الفصل العاشر
في ڤيلا الملك *
(وَجْد صحيت من النوم ملقتش سيف جمبها افتكرت اسلوبه معاها امبارح زعلت وقامت تاخد شاور، مابين كانت حنين في الجنينه وكانت بتلعب كره السله كانت لابسه لبس الرياضه و عامله شعرها ديل حصان وكان سيف ب يراقبها وعلى وشه ابتسامه خبيثه وبعدين قرب وحط ايده علي وسطها وهي لفت له وشهقت من الخضة)
سيف بابتسامة ماكره: مالك اتخضيتي ليه؟
حنين بخوف وتوتر: اااا...عن اذنك
جت تمشي سيف مسك ايدها: انت اتكسفتي مني ولا ايه لا متتكسفيش وبعدين تعرفي ان شعرك قصير اه بس حلو ليكي حق تخبيه تحت الطرحة
حنين عيونها فيها دموع سحبت ايدها: عن اذنك
(سيف بصلها بوقاحة وهي بتجري ودخل الڤيلا طلع اوضته دخل الاوضه كانت وَجْد بتسرح شعرها شافته لكن موجهتش له كلام خالص وهو استغرب معاملتها وراح قعد علي السرير وبعد وقت اتكلم)
سيف بابتسامة: صباح الخير ياحبيبتي
وَجْد ببرود: صباح النور
سيف: ياترا نمتي كويس
وَجْد: اه الحمدلله
سيف: مالك؟
وَجْد: مالي ازاي يعني
سيف: يعني شكلك مضايق
وَجْد: لا خالص هو في حاجه حصلت عشان اضايق
سيف: انا عن نفسي مش شايف ان في حاجه حصلت؛ المهم كنت عاوز اسالك سؤال
وَجْد بضيق انه مش شايف نفسه غلطان: خير؟!
سيف بخبث: هي حنين بتلعب كرة سلة
وَجْد باستغراب: ايوة ليه؟
سيف: ابدا لسة شايفها كانت بتلعب تحت بس هي اتكسفت لما شوفتها وجريت
وَجْد بضيق: ماهي علي طول بتروح النادي مراحتش ليه عاوزة افهم
سيف: عادي يعني تلاقيها لقت اللعبه دي تحت في الجنينه فامراحتش وبعدين استنى هي لما بتروح النادي بلبس الرياضه بتبقي من غير الطرحه
وَجْد باستغراب: لأ بتبقي مغطياه
سيف: اصلها كانت بشعرها تحت
(وَجْد اتعصبت ونزلت تحت وندهت علي اختها)
وَجْد بزعيق: حنين يا حنييين
حنين بدموع بتحاول تداريها: نعم يا وَجْد
وَجْد بعصبية: انت كنتي بشعرك وانت في الجنينه
حنين: ايوة
وَجْد: وملبستيش حجابك ليه ولا هو لعبة
حنين بحزن: والله يا وَجْد انا كنت عارفه انكو نايمين وما كانش في حد في الجنينه وانت منعاني اروح النادي لوحدي لقيت اللعبه في الجنينه رحت لعبت شويه وكنت بحسب ان ما فيش احد موجود فمالبستش الحجاب واتفجاء بأبيه انه صاحي
وَجْد هديت: خلاص متزعليش انا بس خفت لحد يشوفك ويقول عليكي كلام مش كويس
سيف: لا يا حبيبتي اطمني محدش شافها غيري
حنين بخوف: وَجْد…ممكن تيجى اتكلم معاكي شويه عاوزة اتكلم معاكي في حاجه
وَجْد: طب مش تفطري الاول
حنين بتوتر: للللل…لأ انا…انا فطرت
وَجْد: طب تعالي نتكلم في الصالون
سيف: طب مش هتفطري يا حبيبتي
وَجْد بضيق: لما اشوف حنين الاول انا مليش نفس
سيف: تمام براحتك انا هفطر انا
(سيف مشي و وَجْد اضايقت وراحت لحنين)
وَجْد: ايه يا حبيبتي
حنين بتوتر: ااااا…بصراحه…ااااا…اناااااا
وَجْد بضحك: مالك يابنتي بتهتهي ليه
حنين: بصراحه يعني انا عاوزة ارجع بتنا
وَجْد باستغراب: ليه؟!
حنين بتوتر: عادي يعني…مش حابه القاعده هنا مش…مش مرتاحه هنا خالص…عاوزة ارجع بيتنا
وَجْد: حنيين انجزي وقولي حصل ايه خلاكي عاوزة تمشي
حنين: مانا قولتلك السبب
وَجْد: هو انا مش عرفاكي قولي مالك
(حنين خدت نفس وحكت ل وَجْد اللي حصل في الجنينه و حضنت وَجْد وعيطت)
وَجْد بحزن: طب بتعيطي ليه كده؟
حنين بعياط: خوفت منه يا وَجْد ومن نظراته ليا انا مكنتش عاوزه اقولك او اعمل مشاكل بينكم
وَجْد بدموع: لا ياحبيبتي مش هتعملي مشاكل ومتعيطيش خالص انا هتصرف
حنين: طب انا عايزة ارجع بيتنا تاني
وَجْد: مش هتروحي في حتي أنت فاهمه وبعدين انت قاعده ليه يلا قومي اللبسي و روحي المدرسه
حنين: حاضر
وَجْد: استني…فين الضحكه الحلوه
حنين بابتسامه: اهي
وَجْد: ايوة كده خلي الشمس تطلع يلا قومي
(حنين قامت لبست وراحت المدرسه و وَجْد دخلت لسيف المكتب لقيته بيتكلم في التليفون)
سيف: احنا علي ميعادنا زي ما احنا هاشوفِك النهارده… يلا سلام
وَجْد بشك:هتشوف مين النهارده؟
سيف: لأ دي حاجه تبع الشغل يا حبيبتي ما تشغليش بالك انت؛ المهم خير يا حبيبتي عاوزه حاجه؟
وَجْد بعدم اقتناع: شغل ممممم، لا مفيش كنت عاوزه اقولك ان حنين هترجع بيتنا
سيف: وترجع ليه في حد زعلها احنا مش اتفقنا ان خلاص البيت ده بقى بيتها
وَجْد: اه
سيف: طيب امال ايه بقى؟
وَجْد بجدية: حنين هتمشي من هنا بسببك
سيف قام وقف قصادها: بسببي انا ليه هو انا كنت عملت حاجه انا ما زعلتهاش في حاجه
وَجْد بحدة: وبالنسبة للحصل في الجنينه
سيف ببرود: والله انا مش شايف ان انا غلطت في حاجه
وَجْد بزعيق: لا غلط البنت خايفه منك هو انت ايه مبتشوفش نفسك غلطان خالص
سيف بعصبيه مكتومه: صوتك يوطي يا وَجْد
وَجْد بعصبية: لا مش هوطي صوتي ويكون في علمك اختي لو خرجت من هنا انا هبقي معاها
سيف: قولتلك وطي صوتك
وَجْد بزعيق اكبر: وانا قولت مش هوطي صوتي مش كفايه كسرت فرحتي امبارح و مانتش شايف نفسك غلطان في حاجه والنهارده برده غلطت و مانتش شايف نفسك غلطان انت…
(سيف قطع كلامها بكف نزل علي وشها وهي وقعت من شدة القلم وهو نزل لمستواها وشدها من شعرها جامد واتكلم بشر)
سيف بشر: كام مره قلت لك وطي صوتك ها مبتسمعيش الكلام ليه اظاهر كده اني دلعتك بزيادة عشان واحده زيك تعلي صوتها عليا
وَجْد بوجع ودموع: ابعد عني سيبني
سيف شد شعرها اكتر: ابقي اسمعي الكلام من اول مره عشان مترجعيش تزعلي
وَجْد بعياط: انا آسف ابوس ايدك سيبني
سيف: انا هاسيبك تقومي تطلعي علي اوضتك انت فاهمه
وَجْد بوجع وعياط: حاضر …حاضر سيبني ونبي
(سيف سابها وهي قامت تجري علي اوضتها دخلت وقفلت الباب واترمت علي السرير فضلت تعيط جامد عمرها ما كانت تتخيل ان سيف ممكن يضربها ويعاملها بالاسلوب ده فضلت تقول مش ده سيف اللي انا حبيته فضلت تعيط جامد لحد ما نامت الليل جاء عليها وهي لسه نائمه فضلت نائمه ما كلتش صحيت على لماسات سيف ليها كان عمال يلمس وشها وشعرها وهي صحيت اول ماشفته بصتله بصت عتاب بعدت وشها عنه)
سيف بحب: لا انا مش قد البصة دي
وَجْد لا يوجد رد
سيف: انت لسه زعلانه مني
وَجْد لا يوجد رد
سيف: طب انا اسف
وَجْد لا يوجد رد
سيف حضنها من ضهرها واتكلم بحب:لا انا مش قد الزعل ده كله انا ما بحبكيش تزعلي مني
وَجْد دموعها نازله في صمت
سيف: طب اعمل ايه طيب عشان ما تزعليش
وَجْد بدموع: يعني تضربني وتزعقلي وتشدني من شعري و عايزني ما ازعلش
سيف باسها من خدها اللي ضربها عليه: حقك علي انا اسف ما تزعليش مني ما انت يا حبيبتي اللي عصبتني قلت لك قبل كده اني بكره صوت العالي و بيستفزني و قلت لك 100 مره وطي صوتك وانت مصر انك تعصبيني عشان كده انفعلت وما ديت يدي عليك ما تزعليش مني انا اسف
وَجْد بعياط: انا عمري ما تخيلت انك هيجي اليوم وتعمل معي كده
سيف:اسف والله غصبن عني
وَجْد بعياط:طب واللي عملته مع حنين
سيف:حنين دي زي اختي الصغيرة وكنت بهزر معاها مكنتش اعرف انها حساسه للدرجادي وهتزعل انا الصبح هصالحها عشان هي فضلت مستنياكي تصحي لحد مانامت
وَجْد بعياط:بس انت ضربتني وشدتني من شعري جامد
سيف مسح دموعها : خلاص بقي متزعلش منى وحياتي عندك مانت معيطه تاني لو لسة زعلانه اقوم امشي من هنا مرجعش غير لما تقولي لي
وَجْد: لا خلاص اهو مش هعيط
سيف: لا لسه زعلانه
وَجْد: لا مش زعلانه
سيف: طب والله العظيم لسه زعلانه
وَجْد: ياسيدي مش زعلانه اعملك ايه بس تصدق اني مش زعلانه
سيف بغمزة: هاتي بوسة
وَجْد بخجل: انت قليل الادب
سيف يدعي البراءة: هو انا عملت حاجه دلوقتي
وَجْد: هو انت يابني معندكش دم
سيف بصدمه: معنديش دم!؟ وابنك!؟
وَجْد: ايوه معندكش دم بوسة ايه ده حتي ايدك لسة معلمه علي خدي اهو
سيف باس خدها: خلاص بقي متزعليش منى
وَجْد بابتسامه: خلاص انا مش زعلانه
(سيف قرب منها وخادها في حضنه وباسها بحب وبعد عنها وهي بصت له بحب)
وَجْد بابتسامه وحب: انا بحبك اوى ياسيف❤
ـــــــــــــــــــــــــــــــــــــــــــــــــــــــــــــــــــــــــــــ
Back…
(في احد المستشفيات سيف بيفتح عينه لقي نفسه نايم ومتركب له محاليل والدكتور جمبه)
الدكتور: حمدلله على السلامة يا سيف بيه
سيف بتعب: هو ايه اللي حصل…انا فين
الدكتور: حضرتك في المستشفى، حضرتك ضغطك علي جداً وده سبب لك اغماء ولو مكناش لحقناك كان هايجيلك نوبة قلبية، لكن لحقناك الحمدلله
سيف بتعب: ينفع أمشي
الدكتور:لو بقيت كويس علي بليل هكتبلك علي خروج لكن لو فضلت تعبان هتفضل معانا لبكرا عقبال مانطمن علي حضرتك بعد اذنك
(الدكتور خرج بعديه دخل سمير ونهال)
نهال بدموع: الف سلامة عليك ياحبيبي انت كويس
سيف: انا كويس يانهال ايه الدموع دي كلها
سمير: انت كويس ياسيف
سيف: ياجماعة والله كويس مالكو في ايه
نهال: الدكتور قال ان ضغطك علي جداً
سيف: متقلقيش يانهال انا كويس
سمير: طب الحمدلله
سيف: سمير…الدكتور بيقول اني لازم اقعد لبليل انا عاوز اخرج دلوقتي
سمير: ازاي يعيلا
مينفعش
سيف: لا ينفع
نهال: عشان نطمن علي صحتك ياحبيبي
سيف بضيق: انا كويس…ناديلي الدكتور ياسمير
سمير: بس…
سيف بمقاطعة:قولت ناديلي الدكتور ياسمير
سمير بنفاز صبر: حاضر
(سمير راح جاب الدكتور ودخل لسيف)
الدكتور:خير ياسيف بيه
سيف: عاوز اخرج انهارده ودلوقتي مش هستني لبكرا ولا حتي لبليل
الدكتور:ايوه ياسيف بيه بس…
سيف بعصبيه: هو انا كل ماقول حاجه لحد يبسبسلي انا قولت اللي عندي
نهال: اهدي ياحبيبي عشان متتعبش تاني
سيف: انا قولت اللي عندي
الدكتور: تمام زي ماتحب لكن علي شرط
سيف: انت كمان هتتشرط عليا
الدكتور: ياسيف بيه صدقني كل ده عشان صحتك
سيف: قووول
الدكتور: ممنوع العصبيه ممنوع الانفعال ممنوع الاجهاد والراحه ثم الراحه ثم الراحه
سيف: ماشي
الدكتور: عن اذنكم
سمير: يلا ياخويا قوم خوفتنا عليك علي الفاضي واول ماصحيت وانت عمال تزعق في الكل
سيف: انت يابني جاي ترفعلي ضغطي
نهال: بس بقي ياسمير متعصبهوش عشان مايتعبش
سمير: ماشي يااا ست چوليت يلا نمشي يا عم روميو
سيف: يلا يا ظريف
ــــــــــــــــــــــــــــــــــــــــــــــــــــــــــــــــــــــــــــــــ
*في شركة الإمبراطورة جروب*
(قدر تتحدث في الهاتف)
قدر: انت متأكد
المتصل: طبعا ياهانم انا شوفتهم وهما مدخلينو المستشفى لكن مكنش في واعيو
قدر بجدية: ممم وبعدين
المتصل: عرفت ان ضغطه ارتفع وده سبب نقله للمستشفى لكن مرداش يبات
قدر: تمام خليك مراقبه زي مانت وحسابك هايوصلك
المتصل: تحت امرك يا هانم
(قدر قفلت التليفون)
قدر: الظاهر كده ان الصدمه كانت شديده عليه ومستحملش كفايه عليه دلوقتي خليه يرتاح شويه عشان التقيل لسة جاي محتاجه كل صحته
ــــــــــــــــــــــــــــــــــــــــــــــــــــــــــــــــــــــــــــــــ
flash back…
وَجْد بتوتر: سيف
سيف بتركيز في شغله: اممم
وَجْد: كنت بفكر لو ممكن اروح الجامعه
سيف: نعم…وده ليه
وَجْد: هو ايه اللي ليه بقالي شهر ولا بروح الجامعه ولا روحت الشغل
سيف: ليه وحضرتك ناويه تشتغلي كمان
وَجْد: امال يعني هقعد من غير شغل
سيف بسخريه: والله ده المفروض
وَجْد: لا ياسيف انا عندي إلتزامات ولازم اكمل تعليمي عشان نفسي واشتغل عشان اعمل لنفسي كيان اولا وعشان اختي ثانيا
سيف بهدوء: انت مش محتاجة التعليم في حاجه انت معاكي لغات ومتجوزه اما بقي بالنسبه للشغل فانا مش بحب مراتي تشتغل وتتكلم مه ده ومع ده
وَجْد:لا ياسيف انا عندي مسؤليه حنين هي مسؤليتي
سيف: هاديكي المرتب كل شهر وخلاص
وَجْد: انا يستحيل اقبل بحاجه زي دي
سيف: وانا اللي عندي قولتو
(وَجْد لسه هتتكلم قاطعها طرقات الباب)
سيف: مين
: سيف بيه…استاذ سمير تحت
سيف: انا نازل اهو
وَجْد بفرحة: انا نازله اسلم عليه
سيف: طيب يلا
(وَجْد و سيف نزلو لسمير)
وَجْد بابتسامه: سمير عاش من شافك ياعم
سمير: مبروك ياعرسان
سيف: الله يبارك فيك يا صاحبي
وَجْد: الله يبارك فيك؛ كنت مختفي فين
سمير بمرح: كنت مسافر ياستي بسبب الشغل ماهو جوزك بقالو شهر في اجازة وانا بقي شايل الطين ماهو ناس عايصة وناس لايصة بعيد عنك
وَجْد بضحك: معلش خليها عليك انت
سيف:غصبن عنه علي فكره
سمير: ياخي انا مش عارف انت ارش مالحتي ليه
وَجْد بمرح: معلش ظالمينك ياحرام وانت كيوت خالص
سمير بمرح: قوليلو ونبي
(حنين جت عليهم)
حنين: مساء الخير ياحلوييين
سمير: اهلا ام لسانين وصلت
حنين بضيق: شوفتي بقي يا وَجْد
سيف: معلش يابنتي اهبل نعملو ايه
سمير: اخص عليك ده عسل والله
سيف:عسل اه…عسل اسود
حنين بضحك: انا لو منك يا أبيه سمير بعد ماسمعت الكلام ده متكلمش خالص
سمير يدعي الحزن:انا مش هقعد تاني بعد الإهانة دي انا هروح بيتي بكرامتي
وَجْد بضحك:لا ونبي مانت مروح لازم تقعد معانا ونكمل المسرحيّة الرخيصة دي
سمير: يبقي مش مروح
سيف: طب انا ورايا مشوار اخلصه وارجع
وَجْد: رايح فين يا سيف؟
سيف: مشوار كده ياحبيبتي هخلصه واجي على طول
سمير: تحب اجي معاك
سيف: لا خليك انت هنا؛ يلا سلام
وَجْد: سلام ياحبيبي
(سيف مشي وسمير فضل قاعد مع وَجْد وحنين وفضلو يتكلمو ويهزرو كتييير)
وَجْد بجدية: حنين ممكن تقومي عاوزة سمير في موضوع
حنين: حاضر
سمير: ده ايه الاحترام ده حاضر من اول مره كدا
حنين: مش هرد عليك يا أبيه
(وَجْد استنت لما حنين بعدت)
سمير بجدية: خير يا وَجْد
(قصت وَجْد عليه كل حاجه حصلت من اول مارجعت من شهر العسل حتي اللي حصل مع حنين وموضوع الشغل والجامعه وسمير مكنتش عارف يرد يقول ايه)
وَجْد: ساكت ليه؟
سمير: مش عارف الصراحه اقولك ايه
وَجْد: رد قولي مين اللي غلطان
سمير: من جهة مين اللي غلطان فاهو اللي غلطان بس
وَجْد بتوتر: بس ايه؟!
سمير بتنهيدة و جديه: وَجْد انت بتحبي سيف
وَجْد بحب وكسوف: انا مش بحبه بس انا بعشقه
سمير: تمام؛ وانت قولتلي انه قالك انه بيحبك قبل ماتتجوزو وحكيتي لي اللي حصل اليوم ده
وَجْد: ايوه
سمير بجدية: حكيتي لي ليه؟
وَجْد: عشان بعتبرك اخويا الكبير وباثق فيك اكثر من نفسي
سمير بجدية: يبقى انا هنسى ان انا صاحب سيف وهاكلمك على انك اختي
وَجْد: اتفضل
سمير بجدية: بصي يا وَجْد انت لما جيتي وحكيت لي على سيف وانه قالك انه بيحبك ما اكدبش عليك انا اتفاجئت لان سيف عمره ما حب وسيف بيحب يعاند يعني لو انت عاوز تشتغلي هيقول لك لا ولو قلت مش عايزه هيقول لك اشتغلي هاتي اخره و.....
وَجْد بقلق: و ايه ياسمير
سمير: انت خساره في سيف يا وَجْد المفروض بعد ما مد ايده عليك كنت اخذت موقف منه صدقيني يا وَجْد انا بكلمك علي انك اختي وسيف…هايجرحك كتيير اووي متعانديش معاه…عن اذنك انا لازم اروح سيف اتاخر ومينفعش افضل قاعد مع السلامه يا وَجْد ربنا يريح قلبك ولو عوزتي حاجه كلميني علي طول هتلاقيني قدامك
وَجْد بحزن:مع السلامه يا سمير
سمير: وَجْد
وَجْد: اممم
سمير: خلي بالك من نفسك، يلا سلام
(وَجْد طلعت الاوضه وفضلت تفكر في كلام سمير وخصوصا كلمه «سيف هايجرحك كتيير اووي» الساعه بقت 2بليل وسيف لسة ماجاش قلقت عليه مسكت التليفون و رنت جالها الرد لكن كان صوت بنت مش صوت سيف بلعت ريقها بصعوبه)
وَجْد بتوتر: مش ده تليفون سيف باردو
البنت بدلع: ايوه انت مين
وَجْد بصدمه: امال هو فين وانت مين
البنت: سيف دخل تواليت وانا مين شئ مايخصكيش انت اللي مين
وَجْد وفقدت اعصابها: اديني سيف يابت انتي
البنت: لا مش هدهولك
وَجْد بعصبيه: اديني جوزي يابت انت
البنت: ايه ده هو انت المغفلة اللي هو متجوزها
وَجْد بعصبيه ودموعها نازلة: احترمي نفسك واديني سيف احسنلك
(البنت مردتش وسابت التليفون مفتوح و وَجْد فضلت علي الخط وسمعت صوت سيف)
البنت: كل ده يا بيبي
سيف: سوري يا هايدي علي ماخد شور وجيت
(وَجْد سمعت الكلمه كتمت صوت الموبايل عشان مايحسوش انها لسه علي الخط وعيطت جامد)
هايدي بدلع: طب ماتبات معايا انهارده ياعمري
سيف: والله يا روحي كان نفسي لكن لازم اروح انا قعد معاكي اكتر من المرة اللي فاتت زعلت اللي في البيت عشان متحسش بحاجه وجتلك والمرة دي استغليت ان سمير جه سبتهم وجتلك زي ماتفقنا
(في اللحظه دي وَجْد انهارة من العياط)
هايدي بدلع: يعني انا مش وحشاك يا بيبي
سيف بنظرة خبيثة: انا بقول سيبني من اللي في البيت واقدي معاكي الليلة احسن
هايدي بضحكة: طب مانا قولت كده من الاول ههههههه
(وَجْد قفلت التليفون ما استحملتش تسمع اكثر من كده وفضلت تعيط كثير و افتكرت كلام حنين قبل ماتشتغل وكلام سمير في اول يوم شغل وكلامه انهارده عيطت كتير فكرت تكلم سمير لكن رجعت قالت ان دي حاجه بنها وبين جوزها مينفعش تخرجها برا وحتي لو كلمته هتقولو ايه فضلت تفكر كتيير وتعيط كتيير وقامت دخلت أوضة حنين ونامت جمبها وهي بتعيط جامد علي حالها)
ــــــــــــــــــــــــــــــــــــــــــــــــــــــــــــــــــــــــــــــ
*عند سيف و هايدي*
سيف: انا لازم اروح بقي
هايدي: مصمم باردو
سيف: يابنتي الساعه بقت 4الفجر لازم اروح وبعدين انا مش عازب عشان اقعد معاكي براحتي
هايدي: براحتك انت الخسران
سيف: قبل مانسي خدي
هايدي باستغراب: ايه الظرف ده
سيف: جواه 20الف جنيه خوديهم مش خساره فيكي ده انت اكتر واحده تطول معايا
هايدي: انا مش اي حد باردو يابيبي وبعدين انت وعدتني انك هتتجوزني بعد ماطلق مراتك صح
سيف: طبعاً ياقلبي، يلا بقي باي ياقمر
هايدي: باي ياقلبي
ــــــــــــــــــــــــــــــــــــــــــــــــــــــــــــــــــــــــــــــــــ
(سيف روح طلع الاوضه ملقاش وَجْد نزل سال الشغالة عليها والشغالة قالتلو انها في اوضة حنين دخل من غير مايخبط وَجْد منمتش مسحت دموعها بسرعه وقامت زقته خرجته برا وطلعت بيه علي الاوضه بتاعتهم واتكلمت بعصبية)
وَجْد بعصبيه: انت ازاي تدخل كده من غير ماتخبط افرد البنت نايمه و واخده راحتها
سيف بابتسامة: مقصدش والله ياروحي انا كنت داخل اشوفك
وَجْد بسخريه: ايه حضرتك قلقت عليا ولا حاجه
سيف وهو بيقرب عشان يبوسها: طبعا ياقلبي هو انا عندي اعز منك
وَجْد زقته بعيد عنها: انت كنت فين
سيف بغضب: انت مش ملاحظه انك زقتيني وان ايدك طولت
وَجْد: انا بسالك كنت فين
سيف: كنت في مشوار
وَجْد: مشوار…اممممم…واقدر اعرف فين المشوار ده وايه المشوار اللي يخليك للساعه 5ونص برا
سيف: هو انت هتحققي معايا ولا ايه
وَجْد: حاشا لله مقصدش طبعا…طب بمناسبة انك جيت انا هاروح انام مع حنين انهارده
سيف: وده ليه انشاء الله
وَجْد: لا ابدا وحشني اني اخدها في حضني وبعدين انت هتحتجني في ايه يعني لو عوزت حاجه قول ل نعمه تعملك اللي انت عاوزو عشان انا بصراحه هموت وانام
سيف: وَجْد انت فيكي
وَجْد: لا ابدا ولا حاجه انت عاوز حاجه
سيف باستغراب من تصرفها: لا، تصبحي علي خير
وَجْد بسخريه: وهايجي من الخير…وانت من اهله
(وَجْد خرجت راحت اوضة حنين واول مادخلت
قفلت الباب وقعدت على الارض وعيطت وكتمت صوتها عشان محدش يسمعها وفضلت تعيط)

ــــــــــــــــــــــــــــــــــــــــــــــــــــــــــــــــــــــــــــــــــ
(في الصباح صحيت حنين لقت وَجْد نايمه جمبها استغربت وفضلت تهز فيها لحد ماصحيت)
حنين باستغراب:ايه اللي منيمك جمبي يا وَجْد؟!
وَجْد بحزن: مفيش ياحبيبتي بس سيف اتاخر امبارح فجيت انام معاكي
حنين بخوف:ومال عينك وارمه كدا حمرا؟
وَجْد: تلاقيني بس عشان سهرت كتير امبارح
حنين: طب نامى انتى وانا هقوم اروح المدرسه
وَجْد: لا ياحبيبتي انا مش هنام تاني قومي يلا عشان انا اللي هوديكي المدرسه انهارده
حنين: شكلك تعبانه يا وَجْد
وَجْد: ولا تعبانه ولا حاجه يلا قومي
حنين: حاضر
(حنين قامت و وَجْد اتنهدت بحزن وقامت طلعت الاوضه لقت سيف لسة نايم بصتله بقهر ودموعها نزلت في صمت ودخلت اخدت شاور ودموعها نزلت قفلت الماية وخرجت لبست دريس كاشمير وطرحه وشانطة سوداء ونزلت

وخرجت وهو لسه نايم نزلت لحنين كانت خلصت خدتها وخراجو لكن اللي اثار دهشة حنين ان وَجْد مركبتش العربية لما السواق فتح لها باب العربيه مشيت من غير ولا كلمه واخدة عربية تاكسي من قدام البوابة )
حنين باستغراب: احنا مركبناش العربيه ليه يا وَجْد
وَجْد: هنروح بالتاكسي
حنين: طب مالعربية اهي
وَجْد: طول عمرنا بالتكسيات ايه اللي اتغير
حنين: هو انت رايحه في حتي بعد متوصليني؟
وَجْد: مممم
حنين: فيين!؟
وَجْد: الكلية
حنين: تمام ماشي
حنين باستغراب: انا افتكرتك مش هتروحي تاني
وَجْد بتنهيدة: وده ليه انشاء الله؟!
حنين: وَجْد انت فيكي ايه حساكي فيكي حاجه
وَجْد بدموع منعاها تنزل: قولتلك مفيش يا حنين
حنين: والدموع اللي عيونك دي
(التاكسي وقف قدام المدرسه)
وَجْد: يلا انزلي
حنين بقلق علي اختها: وَجْد
وَجْد: انزلي يا حنين
حنين: حاضر
(حنين نزلت والتاكسي اتحرك وراح لكلية وَجْد اول مانزلت من التاكسي ودخلت الكلية زمايلها جريو عليها يباركولها وهي بتحاول تداري حزنها)
: ايو ياعم اتجوزت ومحدش قدك
وَجْد بابتسامه زائفه: عقبالك يا ورد
: كل ده شهر عسل احنا قولنا انك مش هاتيجي تاني بعد الجواز ده انت ضيعتي كتير اووي
وَجْد بنفس الابتسامه الزائفه: شكلك كنتي عاوزة تخلصي مني يا رضوي في ايه
: يابنتي انا كل ماجي لورد ملاقيش ده انت شكلك كده فوتي حاجات كتير اووي
وَجْد: خلاص يا تامر ابقي اخد المحاضرات من اي حد فيهم
:ده انت قبل ماتتجوزي وكنت اجي وملاقيش كنت اعرف انك مكنتيش بتيجي كتير لكن كنتي بتاخدي المحاضرات من اي حد فيهم امال فين وَجْد الدحيحه المجتهده راحت فين
وَجْد: اهو قرك ده يا خالد اللي جايبني الأرض
ورد: امتي نتجوز زيك بقي
تامر:بطلي تلاقيح مانا خطبتك عاوزة ايه اكتر من كده انا كده عداني العيب وازح ولا ايه يا وَجْد
وَجْد: كتر خيرك والله
خالد: والله يا وَجْد انت اللي بتعلي من مواقفنا قدام البنتين دول
رضوي: قصدك ايه يا استاذ خالد
خالد يدعي الخوف: انااا ابدا مقصديش حاجه انا بس قصدي ان انتو كتير علينا واحنا منستهلكمش مش كدا يا وَجْد
وَجْد: كدا كدا هو ده قصده
رضوي:و انا اللي قولت عشان اتخاطبنا هتتكبر عليا ظلمتك
ورد: انت اصلا علي طول ظالما
تامر: ياختي قولي لنفسك
وَجْد: طب معطلكوش انا هلحق المحاضره
رضوي بخضة: يالهوي المحاضره
ورد: هنسقط يلا سلام يا تيمو
رضوي: سلام يا خالودة
تامر: يا برستيجي اللي وقع في الارض
خالد: مش لوحدك ياخويا
وَجْد: هما جريو وسابوني يلا سلام
تامر و خالد: سلام يا وَجْد
ــــــــــــــــــــــــــــــــــــــــــــــــــــــــــــــــــــــــــــــــــ
*في ڤيلا الملك*
(سيف صحي ودخل اخذ شاور ونزل تحت لقي الفطار جاهز لكن ملقاش وَجْد صاحية افتكرها لسة نايمه قعد علي السفرة وبداء في الفطار)
سيف: هي وَجْد لسه نايمه يا نعمه
نعمه: لا يابيه المدام خرجت من بدري
سيف: خرجت راحت فين
نعمه: معرفش يابيه اللي اعرفه انها خرجت مع الانسة حنين وهي رايحه المدرسه
سيف بضيق: طب روحي انتي
(سيف مسك التليفون واتصل علي وَجْد لقي التليفون مغلق نفخ بضيق وبعدها اتصل على السواق اللي بيودي حنين المدرسه)
سيف بجدية: انت فين
السواق: انا برا يا بيه
سيف بتعجب: طب تعالي
(ثواني وكان السواق قدامه)
السواق: امرك يابيه
سيف بجدية: انت مروحتش مع المدام واختها ليه
السواق: المدام رفضت يابيه
سيف بغضب: يعني ايه المدام رفضت مش فاهم هوانا مشغل عيال معايا
السواق بخوف: والله يابيه مرديتش دي حتي متكلمتش انا فتحت لها باب العربيه وهي متكلمتش وسابتني ومشيت
سيف بعصبية: طب يلا غور من وشي
(سيف قام دخل مكتبه وكان متعصب واتصل علي سمير يمكن تكون كلمته او مسمعتش الكلام و راحت الشركه)
سمير: ازيك يابوص
سيف بضيق: مش وقتك يا سمير، انت فين
سمير: انا في الشركه، في حاجه
سيف بعصبية:هي وَجْد جت الشركه
سمير:لا ماجتش، قلقتني يابني في ايه
سيف بعصبية: صحيت ملقتهاش في الڤيلا كلها سالت قالو خرجت طب راحت فين منعرفش اكلم السواق يقولي مرديتش تركب معانا خدت تاكسي ومشيت وكل ده من غير متقولي ليه متجوزه سوسن هي ولا ايه مش فاهم.
سمير: طب اهدي اهدي مش كدا
سيف بعصبية: ده انا هخليه يوم اسود علي دماغ اهلها انهارده
سمير بخوف علي وَجْد: اهدي ياسيف ممكن تكون راحت الكلية مش كدا محصلش حاجه ممكن تكون محبتش تقلقك فخرجت من غير ماتقولك
سيف: هي الكليه انا هروح اشوفها لكن وعهد الله لو ملقتهاش هناك اول ملاقيها محدش هايرحمها مني، أقفل
(سيف قفل السكة في وش سمير وقام لبس وراح ل وَجْد علي الكلية وكان غضبه مسيطر عليه)
ــــــــــــــــــــــــــــــــــــــــــــــــــــــــــــــــــــــــــــــــ
*في كليه السن*«تحديدا الكافتريا»
ورد: اوووف اليوم لسة طويل عندنا محاضرات كتير اووي انهارده
رضوي: هتلحقي تنقلي المحاضرات دي كلها يا وَجْد
وَجْد بتركيز وحزن:ايوه انشاء الله هلحق
ورد: مالك يا وَجْد فيكي ايه؟
وَجْد بابتسامه زائفه:مفيش يا حبيبتي انا كويسه
رضوي: شكلك تعبان يا وَجْد
وَجْد: ولا تعبانه ولا حاجه انا زي الفل
ورد: ايه ده…مش ده جوزك يا وَجْد
وَجْد بانتباه: فين ده؟!
رضوي: ايه ده…ده هو فعلا جاي علينا يا وَجْد
(وَجْد قامت وقفت لما شافته قدامها وهو كان عصبي)
وَجْد بحزم: خير يا سيف ايه اللي جابك هنا
سيف بهدوء مريب: جاى اخدك يا حبيبتي
وَجْد بالامبالا: لسة عندي محاضرات
سيف: هبقي اجبلك كل المحاضرات اللي فاتتك
ورد: روحي يا وَجْد وانا هبقي اجبهملك
رضوي: روحي يا وَجْد شكلك تعبان
سيف ببرود: يعني انا واصحابك الحلوين دول بنقول لك تروحي وانت مش راضيه، ينفع كده
وَجْد: بس انا…
قاطعها سيف: بدون نقاش يلا بينا
ورد و رضوي: سلام يا وَجْد
سيف بخبث: وَجْد بس
ورد و رضوي بخوف من نظراته: سلام يا استاذ سيف
وَجْد بضيق: سيبني اخلص محاضراتي و متبصش لاصحابي البصة دي مرة تانيه
سيف: يلا قدامي
(سيف مستناش ردها شدها ومشي بيها وطول الطريق كانو الاتنين ساكتين كسرت وَجْد السكوت)
وَجْد بضيق: حنين في المدرسه لسة عاوزة اروح اجيبها
سيف بهدوء: بعت لها السواق
(وَجْد سكتت واتعصبت من بروده وصلو الڤيلا اول مادخلو وَجْد طلعت الاوضه وهو وراها اول مادخل الاوضه لقت كف نزل علي خدها اتصدمت)
وَجْد بدموع: انت بتضربني ياسيف
سيف مسكها من شعرها بعصبية: انت فاكره نفسك متجوزه مين يابت انت هااااا ده انا سيف مهران مش واحد بيلعب معاكي عشان تكسري كلمتي
وَجْد بزعيق: ابعد ايدك عني و ايدك اللي انت مدتها عليا دي هايجي يوم وعيطك عليها بدل الدموع دم
سيف نزل فوقها ضرب:انت بتكلميني انا كده يابنت الكلب بتكلميني انا كده ده انت يوم اهلك مش معدي ماعدش غير واحده زيك تكلمني كداااااا
وَجْد زقته بكل قوتها وبانهيار: اهو انت اللي ابن ستين كلب وحقير يا زبالة انا احسن منك يا نسوانجي يا قذر
سيف مسك حزامه ونزل فوقها ضرب: انت بتشتميني وبتبجحي فيا يا حيوانه ده انا مش هخلي فيكي حتي سليمه
(سيف فضل يضرب فيها وشدها من شعرها قلعها الطرحة وفضل يضرب فيها لحد ماوشها وجسمها جاب دم وهي بتعيط وبتتوجع قدرت تفلت منه بصعوبة فتحت باب الأوضة ونزلت تجري وهو وراها وهي خارجة خبطت في سمير)
وَجْد بعياط وانهيار: سمير اللحقني يا سمير
سمير بصدمه من شكلها: وَجْد ايه اللي عمل فيكي كده
(وَجْد لسة هتتكلم سمعت صوت سيف استخبت ورا سمير ومسكت فيه جامد وسمير كان هيعيط علي منظرها سيف نزل وهو قمه في الغضب)
سيف بعصبية وسخرية: وانت فكرك لما تستخبي وراه انا مش هجيبك
سمير بعصبية: ابعد يا سيف في ايه
سيف: ملكش دعوه انت يا سمير وسع من وشي
سمير بعصبية: لا مش هوسع ابعد عنها
سيف بعصبية: سمييييير بقولك اوعي
وَجْد بانهيار: لأ يا سمير متسبنيش ونبي
سيف بعصبية: انت بتتحامي فيه يا بنت ال
قاطعه سمير: ماتهدي يا سيف هي عملت ايه لكل ده
سيف: اسال الهانم
سمير: وانا بسالك انت
سيف: الهانم بتبجح فيا وبتخرج من غير اذن
وَجْد بعدة عن سمير واتكلمت بانهيار: وايه يعني شوفتني عملت زيك بنكد عليك واروح انام في حضن واحد زي مانت مابتعمل ايييييه كفرت لما روحت جمعتي قبل ماتحسبني يا استاذ روح حاسب نفسك شوف كنت امبارح نايم في حضن مين وقولتلها ايييييه وانا شلت في قلبي وسكت انا مهما عملت مايجيش نقطه من اللي انت عملته انا بكرهك يا سيف بكرهكككككك طلقنييييي خليك راجل وطلقنييييي
(كل ده وسمير وسيف مصدومين سيف شدها من شعرها جابها عنده وهي صرخت بوجع)
سمير: سيف سيبها انت اتجننت
سيف بحدة ويشدد علي شعرها:انت بتراقبيني بقي
وَجْد بصراخ: هو ده كل اللي يهمك
(سمير شد وَجْد من ايد سيف و وَجْد دخلت في حضن سمير من الخوف)
سمير بعصبية: انا مستحيل اسيبها معاك دقيقة واحدة انا هاخدها واخد حنين ونمشي من هنا ولما تعرف قيمتها انت عارف عنوان بيتي
سيف بعصبية: انت بتدخل بصفتك مين انت ايه اللي دخلك مابنا اصلا
سمير: هي دي بقت اخرتها ماشي ياسيف انت حر لكن انا مش هسيب وَجْد و حنين معاك وده اللي عندي سلام يااا...ياسيف بيه
(سمير خد وَجْد وخراجو من الڤيلا علي دخلت حنين شافت اختها اتخضت من شكلها)
حنين بخضه:مالك يا وَجْد ايه اللي عمل فيكي كده؟
سمير: مش وقته يا حنين يلا تعالي
حنين: هنروح فين؟
سمير: هاتيجو عندي يلا بينا
حنين: حاضر
ــــــــــــــــــــــــــــــــــــــــــــــــــــــــــــــــــــــــــــــــــ
Buck…
حنين بصوت عالي: ياقدر
افاقت قدر «وَجْد» من شرودها: ها…بتتكلمي يا حنين
حنين: بتتكلمي ياحنين…؟ ده انا بقالي ساعه بتكلم وانت ولا انت هنا
قدر: معلش بس اصلي عاوزة انام تعبت اوى انهارده في الشركه
حنين: اجبلك دكتور
قدر: لا لا مش مستهله، المهم كنتي عوزاني في ايه
حنين: كنت بفكر ان بما ان كتب كتابي الاسبوع الجاي انا هنزل اشتري لي شويه حاجات
قدر: طب ماتنزلي يابنتي
حنين: مانا كنت عوزاكي معايا
قدر: وهي تفوتني باردو انا مش هروح الشغل بكرا عشان انا وانت وكريم خرجين بكرا عشان نجيب حاجه العروسه بتاعتنا
حنين حضنت قدر: حبيبتي والله انا افتكرتك مش هتوافقي
قدر: ومش هوافق ليه يا هبله انت ده انت بنتي مش اختي وبعدين هو انا عندي كام حنون
حنين: ربنا يديمك ليا يا قدر
قدر:طب يلا روحي نامي عشان هنصحي من بدري
حنين: كريم فين
قدر: كريم نايم في اوضه
حنين: طيب ماشي تصبح علي خير
قدر: وانت من اهل الخير
(حنين خرجت و قدر سرحت تاني)
قدر: انت الوحيد يا سمير اللي وقفت جمبي وانا مهما قدمت لك عمري ماهعرف اردلك جزء من جمايلك عليا هايجي يوم و اخليك في المكانه اللي تستحقها وعد مني.
ــــــــــــــــــــــــــــــــــــــــــــــــــ