الفصل السابق
عشق الودق بين العشق واللعنه
بقلم ايمان صالح
الجزء_السابع
عبد الرحمن••حااضر حااضر ،،بكرة هنتجابلو وتكون معايا الفلوس في الجسم تمام إكدة؟؟
رد عليه الراجل تمام ومشي عبد الرحمن مذهول بيكلم نفسه ،،،هوا حكم ماله ومالهم بس؟؟
بعد اربع أيام مما جري،،،
عبد الرحمن مش بيقعد علي حيله،، جري عالمركز عشان يطلع غجريه وودق وجري علي بيتهم عشان يخلصه قبل جروجهم،، حكم عرف بخبر الصلح اللي هيتم وحاول يمنع الراجل من إتمام الصلح رد الراجل عليه يبقي ادفع انت المبلغ ورفض،، مع رفض حكم عطل الصلح لكام يوم وفي اليوم التالت راحو عالمركز وتم الصلح،، في اليوم الرابع،، خلصت إجراءات النيابه وتم إخلاء سبيلهم بعد ماشرط شرط على كلامن الطرفين بعدم التعرض لأي منهم للآخر،، وخرجو على هذا الاساس،،وخرجت غجريه ومعاها بنتها وهما مش مصدقين إنهم خرجو،،لحظة الخروج،، غجريه وطت عالأرض باستهاوحمدت الله على نعمة الحريه تانى،،
غچريه••الحمد لله ياربي،، الحمد لله،، همي يابتي،، همي نتسبحو عشان ريحتي عفشه وشبه ريحه الچاموسه الملغمطه روحها بالوحل،، ودق ضحكت بصوت عالي،،، ردت غجريه،، ههوووس يامغفلجه اكتمي عااد !! ومشيو في طريقهم للبيت
غچريه••فين عبروحمان أمال؟؟ مچاش يعنى؟؟ غريبه دياتي؟؟ بصتلها ودق وسكتت
ودج••أباااي؟؟
غچريه ••إييه؟؟ غلطانه إني بسأل عليه؟؟ إيوة آني غلطانه صُح،، چدعه إنك بتفوجيني،، مش لازم أنسي هوا مين وأخوة يبجي ميين،، ردت ودق،،
ودج••طب،، هوووس،، أسكتي،، ومشيت ودق وغجريه تتعكز العميه عالمحروقه لحد ماروحو بيتهم،، ولسه بتقرب من البيت،، لقت المنظر من بعيد مش بيتهم،، قعدت ودق تشد في غجريه وتقولها بأسلوبها،،
ودج••بيتنا مشي،، بيتنا مشي
غچريه••مشي راح فين يابت المعتوهه إنتي عاااد؟؟ ماتركزي ياودجه!!! فيه إيه أباااي؟؟
ودج••مهواااشي؟؟ مهواااشي !!!
طلعت غجريه المفتاح اللي مش بيطلع من كيسه في صدرها تشبه الخرق القماش موصله بحبل ربطاه علي رقبتها بتشيل فيها الأوراق والمفاتيح ولو فيه فلوس بتشيلها فيها،، وقعدت غجريه تقولها،،
غچريه ••هيبان دلوك،، هيبان،، هة بسم الله
وحطت المفتاح في الباب وفتحت،، الباب فتح وإتفائجو بكل حاجه في البيت متغيرة وكأنه فعلااا مش بيتهم،، البيت إتبني من أول وجديد وإتصب وبقي سقف حقيقي،، بقي فيه أوضتين أوضهلودق وفيها حاجتها وأوضه لغجريه وفيها حاجتها كل أوضه فيها دولابها وسريرها،، البيت بقي فيه مطبخ،، حمام،، تفاصيل كتيييرة مكانتش موجودة وبقت موجودة،، ريحة الدهان شدت غجريه قعدت تشمشم وتقول،،
غچريه ••وااه؟؟ الريحه دي چايه منين يابتي؟؟ من داارنا؟؟
ودج ••هزت راسها وغمزت غجريه في إيدها وقعدت تتحرك جاامد كأنها بترقص وهيا بتقول،، أيوااااة،، بييت،، أمااان،، أماان أهووة،،
غچريه ••بتجولي إيه يامخبله؟؟
ودج••بإندماج شديد،، خبطه من رجليها في الارض،،نص قفزة بالرجل الأخري،، أو بالأحري حجله برجلها،، أماان أهوووة أماان بيبي،، سمعت غجريه صوت راجل بيضحك جوة،،، اتخضت واتنفضت من مكانها،،
غچريه ••حاااه ؟؟ ياامرري؟؟ مين اللي چوة يابت؟؟ عبروحمان؟؟ إنطجي لايكون حراامي؟؟
رد عبد الرحمن عليها،،
عبد الرحمن ••إيوة ٱني ياجمر،، لاااه،، جمرين !! إبتعرفي تحچلي يادوج؟؟ يابووي؟؟ جمر ياخاله جمر !!
غچريه ••أكيد ياولدي تشبهك،، لمهم جولي إنت دخلت إهني گيف؟؟
عبد الرحمن••ولاحاچه،، چيت يوم ماخدوكم،، وكنت عاملكم مفآچاه،، إني عهد الدار دااي،، وأجومها تانى لجيتكم مش موچودين،،
غچريه••وإنت ياولدي اللي دفعتلنا كلفة الدار اللي إتحرجت؟؟ والدار دياتي كماني؟؟
عبدالرحمن ••إيوة ياخاله،،
غچريه ••وعليك مندا بإيه ياضنايا،، لااه،، إكدة كاتير عليك يابو عمو !!!
عبد الرحمن ••علي كيفي،، وبمزاچي،، ماحدش عاوز لامنيكي ولا منيا حاچه إه !!
غچريه ••ياولدي حكم خوك ماهيسيبكش،،
عبد الرحمن ••أني مباخدش منه جرش صاغ،، وبعدين آني مش عيل إصغير ياخاله !!
غچريه ••ماعاش ولا كان اللي يجول عليك إكدة ياحباية جلبي،، دنتا سيد الرچال كلاتهم،، بس جصدى،، جصدي أنبهك من خوك،، الواد دة سمه أزرج ونابه مبيطلعش غير بالدم،، فاخلي بالك منيه زين وحرص،،
عبد الرحمن••مش بجولك كنك عشرة جديمه جوى!!
غچريه •• واااه؟؟ كني عشان ماني عميه يبجي ماعرفش أجري أشخاص؟؟ لااه خلي بالك أني بفهم الشخص من صوت زين جووي جووي،،
عبد الرحمن ••عفارم عليكي ياخاله،، المهم،، آني هجوم دلوك عشان أروح اتسبح واسيبكم إنتو كمان تفرحو ببيتكم الچديد،، ودج،، معوزاشي حاچه؟؟ بصتله ودق ومشيت ناحيته وقالت،،
ودج••ودج آوزة بوظه،، ألااوة،، وفتحت ذراعيها يميناا وشمالاا علي الناحيتين طالبه منه ضمه أخويه،،
بصلها عبد الرحمن بتسبيله،، ورد عليها وهوا بيبص في وشها،،
عبد الرحمن ••حااضر،، هچيبلك البوظه والحلاوة،، وقرب منها وباسها في قورتها من بعد وأخد بعضه وطلع وهاو بيقول لغجريه،، سلام عليكم ياخاله،، عاروح اريح وعاود تاني عالعشيه إكدة،، وأخد بعضه ومشي
قفلت وراة ودق الباب،،
ودخلت هي وغجريه عشان يستحمو ويرتاحو،،، بعد ساعات ذاع خبر الصلح اللي تم بين الغجريه وبنتها وبين بيت صجر اللي كانو تاهمينها في الحريه وكل البلد عرفت إن عبد الرحمن هوا اللي دفع الفلوس،، وهوا كمان اللي بنالهم البيت من أول وجديد،،
بطبيعة الحال في النجع إن الأخبار تنتشر فيها بسرعه كبيرة جدااا،، وبعد مالف الخبر ودار،، وصل للي عامله نفسها ست البلد والدار فرحانه أسوء روح في النجع كلها،، عرفت الخبر من عصفورتها المقربه غزال،، ولما عرفت جن جنونها من عبد الرحمن واللي بيعمله،،
فرحانه ••قاعدة في القاعه اللي دايماا بتقابل فيها غزال،،، بحدة،، إنت بتجول إيه ياولااا؟؟ إيه إيه إيه إيه!! هوا اللي عجد الصوولح؟؟ ياامرري ياامري!!! ايديها فيها طرحه صغيرة بتشلشل بيها حبه وتخبط بكفيها علي دماغها حبه،،
فرحانه ••إنت متأكد ياوااد من الرجم اللي جولته؟؟ تمانين إيييه؟؟
رد عليها
غزال•• تمانين ألف چنيه،، لأ ومش كدة وبس ياست الناااس !!
فرحانه••أمال ايه ياولااا؟؟!إنجطني إنجطني !!! شلني شلني !!
غزال••بيقرقض في تفاحه عطيتهاله عشان يتكلم بسلاسه وهوا شبه الفار بياكل بسرعه راحت زغداه في كتفه،، إنطج ياولا،، كمل غزال،، إئيييي،، ايوة كنا بنجوول،، سي عبروحمان بنالها بيتها تانى من أول وچديد،، ويكأنها عروسه هيا وبتها،، رقعت فرحانه ألف صوت حياني،،
فرحانه ••بتشلشل تانى بالطرحه،، يااامووورااااي،، يامري،، يامري،، فللوسي؟؟ فلوس إبني،، فلوس چوزي يااإبن الفجريه ياعبروحمااان !! ماشي،، ماشي ياحكم الكلب ياهلهووله الرچاله ياعرة العمد،، آني هتصرف،، بصت لغزال اللي لسه قاعد وهيا متغاظه،،
إنت لسه جاعد ياولا؟؟ جووم !! مسكت المقشه البلح اللي قدامها اللي معروفه في الصعيد والارياف وفضلت تضرب فيه بيها،،
فرحانه••جوم ياولا،، جوم ياحارج دمي،، جوم ياولا غوور،، حرج أبو اللي چابك غووور،، إتسرع غزال ونط من القاعه عالشارع وهوا ماسك جلابيته في سنانه وقعد بيرطم ويقول،،
غزال••أباااي !! ملبوسه المرا دى ولايييه؟؟ حرج أبو اللي چابك ياملبوسه !! وطلع يجري على بيتهم وهوا مستغرب هيا بتضربه ليه،، ماهيا اللي بتقوله تعالي وبتاخد منه الاخبار !!!
طلعت فرحانه علي إبنها بزعابيبها صحته من أحلى نومه وهوا علي السريربجردل ميه،، حكم فاق والميه مغرقاه وقام مسروع وبيصرخ،،
حكم••حاااااه،، اباااي ياولااا،، ياولااؤؤؤ،، أباااي !! أما؟؟ في حد بيعمل إكده يماا إفحد نعسان؟؟ هتموتييني ناااجص عمر من حسرتي على حالي منك لله !!
فرحانه ••ايوة فيه حد بيعمل إكدة !! مش آني عملت؟؟ يبجي فيه ياروح امك،، وجووم وفووجلي،، شوف فلوسك بتتبعتِر على مين في الارض،،
حكم••قام وقعد وهوا غرقان مياه،، وربع عالسرير،، نعم؟؟ نعم يما بتتبعتر على مين؟؟ علي مشتشفي المچانين؟؟ ماتنطوجي!!
فرحانه••إتريج ياحيلتها اتريج،، لا عالغچريه يااخوويييه،، جوم إجتل الوليه دى حالااا جووم،، وإجتل أخوك راااخر جووم !!
حكم••حاضر يما وهجتل أبوياارااخر،، معوزانيش أجتل حد تاني؟؟ بس أما أكمل نومي حراام عليكي بجي،،
فرحانه ••رفصته في رجله،، تتسخمط إبسخميييط،، أخوك صارف ميت ألف چنيه علغچريه لحالها يابن البرطوووش،،، حكم اللي كان بيستهزأ بكلام أمه قام وقعد وركز للكلام،،
حكم••بتجولي كام؟؟ ميت ألف چنيه؟؟ ليه إن شاء الله؟؟
فرحانه ••تكفير ذنوب ياروح خالتك !! أكييد !! أكيد سحبته السحابه دياتي كيف ماكانت إبتعمل زمان مع الرچاله كلاتهم !! إيوة ومعاها بتها كمااني !! إسمعني زيين،، إنت لازم تتصرف وتجص يد خوك اللي بتبعزج في المال يمين وشمال دي وإلا هيخلصها كلياتها،،
حكم••نجصها؟؟
فرحانه ••بصتله••نجصها،،
حكم••يبجي نجصها،،
فرحانه ••خلاص، إعمل اللي عليك وآني هتصرف في الباجي،،
بعد يومين،،،،،،،،،،
إكتشف عبد الرحمن إن التوكيل اللي كان حكم عاملهوله عشان يتصرف في أي أمر لو حكم مش موجود إتوقف،، والحساب اللي كان فاتحه حكم بإسم عبد الرحمن أخوة إتقفل هووالفيزة اللي كانت معموله لحسابه تبع حكم،، حكم وقف كل مصادر الفلوس الخاصه بيه وبأبوة ومنع أخوة منها لإنها كلها تحت إمرة حكم أولااا،، وبعد معرفه عبد الرحمن،،جن جنونه وكان رايح لحكم في قمه غضبه،،،،
طلع عبد الرحمن لحكم الاوضه وهوا غضبان وحلف لايعلمه الأدب،،، أول ماوصل قدام الاوضه فتحها عليه بالرجل ومسك حكم من خناقه وهاتك يابوكس في وشه وفي ذقنه ويضرب وهوا بيقوله،،
عبد الرحمن ••لييه؟؟ لييه هوا آني عملت فيك اييه؟؟ كل مايضربه بوكس يديله كلام يوجع أكتر من الضرب،،
عم تحرمني من حجي فمال أبووي ليه يااظالم ياجتتال الجتله لييه؟؟ خدت منيك إيه عشان توجفلي حالي وفلوسي؟؟
حكم••زقه لبعيد عنة،، وزنق يإيدة على رقبته كان هيموته وقعد يضربه هواكمان ويقوله،، عشان مايتصرفوش عالغوازي ياواكل نااسك،، وقعدو يضربو في بعض هما الاتنين لحد مادخلت علي حكم مراته وشافت المنظر قعدت تصوت وتصرخ،، إلحجوووني ؟؟ الحجووني يااناااس!! هيموتوا بعض ،، طلعت فرحانه تجري على إبنها وتضرب في عبد الرحمن ويا حكم،، وطلعت أخيرااا ملكه تجري عشان تلحق عبد الرحمن إبنها،، ملكه كانت كبيرة وطيبه لكن قويه قوة الصعيديات وبتتمتع بعافيه أقوي من عشر رجاله في بعض،، لكنها كانت دايمااا شاغله نفسها بالمصحف وقاعدة في أوضتها عشان تكفي خيرها شرها مع فرحانه وخصوصااا انها عارفة إنها ست شر،،،
لكن ملكه عندها حدود،، وحدودها هيا إبنها عبد الرحمن،، ساعه ماسمعت الصويت طلعت تحميه،، شافت المنظر راحت مصرخه،،
مَلكه••ولدي،، ولدي ياولاد الحرام إنتي وإبنك،، والله ماهسيبك ياخاااطيه،،وراحت جايبه فرحانه من شعرها تحت رجليها وقلعت الشبشب ونزلت بيه خبطتين علي دماغها ومسكت حكم بالإيد التانيه شدته من فوق عبد الرحمن وقالتله
مَلكه ••إطلع بره ياوَد الحرااام،، بررة،، أخرچ لاچيبلك الحكومه بالمخدرات اللي بجفشها عنديك ياإبن الل،، خرج حكم يجري وساب أمه تحت رجليها وخلع عشان عارف انها بتبقي هاديه هاديه لكن في غضبها هما مش قدها،، رفعت رجلها عن فرحانه اللي عماله تصوت،،
فرحانه••فلفصت منها،، اااي،، يامفتريه يااجاادرااة،،، اني هروح المركز وهشتكيكي،،
إيمان_صالح
إيمان_صالح_عوض