رواية العشق الأبدي 2
رواية العشق الأبدي2 (توأم روحي) بقلم لبنى دراز
الفصل السادس
💕🌹💕🌹💕🌹💕🌹💕🌹💕
يا أبن أدم استعن بالله والجأ إليه واطلب منه المعونة، واسأله أن يُلهمك الصبر والرضا بقضائه؛ كي يهون عليك البلاء وتنجح في الامتحــان.
توأم روحي بقلمى✍️_________لبنى دراز
باربادوس🇧🇧 أمريكا الشمالية
فـ الأوتيل
بعد ما راحت رودينا الأوتيل اللى حجزلها فيه أحمد فضلت جوة أوضتها و ماخرجتش منها و تانى يوم فجأة سمعت خبط ع باب أوضتها
رودينا:: بتوتر .. مـ مـ مـ مين
ريان:: رد و قالها چو بيسأل عليكى
أحمد:: فـ نفس اللحظة رن عليها فون عشان يطمنها
رودينا:: ردت عليه بقلق أ أ ألو
أحمد:: بأمر .. أفتحى الباب و قفل المكالمة قبل ما يسمع الرد
رودينا:: فتحت الباب و هى متوترة و بتلف بعينيها فـ كل مكان
ريان:: بأبتسامة هادية .. ما تقلقيش أنا من طرف يوسف عشان أكون جنبك وقت ما تحتاجى حاجة
رودينا:: و فين يوسف ما جاش ليه بنفسه
ريان:: يوسف حاليا برة الأوتيل و مش هيجى دلوقتي و عشان كدا هو باعتنى ليكى و مد ايده يطلب موبايلها .. لو سمحتى هاتى موبايلك
رودينا:: بخوف و قلق .. ليه هتعمل بيه إيه
ريان:: بيطمنها لما لاحظ توترها و خوفها .. ما تخافيش دلوقتي تفهمى
رودينا:: إديتله الموبايل و هى ساكتة و مش فاهمة هيعمل بيه إيه
ريان:: أخد الموبايل و قفله و إدالها موبايل جديد بشريحة جديدة صعب حد يراقبها و اتصل بـ أحمد .. الو يوسف كله تمام
أحمد:: رد .. تمام إديلها الفون
ريان:: مد إيده لـ رودينا بالموبايل .. اتفضلى كلمى يوسف
رودينا:: أخدت الفون و ردت ألو انا ممكن أفهم ايه اللى حصل ده
أحمد:: أهدي يا دكتورة اللى حصل ده كله لمصلحتك تليفونك متراقب و لو حصلت منه مكالمة أكتر من دقيقة هيتعرف مكانك فين
رودينا:: عشان كدا ما طولتش اول مرة ؟؟
أحمد:: بالظبط كدا .. و دلوقتي انتى هتفضلى فـ الأوضة ما تخرجيش منها خالص لـ أى سبب من الأسباب و ريان معاكى لو أحتاجتى حاجة رنى عليه هيطلع لك و ماتفتحيش الباب غير لما تتأكدى أنه ريان
رودينا:: بنرفزة و انا هفضل فـ المعتقل ده لغاية أمتى
أحمد:: لغاية ما الدنيا تهدى حواليكى و يجى الوقت المناسب اللى أقدر أنزلك فيه مصر
رودينا:: بس أنا ما ينفعش أقعد كدا كتير انا عندى شغلى و المرضى بتوعى و أبحاثى ما ينفعش اسيب كل ده و أفضل قاعدة كدا مستخبية من مجهول
أحمد:: بغـ ـضب .. دكتووورررة رودينا أعتقد أن حياااااتك فـ خطرررر بسبب أبحاثك دى و المجهول اللى حضرتك مش عايزة تفضلى مستخبية منه و عايزة تواجهيه حاول أغتيالك أكتر من مرة و لولا تواجدنا حواليكى الفترة اللي فاتت دى كان زمانك الله يرحمك فياريت تقدرى اللى أحنا بنعمله شوية و تتحملى لغاية ما نخلص و نقدر نرجعك بلدك
رودينا:: حاضر مطلوب مني ايه
أحمد:: مش مطلوب منك غير انك تسمعى كلامى و بس و ماتخرجيش من أوضتك و ماتفتحيش غير لـ ريان فقط و لو سمحتى أدينى ريان أكلمه
رودينا:: مدت إيدها بالموبايل لـ ريان اتفضل
ريان:: أخد الموبايل منها .. أيوا چو
أحمد:: خد بالك كويس أوعى تغيب عن عينيك و ما تخرجش نهائى لغاية ما أنا أجى أخدها بنفسى مفهوم ريان
ريان:: تمام چو ما تقلقش
أحمد:: سيفلها رقمك عشان لو احتاجت حاجة ترنلك
ريان:: خلاص چو أطمن أنا جنبها و قفل المكالمة مع أحمد و هو بيسيفلها الرقم .. ده رقمى عشان لو أى حاجة حصلت او أحتاجتينى ترنى عليا هتلاقينى جنبك ع طول .. و إدلها الموبايل مرة تانية و سابها ومشي
رودينا:: و هى بتاخد الموبايل منه شكرته و بعد ما خرج قفلت وراه و قعدت ع سريرها و دموعها نازلة بصمت من كتر الخوف و القلق اللى هي عايشة فيه
__________________________
مصر 🇾🇪
فـ النيابة
وصل جاسر بسرعة قبل ما توصل حلم و دخل جرى ع مكتب سامر و شافه
هشام:: لسة هيتكلم معاه .. اهـ.....
جاسر:: بغـ ـضب .. ضـ ـرب سامر بوكس وقعه مكانه .. أننننت ياااا سااااامر اللى تعمل كدا انننتتتت و الله ما هسيييبك انا لازم أقـ ـتلك
هشام:: بزعيق .. أهدى يا جاسر ما ينفعش كدا انت فـ قلب النيابة
جاسر:: طبعا يا خالى لازم تقول كدا ما البيه اللى قبض ع أمى يبقى أبنك لازم تحامي عنه يا سيادة المستشار ما أنتوا طابخينها سوا
سامر:: بحزن .. انا مش هلومك يا جاسر و مقدر الحالة اللى انت فيها بس...
جاسر:: بمقاطعة .. بس ايييييه يا سيادة وكيل النيابة بس ايييييه هااااا تقدر تقولى .. اييييه هتقبض عليا انا كمااااان و تسجني مع أمى
هشام:: بيحاول يحتوى الموقف و بهدوء .. جاسر ياريت تحاول تهدى شوية و أصبر لغاية ما حلم توصل و نفهم بالظبط ايه اللى حصل
جاسر:: بغـ ـضب أكبر .. لأ مش هاهدى يا خالى و صدقنى أبنك ده هاندمه ع اللى عمله و مش هسييبه و لـ سامر سااااامع مش هسيييبك و هحاسبك ع كل اللى انت عملته فـ أمى يا سامر
سامر:: جاسر لو سمحت ده شغلى و غصب عنى .. أنت فاكر يعنى سهل عليا أعمل كدا فـ عمتى
جاسر:: أخررررسس ما تقولش عمتك انت فاااااهم
عند حلم
لحظة وصولها النيابة اتفاجئت بوجود قصي و أدهم و سيف و حسام أخوها
و الصحافة و الإعلاميين منتظرينها
فارس:: و هو محاوط ع حلم عشان ماحدش يصورها .. لـ سيف اتصرف بسرعة و امنع اى أحاديث أو تصوير يا سيف
سيف:: بجدية .. ما تقلقش أدخلوا انتوا بس و سيب الموضوع ده عليا
وبالفعل دخلت حلم النيابة بسرعة و سيف اتولى مهمة منع التصوير و الأحاديث الصحفية و بلغهم ان اللى هينشر اى حاجة او اى خبر عن حلم هيتعرض لمشاكل هو فـ غنى عنها
عند سامر
سامر:: لسة هيتكلم ويرد ع جاسر قاطع كلامه دخول سكرتير التحقيق و العسكرى بلغه ان حلم وصلت
سامر:: بجدية أمر العسكرى يدخلها
و بالفعل خرج العسكرى و دخلت حلم و معاها فارس المكتب
جاسر:: أول ماشافها جرى أترمى فـ حضنها و بدموع .. أنتى مكانك مش هنا يا ماما انتى مش مجرمة عشان يتقبض عليكى أكيد فى حاجة غلط و خرج من حضنها عينه ع سامر و من بين أسنانه و أنا هعرف أحاسب اللى غلط كويس و لـ سامر صدقنى أطمن بس ع أمى و هدفعك التمن يا سامر
حلم:: لما دخلت و شافت شكل سامر و جاسر و فهمت اللى حصل بينهم .. مسكت وش جاسر بين إيديها .. حبيبى سامر مالوش ذنب ده شغله و بينفذه يعنى غصب عنه و بعدين يا جاسر أنت مش واثق فـ برائتى و عارف انى عمرى ما أتاجر بأرواح الناس ؟؟
جاسر:: مسك إيديها اللى ع وشه و باسها .. واثق يا ماما و متأكد انك عمرك ما تعملى كدا ابدا و عشان كدا مش هسكت لغاية ما أثبت برائتك و أحاسب كل واحد غلط فـ حقك و اول
واحد هحاسبه هو أقرب واحد لـ قلبك
حلم:: بتنهيدة وجع .. جاسر حبيبى انا متأكدة ان سامر كمان واثق من برائتى بس زى ما قولتلك يا حبيبى ده شغله و لازم يعمله
فارس:: بوجع .. يلا يا جاسر نخرج عشان سامر يبتدى التحقيق
و بالفعل خرج فارس و جاسر من مكتب سامر و سابوا هشام معاها بأعتباره المحامى بتاعها و قبل ما يبتدى التحقيق
سامر:: قام وقف و راح قعد قصاد حلم و مسك ايديها بحزن .. سامحينى يا عمتو غصب عني
حلم:: حطت إيدها ع خده مسامحاك يا حبيبى و عارفة انه غصب عنك بس انت ليه ما رفضتش القضية يا سامر ايه اللى خلاك تقبل تمسكها .. ليه تحط نفسك فـ الموقف ده مع أخواتك يا حبيبي
سامر:: صدقينى يا عمتو انا اول ما عرفت بالخبر سعيت بكل قوتى ان أنا اللى أمسك القضية دى . رئيس النيابة رفض لكن انا ماسكتش و روحت لسيادة النائب العام و طلبت منه برجاء أنى امسكها ع مسؤوليتى الشخصية لأنى واثق فـ برائتك رغم ان كل الأدلة للاسف ضدك
حلم:: خلاص يا حبيبى شوف شغلك و ابتدى التحقيق
سامر:: وقف عشان يرجع ورا مكتبه و قبل مايبتدى باس أيدها و راسها و رجع قعد و شاور لـ سكرتير التحقيق يفتح المحضر و قال بجدية وقلبه بيتقطع من الوجع ..
بسم الله الرحمن الرحيم
انه فى مساء يوم الأحد الموافق و بص لـ سكرتير التحقيق اكتب ساعته و تاريخه و كمل ..تم القبض على المتهمة حلم محمد حسن الرشيدي البالغة من العمر 54 عاما و المقيمة بـ( ....) و بسؤالها عن الواقعة
س/ ما هو قولك فيما هو منسوب إليكى انك استوردتى أغذية فاسدة و منتهية الصلاحية مما أدت الى وفاة بعض الاشخاص و اصابة أخرين
حلم:: بتنهيدة وجع .. ماحصلش انا عمرى ما أستوردت أغذية أبدا
سامر:: س/ بما تفسري وجود أسم شركتك و توقيعك على أوراق و أذون الاستيراد
حلم:: صدقنى أنا ما أعرفش و ماعنديش تفسير فعلا ثم انا اصلا هستورد ليه و أنا عندى مصانع أغذية
و بعد مرور شوية وقت حوالى ساعتين تقريبا خلص التحقيق و قال
سامر:: لـ حلم هل لديكى أقوال أخرى
حلم:: لأ ما عنديش
سامر:: غمض عينيه و بوجع جواه و جدية ظاهرة .. تُحبس المتهمة أربعة أيام على ذمة التحقيق و يراعى لها التجديد في الميعاد .. أُقفل المحضر فى ساعته و تاريخه بمعرفتنا نحن سامر هشام الرشيدى وكيل نيابة (.....) و بص لـ سكرتير التحقيق اقفل المحضر و اتفضل انت
و بالفعل خرج السكرتير و ساب سامر و هشام مع حلم فـ المكتب
هشام:: وقف و ضم حلم فـ حضنه ما تخافيش مش هسيبك هحاول أعمل حاجة و أطلعك بكفالة ع الاقل لغاية ما نقدر نثبت برائتك
حلم:: بثبات .. ما تقلقش عليا يا هشام انا واثقة جدا فـ ربنا و مطمنة لانى ماعملتش حاجة و هخرج منها قريب
سامر:: خرج من ورا مكتبه مرة تانية و قعد قصاد حلم ع ركبه و دفن راسه فـ حضنها بدموع .. أنا أسف سامحينى يا أغلى الناس عندى حقك عليا لو كنت قسيت عليكى بس لو أنا ما عملتش كدا كنتى هتتبهدلى لو أى زميل تانى مسك القضية
حلم:: قامت و وقفته .. قوم أقف يا سامر و أرفع راسك يا حبيبى انت بتعمل شغلك و صدقنى انا مش زعلانة منك
سامر:: انتى هتفضلى هنا مش هتنزلى الحبس و انا متأكد ان بابا هيحاول بكرة يقدم مذكرة عشان تخرجى بكفالة
هشام:: ده أكيد انا الصبح بدرى هروح للنائب العام و اعمل محاولة ان شاء الله .. و بعدها خرج من المكتب و بلغ فارس و كل اللى موجودين ان حلم أخدت أربع ايام حبس
فارس:: قعد مكانه بصدمة و حط راسه بين إيديه لما سمع قرار سامر و دموعه نازلة ع حلم عمره و مش عارف يعمل أيه
جاسر:: جرى ع سامر مسك فيه و ضـ ـربه بوكس مرة تانية و لسة هيضـ ـربه تانى لحقوه الشباب أدم و شادى و ياسين
ياسين:: بعصبية مسك جاسر من ايديه مكتفه .. أهدى بقى يا جاسر فى اييييه خلاص هى كل الناس اللى واقفة دى مش مالية عينك يعنى ولا ايه
جاسر:: بغـ ـضب .. أوعى سيبنى يا ياسين سيييبنى أخلص عليييه الووواااطى نسي ان أمى تبقى عمته اللى فتحت له قلبها و بيتها و حبسها حبسسسس أمى مع المجرمين و الحرمية يا ياسييين
سامر:: بوجع من إهانة جاسر .. انا ما نسيتش و لا عمرى هنسى يا جاسر حلم الرشيدي مش أمك لوحدك دى أمى انا كمان مش بس عمتى .. بس اللى انت ما تعرفهوش أن لو حد غيرى مسك القضية دى كانت عمتى اتبهدلت بمعنى الكلمة و كانت فعلا هتنزل الزنزانة مع المجرمين و الحرامية
هشام:: لـ جاسر القضية كبيرة و مش ساهلة يا جاسر و لازم تحط إيدك فـ إيد أخوك سامر عشان تثبت برائتها بدل ما تتعصب عليه
جاسر:: لسة هيزعق قاطعه
أدهم:: وبعدين يا جاسر أعقل انت مش شايف حالة أبوك عامل أزاى و بص لـ أخوه قوم يا فارس يلا بينا نرجع البيت عشان خاطر البنات لوحدهم
سيف:: لـ فارس .. يلا فارس أسمع كلام أدهم و يلا بينا
فارس:: بوجع و حزن ..أنا مش هامشي من هنا غير و حلم معايا انتوا فاهمين و لـ هشام لاااااازم تتصرف و تخرجها بأى طريقة
سامر:: ما تقلقش يا عمى صدقنى مش هنسكت .. هى الليلة بس ان شاء الله و لو تحب تطمن عليها قبل ما تمشى اتفضل هى هتفضل فـ مكتبى تقدر تدخلها و تقعد معاها شوية
فارس:: بعصبية لـ سامر قووولت مش هامشي و أسيبها فااااهم يا سامر مش هسيبها
و بالفعل بعد شوية وقت و بعد ما كل اللى موجودين أطمنوا ع حلم روحوا الڤيلا عند فارس عشان البنات بس فارس رفض يمشى و قعد معاها فـ مكتب سامر فعلا بأمر منه
_________________________
فـ ألمانيا🇩🇪 نفس الوقت
فـ ڤيلا أمجد
قاعدة هاجر هى و أمجد بعد ما رجع من المستشفى و قاعدين ولادهم زياد و روفيدة و أمجد لاحظ توترها ع غير العادة
أمجد:: بأستفهام .. هاجر مالك يا حبيبتى ؟؟
هاجر:: مافيش رد و سرحانة مش سامعاه
أمجد:: چورى جوجو حبيبتى مالك
هاجر:: ............
أمجد:: بزعيق .. هااااااجر انتى يابنتى
هاجر:: بخضة .. بسم الله . ايوا امجد فى حاجة
زياد:: بذهول .. أيوا يا أمجد فى حاجة !! ده أمجد ريقه نشف من كتر ما بينادى عليكى يا مزة
روفيدة:: بمرح .. چورى القمر مزة قلب أمجودى مالها بقى سرحانة فـ ايه كدا
هاجر:: بقبضة قلب .. مش عارفة قلبى واجعنى و قلقانة ع أختكم اوى
أمجد:: قلقانة عليها ليه بس يا حبيبتى ما هى فـ شغلها و ع طول بتكلمنا تطمننا عليها
هاجر:: مش عارفة يا أمجد قلبى من الصبح واجعنى أوى بنتى بقالها كام يوم ما كلمتنيش و ما سمعتش صوتها ولا شوفتها
زياد:: بأندهاش .. كل القلق ده يا مزتى عشان ليكى كام يوم ما سمعتيش صوت بنتك حبيبتك
روفيدة:: بغمزة لـ زياد بتقولك يا متخلف أفندى و لا شافتها كمان معنى كدا ان فى حاجة خطييييرة حصلت
هاجر:: بخضة .. حاجة ايه انطقى ؟! أختك جرالها ايه ؟ تعرفوا ايه انا ما اعرفهوش انطقووووا انتوا الاتنين
أمجد:: بهدوء لـ هاجر أهدي يا حبيبتى و ما تقلقيش العيال دى بيشتغلوكى انتى مش عارفة يعنى جنانهم
هاجر:: بقلة حيلة و نفاذ صبر .. أنا مش عارفة طالعين لمين بس يا ربى
أمجد:: مش عارف يا روحى بصراحة و بأبتسامة مكر .. تفتكرى طالعين لمين يا هاجر
هاجر:: بلا مبالاة مش عارفة يا حبيبي
زياد:: بمرح مس هاجر مس هاجر أجاوب انا
روفيدة:: نطت فـ الكلام .. بسم الله الرحمن الرحيم الأجابة توشكى
زياد:: لـ روفيدة .. توشكى ايه يا عبيطة انتى غلط طبعا
روفيدة:: لا يا رااااجل بجد
زياد:: اه يا بنتى و الله بجد و جديد كمان
روفيدة:: اممممم طب الصح ايه بقى يا فالح
زياد:: الصح طالعين رحلة طبعا
أمجد:: بنفاذ صبر منهم لأ طالعين تناموا يا خفة انت و هى يلا بسرعة
زياد:: برفعة حاجب عايزنا نطلع ننام ليه يا حاج ها قر و أعترف يا دكتور
روفيدة:: لـ زياد بغمزة عايز يستفرد بالمزة القمر دى يا زيزو
زياد:: قولتيييييلى طااااااايب خلينا قاعدين بقى
أمجد:: بنرفزة .. أمشى غور أنت و الكلـ ـبة دى أطلعوا شوفوا مذاكرتكم يلاااااا
روفيدة:: بحزن مصطنع .. أنا كلـ ـبة يا ميجو طاااايب و بغُنى مخصماك أبعد عنى انا مش طايقاك سيبنى مش عايزة أبقى معاك
أمجد:: قام وقف و لسة هيتكلم
زياد:: و هو بيجرى يطلع ع اوضته شوفتيه مسك فيكى ياختى أجري يا منيلة الأسد فك انفدى بجلدك
وفعلا جريت روفيدة ورا زياد و طلعوا كل واحد دخل أوضته
هاجر:: قاعدة و تايهة و قلبها مشغول ع بنتها اللى غايبة و مش سامعة اى حاجة من اللى بتحصل حواليها
أمجد:: قعد بهدوء و ضم هاجر فـ حضنه .. مالك بس يا هاجر قلقانة اوى ليه كدا
هاجر:: بخوف و قلق .. قلبي مشغول اوى يا أمجد ع بنتى نفسى ترجع بقى انا مش عارفة كان فين مخى لما وافقت انها تسافر تكمل دراستها و تشتغل فـ البلد اللى راحتها دى
أمجد:: بيطمنها حبيبتى ده مستقبلها و هى أختارته و حددت هدفها و أحنا علينا ندعمها و نساعدها و نفرح لنجاحها
هاجر:: عارفة يا حبيبي بس غصب عني أنا أم و قلبى واجعنى ع بنتى و مش عارفة أطمن عليها بقالى كام يوم
أمجد:: خلاص تعالى نتصل بيها و نكلمها فيديو كول ايه رأيك
هاجر:: بأبتسامة هزت دماغها بمعنى ماشى موافقة
________________________
باربادوس🇧🇧 فـ نفس الوقت
بعد مرور أسبوع ع رودينا و هى قاعدة فـ أوضتها فـ الأوتيل أتصل بيها
أحمد:: الوو صباح الخير يا دكتورة
رودينا:: صباح الخير
أحمد:: بجدية .. ريان هيخبط عليكى بمجرد ما هاقفل معاكى المكالمة جايبلك شنطة خديها منه و ألبسي اللى فيها و فـ خلال عشر دقايق تكونى خرجتى من الأوضة هتلاقى ريان واقف ع باب الأوضة مستنيكى و هيوصلك لغاية عندى
رودينا:: بزهق و غيظ .. أخيرا هاخرج من المعتقل ده ؟!
أحمد:: خلاص هانت يا دكتورة و كلها ساعات ان شاء الله و نرجع مصر بخير .. بس يلا بسرعة أجهزى مافيش وقت
رودينا:: حاضر حاضر هاجهز بسرعة
وفعلا بعد ما قفلت المكالمة سمعت خبط ريان و فتحت
ريان:: بأبتسامة يوسف باعتلك الشنطة دى أجهزى بسرعة و انا مستنيكى
وبالفعل اخدت منه الشنطة و جهزت خرجت بعد 10 دقايق بالظبط و أخدها ريان وصلها لغاية أحمد و اول ماشافه
أحمد:: بأبتسامة شكرا ريان ع كل حاجة عملتها معانا
ريان:: ما تشكرنيش چو انا مش كل يوم هلاقى صديق زيك
أحمد:: سلم ع ريان و هو بيودعه قاله ع فكرة انا ما أسميش يوسف
ريان:: بأبتسامة .. عارف و عارف كمان انت مين و بتعمل ايه .. بس انت هتفضل بالنسبة ليا چو و بس و يلا بقى عشان تلحق وقتك و لـ رودينا خدى بالك من نفسك كويس و أسمعى كلامه لغاية ما ترجعى بلدك
و بالفعل ريان ودع أحمد و رودينا بعد ما ركبوا العربية اللى جابها لهم و مشيوا و فـ العربية أحمد عمل مكالمة بشخص معين
أحمد:: أنا أتحركت
@:: تمام و انا منتظرك
أحمد:: جبت كل حاجة طلبتها معاك ؟؟
@:: ما تقلقش كل اللى طلبته موجود
أحمد:: مش عايز اى غلطة
@:: عيب عليك يا معلم أن كنت انت القناص فـ انا الفك المفترس
أحمد:: و هو بيتكلم فـ الفون لاحظ وجود كام عربية حواليه بيحاولوا يوقفوه و قال .. ماشى يا باشا سلام انت دلوقتي و قفل من قبل ما يسمع رد و لـ رودينا استعدى هنبتدى مغامرة جديدة
رودينا:: بعدم فهم .. مغامرة ايه دى اللى بتتكلم عنها ؟! انا مش فاهمة حاجة
أحمد:: بجدية و هو مركز اوى فـ الطريق و بيسوق بسرعة .. بصى حواليكى و انتى تفهمى
رودينا:: بصت جنبها فعلا و شافت أكتر من عربية بتحاول تقرب منهم و كل ما يقربوا أحمد بيزود سرعته و فجأة حصل ضـ ـرب نـ ـار و بصريخ و انهيار .. خلاااااص هيمـ ـوتونا خلااااااص هنمـ ـوووت
أحمد:: بزعيق .. بطلى صريخ و أنزلى فـ الدواسة بسررررعة
رودينا:: بخوف ايييه اللى بيحصل ده و مين دوووول
أحمد:: بنفاذ صبر .. حط ايده ع دماغها يزقها من ع الكرسى و بعصبية ..أنتى بتسألينى اناااااا أنزلى بقى و أخلصى
رودينا:: بخوف أكبر من صوت الـ ـر صاص حاضر حاضر و نزلت فعلا فـ دواسة العربية
أحمد:: زود سرعته لغاية ما طلع ع كوبرى تحت الأنشاء عن قصد و نهايته ع بحر و بص لـ رودينا بتعرفى تعومى ؟!
رودينا:: بأستغراب .. نعم و ده ليه بقى
أحمد:: بعصبية و هو سايق بأقصى سرعة .. مش وقت استغراب بتعرفى تعومى ولا لأ أخللللصى
رودينا:: بتوتر و خوف .. أيوا بعرف أعوم ليه
أحمد:: أرفعى نفسك بهدوء و إيدك ع الباب اول ما أقولك نطى تنطى ع طول انتى فاهمة
رودينا:: انط منين مش فاهمة
أحمد:: و هو بيهرب من العربيات اللى حواليه و بينط بالعربية فـ البحر فك حزام الامان و بسرعة نطيييييي
و بالفعل نطوا من العربية و فـ نفس اللحظة أحمد فـ ـجر العربية فـ الهوا
و غطسوا بعدها فـ البحر و ماحدش عارف عايشين ولا ميتين
مارك:: وقف عربيته ع مسافة قريبة و نزل جرى يشوف اى أثر ليهم مافيش ليهم اى أثر و اتصل بـ دكتور چورچ .. ألوو بروفيسر
چورچ:: قاعد فـ مكتبه و استقبل مكالمة مارك .. ألو مارك عملت ايه
مارك:: بتوتر .. أحنا قدرنا نوصل برو
لـ دكتورة رودينا و الظابط اللى معاها بس....
چورچ:: بعدم انتباه كويس انك وصـ.... و انتبه لكلمة بس .. انت قولت بس مارك و بغـ ـضب بسسس ايييييييه
مارك:: بخوف و قلق أكبر العربية انقلبت بيهم من فوق الكوبرى و أنفـ ـجرت و وقعت فـ البحر و شكلهم كدا ماتوا مافيش ليهم أى أثر
چورچ:: بغـ ـضب أكبر .. و البحث انا عااااااايز البحث دور على جثـ ـتها شووووف البحث ده فييييين بأى طريقة
مارك:: حاضر بروفيسور مش هارجع غير لما الأقى جثـ ـتها و البحث و قفل المكالمة و بص لـ رجالته بغـ ـضب .. أقلبوا عليهم المكان كله بر و بحر عااااايز أشوف جثـ ـثهم قدامى بروفيسور چورچ عاااااايز جثـ ـة رودينا بأى طريقة مفهوم اتفضلوا
عند أحمد
كان بيعوم هو و رودينا تحت الماية و عاموا مسافة كبيرة لغاية ما قدروا يبعدوا خالص عن المكان اللى كانوا فيه وصلوا ع الشط و طلعوا اترموا بتعب ع الأرض ياخدوا نفسه
أحمد:: و هو بينهج من كتر التعب .. حمد الله ع السلامة يا دكتورة
رودينا:: بتاخد نفسها بالعافية .. انا مش مصدقة اننا نفدنا منهم انا مديونة ليك بحياتى بجد مش عارفة أشكرك أزاى يا كابتن
أحمد:: أولا كدا مافيش داعى للشكر .. ده واجبى و انا بنفذه و كويس انك سمعتى كلامى و نطيتى فـ الوقت المناسب ثانيا بقى يلا نتحرك بسرعة من هنا لانهم ممكن يوصلولنا فأى لحظة
رودينا:: لسة هترد عليه لاحظت وجود دم ع دراعه وشهقت ايه ده انت اتصبت
أحمد:: ما تقلقيش ده جرح بسيط ماتشغليش بالك بس يلا بسرعة لانهم مش هيبطلوا يدوروا ع الشط
و بالفعل سابوا المكان و طلعوا يجروا لغاية ما قابلتهم عربية سودا فاميه وقفت قصادهم مرة واحدة وقفتهم مكانهم
رودينا:: خافت جدا من شكل العربية و استخبت ورا أحمد بترتعش و مش عارفة تنطق
أحمد:: فجأة شاف باب العربية بيتفتح و بينزل منها الفك المفترس و بتنهيدة راحة يخـ ـربيتك هو أنت منك لله يا شيخ و لـ رودينا تعالى يا دكتورة ماتخافيش
فارس أدهم:: بضحك أتخضيتى يا بيضة ياختى بطة ههههههههههههه
أحمد:: بغيظ أتلم يا فارس أحسنلك مش وقت هزارك ده .. عملت اللى طلبته منك ولا لأ
فارس أدهم:: أركبوا بس الأول خلينا نبعد من هنا بسرعة
أحمد:: تمام و لـ رودينا يلا يا دكتورة اتفضلى
ركبوا فعلا العربية مع فارس و طلعوا بسرعة وصلوا لمكان أمان بعيد عن العيون و ركنوا و نزل فارس و أحمد بعد ما أدوا لـ رودينا هدوم جديدة غير اللى عليها عشان تغير و برة العربية أحمد بيغير هدومه وبعد كدا
فارس أدهم:: و هو بيعالج دراع أحمد .. جيبتلك كل حاجتك من الأوتيل اللى كنت فيه و أوراقك الحقيقية
أحمد:: تمام كويس و أوراق الدكتورة اللى هتخرج بيها من هنا عملت فيها ايه
فارس أدهم:: عيب عليك يا اسطا كله تمام حضرنا جثـ ـة بنفس مواصفاتها و زمانهم لاقوها خلاص و الدكتورة بالأوراق دى ..و بيشاور بالأوراق اللى فـ إيده بقت لوچين أدهم المنصورى يا باشا و دخلت البلد سياحة و آن الأوان انها ترجع بلدها
أحمد:: ايوا بقى هو ده الفك المفترس اللى انا أعرفه
رودينا:: بعد ما غيرت هدومها فـ العربية و نزلت أحمد و فارس بصوا لبعض و بصولها و رجعوا بصوا لبعض و ضحكوا ع شكلها و هى بهدوم لوچين .. بنرفزة ممكن افهم بتضحكوا ع ايه
أحمد:: بضحك لا أبدا يا دكتورة أصل افتكرنا حاجة بس مش أكتر
فارس أدهم:: و هو بيضحك سورى يا دكتورة اصل تخيلت حاجة كدا .. اتفضلى دى اوراقك الجديدة اللى هتخرجى بيها معانا
رودينا:: و هى مستغربة ضحكهم مسكت الأوراق من فارس و بصت فيها و لـ أحمد مين لوچين دى
أحمد:: بنت عمى و أخت فارس
رودينا:: يعنى انا بالباسبور ده أختكم صح كدا
فارس أدهم:: ايوا بالظبط كدا
رودينا:: اممممم يبقى ده أكيد سبب ضحككم تخيلتونى شكل أختكم مش كدا
أحمد:: بأبتسامة فعلا يا دكتورة و لسة لما تعملى الميك اب زى اللى فـ الصورة دي و مد إيده بصورة لوچين كدا اللى هيشوفك هيفتكرك فعلا أختنا
فارس أدهم:: بجدية لـ رودينا ياريت تجهزى بسرعة عشان نلحق الطيارة
رودينا:: تمام حاضر و رجعت فعلا العربية تعمل ميك اب لوچين زى الصورة اللى معاها
أحمد:: لـ فارس كلم الناس اللى تبعنا و اتأكد ان چورچ عرف خبر وفاة رودينا
فارس أدهم:: ما تقلقش كله تمام و حصل و حاليا شافوا الجـ ـثة و اخدوا منها عينة عشان يتأكدوا انها الدكتورة و مش بس كدا ده كمان شافوا جـ ـثة حضرتك
أحمد:: بضحك يعنى انا كمان الله يرحمنى هههههههههه
فارس أدهم:: و خدنا فيك العزا كمان يا باشا ههههههههههههه
و اخيرا بعد ما جهزت رودينا ركبوا الشباب العربية و طلعوا بسرعة ع المطار بأمان و قدروا يرجعوا مصر بسلامة و نزلوا فـ اوتيل يرتاحوا فيه و تانى يوم راح أحمد و رودينا الجهاز و سلموا البحث لـ اللوا عادل مدير الجهاز و اللى بصفته كلف أحمد بحماية رودينا لغاية ما تهدى الأوضاع و بلغه انه يوصل الدكتورة لمكان يطمن عليها فيه و يرجعله ع وجه السرعة لانه عايزه فـ موضوع مخصوص
________________________
مصر 🇾🇪 نفس الوقت
فـ النيابة
بعد ما مشي جاسر و كل اللى موجودين قعد فارس مع حلمه و مارضيش يسيبها
حلم:: بوجع .. ما روحتش ليه يا فارس
فارس:: عايزانى أروح و أسيبك لوحدك يا حلم
حلم:: ولادنا لوحدهم يا فارس لازم تروح عشانهم الموقف صعب عليهم أرجوك ما تسيبهمش
فارس:: و أسيبك ؟! أسيب روحى !! مش هأقدر يا حلم صدقينى
حلم:: لازم تقدر عشان خاطر حور و تسنيم و جاسر لازم تقدر يا فارس و تتعود ع غيابى الأدلة كلها ضدى اللى ورطنى فـ القضية حبكها صح و شكلى مش هطلع منها
فارس:: بغـ ـضب ضـ ـرب قبضة ايده فوق المكتب .. اااااااه لو أعرف ميييين اللى عمل فيكى كدا هخليه يتمنى المووووووت ملييييون مرة و مايطولوش
حلم::بتعب .. صدقنى مش عارفة و مش قادرة أفهم أمضتى أزاى ع أوراق و أذون الاستيراد و انا عمرى ما استوردت أى أغذية من برة
فارس:: حاولى تفتكرى يا حلم أى حاجة أى تفصيلة حتى لو مش مهمة أى حاجة تخلينى أعرف بيها الكـ ـلب ده مين
حلم:: صدقنى يا فارس انا مش عارفة ازاى ده حصل أنا أصلا ما عملتش أى صفقات الفترة الأخيرة دى غير صفقة واحدة بس و كانت مزايدة ع منتجات المصانع و المزارع بتاعتنا
فارس:: بأنتباه .. دى الصفقة اللى قولتى أنها رسييت ع شركة أول مرة تشتغل فـ مجال الأغذية ؟!
حلم:: أيوا هى
فارس:: بشرود .. تمام يا حلم
فـ الڤيلا
عاليا و ياسمين و أمل و فتنة مع البنات حور و تسنيم و معاهم رؤى و علا و هنا و لوچين و روڤان قاعدين مستنيين حلم و فارس يرجعوا عشان يطمنوا و يعرفوا ايه اللى حصل شافوا جاسر داخل من الباب هو و كل اللى كانوا فـ النيابة و حلم مش معاهم هى و فارس
تسنيم:: اول ماشافتهم جريت ع جاسر بدموع .. مامى فين يا جاسر ما جاتش معاكم ليييه
جاسر:: باصص للأرض و مش قادر يتكلم
حور:: جريت عليه و بتهز فيه جامد .. أنننطق يا جاااااسر مامى ما جاتش لييييه و بابى فيييين أنطق ساااااكت ليييه
ياسين:: بتوتر .. طنط حلم أخدت أربع أيام حبس يا حور و خالو مارضيش يجى معانا و قاعد في النيابة
حور و تسنيم:: بأنهيار .. لااااااااااااااااااااااا مااااااااامى ماعملتش حاجة عشان تتحبس
جاسر:: بغـ ـضب .. و دينى ما هسييييبه لااااازم أخلص علييييه همووووته
حسام:: أهدى يا جاسر عشان خاطر أخواتك اللى منهارين دول لازم تقف جنبهم لغاية الأزمة دى ما تعدى
جاسر:: مش هأهدى يا خالى و مش هرتاح غير لما أخلص ع أبن أخوك اللى دخل أمى الحبس
أدهم:: بغـ ـضب .. وبعديييييين معااااااك يا جاسر هو سامر يعنى قاصد و لا يكونش هو اللى ورطها أعقل و فكر كوييييس بدل ما تتحامل ع أبن خالك أقعد معاه و اسمع منه و حط إيدك فـ إيده عشان تثبت براءة مامتك
جاسر:: أنا مش عارف أفكر يا عمى مش عااااارف حاسس ان دماغى هتتشل ازاااااى ده يحصل و مين اللى عمل كدا مييييييين
قصي:: بهدوء حط إيده ع كتف جاسر .. هو ده بالظبط يا أبنى اللى لازم تفكر فيه مين اللي عمل كدا و مصلحته ايه
حسام:: لـ جاسر عمك قصي عنده حق يا جاسر أنت دلوقتي لازم تهدى و تقعد مع خالك هشام و سامر و فكروا مع بعض و كلنا معاك و مش هنسكت لغاية ما نوصل يا أبنى للى عمل كدا فـ حلم
سيف:: بجدية ..طيب ممكن نتكلم جد شوية دلوقتي أى صفقة بتعملها حلم أكيد هشام بأعتباره محامى المجموعة بيراجع عقودها و قصي و ياسمين بيحضروها بأعتبارهم نائب رئيس مجلس الادارة و المديرة التنفيذية صح كدا
ياسمين:: صح يا سيف
سيف:: طيب كدا تاهت و لاقيناها أنتوا أكيد عارفين كل الصفقات اللى أتعملت
هشام:: دى حقيقة فعلا بس الصفقات دى كله بتبقى أما مزايدات ع منتجات المزارع و المصانع او تصدير الأغذية مش استيرادها حلم مش بتستورد أبدا أغذية
ياسين:: لـ قصي حاول تفتكر يا بابا طيب أى صفقة تكونوا عملتوها بالغلط مثلا و بدل ما تعملوا أذون تصدير عملتوها إستيراد
ياسمين:: أزاى يعنى يا ياسين مافيش حاجة أسمها صفقة أتعملت بالغلط
تسنيم:: من بين دموعها مامى اصلا مش بتفوت أى غلطة و لازم تراجع كل حاجة بنفسها مرة و أتنين و تلاتة كمان
أدم:: لـ قصي طيب بالنسبة لـ أخر صفقة يا بابا اتعملت كان وضعها ايه
قصي:: الصفقة دى كانت مزايدة و الشركة اللى رسييت عليها المزايدة كانت مقدمة عرض مغرى جدا بس برضوا اوراق الصفقة دى كانت تصدير مش استيراد
ياسمين:: مش الصفقة دى اللى كانت مع شركة ( REA)
هشام:: بالظبط كدا و حلم كانت قلقانة جدا من التعامل معاهم لاننا كنا أول مرة نسمع عنهم
سامر:: يبقى السر عندهم لازم ندور وراهم كويس
نرجع عند حلم
حلم:: بتوتر.. شارد فـ إيه يا فارس
فارس:: فـ الناس اللى رسييت عليهم المزايدة حاسس انهم طرف الخيط
حلم:: صدقنى يا فارس مش قادرة أفكر دماغى واقفة خالص
فارس:: خدها فـ حضنه .. أهدي دلوقتي يا حبيبتى و أن شاء الله كل حاجة هتتحل و برائتك هتبان
حلم:: خرجت من حضنه .. أن شاء الله يا حبيبى أنا متأكدة و عندى يقين فـ الله ان برائتى هتظهر قريب .. المهم يلا بقى قوم روح لـ الولاد ماتسيبهمش لوحدهم عشان خاطرى
فارس:: مش هيحصل انى هسيبك لوحدك أبدا و مش هامشى من هنا غير و انتى معايا و مش عايز كلام كتير
حلم:: الولاد يا فارس لوحدهم
فارس:: جاسر راجل يا حلم و لازم يتحمل المسؤولية ثم انهم أكيد مش لوحدهم أعمامهم و أخوالهم معاهم مش هيسيبوهم
وبالفعل فضل فارس قاعد مع حلم فـ النيابة ماسبهاش و تانى يوم بعد أكتمال التحقيقات مع كل الشهود و كل اللى ليهم علاقة بالواقعة هشام قدر يطلع حلم بكفالة فعلا ع ذمة القضية لغاية ما يقدروا يثبتوا برائتها
___________________________
ڤيلا فارس
أحمد بعد ما رجع من مهمته و عرف اللى حصل لـ حلم و انها متهمة فـ قضية أغذية فاسدة و بالفعل ناس كتير ماتت و ان كل الادلة ضدها حبس نفسه فـ أوضته ما بيخرجش منها و أهمل شغله و انعزل عن عيلته و أصحابه و أبتدا يشرب و يسهر فـ ملاهى ليلية و فـ يوم راجع الصبح زى عوايده الجديدة
أحمد:: داخل الڤيلا و هو سكران و قابل فـ وشه صاحبه كان رايح يطمن عليه
رائف:: بغـ ـضب .. ايييييه اللى انت عامله فـ نفسك ده جرالك اييييه يا أبن المنصورى
أحمد:: واقف بيطوح يمين و شمال و بزعيق .. وااااانت ماااااالك هى نفسى و لا نفسك أبعد عنى بقى عايز مني ايييه
رائف:: عايزك تفووووق لـ نفسك و ترجع زى ما كنت ليك أسم و هيبة .. تقدر تقولّى راح فين القنااااااص ايييه اللى غيرك بالشكل ده قوووول اننننطق جرالك اييييه
أحمد:: ضحك بسخرية .. القناص بخ ذهب مع الريح ههههههههههه
رائف:: مسك أحمد من كتافه و بيهز فيه جامد فوووووق بقى يا أحمد انت كدا بتضيع نفسك و شغلك و هتخسر عيلتك و حبيبتك هتخسر كتييير صدقنى لو ما فوقتش قبل فوات الأوآن
أحمد:: عايزنى أفووق لييييه هااااا افوووق ليييييه عشان اشوف أمى حلم هانم الرشيدي صاحبة الأخلاق و المُثل و هى بتستورد أغذية فاسدة تقـ ـتل بيها الغلابة عايزنى افوووووق ليييييه عشان اتعاير طول عمري بيها و يتقال أبن القـ ـاتلة أهو أبن الست اللى استغلت أحتياج الناس و تاجرت بأرواحهم رد عليا افووووق ليه سيبنى سكران و روح لحالك روووح من هنا يلا
رائف:: بعصبية .. ده بدل ما تحاول تثبت برائتها للناس كلها و تمسك اللى عمل فيها كدا
أحمد:: أثبت أيه يا عم رائف ما كل الأدلة ضدها ده حتى ننوس عينها أبن أخوها هو نفسه اللى أصدر أمر القبض عليها تفتكر يعنى سااااامر الرشيدي بجلالة قدره اللى عمره ما غلط فـ الحكم ع حد هيغلط فـ الحكم ع عمته
فارس:: خرج من الڤيلا ع صوت أحمد و ضـ ـربه بكل قوته بالقلم .. أخرس ايااااااك تتكلم عن أمك كلمة زياااااااادة انت فاااااااهم
أحمد:: بتريقة .. فااااارس بااااشا مثال الشرف و الأمانة لازم طبعا يدافع عن حلم عمره اوماااااال .. معقول يعنى يسيبها تتسجن و تاخد جزائها ما تجيش طبعا .. و بزعييق لكن ممكن يبيع ضميييييره و يخوووووون بلده و يضحى بـ أرواح الابرياء عشان خاطرهااااا مش كدا
فارس:: بغـ ـضب أكبر بيرفع إيده عشان يضـ ـربه مرة تانية خرجت ع صوتهم
حلم:: مسكت إيد فارس بدموع .. لأ يا فارس عشان خاطرى أحمد لسة صغير و مش فاهم حاجة و لـ أحمد أنا مش هاممني برائتى فـ عيون الناس قد ما هاممني برائتى فـ عيون أبنى و طالما انا مذنبة فـ نظرك و شايفنى واحدة معدومة الضمير و بتاجر بأرواح الناس يبقى مش هدور ع برائتى اللى ربنا وحده عالم بيها
فارس:: بمقاطعة لـ حلم ايه اللى انتى بتقوليه ده يعنى ايه مش هتدورى ع برائتك انتى أكيد جرالك حاجة
حلم:: بوجع لـ فارس و عينيها ع أحمد أدور ليييييه و أبنى أكتر واحد يعرفنى مصدق انى مجرمة و قـ ـاتلة و بصت لـ فارس و بتشاور ع نفسها انا كان عندى استعدااااااد أواجه العالم و اقف فـ وش الكل طالما انت و ولادى فـ ضهرى لكن أبنى الكبير شايفنى زى ما كل الناس شايفانى و بقلة حيلة يبقى أدور ليه بقى
رائف:: أرجوكى يا طنط ماتزعليش من أحمد هو أكيد مش فـ وعيه من الهباب اللى بيشربه ده و لما يفوق هيعتذر لك .. صدقينى أحمد بيحبك أوى عشان كدا بس ما قدرش يتحمل الصدمة إديله فرصة بس يستوعب اللى حصل و هتلاقيه بنفسه هو اللى بيدور أزاى يثبت برائتك
أحمد:: لـ رائف بتريقة و هو سكران ده مش لو هى بريئة فعلا و لـ حلم انا مش عارف انتى ازاى كدا ازااااى بـ وشين كدا .. ازاى بتصلى و تصومى و تعلمينا قال الله و قال الرسول و تقوليلنا ربنا قال و ااااننننتى ما تعرفيييييش ربنا .. ازاااااى بتربينا ع القيم و الأخلااااااق و انتى بالسوووووء ده ازااااى
فارس:: ضـ ـربه بكل قوته و بكل الغـ ـضب اللى جواااااااه .. يظهر فعلا انى فشلت فـ تربيتك بس ملحوووقة و هأقدر أربيك من جديد
أحمد:: بوجع .. ده كان زماااااان يا باشاااا و سابهم و دخل الڤيلا
رائف:: وقف قصاد حلم و مسك إيدها و باسها أرجوكى يا أمى ما تزعليش حقك عليا و صدقينى انا مش هسيبه الا و هو راجع لـ عقله
حلم:: بدموع .. كان نفسي يصدق انى بريئة بس خلاص يا رائف مالوش لازمة الكلام يا أبنى أحمد مصدق انى عملت كدا
فارس:: خدها فـ حضنه و بيطمنها صدقينى يا حبيبتى بكرة يندم ع كل كلمة قالها لما يعرف الحقيقة و ساعتها هعرف أحاسبه كويس
حلم:: عشان خاطرى سامحه يا فارس انا مسامحاه .. صدقنى هو معذور و مهما حصل منه عمرى ما ازعل منه ده أبن عمرى و ثروتى الحقيقية هو وأخواته و لـ رائف ماتسيبش صاحبك يتخبط خلى بالك منه اوعى تسيبه لـ شيطانه يا رائف و خليك دايما فـ ضهره
رائف:: حاضر يا ست الكل ما تقلقيش عليه بس بالله عليكى بلاش تزعلى نفسك
فارس:: بيحاول يتماسك و يعدى الموقف و لـ حلم بقولك ايه بقى تعالى نسافر يومين كدا نغير جو و نفكر هنعمل ايه
رائف:: لـ فارس فكرة جبارة يا باشا روحوا الساحل و لا شرم بعيد عن الضغط اللى هنا شوية
حلم:: لـ فارس ماتشغلش بالك يا حبيبى و يلا روح شغلك و لما ترجع يعدلها ربنا و لـ رائف و انت كمان يلا ع شغلك يا رائف
و بالفعل مشيوا رائف و فارس كل واحد راح شغله و دخلت حلم الڤيلا وطلعت الجناح بتاعها و كلها وجع ع سنين عمرها اللى عدت و هى بتفتكر كل كلمة قالها أحمد و بأنهيار ليييييه يا أحمد ليييييييه يا أبنى ده انا كنت مستنيااااااك أنت اللى تثبت برائتى ليييييييه يا شقى عمرى تعمل فيا كدا ليه تصدق انى مجرمة و تقـ ـتلنى بكلامك اااااااه يارب نور بصيرته و أظهر برائتى عشان خاطر ولادى
توأم روحي بقلمى✍️_________لبنى دراز
حلم:: قامت بغـ ـضب ضـ ـربته قلم بكل قوتها .. أنا ماكنتش أتوقع انك بالحقااااااارة دى
&::..........؟؟؟؟؟
يتبـــــــــع
