رواية ملاك تائهة2( ماسة الأدم)
رواية ملاك تائهة2(ماسة الأدم) بقلم امل فتحي
الفصل الثاني
بسم الله نبدأ...
نور بتلعب في الفون وسمعت صراخ أمها وشافت العربية وغضمت عيونها وصرخت : عاااااااااا...
أدم وقف قدامها بالظبط ونزل وهي لسه مخبية وشها بأديها : في أيه مهم في التليفون لدرجة دي ...
نور بصت له بغيظ : وأنت مالك ...
أدم ماسكها من حجابها : طب تعالي وشدها ودخل الفيلا غصب عنها ...
دينا نزلت : في أي يابني مساكها كدا ليه ... سيبها...
أدم : أي ياأمي هي أول مرة أعملها معاملة كلابي ...
نور ضربته في كتفه : تصدق بالله أنت رخم ....ا
دينا : وبعدين الأسلوب دا مش ناافع ... احترمو بعض
نور وأدم بصو لبعض وأدم رد : ههههه حاضر
أدم بصلها : سبيها سبيها النوتيلا حلال علي دارين وسما ورهف ...
نور بضيق : مش عاوزه نوتيلا عاوزة أمشي ممكن ...
أدم قام : مالك يانور دي مش طريقتك حد مزعلك ...
نور : مفيش ياأدم مخنوقة شوية..
أدم : طب بعد إذنك ياا دودو هنتمشي شوية وشد نور في حضنه واتحرك للجنينة ....
أدم : هااا مش هتتكلمي ..
نور : هقول أيه .
أدم : أيه إللي مضايقك...
نور : أدم هو أنا عشان خلصت كلية لازم ارتبط وخلاص لمجرد فكرة إن دا سن مناسب للجواز ..
أدم : لاء طبعًا ..
نور : يعني أنا صح لما برفض طريقة ماما ...
أدم: أيوا أنتي صح بس بردو ماما عاوزة تفرح بيكي نيتها خير بس طريقتها غلط ...مع إنها واخدة وليد عن حب يعني ... بس قوليلي سر الرفض دا في حد معجبة بيه ...
نور : ........ ممكن ماجاوبش ..
أدم مسك إيديها : نور حبيبتي عارفة الصح والغلط نور عارفة حدودها ... أُختي القمر مش صغيرة وطبعًا وقت متحتاجيني برنة تليفون هكون قدامك...
نور : عارفة ياحبيبي ...المهم أنت عامل أيه مع ماسة ...
أدم ابتسم : ماسة أيه بس ..قولي مع المصيبة قولي مع العندية لكن ماسة الاسم مش ماشي خالص ...
مروة من وراه : لما هي مصيبة
هتمووت عليها ليه ... يابن الرفاعي
همس بهزار : ماهي عشان مدوخاه حاولين نفسه بس...
ريم بستنكار : بس يا ختي أنتي وهو محدش له دعوة بحبيبي...
أدم بص لريم وضحك : أحلي عمتو ولله بس سيبيهم بكرة لما تبقي حرم أدم الرفاعي ...يبقو يتريقو براحتهم ..
دينا بغضب : أنت تسكت خالص أنت ياض بقيت 28سنة بسمع الكلمة دي من وأنت عندك 15سنة اتلهي ..
أدم هرش في راسه وبص لنور : أنا بقول أخلع بالأدب أحسن ..سلاموووز .واتحرك من قدامهم.
نور : طفشتوه خلاص أطفش أنا بقا لوحدي وجريت بعيد عنهم ...
فيلا الدالي...
يامن بيخبط على اخته كنزي : كووكي...
كنزي فتحت الباب بنوم : أيه يا أبيه.
يامن باس راسها: يلا ياحبيبتي عندك محاضرة ولسه هتجهزي ..
كنزي: حاضر يا أبيه ..هتوصلني؟..
يامن : أيوا ياقلب أبيه يلا بس فوقي كدا ونفطر سوا لأن شكل مريوم لسه نايمة ...
مريم من وراه : صباح الخير ياولاد قلبي ...
يامن وكنزي : صباح الخير يا حبيبتي..
أدهم : وتنسييت كأني ماجييت ..
كنزي حضنته : دا أنت الأساس ياروح قلبي ...
مريم بغيرة : أما أشوف أخرتها معاك أنت وبنتك ياأُستاذ أدهم ...
يامن ضحك وبص لأبوه : مش هتبطل تغير عليك من كنزي ...
كنزي : والله حاولت أفهمها إنه بابي وبدلع عليه ...بس مامي هرمونتها عالية...
ياسمين من وراهم: هههه مريم بتغير ...أيه إللي بتقولو دا لا طبعًا. ..
يسر ببراءة : أزاي يامامي وأنتي لسه إمبارح بتحكيلي على طنط مريم لما ضربت الممرضة يوم ولادتي عشان بتعاكس عمو أدهم ...
أدهم ضحك من قلبه على شكل مريم للي جريت ورا ياسمين: بتسيحيلي ياياسمين ماشي ماشي ...وهي بتحكيلك ياقلبي مقالتلكيش إنها أول مرة شوفتها فيها كلت علقة من طنط مروة ....
يسر شهقت : بجد. ...
مريم بضحك : اه والله يابنتي ....
ياسين قرب منهم : يسر اتأخرتي على دروسك ...يلا إنزلي أفطري
يسر : حاضر يابابي ... ممكن توصلني في طريقك ياأبيه يامن ...
يامن : ممكن طبعًا ...يلا ياكنزي أجهزي وأنزلي ...
كنزي : حاضر واتحركت...والباقي اتحرك على الفطار وسط مشاكسة ياسمين ومريم ...
فيلا مروان المسيري..
مروان : ندا هي سيرين فين ...
سيرين : قلب سيرين وروح سيرين ياللهوي ...
ندا :جتك القرف عيلة سئيلة ...
يارا : صباح الخير يامامي...
ندا: صباح الخير ياروحي ...
يارا : صباح الفل يا بابي ...
مروان : صباح العسل ياقلب بابي ...
ندا : بت ياسيرين يلا أجري على صيدليتك مش ناقصة رخامة ... أتكلي
سيرين : قولي يا مرواني ...هو أنا بنت ضرتها وأنا معرفش ...
مروان : لا لقيينك علي باب جامع ...وضربها علي قفاها .. أمشي اتأخرتي ...
ندا بصت لبنتها بستنكار : دي منظر دكتورة بالله عليك ...
يارا بضحكة : حتي الصيدلية فاتحاها بقالها شهر أهيه ومش منتظمة دي مش نافعة ...
سيرين : بنت احترمي أختك الكبيرةوباست مروان من خده ...يلااا سلامانجا وجريت علي بره ...
مروان بضحك : سلامانجا لقينها علي باب جامع فعلا ... وأنتي ياست يارا معندكيش درس ...
يارا : طبعا عندي يابابا دا أنا ف ثالثة ثانوي ..يلا هقوم أجهز عشان حضرتك توصلني وأنت نازل ...
ندا : طيب كملي فطارك ..
يارا : الحمد لله ياحبيبتي تسلم أيدك ..واتحركت ...
فيلا الأسيوطي ...
ماسة : ملااااك يااااماماااااااا
ملاك : أي يابنت المجنونة بتزعقي ليه ...
ماسة : جعانة جدا أدم طلع عيني فالتدريب ...
ملاك : مش عاوزة مخابرات أشربي بقا ...
ماسة : ابن أختك إللي رخم بس ...
ملاك: بتموتي في الرخم دا ليه ...
ماسة بتوتر : أحم أنتي بتقولي أي ياماما لا طبعًا ...
ملاك : من أمتي وأنتي بتكذبي عليا ...
ماسة : مش بكذب ياماما...
ملاك : بصي ياماااسة ...قاطعها رنة باب الفيلا ... أفتحي الباب يا ميادة
ميادة : حاضر ياست هانم ...وجريت فتحت الباب وشافت أدم .. أدم باشا يا ست ملاك ...
ملاك بفرحة: تعالى يااحبيبي وحشتني وحضنته ...
أدم : وأنتي أكتر ياملاكي .... وبص لماسة إللي لسه شنطتها في أيدها ...أنتي لسة واصلة كنتي فين من ساعتها ..
ماسة بتوتر عشان عارفة غيرته : كنت ..كنت مع ساجد ...
أدم بنبرة عالية: مع ساجد ليه إن شاء الله...
ماسة : كان بيشتري هدية وطلب اختار معاه ...
أدم شبه زعيق : وقولتي لمين إنك رايحة معاه ...
ماسة بنبرة عالية : على فكرة ملكش فيه ...
أدم : ماسة متخلنيش اتحول عليكي ...
ماسة : تتحول عليا ليه كنت مع ساجد او غيره حاجه متخصكش ...
أدم اتعصب جامد وملاك متابعة بهدوء مسكها من أيديها : أنتي عاااوزة أيه من أخرة تصرفاتك إللي تحرق الدم دي أي يعني .. عاوزة أى قوليلي.
ماسة زقت أيده بقوة : إنك ابن خالتي ميديش ليك الحق إنك تلمسني بالطريقة دي وبردو أنا تصرفاتي أنا حرة فيها أنا مش من ممتلكاتك ياأدم ...أنت مش عشان عاوزني يبقي لازم أكون ليك فااهم ...ماسة مش عربية أنت فاكر إنك اشترتها ...وسابته واتحركت على أوضتها ...
أدم بص لملاك بزعيق : عجبك كدا ...
ملاك : وأنا مالي أنا، أنت هتزعقلي ...
أدم مسح وشه بغضب : أسف ياخالتو...عن إذنك ...
ملاك بهدوء : أقعد اتغدى معانا ...
أدم: لا معلش ورايا مشوار عشان طالع مأمورية بليل ...
ملاك بقلق : هتسافر فين ...
أدم : لسه معرفش تفاصيل ...المهم أنا جيت أسلم عليكي وباس راسها ...هتعوزي حاجة...
ملاك : سلامتك ياقلب ملاك ...خد بالك من نفسك ياأدم ...
أدم : حاضر ياملاكي ...مع السلامة وخرج. .... بص ناحية أوضتها وشافها واقفة ودموعها نازلة وركب عربيته ومشي..
ملاك قربت منها : ممكن أفهم أي الكلام إللي قولتيه دا
ماسة مسحت دموعها : يامامي أدم مفكرش مرة يقولي بحبك أنتي رائيك أي كبرت وهو عاوزني له بيحبني بس مفكرش فيا أنا بحبه ولا لاء ...حاسة إن حبه اتفرض عليا .. أنا من حقي اختار زي ماهو اختار أنا عاوزة أحس .. وسكتت
ملاك : تحسي أي كملي ..
ماسة : ماما أنا دايمًا مع أدم في عناد وغيرة مشوفتش منه اهتمام محستش بحبه غير في زعيق غيرته...
ملاك : هو أنتي مدياله فرصة يا ماسة...علطول دبش
ماسة : لو عاوز يخلق الفرصة هيخلقها. ...المهم يلا عشان هاخد شور ونتغدا ...
ملاك قامت : طيب يابت عدي ...وقامت ناحية الباب...علي فكرة أدم كان جاي يسلم عليا عشان طالع مهمة... وخرجت
ماسة قامت من مكانها : مهمة يووووووه ... وأتصلت على رهف ...
رهف : تي ياأخرة صبري...
ماسة : أدم مسافر مهمة ..
رهف : ربنا معاه مالك ...
ماسة : اتخنقت معاااه..
رهف: وأي الجديد...
ماسة : بت بطلي برود
رهف : ماسة هو أنتي عاوزة أيه من أدم...
ماسة : يوووه أنتي كمان ...
رهف : هو ساءلك نفس السوال ..أتخانقتو لي أصلا ..
ماسة : كنت مع ساجد وهو عرف اتعصب وقعد يزعق ...
رهف : مع ساجد ...
ماسة : أيوا...
رهف : بصي ياماسة أعرفي أمتي عاوزة أي وبعدين نتكلم لأن أنتي مش عارفة أنتي عاوزة أي ،أدم بيحبك من زمان وأنتي عارفة...شوفي أنتي عاوزة أي وعرفيني فكري وخدي قرارك ...
ماسة : طيب يارهف .. سلام
رهف : سلاام ...
ريم : يلا ريري أنزلي أقعدي معانا.
رهف : لاياماما هنام شوية أنا صاحية بدري ..
بعد شوية كتيررر...
دينا: يانور ....
نور : نعم ياماما ..
دينا : تعالي كلمي بابا في الفون ...
نور جريت وردت : أي يا بابا...
وليد: عيادتك جاهزة يادكتورة نور ....
نور بفرحة : بجد يابابا ....أحلف كدا ...طب قول والله.
وليد ضحك على فرحتها : والله عيادتك جاهزة وفى أكبر أبراج أطباء القاهرة...
نور بضحكة : أنت أحلى بابا في الدنيا والله العظيم ...
دينا : طب ومامي إللي اختارت العيادة ...
نور حضنتها : أحلى دودو في الدنيا ...
وليد ابتسم : أدم جاي يخدك عشان تشوفيها ...
نور: طيب هغير هدومي وأجي علطوووول أهو.... خليه يتأخر ثانية ....وسابت الفون وجريت على دولابها تنقي أحلى دريس بحجابه ....
أدم وصل الفيلا ...ماما ...
رهف : عمتو دينا فوق عند نور .
أدم بإبتسامة : ماشي يارهوف تسلميلي ...
رهف بتزمر : هي رهوف هنا وفي التمارين تسحلني ...
ادم : دي حاجة ودي حاجة هنا أنتي بنت خالي ...هناك أنتي ظابطة تحت التدريب ...
رهف : ماشي يابن عمتو ... واتحركو كل واحد في طريقه...
دارين بزعيق : يااااا بابا ....الحقني ..
سامر: هقتلك يادارين ....
سما بتزمر : خلاص بقا أنتي وهو إنزلي يا دراين ...
دارين : هياكولني لو نزلت ...
سامر : إنزلي يادارين هطلعلك والله ...
دارين : عاااااا مش هنزل أنا قاعد على دولابي ملكش دعوة ...
سامر: أنتي قردة يابت ...يارب خدت من طولها وحطيت في لسانها ....أنا زهقت مننننننك
رهف بشخط: يوووه بقا هو إحنا كل يوم على خناقتكم أنتم الأثنين ...
راكان : بت يا دارين عملتي في أي المرة دي ...
دارين ببراءة : والله ياريكو مش عملت حاجة ...
راكان ضحك : مش عملت حاجة والبراءة دي يبقي عملتي بلوة...
سامية ضحكت : إللي مازن وعبد الرحمن كانو بيعملوه طلعولي فيكي يادارين ..أنتي مش هتعقلي يابنتي إللي قدك دلوقت بيتجوزو ...
دارين: في أي ياناناه أنتي معاه ولا معايا... عيني عليكي يادارين وأنتي غلبانة ولوحدك ..عاااااا
همس بزهق : خلاص ياسامر حقك عليا هشتريلك غيره...
سامر بنرفزة : ياماما مش على إني اشتري واحد غيره ...
راكان بإستغراب : هي عملت أي...
سامر : دخلت الأوضه لقيتها واخدة سويت شيرت وماسكة الاب توب ..شافتني قامت رمت الاب توب في الأرض وجريت طلعت على الدولاب ... شغل عيال وأنا اتخنقت ..
دارين قعدت تعافر ونزلت من على الدولاب بمساعدة سلم جمبها : سمورة إنزل كده هقولك حاجة ...
سامر : دارين أبعدي من وشي ...دارين قعدت تشب لحد ماوصلت له وباسته من خده ...حقك عليا يا سامر والله مش قصدي أكسره ...وباسته تاني قلبك أبيض بقا...
سامر شالها و هبدها على السرير : ماشي يادارين هخليه أبيض حاضر ... وبص لامه ..كان لازم تخلفوا تاني دا أنا هنتحر قريب...
سامية ضحكت وبصت لمروة : دينا ونور لسه مرجعوش عاوزين نتعشى ...
مروة : أتصلت عليها قالت أدم عازمهم على العشا عشان مسافر الصبح مهمة وبمناسبة العيادة كمان ...
سامية : طيب يلا نتعشى إحنا والرجالة لما يجو يتعشو سوا عشان جامعتكو الصبح...
في الشركة...
مازن بزعيق : يعني أي ياا مروان ...
مروان : معرفش يامازن صدقني معرفش ...
عبدالرحمن: مفيش حاجة هتتحل بالزعيق أهدوا ...
أدهم: أزاي الشركة في أسبوع تخسر أربع مناقصات....
ياسين : قولت مينفعش سليم يسيب الحسابات هنا بس أقول أي دماغكو بقا ...
وائل : إحنا عشان واثقين في سليم سفرناه إسكندرية يمسك هناك ويمشي الدنيا...
سليم من على الباب : أي دا ياجدعاان دا أنا طلعت مهم أووي ..
الكل بصو له وقامو سلمو عليه لأن بقاله أكتر من سنة في إسكندرية...
_____________________________________
يتبع .....
بقلمي __أمل فتحي ✍️❤️