رواية العشق الأبدي2
رواية العشق الأبدي2 (توأم روحي) بقلم لبنى دراز
الفصل الرابع
❤🌹❤🌹❤🌹❤🌹❤🌹❤
قال الله تبارك و تعالى
أعوذ بالله من الشيطان الرجيم
﴿وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ﴾
توأم روحي بقلمى✍️_________لبنى دراز
فـ أسطبل الخيل
راحت مع فارس و سيف و أحمد و فارس أدهم عشان تشوف الحصان و أول ما دخلت
حلم:: جريت ع ريزو و قعدت فـ الأرض بأنهيار و مسكت راسه حطتها فـ حضنها .. قووووم قول مين عمل فيك كدا مين حرمنى منك قوووووم أقف يا ريزو ما توجعش قلبى عليك ااااااااااااااه ياااااااارب دلنى مين اللى عمل كدا و عااااااايز مننا اييييييه
فارس:: قعد جنبها .. أهدي يا حبيبتى عشان خاطرى أنا عارف انتى مرتبطة قد ايه بـ ريزو بس لازم تفوقى عشان نعرف مين اللى عمل كدا
حلم:: بدموع .. أهدى ازاى يا فارس و قـ ـتل ريزو دى البداية اللى قـ ـتله قال الدور ع حور بنتى
فارس:: صدقينى مش هيلحق يعمل حاجة و طالما ابتدا يظهر يبقى هنوصله ما تقلقيش
فارس أدهم:: بيجرى يدور برة الاسطبل و بيلف من كل ناحية شوية و رجع
سيف:: لاقيت حاجة برة حوالين الاسطبل يا فارس
فارس أدهم:: لأ يا عمى ما لاقيتش حاجة
أحمد:: و هو بيلف فـ الاسطبل حوالين الحصان شاف فوارغ الـ ـرصا ص قعد فـ الأرض و مسكها ركز فيها شوية و لـ فارس الـ ـر صا صة دى مضـ ـرو بة من قناصة و من مسافة قريبة و كمان القناصة فيها كاتم للصوت
فارس أدهم:: و هو بياخد فارغ الـ ـر صاصة من أحمد .. ورينى كدا و بص فيها شوية و لـ أحمد النوع ده من الـ ـرصا ص ما عندناش زيه
أحمد:: بتأكيد .. بالظبط كدا يا فارس النوع ده مافيش حد بيستخدمه غير المافيا بس لانه محظور استخدامه دولياً
فارس المنصورى:: قصدك أن اللى قـ ـتل حصان حلم و بيهـ ـددنا ده تبع المافيا يا أحمد
أحمد:: بالظبط كدا يا بابا اللى ورا كل ده حد من المافيا .. و مش أى حد اللى يستخدم نوعية الـ ـر صاص ده .. ده أكيد حد من أخطر رجالة المافيا
سيف:: بجدية لـ فارس المنصورى أعصر مخك يا فارس و حاول تفتكر الملفات و القضايا اللى مسكتها أخر 10 سنين
فارس:: أنا بقالى 8 سنين يا سيييف مابعملش حاجة غير أنى بحاول أفتكر كل حاجة و أى حاجة ليها علاقة بـ شغلى
فارس أدهم:: بعملية .. طيب دلوقتي يا عمى قاعدتنا هنا مالهاش لازمة تعالوا نرجع الڤيلا و نفكر بهدوء
سيف:: لـ فارس المنصورى فارس بيتكلم صح القاعدة هنا زى قِلتها تعالوا نرجع فعلا و نفكر هنعمل ايه فـ اللى جاى
أحمد:: لسة هيرد ع سيف سمع رنة موبايله و أستاذن منهم يرد ع المكالمة
حلم:: اول ما سمعت رنة موبايل أحمد .. صرخت بفزع حوووووررررر بنتييييي
فارس:: ضمها لـ حضنه أهدى يا حبيبتى مافيش حاجة حور كويسة ده تليفون أحمد جاتله مكالمة .. قومى تعالى معايا يلا نروح نطمن ع البنات و تتأكدى بنفسك انهم كويسين
أحمد:: بعد ما خلص مكالمته راح قعد قصاد حلم .. قومى يا ماما عشان خاطرى ما تعمليش فـ نفسك كدا .. أنا عارف ان حصانك كان غالى عليكى أوى و غالى عليا أنا كمان بس أرجوكى خلينى أسافر و انا مطمن عليكى
فارس:: بأستفسار .. أنت مسافر يا أحمد ؟
أحمد:: أيوا يا بابا سيادة اللوا عادل كلمنى دلوقتي و طلب منى أجهز نفسي لـ مأمورية جديدة و لازم أكون عنده بكرة الصبح عشان أفهم تفاصيل المهمة
فارس:: ربنا معاك يا حبيبى تروح و ترجع بالسلامة
أحمد:: الله يسلمك يا بابا
و بالفعل بعد شوية وقت رجعوا كلهم الڤيلا بعد ما أستكشفوا اللى حصل و كمان قالوا لـ حسن السايس انه يد فن الحصان ما يسيبهوش كدا
_______________________
فـ ڤيلا المزرعة
رجع فارس و حلم من الاسطبل بعد ما عرفوا ان اللى وراهم و بيهـ ـدهم حد من المافيا و حاولوا يهدوا عشان يقدروا يطمنوا اللى فـ الڤيلا
أدهم:: اول ما شافهم بقلق .. خير يا فارس طمننا فى ايه
سيف:: أهدى يا أدهم و بتنهيدة ده كان مجرد تهـ ـديد زى اللى قابله
أحمد:: بوجع ع حلم .. بالظبط كدا يا عمى مجرد تهـ ـديد يعنى ما تخافوش
اللى عمل كدا أخره الشوشرة بس لكن مش هيعمل حاجة صدقونى
حلم:: بأنهيار .. شوووششششرررة اييييه اللى بتتكلم عنهاااااا دى .. ده خلاااااااااص بيقوووولهاااا صرييييحة أنا دخلت فـ قلب مزررررعتك وصلت لقلب حيااااااتك انت فااااااااهم انااااااااا تععععبت خلاااااااص مابقيييتش قادرة استحمل كل ده
فارس:: خدها فـ حضنه بخوف .. أهدي يا حلم عشان خاطرى أرجوكى ما تعمليش فـ نفسك و فيا كدا و لـ أدهم أتصرف يا أدهم شوف حاجة تهديها
أدهم:: بقلق .. حاضر حاضر هتصرف و طلع جرى ع أوضته يشوف اى مهدئات معاه و ينزل تانى يديها لـ حلم
جاسر:: بخوف .. ماما أهدي يا حبيبتى ما تخافيش كلنا حواليكى .. خدى نفسك و أهدى خالص
حلم:: بشهقات و صوت متقـ ـطع .. بـ بـ بـ بناتى فـ فـ فين
حور و تسنيم:: جريوا عليها و بدموع .. أحنا هنا يا مامى
حلم:: خرجت من حضن فارس و خدت البنات فـ حضنها و بترتعش من كتر خوفها عليهم
حور:: مالك يا مامى عمرى ماشوفتك كدا
تسنيم:: أحنا حواليكى يا مامى بس أرجوكى فوقى عشان خاطرنا
هشام:: بقلق و خوف ع حلم .. أحنا لازم نمشى من هنا حالا و نرجع السويس ما ينفعش نستنى لحظة واحدة بعد كدا
فارس:: لأ يا هشام مش قبل ما أءمن الدنيا كويس هناك الأول
قصي:: لـ فارس بتفكر فـ ايه
فارس:: بجدية أنا هنزل الصبح و أزود
عناصر تأمين و حماية مدربة ع أعلى مستوى فـ كل مكان .. الشركات و المستشفى و كمان الڤيلا و أنتم كمان هازود لكم الحراسة ع بيوتكم كلكم و حتى هنا برضوا كل مكان هنا هاحط عليه حراسة لغاية ما نعرف بالظبط مين اللى بيبعت الرسايل دى و عايز ايه
أحمد:: بقلق .. أنا مضطر أنزل دلوقتي يا بابا عشان الصبح بدرى أكون فـ مكتب اللوا عادل قبل السفر بس قلقان ع ماما و مش عارف أعمل ايه
فارس:: أنزل يا حبيبى روح شوف شغلك و ما تقلقش احنا كلنا معاها مش هنسيبها و بيحاول يهزر شوية و بعدين يا حضرة الظابط عيب تقول قلقان عليها و فارسها موجود و لـ حلم مش كدا يا حلم عمرى كله
حلم:: بوجع .. كدا يا حبيبى و لـ أحمد سافر يا أحمد ما تقلقش عليا انا كويسة يا حبيبى
سيف:: عشان يفك التوتر شوية .. يييييي أهو ابتدينا و لـ أحمد أبوك ده ما يعديش موقف كدا من غير ما يقلب علينا الحريم
عليا:: بذهول .. حرييييم ؟! أنا حريييم طاااااااايب و دينى لأقـ ـطع عنك المصروووف
سيف:: أهو يا عم شوفت بقى ده اللى بناخده من أبوك و لـ عاليا يا حبيبتى أنتى أجمل ست فـ المجرة كلها مش فـ
الحريم بس يا لولية قلبى بس بلاش تقـ ـطعى عنى المصروف أبوس إيدك
فارس:: بابتسامة مكـ ـسورة .. انت هتجيب نفسك ليا يا تافه أنت
قصي:: يا عم فارس أحنا قولنا من زمان اننا هنرجع بيوت أهالينا نقشر بصل ماحدش صدقنا
ياسمين:: بتريقة لـ قصي .. قال يعنى بتعرف تقشر بصل بقالك سنين يا حبيبى لا أتعلمت من فارس حاجة و لا أتعلمت حتى تقشر البصل ههههههههههههه
أدهم:: أرحمنا يا فارس شوية الله يخليك هههههههههه أحنا كبرنا ع الكلام ده
امل:: بجنانها المعهود لـ أدهم .. إحنا ايه يا حبيبى !! مين ده اللى كبر يا أبن المنصورى أتكلم عن نفسك بس يا حبيبى انا لسة صغيرة ههههههههههههه
أدهم:: لـ فارس عاجبك كدا ؟ أهم انقلبوا علينا بسببك ههههههههههههه
فارس:: ههههههههههههه حد قالك اتكلم .. ثم انتوا اللى كبرتوا مش انا .. انا طول ما حلمى و حلم عمرى فـ حضنى هافضل شباب و مهما نكبر هنفضل صغيرين زى اول يوم شوفتها فيه و لـ حلم فاكرة اول مرة اتقابلنا فيها ؟
حلم:: بأبتسامة .. أكيد فاكرة يا حبيبى و ده يوم يتنسى يا مستفز أفندى ههههههههههه
فارس:: طيب فاكرة كنت بقولك ايه
حلم:: بتحاول تهدى و تقلده .. ياريت تحطى لسانك جوة بوقك بدل ما اقطـ عهو لك يا متخلفة أنتى هههههههههه
أحمد:: بأبتسامة ظاهرة و قلق متدارى .. أنا كدا بقى أسافر و انا مطمن يلا اشوفكم بخير و سلم ع الكل و رجع باس أيد و راس حلم و فارس و مشي
الشباب كلهم واقفين مش فاهمين حاجة و ازاى فـ موقف صعب زى ده الكبار قادرين يهدوا الدنيا كدا و يهزروا
شادى:: ولا يا جاسر أبوك ماله ياض
جاسر:: شالله اقـ ـطع دراع الواد أدم لو كنت فاهم حاجة
أدم:: الله و انا مالى يا ليمبى
هنا:: بذهول .. هو ايه اللى حصل ده ؟!
جاسر:: بتريقة .. روحى نامى يا هنا شكلك فـ البلالا خالص
لوچين:: ببراءة لـ جاسر .. يعنى ايه بلالا يا جاسر
جاسر:: أخد نفس عميق و خرجه بهدوء و حط إيده ورا ضهره و بصلها برفعة حاجب و كأنه هيقول خطبة عميقة .. شوفى يا لوچين يا بنتى البلالا هى عبارة عن ....
لوچين:: قاطعته بأهتمام و تركيز .. ها قول عبارة عن ايه
جاسر:: بنرفزة .. بتقاطعينى ليييه دلوقتي مش انا بشرحلك اهو .. بتخرجينى ليه بقى من كل العمق اللى أنا فيه ده .. أرجع ازاى انا دلوقتي
لوچين:: بزعل .. خلاص اسفة مش هاطعك تانى بس قول
جاسر:: استنى بقى لما أدخل تانى فـ العميق اللى كنت فيه ده .. و رجع تانى ع نفس الوضع قبل ما تقاطعه لوچين و قال البلالا عبارة عن عباااارة عن عن عن عن وفجأة بييييب اوعى الفحت لا تقع تحت ههههههههههههه
لوچين:: بغيظ .. تصدق انك رخم يا جاسر أوڤر رخامة بجد
جاسر:: بغلاسة .. أنا ما أعرفش انا لو أعرف أقول ع طول هأخبي ع حضرتك ليه يعنى؟؟ ههههههههههههه
_________________________
فـ الجنينة
روڤان اول ما سمعت ان أحمد مسافر طلعت تجرى ع الجنينة تستناه قبل ما يمشى و هو خارج شافها واقفة مستنية
أحمد:: بحب .. واقفة كدا ليه يا روڤى
روڤان:: مستنياك خوفت تمشى قبل ما أشوفك
أحمد:: ما كانش ينفع أمشى قبل ما أشوف روحى و أسلم عليها
روڤان:: بدموع .. هتغيب كتير يا أحمد
أحمد:: بتنهيدة .. مش عارف يا روڤان
روڤان:: كل مرة بتقول فيها مش عارف بتغيب و قلبى بيوجعنى اوى من غيابك
أحمد:: بنظرات عاشق .. سلامة قلبك يا حبيبتى
روڤان:: أرجوك ما تتأخرش عليا و طمنى عليك بأستمرار
أحمد:: حاضر يا روڤى بس أرجوكى بلاش دموعك دى بتوجعنى خلينى أسافر و انا مطمن عليكى
روڤان:: بأبتسامة صافية و هى بتمسح دموعها .. حاضر يا حبيبى
أحمد:: ياااااه أحلى حبيبى دى و لا ايه أنا لازم اول ما أرجع ان شاء الله أكلم خالو و أطلب إيدك منه و مش بس كدا لأ انا هاكتب كتابى ع طول
روڤان:: بأبتسامة خجل .. يا سلام كتب كتاب كدا ع طول ليه بقى ان شاء الله
أحمد:: عشان أقدر أقعد معاكى و أمسك أيدك بـ حرية و أقدر أضمك لـ حضنى يا روڤان أستمد منك القوة و أنا مسافر و أرجع لـ حضنك أحس بالراحة بعد التعب و المعاناة .. انما كدا انا مش قادر حتى أمد إيدى أسلم عليكى
روڤان:: تروح و ترجع بالسلامة يا أحمد
أحمد:: هتوحشينى يا روڤى و عينيه فـ عينيها .. أحببتُ فيكِ بريق عينيكِ فسحرُ عينيكِ ليس له مثيل وقعتُ أسير حبهما من نظرةٍ من لفتةٍ للطرف الكحيل
روڤان:: حاسة وشها من كتر خجلها بيطلع نـ ـار و بتتلفت حواليها .. الجو حر اوى هنا
أحمد:: بضحكة خطـ ـفت قلب روڤان .. الجو حر فـ الجنينة يا روڤى؟! تيجى ازاى دى بس يا حبيبتى ههههههههههههه
روڤان:: خد بالك من نفسك عشان خاطرى يا أحمد
أحمد:: حاضر يا حبيبتى يلا بقى أدخلى عشان أمشى و خدى بالك من روحك
روڤان:: بوجع فـ قلبها .. حاضر
و بالفعل مشي أحمد من المزرعة و هو قلقان ع حلم بسبب اللى حصل و كمان قلقان عشان روڤان حبيبته اللى دموعها واجعة قلبه
_______________________
فـ أوضة حلم و فارس
طلعوا أوضتهم بعد ما مشى أحمد و كل اللى موجودين طلعوا أوضهم و دخلوا بتعب قعدوا ع السرير
حلم:: بدموع .. ريزو مـ ـات يا فارس قلبى وجعنى أوى عليه
فارس:: خدها فـ حضنه أنا كمان قلبى وجعنى عليه يا حبيبتى بس ده نصيبه
حلم:: عارف هو أول حصان جبته و كان لسة مُهر صغير عمره أيام أنا كبرته يا فارس حسيته أبنى .. اللى قـ ـتله عارف غلاوته عندى و عرف يوجعنى .. أنا خايفة أوى يا فارس
فارس:: مالك يا حبيبتى مش متعود عليكى ضعيفة كدا .. راحت فين الاسطورة و قوتها
حلم:: بخوف و يأس .. الأسطورة خلاص أنتهت يا فارس اللى بيهـ ـددنا عرف نقطة ضعفى و دخل منها قدر ينهينى قدر يحطمنى و يقضى عليا
فارس:: حبيبتى الاسطورة عمرها ما تنتهي انتى هتفضلى قوية و واقفة فـ وش الريح و عمرها ما هتكـ ـسرك .. صدقينى يا حلم هنعدى الأزمة دى و قريب يا حبيبتى هينتهى الكابوس ده
حلم:: بس دول ولادنا يا فارس مش هاستحمل يجرالهم حاجة هارو.........
فارس:: حط صباعه ع بؤقها يمنعها تكمل ... ششششش ما تقوليش كدا انا من غيرك و لا حاجة ما أقدرش أعيش من غيرك يا حلم عمرى كله و صدقينى قريب أوى هنعرف مين اللي بيبعت لنا الرسايل و اللى حرمنا من ريزو أوعدك يا عمرى انك تشوفيه بنفسك و هو بيتـ ـقـ ـطع قصاد عينيكى من اللى هعمله فيه يا حبيبتى
حلم:: غمضت عينيها بوجع .. أمتى ييجى اليوم ده يا فارس نفسى أرتاح بقى
فارس:: قريب يا حبيبتى ان شاء الله .. و بيحاول يخرجها من حالة الحزن اللى هى فيها .. بغمزة قوليلى أنتى حلوة أوى كدا ليه النهاردة
حلم:: بأبتسامة .. لسة شايفنى حلوة يا فارس حتى بعد ما كبرت
فارس:: بحب .. مين دى اللى كبرت .. فشر دى أنتى قمر بدر منور فـ ليل تمامه قال كبرتى قال
حلم:: تفتكر يعنى كلامك الجميل ده هيغير الحقيقة .. أستسلم بقى يا حبيبى و أعترف أننا كبرنا خلاص و عدينا الـ خمسين يعنى خلاص عجزنا يا فوفو
فارس:: و عينيه فـ عينيها .. و قالت لقد بلغتُ الخمسين أفلا ترى
جمالي قد ذهب .. فقلتُ لها أرأيتِ يوماً قد نقُص من سِعره الذهب
أو رأيت لوحة قديمة
إلا و ازداد في أثرها الطلب
فتلك الخمسون يا جميلتي
قد زادت من بهائكِ العجب
الناسُ تخشى أنْ يكبروا
و أنتِ ناصعةٌ كـ تاريخِ العرب فاطمئني لن يزولَ جمالُكِ فإنَّ لكِ بالجمالِ ألفُ سبب و سبب
حلم:: انا بحبك اوى يا فارس ربنا مايحرمنيش منك أبدا
فارس:: ولا يحرمنى منك يا عمرى اللى فات و عمرى اللى جاى.. بقولك ايه بقى يا بت انتى قومى كدا يلا غيرى هدومك دى و تعالى عشان عايزك فـ موضوع مهم
حلم:: موضوع ايه يا حبيبى خير
فارس:: بغمزة .. لما تغيرى هدومك و تطفى النور هقولك ههههههههههههه
حلم:: اااااه منك يا فارس و بعدين معاك بقى مش هتبطل حركاتك دى أحنا كبرنا ع الكلام ده
فارس:: تؤتؤتؤتؤ فشر يا قلبى أحنا لسة شباب و فـ شهر العسل كمان .يا عسل انتى و لا ايييه و شدها و دخلها فـ حضنه و ......( لغاية هنا و مالناش دعوة بحد)
و بالفعل قدر فارس يحتوى حلم و يهون عليها خوفها ع ولادهم و حزنها ع حصانها
___________________________
فـ الجنينة
نزل ياسين متضايق و قلقان ع حور من اللى حصل و فكر يكلمها تنزل من أوضتها عشان يطمن عليها و مسك موبايله و رن عليها و انتظر الرد
حور:: سمعت رنة موبايلها و بأبتسامة ردت .. الوو ياسين
ياسين:: روح ياسين طمنينى ع روحي
حور:: أنا كويسة يا سينو طمنى عليك انت
ياسين:: قلب سينو من جوة ممكن تنزلى الجنينة عايز أشوفك يا حوري
حور:: بخجل .. ياسين الوقت اتأخر ماينفعش حبيبى
ياسين:: غمض عينه بسعادة .. ياااااااااه كلمة حبيبى طالعة منك تجنن
حور:: بس بقى يا ياسين ماتكسفنيش
ياسين:: حاضر يا توأم روحي .. بس ممكن تبصى من التراس شوية
حور:: خرجت التراس و شافته واقف قصاد اوضتها .. أدينى خرجت أهو عايز ايه بقى
ياسين:: عينيه عليها و بيكلمها فـ الفون .. عايز أهنى حبيبتى و قلبى و توأم روحي بعيد ميلادها
حور:: بأبتسامة .. بس كدا هو ده اللى انت عايزه
ياسين:: حبيبتى لو ع اللى عايزه فـ أنا عايز كتير
حور:: عايز كتير زى ايه مثلا
ياسين:: عايز أجرى و أقول للعالم كله أن خلاص حبيبتى بقت أخيرا من نصيبى و قريب أوى هتتكتب ع أسمى .. عايز أصرخ بعلو صوتى و أقول بحباااااااااااااااااك .. بحبك أوى يا حور
حور:: بأبتسامة و بتشاور بإيديها 🤫 بس يا مجنون وطى صوتك .. بابى و لا أى حد من اللى نايمين يصحوا و يزعلوا مننا
ياسين:: مش مهم اللى يصحى يصحى المهم أنى فرحان أوى النهاردة و لولا اللى حصل وقت الحفلة و مـ ـوت حصان طنط حلم كنت عرفت أعبرلك أكتر عن فرحتى
حور:: أنا بحبك أوى يا سينو
ياسين:: و أنا بحبك أوى يا أجمل و أرق حور فـ الكون .. حبيبتــــــــى
اريد أن احلق فوق سمائكِ ..
وأعلن الحب على كل ارجائكِ ...
و أصبح اسيراً عاشق لوجدانكِ ..
يا من ملكت القلب وأصبحتِ ..
للروح توأمي ..
قلبي و روحي بين يديك وأنتِ ..
فيهما تحكمي .. يا حبيبتي
يا ملاكِ من السماء انتِ ..
يا هدية الخالق .
يا حبيبة العمر أنتِ
حور:: بخجل .. شوفت بقى خلتني نسيت أهو
ياسين:: نسيتى أيه يا حوري
حور:: نسيت أقولك .. كل سنة و أنت طيب يا سينو
كل سنة و أنت الهوى
و أنت الغرام اللى على قلبى طغى
كل سنة و انت الوحيد اللى هواه واصل الى حدود السما .. كل سنة و أنت معايا و أنا معاك .. كل سنة و انت حبيبى
ياسين:: كل سنة و انتى حبيبتى و السنة الجاية فـ بيتى
حور:: أن شاء الله يا سينو .. يلا سلام بقى و تصبح ع خير
ياسين:: تصبحى فـ قلبى و فـ حياتى .. سلام يا توأم روحي
و بالفعل قفل ياسين المكالمة و طلع أوضته ينام بعد يوم طويل كله تعب و قلق و توتر و ختمه برؤية و سماع صوت حبيبته و توأم روحه و أطمن عليها
_______________________
فـ جهاز المخابرات
راح أحمد الجهاز بدرى و اول ما وصل دخل مباشرتاً ع مكتب اللوا عادل مدير الجهاز و خبط ع الباب و انتظر الأذن بالدخول
عادل:: سمع الخبط و أذن .. أدخل
أحمد:: صباح الخير يافندم
عادل:: صباح الخير يا أحمد اتفضل أقعد
أحمد:: و هو بيقعد .. حضرتك طلبت منى أجهز لمأمورية جديدة خير؟!
عادل:: شوف يا أحمد انا أخترتك للمأمورية دى لثقتى الكاملة فيك انك
الوحيد اللى تقدر تقوم بيها
أحمد:: أتمنى أكون عند حسن ظنك يافندم
عادل:: أكيد يا قناص انت دايما عند حسن ظنى عشان كدا أخترتك للمهمة دى
أحمد:: شكرا يافندم ع ثقتك فيا
عادل:: طيب نتكلم فـ التفاصيل ؟!
أحمد:: تحت أمر حضرتك اتفضل
عادل:: المأمورية هتكون فى باربادوس
أحمد:: أمريكا الشمالية
عادل:: بالظبط كدا يا أحمد
أحمد:: المطلوب ؟؟
عادل:: قبل ما أقولك المطلوب يا أحمد لازم تعرف ان المهمة دى مش ساهلة بالمرة
أحمد:: ما تقلقش سيادتك أنا قدها ان شاء الله
عادل:: و هو ده بالظبط اللى انا متوقعه من القناص
أحمد:: نتكلم فـ التفاصيل يافندم
عادل:: تمام أسمعنى كويس و افهم كل كلمة هقولها
أحمد:: تمام يافندم اتفضل و بأنتباه بيسمع كل كلمة بيقولها اللوا عادل
عادل:: القضية عبارة عن ( ........) و الملف ده فيه كل التفاصيل
أحمد:: بأنتباه و تركيز وهو بياخد ملف القضية .. تمام يافندم
عادل:: المطلوب منك تعمل خطة انت و فريقك و تختار حد منهم يسافر معاك عشان تنفذوا المهمة دى
أحمد:: تمام يافندم بس أسمحلى انا هسافر لوحدى مش هاخد حد معايا من الفريق
عادل:: خطر يا أحمد لازم يكون ع الاقل واحد او اتنين من فريقك معاك
أحمد:: ماتقلقش يافندم انا قدها لوحدى و بأذن الله هرجع بسرعة و معايا المطلوب بفضل الله ثم دعم سيادتك
عادل:: بس يا أحمد
أحمد:: ماتقلقش يافندم
عادل:: تمام يا أحمد ربنا معاك تروح و ترجع بالسلامة يا بطل
أحمد:: و هو بيقف عشان يخرج .. دعواتك يافندم
عادل:: موفق ان شاء الله
أحمد:: أن شاء الله سيادتك
و بالفعل خرج أحمد و راح ع مكتبه و أجتمع بفريقه و بيناقش ملف القضية و ابتدا يحط كل الخطوط العريضة اللى هيمشى عليها و الخطة الاساسية لتنفيذ المهمة المطلوبة و بعدها بلغهم قراره انه هيسافر لوحده رغم أعتراض الفريق إلا انه أصر ع رأيه و فعلا خلص أجتماعه و خرج من مكتبه راح الڤيلا أخد شنطته و طلع ع المطار عشان يسافر ينفذ مهمته
_________________________
فـ ڤيلا فارس
نفس الوقت رجع فارس من المزرعة عشان يأمن كل مكان خاص بـ حلم سواء الشركات او المستشفى و الڤيلا و كمان بيت حلم القديم و بيوت أخواته و أخوات حلم و زيادة الحراسة اللى ورا ولاده و كمان زود كاميرات و أجهزة تنصت حديثة جدا فـ أماكن كتير مختلفة و صعب حد يوصلها و تانى يوم حلم و الكل رجعوا من المزرعة بعد ما اتصل بيهم فارس
وطمنهم ان كل حاجة تمام و الدور ع المزرعة يأمنها بنفس الطريقة و لما رجعت
حلم:: بقلق .. أنت متأكد يا فارس ان كل حاجة أمان ؟
فارس:: حلم حبيبتى ما تقلقيش انا قولتلك ان طقم الحراسة ده متدرب ع أعلى مستوى و كمان أجهزة التنصت و الكاميرات كلها حديثة و تقنيتها عالية
حلم:: مش عارفة يا فارس قلبى مقبوض و خايفة حاسة أن فى حاجة هتحصل مش مطمنة
فارس:: ضمها لـ حضنه .. حبيبتى ما تخافيش و سلميها لله و يلا نطلع اوضتنا عشان ترتاحى و ترجعى شغلك من بكرة ان شاء الله
حلم:: حاضر يا حبيبى و لـ حور و تسنيم .. يلا يا بنات أطلعوا أرتاحوا فـ أوضكم و كل واحدة تقفل ع نفسها كويس و بتتلفت حواليها مش شايفة جاسر .. ولـ حور بقلق أخوكى فين جاسر فين هو مش كان معانا راح فين
حور:: أهدى يا مامى .. جاسر دخل جرى قدامنا طلع ع أوضته ع طول
حلم:: متأكدة ؟
تسنيم:: أيوا يا مامى انا شوفته و هو طالع جرى ع فوق
حلم:: طيب أنا هطلع اشوفه و انتوا يلا أطلعوا معايا و لـ فارس يلا يا حبيبى نطلع نطمن ع جاسر
و فعلا طلعت حلم مع بناتها وصلتهم أوضهم هى و فارس و اطمنت عليهم و دخلوا عند جاسر عشان يطمنوا عليه و شافوه
جاسر:: قاعد سرحان و دموعه نازلة بصمت
فارس:: بقلق .. مالك يا جاسر بتعيط ليه ؟
جاسر:: أتعدل فـ قعدته أبدا يا بابا مافيش حاجة
حلم:: قعدت جنبه و ضمته لحضنها .. مالك يا حبيبى بتعيط ليه فـ حاجة وجعاك حاسس بـ ايه طمنى عليك
جاسر:: قلبى واجعنى اوى يا ماما من وقت اللى حصل فـ المزرعة و اللى كلنا شوفناه و عيشناه معاكم و انا قلبى واجعنى أوى
فارس:: قعد جنب جاسر الناحية التانية و خرجه من حضن حلم .. أسمعني يا جاسر لازم تتعلم تتحمل الازمات و ماتستسلمش أنت دلوقتي كبرت و بقيت راجل يعنى ما ينفعش انك تقفل ع نفسك و تقعد تعيط كدا فاهم
جاسر:: عايزنى أعمل أيه يا بابا ؟
فارس:: يا حبيبى المفروض تقوى قلبك عشان تقدر تحمى أمك و أخواتك البنات لو انا جرالى حاجة
حلم:: بخوف .. بعد الشر عنك يا حبيبى ربنا يباركلنا فيك أحنا كلنا من
غيرك و لا حاجة
فارس:: يا حبيبتى لازم جاسر يستوعب بسرعة اللى حصل و يفهم ان الفترة اللى جاية هتكون صعبة لغاية ما نعرف مين اللي بيبعتلنا الرسايل دى و نقبض عليه و لـ جاسر ما ينفعش تبقى ضعيف يا حبيبى أجمد و قوى قلبك عشان نقدر نعدى الازمة دى سوا
جاسر:: حاضر يا بابا ان شاء الله هتلاقينى واقف فـ ضهرك دايما و مش
هاضعف تانى ابدا
فارس:: بأبتسامة قام وقف .. شاطر يا حبيبى يلا بقى نام عشان تصحى بدرى تروح مع حلم عمرى و تسنيم الشركة و ما تسيبهمش لوحدهم
جاسر:: بغمزة لـ حلم .. أخيرا بقى يا حلم حياتشى هنروح سوا الشركة و نسيب ابو الفوارس لوحده
فارس:: بغيظ .. تصدق ياض انا غلطان انى اعتبرتك راجل
شكلك عايز تتعلق زى زمان يا كـ ـلب
حلم:: قامت من جنب جاسر و هى بتضحك ع مشاكسته لـ فارس .. لأ انتوا مشكلة بجد ولـ فارس معقول لسة بتغير من أبنك يا حبيبى
جاسر:: بضحك قوليله يا مزتى و النبي و لـ فارس معقول بتغير مني أنا أبنك ضيناك حبيبك يا بابا يا حبيبى
فارس:: بغيظ .. أمشى غور ياض ع أوضتك قبل ما أتهور و أضـ ـربك
جاسر:: بمكر .. ع فكرة يا باشا دى أوضتى أنا لو مش واخد بالك يعنى
قولت أفكرك بس
حلم:: بضحك .. حبيبى ده يا ناس اللى غيران يلا نروح أوضتنا و فعلا خرج فارس قبلها متغاظ من أبنه و هى بصت لـ جاسر بطل تستفز بابا و تغيظه و انت عارف انه بيتضايق
جاسر:: الله بقى يا ماما هو حرام يعنى أحب فيكى شوية و بيرقص لها حواجبه مش انتى أمى حبيبتى برضوا
حلم:: أه يانى منك انا مش عارفة أعمل فيك ايه بس
جاسر:: بغمزة حبيني زى ما بحبك يا مزتى
حلم:: ما انا بحبـ....... قاطـ ـعها صوت
فارس:: من برة الأوضة بغيظ حلللللم ايييه هافضل واقف كتييير كدا
حلم:: حاضر يا حبيبى جاية أهو و لـ جاسر عاجبك كدا فيها ساعة دى ههههههههههههه
جاسر:: مافيهاش ساعة و لا حاجة يا مامتى انتى بس إديله واحدة فوفو من اللى مش بتطلع غير فـ الاستخبس دى و هيروق ع طول ههههههههههههه
حلم:: و هى خارجة من الاوضة بغيظ .. ماااااشى يا جااااسر و لـ فارس انا جيت اهو يا حبيبى
فارس::بعتاب .. ينفع كدا يعنى تسيبنى واقف برة الاوضة و انتى جوة مع الـ كـ ـلب ده
حلم:: أخص عليك يا فارس و هو جاسر ده مين مش أبنك برضوا
فارس:: يا حبيبتى أبنى و حبيبى كمان .. بس بينافسنى فيكى و انا لا يمكن شوفى لاااا يمكن كدا اسمح لـ أى حد ينافسنى فـ حبك أنتى ملكى أنا و بس فاهمة
حلم:: يا حبيبى أنا ملكك و كلى ليك و مستحيل حد ياخدنى منك .. بس أهدى شوية مع جاسر مش كدا ههههههههههههه
فارس:: دخل جناحه بغيظ .. بقى كدا مااشى يا حلم خليه ينفعك بقى تصبحى ع خير و لسة بياخد هدومه عشان يدخل ياخد شور
حلم:: بدلع .. أخص عليك يا فوفو هتسيبنى كدا و انت زعلان
فارس:: وقف و حط ايده فـ وسطه و بتريقة .. لأ ماليش حق أسيبك أزاى و انا زعلان كدا
حلم:: ببراءة مصطنعة .. شوفت بقى صالحنى يلا
فارس:: بيشاور ع نفسه .. أنا اللى زعلان و أنا اللى أصالحك
حلم:: بنفس الدلع .. أه ما تصالحنيش ليه هو انت صغير يعنى
فارس:: بنظرة عاشق و تنهيدة .. أه منك انتى يا حلم عمرى مش ناوية تجيبيها لبر هتودينى فين تانى يا عمري
حلم:: قربت منه و بهمس .. هأخبيك جوة قلبى و اقفل عليك و أرمى المفتاح بعيد
فارس:: ضمها فـ حضنه و بنفس الهمس .. و أنا موافق تعملى مابدالك يا حلم عمرى كله
________________________
فـ ڤيلا هشام الرشيدي
نفس الوقت بعد ما رجعوا من المزرعة
قاعد فـ الليڤنج مع فتنة و سامر و روڤان و قال
هشام:: بقلق .. أنا خايف و قلقان ع حلم و ولادها أوى مش متخيل أزاى قادرة تتحمل كل الفترة دي
فتنة:: حلم قوية جدا يا هشام و أكيد اللى خلاها تتحمل السنين اللى فاتت هيخليها تتحمل الفترة اللى جاية لغاية ماتعدى الازمة دى ان شاء الله
هشام:: يا فتنة يا حبيبتي السنين اللى فاتت كانت مجرد رسايل بتيجى كل فين و فين .. لكن اللى حصل فـ المزرعة ده و انها تشوف حصانها اللى بتحبه مقـ ـتول قصاد عينيها و كمان يتبعتلها صورته و تحت منه رسالة جديدة ده معناه ان فعلا اللى بيهـ ـددهم قريب منهم أوى
سامر:: بتأكيد فعلا يا بابا و مش بس كدا فارس أدهم قال لى أن اللى عمل كدا حد تبع المافيا
فتنة:: بخضة .. يالهوى مافيا ؟ و عرفوا ازاى يا سامر ؟
سامر:: عرفوا من فوارغ الـ ـرصا ص اللى كانت موجودة جنب الحصان يا ماما
روڤان:: بأستفسار ايه فوارغ الـ ـر صاص دى يا سامر
سامر:: يا ستى دى عبارة عن حاجة زى الظرف كدا بيغلف الـ ـرصاصة المفروض يقع جنب الـ ـسـ ـلاح اللى أنضـ ـربت منه الـ ـرصاصة
هشام:: فعلا يا سامر بس انت قولت انهم لاقوا الفوارغ دى جنب الحصان
سامر:: أيوا يا بابا و ده مالوش غير تفسير من أتنين أما حد ضـ ـرب الـ ـنـ ـار من قريب او حدف الفوارغ عن قصد جنب الحصان عشان يعرفهم هو مين
هشام:: فـ الحالتين الوضع ما يطمنش خالص يا سامر .. ربنا يسترها يا أبنى و عمتك تعدى الازمة دى ع خير
سامر:: و هو بيقف عشان يطلع أوضته .. يارب يا بابا أستأذنكم بقى أطلع أنام عشان عندى شغل بدري تصبحوا ع خير و لـ روڤان .. عايزك شوية يا روڤى لو سمحتى
روڤان:: بأبتسامة حاضر يا سامر جاية وراك أهو
هشام:: و أنت من أهل الخير يا حبيبى يلا أحنا كمان نطلع أوضتنا يا فتنة و لـ روڤان .. تصبحى ع خير يا حبيبة بابا
روڤان:: و حضرتك من أهل الخير والسعادة يا بابى .. تصبحى ع خير يا مامى
فتنة:: و أنتى بخير ياقلبى
و بالفعل كلهم طلعوا يناموا و روڤان قبل ما تدخل أوضتها دخلت أوضة سامر
روڤان:: خبطت و دخلت بمرح .. أخويا توأمى قولى عايزنى فـ ايه خير
سامر:: بأبتسامة .. عايز أطمن ع أختى حبيبتى مالك بقى من قبل ما نرجع من المزرعة و أنتى قلقانة و متوترة فيكى ايه
روڤان:: بصراحة قلقانة ع أحمد أوى المرة دى يا سامر
سامر:: قلقانة من ايه يا حبيبتي
روڤان:: مش عارفة يا سامر قلبى واجعنى أوى و حاسة أن فى حاجة هتحصل و خايفة عليه أوى
سامر:: يا روڤى يا قلبى أنتى عارفة طبيعة شغل أحمد لازم تتعودى و تجمدى قلبك .. مش كل مرة هيسافر فيها مأمورية او الجهاز يكلفه بـ مهمة
جديدة هتقلقى كدا
روڤان:: أعمل ايه بس يا سمسم غصب عنى صدقنى
سامر:: عارف يا قلب سمسم انه غصب عنك سلميها لله يا روڤى و أدعيله يرجعلك بألف سلامة
روڤان:: يارب يا سمسم يارب .. أسيبك بقى يلا تصبح ع خير يا حبيبي
سامر:: و أنتى بخير يا قلب سمسم
و فعلا خرجت روڤان من عند سامر و راحت أوضتها و جواها قلق و خوف مش عارفة تسيطر عليه و قعدت ع سريرها بالها مشغول بـ أحمد و فضلت تفكر فيه لغاية ما غلبها النوم
______________________
فـ مكتب حلم
دخلت حلم المقر الرئيسي لـ الحلم جروب مع جاسر و تسنيم بـ كل هيبة
و كبرياء لغاية ما وصلت مكتبها
حلم:: بجدية .. صباح الخير نادين
نادين:: صباح الخير يافندم
حلم:: هاتى الملفات اللى محتاجة أمضا و قبلهم قهوتى لو سمحتى و لـ جاسر يلا يا أستاذ مع تسنيم ع مكتبها عشان تدربك ع الشغل و ماتتعبهاش
جاسر:: بتذمر .. إيه ده يا مزتى مالاقيتيش غير البت دى هى اللى تدربنى ؟!
تسنيم:: بغيظ و مالها بقى البت دى يا سى جاسر ها
حلم:: بأمر .. بس انتوا الاتنين ..لعب العيال ده هناك فـ البيت هنا شركة كبيرة و ماينفعش فيها التهريج ده مفهوم .. يلا ع مكتبكم و مش عايزة اى غلطة و انت يا جاسر ياريت تركز مع تسنيم و أنسى خالص انها أختك هى هنا مديرتك و بس أظن كلامى واضح
تسنيم:: حاضر يافندم تحت أمرك
جاسر:: جواه ايه ده من اولها كدا .. و لـ حلم حاضر يا ما... قصدى حاضر يافندم
حلم:: لـ تسنيم و جاسر يلا اتفضلوا و لـ نادين هاتى الملفات و القهوة و حصلينى ع المكتب
نادين:: حاضر يافندم
و فعلا سابتهم و دخلت مكتبها و شوية و دخلت وراها
نادين:: مدت إيدها بـ الملفات اللى محتاجة الأمضا .. اتفضلى يافندم الملفات اللى حضرتك طلبتيها
حلم:: و هى بتاخد الملفات منها .. هاتيلى ملفات المزايدات المتقدمة بتاعة صفقة الأغذية و أبعتى لـ أستاذ هشام و باشمهندس قصي ييجوا حالا
نادين:: حاضر يافندم تؤمرى بـ حاجة تانية
حلم:: شكرا يا نادين اتفضلى انتى و ماتنسيش قهوتى بسرعة
نادين:: و هى خارجة من المكتب .. حالا تكون عند حضرتك
وفعلا خرجت نادين من مكتب حلم و بعتتلها قهوتها و بلغت هشام و قصي انها عايزاهم و بالفعل بعد شوية دخل
هشام:: صباح الخير يا حلم .. عاملة ايه يا حبيبتى دلوقتي
حلم:: بأبتسامة .. صباح الخير يا حبيبى أنا بخير طول ما انت و فارس فـ ضهرى ربنا يبارك لى فيكم و فـ ولادنا
هشام:: و يبارك لنا فيكى يا حبيبتى يارب .. قوليلى بقى خير عايزانى فـ ايه
حلم:: عايزاك بخصوص ...... و قطـ ـع كلامها خبط الباب و أذنت بالدخول
قصي:: صباح الخير يا جماعة .. عاملين ايه
هشام:: صباح الخير يا باشمهندس احنا بخير
حلم:: صباح الخير يا قصي اتفضل استريح
قصي:: خير بعتالى ليه
حلم:: لـ هشام و قصي .. انا بعتت لكم
عشان صفقة الأغذية و المزايدة اللى اتعملت عايزين نراجع ملفات العطاءات عشان نستقر ع الشركة اللى
هنمضى معاها العقد .
هشام:: خلاص تمام اطلبى لنا طقم قهوة مظبوطة بقى و يلا نبتدى
قصي:: يا سلام يا هشام لو مع القهوة كمان ساندويتش يبقى حاجة أخر تمام
حلم:: لـ قصي ما فطرتش ولا ايه جاى تفطر هنا
قصي:: لأ بصراحة فطرت بس ما يمنعش نزود
حلم:: بأبتسامة .. و ماله نزود
و رفعت سماعة مكتبها طلبت من نادين تجيب قهوة و فطار و كمان تبلغ ياسمين و تسنيم و جاسر بالاجتماع .. و بالفعل بعد شوية ابتدا الاجتماع بعد ما حضرت ياسمين و تسنيم و جاسر و ابتدوا يتناقشوا فـ كل الملفات اللى الموجودة لغاية ما لفت نظرهم عرض متقدم من شركة (REA )
حلم:: بأستغراب .. غريب اوى اسم الشركة دى (REA) حد يعرف مين أصحابها ؟
ياسمين:: بصراحة أنا اول مرة أسمع عنها
قصي:: و أنا كمان اول مرة أسمع عنها
هشام:: اممممم هى شكلها شركة جديدة و عايزة تثبت وجودها فـ السوق
تسنيم:: فعلا يا خالو عشان كدا مقدمة عرض حلو اوي
حلم:: بس كدا بالعرض ده يبقوا ناس تقيلة مش حد لسة فـ بدايته
جاسر:: طيب ما هو ممكن برضوا حد يكون فـ بدايته بس عارف هو بيعمل ايه
هشام:: طيب يا جماعة خلونا فـ المهم الشركة دى لغاية دلوقتي مقدمة أفضل عرض قولتوا ايه نوافق ولا ناخد العرض اللى بعدهم
كلهم :: خلاص تمام نوافق ع عرضهم
حلم:: بقبضة قلب .. خلاص تمام كدا يبقى شركة (REA) هى اللى هنتعاقد معاها ان شاء الله
هشام:: خلاص انا هجهز العقود و نبلغهم بالموافقة
قصي:: لـ هشام أستنى نبلغهم الاول و بعد كدا تقعد مع المحامى بتاعهم و تظبطوا كل حاجة
حلم:: بالظبط كدا يا قصي و لـ هشام ماتستعجلش ع العقود و اصبر لما نبلغهم الاول و لـ ياسمين بلغيهم ييجوا بكرة ان شاء الله عشان نتمم الصفقة
ياسمين:: خلاص تمام هبلغهم و بكرة نجتمع تانى معاهم ان شاء الله و نمضى العقود
حلم:: ان شاء الله خير .. يلا بقى كل واحد ع شغله
وفعلا خرجوا كلهم و رجعوا مكاتبهم و فضلت حلم فـ مكتبها و شاغل تفكيرها الشركة الجديدة دى و أسمها الغريب ده و قلقها منهم
توأم روحي بقلمى✍️_________لبنى دراز
ظابط المباحث:: ياريت تتفضلى معانا بهدوء و من غير شوشرة
#::.........؟؟
يتبــــــــع
