رواية ملاك تائهة 2(ماسة الأدم) بقلم امل فتحي الفصل السابع

رواية ملاك تائهة 2(ماسة الأدم)

رواية ملاك تائهة 2(ماسة الأدم) بقلم امل فتحي الفصل السابع

ملاك تائهه الجزء الثاني ❤️✨

الحلقه السابعه🦋✨

بقلمي أمل فتحي

لما نشوووف التفاعل عشان انا زهجت😒😒بجد يابنات التفاعل وحش اوي 

                   بسم الله نبدا.....

بعد مرور اسبوع ....

دارين اتصلت علي  ماسة : الوو ازيك يا ماسة ...

ماسة : الحمد لله كويسه انتي عامله ايه...

دارين بتنهيده : كويسه باسل عامل اي ...

ماسة : زي ماهو يا دارين ولا بياكل ولا بيشرب ولا بيتكلم ولو خرج من اوضته بيروح يزور محمود ويرجع ....

دارين بندفاع : يعني اي يعني هيفضل كدا اكيد في طريقه يخرج بيها من حزنه ...

ماسة : عملنا معاه كل المحاولات مفيش فايدة ...

دارين بتفكير :  انا جايه عندكم كمان ساعة ...

ماسة : تنوري يا حبيبتي هستناكي ... وقفلو وماسة اتنهدت بحزن واتحركت عند امها للي عيونها مش مبطله عياط ...

ملاك بصت ليها : وبعدين ياماسة قلبي واجعني اووي علي ابني الوحيد  ومش عارفه اعمل له حاجه ...

عدي قرب منهم وحاوط ملاك من اكتفها  : ربك كبير ياام باسل هتعدي ولله وهيفوق بس هو مش سهل عليه صاحب عمره يتخطف منه لازم ياخد وقته ويستوعب صدمته ويهدا عشان يعرف يواجه العالم تاني ...

ملاك بعياط : مش قادرة اشوفه كدا ياعدي ...ابني قعد شهر وصاحبه محجوز في المستشفى بسبب حادثه وكان بيتألم وهو لوحده ومحدش فينا قدر يساعده ولا حتي عرف... وللاسف ان ربنا افتكره واختارو يزين بيه جناته بردو هنسيبه يواجه الجرح دا لوحده ....بصت في عيون جوزها ...يبقي لزمتنا اي في حياته ياعدي لو سيبناه لوحده..

ماسة قامت دخلت اوضتها وقفلت الباب وعيطت جاامد علي حال امها والحزن للي في عيون  ابوها بيحاول يداريه واخوها للي شيفاه بيتألم ومش عارفه تعمل حاجه وادم للي بقا ابعد مايكون عنها ....

فيلا الرفاعي...

دارين بهدوء : سامر ...

سامر للي مستغرب هدوء اخته اليومين دول : نعم يا حبيبتي...

دارين  ابتسمت : ممكن توصلني عند ماسة ...

سامر : اكيد بس مين هيرجعك انا هكون بره ل متأخر 

دارين : هشوف بابا  اوي اي حد من العيلة متقلقش ...

سامر : طيب يلا بينا ....

ادم خارج من اوضته وشاف نور: صباح الورد ياست البنات ...

نور حضنته : صبااحك الفل عامل اي ياحبيبي ..

ادم: الحمد لله 

نور بصت له بتوتر: ...كنت عاوزك في موضوع تعالي ندخل الاوضه ...

نور لسه هتتحرك  فونها رن واخوها لمح الاسم  (ياسين) وبص لاخته للي ارتبكت وقالت: 

 جاية احكيلك..

ادم فتح الاوضه بصمت وشاور ليها تدخل وقفل الباب وقعد قصادها : سامعك..

نور بصت له وحاولت تتشجع : ادم انت طول عمرك صحبي قبل اخويا وانا هتكلم معاك زي ماتعودت ومش هخبي عنك حاجه ...

ادم ابتسم : ودا للي احنا متفقين عليه من ونتي ١٢ سنه ...

نور : الحكاية ابتدا يوم تخرجي لما ياسين ابن اونكل سليم كان موجود في الحفلة وكانت اول مرة اشوفو بعد ماسافر من خمس سنين  وانت عارف اننا واحنا صغيرين كنا مع بعض دايما. وهو سلم عليا وبارك لي ... بصت لملامح اخوها بس معرفتش تحدد بيفكر في اي ...

ادم بصلها : كملي يانوري..

نور اتشجعت : دخل بعدها كلمني عالفيس لان طبعا ايميلي معروف اتكلمنا مرة في مرة .... وبعدين طلب مني اننا نكون اصدقاء

 ..واكتشفت انو مش بيصلي او بمعني انو مش ملتزم  واتفقنا اننا دايما كل اذان اكلمه ويقوم يصلي ...وبصت لاخوها صدقني ياادم انا مغلطش ...

ادم بصلها بهدوء: وبعدين...

نور بصت له : من حوالي ١٠ ايام انا نمت وماما مصحتنيش للفجر صحيت علي رنه منو وعاتبني اني ازاي نمت ومصلتش بس هو قام صلي  وقالي قومي صلي ...ساعتها قومت صليت وكنت فرحانه جداا .. وبعدهاجاتلي  رسالة منو قال انو هيكلم بابا وانو ...اي ..يعني 

ادم بصلها: بيحبك !!

نور اتحرجت وبصت في الارض : وهو كلم بابا وبابا لحد الان مردش علية وحصل موضوع صديق باسل وهو مش عارف يعمل اي ...

ادم شاور لاختة وفتح ايدو وشدها لحضنه: بتحبية 

نور من التوتر مش عارفه تقول اي وادم قال :  ياسين كلمني وقالي انو طالب ايدك من بابا وعاوزني اتوصت له عشان يوافق وانو بيحبك  وشاريكي ومش هيلاقي زيك في الدنيا ..

نور بصت لاخوها : يعني انت كنت عارف ..

ادم بتأكيد : ياسين كلمني من يومين وعلي فكرة كلمت ماما... 

نور : ردها كان اي ...

ادم : اكيد ماما طارت من الفرحة ...بس 

نور : بس اي 

ادم : الحج وليد ...

نور : مالو بابا ..

ادم بمكر: مش عارف حاسس انو مش هيوافق...

نور بتسرع : بس لو عرف اني بحبه هيوافق ..

ادم ابتسم وباس راسها : هكلم بابا ونحدد معاهم معاد أنشأ اللله ...

نور حضنت اخوها وقبل ماتخرج بصت له : لينا قاعدة تانية اعرف فيها سبب حزن عيونك دا بس عندي عيادة لما ارجعلك ...

ادم ابتسم : مستنيكي يا دكتورتنا ...

دينا كانت متابعه الحوار من الاول وابتسمت برضا واتحركت ناحية اوضتها ودعت ربنا يسعد  اولادها ...

نور جريت علي تحت وركبت عربيتها ورنت علي ياسين : بقا انت بتروح تقول لادم من ورايا ...

ياسين أبتسم : طيب قولي صباح الخير يا حبيبي ازيك ياروحي اي حاجه كدا ..

نور بجدية : يااسين ...

ياسين بهزار : ههههه خلاص ياشويش متزقش وفضل يحكيلها علي مقابلته مع ادم واتكلمو لحد ما وصلت عيادتها ...

سامر وصل دارين لفيلا الاسيوطي  وقالها تتصل عليه لو خلص هياخدها معاه واتحرك علي جامعته ودارين دخلت سلمت علي ملاك وعدي للي اتأذن ونزل عشان طلبوه ف  شغله ...

دارين بعد شوية : عاوزه ادخل لباسل  ...

ملاك وماسة بصو لها بستغراب وهي قالت : عاوزه اتكلم معاه ممكن...

ملاك قالت : ادخلي يادارين لو هيوافق يتكلم ياريت ...

ماسة حست بأمل وقامت خدت دارين اوضه اخوها  وسابت الباب مفتوح ورجعت قعدت جمب مامتها ...

دارين دخلت شافته قاعد علي كرسيه ومرجع راسه لورا ودموعه نازله بصمت وقربت قعدت قدامها : ازيك ياباسل ...

باسل بص لها وهز راسه ومردش دارين : اي دا مش هترد عليا ..

باسل : ..........

دارين مسكت ايدو : انت ممكن تتكلم هترتاح اكتر ..تقدر تقولي السكوت ووجعك الصامت دا هيفيد بأي

باسل بص لها ومردش وهي قالت بصدق : باسل انا معاك وصدقني مستعده اسمعك في اي وقت انا مش عارفة اشوفك حزين كدا قلبي واجعني وصدقني مش عارفه ليه بس انا مش قادرة اشوفك كدا ...

باسل بص لها وكان هيتكلم بس سكت تاني هي حست ان في امل واتكلمت : احكيلي محمود عمل الحادثه ازاي احكيلي حااسس بأية..

باسل بص لها ومن غير حرف تاني رمي نفسه ف  حضنها بحتياج وعيط جامد وهي حضنته اكتر ودموعها نزلت ملاك وماسة سمعو صوت عياطه وجريو علي الاوضه بقلق بس اتصدمو لما سمعو صوت باسل المهزوز : قالي عمري ماهسيبك لوحدك قالي انت سندي الوحيد في الدنيا قالي هنكبر سوا ونبني عيله سوا مش شرط الدم واحد بس احنا الاتنين واحد ...يومها كان معايا ووصلني البيت ومشي رن عليا بعدها بخمس دقايق ....عارفه قالي اي ...

دارين بعدته  عن حضنها ومسك ايدو وهزت راسها بدموع : اي...

باسل بيضغط علي ايدها : قالي خد بالك من نفسك يا صاحبي.. انا مش هلاقي اخ زيك وقضيت معاك اجمل سنين عمري كنت كفيل تعوضني عن الاب والاخ والصحاب انا بحبك ياصاحبي....

دارين بصت له : كانت اخر مرة يكلمك ...

باسل هز راسه ب لاء : اخر مرة كانت في المستشفى فاق قالي (انت ياباسل مسمحتليش اتوجع وانهار لما خسرت كل اهلي كنت سند وضهر وقوتني وفوقتني بالله عليك ياصحبي وجعك هيأذيني  انت عارف اكتر حاجه بكرها هتوحشني ياصحبي) دخل غيبوبه بعدها وتاني يوم الصبح قالولي القاء لله 

دارين بتعيط : اي اكتر حاجه بيكرها  ..

باسل:  بيكره يشوفي زعلان او مكسور   ...  بس انا مش قادر فكره انو راح مني والمطلوب اكمل من غيرو بتقتلني ...

دارين بصت له : عارفه انو صعب ووجعك محدش هيحس بيه غيرك  بس لازم تكون اقوي من كدا حتي محمود قالك اوعي تستسلم للحزن  صدقني ياباسل الحزن هياكل من عمرك وهيوجعك ومفيش حاجه هتتغير لان امر ربنا نفذ لازم تفوق ولا هتعترض ع امر ربنا  ...

باسل :  لا طبعا مش هعترض بس مش قادر وجعي غصب عني

دراين بصت له : دموع امك للي هتموت عشانك مش وجعاك   باباك للي سمعته بيقول لبابا (انا مكسور بكسرة ابني يامازن ) مش صعبان عليك  ماسة للي تقريبا مبتعملش حاجه غير انها تعيط في اوضتها وتحاول تتكلم معاك هنا حتي الجهاز مش بتروح...وانا ياباسل انا للي الحزن مسيطر عليا لمجرد ااني  شايفه حزنك دا...وبصت به بترجي..... مش هتقدر تاخد فرصه تانيه عشانا كلنا عشان محمود يكون مرتاح وهو شايفك مرتاح ..

باسل بص لها وسكت : محمود اكيد شايفك واكيد حاسس بوجعك ووجعك دا وجعو وخد بالك كلامة ليك دا مش مجرد كلام دا يعتبر وصيه انك متستسلمش للوجع ...محمود هيفضل في قلبك وهيفضل صاحب عمرك لاكن انك تحطم عيلتك وتحطم نفسك كدا... فكر يا باسل  لو محمود موجود دلوقت وشافك في الحالة دي كان هيسمح تفضل كدا كان هيكون مرتاح ...

باسل ساكت تمام وهي حست انو كفاية كدا كلام  وقامت من جمبة : انا موجودة ومجرد اتصال هتلقيني بسمعك فوق يا باسل ارجوك ....ملاك وماسة اتحركو قبل ماتخرج ...ودارين جات تخرج بس بصت له بحزن ... انا عاوزه باسل القديم  يرجعلنا  واتحركت من قدامه....

عند سامر حضر محاضرته وخلص ونزل بسرعه لمدرج كيان لانو عارف انها هتخلص في نفس معاده وفعلا شافها خارجه من المدرج وجري عليها : كيااان

كيان: ايوا ياسامر...

سامر: ممكن اعرف ليه ..

كيان بستعباط : لية اي..

سامر: ليه مش بتردي عليا ليه بتتهربي مني من اخر كلام بينا....

كيان اتوترت : مش بتهرب ولا حاجه..

سامر : لا بتتهربي ياكيان صدقيني انا مكنتش ناوي اقول للي قولتو بس قلبي مابيتبقاش في بوقه فوله ههههه 

كيان ابتسمت بحرج ومش عارفه تعلم اي سامر حس بيها: ممكن نفطر سوا ...

كيان هزت راسها : ممكن ..واتحركو ناحية الكافتيريا وكيان اخدت رأيي سامر في كام حاجه تخص مشروعها في الكلية وسامر كان مبسوط جدا والوقت عدا بسرعه معاها وطلب منها يوصلها بس رفضت فا هو طلع تليفونه ورن علي تميم....

تميم رد : سامر ابن مازن الرفاعي بنفسه عامل اي ياحبيبي...

سامر : الحمد لله يادكتورنا انت عامل اي...

تميم: انا بخير الحمد لله ...

سامر: بقول لحضرتك انا كنت خارج من الكلية وشوفت كيان لو حضرتك معندكش اعتراض ممكن اوصلها في طريقي ...

تميم : زين كان هياخدها ياسامر بس مش مشكله انت وزين واحد  ...

سامر فهم الرساله انو بيعتبره زي ابنه وقاله : تمام يعمي وقفل وخد كيان ووصلها لحد الباب وقبل ماتنزل بص لها : كياان

كيان: نعم

سامر : بحبك... كيان خدودها احمرت وشدت شنطتها ونزلت جرري وسامر قلبه بيرقص وفرحان انو اعترف بحبه بس لازم يثبت انو بيحبها بجد وفي اقرب وقت تكون هي كيان سامر قدام الكل ...

فيلا الدالي ...

ادهم وياسين عازمين مروان وندا وهمس ومازن  علي الغدا ...

سيرين : هتغدينا اي يا مرات خالو وبتبص ل ياسمين...

ياسمين ابتسمت : مريم للي عملت الغدا النهارده لاني كنت بكشف ل يسر 

ندا بنتباه : خير ياياسمين مالها يسر ...

يارا : تعبت ياماما واحنا في المدرسة ونسيت اقول لحضرتك مغص كان شديد شوية ...

ندا : دي حاجه تتنسي يا يارا وبصت ل ياسمين بهتمام ... وقالك سببو اي 

ياسمين : قال التهاب في المعده واداها علاج ولازم تمنع الاكل من برة ..

ساجد بتدخل : دي مهملة ومش بتسمع الكلام ...

يسر بتدافع عن نفسها : اعمل اي ياناس بحب البيتزا ...

سيرين : هو حد ميحبش البيتزا ياااالهووووي متيجي نطلب اوردر

ساجد بص لهم الاتنين : بتقولها التهاب وتمنع الاكل تقولها نطلب اوردر  والمفروض انها دكتوره مش عارف ازاي خدت صيدله دي مش عارف  ...

سيرين برخامه: تحب تشوف البطاقه ولا الكارنيه .....

مريم قربت منهم : عملتلكم شويه بيتزا وكريبات انما اي اوريجينال...

يامن ضحك علي يسر للي سقفت بطفوله : هو انا قولتلك اني بحبك يا مرات عمو ...

ياسين الدالي  ضحك : بنتي بتحب اي حد يجيب لها بيتزا....

راكان ب تلقائية : دا انا كدا هفتح دكان بيتزا ...بس صوته كان واطي وللي سمعته كنزي بس

كنزي : هههههه دكان مره واحده ياابية ...

راكان هرش في راسه بحرج ومردش...

ادهم قام وبص لمروان : يلا يامروان يلا يا جماعة انا جعان....

سيرين ويسر اول اتنين جريو علي الاكل وساجد هز راسه : مفيش فايدة وقضو وقت جميل جدا وسيرين بتعاند ف ساجد 

تاني يوم الصبح ...

ملاك حطت الفطار علي السفرة وقعدت وعدي خرج من اوضته قعد جمبها وباس راسها : صباح الخير ...

ملاك : صباح الخير .....

باسل من وراهم :صباح الخير ناشفه كدا من غير حبيبي ...

ماسة كانت خارجه من اوضتها وسمعت اخوها وجريت عليه : دا صباح السعاده بقا ونطت في حضنه ...

ملاك قامت وقربت منه  : صباح الورد ياحبيب قلبي ...

باسل ببتسامه بسيط :  انا حبيب قلبك وعدي باشا اي ...

ملاك ابتسمت : انت حبيب قلبي لاكن هو قلبي اصلا. ..

باسل قاعد مكانه يفطر معاهم او يمثل انو بفطر وشاف فعلا شكل امه واخته وبابا للي الزعل غير ملامحهم وافتكر حلمه بصاحبه للي قال له : ارجع باسل صحبي ارجع باسل بتاع زمان ...وابتسم بوجع وبص لعدي ...

باسل : بابا ...

عدي : قلب ابوك ...

باسل : انا اسف علي اخر مرة اتكلمنا فيها وعلي طريقتي بس صدقني كنت مش قادر اتكلم ..

عدي ابتسم : انا للي اسف اني مقدرتش احتويك ومكنتش الاب للي انت تستاهلو ...

ماسة اتصدمت من كلام ابوها وباسل قام بسرعه باس راسه : لا يابابا انت احسن اب في الدنيا انت سندي وابويا و قدوتي اوعي تقول كدا ابدا ...

ماسة قامت حضنته هي كمان : هو في زي عدي وملاكه انتو احسن اب وام في الدنيا ربنا يبارك لنا فيكو  ...

فيلا تميم

ياسو بزعيق : مش هينفع ياكيان 

كيان بعياط : ياماما بقا ارجوكي عاوزه اروح 

ياسو : يبنتي قولت مش هينفع اسكتي الله يهديكي بقا  ...

زين تدخل : في اي صوتكم جايب اخر الفيلا ...

كيان بتسرع  : عاوزه اسافر مع صحابي يومين. ماما بتقول مش هينفع هو اي للي مش هينفع انا كدا كدا طالعه  وحجزت معاهم في الرحله وبصت ليهم واتحركت عشان تطلع بس فجاءها قلم نزل علي وشها .....

يتبع________________

ملاك تائهه ✨ 🖤

بقلمي______ أمل فتحي ✍️✨

الجزء الثاني  

انا نزلت البارت لو مفيش تفاعل مرضي هوقفها بجد ولله 

ماڤيا_الروايات

تعديل المقال