رواية عشق وانتقام قدر
الفصل الأول
في منطقة راقيه نلاقي بنوته في الثاني وعشرين من عمرها شعرها طويل واسود بشرتها بيضاء متوسطة الطول عيونها عسلي اقل مايقال عنها انها جميلة تحب الكل تملك سحر خاص يجعل الكل يحبها تحب الحياة وتؤمن بالحب وشها يبان عليه البراءة ودايما تبتسم هذه هي بطلة قصتنا «وَجْد»اسم غريب ولكن وَجْد معناه الحب الذي يتبعه حزن ولكن هل سيكون قدرها مثل اسمها فل نرا مذا تخبئ لها الايام.
ـــــــــــــــــــــــــــــــــــــــــــــــــــــــــــــــ
وَجْد قاعده في غرفتها علي مكتبها سرحانه وبتفكر في حاجه قطع تفكرها دخول اختها «حنين» وهي اصغر من وَجْد بخمس سنوات حنين بنت جميلة شعرها قصير بني عيونها لون البحر بيضاء البشرة.
ـــــــــــــــــــــــــــــــــــــــــــــــــــــــــــــــ
حنين بمرح: ياترا الجميل سرحان في ايه
وَجْد بابتسامه: ولا حاجه يا قلبي
حنين بمشاكسة: امممم عليا انا باردو اعترفي الانكار مش هايفيدك
وَجْد بضحك: ههههه والله يا حضرت الضابط بريئه مكنتش بفكر في حاجه
حنين بضحك: عفونا عنكي هههههه
وَجْد: سايبه مذاكرتك وجاية ليه يا غلاباوية
حنين: جيت اشوفك اتقبلتي في الوظيفة ولا لأ
وَجْد بابتسامه كلها حزن: للاسف المره دي كمان لأ
حنين: ولا يهمك بكرا تلاقي ولو اني مش عارفه انت عاوزة الشغل في ايه ما معاش بابا مكفينا والحمدلله
وَجْد: لا طبعاً معاش بابا مش مكفي المعاش يادوبك بيكفينا لنص الشهر بالعافيه وبعدين دروسك وجامعتي ومصاريف الكتب والكورسات ومصاريف البيت والمواصلات كل ده مش في بالك
حنين بحزن علي حال اختها: حبيبتي انت من يوم ما بابا وماما اتوفو وانت مش مخلياني محتاجه حاجه واحنا كدا مبسوطين والحمد الله بلاش تتعبي نفسك
وَجْد: حنين احنا مش اتكلمنا في الموضوع ده قبل كدا وقولنا اني مبعملش معاكي حاجه تستاهل اللي انت بتقوليه ده انتي اختي وبعتبرك بنتي اوعي اسمع منك الكلام ده تاني وبعدين ياستي انا عندي بكرا انترفيو في شركة اسمها الملك للاستيراد والتصدير وانشاء الله اقبل
حنين بصدمه: شركه الملك للاستيراد والتصدير مرة واحده يخربيتك انتي عرفتي توصلي لمكانها ازاي
وَجْد بتعجب: يعني ايه مش فاهمه
حنين: ياهبلة متعرفيش ان الشركه دي من اكبر الشركات في الوطن العربي محدش بيدخلها بسهولة ومديرها الملك «سيف مهران» اوسم واجمل وانجح مدير والكل بيعمله هيبة والف حساب رغم انه مش كبير في السن وكمان رغم ان بيتقال عنه انه نسوانجي وبتاع بنات الا انه ناجح في شغله ومحدش يقدر يكسرله كلمه وكل خبر يطلع عليه يطلع يكدبه.
وَجْد بدهشه: وانت عرفتي كل ده منين يخربيت دماغك
حنين: من السوشيال ميديا طبعا انا بتابع الاخبار أول باول المهم سيبك مني عرفتي عنوانها منين
وَجْد: مفيش من الجرنال في طلب سكرتيره لرئيس مجلس الاداره مكدبتش خبر اتصلت واخد معاد والميعاد بكرا الساعه 7الصبح
حنين: وهاتروحي؟
وَجْد: امال انا اخد معاد بمناسبة إيه يعني!
حنين: لا متروحيش انا خايفه عليكي انا لسة بقولك النااس بتقول علي المدير ايه وانت رايحه تبقي سكرتيرته لا متروحيش
وَجْد بابتسامه علي خوف اختها حطت ايديها علي وشها وقالت: ياحبيبتي هايعملي ايه يعني متخافيش انا لو لقيت حصل منه اي تصرف هسيب الشغل علي طول وبعدين مش لما اتقبل الاول انت بتسبقي الاحداث ليه
حنين: افرضي اتقبلتي بقي
وَجْد: يبقي الحمدلله خير وبركه وبعدين انت مش بتقولي انه بيكدب اي خبر يطلع عنه يبقي ياذكية منافسين ليه اللي مطلعنها
حنين: يمكن علي العموم هنشوف بكرا ايه اللي هيحصل
وَجْد: انشاء الله يلا ادخلي ذاكري عشان عقبال ماحضر الغداء
حنين: حاضر ياست البنات هدخل اهو
وَجْد: هو انت مش هتبطلي ست البنات اللي انت مسكهالي دي علي كل حال ادخلي يلا وبلاش غلابة
حنين بدلع: اوك ياسي السيد انت الخسران
(حنين مشيت و وَجْد فضلت تضحك علي حراكتها وسابتها ودخلت تحضر الغدا وبتدعي ربنا تتقبل في الشغل بكرا عشان وضعهم يتحسن)
ـــــــــــــــــــــــــــــــــــــــــــــــــــــــــــــــــــــــــــــ
فيمكتب رئيس مجلس ادارة شركات الملك يجلس شاب في الثلاثين من عمره علي مكتب رئيس مجلس الاداره يتابع احد الاوراق حتي فتح الباب ودلف منه
سمير:ايه يا كينج ايه الاخبار
سيف بغضب:مفيش باب تخبط عليه يازفت انت
سمير بمرح:اوبااا سيف باشا مش في المود
( سيف مهران الملقب بالملك طويل جدا وبشرته بيضه وعيونه رمادى من الاخر هو وسيم جدا جدا )
سيف بتحزير:سمييير في ايه اتظبت احسن لك
( سمير الاسيوطي صديق سيف المقرب معاه في كل حاجه سمير طويل قمحي عيونه بني وسيم جدا ودايما بيحاول يصلح من سيف)
سمير:خلاص ياملك بهزر بس قولي مالك مش في المود ليه
سيف بضيق:انت نزلت اعلان السكرتيره ولا لا اللي برا دي عمال اعدل وراها وده مش نظام شغل.
سمير:اولاً انا نزلت الاعلان وفي كتير جايين بكرا ثانيا وانت ايه اللي مخليك مستحملها مانت ممكن تمشيها عادي جدا
سيف بخبث:لا ما هي...هتمشي بس لما السكرتيره الجديده تيجي.
سمير:اوعي تكووووون اااااا......
سيف بخبث:ايووووه اللي في دماغك
سمير بضيق:مينفعش كده يا سيف دي عاشر سكرتيرة تعمل معاها كدا انت لحد امتي هتفضل كده يابني وبعدين مش معني انك ناجح في شغلك انك تلعب ببنات النااس لو مش عشان الشركه و الناس ومنظرك عشان حرام فاهم يعني ايه حرام ولا مش عارف.
سيف ببرود:اهدي شويه ياسمير في ايه وبعدين مفيش واحده بتيجي غصبن عنها كلهم برضاهم وكله بالفلوس و والله دول متربوش كويس وانا بديهم درس وبصراحه انا بموت وادي دروس.
سمير بضيق: انا ماشي
سيف:مع السلامه ياخويا
ـــــــــــــــــــــــــــــــــــــــــــــــــــــــــــــــــــــــــــــ
وفي المساء الساعه12منتصف الليل في احد العمارات داخل شقه نجد الملك ومعه الشقراء ويفعلون ما حرمه الله وبعد فترة قام سيف ودلف اللي الحمام لياخذ شاور وخرج وجدها نائمة في السرير مبتسمه ابتسامه انتصار ابتسم سيف بسخريه عليها هل تظن انها علي الملك نظر لها باستحقار ثم اتجه نحو الدولاب واخرج منه مبلغ وقدره 20الف جنيه والقاهم في وجهها وقال
سيف:مكافئةنهايةالخدمة
سمر بصدمه:ايه...ايه اللي بتقولو ده يعني ايه مكافئةنهاية الخدمة
سيف بابتسامه خبيثه: ايه مش كل حاجه وليها مكافئة نهايةالخدمة وانت وقتك خلص معايا معدش ليكي شغل عندي ولا معايا تقدري تقومي تمشي
سمر ببكاء وصراخ:يعني انت كنت بتلعب بيا انت مستحيل تكون بانيادم انت حيواااااان
صفعها سيف بقوة:لا لسانك يطول اقطعهولك وبعدين كل حاجه حصلت كانت برضاكي وبعدين هو انت اي حد يقولك هايتجوزك وتعالي شوفي بيت الزوجيه تصدقيه علي فكره انت تستاهلي كل اللي حصل عشان تتعلمي الدرس كويس وانك متثقيش في حد.
سمر ببكاء:ليه انا عملتلك ايه ليييييه
سيف ببرود:ليه مزاجي كدا عملتي ايه كان باين عليكي انك بتلفي عليا واللي ماخديش بالك منه اني سبتك تصدقي نفسك وان انت اللي جبتيني بس اللي متعرافيهوش ان انا اللي جبت وبعدين بقولك ايه مش طلعتي بقرشين حلوين يبقي خلاص خلصين اتفضلي قومي امشي متقلبيش دماغي ومشوفش وشك بكرا في الشركه
سمر بكره:انا هفضحك هبلغ عنك
سيف ببرود وابتسامه:وماله بس قبل ماتفضحيني عاوز افرجك علي حاجه
(سيف طلع لاب توب وحط فلاشة وشغلها وكانت الصدمه انه مصور كل اللي حصل بينهم كانوع من انواع التهديد كانت تنظر بصدمه وبكاء)
سيف:ها ايه رأيك تحبي تفضحيني ولا غيرتي رايك
سمر:انت ازاي تعمل حاجه زي دي
سيف:تحبي الفيديو ده يتنشر في الشركة كلها وقبل مايتنشر هايكون وش واحد تاني غيري في الفيديو بكل بساطة الفوتوشوب هايحل كل ده اعقلي عشان انت مش قدي كانو اللي قبلك قدرو يقفو قصادي يلا تراقيني.
ــــــــــــــــــــــــــــــــــــــــــــــــــــــــــــــــــــــــــــ
*في منزل وَجْد*
وَجْد:يلا ادخلي نامي عشان قدامنا بكرا يوم طويل
حنين:حاااااضر ياست البنات انت هتنامي ولا هتفضلي قاعده
وَجْد:لا انا هنام عشان الانترفيو الصبح يلا ادخلي نامي بقي وحسك عينك ادخل عليكي الاقيكي ماسكه الموبايل
حنين:حاضر يا ابلة الناظرة المهم هتعملي ايه في كُليتك والشغل
وَجْد: قدمت علي طلب اني اروح على الامتحانات و وافقولي عليه
حنين:ربنا معاكي يارب لو قبلتي كلميني عرفيني
وَجْد:حاضر يا غلاباوية ممكن بقي تدخلي تنامي
حنين:اوك تصبحي علي خير
وَجْد:وانت من اهل الخير ياقلبي
دخلت حنين اوضتها ونامت و وَجْد كمان دخلت لكن فضلت قلقانه لتترفض في الشغل صلت فرضها ودعت ربنا كتير انها تتقبل قاعده وقت طويل بتفكر في كلام اختها عن المدير زهقت وقالت
وَجْد:الله بقي طب انا لو اتقبلت وطلع فعلاً مش كويس هعمل ايه اينعم انا متربية علي القوة والشجاعة بس انا محتاجه الشغل ده يوووووه انا تاعبة نفسي ليه مايمكن ماتقبلش اصلا انا انام احسن وابطل تفكير.
(نامت وَجْد و بداخلها بعض القلق والخوف من ان لا تقبل في العمل ولكنها قالت غداً افضل تري ماذا يخبئ لها القدر ماذا سايحدث مع هذه المسكينه)
ـــــــــــــــــــــــــــــــــــــــــــــــــــــــــــــــــــــــــــــــ
الفصل الثاني
في اليوم التاني صحيت وَجْد بنشاط وصحت اختها ودخلت حضرت الفطار وبعدها دخلت تلبس لبست بلوزة من اللون النبيتي، وبنطلون جينز وجزمة كعب عالي من نفس اللون البلوزة...
بصت لنفسها في المراية، وحطت حجابها وصلت فرضها وخرجت فطرت مع اختها....علي السفرة
وَجْد: افطري كويس ويلا بسرعه عشان اللحق اوصلك وبعدها اروح على الشركه
حنين: حاضر ياست البنات ها تحبي اسمعلك القوانين اللي بتيدهالي كل يوم
وَجْد بابتسامه: ايووووه يلا سمعي
حنين بزهق: اخد بالي من نفسي ماتكلمش مع بنات شكلها مش مظبوط اخد بالي من الطرحه عشان ماتتزحلقش تقع اركز مع المدرسين ومخرجش غير لما تيجي تاخديني واااااا اه مطلعش التليفون في الحصة عشان متعلقش من الأخصائيه.
وَجْد بضحك: شطووووورة احبك وانت مطيعه يلا قومي يلا عشان منتاخرش
حنين: يلا يا انسة مامي
(وَجْد و حنين نزلو اخدو تاكسي وَجْد وصلت حنين المدرسه وبعدها راحت علي الشركه وهي قلقانه)
ــــــــــــــــــــــــــــــــــــــــــــــــــــــــــــــــــــــــــــــــ
* في شركه الملك *
(دخل سيف وسط همسات الموظفين البنات عن جماله و وسامته لكن هو مداش ليهم اهتمام طلع على مكتبه ودخل لقي سمير قاعد بضيق مستنيه)
سيف: صباح الخير
سمير بتكشيرة: صباح النور؛ ده ملف الصفقه الجديدة في ميتينج بعد ساعتين.
سيف: طيب تمام بس مالك شكلك مضايق هو في حاجه حصلت في الشغل او معاك ولا ايه
سمير: سمر ماجتش انهارده
سيف بلامبالا: طيب اعملها ايه وهي مضيقاك ليه
سمير بضيق: سيف متستهبلش انت فاهم كويس انا بتكلم عن ايه ارحم نفسك وارحم بنات النااس بقي ياخي مش عشان اي خبر بيطلع بتكذبه ومحدش بيعرف يقولك بم حتى يبقي تعمل اللي انت بتعملو ده انا هفضل لحد امتي افهم فيك.
سيف ببرود: اهدي اهدي مالك دخلت فيا شمال كدا ليه وبعدين هو انت مبتزهقش من الاسطوانه دي ده انا حفظتها ياخي ارحم نفسك بقي
سمير بعصبيه مكتومه: ياخي انت بتجيب البرود ده منين انت عارف اللي انت بتعمله ده اسمه ايه اسمه زنا وشكلك نسيت قول الله تعالى {وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا}ونسيت كمان قوله تعالى {وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ} صدق الله العظيم؛ انت ايه مبتخفش ربنا افتكر ان في ربنا ياخي انت ايه حيوان مبتحسش.
سيف انفعل ورزع المكتب بايده وقام وقف وبزعيق: وانت مالك انت اعمل اللي اعمله هو انا اللي هتحاسب ولا انت انا لوحدي اللي مسؤل عن تصرفاتي لو سمحت ياسمير متخليش حاجه تأثر علي صداقتنا ويلا اتفضل روح شوف شغلك عشان عاوز اهدي يلا اتفضل.
سمير جه يمشي سيف وقفه: استني...متزعلش بس انا كذا مرة اقولك ان طريقتك دي بتعصبني
سمير: لاااا ولا يهمك انا اتعودت علي كده
سيف: ياخي خلاص بقي متزعلش حقك عليا ده صحبي واخويا يا سماسيمو
سمير بضحك: انت لسه فاكر سماسيمو دي ياخي ابوس ايدك بلاش الكلمه دي ده انت فضحتني في الجامعه بكرهك كل مافتكر
سيف: ايوه كده اضحك؛ يلا روح قول كريم موظف Hr ان بعد مايخلص ملفات البنات اللي جايه للوظيفة مايمشيش ولا واحده ويبعتلي ملفاتهم كلهم علي مكتبي هنا مفهوم
سمير بتفاجئ: اشمعني يعني اول مره تعملها
سيف: معدش بثق في قراراته من جهة السكرتيرات كل مره بسابها عليه المرة دي عاوز انا اللي اخلص الموضوع ده واهو بالمرة نختار واحده تمام عشان سي سماسيمو مايزعلش مننا
سمير: تمام ماشي يلا سلام
ـــــــــــــــــــــــــــــــــــــــــــــــــــــــــــــــــــــــــــــــــ
(وَجْد وصلت الشركه في ماعدها واتفاجئت بالبنات وطريقه لبسهم والمكياج السارخ اللي هما حاطينو)
وَجْد في نفسها: اووووف واضح كدا اني مش مقبوله من البدايه من غير Interview ولا نيلة
(الساعه جت 8ونص و وَجْد لسة مستانية تدخل لكن كان في بنات كتير فضلت مستانيةو بعدها تليفونها رن لقت حنين بتتصل ردت عليها)
وَجْد: هو انا مش قولتلك متتصليش عليا
حنين: حبيت اشوفك عملتي ايه
وَجْد: لسة مدخلتش في بنات كتيرة اووي وشكلي كدا مش هتقبل من غير Interview ولا زفت
حنين بضحك: ليه ياختي انشاء الله
وَجْد بهمس: ده ايه يابنتي البنات دي موزز ياخربيتهم بس ايه ولا حجاب ولا لبس محتشم وحطين مكياج اوڤر اووي
حنين بضحك: امال انت عوزاهم يجو عملين ازاي في شركه حلوة زي دي لازم يبقو كدا
وَجْد: ربنا يسترها معايا بقي واتقبل
حنين: انشاء آلَلَهّ تتقبلي يلا انا هقفل بقي عشان المستر دخل يلا سلام
وَجْد: سلام ياقلبي
(وَجْد قفلت مع حنين والساعه بقت 9ونص و وَجْد دخلت عملت مقابلة الشغل وفاهموها انا هتستني شويه لحد مارئيس مجلس الادارة يشوف السي ڤي بتاعها و وقتها هو هايقرر قعدت وفضلت تدعي كتير انها تتقبل لكن وهي بتدعي لقت بنت بتكلمها البنت كان شعرها احمر وعيونها خضره وجميلة جدا لدرجه ان وَجْد اعجبت بشكلها)
البنت 1:انت خريجه ايه
وَجْد: لا انا في اخر سنه في كلية Alsun
البنت2:وانت هتشتغلي ازاي وانت بتدرسي
وَجْد: لا ماهو انا مش بروح غير علي الامتحانات اصل انا كنت شغال قبل كده في شركه (...)
البنت1:وسيبتي الشغل فيها ليه
وَجْد: عشان كان فيها موظف مش تمام كان بيتطاول عليا ومرة حاول التهجم عليا هو انطرد وانا قدمت استقالتي مستحملتش كلام الموظفين.
البنت2بغيرة: وانت هتشتغلي هنا بشكلك ده
وَجْد بعدم فهم: كدا ازاي يعني مش فاهمه
البنت1بحقد: قصدها يعني بالطرحه دي
وَجْد بتعجب: مالها الطرحه!؟
البنت1: يعني لازم تقلاعيها هتشتغلي في شركه كبيره زي دي وبشكلها ده بالطرحه
وَجْد بقوه: والله انا لو هشتغل هنا وقبلت هتقبل عشان السي ڤي بتاعي مش عشان شكلي ولو الشغل هايجبرني اني اقلع الطرحه فانا مش عاوزة الشغل عن اذنكم هاروح toilet
(وَجْد راحت toiletوهي بتلعن في البنتين وكانت متعصبه جداً وهي خاربة وفي طريقها خبطت في شخص وقفت بحرج شديد)
وَجْد بحرج: انا اسفه جدا مكنتش اقصد
سيف بنظرة اعجاب ومتكلمش و وَجْد اتحرجت من نظراته ليها وشها احمر جامد جت تمشي مسك ايدها و وقفها: استني هنا
وَجْد سحبت ايدها بسرعه: لو سمحت متمسكش ايدي كدا
سيف بابتسامه جذابه: مش قصدي لكن انا اول مره اشوفك هنا هو انت جايه هنا لحد
وَجْد بابتسامه خفيفه: لا انا جايه تبع طلب وظيفة السكرتيرة.
سيف بخبث: بس شكلك مضايق جداً
وَجْد بطريقه طفولية: البنات اللي معايا جايين يقدمو فورو دمي وشكلي كدا مش هتقبل.
سيف بضحك علي طريقتها الطفوليه: ومش هتتقبلي ليه والبنات دي فورت دمك ليه
وَجْد بنفس الطريق: قال ايه هتشتغلي وانت بالطرحه دي لازم تقلاعيها عشان تتقبلي انت مش عارفه انت فين ولا ايه وهما مالهم مش احسن منهم كل واحده فيهم لابسه ومش لابسة في نفس الوقت زي مايكونو جايين يتشقطو مش يعملو Interview .
سيف بضحك: هههههههههه لا متقلقيش الحجاب ملوش علاقه بالشغل مش شرط يعني.
وَجْد بفرحه وابتسامه: بجد ربنا يطمن قلبك يلا انا اسفه مرة تانيه عن اذنك.
(وَجْد مشيت و سيف فضل يبص عليها بخبث واعجاب شديد فكر في فكره وطلع علي مكتبه وامر ان ملفات البنات تروحلو مكتبه دخل مكتبه فتح السي ڤي بتاع وَجْد وابتسم بخبث وباتصال أمر ان وَجْد ترحلو علي مكتبه عدت دقايق علي وَجْد وكأنها ساعات لحد ماسمعت اسمها انها تروح مكتب رئيس مجلس الادارة اتفاجئت طلعت وهي خايفه خبطت علي الباب سمعت الأذن بالدخول دخلت واتفاجئت باللي قاعد علي المكتب انه نفس الشخص اللي خبطت فيه من شويه بلعت ريقها بصعوبه وقربت)
سيف وعيونه في الورق اللي قدامه: وَجْد غزال محمد طعيمه
وَجْد بتوتر: ااايوه يفندم
سيف ومزال عيونه في الورق: امم لسة بتدرسي لكن انا قدامي انك اشتغلتي قبل كدا واخدي شهادة خبره وقدامي كمان شهادات لغات ممكن اسمع منك مؤهلاتك وسبب سيبانك للشغل اللي قبل كدا.
وَجْد بتوتر: احم حضرت اناا في اخر سنه من College Alsun وبتكلمEinglish وFrench و Italian احم وكنت شغاله في شركه (...) لكن سبت الشغل لاسباب شخصية مش هقدر اقولها.
نظر لها سيف باعجاب: يعني عندك22سنه وبتتكلمي لغات كويسه جدا وبتدرسي وبتشتغلي في نفس الوقت براڤوو عليكي.
وَجْد: م... ميرسي
سيف بخبث: بس انا ملاحظ انك متوترة
وَجْد بتوتر شديد: ااااا.... أبداً ح...حضرتك مش متوترة ولا حاجه.
سيف بابتسامه خبيثه: تمام....اتمنى ان لو انشاء الله اتقبلتي الدراسه متاثرش علي شغلك
وَجْد بتاكيد: لا حضرتك مش هتاثر ابدا انا باكد لحضرتك علي كدا
سيف بابتسامه: تمام مبروك تقدري تبدأي شغل من بكرا
وَجْد بفرحه: بجد؟!
سيف بضحك علي شكلها: ايوة بجد بكرا الساعه 6تكوني هنا مستلمه الشغل
وَجْد بابتسامه: شكرا لحضرتك
(قامت مسكت السي ڤي بتاعها وجت تمشي صوته وقفها)
سيف بخبث: متقلقيش الحجاب ملوش علاقه بالشغل مش شرط
وَجْد بتوتر واحراج: انا اسفه والله بس اللي مايعرفك يجهلك آسفة علي طريقة كلامي مع حضرتك.
سيف بابتسامه خبيثه: واديكي عرفتي
وَجْد و وشها بقي أحمر: احم بعد ازن حضرتك
سيف بابتسامه خبيثه: اتفضلي
(وَجْد مشيت وكانت مكسوفه وفرحانه في نفس الوقت انها اتقبلت في الشغل لكن يشاء القدر انها تخبط في سمير وملفها وقع علي الارض سمير وطي جابهولها وبعدها بصلها واعجب بيها)
وَجْد باحراج: يووووه انا اسفه والله مش قصدي انا مش عارفه مالي عماله اخبط في الكل انهارده
سمير بابتسامه: ولا يهمك هو انت شغاله هنا
وَجْد: لسة هستلم بكرا
سمير وابتسامته اختفت: سكرتيرة سيف باشا
وَجْد بابتسامه: ايوة عن اذنك وانا اسفه مره ثانيه
(وَجْد مشيت وسمير فكر فيها وانها حرام تقع في فخ سيف فكر كتير بعدها قرر يتكلم مع سيف)
سمير: ايه يا كينج ايه اخبار الصفقه
سيف بفخر: كالعادة رسيت علينا
سمير: طيب تمااام
سيف بشك: شكلك عاوز تقول حاجه قول واخلص
سمير بجدية: قابلت السكرتيرة الجديده وانا داخل
سيف: اتكلمت معاها
سمير: خبط فيها وسالتها هي مين قالتلي انها هتبتدي شغل من بكرا
سيف: خلاص ماشي ايه المشكله
سمير: المشكله اني طالب منك طلب
سيف باستغراب: اطلب
سمير: انا لاحظت ان البنت مش استايلك حجاب واحترام ومقفول وده مش استايلك فياريت متلعبش عليها لعبتك الحقيرة اللي بتلعبها مع اي سكرتيرة جديد تسمح ولا الطلب كبير.
سيف بضحك: ايه هو سماسيمو وقع ولا ايه
سمير: مش موضوع وقت موضوع ان البنت باين عليها غلبانه وكويسه فبلاش تعمل معاها حاجه من فضلك تسمح.
سيف بخبث: خلاص تمام مش هقربلها المهم بعد الشغل هنتعشي مع بعض تمام
سمير بابتسامه: ولو اني مش واثق فيك لكن تمام
ـــــــــــــــــــــــــــــــــــــــــــــــــــــــــــــــــــــــــــــــــ
(وَجْد راحت لاختها المدرسه عشان تاخدها خرجت حنين من المدرسه بمرح وراحت عند وَجْد)
حنين بمرح: اوووووو وَجْد هانم بتضحك يبقي الصنارة غمزت واتقبلت في الشغل صح
وَجْد بضحك: ايوة يا غلاباوية
حنين: طب ها احكيلي كل حاجه
وَجْد: هحكيلك في الشارع تعالي ناخد تاكسي نروح ونغير ونتغدي وتذاكري بعدين ابقي احكيلك.
حنين: قشطه يلا نروح
ــــــــــــــــــــــــــــــــــــــــــــــــــــــــــــــــــــــــــــــــــ
* مساء في بيت وَجْد *
حنين: يابنت الايه اتكلمتي معاه كدا ياهبلة
وَجْد: اه والله كنت في نص هدومي
حنين: اوعي يكون عملك حاجه
وَجْد: لا خالص كان ذوق جدا معايا واضح كدا ان الكلام اللي بيتقال عليه كله غلط
حنين: ونبي يمكن المهم انك اتقبلتي
وَجْد: ده اهم حاجه هبدأ شغل بكره والساعه 6ابسطي ياستي هواديكي في معادك مظبوط
حنين: انا مش عارفه انت بتخافي عليا من ايه حتي الفتره اللي كنتي بدوري فيها على شغل كنتي بتوديني متأخره ساعة وتاخدي اذن والله العظيم انا مش عيلة انا كبيره
وَجْد بضحك: مهما كبرتي هتفضلي عيلة في نظري يلا ادخلي نامى هنصحي بدري
حنين: حاضر تصبحي علي خير
وَجْد: وانت من اهله يا غلاباوية
(وَجْد دخلت صلت فرضها وقعدت تفكر في اليوم كله ولما خبطت في سيف ضحكت علي نفسها وانها قد ايه كانت هبلة فضلت تفكر شويه بعدها نامت عشان تستعد بكرا للشغل ياترا
ايه هايحصل بكرا)
بااااااااك
في قصر كبير جوا غرفه كبيره بنت واقفة في التراس لابسة اسود وفي عيونها بصت قسوة وحزن: من اليوم ده كل حاجه اتغيرت من اليوم ده وَجْد ابتدت تموت بالبطئ....وَجْد البنت البريئه الطيبة جه واحد زبالة زي ده وقتل كل حاجه حلوه فيها لكن بكرا هايجي اليوم اللي اشوفك فيه مزلول قدامي يا....حتى اسمك قرفانه انطقه لكن لحد امتي هتفضل بعيد جيالك و وقتها هتتمني الموت ومش هاطولو يا طرا لسة فاكرني طبعا هو انا اتنسي ده انا وَجْد العشق ياستحيل اتنسي وبعد اللي هعمله فيك مش هتنساني أبداً عشر سنين....عشر سنين كبرت فيهم وانت عمال تكبر انا اتمنى انك تكون نستني عشان لما تشوفني هطلع القديم كله علي جتدك انا لحد دلوقتي فاكره اول يوم شغل وعمري....عمري
ماهنساه