رواية العشق الأبدي
رواية العشق الأبدي2 (توأم روحي) بقلم لبنى دراز
الفصل الحادى عشر
🌹🌱🌹🌱🌹🌱🌹🌱🌹🌱🌹
لا تنظر إلى الأوراق التي تغيّر لونها وبهتت حروفها، وتاهت سطورها بين الألم واليأس، سوف تكتشف أنّ هذه السطور ليست أجمل ما كتبت، وأنّ هذه الأوراق ليست آخر ما سطّرت، ويجب أن تُفرّق بين من وضع سطورك في عينيه، ومن ألقى بها للرياح، لم تكن هذه السطور مجرّد كلام جميل عابر، ولكنّها مشاعر قلب عاشها حرفاً حرفاً، ونبض إنسان حملها حلماً واكتوى بنارها ألماً.
توأم روحي بقلمى✍️________لبنى دراز
فـ عربية يزن
بعد ما خرج من عند حلم ركب عربيته هو و باباه بيكلم نفسه بهمس من كتر غيظه و سمعه حسين بيقول
يزن:: أوووف مش ممكن المتعجرفة دى تكون بنت حلم الرشيدى أبدا
حسين:: بخبث .. ايه اللى عصب لوح التلج كدا و خلاه بـ ـركان بالشكل ده
يزن:: بابتسامة .. بقى انا لوح تلج يا بابا ؟
حسين:: أكيد طبعا يا يزن عمرك ما اتعصبت بالطريقة دى بالعكس كنت دايما بتتعامل ببرود مستفز مع أى حد حتى أنا و ماجدة ، ايه بقى اللى عصبك كدا من بنت المنصورى؟
يزن:: بغيظ .. بنت متعجرفة و مغرورة مش عارف شايفة نفسها ع ايه يعنى
حسين:: بمكر .. حقها تشوف نفسها
يزن:: بغيظ .. كـ ـسر حُقها ع ايه يعنى
حسين:: بنت جميلة واثقة من نفسها و ابوها راجل مهم فـ اكبر أجهزة الدولة و أمها أسطورة فـ مجالها يبقى ماتشوفش نفسها ليه بقى
يزن:: بعصبية .. دى بنت قليلة ذوق و عايزة كـ ـسر دماغها
حسين:: بابتسامة .. و أنت بقى اللى هتكـ ـسرلها دماغها يابن العوضي؟
يزن:: جرا ايه يا بابا فى ايه من وقت ما خرجنا من عندهم و حضرتك مافيش ع لسانك غير سيرة زفتة دى
حسين:: عايز أعرف انت تعرفها منين و بينكم ايه معصبك منها اوى كدا
يزن:: بنت لسانها طويل و إيدها أطول منها تصور أنها ضـ ـربتنى أنا يزن العوضي بالقلم
حسين:: برفعة حاجب .. اممممم بس مش ده اللي معصبك منها يا يزن
يزن:: بأندهاش .. نعم ؟! قصدك ايه بقى يا حسين باشا
حسين:: قصدى أن البنت اللى تعصب يزن العوضي اللى طول عمره بارد بالشكل ده تبقى عششت فـ دماغه و شاغلة تفكيره و مش عارف يطلعها من عقله
يزن:: بغيظ مصطنع .. انزل يا بابا خلاص وصلنا روح شوف طنط ماجدة فين يلا و حب فيها شوية، قال شاغلة تفكيرى قال
حسين:: و هو بيفتح باب العربية بابتسامة .. ده انت تربيتى ياض و عارف دماغك فيها ايه و نظرة عينك كانت فضحاك اول ماشوفتها بس غرورك مانعك تعترف
يزن:: أنزل يا بابا انزل مراتك بتشاور لك روح لها يلا شوفها عايزة ايه و شيلنى من دماغك هههههههههه
نزل يزن من عربيته هو و أبوه و دخلوا ڤليتهم ، سلم ع مرات باباه و طلع اوضته و هو شارد فـ تسنيم و فـ كلام حسين و جواه حوار بين قلبه وعقله، قلبه شكلك كدا هتقع ع بوزك فيها و عقله لا مستحيل مش دى أبدا اللى أفكر فيها
_________________________
فـ مكتب حلم
بعد ما خرج حسين العوضي و أبنه اتكلمت بعصبية
حلم:: أنا ممكن أفهم ايه اللى حصل ده و من أمتى بتتعاملى مع الناس بقلة ذوق كدا
تسنيم:: بخجل .. يا مامى حضرتك ما تعرفيش البنى آدم اللى أسمه يزن ده ، ده واحد قليل الذوق جدا و مستفز و متكبر
حلم:: و أنتى تعرفيه منين ؟
تسنيم:: بغيظ منه .. واحد من مجلس إدارة النادى و شايف نفسه و بتقلده
أنا يزن العوضي صاحب شركات العوضي و عضو مجلس إدارة النادى ده
حلم:: ايه اللى حصل بينكم يخليكم مش طايقين بعض اوى كدا
تسنيم:: ضـ ـربته بالقلم
حلم:: بذهول .. نعم ؟!
تسنيم:: بتهز دماغها و تغمض عينيها .. أيون حصل
حلم:: و ده ليه بقى ان شاء الله
تسنيم:: ابتدت تحكى الموقف كله من اول ما وقفت بعربيتها و خبطها يزن بعربيته لغاية ما ضـ ـربته
حلم:: بتسمعها و مستغربة و قالت .. هو عنده حق انتى اللى غلطانة لأنك وقفتي مرة واحدة من غير ما تبصى فى حد وراكى و لا لأ
تسنيم:: أعمل ايه يا مامى يعنى .. أنا فجأة لاقيت قطة ظهرت قصادى معرفش جات منين وقفت بسرعة علشان ما أدوسهاش
حلم:: يبقى كان المفروض تعتذرى فعلا لانك انتى الغلطانة مش هو
تسنيم:: معرفش بقى انا اول ما خبط العربية ما شوفتش قدامى و ماحسيتش بنفسي غير و انا بسلم ع خده ههههههه
حلم:: أبتسمت و رجعت بذكرياتها اول ما قابلت فارس و مشاكستهم لبعض
تسنيم:: اخدت بالها من شرود حلم .. مامى روحتى فين كدا مامى و بصوت عالى ماااااااامى
حلم:: انتبهت بخضة .. فى ايه يا توتة بتزعقى ليه كدا
تسنيم:: بترقص حواجبها .. روحت فين يا جميل كدا و سايبني أهاتى
حلم:: بغيظ مصطنع .. مالكيش دعوة و يلا روحى شوفى شغلك .. و أعملى حسابك اننا احتمال نفتح شغل مع حسين العوضي و أكيد هنتقابل كتير ياريت نفصل الخلافات بعيد عن الشغل مفهوم
تسنيم:: بغمزة .. مفهوم يا قمر و بهمس لنفسها وهى خارجة من المكتب ، صبرك عليا يا أبن العوضي ان ما خليتك تقول حقى برقبتى ما بقاش انا تسنيم المنصورى
وبالفعل خرجت تسنيم و سابت حلم لذكرياتها و جواها معقول هتتكرر تانى قصتها هى و فارس قلبها مع بنتها و لا العكس
_________________________
ڤيلا قصى
داخل ياسين الڤيلا و شاف قصى و ياسمين و أخواته رؤى و أدم قاعدين فـ الليڤنج سلم عليهم و قعد من غير و لا كلمة
قصى:: بتريقة لـ ياسين .. يا ستار مالك يا كئيب أفندى قالب سحنتك ليه كدا
ياسين:: بضيق و خنقة .. شكرا يا بابا بعد أذنكم و لسة بيقوم يقف
قصى:: اترزع ياض انت رايح فين
ياسين:: من غير ما يلتفت له .. طالع أوضتى حضرتك عايز مني حاجة ؟
ياسمين:: لـ ياسين .. مالك يا حبيبي فيك ايه ؟
ياسين:: باس راسها مافيش حاجة يا حبيبتى ما تقلقيش
قصى:: اقعد ياض و قول مالك شكلك مش طبيعي
ياسين:: مافيش حاجة يا بابا صدقني
أدم:: بمرح لـ قصى .. هيكون ماله يعنى يا صاصا أكيد متخانق مع المزة زى عوايده ، انت مش عارفه يعنى
ياسين:: بنرفزة .. آدم اتلم احسنلك انا مش ناقصك
رؤى:: لـ آدم ببراءة .. أبيه ياسين أكيد تعبان من شغله يا دومى مش متخانق مع حور و لـ ياسين مش كدا يا أبيه ؟
ياسين:: حط ايده ع راسها يلعب لها فـ شعرها .. كدا يا قلب أبيه
قصى:: لـ ياسين مش مصدقك ياض انت ، و الفاشل ده و هو بيشاور ع آدم .. عنده حق و بيتكلم صح
آدم:: لـ قصى ..اللاه بقى ليه كدا بس يا صاصا هو انا كلمتك دلوقتي
ياسمين:: لـ ياسين أطلع يا حبيبي غير هدومك و انزل علشان نتغدا سوا
ياسين:: اتغدوا انتوا يا ماما انا مش جعان بعد أذنكم
آدم:: للكل .. وربنا متخانق مع المزة اسألونى انا
ياسين:: بزعيق .. آااااااادم كلمة زيادة و هزعلك انت فاهم ؟ و سابهم و طلع جرى ع أوضته
ياسمين:: لـ آدم و بعدين معاك يعنى انت مش هتسكت وتسيب أخوك فـ حاله
آدم:: هو انا ماسك فيه يا سمسمة عشان اسيبه ، و بعدين أبنك الخنيق ده هيطفش البت منه بسبب غيرته الشديدة عليها
رؤى:: ع فكرة بقى يا سي آدم حور بتحب أبيه ياسين و أكيد مش بتزعل منه لانها عارفة طبعه كويس
آدم:: يا شيخة أتنيلى ما هو أنتى لو بتحبى هتعرفى ان البنت بتتخنق من كتر التحكمات الغير مبررة من حبيبها بدافع الغيرة
رؤى:: يا سلام ياخويا ومين قالك بقى انى ما بحبـ........ و قطعت كلامها لما استوعبت انها اتسرعت و قامت جرى ع اوضتها من كتر خجلها من باباها و مامتها
قصي:: ضيق عينيه اوى و لـ ياسمين بعد ما جريّت رؤى من قدامهم .. البت دى شكلها كدا واقعة فـ حد و انا معرفش
آدم:: قعد جنبه و بصوت واطي .. واقعة فـ سامر الرشيدى يا برنس
قصي:: يا راااااجل ده بجد ؟ عظيم عظيم
آدم:: استنى بقى يا صاصا اما اقولك . ...........
نسيب أدم بقى يفتن لـ قصى و نروح لكئيب أفندى قصدى دكتور ياسين
فـ اوضة ياسين
بعد ما طلع اوضته قعد ع سريره بتعب و حزن و أفتكر اللى حصل بينه و بين حور
"فلاش باك"
كان رايح يطمن ع حور بعد خروجها من العمليات و شافها واقفة بتتكلم مع دكتور زميلهم و قرب منها بغيظ
ياسين:: من بين اسنانه .. دكتورة حووور خلصتى العمليات و لا لسة
حور:: بابتسامة .. ياسين ، اه خلصت و بنفس الابتسامة استأذنت من الدكتور اللى كانت واقفة معاه و قربت من ياسين و بهمس خير يا حبيبي مالك فى حاجة مضيقاك ؟
ياسين:: بغيرة .. ايه اللى موقفك مع الواد الملزق ده يا أنسة
حور:: باستغراب .. واد ؟! واد مين يا ياسين اللى واقفة معاه
ياسين:: الاخ اللى كنتى واقفة تضحكى معاه و لا كأنك مرتبطة و مخطوبة لـ حمار معاكى فـ نفس المستشفى يا هانم
حور:: بدموع .. انت بتكلمنى انا كدا يا ياسين ، بتقول لى انا الكلام ده ؟
ياسين:: بزعيق و صوت عالى .. هو فى حد غيرك هنا يا دكتورة
حور:: بوجع من كلامه .. وطى صوتك ده الناس بتتفرج علينا ثم انا ما غلطتش عشان تزعق بالشكل ده ، انا كنت خارجة من العمليات و دكتور نادر كان معايا جوة و لما خرجنا كنا بنتكلم عن حالة المريض و بقوله يتابع معاه لانى تعبانة و هاروح ، يعنى ماكنتش واقفة بضحك و اتمايص معاه يا دكتور
ياسين:: بنفس عصبيته و غيرته.. أومال كنتى بتبتسمي له ليه لما هو مجرد تعليمات بتقوليله عليها
حور:: أنت أكيد مش طبيعي بقولك كنا سوا فـ العمليات 6 ساعات يعنى احنا الاتنين تعبانين عايزنى أكشر فـ وشه من غير سبب كدا ازاى
ياسين:: بغيظ أكبر و تبتسمى ليه اصلا و تخلى شكلى و شكلك وحش قصاد اللى رايح و اللى جاى الناس تقول ايه دكتورة حور بتضحك مع زميلها و مش عاملة اعتبار لخطيبها ، ولا اصلا زفت نادر ده يفهم انك ...
حور:: قاطعته بعصبية .. بس ولا كلمة زيادة يا دكتور ، كفيت ووفيت يا ابن عمتى لغاية هنا و مش هسمحلك تغلط فيا و ان كنت خايف ع شكلك يبقى نفضها سيرة و كل واحد يروح لحاله و ابقى شوفلك واحدة غيرى تحافظ ع شكلك اللى انت خايف عليه و سابته و مشيّت من قدامه
"عودة للوقت الحالى"
ياسين:: بحزن .. قدرتى تقوليها يا حور بعد كل الحب ده طاوعك قلبك تنطقيها
عقله:: أنت اللى وصلتها لـ كدا بغيرتك الزايدة
ياسين:: ازاى يعنى بس ، بقى عشان بحبها و بغير عليها تقول كل واحد يروح لحاله
عقله:: انت اللى خنقتها بتصرفاتك و كلامها ده رد فعل طبيعي ع كلامك اللى زى الدبش ده
ياسين:: بس بقى كفاية تأنيب فيا لغاية كدا
عقله:: لأ مش كفاية يا ياسين انت بالطريقة دي هتخسر حور ولازم تغير من نفسك عشان تحافظ عليها
و فضل ياسين فـ صراع مع عقله لغاية ما غلبه النوم و هو بيفكر ازاى يصالح حور و يعتذرلها عن كلامه معاها فـ المستشفى
_________________________
ڤيلا أدهم
فـ نفس الوقت قاعد أدهم و أمل و فارس و لوچين بيضحكوا و يهزروا و كالعادة أمل مجنناهم و فجأة دخلت هنا من باب الڤيلا و بتغنى و تتنطط
هنا:: ومحدش يتوقعني
بغيب بغيب وارجع تسمعني
بغني راب وبغني الشعبي
بنزل ساحتي اعمل قلبان
ومفيش حد هيمنعني
ولا علي ورا خطوه يرجعني
واللي في وقت الشدة لدعني
حقي انا راجع مش قلقان .
بعد يا عيني وبعد يا ليلي
وبعد ما قال انه ملوش غيري
واني نصيبه وهو نصيبي
وانه في عز الجرح طبيبي
سابني وراح لمكانه التاني
سابني وبعده يا ناس بعاني
سابني انا عايش علي احزاني
فارس أدهم:: بضحك لـ هنا .. هو مين ده يا مجنونة اللى سابك
هنا:: لـ فارس و عينها ع أدهم .. البوص الكبير يا فاروسة يا حبيبى سابنى ارجع لوحدى اشحطط وسط المواصلات يرضيك كدا يا بيبي
فارس:: باستغراب .. بيبك ؟! ما علينا جاية مواصلات ليه يا اخرة صبري عربيتك فين ؟
هنا:: هو انا ما قولتلكش
فارس:: لأ ما قولتليش
هنا:: يقطعني .. اسكووووت مش انا كنت راكبة عربيتى و ماشية بيها فـ طريق المواصلات و ايه بقى الدنيا زحماااااااا خااالص و كل شوية اقول كدا يا بابتى تسيبنى كدا ارجع وسط العربيات دشي كلها لوحدى
لوچين:: بصدمة مصطنعة .. معقول دوما عمل كدا ؟! وسابك ترجعى بعربيتك لوحدك فـ المواصلات تؤتؤتؤتؤ مافيش رحمة مافيش قلب مافيش مخ
أدهم:: بص ليها بغيظ .. نعم ؟!
لوچين:: بتكمل و كبدة يا بابتى انت فهمت ايه ؟ مافيش حاجة تتاكل انا جعاااااااناااااااا
أمل:: لـ أدهم بغيظ .. كدا يا أدهم تسيب هنا تتبهدل فـ الطريق لوحدها و ضمتها فـ حضنها افرض حد من السواقين الوحشين عمل لها حاجة و لا عاكسها هتبقى مرتاح يعنى
هنا:: بدموع مصطنعة قوليله يا مامتى القاسي ده أهئ أهئ أهئ
أدهم:: بصلهم بنفاذ صبر .. ده ع أساس انها مابتروحش و تيجى كل يوم بعربيتها ؟ لله الامر من قبل و من بعد و لـ فارس قول لى يا أبنى عامل ايه مع علا
فارس:: بتنهيدة .. كويسين يا بابا الحمد لله
أدهم:: و مالك بتقولها كدا و بيقلده كويسين يا بابا
فارس:: أبتسم .. عايزنى اقولها ازاى بس يا حاجوج
أدهم:: ياض اتعلم من شلة المجانين دول و بيشاور ع أمل و البنات
فارس:: ضحك بعلو صوته .. حرام عليك يا بابا عايزنى ابقى زيهم طيب انت ترضهالى يعنى
أمل:: انتبهت لكلامه و بغيظ .. و مالنا احنا بقى يا واد انت ما تبقاش زينا ليه ها
فارس:: وقف باس راسها و بابتسامة مالكوش يا ست الكل انتوا قمرات العيب فيا انا
أمل:: ايوا كدا يا أبن أدهم أتعدل جاتك نيلة و انت شبه عمك
أدهم:: اللاه اللاه احنا هنغلط بقى ولا ايه ماله عمه يا ست أمل ، هو فى زى عمه و أخلاق عمه
أمل:: أيوا ياخويا و نحنحة عمه و محن عمه و بهمس لنفسها و كالعادة سمعها .. جاتنا نيلة فـ حظنا الهباب كل السنين دى و ما عرفش يعمل زى اخوه
أدهم::بغيظ مصطنع .. تصدقى انك بت رخمة بقى انا مابعملش زى اخويا يا أمل
أمل:: باستغراب .. ايه ده هو انت سمعتنى ؟
أدهم:: يا حبيبتى لينا 25 سنة متجوزين و كالعادة بتبرطمى و بسمعك مستغربة ليه دلوقتي
لوچين:: نطت فـ الكلام بين أمل و أدهم .. يا بشرررر انا جعاااااانة انتوا بتـ ـعـ ـذبووونا ليييييه عايزة أكُل يا ناس
أمل:: بغيظ .. هو انا ماسكة الأكل يا بنت الهبلة ما تروحى تاكلى حد منعك
لوچين:: ببراءة .. ما انا مش بعرف اعمل أكل يا مامتى
فارس:: بتريقة اومال بتعرفى تعملى ايه يا لولو تاكلى بس
لوچين:: أينعم ، هو فى أحلى من الأكل يا أبيه و لـ أمل يلا يا مولا بقى انا جعانة و البت هنا كمان جعانة صح يا هنوشة ؟
هنا:: والله حاسة بيا يا لولو و لـ أمل حسي بينا يحس بيكى ربنا و أكلينا ينوبك ثواب و هنيالك يا فاعل الخير
أدهم:: بس بس انتى و هى انتوا هتشحتوا و لـ أمل حضرى الغدا يا أمل و خديهم معاكى المطبخ عشان يبطلوا صداع
هنا:: و هى بتقوم من مكانها .. عليا النعمة انت أجدع جدع فيكى بلد .. أحبك أكتر من كدا ايه بس
أدهم:: بضحك .. امشي يا مجنونة ادخلى المطبخ ساعدي أمك فـ تحضير الغدا
هنا:: حاضر .. و بهمس لنفسها و برضو سمعها أدهم . كل شوية يقول يا مجنونة يا مجنونة زى ما يكون لاقينى فـ العباسية يا سلام ياخويا ما انا بنتك يبقى اكيد فى حد من عليتك خريج السرايا الصفرا و انا ورثت منه الجنان ده
أدهم:: بنرفزة .. هناااااااا بطلى برطمة وشوفى رايحة فين وانتى ساكتة
هنا:: و هى بتجرى ع المطبخ .. يالهوى انت سمعتنى ازاى
فارس:: بضحك .. وارثة من ماما كل حاجة حتى برطمتها المسموعة
أدهم:: بضحك .. غُلبت مع أمك أخليها تبطل العادة دي ماعرفتش و من كتر ما تنمرت عليها ربنا بلانى بـ أخواتك فيهم نفس العادة ، سيبك منهم احكيلى عملت ايه مع علا لما قابلتوا الوزير
فارس:: أحنا لما وصلنا الوزارة هى طلعت لوحدها و استنيت انا و عمى سيف فـ الاستراحة
أدهم:: بأندهاش .. إيه ده هو سيف راح معاكم ؟! مش كان رافض الموضوع كله
فارس:: انا اقنعته بالعافية انه يروح معانا علشان ماينفعش نروح لوحدنا مهما كنا قرايب و بنحب بعض بس مافيش الرابط الرسمي اللى يخلينى اتحرك معاها براحتى يا بابا و بالمناسبة بقى يا بابا انا عايز حضرتك تكلم عمى سيف عشان أكتب كتابى عليها
أدهم:: بابتسامة رضا .. ربنا يحميك يا أبنى ، قريب ان شاء الله يا حبيبى انا ناوى ع كدا ، بس ماقولتليش عملت ايه عشان تقنعه ده دماغه ناشفة و مش بيقتنع بسهولة ومافيش غير عمك فارس اللى بيقدر عليه
فارس:: بضحك .. ما انا هددته بعمى فارس ..... و ابتدى يحكى
"فلاش باك"
بعد ما اتكلم فارس أدهم مع علا فـ الجنينة و هديّت شوية دخلوا الڤيلا و هى ساكتة و سألتها
عاليا:: هتفضلى ساكتة كدا و زعلانة يا
علا ؟
علا:: بحزن .. عايزانى اقول ايه يا مامى يعنى و حضراتكم واقفين فـ طريق مستقبلى و رافضين الفكرة حتى من قبل ما أعرف اى تفاصيل .
سيف:: بحزن .. بقى أحنا واقفين فـ طريق مستقبلك يا علا ؟ عشان خايفين عليكي نبقى كدا واقفين فـ طريق مستقبلك ؟
فارس أدهم:: لـ سيف ببرود .. اه واقفين فـ طريق مستقبلها
سيف:: بغيظ .. اتلم يا أبن أدهم ما تـ ـو لعهاش أكتر ما هى ولـ ـعة
فارس:: بصراحة بقى انا قاصد يا باشا
سيف:: نعععععم ياخويا ؟! و ده ليه بقى ان شاء الله
عاليا:: بزعل .. كدا يا فارس بقى بدل ما تقنعها تلغى الفكرة من دماغها تقوم تأيدها و تكرر كلامها
فارس:: قرب من عاليا و ضمها لحضنه .. عمتو حبيبتى حضرتك عارفة علا طول عمرها بتحلم انها تكون وزيرة و ابتدت تحط رجلها ع اول الطريق و رفع عينه بحب لـ علا و انا واثق انها قريب هتحقق حلمها و رجع بص لـ عاليا ليه بقى نقف فـ طريقها و بعدين يعنى انتى مش نفسك تبقى أم معالى الوزيرة يا لولى
سيف:: بغيظ أكبر .. بقولك ايه ياض قوم كدا و سيب مراتى و ماتلعبش فـ دماغها و من الاخر كدا مقابلة وزير مش هتحصل و سفر مش هتسافر مفهوم و لا لأ
فارس:: بثقة و تحدى .. ما بلاش يا سيف باشا خليك حلو كدا و وافق ان علا تقابل الوزير و نروح انا وانت معاها و هى بنفسها اللى هتقرر بعد ما تقابله هى عايزة ايه
سيف:: لأ مش موافق يا أبن أدهم ورينى هتعمل ايه
فارس:: و هو بيمسك فونه .. تيب لما نشوف رأى فارس باشا المنصورى بقى هيقول ايه .. و هيطلب رقم عمه فارس
سيف:: أنت بتهددنى ياض انت .. طيب مش موافق برضو يلا بقى
علا:: بدموع بصت لـ فارس .. خلاص يا فارس انا هتصل بمكتب الوزير و اعتذر و هقدم استقالتى و ارجع اشتغل فـ الجامعة تانى
فارس:: بيهز دماغه بـ لأ مش هيحصل يا علا و هنروح سوا انا و انتى و سيف باشا بكرة و تقابلى الوزير و هتوافقى ع الترشيح و لـ سيف مش كدا يا باشا ؟
سيف:: برضو لأ
فارس:: لـ سيف .. تيب و اتصل فعلا بعمه فارس و بعد السلامات قاله انه عند سيف و عايز يسلم عليه ..ولـ سيف و هو كاتم صوت الفون توافق و تاخد تسلم عليه و لا اتبرع انا و اقوله كنت بتصل بيه لييييه
سيف:: بغيظ .. منك لله انت وعمك موافق و امرى لله
"عودة للوقت الحالى"
أدهم:: بضحك.. يخرب عقلك يا فارس
فارس:: أعمل ايه بس يا بابا و هو مصمم ع الرفض من غير حتى مايشوف هى هتروح فين
أدهم:: بهدوء .. طيب وانت يا فارس هتوافق انها تسافر و تبعد عنك
فارس:: بتنهيدة .. مش هخبى عليك يا بابا انا جوايا قلقان بس مش عايز اقف فـ طريقها انا بحبها و مش عايز اخسرها ، خصوصا انى لما عارضتها قبل كدا اختارت شغلها يعنى أى اعتراض منى معناه الخسارة
أدهم:: بص يا أبنى اللى انت عملته ده الصح اللى بيحب حد بيحب نجاحه و بيدعمه عشان يوصل و يحقق حلمه مابيقفش عقبة فـ طريقه أبدا .. وبلاش القلق اللى جواك يتحكم فيك
علا طول عمرها عاقلة و عمرها ما هتتنطط عليك و لو حست انها هتعلى عليك انا واثق انها هتتنازل عن منصبها و حلمها عشان تحافظ ع حبك ليها و ماتخسركش بالظبط زى ما انت خوفت تخسرها هى وقتها هتخاف تخسرك
_________________________
ڤيلا فارس
رجعت حلم من الشركة و هى داخلة بعربيتها ع باب الڤيلا شافت بنت لابسة عباية سودا قديمة و طرحة و شكلها متبهدل و قاعدة بتعيط و سألت الحارس
حلم:: بأستفسار .. مين البنت دي يا مجدى و قاعدة كدا ليه
مجدى الحارس:: بتوضيح .. مش عارف يا هانم بقالها كام يوم تيجى هنا كل يوم و تقعد القاعدة دى و مش بتقول غير انها عايزة تقابل حضرتك
حلم:: ولما ليها كام يوم يا مجدى ليه ما قولتش
مجدى:: بصراحة شكيت فيها يا هانم بسبب إصرارها و قولت اعمل عنها تحريات الاول
حلم:: انده لها يا مجدى و دخلها ، دخلت ركنت عربيتها و هى نازلة منها شافت
عفاف:: داخلة جرى وراها اول ماشافتها و هى بتعيط .. أبوس أيدك يا ست هانم انا واقعة فـ عرضك أنجدينى
حلم:: بجدية.. انتى مين و عايزة ايه ؟
عفاف:: أنا اسمى عفاف و طمعانة فـ كرمك يا ست هانم الاقى شغل عندك أصرف منه ع أمى و أخواتي
حلم:: بحزن .. بس انا ما عنديش شغل ليكى حاليا
عفاف:: بدموع بتوطى ع إيد حلم .. أبوس أيدك اوطى أحب ع رجلك شغلينى أى حاجة شالله يخليكى حتى لو انضفلك قصاد الباب هنا
حلم:: بشفقة ع حالها و هى بتشد إيدها .. استغفر الله ، اهدي طيب و قوليلى حكايتك ايه ؟
عفاف:: ع نفس حالها و دموعها مغرقة وشها .. انا ياست هانم عندى 35 سنة ابويا منه لله جوزنى لواحد صاحبه بهدلنى و مرمطنى ولما لاقنى مابخلفش رمانى عشان يتجوز اللى تجيبله عيال و لما رجعت بيت ابويا تانى حلف طلاق تلاتة ع أمى لو ما رجعتنيش بيت جوزى لا يكون سايب البيت و يهج لما امى خافت ع أخواتى رجعتنى تانى بس جوزى رفضنى و طلقنى و بقيت مش عارفة اعمل ايه و اروح فين بعد ما ابويا كمان طفش من البيت و ساب أمى و أخواتى الصغيرين
حلم:: بحزن .. لا حول ولا قوة إلا بالله
و لسة هترد عليها شافت
فارس:: داخل الڤيلا و نزل من عربيته بأبتسامة .. مساء الخير يا حبيبتى و عينه ع عفاف مين دى يا حلم ؟
حلم:: بنفس الابتسامة الصافية .. حمدالله ع السلامة يا حبيبى هقولك لما ندخل جوة و لـ عفاف بعد ما طلعت مبلغ من شنتطها تديهولها .. ماشي يا عفاف روحي انتى دلوقتى بس سيبى عنوانك و بياناتك كلها مع مجدى برة و انا هشوفلك الموضوع ده ، و شاورت لـ مجدى ياخد بياناتها بالفعل
فارس:: ضمها لحضنه و هما داخلين الڤيلا جوة .. أيه حكاية البنت دي بقى يا روحي
حلم:: دى ياسيدى بنت عايزة تشتغل هنا و ليها كام يوم بتيجى تستنانى و مجدى بيمشيها و النهاردة صممت تستنى و تقابلنى
فارس:: بعتاب .. و هو أحنا بنشغل اى حد كدا يا حبيبتى
حلم:: بهدوء .. عارفة يا فارس عشان كدا خليت مجدى ياخد بياناتها و يتحرى عنها و لو كلامها طلع مظبوط نشوف لها شغل
و دخلوا الڤيلا سوا و كانت هاجر قاعدة فـ الليڤنج مع ولادها و جاسر اللى اول ما شافهم
جاسر:: بتهليل و عينه ع فارس .. حلم حياااااتى وصلللت يا بشررر
فارس:: بغيظ .. شكلك وحشك تتعلق زى زمان يا حيوان
حلم:: بضحك لـ فارس .. نفسي يعدى يوم واحد من غير مناقرتكم دى و بصت لـ هاجر و ولادها بتسلم عليهم .. عاملة ايه يا چورى و انتم يا ولاد
روفيدة:: ردت بمرح .. ميت فل و أربعتاشر يا انطى
حلم:: باستغراب .. ايه ؟! جبتيها منين الكلمة دي روفا
فارس:: لـ حلم و عينه ع جاسر .. تفتكرى يعنى يا حبيبتى جابتها منين غير من أخر صبري
جاسر:: و هو ماسك ياقة التيشيرت .. بلا فخر طبعا يا باشا انا اللى علمتها لها
زياد:: لـ جاسر بضحك .. متنساش اننا اصلا عندنا استعداد للأنحراف يا كابتن
هاجر:: لـ حلم ماشاء الله عيالى مجانين و أبنك جننهم بزيادة هههههه
جاسر:: لـ هاجر .. انتى لسة شوفتى جنان يا طنطي اصطوبري لما ييجوا الكوارث و هفرجك ع الجنان اللى ع حق
حلم:: بضحك لـ جاسر .. أه يا نفوخي من قلبانك انت و الكوارث ولـ هاجر هتشوفى سيرك هنا مورستاااان بجد
جاسر:: لـ حلم طيب بذمتك فى حد بيضحكك غيرنا يا مزتى ؟
فارس:: بنفاذ صبر لـ جاسر .. تصدق انا هحبسك انت و الكارثتين التانيين وأخلص منكم
فـ نفس الوقت دخل أدم و شادى و سمعوا فارس وقال
آدم:: بحزن مصطنع .. و نهون عليك يا خالو
فارس:: برفعة حاجب .. انتوا شرفتوا يا أهلا يا أهلا
شادى:: بهمس لـ جاسر .. ولا أبوك ماله ياض انا مش مرتحاله
آدم:: بنفس الهمس .. حاسس بمصيبة جايالى
شادى:: يا لطيف يا لطيف
جاسر:: و عينه ع فارس .. كل واحد ياخد له ساتر اصل انا مش مطمن لـ الراجل ده
آدم:: بابتسامة قلق .. خالو حبيبى وحشتنى ، مالك يا خالو حد زعلك قول ما تخافش يا حبيبى و انا هجيبلك حقك منه
فارس:: بابتسامة مكر حط ايده فـ جيبوبه و باصصلهم و ساكت
شادى:: لـ فارس بتوتر .. أوعى يكون جاسر هو اللى ازعلك يا خالو يا قمر انت أبندجهولك دلوكيت اهو بس بلاش البصة دي شالله يخليلك المزة العسل اللى جنبك دي وعينه ع حلم
فارس:: ع نفس وضعه يا دوب بس بيطلع ايده من جيوبه و لسة ما اتحركش
جاسر:: طلع يجرى و هو بيزعق لـ آدم وشادى أجرووووووا
بالفعل شادى و آدم طلعوا يجروا ورا جاسر تحت نظرات و ضحك حلم و فارس و هاجر
زياد:: بأندهاش لـ فارس .. معقولة بيخافوا من حضرتك أوى كدا يا عمو ؟!
فارس:: بضحك .. هو مش خوف بقدر ما هو أحترام
روفيدة:: ازاى بقى يا أونكل دول جريوا بمجرد ماحضرتك بصيت لهم
حلم:: بتوضيح لـ روفيدة .. روفا حبيبتى شباب و بنات العيلة كلها بيحبوا فارس جدا لانه بيحتويهم و بيسمعهم و اللى حصل قدامك ده دلوقتى نوع من المناغشة يعنى شوية و هتلاقى جاسر و الشباب داخلين و كأن مافيش حاجة حصلت
فارس:: لـ زياد و روفيدة .. انتوا عارفين اليوم اللي بيعدى من غير ما أشوف أخواتي و ولادهم بحسه ناقص رغم وجود حلم عمرى و ولادى حوليا
روفيدة:: بس أحنا يا اونكل لينا كام يوم هنا ومش شوفنا حد خالص
جاسر:: دخل و هو بيرقص لها حواجبه .. دلوقتي يهلوا يا قمر
آدم:: اول ماشاف روفيدة تنح مكانه
و ساكت و عينيه مش قادر يحركها من عليها
شادى:: انتبه لـ آدم و خبطه فـ كتفه .. ولا يا آدم مالك ياض فى ايه كهربك كدا
جاسر:: انتبه هو كمان و استغرب حالة آدم و لـ شادى ماله الواد ده دوس ع رجله كدا و لا كبر له فـ ودنه و فجأة صرخ جنب ودن آدم . آاااااادم
آدم:: ع نفس حالته .. هو أنا مُت و دخلت الجنة يا جدعان ولا ايه عشان تبقى الحورية دى من نصيبي
روفيدة:: وشها أحمر من كتر خجلها من كلامه و نظراته
جاسر:: لـ آدم أصحى ياض انت لسة عايش فـ الدنيا
شادى:: لـ آدم فوق يخربيتك قبل ما تروح جهـ ـنم يا خويا بعد ما خالك يعمل منك كيلو مشكّل نتغدا بيه
آدم:: لـ روفيدة هو فيه جمال كدا ؟ انتى جاية منين بس ، أنتى أكيد مش بشرية شكلك حورية من الجنة و جاية تاخدينى معاكى صح؟
زياد:: بغيظ لـ آدم .. أنت يا أخ انت مش ملاحظ اني موجود و لا ايه
آدم:: ع نفس وضعه بيشاور بإيده .. هششش انا مش ملاحظ و لا شايف غير الملاك دي
روفيدة:: اتكسفت أكتر و طلعت تجرى ع أوضتها من غير ولا كلمة
شادى:: خبطه فـ رجله فوق يالا أخوها يعلقك يا منيل
آدم:: فاق من حالته بعد ما جريت روفيدة من قصاده و بيهز دماغه أوى كأنه كان بيحلم و لـ شادى أسكت ياض شكلى نمت و انا واقف باين و حلمت حلم جميل أوى
فارس:: بتريقة و حلمت بأيه بقى يا ابن قصى
آدم:: اسكت يا خالو حلمت بأنى دخلت الجنة و شوفت حورية جميلة خالص خطـ ـفت قلبى و فضلت أبص ليها لغاية ما اختفت من قصادى
فارس:: يا سلااااام شوف أزاى و اختفت راحت فين بقى ان شاء الله
آدم:: جريت من هنا يا خالو و طلعت فوق
حلم:: ضحكت بصوتها كله ع آدم و من بين ضحكها شكلك فعلا نمت وانت واقف يا آدم
زياد:: لـ جاسر الواد ده مجنون و لا شكله كدا ؟
شادى:: لـ زياد ده مجنون رسمي يا كابتن خاف ع نفسك لانها بتهرب منه كتير
زياد:: لا متخافش انا أجن منه و كل ما هتهرب منه هعرف أرجعها له تانى
جاسر:: الله عليك يا زيزو كدا فريق الكوارث زاد كارثة جديدة و بيمد إيده يسلم ع زياد أهلا بيك عضو جديد فـ الفريق .
و بالفعل بعد ما اتعرف زياد ع شادى و آدم و فضلوا يتكلموا و ينكشوا فـ بعض و كالعادة جننوا فارس و حلم و هاجر اللى اندمجت معاهم جدا شافوا حور داخلة الڤيلا و شكلها باين عليها معيطة جريت عليها
حلم:: بخوف ضمتها لحضنها ..مالك يا حبيبتى فيكى ايه ؟ حد عمل لك حاجة؟ حد أذاكى؟ قوليلى طمنينى عليكى
حور:: بدموع بتهدد بالنزول .. مافيش حاجة يا مامى ما تقلقيش انا كويسة
فارس:: بقلق أخدها من حضن حلم وضمها فـ حضنه .. عايزة مامى ما تقلقش ازاى بس يا حور يا حبيبتى و انتى داخلة الڤيلا و شكلك كدا
حور:: صدقني يا بابى مافيش حاجة تستاهل انا بس تعبانة كان عندى عملية طولت فيها شوية ، و خرجت من حضن فارس .. بعد إذنكم هطلع أرتاح فـ اوضتي
فارس:: بهمس قبل ما تسيبه .. الواد ياسين مزعلك مش كدا يا حوريتى؟
حور:: بصت له بابتسامة من بين دموعها من غير ولا كلمة و طلعت جرى ع اوضتها
حلم:: بقلق لـ فارس قلبى مش مطمن ع حور انا هطلع أشوفها مالها و قامت فعلا طلعت ورا بنتها تطمن عليها
فارس:: هز دماغه بالموافقة و بتنهيدة جواه وبعدين معاك يا أبن أختى فـ عصبيتك و غيرتك الزايدة اللى مالهاش أخر دى بس
فـ أوضة حور
دخلت أوضتها حدفت نفسها بتعب ع سريرها و دموعها مغرقة وشها و مافيش فى دماغها غير كلام ياسين اللى بيتردد فـ ودانها
حور:: بانهيار ..بقى انا خليت شكلك وحش قصاد النااااااس يا ياسيييين قدرت تقولهااااا أزاااااى قدرت ازاااااى تقول انى مش عاملالك أعتباااااار
حلم:: وصلت عند اوضة حور و سمعتها و هى بتكلم نفسها فتحت الباب من غير ما تخبط لأول مرة و جريت ع حور بخوف .. مالك يا قلب أمك فيكى ايه ؟ منهارة ليه كدا ؟
حور:: حدفت نفسها فـ حضن حلم بانهيار .. ياسين يا مامى جرحنى اوى انا خلااااااص مابقيتش قادرة أستحمل غيرته الشديدة دى وكلامه اللى بيقوله
حلم:: ضمتها لحضنها و بتمسح دموعها و بهدوء .. أهدي يا حبيبتى كدا و أحكيلى قالك ايه ياسين وصلك للحالة دي ؟
حور:: ابتدت تحكى كل اللى حصل من وقت ماخرجت من العمليات مع الدكتور المساعد لغاية ما سابت ياسين بعد خناقتها معاه و رجعت ع الڤيلا .. انا خلاص يا مامى مش عايزاه مش عايزة أكمل معاه
حلم:: بهدوء و احتواء .. حبيبتى أهدي و ماتاخديش قرار وانتى متعصبة ، انتى عارفة ياسين من زمان وعارفة طبعه
حور:: بمقاطعة .. بس خلاص يا مامى مابقيتش قادرة أستحمل تصرفاته و غيرته دى ، ده شك فيا يا مامى فاكر انى ببتسم لدكتور نادر عن قصد فاهمة يعنى ايه .. هو انا غلطت لما اتكلمت مع زميلى اللى كان معايا جوة العمليات ساعات طويلة واقفين ع رجلينا و بعبر عن نجاح العملية بابتسامة و أهوّن بيها تعبنا ؟
حلم:: لأ يا حبيبتى ماغلطتيش ، ده اللى مفروض يحصل بعد التعب اللى تعبتوه ، بس انتى عارفة ياسين بيحبك و بيغير عليكي ازاى وبابتسامة انتى عارفة بقى هو مدب و عصبيته متحكمة فيه و بعد شوية بيهدى و بيرجع يعتذر
حور:: لأ يا مامى انا تعبت من طريقته دي بجد تعبت ، حضرتك عارفة انا بحبه قد ايه بس بجد مش هقدر أكمل معاه وهو كدا
حلم:: ممكن بنوتى حبيبتى و حورية قلبى تهدى خالص و متشغلش بالها ، ايه رأيك يا قمر نقول لـ بابى يشده من ودانه و يعرفه غلطه و يقوله لو مش هيتغير يبقى مالوش حاجة عندنا
و بمكر .. ولا أقولك هو اصلا كدا مش هيتغير احنا نقول لـ بابى خلاص يمشيه مش عايزينه تاني و نفضها سيرة و كل واحد يشوف حياته
حور:: بقلق .. حضرتك قولتى ايه ؟!
حلم:: بابتسامة مكر .. قولت راحة بنتى حبيبتى عندى أهم من ياسين و عمايله و طالما مش قادرة تكملى يبقى خلاص نبلغ بابى و نفسخ الخطوبة المتعبة دى مش كدا ولا ايه
حور:: هااا نفسخ الخطوبة !!!
حلم:: مش هو ده اللى انتى عايزاه يا حور ؟
حور:: هاا آه آه هو ده اللى انا عايزاه
حلم:: خرجت حور من حضنها و قامت عشان تخرج من الأوضة .. خلاص يا قلبي قومى كدا غيرى هدومك و أرتاحى و انا هروح لـ بابى و اقوله انك مش عايزة تكلمى مع ياسين .. و راحت فعلا ناحية الباب وقبل ما تخرج ندهت عليها
حور:: مامى
حلم:: بصت لها بابتسامة .. نعم يا حبيبتى
حور:: لأ خلاص مافيش حاجة
حلم خرجت فعلا من اوضة بنتها و هى عارفة و فاهمة مشاعرها كويس و متأكدة ان كل كلمة قالتها من ورا قلبها وانها ما تقدرش تستغنى عن ياسين بس كمان لازم هو يتغير و لازم فارس يتكلم معاه و يفهمه ان كدا الحياة هتبقى صعبة بينهم ان ماكانتش مستحيلة كمان
________________________
فـ النادى
بعد مرور كام يوم خرجت تسنيم من الشركة و راحت النادى تقابل صحباتها و يلعبوا تنس
تسنيم:: هاى يا بنات عاملين ايه
راندا:: هاى عليكى يا قلبى كويسة الحمدلله
ندا:: انتى عاملة ايه يا توتا وحشتينى
تسنيم:: انتى اكتر يا ندوش
راندا:: بأستفسار .. فينك يا توتا ليكى فترة مش بتيجى النادى خير فى حاجة
تسنيم:: أبدا يا رورو بس كنت مشغولة شوية الفترة اللي فاتت
راندا:: بتريقة .. أكيد بقى كنتى مشغولة بقضية مامتك و اخوكى اللى أتعلم يسهر فـ النايت مش كدا ؟ ولا كنتى مكسوفة تظهرى بسببهم ؟
تسنيم:: وقفت بغـ ـضب و لـ راندا .. مش تسنيم المنصورى اللى تتكسف و تستخبى من حاجة يا راندا خصوصا ان العالم كله عرف ان حلم الرشيدى بريئة من القضية اللى كانت متلفقة ليها و ان كان ع أحمد فهو عمره ما سهر و لا بيسهر فـ النايت و كل اللى سمعتيه ده كان مجرد خدعة علشان يقدر يكشف الناس اللى ورطوا مامى
و شدت شنطتها و لسة هتمشي
ندا:: وقفتها .. استنى بس يا توتا رايحة فين احنا لسة ما قعدناش سوا
تسنيم:: لما تبقوا عارفين انتوا مصاحبين مين كويس ابقى أقعد معاكم غير كدا اسفة مش انا اللى اقبل الاهانة ع أهلى و اقعد عادى كدا كأن مافيش حاجة حصلت
راندا:: بغيظ لـ تسنيم ..هى الحقيقة بتوجع الايام دي يا تسنيم و لا ايه ؟
تسنيم:: بنفس غضـ ـبها لما تبقى حقيقة يا ست راندا مش مجرد اتهامات باطلة من أعداء النجاح اللى نفسهم يوقعوا مامى و يركبوا ع كتافها و سابتهم و مشيت فعلا رايحة تركب عربيتها و من عصبيتها مش شايفة خبطت فـ حد كان داخل النادى و بزعييق .. مش تفتح يا حيوان انت
يزن:: بغـ ـضب لااااااا انتى كدا زودتيها أوى ، غبية و مش بتعرفى تسوقى و قولنا ماشي لكن كمان ماشية تخبطى فـ خلق الله كدا حتى و انتى ع رجلك ده اللى مش طبيعي ابدا
تسنيم:: بغـ ـضب أكبر .. هى مين دى اللى غبية يا حيوااااااان يا متخلف انت
يزن:: بنفس عصبيته و غضـ ـبه تصدقى بالله لولا أنك بنت كنت رنيتك علقة محترمة علشان تتربي
تسنيم:: كنت قطـ ـعتلك إيدك قبل ما تفكر تمدها و سابته و مشيت و هى متنرفزة و بتشتم فيه و ركبت عربيتها و خرجت من النادى
يزن:: بعد خناقته مع تسنيم اتخنق و رجع تاني ركب عربيته و خرج من النادى هو كمان و بيكلم نفسه.. اوووووف بنت مغرورة و متكبرة انا مش عارف بس دى بنت حلم الرشيدى ازاى يا ستار عليها و افتكر كلام أبوه و أبتسم انا مش عارف بس يا بابا انت ازاى فكرت انى معجب بيها .
عند تسنيم
ماشية متعصبة و متنرفزة بسبب كلام صاحبتها و كلام يزن و سايقة عربيتها و فجأة ظهرت جنبها عربية سودا ضخمة متفيّمة بتخبط فيها جامد و كل ما تسنيم تزود السرعة عشان تهرب منها العربية دى تزود السرعة و تقرب من تسنيم أكتر و بخوف و رعب ظاهر عليها و فـ صوتها طلعت فونها و اتصلت بـ
أحمد:: قاعد فـ مكتبه و سمع رنة فونه و شاف أسم توأمه و ابتسم و رد حبيبتى عا....
تسنيم:: بخوف ألحقنى يا أحمد
أحمد:: سمع صوتها و هى بتعيط و خايفة و بخوف و هو بيجرى برة المكتب مالك يا تسنيم فيكى ايه يا حبيبتى
تسنيم:: بدموع .. فى عربية شكلها غريب اوى بتجرى ورايا و بتخبط فيا جامد
أحمد:: ركب عربيته و جرى .. اقفلى ع نفسك كويس و أجرى بأقصى سرعتك و انا جايلك عرفينى طريقك فين بس
تسنيم:: انا راجعة من الناد......... و فجأة الصوت راح و العربية انقلبت بيها
أحمد:: سمع صوت صراخها و بخوف و وجع فـ قلبه .. تسنيييييييييم و بيجرى بسرعة بعد ما عرف طريقها
نرجع عند يزن
بعد ماخرج متعصب من تسنيم كان ماشي بالصدفة فـ نفس الطريق اللى كانت فيه تسنيم و شاف شكل العربية الضخمة و هى بتجري بسرعتها الجنونية و بتخبط فـ عربية تسنيم لغاية ما قلبتها و هى جواها و هربت و فجأة عربية تسنيم أنفـ ـجرت
مكتب فارس
نفس وقت انقلاب عربية تسنيم فارس كان فـ مكتبه مجتمع بـ سيف و فارس أدهم و باقى الفريق بتاعه لمناقشة قضية بيشتغلوا عليها و رن فونه برقم برايڤت و رد
فارس:: السلام عليكم
@:: بضحكة شر .. هاهاهاهاهاهاهاهاها نفسي اشوف شكلك يا فارس بعد ما تسمع الخبر ده
فارس:: بعصبية .. أنننننت ميييين و عااااايز اييييه
@::أنا مين مش مهم اما بقى عايز ايه
عايزك تشوف الفيديو ده هيعجبك أوى و بعتله فيديو لـ عربية تسنيم و هى بتنلقب و تنـ ـفـ ـجر و كاتب تحته
تسنيم بووووووووووم
عائد بقوة هاهاهاهاهاهاهاهاها وقفل المكالمة قبل ما يسمع رده
فارس:: شاف الفيديو و صرخ من قلبه أااااااااااااه يا أبن الـ ـكلـ ـب تسنييييييم و خرج جرى من المكتب
فارس أدهم:: جرى وراه بقلق .. مالك يا عمى فى ايه مالها تسنيم
فارس:: بوجع قلب أب و تيه .. قتـ ـل تسنيم قلب بيها العربية
فارس أدهم:: بقلق أيه الكلام اللى حضرتك بتقوله ده ... و قطع كلامه رنة فونه بأسم أحمد و بص لـ عمه و فتح المكالمة ايوا يا أحمد
أحمد:: بدموع .. ألحقنى يا فارس تسنيم انقلبت بيها العربية وانفـ ـجرت
فارس أدهم:: بخوف وقلق أكبر أنت بتخرف تقول اييييييه و عينه ع عمه اللى طلع جرى و ماستناش حد ، و بلغ سيف و طلع جرى ورا عمه
فـ نفس الوقت حلم فـ مكتبها بتتابع شغلها و رن فونها هى كمان بنفس الرقم البرايڤت بس بيعلن عن وصول رسالة وفتحتها و شافت الفيديو و مكتوب تحته
تسنيم بووووووم و لسة قبل ما تفوقى من صدمتك هتاخدى اللى بعدها و اللى بعدها لغاية ما تجيلى راكعة يابنت الرشيدي ، أنا عملك الأسود يا حلم و هفضل وراكى وراكى
عائد بقوة
هاهاهاهاهاهاهاهاها
حلم:: بانهيار لاااااااااااااا تسنيييييييييم بنتاااااااى و بتجرى برة المكتب
نادين:: سمعت صراخها و جريت عليها وبتكلمها تحاول تهديها وتفهم منها فى ايه لكن حلم بتجري و مش سامعة نادين خالص و نزلت ركبت عربيتها و مش عارفة تعمل ايه و تروح فين و بترن ع فارس مش بيرد و رنت ع أحمد برضو مش بيرد قلبها زادت ضرباته من كتر خوفها و انهيارها
نادين:: بلغت قصى و ياسمين باللى حصل و الكل نزلوا جرى من الشركة وراها
وبالفعل الخبر انتشر فـ العيلة كلها فـ ثوانى و الكل اتجمع فـ مكان الحادثة وشافوا العربية متفحمة ، فارس واقف حاضن حلم و حور ، أحمد و جاسر حاضنين بعض و الكل منهار و مافيش حد قادر يعمل حاجة ولا يستوعب اللى حصل من أثر الصدمة
توأم روحي بقلمى ✍️________لبنى دراز
داغر:: دعونا نشرب فـ نخب الانتصار العظيم يا أصدقائى
يتبـــــــــــع