رواية ملاك تائهة 2( ماسة الأدم) بقلم امل فتحي الفصل التاسع

رواية ملاك تائهة 2(ماسة الأدم)

رواية ملاك تائهة 2(ماسة الادم) بقلم امل فتحي الفصل التاسع

الحلقة التاسعة

ملاك تائهه ✨🖤

الجزء الثاني ❤️✨

    

                       بسم لله نبدا...

في بداية يوم جديد ...

 مروان بستغراب : هي سيرين مش باينة من امبارح لية ...

ندا: مش عارفه يامروان نايمة من امبارح كل ماادخل لها القيها نايمة ...

يارا : فعلا من ساعة ما كنا عند خالتو همس وهي مش مظبوطة ...

مروان قام بقلق ودخل لبنته وشافها قاعدة علي السرير وراسها للسقف قرب منها بقلق : سيرين اي الدموع دي ...

سيرين بسرعه مسحت دموعها وقالت بصوت مهزوز : بابا صباح الخير ..

مروان : صباح النور مالك يا بنتي..

سيرين بكذب : ابدا يابابا مفيش بس جسمي واجعني شويه وخدت حقنه ونمت مش اكتر ..

مروان : طيب انتي كويسه دلوقت ..

سيرين قامت حضنته : يخراااشي علي قلبي للي قلقان عليااا حبيبي يامرواني ...

يارا من علي الباب : طيب يابتاع مرواني ماما بتقول يلا عشان الفطار ...

مروان قام شد سيرين وحط ايدو حوالين يارا واتحركو للسفرة  : ولله يايورا هي بتسمع مرواني بتتجنن...

يارا بنظرة حب : عارف يابابا بحب يورا دي اووي لان انت الوحيد للي بتقولهالي  ربنا يخليك ليا ...

مروان باسها : ويخليكي ليا ياست البنات..

سيرين بغيرة : هو في انتو الاتنين مخلاص يابابا ...

ندا ضحكت : ههههه عشان تعرفي طعم الغيرة 

سيرين بنرفزه غريبة : ومين قالك اني مدوقتهاش دي فعلا بتحرق ياامي انا اسفة علي كل مرة خليتك تحس بيها ..

ندا بصت لدموع بنتها للي لمعت : انتي مفكرة في يوم اني بغير علي مروان منكو ... ياهبلة دا انتو حتي مني ومنه بس انا بحب انغشك ... وبعدين قوليلي دوقتيها  د علي مين هي سيرين هانم وقعت ولا اي ...

سيرين : ابدا ياماما بنتك مبتقعش يلا بقا عشان جعانه ...وقعدت تاكل او تمثل انها بتاكل 

__________________*________________

ماسة بتعيط جامد وملاك واقفه علي باب اوضتها وسامعة عياط بنتها ومش عارفه تعمل حاجه او اي سبب دموعها دي بس قربت منها وماسة اول ماشافتها جريت حضنتها وعيطت اكتر :  ياماااامي قلبي واجعني اوي 

ملاك مستغربه : ماسة للي بتعيط دي ماسة ملكه الجليد.. معقولة 

 ماسة بشهقات : اخد مني سلسلتي يا ماما..

ملاك بصت علي رقبه بنتها وعرفت ان قصدها علي ادم  : ياماسة ادم عمل كل حاجه عشانك ودلوقت لما بعد زعلانه ليه انتي للي ضيعتيه 

ماسه بصريخ: ضعيته ؟!!! انا  عملت كدا عشااان محسسنيش اني هكون بنته قبل  مراته وام عيالو وانا كنت عاوزه اكون حبيبته وبنته قبل مراتة خوفت ياماما خوفت مقدرش علي تملكو ليا كنت عاوزة حبو يتخطي تملكه وغيرته كنت  محتجاه يطمني ياماما ويقولي اني هكون بنته قبل اي حاجه كنت عوازه يقدر يتخطي ملكة الجليد للي قولتي عليها ...انا عاوزاه  يخترق كل الاسوار للي جوايا واحس اني معاه مقدرش اخبي حاجه ..ادم كل كلامه دي مرات ادم دي ملكي دي بتاعتي ... لا انا عاوزه اكون حتة منه مش حتة ملكو ياماما انتي فهمااني .. انا كنت  لوحدي و باسل كان بيتعذب قدامي ونا مش قادرة اعمل له حاجه كنت محتاجه حد جمبي يطمني ان اخويا هيعديها باسل بعد عني الفتره دي وانا حسيت اني تايهه بجد وجعو كان واجعني وكنت حاسة اني متكتفه كنت مستنيه منو اتصال واحد بس يقولي متخافيش او اطمني انا جمبك ...بس هو كان مع باسل وبيطمنه ويكلمه وبيطمنك دايما ...وانا وانا فيييين عشان قولتلو مش عوزاك يبقي حتي واجعي ميهموش واخرتها ياخد سلسله عمري مني ياماما مش عاوزه منه غير سلسلتي بس ارجوووكي خليه يرجعهالي ..

ملاك بصت لبنتها وشدتها لحضنها ومش عارفه تقول اي لان ادم مرضيش يكلمها خوفا من جرحها له كالعادة وكان بيطمن عليها دايما من ملاك ويقولها خليكي جمبها عشان وجع باسل هيوجعها ياخالتو ... بس ماسة مش هتبين ...

_________________*_________________

ساجد في اوضته بيفكر في للي خطفه قلبه وبيفتكر ضحكتها ويضحك وبعدين يكشر وكل شوية ملامحه تتغير حسب الموقف للي بيفتكرو  ياسمين قربت منو : هي مين بقا للي تستحق السرحان دا كلو ..

ساجد ببروده المعتاد  : هي مين ياامي ..

ياسمين ببتسامه غيظ : عارف لو طول شهور الحمل فيك بقول يارب يكون شكل اخويا عدي مش هتطلع تؤامه كدا ...اه ولله..

ساجد ابتسم لأنها دايم تقول انو شبة خالو عدي : عايزه اي يا ماما ...

ياسمين اتدايقت : عاوزه اعرف مين واخده قلبك يا ساجد عاوزه افرح بيك يانور عيني ليه تخبي الحب ...محدش مننا خبي حبو خد بالك ليضيع منك بسبب برودك ياقلب امك ...

ياسين الدالي: متعدش غلطه ابوك يا ساجد انا كنت هضيع مامتك مني زمان بسبب اني كنت بكابر في حبي مفوقتش غير لما غيرها طلب ايدها قدامي وصدقني شعور عمرك ماهتنسها ألحق للي عيونك بتلمع لما بتفكر فيها دي لان دا حب حقيقي يابني ...

ساجد : بس ..

ياسمين حست ان في امل ان ابنها يتكلم : بس اي ياحبيبي...

ساجد خد نفس طويل: للي عيوني بتلمع لما بفكر فيها دي مش هننفع نكون سوا ...انا اه قلبي دق ليها بس حياتنا هتكون صعبة ...

ياسين استغرب : لية يابني ...

ياسمين قاطعته بتوتر: من العيلة ياساجد ...

ساجد: من العيلة ياامي ..

ياسمين قلبها دق بخوووف : ماسة ؟

ساجد  : ا....

يسر دخلت مستعجلة : حد يوصلني عشان اتاخرت جدا ..

باسل قام : هوصلها وهروح مشوار وخد اختو وخرج ...

ياسمين: تبقي مصيبه لو ساجد يقصد ماسة يا ياسين 

ياسين: لا يابنتي بطلي الوسواس دا ...

ياسمين : كان لازم نقول حاجه زي دي قدامهم من زمان ...

___________________*_______________

نور في العيادة والممرضه دخلت : كشف مستعجل يا دكتورة...

نور : تمام ي منة دخلي  ... ونور سمعت صوت الباب وقالت من غير ما تبص  اتفضلي اقعدي 

ياسين : ينفع اتفضل اقعد ..

نور قلبها دق : ياسين ..

ياسين ببتسامه رفع ذنطه الاكل: جيبت فطار وقولت نفطر سوا قبل ما اروح الشركة ...

نور : شكلك مش هتجيبها البر افرض ادم او بابا جم دلوقت ...

ياسين بصلها : الباب مفتوح و بنفطر فطار برئ..

نور ضحكت برقه : متأكد انو برئ...

ياسين ضحك : يعني نص نص ...وحشتيني يانواره قلبي ...

نور اتكسفت وغيرت الكلام : جايب فطار اي ...

ياسين : سندوتشان فول وطعمية زي ما حضرتك بتحبي...

نور : هههههه شكرا يا حبيبي ...

ياسين: تأمري ياقلب حبيبك ...وفطرو وبعدها ياسين استاذن عشان الشركه وعشان تكمل شغلها هي كمان...

__________________*________________

دارين نازله من اوضتها وشافت سامر في الليفنج ماسك موبيلة كل شوية يبص فيه وقالت برخامه: كوكي متصلتش ولا اي

سامر بصلها بغيظ : كوكي مين يابت ...

دارين : كياانك يا نمس انت ...

سامر تنح : انتي عرفتي منين ...

دارين : سر المهنه بقا معلش المهم احكي لاختك مش هقول لحد ..

سامر ضربها علي قفاها : امشي يابت قال مش هقول لحد دا انا هلقيها علي شبكه اخبار اليوم ..

دارين : هي كدا طيب .. وبعدت عنه شويه ...ياااااماااااماااااا يابااااباااا ابنك بيحب ياااماماااا 

سامر حط ايدو علي بوقها وبيعضها : مش عارف عملت اي وحش  ربنا بيعاقبني بيكي ...

دارين بتبعدو عنها : يااااميزووووو سمعة العيلة  ياميزووووو ..

راكان ورهف نزلو وسما واسر نزلو : في اي يازفته علي الصبح ...

دارين: تعالي حوشيني يابتاع المخابرات بدل مانتي مش نافعه في حاجه غير النوم كدا ...

رهف قعدت  : اقولك ياسامر اقطعلها لسانه دا... وخلصنا ...

راكان : ونا رائي من رائ  اختي  خلينا نخلص بقا من زن كل يوم دا ...

دارين شافت سامر بيقرب منها تاني : عاااااا هتسمع كلام ولاد ريم ووائل وتبيع اختك ياسااامر خلاص ولله مش هقول انك بتحب ك....

سامر ضربها : يا بت اتكتمي ياااااااخرابيييي...

دارين شدت شنطتها : سيبهاااااكو يمكن ترتاحو ياعالم يارخمه ...وجريت ..

سما ضحكت : هههههه مجنونه بس ولله عثل...

رهف : ماهو ابوكي عبد الرحمن وابوها السبب في المعاناه دي كان فيها اي لو كانو هاديين لا وللي مستغرابة ان انتي واسر ولاد عمو عبد الرحمن بجد ازاي الهدوء دا اولاده ...

عبدالرحمن من وراها : كمالة بخت يابنتي حظي القليل ...

مازن ضحك : الحمد لله بنتي حبيبتي طلعالي ...

همس : هي دارين طلعالك بعقل دي تشكيلة ب ليڤل اعلي ...

مروة : هههههه بس ولله بتعمل حس للفيلا همس..

ريم : رهف بنتي بقا وجودها بقي زي عدمة محدش بيشوفها اوضتها اولي بيها دايما ..

راكان: هي كدا بتكون مرتاحة ياماما سيبها براحتها ...

رهف حضنته : قلب رهف انت يا ريكو ...توأمي ياناس ...

اسر ابتسم : طيب يلا يا ريكو عشان ابوك  وعمو وليد سبقو علي الشركه وهيعلقونا 

_________________*_________________

بعد شويه كتيرررر قدام كلية داريين خارجه من الباب ولمحت باسل واقف بعيد شوية وابتسمتها وسعت وهو شافها شافتو كان هيتحرك بالعربية بس هي شاورت له وجريت ناحيته : باسل باشا ابن عدي باشا اخو ماسة باشا ههههههه ...

باسل  ابتسم وهي كملت : جاي هنا لمين 

باسل : لا ابدا دا انا كنت معدي وشوفتك بتشاورى ..

دارين كشرت : هنبداءها كذب بقا ...

باسل هز راسة : بصراحة كنت حابب اشوفك  حاسس اني عاوز اتكلم معاكي...

دارين ابتسامة تلقائياا اترسمت علي وشها : امتي هترجع باسل الفرفوش  ...

باسل بصلها وعيونه فيها حزن : مش عارف إذا كنت هرجع ولا لاء ... انا جرحي كبير يادارين..

دارين : ها نداوي جرحك سوا ...اكيد مش هعوض مكان محمود بس انا جمبك اعتبرني مكانة وقت متعوز تشتكي اشتكي عاوز اي حاجه انا موجودة ...

باسل بحزن  : وهشكي لمين حبي ليكي يادارين ... هو كان دايما يقولي قولها ياباسل قولها انك بتحبها ونا كنت خايف تكون مشاعر من اتجاه واحد ... 

دارين دموعها اتجمعت : عمرها ماكانت من اتجاة واحد يا باسل ... انت عارف ان يوم المستشفى انا كنت وراك قصد مش صدفة .. كنت عاوزه اعرف اي للي غير باسل كدا لية اكتر واحد بيشاركني جناني يبقي كأيب وشايل هموم وموجوع كنت عاوزه اعرف حقيقه وجعك ...

باسل بص لها كتير وهي مش عارفه تتكلم اكتر من كدا ولغه العيون كانت سيدة الموقف...

بعد هدوء قاطعة باسل بتردد :  انا عاوزك جمبي ..

دارين عاوزه تنتطت من الفرحة : ونا في كل الأوقات أقرب منك ليك  ...  

باسل : هتستحملي باسل للي موجود حاليا ..

دارين بصت له : سيبك من باسل دا لان دا مؤقت وباسل الحقيقي هيرجعلي ... هتستحمل انت دارين بكل جنانها ...

باسل : دا انا اكتر حاجه بحبها بهجتك في اي مكان تكوني فية ... 

دارين بصت له وحاولت تغير الكلام لان دقات قلبها بقت مسموعة : هتوصلني ولا انزل ..

باسل : لا هوصلك اكيد واتحرك بالعربيه... في صمت بين الاتنين ودارين مبتسمة وسرحانة في الطريق وباسل مراقب ابتسامتها للي بتأكد له ان لسة في فرحة هتدخل حياتة بعد ما خسر اعز اصحابة ...

_________________*_________________

فيلا تميم...

ياسو : صباح الخير..

كيان بصت للارض وزين بص لامة : صباح النور ..

كيان قربت من مامتها : انا اسفة عارفة ان طريقتي كانت غلط وان اسلوبي كان وحش يامامي بس انا اسفة ارجوكي متزعليش مني..

زين بص لمامتها : اعتذرت بليل وكنا جايين بس تقريبا كنتو نامتوا..

ياسو : فعلا طلعت لقيت بباك نايم ونمت مرديتش اصحية ...

كيان باست أيدها: ممكن تكلميني ياماما ولله غلطة مش هتتكرر تاني..

ياسو بصت ليها: ماشي ياكيان بس شوفي باباكي عشان زعلان جدا ...

كيان : هو فووق دلوقت..

ياسو بتوهان  : لا نزل من بدري قال وراه مشوار مهم ...

كيان : خلاص لما يجي هعتذرله او هروح له المستشفي ...

زين : استني لما يجي احسن ...يلا هنزل انا عندي مشوار واتحرك ...

__________________*________________

ملاك قاعدة في الليفنج بتفكر تتكلم مع ادم ماهو يعتبر ابنها وبعدين تتراجع ومش عارفه تاخد قرار ... وفونها رن ...

ملاك ردت: اذيك يادودو   ... 

دينا : الحقيني ياملاك بنتي راحت مني ...ملاك قعدت مكانها ونفسها ضاق ...وقالت نور لاء..

نور بضحكة : يااخالتووو عشان هتجوز بتقول روحت منها والحقيها ...مش هي للي كانت عاوزه تجوزني ...

ملاك مش عارفه تستجمع أعصابها: حرام عليكي يا دينا وقعتي قلبي ...

دينا بستغراب: اي يابنتي القلق للي انتي معيشه نفسك في دا ...ملاك اطلعي من الحزن للي سيطر عليكي دا ...

ملاك غيرت الكلام : الف مبروك يانور ياسين هيجي خلاص ..

دينا : لا وللله يعني طلعت عارفة ...

نور قامت جري من مكانها : سوري يا دودو دي ملاك بردو...خالتو دي...

دينا : ماشي يابتاع خالتو انا ربنا يخليلي ماسة هي فين ياملاك صحيح ...

ملاك بتفكير  : دينا تعالي اتعشو  معانا النهارده..

دينا : مش عارفه يا ملاك هشوف وليد..

نور من علي الباب : جااين ياخالتو بس اعمليلي كيك فراولة بليييز ...

ملاك ابتسمت : عيوني حاضر هستناكو وقفلت 

__________________*________________

نور عيونها دمعت : لا ياسين لايمكن يعمل كدا انتو اكيد بتهزرو .... ولله مستحيل يعمل كدا .... لا قلبي مش هيصدق مستحيل...

عبدالرحمن شدها لحضنه : معلش ياحبيبه خالو ...

نور : لا ياخالو مش ياسين للي يعمل كدا وللة صدقني ....

وليد : الموضوع يتقفل يا نووور...

نور بعتراض : لا يابابي اعذرني مش هيتقفل ...

مترميش لايك وتجري كام كومنت ولايك ياقمر عشان التفاعل ياحبيابي 💙💙💙💙✨

#ماسة_الادم

#ملاك_تائهه

#ماڤيا_الروايات 

يتبع.................. .

بقلمي امل فتحي ✍️❤️

تعديل المقال