رواية عشق الودق للكاتبة ايمان صالح الفصل الثامن عشر

الفصل السابق

روايات إيمان صالح 
#عشق_الودق_بين_العشق_واللعنه
#الجزء_الثامن_عشر

$$$$شَرف ••عؤ،، يابووي بطني،، وجرت علي الحمام،،،، 

رشاد ••هوا إيه ده ياولاااد؟؟ اللي مچاتش چارها من شهرين ولا طيجالي ريحه !!! ظل يشمشم في جسده،، أكونش ريحتي عفشه صووح ؟؟ وذهب وراائها للحمام،،، 

طب بجولك ايه ؟؟ هوا ريحتي عفشه صووح يابت؟؟ 

شَرف ••تضع يدها علي فمها،، وتهز رأسهاا،، إيووة،، جووي واخرچ بجي،، هستفرغ تاني،، 

رشاد ••وضع يده علي خصرها،، ماتاچي نضيعو الجرفه دياتي،، 

شَرف ••زجت بيده بعيدااا عنها بعنف،،، يوووه ؟؟ بعد بجي جرفتني،، دخت منيك اني،، 

رشاد ••هوا فيه ايه يابت الناس بتعامليني إكده ليه ؟؟ فيه حاچه مش طبيعيه معاكي خاالص واني زهجت،، إنتي مابتعمليش اكدة الالما كتي حامل في الواد من يچي اجل من سبع سنين،، ماالك؟؟

شَرف ••حامل ايه وواد اييه؟؟ حل عني،، 

بدأت شرف تمسك برأسها،،، اااة،، دايخه خالص يانااس !! الحججن،،،،، وسقطت من طولها،،، 

رشاد ••هااار مدوحس يااولاااد ؟؟ بت ياشرف،، بت؟؟ وبدأ يحاول افاقتها ولكن دون جدوي،، فحملها ووضعها علي السرير وذهب مسرعااا لينادي طبيب أو الدايه وهي السااائده وقتها،،، وفعلااا أتي بالدايه التي كانت أول من أبلغته بمصيبته دون ان تعلم انها مصيبه،،، 

الدايه ورشاد يدخل بها للمنزل،،، دخلت برجلها للبيت،،، 

الدايه ••ياارب ياسااتر !! فينها أهل بيتك يابني ؟؟ 

رشاد ••چوة ياخاله إتفضلي تعالي،، ذهبها للغرفه التي بها شَرف مستلقيه علي السرير،، جعمزي ياخاله واني هظبطهالك مليح عشان تعرفي تكشفي،،   

الدايه •• اشارت بيدها وكأنها تريده ان ينتظر،، ياولدي من غير ماتظبط ولا تعمل باين علي وشها الحبل،، دى حبله إيوة،، اعدلهالي بجي عشا الكشف النسوى يابووى وأجف بره دجيجه،، 

رشاد ••طب حاضر،، ظبط شَرف علي السرير ثم خرج وبدأت الدايه تمارس عملها حيث خرج للخارج متوترااا وهو يقول في سره،،، ياارب ماتكونش بتجول بحج وتكون بتخرف المرااادي،، ياسوااادها علي راسك ياولد مرزوجه لو دة حجيجي !! تبجي اشرف بنات الكفر !! بتضحك علي !! چيب العواجب سليمه ياارب،، 

بعدما انهت الدايه عملها فاقت شَرف علي يدها وهي تنهي ماتفعل وتغطيها بغطاائها ثم خرجت،، 

شَرف ••إنتي مين وبتعملي اييه ؟؟ حاااه خاله ربيعه؟؟ مين چابك؟؟ 

الدايه ••مبروك يابتي،، ربنا يجومك بالسلامه،،، 

وخرجت وتركتها تخبط علي رأسها بكفاها من كثرت حزنها،،، 

اما رشاد تحدث الدايه،، مبروك يابو زياااد،، مرتك حبله في البطن التانيه،، مبروكه عليييك،،، 

رشاد ••الله يباركلك،، سلااامه إنتي،،، وأخرجها ثم اغلق باب المنزل ودخل للمرأه التي حملها إسمه وهوا ينظر لها نظرات بشعه ورخيصه وناوياا لها علي الموت،،، 

دخل الغرفه ثم سحب الحبل السلب الذي يربط به بنطال عمله المخصص للغيط،، وبدأ يجدله إثنين،،، 

رشاد ••كييفك يارخيصه ؟؟ إنكشفتي جدامي علي حجيجتك ؟؟ ورفع يده ونزل فوقها بالسلبه المجدوله وبدأت تصرخ وهو ينعتها بالخااطيه،،، 

شَرف ••آااااه،، ااااه،،، همموووت ياراااچل ياظالم !! 

رشاد ••مووتي يافااچرة،، لاااه الاول جوليلي خنتيني مع مين يارَخّْيِصْه ،، آني ؟؟ آني اللي طول عمري ارچل واحد في الكفر عتلبسيني طرحه في الآخر؟؟،، ضغط علي أسنانه بغيظ ثم تعزم لضربها ثانيه،، خنتيني مع ميين ياهُمّل،، أنطجي،،، 

شَرف ••ااه،، بكاء بحرقه،، والله ماخنتك،، جسماا بربي ماخنتك يارشاااد،، آني لساتني محافظه عليك،، 

زاد عليها الضرب 

روايه عشق الودق بقلم ايمان صالح لموقع الفردوس للروايات رومانسية ، تحميل pdf، رواية رومانسي، روايات كاملة،  روايات انجليزية 

 

رشاد ••ياكدااابه،، خااطيه وكمان كداابه ؟؟ بسرعة البرق وجد غچريه ترتمي عليها بعدما إقترب جسدها من التمزق من الضرب وتلقت عنها الضرب ثم تدخلت فيما يحدث،،، 

غچريه ••تصرخ،،، حرااام علليييك،، دى حبله حراام عليك،، الدايه لسه مجابلاني وبشرتني،، 

رشاد ••بتحوشي عنها ؟؟ تبجي مطبخه معاها !! 

غچريه ••حراام عليك ماتظلمش حاااااد ماتظلمهاش عااد،، إهئ إهئ،، منك لله ياللي إنت السبب،، 

شَرف ••بس ياغچريه إخرسي،، اسكتي سااكته بالله عليكي،، خليه يموتني عادي مش هتفرج،، 

غچريه ••لاااه،، وتموتي إنتي لييه ؟؟ مسحت دموعها،، حرام عليك يارشاد اللي إبنك بيشوفه عاااد،، بكفايه اللي شافه جبل !!! 

شَرف ••لطمت خداها حتي إقتربوا من الشج،، شاف إيه ياغچريه ؟؟ الواد شاف اللي حُصُل لأمه ؟؟ إنطجي !! قامت شرف من مكانها وهي تنزف من يدها وذراعاها،، وتوجهت نحو زيااد قائلة له،، لاااه،، لاااه يازيااد،، أمك ماعملتش حاچه عِفشه !! أمك زينه والله،، 

رشاد ••هههههيييه،، حلو الفيلم دواتي!! بطلو تمثيل كلكم،، يهم علي زوجته ليضربها ثانيه ويحاول إخراج غچريه للخارج حتي صرخ الفتي الصغير،،، 

زيااد ••أباااه،، بس ياأباااه،، الوحش اللي بياكل الناس هوا كان عياكلها،، آني،، إهئ إهئ إهئ،، آني شفته بعيني لما أمي چريت علباب وكانت مفكراك انت،، وفتحت الباب وخرچت وبعدشوي طلعت أنادم عليها لاجيت الوحش عما ياكلها يابووي،، 

رشاد ••وحش ؟؟ وحش ايه يازيااد ؟؟ إحكيلي شفته ؟؟ 

غچريه ••بلعت ريقها بغصه مرارة بحلقها،، آنييي،،، آني شفته،، وفتحتله نفوخه كمااني،، بس بعد ماتنيل،،، بكاااء،،،، 

رشاد ••إيواااة؟؟ هوا مين بجي؟؟ 

شَرف ••بيدها تخبط فمها وتشير لغچريه هوووس ابوس رچلك هايروح ورا السمش،، إسكتي،،، 

غچريه ••لااه مهاسكتشي،، ولازمن هوا يجعد ويسمع زين اللي جرالك عشان اللي بيعمله فيكي دة حراام،، آني ماهسبش حجك يضيع ولارااچلك يتإذي،، اجعد ياخووي، أجعد،، 

وبدأت غچريه تقص عليه ماحدث من يوم خروجه من اللبيت الي أن عاد،،، 

غچريه ••آدي كل الحكايه من طجطج،، لسلام عليكم ياود النااس،، مش متجبل مرتك بعد إكدة جولي وآني عاخدها وادلي مصر ومهتشوفش وشها تااني أبدااا،، بس آني حبيت أئكدلك إن المجلب اللي اتعمل فيا ماكنش صدفه واللي حصلها مترتب، زين من الراچل السو دواتي،، 

رشاد ••يعني كداااه!! كدة سفري،، والتموبيل الحرت،، والحوار دة كلاته ممكن يطلع هوا كماان آآآاااا 

غچريه ••واارد جووى جووي، وليه لأ،، 

نظر رشاد لشرف بحسره،، حيث نامت بعدما تعبت من الضرب بدون ان تشعر،، 

رشاد ••يعني هيا إتظلمت مني ومنييه ؟؟ 

غچريه ••سيبها فحالها يابو خالو،، مرتك من ساعة وجعتها في الجنايه لحدت لما عمل عملته وهيا مش زينه ولا علي طبيعتها،، 

رشاد ••آني هشرب من دمه،، وبكرة تشوفي إني چبت حجها،،

 سحبته غچريه من يده وأجلسته ثانيه،، 

غچريه ••أجعد جعمز واسمعني،، إنت هتستفيد ايه لما تروح وتعمل لنفسك غارة؟؟ وجعه بحكمه،، نفكرله في فكرة بالهداوة بدال الچنان دى !! 

رشاد ••يدي علي كتفك ياستي !! هة،، 

غچريه ••سيبلي آني الموضوع دواتي،، واني هتصرف،،، 

في الوقت ذاته،،، 

تحديداا في بيت العمده سيااف،،، فرحانه لم تعد تتحمل ماسمعت من كلام ولدها الذي أشعل في جسدها الغيره،،، 

ولدها الذي كان ومازال رمز للحقد والغل،، لما سمعت من إبنها الحديث راقبت بيت شَرف وبعثت بجواسيسها في كل مكان،، 

وما إن علمت ان الدايه كانت عندها حتي بثت ورائها مناديا فجائتها،،، 

الدايه ••إيوة ياستي حبله، ليه في حاچه؟؟ 

فرحانه ••لاااه مافيش،، بس آني عوزاكي تطلعي عالمرة دياتي كلام بالبطال،، فاهمه ؟؟ 

الدايه ••ياااني؟؟ مين شَرف !! دى اسم علي مسمي ياستي ليه اعمل إكده ؟؟ 

فرحانه ••مش شغلك إنتي تعملي اللي بجوله وبس مفهوم ؟؟ 

الدايه ••نظرت لها بإستحياااء،،، ماجدرش ياستي أكدب،، الكدب خيبه،، بسااا بس، آني ممكن أبعتلك اللي تجدر تعمل إكدة في دجيجه زيين ؟؟ 

فرحانه ••زين،، بس إبعتيها مفهماشي حاچه،، ويلا جومي روحي وحسك عينك حد يعلم باللي دار بيناتنا دواتي،، مفهوم ؟؟ 

الدايه ••نهضت جريااا الي الخارج وهي تقول،، حاضر حاضر،، سامحني ياارب،، إستغفر الله العظيم وأتوب إليه،،، وفرت من فرحانه حتي لا تضع نفسها في موقف حرج،،،،، 

بعد أسبوع مما جري،،،،،،،،،،،،،،،،،،،،،،،، 

إنقلب حال الكفر عاليه أسفله علي تلك المسكينه شَرف،، التي كانت مثالااا للشرف ومضربااا للمثل في الخلق والأدب مثلها مثل الكثيرات المحترمات من ذلك الحال إلي أسوأ حال،،، شَرف قللت من خروجها للشارع من الاساس ولكن من كانو يخرجون هم غچريه ورشاد وهم من كانو يتلقون الصدمات،، 

إنقلبت حال النساء من السلام والتحيه لغچريه إلي الهمز والغمز والضحك عليها في ذهابها وإيابها،،، 

كانت تسمع سبها هي وصديقتها بأذنها وتصمت،، والغمزات والضحك وتصمت ظل هذا الذي يحدث طوال الأسبوع ماجعلهم يتحسسون أصلااا من الخروج،، ولكن فاض الكيل بغجريه وبرشاد أيضااا،، 

في ذلك الحين حيث تجمعت بعض من النسااء ومنهن تلك التي ارسلتها الدايه وبدأن يمارسن خبصهن المفضل وحديثن الفاقد للمصداقيه الماسخ اللاذع الذي ليس له أي أساس من الواقع،،، نادت احدي النساء علي تلك الاخري قائلة لها،،، 

المرأه ••الا جوليلي يابت يازهره مبجاتيش بتاچي اني وابنك ولافه الشوارع ليه؟؟ ردت الأخري،، أصلي حبله،، وضحكت جميعهن 

المرأة •• حبله بچد؟؟ وازاي وچوزك غايب ؟؟ 

المرأه الاخري ••دى الموضه،،، هههههه،، إهتزت الارض بضحكاتهن الساخرة 

المرأه ••ماترميش بلاكي عالرچاله عاااد طلاما دياتي مووضه،،، هههههههي،،، ضحكن ثانية،،، 

كل ذلك الحديث وغچريه تمر بجوارهن ببطئ،،، كانت تحمل بعض الاكياس في يدها،،، ماأفاقت مما تفعل إلا أن خلعت حذائها البلاستيكي،، وأقتربت منهن ببطئ ثم أمسكت المتحدثات من شعرهن وبدأت المعركه،،، 

غچريه •• بتجولي إيه يارد الرد،، يابيت وجف يامسطبه هد إنتي ويااها؟؟ چايبين في سيره ستكم ؟؟ 

علي الصرااخ بينهن،،، ااااي سيبي شعري هيتجطع في يدك،،، 

غچريه ••مازالت ممسكه بشعرهن وتقطعه بيدها وبفردة الحذاء وتعطي كل واحدة منهن مافيه نصيبها،، بدأت الاخريات تتدخلن،، 

انتي عامله علينا فتووة؟؟ طب تعالي بجي،،، أما عن المرأه التي أشعلت الفتيل وهي التي بعثتها الدايه أو مبعوثة فرحانه المكلفه بما حدث !! فقد تبخرت في لمح البصر وهي تقول،،،،، 

إيوووة إكدة آني إكدة عملت المطلووب،،

بعدقليل مما يحدث إلتمت الاخريات بعدما دمت النساء بعضهن،،

أنقذوا غچريه ممن يضربنها لكن غچريه كانت قد أخذت حقها وحق شَرف منهن الاثنتان الي ان غلبها عدد النساء،،، قامت غچريه من الارض ووقفت وإستجمعت قوتها قاائله وهي تنطر يد بعضهن،، 

غچريه •• ووعي إكددة !! إللي هتچيب سيرتي آني ولا صديجتي وخليلة عمري بكلمه هدبحها وبجولها عالملئ،،، المرادي إتضربتم،، المرة الچايه بموت كلبه فيكم،،، واشااارت لهن واخذت أكياسها وسارت وشعرها متقطع وعباائتها مهترئه ووجهها يزرف دمااا من كل مكان،،،،، 

الفصل التالى

تعديل المقال