رواية ملاك تائهة2(ماسة الأدم)بقلم أمل فتحي الفصل الثالث

رواية ملاك تائهة2(ماسة الأدم)

رواية ملاك تائهة2(ماسة الأدم) بقلم امل فتحي 

الفصل الثالث

ملاك تائهه ✨🖤 بقلمي أمل فتحي

(ماسة الأدم)

                          بسم الله نبدا....

سليم بهدوء : يالهوي ياجدعاان دا انا طلعت مهم جدا...

ياسين : سليم وحشني ياراجل وقام حضنه بحب ..والكل سلمو عليه 

سليم بعد شويه بصلهم بهتمام  : طيب نتكلم في المهم بقا ..

ادهم : انت عارف حاجه ...

سليم : شركه العمري ... تقريبا الشركه دي شغاله بس عشان توقعنا ... كل شغلهم عشان يوقع شركه الدالي والرفاعي ...

مازن : وانت عرفت ازاي 

سليم : ياسين ابني شغال في الشركه دي بعد مارفض يشتغل معايا بحجه انو عاوز يثبت نفسه بعيد عني ...

ياسين الدالي : الاسم طلع علي مسمي ياسليم شخصيته شخصيتي ...

سليم : اتوكس يا ابو شخصيه انت كان يوم اسود يوم ماسميته علي اسمك ... عايش هنا لوحده وسايبني في اسكندريه 

ياسين : هو حابب هنا هههههه وله اسبابه بقا 

سليم بص لياسين بغيظ : مسيري هعرف اسبابه  وساعاتها هطلع عينو ...

وائل بجدية : المهم حاليا فهمني كل للي بيحصل 

سليم : رئيس الشركه ... معتز العمري...

عبدالرحمن بتلقائية: مش دا للي كان متقدم لنور السنه للي فاتت

سليم بتفاجاء : وانتو رفضتو ..

مازن : ايوا اترفض لأن نور كانت رافضه الارتباط وكمان ادم عرف انو شغلو مش مظبوط .

عبدالرحمن بزعيق : مش عارف اي الهطل للي بقينا فيه دا يعني اترفض خلاص احترم نفسك....هو احنا بقينا في غابه ياتوافقو يا ندمركو .

مروان : فعلا بقت حاجه مستفزه  ...الناس ببت متخلفه 

سليم هز راسه بضيق : يبقي كدا وصلنا لسبب تصرفاته اكيد حابب يوقعكو عشان يوصل لنور ... ودا معناه ان نور لازم تكون تحت عنيكو الفتره دي ...وقال بتذكر .. وليد فين صحيح ...

وائل: بيحتفل مع عيلته بفتتاح عياده الدكتورة نور...

سليم ابتسم : الف مبروك ...المهم حاليا ياسين ابني درس الدنيا هناك وبيحاول يعرف سر العداوة دي ...بس دلوقتي بقت معروفه 

عبدالرحمن: وبعدين هنتصرف اززاي 

سليم : ياسين بكره هيكون هنا ونفهم منه الدنيا هناك ...

وائل قام من مكانه : طيب يلا والصبح نكون هنا كلنا بدري 

مازن والكل : يلا بينا

___________________*__________________

في عربيه ادم 

ادم بص لمامته : دودو ...

دينا : نعم ياحبيبي ..

ادم بصلها قوي : انا طالع مهمه الصبح بدري... دينا هتتكلم ..قاطعها ادم ... وماسة ورهف معايا ...

دينا حطت اديها علي قلبها : قولت لملاك ...

ادم : انا قولت لساجد وزين بس...

دينا : طيب وملاك وريم 

نور بصت لمامتها وطلعت تليفونها  : الووو

ماسة : ست زفته اخت المغرور بية ....

نور فاتحه الميك : احب اقولك ان المغرور وابوة وامة سمعوكي ...

ماسة بحرج  : .احم .. ازيك ياخالتو ...عمو وليد ازاي حضرتك ...

وليد ابتسم : الحمد لله ياماسة ... انتي عامله اي و مبروك مقدما ..

ماسة :  انا الحمد لله بس ...مبروك علي اي ...

ادم قاطعهم  : هنكون ف مكتب  سياده اللوا   الساعه ٦الصبح عشان طالعين مهمة ...

ماسة بفرحه وحماس : بجد اللللللللله بقاااا ...

دينا : ههههه يالله ياهبله كأنك طالع رحله ...

ماسة : اول مهمة دي ليها روح تانيه ياخالتو ...المهم ساجد والباقي معانا ياادم ...

ادم قلبه دق مع نطق اسمه منها واضايق لما قالت ساجد : ايوا يا ماسة ...

ماسة : طيب هروح اشوف ماما وعدي دا هيبقي عياط للصبح ...

دينا : متستهتريش بخوف ملاك ياماسة .. 

ماسة بصدمه : مش قاصدي استهتار ولله ياخالتو بس عارفه انها هتكون قلقانه جدا ...

نور بتلقائيه : لا بس خالتو بتطمن عليكي مع ادم ...

ماسة : فعلا هي بتطمن ونا معاه ... المهم هروح اشوفها ...وقفلت ...

ادم ابتسم ان بالنسبه لخالتو  هو امانها  وحب الفكره اوي ..هو مش هينكر خوفه من المهم دي واستغبي نفسه انو وافق انها تكون معاه بس بردو هو وافق من الاول انها تدخل حربيه يبقي يستحمل بقا ...

عند رهف ....

رهف  : بجد ياماسة يعني بكره هنطلع مهمه ...طب مهمه اي ..

ماسة : معرفش تفاصيل المهم هروح اعرف ماما وبابا 

رهف : ربنا يستر منك  ياريم...مش بعيد تقولي متروحيش هههههه

ريم داخله وقالن  : متروحيش فين ياام لسانين.....

رهف قفلت الفون وبصت لمامتها : طالعين مهمة

ريم قلبها دق بخوف وبعدين باست جبين رهف : انا مش هتكلم عشان انتي اختارتي طريقك مش هقولك قلبي خايف ازاي وفعلا مش عاوزاكي تكملي بس خدي بالك من نفسك يارهف انا محلتيش غيرك انتي واخوكي ...

رهف باست ايدها تطمنها : ادعيلي انتي بس ...انا هنام عشان هنزل بدري ولما بابا يجي صحيني عشان اقوله ...

ريم : حاضر ياحبيبيتي...و قامت خرجت رهف مش هتنكر ان جواها رهبه من الموضوع بس هي اتدربت كتير ودا حلمها ولازم تثبت نفسها هي وفريقها ...

فيلا الاسيوطي..

ماسة خبطت علي اوضته باباها : ماما حضراتكو نمتو ...

عدي فتح الباب  : تعالي ياماسة ... خير يا حبيبتي

ماسة غمضت عيونها : اول مهمه ليا هطلعها بكره ....

عدي غمض عيونه لان دي اللحظه للي خايف منها وملاك قاعدت مكانها علي السرير 

ماسة : بابا انت سامعني ...

عدي بصلها بهدوء : سامعك ياحبيبتي ...خلصي كلام مع ماما وانا عوزك هستناكي في اوضتك....

ماسة هزت راسها و قربت من ملاك ونامت في حجرها : ساكته ليه ...

ملاك ابتدت تلعب في شعرها : هقولك اي ربنا يحفظك يارب خدي يالك من نفسك يا ماسة ....

ماسة : بصي يالوكه ادم وساجد وزين معايا انا عارفه انك بتطمني بوجود ادم معايا ...وكمان ساجد وزين عمرهم مهيسمحو ان حد يتاذي فينا ... الموضوع صعب عشان هي اول مره لسه ... بس بنتك جامده ولله...

ملاك ضحكت غصب عنها : طب خدي بالك ياجامده ...

ماسة : مشوفتنيش النهارده ونا موقعه ادم حبيبك في الارض ...

ملاك : علي اساس انو مغلبكيش في الاخر...

ماسة : اممم بس وقعته ودا المهم مش بتقولو تعلب المخابرات هههههه اديني وقعت التعلب ونا لسه مطلعتش اول مهمه خافو مني بقا ها ...

ملاك : ههههه ماشي يابكاشة هنخاف منك ...اطلعي شوفي ابوكي  ...

ماسة قامت وباست راسها : استعنا علي الشقا بالله وخرجت لابوها ...

ملاك بدموع : ربنا يحفظكو ياولاد ...

ماسة بتفتح باب واضتها من غير مقدمات عدي هجم عليها بالبوكس بس ماسة تفادته وقالت: روق ياعدي دا انا زي بنتك ...وابتدات تتفادا كل حركاته بمهارة. .... وطبعا بتتفادا ضرباته بس متقدرش تعمل اكتر من كدا دا باباها 

عدي بعد شويه بصلها وعرف انها تقدر تتدافع عن نفسها كويس : اوعي تستقلي باي شئ حواليكي اي حاجه ممكن توصلك لمكان سري ل خزنه... ركزي قبل اي تصرف ومتثقيش في للي حواليكي بسهوله ... خلي دايما عيونك في مكان وودنك عكس المكان دا .... هقولك تاني ياهمس متستهونيش باي موقف سمعاني ...

ماسة حضنته : طيب ممكن اعرف الزعل للي في عيونك دا اي ... صدقني هرفع راسك يا سياده اللواء....

عدي حضنها : واثق من دا يابنت سيادة اللوا ...

باسل طالع و قرب منهم : سلام عليكم....

عدي وماسة : وعليكم السلام ...

باسل : عن اذنكم هدخل انام  ...

عدي : مش هتطمن علي ولدتك ... 

باسل : هشوفها الصبح لاني هلكان ...

ماسة قربت منه : وحشتني ياباسل ...عايشين مع بعض ومش عارفين نتكلم ..

باسل باس راسها : معلش غصب عني ...

عدي : مش غصب عندك دا بمزاجك...

باسل اتنهد : عن اذنك يابابا ... واتحرك....

ماسة : وبعدين يابابا يوم هنا وعشره في شقته ...ومنعزل حتي تجمعاتنا معدش بيحضرها ...

عدي : مهمتك لما ترجعي تعرفي اخوكي فيه اي بقاله شهر وتعالجيه من للي هو فيه ...انتي اخته الوحيده...

ماسة : اوعدك لما ارجع .... 

عدي باسها  : يلا تصبحي علي خير هتصحي بدري وخرج...

ماسة اتحركت علي سريرها :  يارب الصبح يجي بسرعه 

بعد الفجر 

رهف قامت اتوضت وصلت الفجر وقربت من اوضه ابوها : ياا بابا ....

راكان طلع ع صوتها  : الظابطه بتاعتنا ...

رهف بصت له  :  يا راكان انا المفروض اتحرك  ادم هيسبني ويمشي ...

راكان : باس راسها ماما قالتلي بليل خدي بالك من نفسك ياحبيبتي ...

رهف : حاضر ...  ياماما افتحييي بقااا 

( معلومه الفيلا بقت متقسمه ادوار كل عيله باولادها دور محكوم عشان يكونو براحتهم )

وائل فتح الباب : حبيبت بابا ...وباسها من خدها ...

رهف : خمس دقائق كمان وكنت هنزل من غير مسلم عليك ... كل دا 

وائل: غفلت بس شويه ...خدي بالك من نفسك يا رهف ...ريم طلعت حضنتها جامد وعيطت ورهف اضايقت لما أمها عيطت.. وباست راسها لا ياريمو متعيطيش ارجوكي  ...وفونها رن وكان آدم وبثت ليهك دا ادم لازم انزل 

راكان : يلا تعالي هنزل معاكي ...واخدها وتحرك 

رهف ركبت مع ادم وركان بص له : خلي بالك منها.. 

 

ادم هز راسه وبص لرهف : هنعدي علي ماسة ...

رهف : لا ساجد راح خدها وزين معاهم ...

ادم بضيق: تمام وطلع علي الجهاز عشان يعرفو تفاصيل المهمة...

في اوضه نور فونها رن وكانت نايمه ورن تاني نور بتذمر : الووو 

ياسين سليم : حضرتك مصحتنيش للفجر ليه ...

نور بصت للتليفون : صباح الخير ياياسين معلش ولله انا راحت عليا نومة ..

ياسين سليم : صباح الخير قومي صلي يلا الساعه خمسة...

نور ابتسمت بحب : حاضر وقفلت ....يااااة يا نور اخيرا نجحتي انك تخليه ينتظم في صلاته ... شهر بحاله بس الحمد لله النتيجه كويسه .... وقامت اتوضت وصلت ودعت ربنا يكون ياسين من نصيبها... او حتي يعترف بحبه ليهاا.... خلصت صلاة ومسكت تليفونها ... وكانت رساله من ياسين ( من واحنا صغيرين وانا متعلق بيكي كنت بقول ان انتي زي اختي او ان انا بحبك حب اخوات ... قربت منك من شهرين بالظبط بعد تخرجك من الكلية  وكانت علاقه في حدود تربيتنا حصل لي حاجات كتير حلوة بعد مادخلتي حياتي ... اهم حاجه اني بقيت بستني الاذان عشان اصلي وبقيت ملتزم اكتر من الاول وفعلا لما بقيت بصلي كل الابواب اتفتحت لقيت شغل بعيد عن الشغل للي بابا جايبهولي بمركزة ... واثبت نفسي فيه وبقي ليا مكانه كويسه ...نور انتي فعلا نعمه في حياتي ... انا ببعتلك كل الكلام دا ليه مش عارف مع انك عارفه كل دا بس عاوز اقولك حاجه .... انا بحبك ومعرفتش معني الحب غير لما حبيتك ...نور انا هكلم بابا بكرة لاني عاوز اقول للعالم كله دي سر سعادتي الفتره للي فاتت وفي اقرب وقت هدخل بيتكم لاني عارف قيمتك وفعلا مش هلاقي زوجه وام لاولادي افضل منك يا ست البنات .... بحبك وعارف انك مش هتردي عليا .. تصبحي علي السعادة...نور بتقراء كل كلمه ودموعها بتنزل مع كل كلمه .... وقامت تننطت في مكانها  وقالت : بيحبني يعني هو كمااان بيحبني عاااااااا

نور فرحتها مسيطرة عليها وخرجت البلكونه شافت سما في الجنيه بترسم مع شروق الشمس ...ولبست اسدالها ونزلت جرري 

نور : سمااااااا 

سما بخضه : يخربيت دماغك يانور رعبتيني ...

نور بصت لسما جامد ومسك دراعتها : انا بحب  ...

سما ضحكت : عارفه من فتره كان باين عليكي بس محبتش اضغط عليكي ..

نور : قالي بحبك حالا في مسدج عاااااا انا همووووت من الفرحه ...

سما فرحانه لفرحه بنت عمتها وحضنتها بسعاده : تفاصيل بقا هااا بحب التفاصيل انا ...وقعدت ونور قدمها بتتكلم بكل فرحه وقلب عاشق بجد ....

في الجهاز 

ادم عرف تفاصيل المهم و رجع لفريقه 

ماسة بحماس : هاا 

ادم  بجدية وغيظ:  رائد مختفي بقاله اسبوع كان بيراقب مجموعه من تجار الاعضاء والمفروض انه كان خلاص عرف المكان للي هيستلمو فيه مجموعه كبيرة من الاطفال المصريه للي  بتتهرب بره البلد ...فجاءه الاتصال اتمنع ومفيش اي اخبار عنو  ومش عارفين اي حاجه عنه ...

ماسة : المكان ...

ادم : تونس ..

ساجد : خطتك ..

ادم : معنديش خطه احنا هنسافر وهناك هنحكم علي الوضع ...

زين : بس كدا احنا محتاجين نجمع معلومات اكتر ...

رهف : فعلا اكيد لسه في طرف الخيط نمشي عليه ...

ساجد بتركيز : الاطفال دي اكيد بتتهرب عن طريق البحر ..

ادم  : اكيد مفيش طريقتين يا طائرة خاصة ياا عن طريق البحر ...

زين : المطلوب نقبض علي المجموعة ولا نرجع الرائد مصر ..

ادم : الاساسي نرجع الرائد ...

ماسة بتركيز: ااااادم 

يتبععععععععع

ملاك تائهه ✨🖤

بقلمي امل فتحي ✍️❤️

تعديل المقال