عشق وانتقام قدر2
الكاتبة دهب وجدى
الفصل الحادي عشر
في قصر قدر *
( قدر صحيت اخدت شاور وصلت فرضها ودعت لاختها ولابنها وقامت لبست طقم عباره عن تيشرت اسود وچيبة اسود في احمر وطرحه حمرا وبالطو اسود وشنطة سوداء،ونزلت للفطار)

قدر: صباح الخير
حنين بابتسامه: يا صباح الجمال
كريم بمرح: صباح اللي بتغني هههههه
قدر بصدمه: صباح اللي بتغني!!!! انت جبت الكلمه دي منين
كريم: حنون هي اللي علمتهالي
قدر وجهت نظرها لحنين: حنون؟!
حنين بارتباك: مين...انا...اللهي انام ساعتين ماحصل
قدر: حنيييين
حنين: انت بتصدقي كلام الواد المفعوص ده
كريم بتكشيرة: انا مفعوص تحبي اقول لمامي قولتي ايه
حنين بخوف: لأ لأ لأ لأ الفتنة حرااام
قدر: قالت ايه يا كيمو
حنين: لو نطقت مش هاكلك موز تاني
قدر بجدية: هو انت بتديه موز يا حنين؟
حنين بارتباك: ااااااا...بصراحه....اه
قدر بغضب: انت مش عارفه ان الموز بيعملو حساسية وبيتعبو
حنين: مانا باديلو دواء الحساسيه بعد مابياكل
قدر: حسابكم معايا بعدين انتو الاتنين
كريم:طب لو قولتلك علي اللي خالتو قالتو مش تعاقبيني
حنين: واطيا يابسنت
كريم: اول حاجه انا اسمي كريم تاني حاجه بقي انا هقول لماما علي كل حاجه 😝😝
حنين.: بقي كدا؟
كريم: اه
قدر: ممكن نفطر بدون صوت
كريم: ماما انا قولت لخالتو ان لارا اديتني بونبوني من معاها وقالتلي I miss you قالتلي وانت عملت ايه قولتلها معملتش حاجه قالتلي كتت...تتك...بتقولها ازاي🤔🤔
حنين بتسرع: كتك نيلة...اوبس😳😬
كريم بمرح: ايوة هي دي قالتلي كتك نيلة اهبل زي امك
قدر: قالتلك انت اهبل زي امك😤
حنين بخوف: انت بتصدقي كلام الواد ده 😖
كريم: والله ياماما ولما قولتلها هحكي لماما علي لارا قالتلي متقولهاش حاجه امك خنيقة😁
قدر: انا بقي هاوريها الهبلة والخنيقة هتعمل فيها ايه دلوقتي 😏😏
حنين: انا اختك والله العظيم استهدي بالله
قدر: ماهو مفيش حاجه منعاني عنك غير ان فرحك كمان شهر
حنين: قلبك ابيض
قدر: لو خلصتي يلا نروح المول
حنين وكريم بفرحه: هييييييييي
(قدر وحنين وكريم ركبو العربيه وراحو المول)
ــــــــــــــــــــــــــــــــــــــــــــــــــــــــــــــــــــــــــــــــــ
*في ڤيلا الملك* تحديدا في غرفة سيف*
نهال: عامل ايه يا حبيبي انهارده
سيف: كويس احسن من امبارح بكتير
نهال: طب الحمدلله
سيف:لميس فين؟
نهال: بتتفرج علي الـT.V
سيف:قومي اجهزي انت وهي ننزل شويه
نهال: هنروح فين؟
سيف: نروح اي حتي، تعالي نروح المول نعمل Shopping
نهال: حبيبي انت لسة تعبان
سيف: انا كويس متخافيش
نهال: بس..
سيف: من غير بس يلا قومي وانا هكلم سمير يجي معانا
نهال: حاضر ياحبيبي اللي تشوفو
(نهال نزلت وسيف مسك الفون اتصل ب سمير وجاله الرد بعد وقت طويل وكان نايم)
سمير بصوت كله نوم: الو...مين؟
سيف: انت لسي نايم يا حيوان
سمير بنوم: ياعم ارحم امي بقي عاوز مني ايه
سيف: ام اغسل وشك وقابلني في مول(...)
سمير بتافف: يا عم انت مش تعبان
سيف: لا مش تعبان وعاوز اخرج هاخرج انا وانت ونهال ولميس
سمير: طب وانا مالي
سيف: ماتنشف يالا كدا في ايه قوم
سمير بضيق: حاضر حاضر ربنا علي الظالم والمفتري
(سمير قفل وسيف قام جهز وكانت نهال و لميس جهزو نزلو مع بعض ركبو العربية راحو المول وفي نفس الوقت كان سمير وصل وكان مضايق)
*قدام المول*
سيف: ايه اللي اخرك
سمير بضيق: هو فين التاخير ده ماحنا واصلين سوا احنا هنستعبط
لميس بطفولة: متكلمش بابي كدا تاني يالا
سمير و سيف و نهال بصدمه: يالا!!!!!!!!!
نهال:لميس عيب كدا قولي Sorry لانكل
لميس: Sorry, uncle
سمير: ياخواتي علي الاحترام انكل ماكنت يالا من شويه
سيف: انت هتتنك
لميس: يلا ندخل بقي انا زهقت
سمير: قولي لابوكي ياختي
سيف: ايه ابوكي دي؟
نهال: بس بقي يلا ندخل
(دخلو المول وفضلو يتمشو شويه ويتفرجو وفجأة وهما ماشيين سيف خبط في واحدة)
سيف: انا اسف
: مفيش مش...
نهال: قدر
(الواحده اللي خبط فيها سيف كانت قدر، سيف اتفاجئ وقدر اتوترت لكن تماسكت وحنين لما شافتو خافت ومسكت في قدر جامد وقدر حست بخوفها اما سمير فكان بيندب حظ صاحبه)
قدر: ازيك يانهال
نهال بسعاده: الحمدلله،مين القمر اللي معاكي
قدر: اعرفكم علي بعض حنين اختي الصغيره اللي عزمتك علي فرحها
نهال: ايوه اهلا وسهلا بيكي ياقمر
حنين بخوف: اااا...اهلا بحضرتك
قدر: اعرفك ياحنين، نهال حرم سيف بيه طبعا انت عرفاه كويس
حنين بخوف شدتت علي ايد قدر: ات...اتش...اتشرفنا
سمير لاحظ خوفها: ازيك ياحنين
حنين بخوف: الحمدلله يابيه
سمير بضحك: انت لسة فاكرة يا ام لسانين
حنين بضيق: متقوليش كدا
سيف: ازيك ياحنين
حنين خافت اكتر لدرجه انها عرقت: الحمدلله
سيف: مبروك
قدر ردت محاولة لانهاء الحوار عشان حنين: الله يبارك فيك،نستاذن احنا صدفه سعيده يا نهال
سيف بسخريه: فعلاً صدفك كترت
نهال: سييف في ايه؟
قدر بجدية: استني انت يا نهال، والقصد ياستاذ سيف؟
سيف بمكر: يعني كل مانروح مكان نقابلك مش غريبة شويه...يعني مش ممكن مراقبانا ولا حاجه
سمير: سيف ايه اللي انت بتقولو ده
قدر باسفزاز:أولاً انا هنا من بدري ثانياً انا مش براقب حد ثالثاً بقي هراقبكم ليه بيني وبينكم تار ولا حاجه ولا هموت مثلا واشوف حضرتك
سيف👈صمت
نهال👈زهول
سمير👈ضحكة مانعها تطلع
حنين 👈خوف واستغراب من قدر
قدر بابتسامه نصر: سكت يعني علي العموم انا مش فاضية عن اذنكم
لميس: طنط قدر
قدر : نعم
لميس: ممكن العب مع كريم
كريم: اه ونبي يا ماما
قدر: بس...
نهال: تعالي يا قدر نوديهم الـGarden عقبال مانخلص Shopping اه صحيح انت جايه تشتري حاجه معينه
قدر:كنت جايه عشان حنين ناقصها شوية حاجات يعني هنفضل هنا لأخر النهار
نهال: طب نودي الاولاد الـGarden ونبقي كلنا سوا
قدر: لا معلش مرة تانيه مبسبش كريم لوحده
نهال: خلاص نخلي الاولاد معانا
قدر: والله...
سمير: يامدام قدر خلينا مع بعض مش مشكله يعني
قدر: ok
سيف بضيق: طب ممكن نروح ناكل اي حاجه
نهال: ياريت والله،يلا ياقدر
قدر: يلا
(كلهم راحو لمطعم في المول وقاعدو طلبو الاكل)
حنين بخوف: قدر لو سمحتي تعالي معايا
قدر: ماشي...استاذن ثواني، كريم متتحركش
كريم: حاضر
(قدر اخدت حنين ودخلو الـToliet اول مادخلو حنين فضلت تعيط وتترعش من الخوف)
قدر: اهدى اهدى ياحبيبتي اهدى
حنين ببكاء: انا...انا...انا خايفه
قدر بقوة: متخفيش طول مانا معاكي انت فاهمه
حنين ببكاء وخوف: انت...نا...ناسية...هو...عمل فيا ايه...انا مرعوبه
قدر: اول حاجه متخافيش انا معاكي ومش هخليه يقربلك تاني حاجه انسي اللي حصل والحمد لله انها عدت علي خير فاهمه انسي اللي حصل
حنين: كريم
قدر بقوة: مش هايعرف حاجه انت فاهمه وطول مانت خايفه هو هيحس انك ضعيفه وممكن يعمل حاجه معاكي او معايا عوزاكي قوية فاهمه متعيطيش ومتبينيش انك خايفه
حنين ببكاء: انت قابلتيه امتي
قدر: بعدين هفهمك كل حاجه اغسلي وشك ويلا نخرج وتخافيش اتعاملي عادي فاهمه
حنين: حاضر
*عند سيف والباقي*
نهال: علي فكره يا سيف تعاملك وحش من قدر
سيف: نهال...كل مره تقولي نفس الكلام
سمير محاولةتلطيف الجو: احم وانت ياقمر اسمك ايه
كريم: اسمي كريم
سيف بترقب: كريم ايييه؟
كريم: اسمي كريم سيف الاسواني
سمير بصدمه: والدك اسمه سيف
كريم ببراءه: ايوه
سيف: والدك اسمه سيف الاسواني و والدتك اسمها قدر الاسواني
كريم: ايوه
سمير: شعرك حلو اووي يا كيمو
كريم: زي شعر ماما
نهال بابتسامه: تعرف ان عيونك شبه عيون سيف بالضبط
(سيف انتبه هو وسمير)
كريم ببراءة:بابا ولا انكل
نهال بضحك: لا انكل
قدر: اتأخرنا؟
نهال بابتسامه: شويه
سيف: كريم قالنا مين والده
قدر بتوتر خفياه: بجد...غريبة عمره ماقالو لحد
سمير: اتفاجئا بصراحه يعني كريم سيف الاسواني و قدر الاسواني
قدر: بصراحه انا كمان اتفاجئت من الاسم لما اتقدملي يعني طول حياتي معرفش غير سيف واحد بس فجأة بقو اتنين لكن لما اتجوزنا بقيت علي اسم عيلته الاسواني عشان كده افضل اسم قدر الاسواني
سيف: وانت ياحنين
حنين بتداري خوفها: انا ايه؟
سيف بمكر: كبرتي ماشاء الله 27سنه ولسة متجوزتيش ليه ده انت حتي ماشاء الله عسوله
حنين بدموع منعاها تنزل: النصيب بقي يا...ياابيه
سيف بضحك ومكر: ههههه طب والله كويس انك لسة فاكرة ابيه دي
سمير: وانت يام لسانين بقي
حنين بضيق: ابييييييه
سمير بضحك: ههههههه سوري نسيت
نهال: بطل رخامه يا سمير
سمير: خلاص حاضر، درستي ايه يا حنين
قدر: حنين دكتوره جراحه وليها مستشفى بتاعتعتها
سيف:مش صغيرة علي موضوع ان يكون ليها مستشفى خاصة بيها ده مش بعيد تكون دون خبرة وانت اللي فتحاهلها
نهال:سيف مينفعش كده
(قدر لسة هتتكلم سباقتها حنين)
حنين بتعالي:والله انا احترت فيك يا ابيه مرة تقول كبيرة ومرة تقول صغيرة لكن علي كل حال تقدر تفتح موبايل حضرتك وتعمل Search عن مستشفى حنين القدر هتلاقي انجازات كلها تمت من مجهودي وكمان ناجحة في اي عمليه جراحية ملفها بيجي في ايدي انا مش قليلة يا ابيه
قدر بفخر باختها: حنين واخده شهادات كبيرة وكتير وده يزبت انها شاطره
نهال بأمل: طب ممكن اعرض عليها حالة ماما
حنين: اكيد طبعاً ممكن تيجو المستشفى وانا اتابع حالتها
نهال بفرح: بجد شكرا
حنين طلعت كارت من الشنطة: ده الـBusiness card بتاعي في عنوان المستشفى والارقام
نهال اخدت الكارت: ميرسي بجد اصل ماما تعبانه اووي والدكتور اللي متابعه معاه مش فاهمين منه حاجه وتعبانه خالص
حنين:تقدري تشرفيني الاسبوع الجاي الساعه9في المستشفي
نهال: ميرسي
سمير بمرح: والله وبقيتي دكتوره يام لسانين
حنين: يوووه بقي علي فكره انا مش هرد عليك
سمير بضحك: شطورة
(الاكل جه وقعدو ياكلو وبعد وقت قصير قامو اتمشو في المول واشترو حاجات وعدا الوقت مابين مشاكسة سمير وحنين ونظرات غامضة من قدر لسيف وسعادة نهال بصداقة قدر وانها هتلاقي حل لمشكلة والدتها وتلميحات من سيف ولعب كريم ولميس وفضلو يتمشو لوقت طويل)
سيف: يلا يانهال انا تعبت
نهال: ماتخلينا شويه
سيف: لا يلا
نهال: حاضر، نستاذن احنا بقي ياقدر
قدر: ماتخليكي معانا
نهال: لا معلش لازم اروح عشان سيف عنده شغل
قدر: اوك سلام
نهال: سلام ياقدر، سلام يا حنين الف مبروك
حنين: الله يبارك فيكي
سمير: سلام يامدام قدر، سلام حنين
قدر وحنين: سلام
لميس: طنط قدر
قدر بحب: نعم يا لميس
لميس: انا بحبك اوى
قدر نزلت لمستواها: وانا كمان بحبك اوى، استني
(قدر فتحت شنطتها وطلعت علبة قطيفه صغيرة وفتحتها وكانت الصدمة من نصيب سيف كان في العلبة حلق صغير علي شكل ورده وكان الماظ)

قدر بخبث: ايه رأيك في الهدية دي
لميس بطفولة: جميله اوى
قدر: دي بتاعتك
لميس: بجد
نهال: ده كتير يا قدر مش هقدر اخدها
قدر: انا بديها لبنتي يا نهال مش ليكي
نهال: بس..
قدر: مبسش دي لبنتي مش ليكي،خدي يالميس
لميس بسعاده: ميرسي ياطنط
نهال: سلام ياقدر و ميرسي علي الهديه التحفة دي
قدر: العفو علي ايه دي بنتي
(نهال تقدمت هي ولميس وقدر قربت من سيف المصدوم وبنظره خبيثة وابتسامه انتصار قالت)
قدر بخبث: تعيش وتاخد غيرها يااا...سيڤو
(لفت اخدت حنين وكريم ومشيو وهي بفتكر يوم ماسيف هدلها الحلق ده عشان يصالحها وافتكرت انها بتدي فرصه تانيه لحبها مكنتش تعرف انها كانت رايحه لنهايتها لنهاية «وَجْد» )
ــــــــــــــــــــــــــــــــــــــــــــــــــــــــــــــــــــــــــــــــ
flash back...
*في بيت سمير*
وَجْد: لو سمحت يا سمير سيبنا نمشي من هنا احنا بقالنا اسبوع عندك وانت مش بتقعد في البيت عشان ناخد راحتنا اروجك سيبني امشي اروح بيتي احسن انا مش عاوزة اعملك مشاكل
سمير: مشاكل ايه دي انا عاوز افهم انت اختي يا وَجْد ولو الاخ ماوقفش جمب اخته في شدتها مين اللي هيقف معاها
وَجْد بدموع: والله يا سمير ربنا يعلم انا بعزك قد ايه بس سامحني انا لازم امشي
سمير: ماتحضرينا يام لسانين ولانت مش بتتكلمي غير في التفاهة وبس
حنين: لو سمحت يا ابيه متقوليش كدا تاني عشان مزعلش وانا زعلي وحش
سمير بسخرية: يامي يامي يامي خاف ياعيد، تصدقي خوفت يابت وهموت من الرعب
وَجْد: ماكفاية انتو الاتنين هو انا قاعده مع اتنين عيال ماتعقلو
سمير: انا ياختي عاقل الحمدلله
حنين بسخريه: لا ماهو باين
سمير: يابت هاجيبك من شعرك
حنين بصوت عالي: طب وريني كده تقدر تعمل ايه
سمير: يابت ده انت شبر ونص مانتيش قدي هاديكي بالألم ادحرجك زي امبوبة البوتجاز
حنين: نعم ياخويا تدي مين بالقلم طب اعملها كده وانا احبسك بتهمة تعدي علي انثي
سمير بسخرية: هي فين الانثي دي ياختي
وَجْد بنفاذ صبر: بسسسسسسسسسس ايه قاعده مع عيال، وانت ياحنين قولي لابيه اسفه عشان ماينفعش تتكلمي معاه بالاسلوب ده
حنين بصدمه: وَجْد...هو اللي غلط الاول
وَجْد: حنين بقولك اتاسفي
حنين بتزمر: اسفه يا ابيه
سمير بفخر: اتحايلي عليا كمان شويه
حنين بعصبية: شوفتي يا وَجْد
وَجْد بتعب: انا والله تعبت
سمير بقلق: مالك يا وَجْد فيكي حاجه
وَجْد بتعب: دايخه بس مفيش حاجه
حنين بقلق: طب اوديكي المستشفى
وَجْد: لأ لأ مش مستهله انا هقوم اريح شويه
(وَجْد قامت وقفت ولما مشيت وقعت مغمي عليها وسمير وحنين اتخضو وسمير شلها دخلها الاوضه واتصل علي الدكتور والدكتور جه وكشف عليها)
سمير بقلق: طمني يادكتور
الدكتور بابتسامه: مفيش داعي للقلق ده طبيعي يحصلها كده شوية وهتفوق ، مبروك المدام حامل في الشهر الاول
حنين وسمير بصدمة: حامل!؟
الدكتور: ايوه الف مبروك،وانا كتبتلها شويه ادوية مقويات عشان هي ضعيفة جداً
سمير:شكرا يا دكتور، اتفضل
(الدكتور مشي وحنين وجهت كلامها لسمير)
حنين بخوف: هنعمل ايه يا ابيه؟
سمير باستغراب: هنعمل ايه في ايه مش فاهم؟!
حنين: فكرك وَجْد هتقبل بالبيبي بعد اللي حصل
سمير بتفكير: مكدبش عليكي انا كمان فكرت في كده لكن معرفش هتقبل ولا لأ
حنين: معرفش والله ايه اللي هيحصلها اول ماتسمع الخبر ده انت مشوفتش كانت منهاره ازاي واحنا جايين هنا
سمير: لما تفوق نبقي نشوف ايه اللي هيحصل
(بعد وقت وَجْد فاقت وسمير وحنين كانو حواليها)
وَجْد بتعب: ايه اللي حصل؟
سمير: انت كويسه يا وَجْد؟
وَجْد: الحمدلله، ايه اللي حصل
حنين بتوتر: بصراحه...
سمير بمقاطعة: وَجْد انت حامل
وَجْد بصدمه: ايه؟!
حنين: الدكتور قال انك حامل
وَجْد بدموع وسعاده: بجد يعني انا هبقي أم
(حنين وسمير اتفاجأو من ردة فعلها)
سمير: مبروك
وَجْد بفرحه: الله يبارك فيك
حنين: مبروك يا وَجْد
وَجْد: الله يبارك فيكي ياقلبي، انا لازم اعرف سيف ده هيفرح اووى
حنين بعصبيه: تقولي لمين يا وَجْد انت اتجننتي
سمير: عيب يا حنين تتكلمي مع اختك كده
حنين: انت مش سامع يا ابيه بتقول ايه
سمير: اطلعي برا وانا هتكلم معاها
حنين: بس...
سمير: حنين اطلعي برا
حنين: حاضر
(حنين خرجت و سمير وجه كلامه ل وَجْد)
سمير بجدية: انت متاكده من قرارك
وَجْد بتوتر: ايوة متاكده
سمير: وبالنسبه للعمله معاكي البنت والضرب والاهانه هتقبلي بكل ده عادي
وَجْد بدموع: لازم اعمل كده عشان لما ابني او بنتي ميبقوش من غير اب ويتعقدو
سمير: بس انا مش هينفع اسيبك غير لما يتاسفلك
وَجْد: هو شايف انه مغلطش وانا هديلو فرصه تانيه، فرصه لحياتنا ولحبنا، لازم اعمل كده
سمير بياس: اللي انت شيفاه لكن ارجع اقولك هتندمي صدقيني....لكن لو انت واخدة قرارك لو احتجتيني هتلاقيني موجود معاكي في اي وقت
وَجْد: ربنا يعلم يا سمير انت بالنسبالي ايه كان نفسي يكون ليا اخ زيك كده
سمير: اخس عليكي انا كده هزعل يعني انا مش اخوكي امال انا هبقي خال ازاي انا مش فاهم
وَجْد: لا طبعاً انت اخويا وهتبقي خالو وعمو كمان يعني من الجهتين
سمير بمرح: كبرتوني الله يخربيتكم، المهم انا هقوم اتصل علي سيف افرحو
وَجْد بتسر: لأ لأ انا هروح علي الڤيلا واعملهاله مفاجأة
سمير: زي ماتحبي
وَجْد: طب يلا قوم
سمير بتفاجئ: دلوقتي؟!
وَجْد: ايوه دلوقتي
سمير: ده انت واقعه اووي
وَجْد: من الدور العاشر وحياتك، يلا بقي
سمير بضحك: حاضر يا واقعة، قومي يلا
وَجْد بسعاده: قووووم
سمير: قامت قيامتي حاااااااضر
(وَجْد قامت اقنعت حنين ولبست واخدت حنين ونزلو مع سمير وصلو الڤيلا لكن ملاقوش سيف موجود سمير اطمن علي وَجْد ومشي)
حنين: انت واثقة من قرارك
وَجْد: ايوه
حنين: تمام، انا هدخل الاوضه ومش هخرك منها انهارده عشان بصراحه مش طايقه اشوفه
وَجْد: انا قولت ايه؟
حنين: اسفه، عن اذنك
(حنين دخلت اوضتها و وَجْد عارفه انها هتاخد وقت عقبال ماتقنعها طلعت اوضتها قعدت علي السرير وفضلت تعيط لما افتكرت اللي حصل)
وَجْد بتمسح دموعها: انا لازم استحمل واسمحه عشان ابني لما يجي مايتعقدش ويفضل مع باباه... ايوه انا كده صح عشان ابني بس...بس انا لسه بحبه رغم كل حاجه عملها بس انا لسه بحبه... انا هديلو فرصه تانيه عشان ابننا اللي جاي انا هقوم احضرلو مفاجأة عشان لما يجي يتفاجاء.
(وَجْد قامت زينت الاوضة وبعتت جابت ورد كتير وزينت بيه الاوضة وعملت جو رومانسي وجابت تورتة وعصير تفاح وبلالين كانوع من انواع الاحتفال بالبيبي اللي جاي

بصت حواليها لقت انها خلصت التزيين دخلت اخدت شور ولبست فستان ازرق قصير وحطت مكياج خفيف ولبست السلسلة اللي كان سيف جايبهالها

فضلت قاعده مستنياه لحد مالوقت اتاخر، وبعد وقت سيف جه وهو قدام باب الاوضة لقي قلب بالورد والاضاءة علي الارض اتفاجئ دخل الاوضة لقاها متزينة وميعرفش مين عمل كده لانه طبعا عارف ان وَجْد مش موجوده سمع صوت الباب اتقفل بص وراه لقي وَجْد واقفة وكانت جميلة جداً فضل باصص ومش مستوعب انها اللي واقفة)
سيف بصدمه: وَجْد؟!
وَجْد ببصة عتاب: ايه مكنتش عاوزني اجي
سيف ولسه مصدوم: لأ طبعا، بس... ااا
وَجْد: مكنتش متخيل اني هرجع تاني
سيف: بصراحه اه، انا كنت جايلك بكرا بس انت سبقتيني
وَجْد:انا مرجعتش بمزاجي، ولو عاوزني امشي هامشي
سيف قرب منها بسرعه: لأ لأ طبعا مقصدش كده انا بس اتفاجئت،لكن ايه المفاجأة الجميلة دي
وَجْد بدموع:وانت متستهلش
سيف: انت لسة زعلانه
وَجْد بدموع: وانت شايف اللي عملته ميزعلش
سيف باس جيبنها: حقك عليا متزعليش ماهو انت باردو اللي عصبتيني وخرجتي من غير ماتقولي
وَجْد ببكاء:بس انت خونتني
سيف: والله ماخنتك
وَجْد ببكاء: كداب انا سمعتكو وانتو بتتكلمو وقولتها انا زعلت اللي في البيت وجتلك، اول ماسيتك خرجت واتكلمت معاها وانا سامعة كل حاجه،ليه تعمل معايا كده
سيف وبيمسح دموعها: خلاص انا اسف أوعدك اني مش هعمل كدا تاني ومش هزعلك تاني
وَجْد: انت بتضحك عليا
سيف: وحياتك عندي مابضحك عليكي خلاص بقي متعيطيش
وَجْد: حاضر
سيف: فين الضحكه الحلوه
وَجْد بابتسامه: اهي
سيف: ايوة كدة خلي الشمس تطلع
وَجْد بضحك: احنا بليل
سيف: خلاص خلي القمر ينور
وَجْد: انا عندي ليك مفاجأة
سيف بخبث: قبل ماتقولي المفاجأة ايه كل ده ايه الحلاوه دي زينه و ورد وبلالين و تورتة وعصير وفستان جميل لأ لأ قلبي الصغير لايتحمل
وَجْد بحرج: تصدق انا غلطانه
سيف:احلي غلطة، قبل اي حاجه انا جايبلك هديه
وَجْد باستغراب: هديه؟!
سيف: مممم، غمضي عيونك
(وَجْد غمضت عيونها و سيف طلع علبة قطيفه صغيرة من چاكت البدلة وفتحها وكان فيها نفس الحلق الالماظ)

سيف: فتحي عيونك
وَجْد فتحت عيونها وبصدمة: ده ليا أنا؟!
سيف: امال ليا
وَجْد: بس ده غالي أوي
سيف: مفيش حاجه تغلي عليكي
وَجْد: سيف...الحب مش بالهداية الغالية انا يكفيني انك تتديني وردة واحده بس وتقولي بحبك ده لوحده يكفيني انك جمبي
سيف: انت ليه مش حاسه بقيمة نفسك انت تستهلي اغلي واحلي حاجه
وَجْد: بس...
سيف بمقاطعة: بحبك ❤
وَجْد بابتسامه: وانا كمان بحبك يا سيڤو❤
(سيف لبس ل وَجْد الحلق وحضنها)
وَجْد وهي في حضن سيف: سيف
سيف: ايه ياعشقي
وَجْد بسعاده: أنا حامل.
ــــــــــــــــــــــــــــــــــــــــــــــــــــــــــــــــــــــــــــــــــ
Buck...
حنين: سرحانه في ايه يا قدر؟
قدر: ولا حاجه ياحبيبتي
حنين: مش هتحكيلي قابلتيه تاني أمتي
قدر: من فترة كده في بنا شغل
حنين: ومراته؟!
قدر: في النادي بنته كانت بتعيط وتايهة وصلتها لوالدتها وجمعتنا كام صدفة وبقينا اصحاب بس
حنين: انت واعية للبتقوليه اتصاحبتي علي مرات طليقك
قدر: مسمعش الكلمة دي تاني ومش عاوزة كلام في الموضوع ده تاني مفهوم
حنين: ايوة، بس...
قدر بتنبيه: مفهوووم
حنين: مفهوم
قدر: انا هطلع انام عشان عندي مقابلة مهمه الصبح
حنين: تصبحي علي خير ياقلبي
قدر: وانت من اهله
ــــــــــــــــــــــــــــــــــــــــــــــــــــــــــــــــــــــــــــــــــ
*في ڤيلا الملك *
سمير: مالك يابني مسهم كدا ليه
سيف بشرود: وَجْد ناوية علي حاجه ولازم أعرفها
سمير: يااربيي علي الوهم يبني اتهد شويه مش كدا زهقتني كل ماتشوفها تقول كدا
سيف بغضب: انت مشوفتش اللي عملته انهارده
سمير بضحك: قصفت جبهتك بس
سيف يسدد لكمة لسمير: مش ناقص استظراف
سمير بوجع: ربنا ينتقم منك ياشيخ وانا مالي انا
سيف بغضب: توافق بس علي العرض بتاعنا وانا اوريها هعمل فيها ايه
سمير: الطيب احسن، بطل لعب احسنلك
سيف: ملكش دعوه
سمير: ياعم أولع انا مالي، سلام انا مروح
سيف: في ستين داهيه
ــــــــــــــــــــــــــــــــــــــــــــــــــــــــــــــــــــــــــــــــــ
*صباحاً في شركه الإمبراطورة جروب*
چيچي: مدام قدر
قدر بتركيز في الملفات: خير
چيچي: الاستاذ «مراد الانصاري» برا منتظر حضرتك
قدر:صاحب شاريكات الانصاري للهندسة؟
چيچي: ايوة يامدام
قدر:مممم، خليه يتفضل
(دلف للمكتب شاب في الخامس والثلاثون من عمره وكان وسيم للغاية «مراد الانصاري» رجل اعمال شاطر و شاب بيحب الحياة وبيامن بالحب رغم انه له تجربة سابقة فاشلة ولكن لم يتأثر هيكون له دور مهم في حياة قدر)
مراد بابتسامه ويمد يده: مراد الانصاري
قدر بدون رد المصافحة: قدر الاسواني
مراد سحب ايده: غانية عن التعريف طبعا
قدر: اتفضل
مراد جلس:سمعت عن شركه حضرتك كتير ويشرفني العمل مع حضرتك
قدر بعملية: الشرف ليا، تشرب ايه الاول
مراد: لا هنشرب المرا الجاية نكون اتفاقنا
قدر: علي ايه؟
مراد بابتسامه: بصراحه عرفت ان حضرتك ليكي شركة استراد وتصدير في المانيا وكان في شحنة حديد هتوصلي من هناك لكن الشركه اللي انا متعاقد معاها معندهمش اللتزام وسمعت عن شركه حضرتك اللي هناك فحبيت يكون في شغل بينا
قدر بجدية: تمام وانا يشرفني العمل مع شركة حضرتك هجهز العقود وابعت فاكس لفرع الشركه اللي في المانيا ونمضي العقود بعدها تقدر تستلم الشحنة في الوقت اللي يعجبك.
مراد باعجاب: مغلطش باردو لما فكرت فيكي
قدر بحدة: افندم!؟
مراد بابتسامه: اصل سمعت عنك كتير وانك عملية وشركتك فيها اللتزام اول مافكرت في حل لمشكلتي فكرت في حضرتك وفي شركتك
قدر بجدية: هنمضي العقود يوم الأربعاء
مراد:بالسرعة دي
قدر بجدية: اظن حضرتك قولت انك مستعجل على الشحنة، صح؟
مراد: تمام، نتقابل يوم الاربعاء
قدر بجدية: اتشرفنا
مراد بيمد ايده تاني: فرصه سعيده
قدر بصت علي ايده: انا الاسعد
مراد بابتسامه: مممم عنيدة ومش بتسلمي فهمت لكن ده حتي السلام سلام ربنا ردي السلام
قدر بجدية: لا ماهو احنا مش هنا عشان نسلم على بعض ونتعرف على بعض هنا مكان شغل والكل عارف اني جدية او في الشغل ومليش في جو التعارف ده، تمام؟!
مراد بهيام: وانا مبحبش قد الجدية، سلام ياااا.... يا مدام قدر
(مراد مشي وعلى وشه ابتسامة حب وهو في العربية لاحظ انه مبتسم محة الابتسامه)
مراد: ايه الهبل ده انا بضحك علي ايه،(سرح فيها)
عيونها جميله بشكل لكن فيها حدة وحزن في نفس الوقت عكس لما اول مره شوفتها فيها اتوقعت اول ماشوفتك انهارده انك هتفتكريني لكن شكلك نسيتي طب والله حرام الجمال ده يقعد القعده دي كده (فاق لنفسه) ايه الهبل ده انا بقول ايه شكلي اتهبلت انا اروح الشركه اكلم الواد معتز يجيلي واقولو اني اتفقت مع الشركه(اكمل بهيام) وصاحبة الشركه كمان (ضرب نفسه بضيق) ايه الجنان ده.
ــــــــــــــــــــــــــــــــــــــــــــــــــــــــــــــــــــــــــــــــ
*عند قدر *
قدر بتفكير: حاسه اني شوفتو قبل كده، بس فين؟
~تليفونها رن~
قدر: الو
: الو، ازيك يامدام قدر
قدر: بخير الحمدلله، ايه سر المكالمة الغريبة دي
:حبيت اطمن عليكي
قدر: لأ اطمن انا كويسة…حاجه تاني
: ايه يا مدام قدر انت اتغيرتي علي الكل حتى انا
قدر: لا طبعا انا بس مضغوطه في الشغل شويه
: ربنا يقويكي
قدر بغموض: يارب…ويبعد صاحبك عن طريقي عشان هو عمال يدعبس ورايا اليومين دول وانا سيباه بمزاجي…لكن لو قلبت عليه مش هيحصل كويس…وعلى فكرة انا عارفه انه جمبك دلوقتي خليه يهدي كدا عشان مايندمش، فهمتني يا سمير
سمير بصدمه: مممم
قدر بابتسامه خفيفة: سلام يا سمير، ومتقلقش صورتك متهزتش ولو سنتي واحد قدامي عشان انا عرفاك كويس وعارفه صاحبك كويس اووي.
~المكالمه انتهت~
ــــــــــــــــــــــــــــــــــــــــــــــــــــــــــــــــــــــــــــــــــ
*في شركة الملك جروب*
سيف بصدمه: هي ازاي كدا؟!
سمير بصدمه: انت بتسألني، بص ياعم انا برا الموضوع ده
سيف بانفعال: وحياة طنط
سمير: امال اعمل ايه يعني
سيف: يخربيت دماغها
سمير: انا هروح وفكر انت مع نفسك
سيف: في ستين داهيه
سمير بسخرية: خيراً تعمل شراً تلقي
ــــــــــــــــــــــــــــــــــــــــــــــــــــــــــــــــــــــــــــــــــ
*في قصر قدر *
(حنين بتتسحب عشان تصحي كريم)
حنين بصوت عالي: كيموووووووووو
كريم بخضه:ماقتلتهاش والله
حنين بضحك: هههههههههههههه انت بتقتل مين يالا ههههههه شكلك يموت من الضحك ههههههه
كريم بضيق: حرام عليكي ياخالتو خضتيني
حنين بمرح: احسن تستهال
كريم بضيق: صحتيني ليه بقي
حنين: انت عاوز قدر هانم تيجي وتلاقيك نايم قبل ميعاد نومك ومن غير اكل ونايم علي كنبة الانتريه دي كانت دفانتني
كريم: وانا مالي سيبيني انام ونبي
حنين: تؤتؤ يلا قم غير لبس المدرسه اللي انت نمت به ده، وبعدين تعالي هنا انت كنت بتقتل مين
كريم بشر طفولي: كنت بقتل تارا ههههه
حنين باستغراب: تارا مين!؟
كريم: بنت معايا في الــclass شريرة اووي
حنين بصدمة: وانت اي حد شرير تقتله ياهبل
كريم: لأ تارا بس عشان بتشد لارا من شعرها وبتزعلها
حنين بسخريه: ده وانا قدك كنت بغني ماما جاية امتي وانت بتحبلي ياعين أمك
كريم بفخر: أمال ايه ده انا خاربها في المدرسة
جه صوت من وراهم: خا ايه ياعنيا
كريم بخوف: ماما
قدر بعصبيه مكتومه: قول تاني كده انت ايه؟
كريم بخوف: مفيش
حنين محاولة تهدات الوضع: محصلش حاجه يا قد
قدر مقاطعه بعصبيه: هو ايه ده اللي محصلش حاجه من صغره بيعمل كدا امال لما يكبر هايهبب ايه، وانت سمعاه وساكتة بدال ماتقوليلو كدا عيب ايييييييه عوزاه يطلع واحد عديم الضمير والانسانية وياخد اي بنت يبهدلها ويذلها لمجرد انها حبته عوزاه يطلع كده ردي عليااااااا.
حنين فهمت عصبية قدر:اهدي يا قدر عشان خاطري
كريم بخوف ودموع: اسف يا ماما
قدر: مسمعش الكلام ده تاني وكل البنات اللي معاك في المدرسه اخواتك انت فاااااهم
كريم بخوف ودموع: حاضر
(قدر حاولت تسيطر على غضبها قعدت وخادتو في حضنها ومسحت دموعه واتكلمت بحنية)
قدر بحنيه: متزعلش منى ياحبيبي حقك عليا بس كدا غلط وعيب وحرام وميسحش كدا ربنا يزعل منك وانا كمان هزعل منك
كريم: لا خلاص انا اسف
قدر بحنيه: مش زعلان منى
كريم بابتسامه: لا مش زعلان
قدر بحنيه: طب فين حضن ماما الكبير
كريم حضنها: اهووووو
حنين: يا سلام ياختي انت وهو طب وانا
قدر بحنيه: تعالي ياقلبي واقفه عندك ليه
حنين حضنتها: قلبااااااااي
قدر بانزعاج: بوظتيلي ودني
حنين بضحك: اسفه
قدر حضنتهم جامد: ربنا يديمكم ليا
يتبع