الفصل الخامس
دخلت قدر «وَجْد» الشركه وهي في قمة غضبها واول مادخلت الكل وقف احترام للمديرة والكل كان ملاحز غضبها لدرجة انهم خافو هما عارفين ان المديره غضبها وحش اتجهت قدر«وَجْد» لمكتبها)
چيچي السكرتيره اول ماشفتها بخوف: استر يارب
قدر بعصبية: تعالي ورايا يا چيچي
چيچي بقلق وخوف: ح...حاضر
(دخلت قدر وقاعده علي مكتبها وچيچي دخلت)
چيچي بخوف: ايوة يا مدام قدر
قدر بعصبية: ممكن اعرف الشركه دي اسمها ايه
چيچي بخوف: شركة الإمبراطورة
قدر بعصبية: عارفه يعني شركة الإمبراطورة يعني شركة بقالها 7سنين محصلش فيها غلطة وامبارح كان في Meeting مهم وحضرتك مشيتي ممكن اعرف ليه سبتي الدنيا هنا ومشيتي
چيچي بدموع: والله يامدام كان غصبن عني اختي كلمتني وقالتلي انها تعبانه جدا هي مريضة رابو عشان كدا مشيت من غير تفكير انا اسفه جدا
قدر وحست قد ايه هي قاسيه اتكلمت بكل اسف: متتاسفيش يا چيچي انا اللي اسفه انا اللي غلط واتعصبت عليكي انا بس مضايقه شويه وطلعت كل ضيقتي فيكي متزعليش منى
چيچي بدموع: لا يامدام حضرتك مينفعش تتاسفي
قدر بسخرية:ومينفعش اتاسف ليه يعني ياست چيچي كنت السفيرة عزيزة ولا الاميرة ديانا
چيچي بضحك: حضرتك احسن منهم
قدر بابتسامه بسيطه: سيبك مني...اختك عامله ايه
چيچي بحزن: الحمدلله بس الربو تاعبها امبارح تعبت ملقتش البخاخة بتاعتها تعبت اكتر عشان كدا كلمتي عقبال ماروحت لها كانت روحها راحت
قدر: انشاء الله تتحسن هي عندها قد ايه
چيچي بابتسامه: 15سنه
قدر: وانت ازاي تسيبيها لوحدها في السن ده
چيچي: هعمل ايه يعني يامدام اكل العيش بقي
قدر: طب اديني عنوانك
چيچي باستغراب: عنواني انا؟
قدر بتأكيد: ايوة
چيچي: ليه؟!
قدر بنظرة تحذير: انا قولت العنوان
چيچي بخوف من نظرتها: حاضر عنواني(......)
قدر: تمام بكرا الصبح هتلاقي داده جتلك وهتقعد مع اختك طول فطرة غيابك عن البيت
چيچي: لا يامدام انا متشكره لحضرتك بس...
قاطعتها قدر: انا قولت اللي عندي واعتبريه اعتذار ويلا روحي شوفي شغلك
چيچي: بس يامدا....
قدر: يلا يا چيچي علي شغلك بدال مالداده تقعد معاكي انت واختك، مش اختك لوحدها
چيچي بابتسامه وشكر: شكرا يامدام شكرا اووي
(چيچي خرجت و قدر قعدت تراجع الملفات اللي قدامها لحد ماصدمها حاجه مكتوبة في الملف)
قدر بصدمه: ايه...شركة الملك قصاد شركة دويدار في مناقصة الشركه بتاعتي...طب دلوقتي لو...شركة الملك كسبت المناقصة هاا(ثم تابعت بابتسامه انتصار) هايجي لحد عندي وانا اللي كنت هاتعب نفسي جت لي جاهز.
چيچي خبطت ودخلت: مدام قدر
قدر: ممم خير يا چيچي
چيچي: حضرتك..سيف مهران ومعاه شريكه برا
قدر ببعض الخوف: سيف مهران صاحب شركات الملك
چيچي بايماء: ايوة يا مدام
قدر بتوتر ومازالت تظهر القوة: ربع ساعه وداخليه
چيچي بتعجب: انا اسفه لكن محدش في الدنيا وقف قدام الملك حضرتك هتزنبيه حضرتك متاكده
قدر بنبرة حادة وهدؤ : واضح انك مسمعتيش كويس انا قولت ربع ساعه ويدخل وانا اقف قدامه وقدام 100من امثاله ولو كان هو الملك فانا الإمبراطوره فاهمه ولا تحبي افهمك
چيچي بخوف: أمرك يا هانم بعد اذنك
(چيچي خرجت واتكلمت مع سيف)
چيچي: انا اسفه يافندم لكن المدام بتبلغ حضرتك انها مشغوله استني ربع ساعه وبعدين حضرتك تقدر تدخلها اتفضل استريح اجيب لحضرتك قهوه
سيف بعصبية: يعني ايه استني هي مش عارفه هي بتتعامل مع مين ولا ايه
سمير: اهدي ياسيف اهدي
سيف بعصبية: يعني ايه اهدي هي مش عارفه انا مين ولا ايه
چيچي بخوف: حضرتك ممكن تهدي هي مشغوله ومبتحبش حد يقاطها عن حاجه هي بتعملها هتخلص ربع ساعه وبعها اتفضل ادخلها
سمير بهمس: اهدي ياسيف واعقل وخلينا نستنى احنا الصفقه دي مهمة اووي بالنسبه لنا
سيف بضيق: ماشي اما نشوف اخرتها
(قدر قاعده بتسترجع اسوء فترة في حياتها دموعها خانتها ونزلت دمعه مسحتها فورا)
قدر بقسوة: ده مش وقت اني اضعف مش هاجي بعد ماوصلت لنص الطريق اضعف انا قعد سنين بخطط للقاعدة دي واديه جه.
(اسجمعت قدر قوتها وامرت چيچي تدخلهم)
چيچي: اتفضل يافندم المدام بانتظاركم
(سيف وسمير دخلو لقوها مدياهم ضهرها سيف بص لسمير بمعني "ايه ده" وبعدها قاعدو)
سيف بضيق وجدية: سيف مهران طبعا غني عن التعريف والكل عارفني
قدر بابتسامه فهو لن يتغير: ممم
سيف بضيق شديد: وده سمير شريكي
قدر: ممم
سمير ويحاول يغير الاجواء: طبعا حضرتك عارفه احنا جايين ليه
قدر بابتسامه: ممم
سيف ويحاول التحكم في اعصابه: هو حضرتك هتفضلي مديانا ضهرك كتير هو حضرتك متعرفيش انت بتتعاملي مع مين ولا ايه
(قدر وقد لفت والصدمه حلت علي سيف وسمير الاتنين قامو وقفو من الصدمه وهي كمان وقفت)
قدر بتعالي: لأ طبعا اعرف سيف مهران صاحب شركات الملك
سيف بصدمه: وَجْد؟
قدر وتحاول ان لا تغضب: قدر...قدر الاسواني صاحبت شريكات الإمبراطوره
سمير بصدمه: انت مدام قدر الاسواني
قدر و وجهت نظرها لسمير: ازيك ياسمير تصدق و تؤمن بالله كأني سيباك امبارح
سيف ومازال في صدمته: انا مش فاهم حاجه
قدر: انا في رأي نشوف شغلنا عشان انا مش فاضيه
(قدر قاعدة وسمير قعد وبيحاول يفهم وسيف فضل واقف مصدوم زي ماهو)
قدر بخبث: ماتقعد يا استاذ سيف ولاااا لسه مصدوم ومش قادر تستوعب
(سيف قعد وبعدها فاق من صدمته واتكلم بجد)
سيف بجدية: ممكن افهم في ايه يا وَجْد
قدر بانفعال: انا قولت قدر جرا ايه يا استاذ سيف هي الودان مش سامعه ولا دماغك اللي رافضه الفهم، وبعدين يلا نبدأ شغل عشان مش فاضيه
سمير بجدية: طبعا يامدام وَ...قدر حضرتك عارفه احنا جايين ليه واحنا يشرفنا الشغل مع حضرتك
قدر: الشرف ليا يا استاذ سمير زي مانت لبق في كلامك وشغلك طبعا عكس شريك
(سيف فضل باصص ليها ومش بيتكلم)
قدر بجدية: انا في رأي نخلص احنا ونسيب شريكك ساكت زي ماهو طبعا ده مش جديد على اخلاقك دايما بتصلح وراه وبتصلح منه
سمير بحزن: سيف ممكن تركز معانا
سيف ونظره علي قدر: معاكم يلا نبدأ
(بدأو يتناقشو في امور الشغل وكان جوا كل واحد فيهم حاجه «قدر» اللي مبسوطه انها وصلت لمرادها وانه مصدوم جامد من وجودها بعد كل السنين دي و«سيف» اللي مصدوم وبيحاول يفهم ايه حكايه اسم قدر ده وجابت القوة دي منين و«سمير» اللي كان مصدوم وفرحان وحزين في نفس الوقت فرحان ان حب عمره قدامه بعد السنين دي كلها وحزين لانه اتعذب في بعدها وكان بيتمني يشوفها ولو لدقيقة ومصدوم انها قاعده قدام سيف بكل قوة وفي عيونها بصت قسوة رغم كل اللي عمله فيها وانها مش خايفه منه بعد وقت من الزمن خلصو شغل وقدر رجعت ضهرها لورا واتكلمت)
قدر بجدية: مبدأيا العرض كويس اووي لكن ادوني وقت افكر في العرض ده واول ماقرر هخلي چيچي تكلمكم تبلغكم بقراري
سيف بسخريه: انت هتهزري انت يكون ليكي الشرف انك تتعاملي مع شركة الملكواصلا مفيشة مجال للتفكير لان ده عرض ميترفضش
قدر ببرود و وجهت كلامها لسمير: شرفتني يا استاذ سمير كان نفسي اقولك اقعد اشرب قهوه لكن الشغل اخد كل وقتنا وانا حاليا ورايا شغل
سمير بتفاجئ من ردة فعلها: الشرف لينا يا هانم، يلا ياسيف
سيف بسخريه: وياترا هتبلاغينا بقرار سيتك امتي
قدر وقامت وقفت بتعالي واتكلمت ببرود: وقت ماقرر هايجيلك ردي و وقتها حضرتك تشرفني تاني عشان نمضي العقود
سيف بضيق: لاااا حضرتك فاهمه غلط انت اللي هتشرفيني في شركتي اذن انت عرفاها
قدر بجدية: عرفاها طبعا لكن(سندت ايديها علي المكتب وطلعت بجسمها قدام وتابعت) والله هما بيقولو انك انت اللي محتاجني عشان تغطي علي خسارتك للصفقة اللي فاتت اللي كانت شركة الملك داخله فيها قصاد شركة الإمبراطورة اللي هي شركتي عشان كدا حضرتك جتلي وبدام انت اللي محتاجني يبقي انت اللي تيجي مش انا اللي اروحلك (استقامت في وقفتها وتابعت) شرفتني وفرصه سعيده تقدر تتفضل مع السلامه.
سيف بغضب: انت فاكرة نفسك اييه ها ده ان...
قاطعه سمير: يلا يا سيف بلاش مشاكل
قدر قاعدة وحطت رجل علي رجل وابتسمت بخبث وقالت ببرود: اسمع كلام صاحبك طول عمره انصح منك وبيفهم عنك؛ اتشرفنا يا استاذ سمير مع السلامه واتمنى اننا نتقابل تاني
(سيف خرج وهو يستشيط خضبا وسمير خلفه بسرعه و فور خروجهم قدر ضحكت بانتصار)
قدر بكره: انا هخليك تندم على اليوم اللي قولتلي فيه بحبك انا لحد دلوقتي لسة فكراه وكل مافتكر اقرف منك ومن نفسي بس معلش العين بالعين والسن بالسن والبادي اظلم.
ــــــــــــــــــــــــــــــــــــــــــــــــــــــــــــــــــــــــــــــــــ
flash back...
(منذ عشر سنوات)
(وَجْد قاعده في اوضتها بتفكر في اللي حصل في المكتب وابتسمت بحب وبعدها لقت تليفونا بيرن وكان رقم غريب بصت باستغراب واتردد في انها ترد ولا لأ التليفون رن وفصل كتير وبعدها ردت )
وَجْد: السلام عليكم
: مبترديش من اول مره ليه
وَجْد: افندم مين حضرتك
: معقول مش عارفه صوتي
وَجْد بضيق: لأ معرفش وقول انت مين ياما هقفل
: شرسة حتى في التليفون
وَجْد بضيق شديد قفلت السكة: ناس متربتش منك لله ياشيخ قطعت لي اللحظه (كملت بحب) ياترا كان قصده ايه باللي قاله ده معقول يكون بيحبني زي مانا مابحبه (دق قلبها بشدة في هذه اللحظة)
لأ لأ...لأ لأ لأ لأ ده واحد بتاع بنات هايحبني انا بس انا بحبه هما اه شهرين لكن حبيته فيهم ولما قررت اسيب الشغل عشان انا كرامتي فوق كل شئ يارب يكون بيحبني زي مانا بحبه يارب
(التليفون رن تاني وهي بصت بضيق لقت نفس الرقم اتعصبت جامد جدا مسكت التليفون وردت)
وَجْد بعصبيه:جرا ايه يا حيليتها متلم نفسك ياجدع انت بدام معلمك الادب هي ناقصه استزراف امك علي المساء يا راجل يا....
:باااااااااااااس ايه راديو واشتغل اهدي انا سيف
وَجْد بصدمه:سيف مين؟
سيف بخبث:سيف مهران ايه انت لحقتي تنسيني
وَجْد بخوف:انا اسفه جدا جدا معرفتش حضرتك لكن حضرتك فضلت تستزرف...يامصبتي ايه اللي انا بقولو ده انا اسفه اووي I'm sorry I am very very sorry .
سيف بضحك: ايه مالك خلاص مفيش حاجه (تابع بجدية) المهم كنت عاوزك في موضوع مهم
وَجْد: أنا؟
سيف بخبث: ايوة انت
وَجْد: بس انا قدمت استقالتي
سيف: الموضوع ملوش علاقه بالشغل
وَجْد: امال ليه علاقه بأيه
سيف: بيكي انتي
وَجْد باستغراب: بيا انا؟...موضوع ايه ده
سيف: مينفعش في التليفون لازم نتقابل
وَجْد: اااااه قول بقي كدا لا بقي يا باشا ياتخلص دلوقتي ياما هقفل واعمل بلوك وابقي شوف هتكلمني ازاي
سيف: هاجيلك بيتك سهله
وَجْد بعصبيه: هي هربت منك ولا انت اتجننت هي جنينة عشان تيجي كل شويه
سيف ببرود:مانت لو كنتي قبلتي عشاء العمل مكناش بنتكلم كدا دلوقتي
وَجْد بضيق:انا قولت كده باردو انا قولت ان ده مش عشاء عمل ابدا كنت حاسه انجز عاوز ايه
سيف:بكرا الساعه ثمانية بليل هتلاقي الباب بيخبط في دادة هتقعد مع اختك وهبعتلك عنوان تقابليني فيه الدادة تدخل انت تنزلي فهمتي ولا لأ
وَجْد بعصبيه:لا مفهمتش ومش عاوزة افهم انت اتجننت هو انا امينة ياسي السيد هقولك حاضر من غير اى حاجه ماتقول ياعم انت عاوزني ليه
سيف ببرود:لما اشوفك هاقولك وبلاش كلام كتيير وهاتيجي عشان لو ماجيتيش هخلي حنين تحضر العشاء ايه رأيك هتزعقي ومش هاتيجي ولا ايه
وَجْد بخوف:انت مابتصدق ولا ايه ده انا كنت بضحك معاك بكرا تلاقيني عندك
سيف بضحك:شوفتي جبتي ورا ازاي هبعتلك العنوان في Message يلا سلام.
(سيف قفل و وَجْد بصت بضيق علي التليفون)
وَجْد:يابن المضايقه هضر اقبلك بكرا يابن المضايقه عاوزني في ايه ده مش كفايه اني متلخبطه بسبب اللي حصل في المكتب هقابله ازاى ده انا انام واسيبها علي ربنا
(تاني يوم الصبح)
حنين: صباح الورد يا اجمل وَجْد
وَجْد:صباح الياسمين يا اجمل حنين
حنين بمرح:الله على الشعر الله
وَجْد بابتسامه:ممكن تفطري عشان عوزاكي في موضوع مهم يا حنوني
حنين:خير يارب في ايه واوعي تقوليلي انك هاتلغي خروجه انهارده ده انهارده الجمعه خروجتي انهارده يا وَجْد اوعي تلغيها اشتكيكي لمحكمة الاسرة و اقوله مش بتخرجني ياحضرة القاضي
وَجْد: هو فعلاً بخصوص الخروجه بتاعتك حصل حاجه كدا (تنهدت وَجْد وحكت لها مكالمت سيف)
حنين: وانت هتروحي
وَجْد: مضرة
حنين: لا انت مش مضرة متروحيش
وَجْد: هايعملي ايه يعني ياحنين
حنين: هو انا مش قولتلك انه...
قاطعتها وَجْد: مش عاوزة اسمع كلام من ده بصراحه طول الشهرين اللي اشتغلتهم معاه مشوفتش منه حاجه وحشه
حنين بشك:وَجْد انت حبتيه
وَجْد بارتباك: ايه اللي انت بتقوليه ده انت اتهبلتي
حنين بغمزة وخبث: قولي قولي متتكسفيش
وَجْد بارتباك وكسوف: يوووه بقي انت بتجيبي الكلام ده منين ماقولنا لا ياستي الله
حنين: خدودك فضحتك ياست البنات
وَجْد: كلي يابت وانت ساكته
حنين بمرح: حاضر هسكت مقولتليش هتلبسي ايه
وَجْد: معرفش؛وبعدين هو انا رايحه فرح هلبس اي حاجه انا مش رايحه فرح انا
حنين: انت مش قولتي المكان شكله حلو اكيد مش هتروحي بكاجول قومي ننقي
وَجْد:ننقي ايه افطري الاول
حنين: ياختي شبعت، قومي يلا؛ بس خليكي فاكره اني مقلقة منه ومش مرتاحه له ابدا
وَجْد بابتسامه: متقلقيش
حنين بقلق: ربنا يستر؛ يلا قومي
وَجْد بابتسامه: يلااا
(حنين و وَجْد قامو يختارو وحنين اختارت فستان وَجْد رفضت و حنين زنت عليه و وفقت فضلو يناقرو في بعض طول اليوم جه بليل و وَجْد قامت لبست الفستان وخرجت لحنين وعجب حنين جامد

حنين باعجب:تحفة عليكي
وَجْد بضيق:بصراحه بقي مش داخل دماغي ماكنت لبست اي حاجه وخلاص
حنين بهزار:ياعيني علي بختي وبختك ياما وخبتك السودا في اختك يا حنين هو انت رايحه تقابلي اي حد يا خيبة الرجا انت،انت رايحه تقابلي سيف مهران عارفه يعني ايه سيف مهران ولا مانتش عارفه طول عمرك فقريه ياخربيت فقرك.
وَجْد بصدمه من كلامها:انت بتكلميني انا كدا يا بت انت طب ايه رأيك بقي مش عملالك كيكه شيكولاته عشان تتعلمي الادب.
حنين بهزار وترجي: خلاص ياشق ونبي انا اسفه ياكبيرة بس اصلك عصبتني
(الباب خبط و وَجْد راحت فتحت لقت بنت في الثلاثين من عمرها موجوده ومبتسمه)
:حضرتك انسة وَجْد
وَجْد بابتسامه:ايوه انا حضرتك مين
: انا مني الداده اللي باعتها سيف بيه والعربية مستنية تحت
وَجْد باستغراب: عربية؟
مني: ايوه العربية اللي جابتني سيف بيه قالي اقولك انك هتنزلي تركبي العربية اللي تحت
حنين بصوت عالي ومرح: لاعبة معاك ياعم
وَجْد بضحك: طب خلي بالك منها يا مني
مني: في عنيا
(وَجْد نزلت ركبت العربية وكانت خايفه اووي وضربات قلبها سريعه جدا عشان عارفه كويس انه مش سهل لكن كانت فرحان انها هتشوفو وصلت المكان اللي كان في الرساله نزلت ودخلت لقت المكان فاضي ومتزين بطريقه حلوة ابتسمت لان المكان كان حلو بمعني الكلمه وكان في واحد بيعزف انبهرت جامد وبعدها لقت سيف)

سيف بابتسامه جزابة: مساء الخير
وَجْد بابتسامه بسيطه: مساء النور
سيف: اتفضلي
(سيف سحب الكرسي عشان تقعد وبعدها هو قعد)
سيف: حلو الفستان
وَجْد بابتسامه: دي حنين اللي اسرت عليا عشان البسه
سيف بتساول: وهي حنين عارفه انك معايا؟
وَجْد بجدية: أنا مش بخبي عن حنين حاجه وبعدين انت قولتلي انك عاوزني في موضوع مهم
سيف بابتسامه: داخله حامية اووي بس تعجبيني دقايق واقولك انا عاوزك في ايه
(سيف شاور للي بيعزف يمشي وشاور للجارسون يجيب الاكل الجارسون قدم الاكل ومشي)
وَجْد: انا مش عاوزة اكل حاجه ياريت تقولي انت عاوزني في ايه
سيف: شكلك كدا هتبوظي الدنيا بتسرعك ده
وَجْد: تعرف حاجه اكتر حاجه بكرها في حياتي هي المقدمات بتبقي عامله زي نظام علي الهادي يا زبادي انما انا ماشيه بمثل حلاوتها في حماوتها يعني قول انت عاوز ايه ولخص
سيف باستغراب: قلبتي في ثانيه ايه كل ده علي العموم ياستي انا هدخل في الموضوع على طول تعالي نقف علي البحر شويه
وَجْد بخوف: بحر ايه؟
سيف: مالمكان بيطل علي البحر يلا تعالي
(سيف اخد وَجْد وخرجو وقفو علي البحر)
سيف بابتسامه: بصي بقي انا هاجي معاكي علي طول وهقولك انا عاوزك في ايه عشان انت شكلك مقلقة مني وانا مش عاوز كدا
وَجْد: اتفضل يا سيف بيه
سيف: اولا مش عاوز كلمه سيف بيه دي انا سيف وبس ثانيا بقي (سيف بص في عيونها كتير بعدها اتنهد جامد واخيرا نطق): وَجْد
وَجْد: ممم
سيف بحب: انا بحبك ❤
وَجْد بصدمه: ها؟
سيف بابتسامه: بقولك بحبك ويوم مازعقتلك كان عشان يوميها كنت هقولك الكلام ده لكن انت رفضي لكن اديكي قدامي وبقولك انا بحبك
وَجْد بتوتر و وشها احمر: انا...انا...انا...انا مش عارفه اقول ايه...بس...انا...اااا
سيف بضحك: طب والله بحبك وانت مكسوفه كدا
وَجْد حطت وشها في الاورض من الكسوف: بس بقا انا مكسوفه لوحدي وانت عمال تكسفني اكتر
سيف رفع وشها: طب ها وانت
وَجْد بتوتر: انا ايه؟
سيف: الجميل ايه وضعه من نحيتي
وَجْد بكسوف: احم انا اتاخرت
سيف: ده انت بتتهربي بقي انا مش هامشي من هنا غير لما اسمعها انشاء الله نبات للصبح هسمعها
وَجْد بتوتر: ماهو مش عارفه اقولها ازاى
سيف: مش صعبه قوليها يلا
وَجْد بتوتر: انا...انااا...ان...انا بحبك اكتر بكتير بس مكنتش بباين
سيف: انا بقي مش بحبك انا بعشقك ده انت العشق بتاعي
وَجْد بدموع: انا مش مصدقه نفسي
سيف بابتسامه: لا صدقي يا عشقي وحبي وكل ماليا في الدنيا دي كلها
وَجْد بفرحه: بس بقي انا مش قادره اصدق
سيف طلع علبة فيها خاتم فتح العلبة وقال: تتجوزينى يا وَجْد تتجوزيني ياعشقي.
وَجْد بفرحه: انا مش قادره اصدق...موافقه
(سيف لبسها الخاتم جه يحضنها بعدت بسرعة)
وَجْد بفرحه:تؤتؤ لما نتجوز
سيف بابتسامه:ياستي ماشي احنا هنتجوز الشهر الجاي اصلا
وَجْد بصدمه:انت بتهزر شهر ازاي
سيف:تصدقي صح فعلاً مايصحش المفروض يبقي الاسبوع الجاي احسن
وَجْد بصدمه:مش هينفع يا سيف اسبوع ازااي طب واختي هعمل ايه
سيف:مفيش نقاش الشهر الجاي واختك هتعيش معانا فى الڤلي بتاعتنا وانا مش عاوز منك غير انك تضحكي ومتعيطيش ابدا ممكن
وَجْد بتفكير: بس ااا...
سيف: مبسش انا قولت كلمه وخلاص (كمل بحب) اسمعي اللي هقولو ده وحطيه في دماغك كويس اووي انتي حبي وعشقي وحياتي وكل حاجه ليا في الدنيا دي انت ليا لوحدي انت ملكي...ملكي انا وبس وعمرك ماهتكوني لحد غير.
وَجْد بحب:وانا مش عاوزة ابقي لحد غير
سيف بحب:بحبك يا عشقي
وَجْد بابتسامه: وانا كمان بحبك
ــــــــــــــــــــــــــــــــــــــــــــــــــــــــــــــــــــــــــــــــــ
Buck...
(في قصر قدر الاسواني قدر قاعدة في التراس ودموعها نازلة في صمت وهي مسحتها بسرعه)
قدر بكسرة: اليوم ده كانت اول مره تقولي فيها بحبك واول مره احس بالامان...وانا جمبك لكن انت عملت ايه ضحكت عليا وكسرتني(تابعت بقسوة) بس وحياة ابني اللي معنديش اغلي منه اني هطلع كل حاجه عملتها فيا عليك وعلى اهلك ياسيف يامهران بس الصبر...الصبر حلو..اهدي..اتقل..اتكيف..تاخد حاجه نضيفه كل ماتقل عليك اكتر كل مالحساب هايتقل اكتر انت قولتلي انت ملكي وعمرك ماهتكوني لحد غيري وانا بقول دلوقتي حياتك ملكي وعمر ماحد هيدمرها غيري يا سيف وبكرا تشوف.
(وهي بتفكر كريم جه وهو بيجري ويضحك)
كريم بضحك: مااامي مامي
قدر بابتسامه: ايه ياقلب مامي
كريم: قاعده لوحدك بتعملي ايه
قدر: مفيش ياحبيبي انت عاوز ايه وبتجري ليه كده
كريم: اول ماعرفت انك جيتي جيت علي طول انت وحشتيني اوى اوى يا مامي
قدر بحنيه: وانت كمان وحشتني ياقلب مامي، تيجي نطلع ننام مع بعض ولا مش عاوز تنام في حضن مامي
كريم بفرحه: يلاااا
(قدر شالت كريم وطلعت بيه اوضتها واخدته في حضنها وغنت بصوت هادي جداً)
قدر بغني وحنية: سيد الحبايب يا ضنايا إنت
و كل أملى و منايا إنت
سيد الحبايب يا ضنايا إنت
و كل أملى و منايا إنت
يا أحلى غنوة فى دنيا حلوة
يا أحلى غنوة فى دنيا حلوة
غنت و قالت معايا إنت
سيد الحبايب يا ضنايا إنت
من إبتسامك ومن كلامك
فرحة عينيا
قلبى بياخدنى و إنت فى حضنى
و يلف بيا
تقول يا ماما يا قلب ماما
تقول يا ماما يا قلب ماما
ما أشبعش عمرى م الكلمة ديا
ما أشبعش عمرى م الكلمة ديا
سيد الحبايب يا ضنايا إنت
و إن غبت عنى يا حتة منى
روحى تناديلك
و بنسى همى ساعة ما أسمى
عليك و أشيلك
لو يحرمونى من نور عيونى
مطرح ما تبقى أشوف و أجيلك
مطرح ما تبقى أشوف و أجيلك
سيد الحبايب يا ضنايا إنت
(قدر بصت علي كريم لقته نام حضنته جامد)
قدر بنوم وحنية: محدش مصبرني علي اللي انا فيه ده غيرك انت ياقلب ماما انا من غيرك اموت انت اللي مديني امل في الدنيا دي ومخليني قادرة اكمل.
(باست كريم من جبينه وفضلت تلعبله في شعره ونامت وهو في حضنها ومن جواها بتدعي ربنا يديمه ليها وتنتقم من سيف مهران ويبعده عن ابنها)
ــــــــــــــــــــــــــــــــــــــــــــــــــــــــــــــــــــــــــــــــــ