما تفرج انت حد من الولاد .. هيعملوها ازاى لما الرقم مالوش وجود اصلا و النهاردة الرقم مخفى و برضوا لو سألت هتلاقى نفس النتيجة
فارس:: بالظبط كدا يا أدهم ده شغل مافيا مش مجرد عصابات عادية
نجوى:: بخوف مافيا ؟؟ أزاى و ايه اللى يخلى المافيا تبعتلكم تهـ ـديدات يا فارس
فارس:: مش عارف يا أمى صدقينى .. لو حد من الناس اللى اتقبض عليهم و هرب .. التـ ـهديدات هتيجلى لوحدى و لو حد من رجال الأعمال الشمال اللى بينافسوا حلم الرسايل هتجيلها لوحدها بس انها تيجيلنا احنا الاتنين فـ نفس الوقت و نفس الشخص ده اللى مش عارف افهمه و لا قادر اوصله لغاية دلوقتي
فـ الجنينة
داخل هشام و معاه فُتنة و ولاده سامر و روڤان و شافوا جاسر بيجرى ورا لوچين و هنا
هشام:: بأبتسامة لـ جاسر بتجرى ورا بنات عمك ليه يا استاذ جاسر
جاسر:: بسعادة خالوووو حبيبييي أخيرا جيت وحشتنى خالص يا برنس
هشام:: بأندهاش .. برنس !! انت ياض انت بتجيب الكلام ده منين
لوچين:: لغة العصر يا عمو حتى أسال سامر و روڤى هيقولولك كدا
هشام:: اممممم لغة العصر ماشى .. بتجروا ورا بعض ليه بقى و بتتخانقوا
جاسر:: هحكيلك اصل انا ايه كنت لاقيت مانجاية ع الشجرة مستوية و قطفتها قوم ايه بقى البت هنا خطـ ـفتها مني و البت لوچين خطـ ـفتها من هنا و انا جريت وراهم عشان أخدها تانى منهم بس كدا
فُتنة:: تصدق بريئ انت خالص يا جاسر
جاسر:: بحركة كوميدية و كيوت خالص يا طنط فيفي بس انتوا اللى ظالميني
هشام:: بضحك لأ فعلا انت مظلوم دايما ههههههههههههه يلا طيب جوا و بطلوا جرى ورا بعض
جاسر:: حاضر يا خالو يا قمر انت
سامر:: أحمد فين يا جاسر
جاسر:: حابس نفسه فـ اوضته من ساعة ما رجعنا
روڤان:: بلهفة .. ليه حصل ايه تانى يا جاسر
هشام:: اندهش من لهفتها و لـ جاسر و أحمد حابس نفسه ليه يا غلباوى
جاسر:: عشان اللى عمله فـ المدرسة النهاردة هو سامر و روڤان ما قالوش لحضرتك
سامر:: لأ يا جاسر ما قولناش حاجة لـ بابا
و هما بيتكلموا شافوا باقى الشباب داخلين فارس أدهم و ياسين و أدم و شادى
أدم:: مسا مسا ع الحلوين
جاسر:: مساء الورد يا معلم
شادى:: مساء الزبادى يا معذب فؤادى
هشام:: بصلهم بأستغراب و دخل هو و فُتنة و روڤان و هنا و لوچين الڤيلا و سلموا ع كل الموجودين و قعدوا
فارس:: اومال سامر فين يا هشام
هشام:: فـ الجنينة مع الشباب
حلم:: أخدت روڤان فـ حضنها وحشتينى يا روڤى عاملة ايه يا حبيبتى
روڤان:: و حضرتك أكتر يا عمتو وحشتينى جدا
لوچين:: و انا و انا يا طنط مش وحشتك و لا ايه بقى
حلم:: كلكم وحشتونى يا بنات .. يلا اطلعوا فوق تسنيم و علا و رؤى فـ أوضة حور
وبالفعل طلعوا البنات اتجمعوا عند حور و الشباب دخلوا سلموا ع كل اللى موجودين فـ الليڤنج وخرجوا الجنينة تانى و فارس قال لـ جاسر يتصل بـ أحمد ينزل يقعد مع ولاد أعمامه و بالفعل نزل أحمد سلم ع الموجودين و خرج للشباب فـ الجنينة و اول ما شافه
ياسين:: ضـ ـربه بالبوكس من غير اى كلام
أحمد:: بعصبية .. أيه الغباء ده
ياسين::بعصبية أكتر انت لسة شوفت غبااااء انا هوريك الغباء اللى ع حق و ضـ ـربه بوكس تانى اقوى
أحمد:: رد الضـ ـربة بضـ ـربة أقوى
فارس أدهم:: بزعيق للاتنين فى اييييه نازلين ضـ ـرب فـ بعض ليه من امتى و أحنا بنضـ ـرب بعض كدا و لا هو شغل بلطـ ـجة و فتونة
أحمد:: لـ فارس انت بتزعقلى ليييه ما تشوف البيه ابن عمتك هو اللى مد إيده الاول من غير ما أعمله حاجة
ياسين:: لـ أحمد و انت لما مديت إيدك ع حور كاااانت عملتلك ايييييه هااااا
أحمد:: لـ ياسين و اننننتتت ماااالك أختى و غلطت لما ما سمعتش كلام ماما و كلامى و بعرفها غلطها ليك فيييه
فارس المنصورى:: سمع زعيقهم و خرج الجنينة يشوفهم بيزعقوا ليه و سمع كلام ياسين
ياسين:: اااااه يا أحمد ليا فيه ايوا ليا و انت عارف كدا كويس انت و كل العيلة عارفين ان حور دى ملكى انا و توأم روحى و اللى يفكر يأذيها حتى مجرد تفكير فـ خياله بس انا هامحيه من ع وش الارض حتى لو كنت انت اخوها انت فاهم و أياك .. أياك تفكر تمد إيدك عليها تانى و إلا انا هاخلى بابا يكلم خالو و اكتب كتابى عليها و أخدها تعيش معايا بعيد عن غبائك ده
فارس أدهم:: لـ ياسين أعقل يا روميو الكلام مش كدا
ياسين:: لأ مش هعقل يا فارس انت اكتر واحد عارف حور بالنسبالى ايه .. حور دى الهوا اللى بتنفسه دى توأمى دى روحى و حياتى اللى بحس بيها من غير ما تتكلم و مش هأقبل انها تتهان و لا تقعد مع حد بيقلل من قيمتها حتى لو كان أخوها
فارس المنصورى:: لـ ياسين صوتك عالى ليه يا أبن قصي ؟؟
ياسين:: بأحراج و قلق انه يكون سمع كلامه .. انا اسف يا خالو
فارس المنصورى:: لـ أحمد و ياسين ياريت تتفاهموا بهدوء و بلاش الصوت العالى و سابهم و دخل الڤيلا و جواه انا فعلا مش هلاقى حد يخاف ع بنتى و يحافظ عليها غيرك يا ياسين
_____________________
بعد مرور 8 سنين حصل فيهم ايه
أحمد أعتذر لـ حور قصاد زمايلهم فـ المدرسة و حور سامحته بعد ما فهمت موقفه و اتخرج من الكلية الحربية و بقى ظابط مخابرات له اسم و شخصية و طلع عليه القناص لسرعة أدائه و أصابة الهدف
حور اتخرجت من كلية طب عسكرى هى و ياسين و اصبحوا دكاترة ظباط و شغالين مع بعض و رغم حبهم لبعض بس بسبب غيرة ياسين الشديدة عاملين زى توم و چيرى
تسنيم اتخرجت من كلية تجارة إنجلش قسم إدارة أعمال
(Business Administration.)
و اشتغلت مع حلم فـ المجموعة
فارس أدهم اتخرج من كلية الشرطة و أشتغل مع عمه فارس المنصورى فـ الأمن الوطنى و بيتدرب ع إيده و إيد سيف
علا اتخرجت من سياسة و اقتصاد و حلمها تبقى وزيرة الخارجية بس فارس أدهم ليه رأى تانى
هنا أدهم رغم جنانها الملحوظ الا انها فـ نهائى طب و مجننة كل المرضى اللى بتدرب عليهم فـ المستشفى
أدم قصي اتخرج من هندسة الحاسبات و برضوا اشتغل مع حلم فـ المجموعة
سامر هشام اتخرج من كلية الحقوق و وبقى وكيل نيابة روڤان توأمه اتخرجت من كلية أداب و مش عايزة تشتغل حابة انها تفضل ست بيت
اما جاسر و لوچين و رؤى و شادى فـ أخر سنة فـ تجارة أنجلش برضوا
والكبار طبعا فارس و حلم استمرت رسايل التهـ ـديد اللى بتجيلهم كل فترة وفقدوا الامل انهم يعرفوا مين اللى بيبعتلهم الرسايل دى و عايز ايه منهم و رجعوا يعيشوا حياتهم طبيعي لان الرسايل كانت عبارة عن تهـ ـديد بس مافيش تنفيذ و طبعا نجوى اتوفت و كانت وفاتها صدمة لـ فارس و أخواته و كان الداعم لكل واحد فيهم و خروجهم من حزنهم حلم و أمل و سيف و قصي و أخيرا ابتدوا يفوقوا و يرجعوا تانى يعيشوا حياتهم بعد وفاتها
حاليا فـ ألمانيا
قاعد فـ مكتبه كالعادة و بيتابع كل شغله من خلال الكاميرات اللى متوصلة بشاشة اللاب بتاعه و فجأة قرر حاجة
داغر:: بزعيق .. ألبررررت
ألبرت:: بخوف .. تحت أمرك بوص
داغر:: اتصل بـ روز حالا و بلغها اننا هنكون عندها بكرة
ألبرت:: بذهول .. بكرة !!!
داغر:: أيوا بكرة و اتفضل من غير نقاش أحجزلى ع أول طيارة يلاااااا
ألبرت:: بس
داغر:: بمقاطعة مافيش بس و انت كمان هتنزل معايا
ألبرت:: أنا بوص ؟؟
داغر:: أيوا انت ألبرت خلاص لعب العيال خلص
ألبرت:: قصدك إيه بوص
داغر:: قصدى خلاص ألبرت كفاية كل السنين اللى فاتت دى و انا بتسلى دلوقتي وقت الجد و من بين أسنانه انا صبرت أكتر من خمسة و عشررريييين سنة .. 25 سنة ألبرت و أخيرا هاحصد حصيلة صبرى
ألبرت:: أسمحلى بوص انا شغال معاك من سنين طويلة و لغاية دلوقتي مش عارف بينك و بينهم إيه و عايز منهم إيه
داغر:: ألبرررررت انا سبق و قولتلك ما تتدخلش فـ اللى مالكش فيه انت تقول حاضر و بس
ألبرت:: أمرك بوص
داغر:: أتفضل يلا أحجز ع اول طيارة و بلغ روز تنتظرنا فـ المطار
_____________________
فـ ڤيلا المزرعة
راحت حلم و فارس و ولادهم يقضوا اسبوع و يحتفلوا بعيد ميلاد حور و ياسين الـ 25 أخر الاسبوع و يرجعوا و استقبلتها
فاطمة:: يادى النور يادى الهنا نورتى يا ست البنات و سي فارس باشا من زمان ما نورتش المزرعة انت والبهوات و الهوانم الصغيرين
حلم:: حرام عليكى يا فاطمة ست البنات ايه بس ولادى بقوا اطول مني يا شيخة
فاطمة:: و النبي أبدا هتفضلى ستهم دايما يا ست حلم
جاسر:: لـ فاطمة يعنى رحبتي بحلم حياتى و فارس احلامها و نسيتينى خالص كدا يا دادة انا زعلان لأ حقيقى زعلان
تسنيم:: لـ جاسر ما تزعل و لا تتفلق يا واد انت أهم حاجة طبعا فارس قلبى و حلم عمره هما الاساس يابنى
حور:: لـ فاطمة ازيك يا دادة عاملة ايه
فاطمة:: لـ حور الله يسلمك يا ست البنات انا بخير طول ما انتى بخير
أحمد:: لـ فاطمة .. ماما بتقول دادة فاطمة بتعمل فطير لا يقاوم
فاطمة:: اومال يا أحمد باشا ده انا عليا فطير .....
حازم:: بمقاطعة .. تاكل صوابعك وراه يا ابو حميد .. حمد الله ع السلامة يا شباب
حلم:: الله يسلمك يا حازم ايه الأخبار
حازم:: أتغدى و ارتاحى و بعدين نقعد و تعرفى كل حاجة و سير الشغل ماشى أزاى و نراجع الملفات كلها
حلم:: بقولك يا حازم النهاردة سيبنى كدا ارتاح و من بكرة الصبح أعملك اللى انت عايزه .. ألاء و الولاد فين
حازم:: ألاء فـ البيت اما الابتلاء اللى اسمه عامر و عمر فـ المصنع
فارس:: بضحك .. بقى عامر و عمر ابتلاء يا حازم
حلم:: اه لو سمعتك ألاء
حازم:: عادى يا ماما ثم هى اللى مطلعة عليهم كدا من عمايلهم
حلم:: و حلم الصغيرة أخبارها ايه بتكلمكم و لا خلاص عاشت حياتها برة و نسيتكم
حازم:: من يوم ما اتجوزت و سافرت ما نزلتش بس بتكلمنا كل يوم هى و بنوتتها
فارس:: ربنا يبارك لك فيهم يا حازم و عقبال ما تشوف احفادك من عامر و عمر
حازم:: نفسى و الله يريحونى بس مش ناويين
حلم:: سيبهم براحتهم مسيرهم يجيلهم يوم و يقابلوا نصيبهم
حازم:: سيبك منهم المهم انا جيت اسلم عليكم و هامشى و بكرة بقى نتكلم فـ الشغل
فارس:: اقعد يابنى اتغدا معانا
حازم:: لاااا اتغدا ايه دى ألاء و الاتنين الابتلاء يعلقولى المشـ ـنقة سلام انا
و بالفعل مشى حازم و فاطمة جهزت الغدا و اتغدوا كلهم و حلم و فارس طلعوا اوضتهم و الولاد خرجوا يتمشوا فـ المزرعة
_______________________
فـ المطار
روز واقفة مستنية وصول الطيارة اللى جاية من ألمانيا و شوية بالفعل وصلت الطيارة و شافت شخص لابس بالطو طويل و طاقية و نضارة سودا و معاه
ألبرت:: ازيك روز
روز:: حمد الله ع السلامة ألبرت
ألبرت:: شكرا روز .. كل حاجة جاهزة ؟؟
روز:: كله تمام زى ما أمر البوص و لـ داغر نورت مكانك بوص
داغر:: هز دماغه بأبتسامة من غير و لا كلمة
روز:: اتفضل بوص العربية فـ انتظارك
داغر:: خرج من المطار مع ألبرت و روز و ركب العربية اللى كانت منتظراه و ركبت جنبه روز و ألبرت جنب السواق و شاف عربيتين حراسة واحدة وراه و التانية قدامه .. اممممم برافوا روز مانسيتيش البودى جارد
روز:: بضحكة مايصة .. تلميذتك بوص ازاى انسى اول درس هيهيهيهيهيهيه
داغر:: بضحكة خبيثة .. فكرينى لما نوصل أكافئك هاهاهاهاهاهاهاهاها
ألبرت:: بغيرة .. بص وراه المفروض بوص حضرتك ترتاح من السفر عشان نبتدى شغلنا الجد
داغر:: بعصبية و هو حاضن روز .. ألبررت انا بس اللى أقول ايه مفروض و أيه مش مفروض و أخر مرة أحذرك و قولتلك قبل كدا القتـ ـل عندى أسهل من شرب الماية خاف ع عمرك ألبرت و بص قدامك
ألبرت:: بغيظ جواه .. تحت أمرك بوص و بالفعل بص قدامه و لـ نفسه مسيرى أخلص منك داغر و أخد مكانك بس الصبر ألبرت الصبر
ڤيلا داغر
بعد شوية وصل داغر الڤيلا اللى جهزتهاله روز و كانت شبه القصر بس صغير و السور عالى جدا و كأنه سور قلعة و عليه كمية حراسة غريبة فـ كل مكان حتى فوق سطح الڤيلا
داغر:: من قبل ما ينزل من العربية .. ألبرت اتأكد بنفسك ان كل حاجة تمام
ألبرت:: تحت أمرك بوص و نزل فعلا يتأكد ان كل حاجة تمام و زى ما أمر داغر بالظبط و غاب 10 دقايق و رجع .. كله تمام بوص زى ما أمرت و أفضل
داغر:: امممممم تمام و بالفعل نزل من العربية و دخل الڤيلا و قلع البالطو و الطاقية و أداهم لـ house manager ( مديرة المنزل) اللى كانت فـ استقباله هى و طقم الخدم اللى عينتهم روز
روز:: دخلت وراه و ابتدت تعرفه بالناس و بعدها أمرتهم أنهم يرجعوا مكانهم
داغر:: قبل ما تمشى سعاد رئيسة الخدم .. عايز قهوة مظبوط
سعاد:: تحت أمرك يا بيه ثوانى و ابعتها لحضرتك
داغر:: بأمر .. ماتبعتيهاش مع أى حد تجيبيها بنفسك فـ المكتب
سعاد:: أمرك يا بيه
و بالفعل راحت سعاد تعمل القهوة و داغر دخل المكتب لوحده و رفض حد يدخل معاه و قعد كالعادة و شاغل تفكيره حاجة واحدة بس
______________________
فـ ڤيلا المزرعة
مر الاسبوع من غير أحداث مافيش غير حلم كانت تنزل كل يوم تتابع شغلها فـ المصنع و المزرعة و فارس يروح شغله عادى و يرجع و الولاد مبسوطين جدا و ابتدوا يجهزوا لـ حفلة عيد ميلاد حور و ياسين
و الكل وصل المزرعة قبل الحفلة بيوم
جاسر:: لـ شادى و أدم .. فريق الكـ ـوارث عايزينها دمـ ـار شـ ـامل
شادى:: ما تقلقش يا معلم جايبلك معايا شوية صوارييييخ انما ايه
أدم:: و انا جايبلك معايا شوية مهرجانات اوعى وشك
جاسر:: أيوا بقى و جون و جون و جوووون دى هتبقى حفلة عننننب
يوم الحفلة
صحيت حلم الصبح بدرى زى عادتها و نزلت و دخلت المطبخ تجهز كل حاجة بنفسها عشان الحفلة و شافتها
فاطمة:: صباح الخير يا ست الكل داخلة بنفسك المطبخ أؤمرينى و انا انفذ
حلم:: صباح الخير يا بطوط .. انتى عارفة بحب أعمل كل حاجة بنفسى
فاطمة:: انتى هتقوليلى يا ست الكل ده انتى اسم الله عليكى استاذة فـ المطبخ و خصوصا الحلويات
حلم:: طيب بطلى رغى و ساعدينى يلا و شوفى البنات يجهزوا كل حاجة الغدا لغاية ما الجماعة يصحوا
فاطمة:: بتذمر .. انتى هتعملى الغدا قبل الفطار تيجى ازاى دى
حلم:: و انتى مالك يا غلباوية اعملى اللى بقولك عليه
و بالفعل ابتدت حلم و فاطمة فـ تجهيز كل حاجة و بعد ما الكل صحيوا و فطروا ابتدوا الشباب فـ تجهيز الڤيلا و تعليق الزينة و الانوار فـ الجنينة و البنات بيستعدوا للحفلة
و مر اليوم بسرعة و جه وقت الحفلة
و قال قصاد كل الموجودين لـ فارس
ياسين:: بتوتر .. خالو ممكن لو سمحت اقولك حاجة
فارس:: فهم ياسين عايز ايه من توتره بس مستنى .. خير يا ياسين
ياسين:: قصاد الكل .. انا عايز اتجوز حور
فارس:: بمكر .. عايز ايه يا ابن قصي؟؟ قول تانى كدا اصلى ما سمعتش
ياسين:: بتوتر و هو بيبلع ريقه .. عايز اتجوز حور
فارس:: سكت و بص لـ حور و شافها واقفة وسط البنات و ساكتة و وشها أحمر من كتر الخجل و لـ ياسين اممممم و تقدر ع مهرها يا أبن قصي
ياسين:: حضرتك عارف انا بحبها من وأحنا لسة صغيرين و عندى أستعداد أدفع اللى تؤمر بيه
فارس:: بس انا مش عايز مهر بنتى فلوس يا ابن أختى
ياسين:: و أنا تحت أمر حضرتك يا خالو فـ اللى تقول عليه
فارس:: قبل ما أقولك مهرها ايه أسألها الأول و شاور لـ حور .. تعالى يا حبيبتى
حور:: قربت من فارس و هى بترتعش من كتر الخجل و مازالت ساكتة
فارس:: ضمها فـ حضنه و باس جبينها و بدموع بيحاول يداريها و بهمس كبرتى و بقيتى عروسة و هيجى اللى هياخدك مني
حور:: و هى فـ حضنه ماحدش يقدر ياخدنى منك ابدا يا بابى
فارس:: بص لـ ياسين و هو بيكلم حور انتى موافقة ع الواد ده و لا ازحلقه هو و أبوه ههههههههههههه
قصي:: الله جرا ايه يا عم فارس مالك بـ أبوه دلوقتي هو انا كلمتك .. انت حر مع ابن أختك ماليش دعوة انا ههههههههههههه
فارس::لـ قصي بهزار يا مان واطى انت و لـ ياسين بضحك .. أبوك باعك يابنى و سلمك تسليم أهالى .. و رجع لـ حور ها يا حوريتى موافقة ع الواد ده و لا لأ
حور:: بأبتسامة خجل .. اللى تشوفه حضرتك يا بابى
أدهم:: بتريقة .. اللى تشوفه حضرتك يا بابى .. ما تقولى انك موافقة يا بنت فارس و ريحى قلب الواد بقى
حور:: الله بقى يا عمو ماتكسفنيش
سيف:: بتريقة .. بس بقى يا عمو ما تكسفهاش الله
فارس:: لـ أدهم و سيف أسكت يا ظريف منك ليه ما تكسفوش حوريتى و لـ حور باس جبينها مرة تانية مبروك يا حبيبتى و لـ ياسين انا مش عايز منك غير انك تحافظ عليها و تكون سندها و أمانها من بعدى و هو ده مهرها و هأقولك زى ما قولت لـ ابوك و أنا بسلمه ياسمين .. انت بتاخد روحى مني .. حور دى روحى يا ياسين فاهم يعنى ايه روحي ؟؟ أنا عارف انى بسلمها لـ راجل هيخاف عليها و يصونها
ياسين:: ما تقلقش يا خالو حور فـ قلبى و عينى و زى ما هى روحك هى كمان توأم روحي
فارس:: باس جبين ياسين مبروك يا أبنى و ضم حور و ياسين بين دراعاته .. احلى عيد ميلاد ده و لا أيه كل سنة و انتوا طيبين و مبروك عليكم
قصي:: طاااااايب نقرا الفاتحة بقى
ياسين:: خرج من حضن فارس و بسرعة لأ انا عايز اكتب كتابى
فارس:: بهزار . لسعه ع قفاه .. ولاااااا ماعنديش بنات للجواز يلا امشى من هنا
ياسمين:: بضحك .. ليه بس يا فارس
حلم:: بسعادة .. ليه أيه يا سمسمة أبنك داخل حامى و عايز يكتب كتابه ع طول كدا و لـ ياسين سيبلنا فرصة يا أبنى نستوعب انها كبرت و بتتخطب
ياسين:: يااااا طنط حلم يااا حبيبتى انتى كل السنين دى و لسة ما استوعبتيش
فارس:: بغيرة لـ ياسين ولااااا اتلم .. انت هتشقط البت و امها و انا واقف و زقه ناحية ياسمين و شد حلم لـ حضنه و عينه ع جاسر حلم دى ملكية خاصة مفهووووم
الكل ضحك ع رد فعل فارس و غيظه بسبب جاسر
جاسر:: طب ايه بقى فـ أم الليلة دى هنقرا الفاتحة و لا نغنى اغانى عيد الميلاد و نعمل هووف
فارس:: لأ يا ظريف هنقرا الفاتحة الاول و بعدين نعمل هوووف ههههههههههههه
و بالفعل قروا و الفاتحة و شغلوا المهرجانات و ابتدوا الشباب يرقصوا و الكـ ـوارث التلاتة قلبوا الڤيلا بسبب الصـ ـواريخ اللى بيفرقعوها و كانت فعلا حفلة عيد ميلاد و خطوبة كلها بهجة و سعادة قال
فارس:: يلا بقى نطفى الشمع
حلم:: يلا بينا
و اتجمعوا فعلا حوالين الترابيزة اللى عليها التورتة واقف فارس و حور جنبه من ناحية و جنبها ياسين و ياسمين وقصي و رؤى و الناحية التانية حلم جنب فارس و جنبها جاسر و تسنيم و أحمد باقى العيلة حواليهم و بعد ما طفوا الشمع
فارس:: أعلن تليفونه عن رسالة و فتحها و كان نصها
كل سنة و حور طيبة يا فارس اتمنى هديتى تعجبك هاهاهاهاهاهاهاهاها
/عائد بقوة
حلم:: فـ نفس اللحظة تليفونها أعلن عن رسالة و هى بتفتحها دخل
حسن السايس:: بيجرى بخوف .. ألحقى يا ست هانم يا ست هااااانم
حلم:: بخضة .. فى ايه يا حسن مالك بتجرى ليه كدا
حسن:: ريزو يا ست هانم لاقيته مضـ ـروب بالـ ـنـ ـار
حلم::بصريخ .. لاااااااااااااااااا ريزو لا كننننت فييين و سيبته لوحده لييييه اننننطق
حسن:: انا ما غفلتش عنه يا ست هانم والله غير بس 5 دقايق روحت فيهم الحمام و انا راجع سمعت صوت دوشة و هيجان الخيل و طلعت أجرى اشوف فى ايه لاقيت ريزو سايح فـ دمه
حلم:: فـ نفس اللحظة بصت لـ الرسالة و شافت صورة الحصان
و تحت منها المرة الجاية فـ قلب حورية أبوها هاهاهاهاهاهاهاهاها
/عائد بقوة
و بصريخ لااااااااااااااااااااااا حووور بنتى و أخدت حور فـ حضنها لاااااازم نمشى من هنا لااااازم نمشى يا فارس
فارس:: بغـ ـضب .. سيييييييف اتصرف كدا الموضوع ما يتسكتش عليه لاااااااازم نعرف مين اللى بيعمل كدا
أدهم:: أهدى يا فارس شوية خلينا نعرف نفكر
فارس:: بغـ ـضب .. أهدى اييييه يا أدهم دول وصلوا المزرعة و قـ ـتلوا حصان حلم أنت فااااااهم يعنى اييييه
أحمد و الشباب مش فاهمين حاجة
فارس أدهم:: ممكن تفهمونا فى أيه بالظبط
حلم:: بتهزى من كتر الخوف .. قـ ـتل حصانى اللى ربيته من و هو لسة مُهر صغير قـ ـتله و بيقولى المرة الجاية فـ قلب حور .. و بصريخ مسكت فـ فارس هووووو ميييييين ميييييين اللى بيعمل فينا كدااااا ميييييين انا بقالى 8 سنين مش عارفة اناااااام يا فارس و انت بتطمنى و تقولى واحد تافه مافيش عنده حاجة يعملها اهووو عممممل عمل يا فااااارس و قـ ـتل ريزووو قـ ـتله يا فارس
فارس:: خدها فـ حضنه و بيحاول يطمنها .. أوعدك مش هسكت غير ما أعرف هو مين
أحمد:: بقلق .. يا بابا أرجوك فهمنا فى ايه
تسنيم:: بقلق افتكرت .. بابى هو الموضوع ده له علاقة بالرسالة اللى جات لـ حضرتك انت و مامى من كام سنة لما كنا فـ المدرسة صح؟؟
سيف:: أيوا يا توتة فعلا هو نفس الموضوع
جاسر:: أحنا كنا حاسيين أن فى حاجة غلط من وقتها .. بابا و ماما اتغيروا و خوفهم و عصبيتهم بقت زيادة
أحمد:: كدا أنا فهمت كل الخوف ده كان ليه .. و لـ فارس ليه يا بابا ما قولتش ليه ما عرفتناش
فارس:: بوجع .. كنتوا صغيرين يا أحمد ما كانش ينفع أعيشكم فـ خوف من مجهول
فارس أدهم:: و بعد ما كبرنا و أتخرجنا ليه ما عرفتناش يا عمى عشان نتصرف
فارس:: أقولكم ايه بس يا أبنى .. أقولكم ان فى شبح بيبعتلنا تهـ ـد يدات و ان انا رغم مكانى و منصبى ماعرفتش ع مدار السنين دى هو مين
قصي:: طيب يا جماعة ممكن نهدى و نروح نشوف الحصان اللى انضـ ـرب بالـ ـنـ ـار ده يمكن نقدر نعرف اى حاجة
كلهم لسه هيجروا ع الاسطبل قال
فارس:: مافيش حد هيروح غيرى انا و حلم و سيف و أحمد و فارس أدهم و الباقى يفضل موجود هنا و تاخدوا بالكم كويس من البنات
و بالفعل راح فارس و حلم و سيف و أحمد و فارس أدهم عشان يشوفوا ايه اللى حصل بالظبط و ساب باقى الشباب و أدهم و قصي و حازم مع البنات فـ الڤيلا مع الحراسة لغاية ما يرجعوا
توأم روحي بقلمى✍️_________لبنى دراز
حلم:: انااااااااا تععععبت خلاااااااص مابقيييتش قادرة استحمل كل ده
فارس::............؟؟؟؟؟؟
يتبــــــــع
