الفصل الثالث
فلاش باااااااااك:
ـــــــــــــــــــــــــــــــ
*في بيت وَجْد الصبح *
ـــــــــــــــــــــــــــــــــــــــــــــ
وَجْد باستعجال: يلا ياحنين اخلصي افطري وانا هدخل اللبس
حنين: حاضر يابنتي مالك مستعجله ومتحمسة كدا ليه لسة بدري متقلقيش
وَجْد: مينفعش اتاخر في اول يوم شغل وبعدين بطلي رغي وسيبني ادخل اللبس بقي
حنين: ادخلي ياختي
(وَجْد دخلت تلبس طقم اشتارتو مخصوص للشغل الطقم كان عبارة عن بلوزة بيضاء منقطة باحمر وبنطلون جينز وجاكت احمر وطرحه بيضاء وكانت في غاية الجمال بصت لنفسها في المراية بثقة وبعدها صلت فرضها ولبست الجزمه بتاعتها واخدت شنطتها وخرجت برا لاختها)

حنين:اوووف يامان علي الجمدان جبتيه امتي ده يابنت الايه جميل اووي عليكي
وَجْد بابتسامه:اشتريته من اسبوع كدا وملبستوش خليته للشغل المهم خلصتي عاوزين ننزل
حنين:انا ياختي خلصت يلا بينا
وَجْد:يلا يا غلاباويه
(البنات نزلو وَجْد وصلت حنين المدرسه وبعدها طلعت على الشركه وهي فرحانه اووي باول يوم ليها في الشغل وكانت عمالة تدعي انها تتوفق)
ــــــــــــــــــــــــــــــــــــــــــــــــــــــــــــــــــــــــــــــــ
*في شركة الملك*
ــــــــــــــــــــــــــــــــــ
(وَجْد وصلت الشركه وكانت قلقانه لقت سمير جه)
سمير:صباح الخير
وَجْد بابتسامه:صباحالنور
سمير بابتسامه ومد ايده للمصافحة:انا سمير المدير التنفيذي هنا في الشركة ومساعد سيف بيه في كل حاجه.
وَجْد ومدت ايدها للمصافحة ايضا وابتسامه:اهلاً وسهلاً بحضرتك
سمير:تعالي معايا بقي اوريكي وافهمك الشغل عشان تعمري معانا ولا انت مش عاوزة تعمري معانا
وَجْد بابتسامه وهزار:لا طبعا عاوزة اعمر ومتقلقش انا مخي دفتر هفهم بسرعه سيبها علي الله ياشقيق
سمير بضحك: تعجبني روحك الحلوة دي وخصوصاً ان ده اول يوم واول مره نتكلم رغم كدا بتتكلمي وكاننا نعرف بعض من سنين
وَجْد بابتسامه وهزار:ماهو انا في طبع هاموت وابطلو اني في اي شغل بدخلو بتعامل مع اللي قدامي علي اننا نعرف بعض من زمان عشان الشغل ميعلقش معانا وعشان كمان نكون صداقات ولانت بقي مبتحبش الصدقات يا استاذ...
سمير بضحك:اسمي سمير ولا ياستي بحب اكون صدقات انت بقي اسمك ايه
وَجْد بابتسامه:وَجْد....اسمي وَجْد
سمير باستغراب:وَجْد...اول مره اسمع الاسم ده
وَجْد بابتسامه واحراج: عارفه انه غريب لكن وَجْد معناه الحب اللذي يتبعه الحزن بابا اللي سماني
سمير:اسم غريب وجميل ومعناه جميل جداً
وَجْد:ميرسي طب ها بقي مش هانروح علي الشغل شوفت بقا حضرتك مين اللي مش عاوز يعمر
سمير بضحك:ايه شايفك مستعجله علي الشغل
وَجْد بضحك:لا انا في الشغل معنديش ياما ارحميني تعالي معايا سكة ودغري ياشقيق وبينا علي الشغل عشان المدير مايعلقنيش
سمير بضحك شديد:يخربيتك ده انت مصيبة يلا ياختي علي الشغل
(سمير خد وَجْد و وداها مكتبها وفهمها الشغل وهي كانت ذكية وفهمت بسرعه وكانت روحها حلوة والوقت مخلاش من هزارها هي وسمير)
سمير:ها يستي فهمتي ولا في حاجه مش فهماها
وَجْد بإيماء:لا الحمدلله فهمت كل حاجه
سمير:طب الحمدلله اول مالمدير يجي تدخليلو القهوة بتاعته والملفات اللي انت هتخلاصيها دلوقتي وفي حاجه كمان كنت عاوز اقولك عليها
وَجْد:اتفضل
سمير بغموض: نصيحه مني ياريت يكون في حدود بينك وبين سيف بيه
وَجْد بعدم فهم:مش فاهمه يعني ايه
سمير:يعني متتعامليش معاه زي ماحنا بنتعامل كدا عشان هو طابعه صعب وبيفكر في اي واحده انها بتلف عليه والشغل ده انا بنصحك عشان متطحطيش في موقف وحش معاه
وَجْد بضيق:بس انا جايه هنا للشغل مش عشان اللي انت بتقوله ده انا اصلا قابلته بالصدفه قبل ماشوفو في المكتب معرفتوش ازاي هاكون بلف عليه هو ازاى اصلا يفكر كدا
سمير بابتسامه:متزعليش نفسك انا بنصحك عشان حسيت قد ايه انت جدعه وغلبانه والحكاية ومافيها انه معندوش ثقه في حد
وَجْد بضيق طفولي:الاستاذ ابو الليف هو
سمير بضحك:يابنتي الله يخربيتك بطلي انا اديتك نصيحه ياريت تقباليها
وَجْد:حاضر يا سمير بيه انا بقي هخلص الملفات قبل مايجي
سمير ويهم بالرحيل:تمام خلصي واوعي تغلطي هو مبيحبش الغلط في الشغل
وَجْد:متقلقش انشاءالله مش هغلط وراك رجاله ههههه
سميربابتسامه:وَجْد
وَجْد:ممم
سمير:ياريت تسمعي كلامي من جهة سيف بيه صدقيني انا عاوز مصلحتك.
باااااااااك.
:ياريتني سمعت كلامك يا سمير مكنش كل ده حصل انت الوحيد اللي حظرتني بس انا كنت غبيه.
فلاش باااااااااك.
(دخل سيف الشركه واتجه علي مكتبه بسرعه لدرجه انه ماخدتش باله من وَجْد لان مكتبها جمب مكتبه دخل وقعد ومافتش دقايق ولقي الباب بيخبط اذن بالدخول دخلت وَجْد ومعاها القهوه)
وَجْد حطت القهوه واتكلمت برسمه:صباح الخير يافندم اتفضل قهوة حضرتك ثواني والملفات تكون عند حضرتك بعد اذن حضرتك
(سيف متكلمش نص كلمه هو كان بيتفرج عليها ومبتسم ومعجب بشكلها هي اتكسفت وجت تخرج وقفها)
سيف:استني
وَجْد وقفت بكسوف وجدية:ايوة يافندم
سيف بابتسامه:انتِ خلصتي الملفات من غير ماحد يفهمك الشغل ولا ايه مش تعرفيني الاول مين اللي فهمك الشغل و كمان عشان اعرف مستواكي
وَجْد بجدية: حضرتك سمير بيه هو اللي فهمني الشغل وعرفني كل حاجه وانا خلصت الملفات اللي عرفت ان حضرتك كنت عاوزها تخلص خلصتها وهاروح اجبها لحضرتك حالاً
سيف:تمام تقدري تروحي تجيبي الملفات
وَجْد:حالاً يافندم
(وَجْد خرجت تجيب الملفات وهو فضل مبتسم دخلت وَجْد وفي ايديها الملفات حطتهم قدامه)
وَجْد برسمه:اتفضل يافندم الملفات معدش في غير ملفين برا في مكتبي واحد بخصوص الميزانية لسة جاي من الحسابات راجعته لكن محتاج شويه ترتيب وملف بخصوص اخر صفقه تمت هخلصهم وقبل ماروح هاجبهم لحضرتك.
سيف باعجاب شديد:واو كل ده ومن اول يوم باين عليكي شاطرة وهاتعمري معانا وانا بحب اللي يكون مخلص في عمله زيك كدا.
وَجْد بكسوف:ميرسي يافندم حضرت تأمرني بحاجه يفندم
سيف بابتسامه:لأ شكرا تقدري تمشي (واتبع بخبث)
وبالمناسبه القهوة جميلة واضح انك مش شاطرة في شغلك وبس لا وفي عمايل القهوة كمان.
وَجْد بتوتر:احم...ميرسي يافندم بعد اذن حضرتك
سيف:اتفضلي واطلبي لي سمير خليه يجيلي
وَجْد:حاضر يافندم
(وَجْد خرجت و سيف فكر ازاي يوقعها في شباكه ولكن فكر ان انها زيها زي اي واحده هاتيجي بالفلوس لكن رجع فكر في كلام صاحبه وانها غلبانه نفض الفكره دي من دماغه وان كلهم زي بعض ثواني وكان سمير عنده وخل كالعاده من مايخبط)
سيف بضيق: كام مره قولتلك تخبط قبل ماتدخل
سمير بمزاح: انا ادخل براحتي انا مدير زي زيك هنا
سيف بغضب: لا ياراجل طب ايه رأيك بقي اني هخليك Sills عادي عشان بعد كدا تبقي تخبط ده السكرتيره اول يوم ليها وبتخبط قبل ماتدخل وانت بقالك معايا سنين ولسة مفهمتش طبعي
سمير: ماخلاص ياسي السيد السكرتيرة عشان ده اول يوم ليها وغريبة لازم تحترم مديرها اما انا بقي اعمل اللي علي مزاجي وبراحتي
سيف: خلاص ماشي اعمل اللي انت عاوزو المهم ايه رأيك في شغل السكرتيرة الجديده قالتلي ان انت اللي فهمتها الشغل قولت لازم اخد رأيك
سمير: السكرتيرة الجديده اه اه قصدك وَجْد لا الصراحه البنت ممتازة فهمت كل حاجه بسرعه وبصراحه اكتر لو انت شلتها من دماغك هتعمر معانا في الشغل ده لو انت شلتها من دماغك
سيف بضيق: هو انت مش هتبطل طريقتك دي
سمير: هو انا عملتلك حاجه انا بس بعرفك وبعرفك كمان انها مش زي التانيين
سيف بسخريه: ومين بقي قالك كده كنت اختبارتها ولا حاجه وبعدين انا مش هتعب نفسي هي اللي هاتيجي و لوحدها ويلا بقي روح شوف شغلك
(سمير سابه وخرج في قمة غضبه وراح ل وَجْد)
سمير بضيق: وَجْد
وَجْد عقدت حواجبها من دخولو المفاجأ: نعم ياسمير بيه في حاجه
سمير بخوف عليها: كنت عاوز اقولك متنسيش الكلام اللي قولتو الصبح خلي بالك من نفسك
وَجْد بقلق: هو في حاجه يا استاذ سمير انا قلقت
سمير: لا مفيش بس خدي بالك من نفسك كويس
وَجْد ببعض الخوف: ح...حاضر
(سمير سابها وخرج وهي فضلت قاعده قلقانه)
وَجْد: قصده ايه بخلي بالك من نفسك ده انهارده اول يوم ليا هنا انا مش مطمنه لأ لأ لأ انا اكيد قلقانه علي الفاضي انا هاخليني في شغلي احسن.
(التليفون رن وَجْد ردت لقت سيف طالبها راحتله خبطت سمعته بياذن بالدخول دخلت)
وَجْد بجدية: ايوة يافندم
سيف بابتسامه خبيثه: خلصتي الملفات
وَجْد بجدية: خلصت ملف الميزانيّة بس كنت مستنيه اخلص الملف التاني واجيبهم مع بعض
سيف بابتسامه خبيثه: تمام...تمام اووي....بقولك يااااا معلش عشان نسيت اسمك...انتِ قولتيلي اسمك ايه اصله غريب شويه
وَجْد باحراج: وَجْد اسمي وَجْد
سيف: اسم جميل جداً المهم بقولك يا وَجْد كنت عاوزك بعد ماتخلصي الملفات تراجعيها كويس وخصوصاً اخر صفقة عشان الملف ده مهم جدا مش عاوز غلطة واحده انا مباسمحش في الشغل
وَجْد بجدية: متقلقش يافندم انا واخده بالي كويس من شغلي ولو في اي غلط في الملفات التانيه انا مستعده اصلحه دلوقتي حالا
سيف بابتسامه: تعجبني ثقتك في نفسك علي كل حال انا مبغفرش في الشغل بس عارف انت ايه اللي يغفر لك
وَجْد ببعض الخوف: ايه؟!
سيف بابتسامه خبيثه وغمزة: إنك قمر
باااااااااك
: وانت ايه اللي يغفرلك يا سيف ايه اللي يغفرلك اللي انت عملته معايا صدقني اني هدمرك زي مادمرتني وهردلك الكف عشره وبكرا تشوف.
ــــــــــــــــــــــــــــــــــــــــــــــــــــــــــــــــــــــــــــــــــ