الفصل السابق
روايه عشق صقر الصعيد (بقلم اسماء ندا )
بارت 2
تشرق الشمس فتنير حجرة صغيرة بقلب القاهرة وتداعب اشعتها عين بلون القهوه لفتاه ذات شعر طويل يصل الى اخر ظهرها لتتثائب وتفتح عينها بأنزعاج وهى تتمتم
اسماء / يا ماما يا حببتى كام مرة اقولك متفتحيش الشباك بدرى كده
حميده / بدرى عليكى يا قلبى انهضى الظهر على المأذنه
نهضت مفزوعه اسماء من فوق السرير فتلتفت قدمها بالغطاء وتقع وامها تضحك عليها هى ومازن
اسماء / الظهر نهار ابيض الكليه يا ماما حرام عليكى
مازن / حرمت على نار جهنم يا شيخه سمسم الساعه لسه 6ونص الصبح اهدى يا مجنونه
اسماء / اعععععععععع 6 يا ماما هتوقفى قلبى
حميده ضاحكة / امزح معاك يعنى مامزحش يا بيه قومى ككخابط
اسماء وهى تجرى لتدخل الحمام قبل مازن
اسماء / ماما احنا فى ام الدنيا من اربع سنين ولسه بتكلمى صعيدى
حميده/لساتنى وما هغير لاهجتى واصل سبنالك لهجت البندر يا بت قلبى
مازن / سيبك منيها مافى احلى من لهجتنا يا ماى
اسماء / لسانك ما يخاطب لسانى واصل يا زونا
مازن / ليه يا ست البنتيه
اسماء / فين الشكولاته بتعى
مازن / يووه على الصبح يلا يا بت اوصلك للكليه ماهى سنه سوده يوم موافقت تدخلى هندسه
اسماء / البركه فى نجمتى حببتى يا ترى اخبرها ايه من اخر مرة اتصلت بيها يا مازن ومانعرف اخبار عنها
مازن / لا عرفت امبارح واخبار مليحه جوى جوى
حميده / ما تجول يا ولدى ايه اتجوزت
مازن / كنت قتلت لك حازم يا ماى لع هتعيش اهنه بالقاهرة بفلا الصقر وسط مكان اسمه مدنتى
حميده / واه كيف وحازم وافق على اكديه يا عيب الشوم
مازن / لا يا ماى هو كمانى عايش اهنه بينزل البلد بس يشقر على المزارع والتجارة هناك وتارك باقى الشغل لعمامه
اسماء / وسيبتوا حق ابوى
مازن / لع مسبناش حق ابوى ولا ابوه بس كله لوقته
مازن لنفسه (عرفنا ان اللى قتل اول واحد من عائلت ابوى كان من الشدايدة ولبسها لابو حازم وللاسف عائلتى صدقوا بس ابوك حاول يبرء ابو حازم ولكن ابوكى مش كبير عائلتنا فكبرها عمى وز ابنه وجتل ابن عم حازم ومن اهنه بدأ الطار لحد ما عمى خرب عمل ابو حازم واتسبب فى افلاسه وابوى اشترى املاك ابو حازم بس هو مستحملش الصدمه ومات وعم حازم خرب شغل ابوى لحد ما اشهر افلاسه فحازم اشترى املاك ابوى عشان يصنها وانا كنت معاه وهو بيقفل المزاد ويدفع الديونيه ويشترى كل شئ)
حميده /ما عيزاش حديت فى الموضوع ده يا والدى
مازن / يا ماى انتى ما رضيتى تسمعى وقررتى نهج من البلد خالص وانى مقدرتش افضل هناك بعد موت بوى كمان بس بكره يبان الحق وتعرفى كيف ظلمتى حازم
اسماء / يا بوى لساك بدافع عنيه
مازن / لا ما هدفعش بس عارف اللى ما تعرفهوش بس مفيش فى يدى دليل وقتها هقول على اعرفه
حميده / لما يبقى بيدك الدليل ابقى اتكلم ودلوجيت (دلوقتى ) ما عيزاش حديت
مازن / يا ماى انى راجل واول ما يكون معى دليل وفلوس اردها لحازم مقابل الديون اللى دفعها وقتيها نبقى نعاود ورسنا مرفوعه
اسماء / طيب ونجمه هتسيبها معلجه اكده لحد ميتى (امتى )
مازن / لحد ما ارجع اللى راح منينا وارد هبتى يا بنت ابوى
ونهض مازن بغضب من الطاوله وتوجهه لباب الشقه ثم توقف يلا عشان اوصلك
اسماء/ حاضر
ونهضت اخذت كتابها واشياءها ونزلا الى سيارة مازن ليتوجه مازن الى مستشفه الخاص به التى اسسها من جزء من ميراث امه تحت اشراف طبيب كبير معرفة والده الى ان ينتهى من ظراسته ويتخصص بالقسم الذى يريده
دخلت اسماء الى كلية الهندسه فهى بالصف الاول وقد نجحت باعدادى هندسه بتقدير امتياز وكان جميع زميلاتها يحبونها لاخلاقها التى تأبى ان تتكلم او تسلم حتى على الشباب وكان جميع الدكترة يالكليه يقدرونها لتفوقها واجتهادها بالدراسة وكان يوجد معيد يتابعها من بعيد ومعجب بها بشده ولكنه منتظر الى ان تكمل السنه ليذهب لعائلتها لطلبها
دخلت اسماء من باب الكليه لتقايل صديقاتها هدى ونفين ومايسه
مايسه / اه ده مش ممكن انتوا شيفين اسماء نزلة من سيارة مين ده
هدى / بس ايه قمر اوى
نفين / دمغك منك ليها اكيد من غير سؤال ده اخوها مازن اللى مش بتبطل الكلام عنه بطل الابطال ده
مايسه / اه اكيد بس انت متغاظه ليه كده
هدى / لانها كانت بتزور اسماء من كام يوم واخوها مرفعش عنيه بصلها خالص لا دخل اوضته مخرجش منها ههههههههه
مايسه / اه ياندله روحتى تزوريها لوحدك
نفين / يا هبله ما انا الوحيده اللى سكنه قريب منها واه اخوها كده من اول ما نقلوا وجم هنا مبيرفعش عينه وبيرد السلام بالعافيه يا باى ده مغرور
هدى / طب بس بس احسن جايه علينا لتسمعك وتزعل انت عارفه بتحب اخوها اذاى
اسماء / متجمعين دايما يا رب فى الخير بس كده هنطرد جمعاء من المحاضره
هدى / جمعاء هههههههه الساع نهار ملون الساعه 8الا ربع هنطرد اجروا
روايه عشق صقر الصعيد بقلم اسماء ندا لموقع الفردوس للروايات تحميل pdf، روايات رومانسية، رعب و دراما و روايات كاملة، قصص دينية، رواية خيالية
وبدأوا يسرعوا الخطى باتجاه المدرج بالدور 3 وصلوا وهما بينهجوا وكان المعيد مهاب واقف بيكلم الدكتور خارج المدرج بطريقه تخلى باب المدرج فى ظهر الدكتور وعندما وصلوا البنات اشار لهم بالدخول من خلف الدكتور
مر البنات بحظر ودخلوا مسرعين وبعدها انهى المعيد مهاب اسئلته وطلب من الدكتور حضور المحاضرة معه متعللا بأنه شرف ليه ان يحضر لدكتور كبير مثله وبالفعل وافق الدكتور ودخلا الى المدرج رحب الدكتور بالمعيد واشاد بيه للطالبه
توجهه مهاب وجلس بجوار الشباب فى المدرج المقابل ل اسماء وبعد انتهاء المحاضره وخروج الدكتور اقترب مهاب من اسماء وصديقاتها قائلا
مهاب ممازحا / لن انقذكم مره ثانيه وعليكم كوب قهوه لى
هدى / من عنينا يا مستر
مايسه / اد ايه سكرك يا مستر تأمر
نفين / وانا هجيب بسكوت
اسماء بدون ان تنظر له / شكرا لحضرتك يا مستر بعد اذنكم
نهضت اسماء خارجه من المدرج ولكن توقفت عندما ناداها مهاب قائلا
انسه اسماء / اتمنى تيجى المكتب بتاعى عايزك فى موضوع مهم
وتركها وخرج من المدرج قبل ان ترد عليه وبعد ذهابه اجتمعت الفتيات حولها
ميساء / على فكرة يا اسماء المستر كان ذوق جدا معانا وشغل الدكتور لحد ما دخلنا وانت تجاهلك ليه ده احرجه
اسماء / ايه يا ميساء ما انا شكرته المفروض كنت اعمل ايه يعنى
هدى / يا بنتى ده انتى حتى مرفعتيش عينك وانت بتشكريه
اسماء / وابص له ليه انى هو اجنبى عنى محرم ابص ليه
نفين / انتى زعلتى ليه يا اسماء احنا كش قصدنا حاجه وحشه بس كنتى ابتسمى بس على العموم متزعليش المهم تعالى نروح نشوفه عايز منك ايه
اسماء / اه صوح هو قالى اروح مكتبه ليه بقى يوووه اكيد هيزعج ويقول كلام عفش
مايسه / بطلى قلق احسن مبفهمش منك كلمه لما لسانك يتعوج وبعدين احنا معاكى وهنستناكى بره المكتب
اسماء / واه هتسبونة ادخله وحدى
هدى / هياكلك مثلا وبعدين ما باب المكتب هيكون مفتوح واحنا هنقف ورى الباب اى حاجه تحصل اصرخى واحنا هنجرى
اسماء / هتجرى لا اطمانت اكده يلا ياختى قال تجرى قال
ذهبا البنات سويا الى مكتب المستر مهاب وتوقفوا عند الباب دفعت نفين اسماء من ظهرها لتدخل بعد مل هدى دقت الباب
اسماء وهى تنظر للارض / السلام عليكم يا مستر حضرتك كنت عايزنى
مهاب / اتفضلى اقفلى الباب واجلسي بجوار المكتب
اسماء / واه واقفل الباب ليه لع ماقفلوش
مهاب ببتسامه وهو يحاول كتم ضحكته
مهاب / طيب طيب خلاص بلاش متقفليش الباب اعدى طيب ولا هكلمك وانت واقفه كمان
اسماء / اقعد وماله
اقتربت اسماء من المكتب وجلست بالجها المقابله لمهاب
مهاب / لهجتك جميله اوى يا اسماء انا اول مرة اسمعها انت منين
اسماء / من قنا
مهاب / طيب تشربى ايه الاول
اسماء / لا مش هشرب حضرتك كنت عايز ايه منى
مهاب / انت خايفه ليه نشرب حاجه وهقولك
اتصل مهاب بالكافيه وطلب ليمون واغلق الخط ثم قال
مهاب / انسه اسماء انت فتاه متفوقه وذكيه وان شاء الله تكونى معيده معايه هنا لو استمريتى بالتفوق ده
توقف عن الكلام عندما دخل عامل الكافتريا ووضع الليمون وخرج
مهاب / اتفضلى اشربى
امسكت اسماء الكوب بتردد وقامت بشرب وانهاءه فى صمت دام لدقائق ثم اكمل مهاب قائلا
مهاب / انا كنت منتظر تخلصى امتحانات العام ده وبعدين اكلمك لكن النهارده شوفتك نزله من سيارة شخص ما ممكن يعنى ....... انا عارف انه ميخصنيش بس انا يهمنى شكل طالبه مجتهده مثلك ممكن اعرف مين الشخص ده
اسماء / رغم انه شئ ما يخصش حضرتك لكن الشخص ده يبقى اخويه فى مشكله انه يوصلنى حضرتك
مهاب بحرج / لا طبعا مفيش مشكله ده انا كنت بشبه عاليه ممكن رقم تليفونه عايز اكلمه
اسماء / واه وتكلمه فى ايه ..... اقصد انى ممكن اتصل بيه واتكلمه دلوقت
ورفعت اسماء يدها بالتليفون لتطلي اخيها ولكن مهاب اسرع بالحديث
مهاب / طيب استنى بس قبل ما اكلمه كنت عايز اعرف رأيك
اسماء / رأيي فى ايه مفهماش
مهاب / انا عايز اتقدم ليكى .... عايز اتزوجك
هبت اسماء واقفه بزعر
اسماء / لا .... لا .... مينفعش ....لا
مهاب / ليه ماينفعش انا معيد يالكليه وعندى شقتى الخاصه غير انى بشتغل بشركه مقاولات كبيرة يعنى حالتى المادية مسطورة ولا انا مش اد المقام
اسماء / لا مقصدتش انت مقامك على العين والراس بس بس انى مخطوبه من وانا صغيره لولد عمى وعاويدنا اكده ما بنتزوج من خارج العائله
مهاب / بس انتوا عايشين هنا بالقاهرة وزى ما عرفت من جاركم ان انتى مش مخطوبه وانكم هربانين من طار وملكيش ولاد عم يا انسه اسماء
اسماء / يعنى انى كذابه خلاص روح كلم خوى وهو يجول لك ولو انى صح مش مخطوبه فانى رفضاك والسبب انك بتتهمنى بالكذب والكذب عندينا جرم يا مستر مهاب
تركته وخرجت من الحجرة بعد ان القت على المكتب رقم اخوها مازن دون ان تستمع لنداءه او نداء زميلاتها ونزلت السلالم وهى لا تفكر بشئ غير اذاى تتخيل حتى انها تكون لغير حازم
حازم حبيب الروح السكن رغم البعد بينهم حازم هو صوت دقات قلبها وعينها لا ترى غيرة هو سندها وراجلها اخيها وابيها ودما الجارى بجسدها كيف بس ممكن تتخيل بيوم تكون لغيره
امسكت التليفون وطالبت مازن و دمعها تجرى على خداها دون ان تشعر
مازن / الو ...... اسماء ....... انت مبترديش ليه انت فين
اسماء / ما. ما مازن تعالى خدنى .... من الكليه ولم تستطع ايقاف شهقاتها
خرجت اسماء من باب الكليه وجلست باحدى الكافهات المقابله للباب وهى تبكى بانهيار
حصل البنات اسماء للكافيه وجلسوا بجوارها يتسألون ماذا حدث
بينما يسوق مازن سيارته كلمجنون مسرعا الى اخته التى تبكى ولا يعلم سبب بكاءها والظنون تلتف بعقله رن هاتفه برقم غير مسجل فرد مسرعا ظنا منه ان تكون احدى صديقات اخته ولكن فوجأ بصوت رجل يسأله
مازن / الو
المتصل /استاذ مازن اخوا الانسه اسماء
اوقف مازن السيارة بصدمه
مازن / اسماء مالها ايه حصل
المتصل / خير خير هى لسه خارجه من الكليه مع صديقاتها انا المعيد مهاب البحيرى كنت عايز اطلب ايد الانسه اسماء
مازن وقد فهم سبب بكاء اسماء وهدأ ولكن سرعان ما هاج غاضبا
مازن / وانت يا حضرت كلمت خيتى (اختى ) فى الوضوع ده
مهاب / ايوه كنت عايز اعرف ردها قبل ما اكلم ح..
مازن / ليه راجلها مات ولا انعدم عشان تكلم البنته
مهاب / لا طبعا مقصدش انا اسف معرفش عادت الصعيده انا بعتذر مرة اخرى واتمنى اقابل حاضرتك واتقدم لها راسمى
مازن / اسف معندناش بنته للزواج اسماء مخطوبه اصلا
واغلق الهاتف دون ان يسمع رد وتحرك بالسيارة الى مكان اخته وعندما وصل وجدها منهارة من البكاء ذهب اليها مسرعا وامسك يدها ساحبها لسيارة وهو يردد بهدوء
مازن / ما تبكيش يا اسماء ما حصل شئ
ركبت اسماء السيارة واعتذرت لزميلاتها وتحرك مازن للبيت مسرعا وعندما دخلا البيت جذبها لحضنه وبدأ يملس على رأسها
مازن / فى بنته يجيها عاريس وتعيط اكده
اسماء / انى لحازم وما هكون لغيره حتى لو مايته
مازن / امال قولتى لحازم ليه انك محرمه عليه مادامك دايبه اكده
اجهشت اسماء بالبكاء اكثر فقبلها مازن قائلا
مازن / ما تبكيش وانى ما هوافق تكونى لغيره بس بره ما هوافق عليه غير بعد ما ارد هبيتنا يا بتى
ابتسمت اسماء وقالت
اسماء / وهتقول ايه لمستر مهاب لو كلمك .... ثم انت عرفت منين
مازن / كلمنى وقولت له معنداش بنات للزواج وانك مخطوبه
اسماء / بحبك يا مازن
مازن / وانى بحبك يا اجمل سمسمه يلا بقى جعان ادخلى حضرى شئ ناكله
حميدة خارجه من حجرتها فجأت بمازن يحضن اسماء وهى تبكى وسمعت الحوار الدائر بينهم ولم تستطع ان تتكلم عن حب اسماء لحازم فقلبها يقول ان يوجد شئ ما خاطأ بحكمها على حازم ولكن تردد لنفسها ان حبها له كأبنها هو ما يحاول ايجاد تبرير له
حميدة / الله الله ومعودين بكير كمانى لا لزما احتفل بعاودتكم بكير اليوم
مازن / بتتمسخرى علينا يا ماى ارجع الشغل تانى احسن
اقتربت حميدة وقرصت اذنه
حميدة / ادخل اوضتك يا ولد وانى هحضر اجملها غداء لاحبائى
دخل مازن لحجرته ودخلت اسماء لتساعد امها بالمطبخ بعد ان بدلت ملابسها وبعد الغداء انسحبت لحجرتها وجلست على السرير واخرجت صورة حازم
اسماء تحدث الصورة / اكده يا سيد الرجال تعادى بوى اللى رباك وحبك زى مازن اه يا قلبى من شوقى ليك كيف اشوف راجل غيرك كيف تكون روحى لحد غيرك عارفه ان انى اللى قولت لك تباعد واحرم عليك بس والله من ورى قلبى هصونك حتى لو مش اهكون ليك يا ترى فاكرنى كيف ما فكراك ياترى مشتاق زيي اه يا روح الروح بموت ببعادك عنى قدرنا نفترك باجسامنا لكن عمر ما قلبى ما يشوف غيرك يا صقر الصعيد يا صقر قلبي
وضمت الصورة لصدرها واغمضت عينها ونامت لتتنقل لعالم الاحلام العالم الذى يجمعها به ولا يفرقهم طار
استيقظت على صوت والدتها
حميده / انهضى يا اسماء فى حد جاء لاخيكى وسمعت اسمك انهضى
انتفضت اسماء من السرير وهى تنظر لامها
اسماء / مين يا ماى
حميدة / معرفش يا بتى بيقول اسمه مهاب وانه مدرسك بالكليه
اسماء / نهار اسود وايه جابه ده ما مازن قاله لع
حميده / قاله لع على ايش يا اسماء
اسماء / مازن يحكيلك يا ماى اقوم انى اصلى وبعدين اعرف من مازن ولكن ما هى الا لحظات وسمعا صوت مازن
مازن / اسماء هاتى قهوة لضيف
اسماء / واه يا ماى ابنك بيقول اش
حميده / اصبرى يا بنته ويلا هجهز القهوه وانتى البسي اسدالك وروحة دخليه واسمعى كلام خيك واياكى تصغريه
ارتدت اسماء الاسدال وهى تغلى من داخلها وتقدمت الى حجرة الضيافه وقبل ان تنادى مازن سمعته
مازن / تشرفنا بيك يا استاذ مهاب وبعتذر عن اسلوبى فى التليفون بس زى ما قولت لك كنت قلقان على اسماء .
مهاب / الشرف ليه يا دكتور مازن واتمنى نكون اصدقاء بس انا جيت اوضح لحضرتك ان كلامى مع انسه اسماء كان بداخل الكليه وبمكتبى والباب كان مفتوح واصدقاءها كانوا واقفين على الباب زى الحرس الخاص واخت حضرتك اصلا مادتنيش فرصه اتكلم
عشان كده اتصلت بيك اول ما خرجت من مكتبى متعصبه دى حتى مردتش على زميلاتها
مازن / حصل خير بس كيف ما قولت لك اسماء مخطوبه يوم ما تولدت لابن عمها حازم البنا واحنا دى عوايدنا
مهاب / مبروك ليه عليها رغم انى كان نفسي اناسبك بس خيرها فى غيرها وبرده اتمنى يكون لختى راجل مثلك يحفظها
مازن / شرف لى اكيد بس بردك انى خاطب اخت حازم ابن عمى يوم مولدها بردك
مهاب / عوايد الصعيد للحفاظ على الارض
مازن / لع للحفاظ على حرمنا ما نضمن كيف ممكن يعاملها الغريب وما هيحافظ عليهم الا اللى زييهم ومنهم
مهاب / خير ان شاء الله استأذن انا بقى
مازن / واه والله ما تيجى كيف ما تاخد وجبك
نادت اسماء من الخارج على مازن
اسماء / مازن القهوة
خرج مازن من الحجرة مبتسم ليها
مازن / تشكرى يا ست البنات يلا على اوضتك
واخذ القهوه ودخل ل مهاب وجلسا يتحاوروا على الشغل واتفق مازن مع مهاب انه يشرف على بناء مبنى ملحق للمستشفى حتى يتسع لعدد اكبر من المرضى ووعده مهاب انه هيكلم صاحب الشركه وهيوصيه لانجاز الملحق باقرب وقت
خرج مهاب من بيت مازن وهو معجب اكثر باسماء وعائلتها وصمم على مصادقة مازن فان لم يستطع الزواج باسماء فليكسب صداقة رجل كمازن
دخل مازن على اخته حجرتها وكانت بتدرس وهى واضعه امامها صورة حازم
مازن / ما شاء الله مجتهدة بالمذكره ...... عارفه يا اسماء لما تخلصى كليه هفتح ليكى شركه خاصة وتورينى شطارتك بقى
اسماء / بجد يا مازن بس الاول لازم اشتغل شويه فى شركه كبيرة وبعدين افتح شركتى عشان اضرب
مازن / ههههههه ما انا هشغلك بس مفجاه خلصى بس انتى دراستك بمتياز وهتشوفى خيك هيعمل ليك اش رغم انك مش محتاجه تشتغلى لكن هتدرسي على الفضى يعنى يلا تصبحى على خير
كم تمنت اسماء ان تعمل مع حازم وتثبت له انها قويه واحسن منه بمجاله كمان كيف ما كانت تتحداه زمان اغلقت الكتب وتوجهت للسرير تضم صورة حازم وتذهب لعالم الاحلام مرى اخرى معه
#########################
ASMAA NADA
مع تمنياتى بالاستمتاع بالروايه
لا تنسوا التصويت والتعليقلت الجميله