الفصل السابق
روايات أسماء ندا
رواية عشق صقر الصعيد
بارت 5 (الكاتبه اسماء ندا )
رن هاتف مهاب وهو واقف مع مازن يتناقش معه حول فاتورة المستشفى وكان حازم المتصل فرد مهاب
حازم / قوله بينك وبينه ان يبقى يخصم حساب المستشفى من التكاليف فى الشراكه وسلم عليه واستأذن قبل ما يرد
مهاب / تمام حاضر جاى حالا
اغلق التليفون وقال
مهاب / معلش لازم استأذن عايزنى بالبيت. واه ياسيدى لو على تكاليف المستشفى هبقى اقولك كام وابقى ضفهم على حساب الملحق اللى هبنيه
وابتعد مهاب وهو يشير له انه مستعجل واختفى من امامه
تبسم مازن مكنتش اعرف ان لستها فى ناس فيها خير اكده هههههه فكرنى بحازم اه يا خوى لوتعرف قد ايه صعب بعادك بس هانت وارجع اسدد دين ابوى واظهر براءته من موت ابوك وبراءتك من موت بوى
خرج مهاب من المستشفى متجهه لسيارة حازم التى وجدها مغلقه ومسك تلفونه وعاد الاتصال به
مهاب / انت فين انا وصلت للسيارة ومقفوله
حازم / انا بحجرة الطبيب خليك انت فى سيارتك واول ما تشوفهم خرجوا وسابوها بلغنى
مهاب/ حاضر رغم انى مش فاهم بس حاسس يا حازم انها طلعت خطبتك اللى حكيت لى عليها
حازم / اي هى واحمد ربك انك عايش
مهاب / هو انا هشم على ظهر ايدى يعنى وعلى العموم افتكر لى انى السبب بمعرفتك مكان هم
حازم / هههه صوح خرجت من تحت درسي اكده
مهاب / هندسه يا باشا بنبنى قصور على الهوى
حازم / هتقع على راسك
مهاب/ لا يا عم انت اختارت عرستى اللى فى الصعيد بنت الحج دى وانا قابل يلا بقى
حازم / واه الصبر يا مهاب املى قلبى منيها اهنه لاول وبعدين اكلمه ليك
مهاب/ وانا لسه هستنى يا بوى
حازم / انتبه انت للباب اول ما مازن يخرج كلمنى
مهاب/ علم وينفذ يا باشا افتكر بس الجمايل دى
اغلق مهاب التليفون وذهب لسيارته وجلس يراقب باب المستشفى وبعد نصف ساعه رأى مازن يخرج مع الفتيات اصداقاء اسماء
اتصل على حازم
مهاب/ مازن اخد اصحابها وهرجوا بس الام معها
حازم / طيب اشترى عصير توت وقابل الطبيب هيضع به مخدر
مهاب/ هو انا حاسس انك بقيت شبه بتوع المافيا ليه لا لاكده اخاف منك
حازم / احسن لك تسرع قبل ما انزل اجتلك (اقتلك)
مهاب / تم يا باشا وداخل المستشفى اهو
بعد لحظات قابل مهاب الطبيب فى ممر الحجرات فغرز الطبيب ابرة فى مدخل العلبتان ثم اخذهم من مهاب ولعطاهم لممرضه ودخلوا حجرة اسماء وتوقف مهاب بالخارج بعد لحظات خرج الطبيب مبتسم
الطبيب / ناموا اتصل بالباشا
وقبل ان يتصل مهاب كان حازم يقف خلفه
حازم / انى اهنه شكرا يا دكتور شكرا مهاب يلا روح انت وانى هبات اهنه
مهاب/ يا وجع العشق يا بنى طيب ما وجهتهاش ليه وفهمتها الحقيقه
حازم بحزن / لساتنى معيش الدليل يا مهاب لساتنى
دخل حازم الحجرة ليجد الحجه حميده ممده على سرير مواجهه الى سرير اسماء فقام بسحب غطاء من خزنة الحجرة وغطاها ثم فعل المثل لاسماء وسحب كرسي وجلس امام اسماء يتأملها طوال الليل
حازم / توحاشتك يا غاليه جوى جوى بس وعهد الله ما اقرب منيكى الا بدليل بيدى بعد ما ارد مكانت بوك واخوك .
وجلس يمتع نظرة بجمال وجهها وكانت لازالت مرتديه حجابها فهو قد امر الطبيب بان جعل الممرضه تتأكد من ان اسماء مرتديه الحجاب فهو يحافظ عليها حتى من نفسه بدأ النوم يداعب عينه
حازم / واه يا عين مالك ما كتفيتى من النوم قبل سابق كيف تنعسي (تريدى النوم ) يا عينى وانى ما شبعت لساتنى منيها
وقف حازم متجه الى حمام الغرفه قام يلاغتسال ليفوق ثم خرج وصلى ليدعوا الله ان يقرب اليوم الذى تصبح اسماء ببيته وعاد ليجلس امامها بعد انواحضر الطبيب له كوب القهوه السادس وكان الفجر اقترب معاده
حازم / اميرتى الصغيرة انت وملكة قلبى الوحيده اعدك اصون عهدى لك ولا ترى عينى امرءة سواك
كتب حازم هذه الجمله ووضعها بقلب باقة ورد قد حضر مهاب بها بالصباح ووضعها بجوارها ثم نظر لها نظرة اخيرة وعندما شعر انها بدات تستيقظ خرج مسرعا
فاقت اسماء ونهضت مسرعه تنظر للباب
اسماء لنفسها / هو حازم انا متأكده .....لا اكيد بحلم عشان اتوحشنى جوى
نهضت وهى تترنح وقامت فتح الباب لتجد مازن يقترب من الحجرة وعندما راها اسرع لها رجعت اسماء لتتمدد على السرير وكانت امها هى الاخرى افاقت واتجهت الى الحمام
دخل مازن ليسند اسماء حتى عادت الى السرير
مازن / قومتى ليه من سريرك يا سمسم
اسماء بحزن / اتخايلت بحازم خارج من الاوضه بس لما فتحت الباب ملجتش (لم اجد ) احد
مازن / وحازم ايه يجيبوه اهنه وهو ما عرفش مكانا
اسماء/ صح اكيد كنت بحلم
نفث مازن الهواء من داخله وه ينظر باتجاه باقة الورد الموضوعه فرأى الورقه وقرأ ما كتب عليها ولكنه اسرع بأخفاءها حتى لا يؤلم اخته فهو اعتقد ان من كتبها مهاب وهو لا يريد جرح اخته
بعد دقائق دخل الطبيب الى الحجرة ومعه الممرضه
الممرضه / عامله ايه يا انسه على فكرة انا وضعت الورد جانبك اللى جابته واحدة شكلها كده اجنبى مش مصريه
مازن / واحدة انت متأكده
الممرضه / ايوه وقالت انها جايه من طرف واحد من الصعيد اسمه سفيان
مازن / سفيان ما بعرف حد بلاسم ده
تدخل الطبيب مسرعا
الطبيب / ها نبدا نروح نعمل الاشعه عشان ترجعى تفطري مع الوالده
ابتسمت اسماء وسندت على الممرضه وذهبا لاجراء الاشعه وظل حازم يفكر بمن هو سفيان
بعد خروج حازم من عند اسماء ذهب مسرعا للطبيب واخبرة ان يطلب من اى ممرضه تقول ان باقة الزهور جاءت بها امرءة اجنبيه من شخص صعيدى يدعى سفيان
مهاب/ ومين سفيان ده
حازم / ده كان اسم استاذ كان مازن اختارة ايام ما كنت بهرب من الثانويه وابويه يسأل عنى فمازن كان عنده 10سنين ايامها تقريبا ولما لقانى مش عارف ارد اتكلم وقال لبابا انى بروح لمدرس يساعدنى فى الرياضه وبعد كام سنه فى اخر الكليه اتخانقت معاه فقالى انا هجوز اسماء لسفيان مش ليك
مهاب/ ههههه يعنى كذب وصدق نفسه
حازم / لا طلع فى استاذ اسمه سفيان بجد واسماء كانت طالبه عنده فى ابتدائى
وخرجا حازم و مهاب ذهبا الى الشركه ليرتبا كيف يديرون بناء الملحق دون ان يجتمع مازن وحازم الى ان يستطيع حازم ايجاد الدليل .
بعد اجراء الاشعه اخبر الطبيب مازن ان اسماء بصحه جيده وان مخاوفه انتهت وتستطيع ان تخرج .
بعد فترة من الزمن انهى بها مازن اوراق خروج اسماء من المشفى اخذها الى البيت
ظل مازن يفكر بالكلمات المدونه على الكارت الذى اخفاه من باقة الورد ومن هو سفيان افاق من شروده على صوت الهاتف الذى رن وكان اسم مهاب الذى ظهر
مازن / السلام عليكم
مهاب / وعليكم السلام اذيك واذى الانسه اسماء دلوقتى
مازن / الحمد لله الطبيب قال انها بخير بس تغير اسلوب الاكل عشان مجرى الطعام ضيق بعض الشئ
مهاب / طيب الحمد لله نكلم فى الشغل بقى
مازن / اه طبعا اتفضل
مهاب / ممكن تيجى الشركه عشان نمضى اوراق بداية العمل على الملحق وانزل اشوف المكان فى اقرب وقت عشان اقدر ابدأ ارسم التصاميم
مازن / طبعا اعطينى عنوان الشركه وانى هكون موجود انى وشريكى الاساسى فى المستشفى اليوم الساعة 2 ظهرا اممممم بس هى مواعيد الشركه لاول من ميته (امتى ) ل ميته
مهاب / المواعيد من 8 صباحا الى 8 مساءا وممكن تمتد الى10 لو فى شغل مستعجل
والعنوان (.........)
مازن / طيب تمام هنكون عندكم على 2انشاء الله بس لى سؤال
مهاب / اتفضل
مازن / انت تعرف حد اسمه سفيان
مهاب / اه المدير العام للشركه وصاحب اكبر اسهم فيه ليه
مازن / لل كنت عايز اشكرة على باقة الورد اللى ارسلها لاختى
مهاب / اه حاضر هبلغه بس على فكرة الباقه الى وصلت اتبدلت مع باقة ثانيه وانا عملت مشكله مع محل الورود اللى اشتريتها منه بعتذر لان صاحب الباقه الاصلى قال انه كان كاتب كلام لحببته معلش لو حصل سوء تفاهم
تنهد مازن / طيب الحمد لله انك وضحت لى على العموم اشكرة بالنيابه عنى وحصل خير
اغلق مازن الخط بعد ان ارتاح قلبه وتوقف عن الشك فى هوية سفيان .
بعد بضع ساعات ذهب مازن وصديق والده الى شركة باسم الامل الجديد والتى هى بلاصل فرع من فروع شركات صقر الصعيد
دخلا الى مكتب مهاب الذى استقبلهم يحفاوة وترحيب لانه كان قد تعرف على وليد الراهب الذى كان بالصدفه صديق والد مهاب ايضا
انتهوا من امضاء الاوراق وقد اندهش مازن بكمية المشاريع التى نفذتها الشركة من مستشفيات ومدارس جزء كبير منها كان تطوع من مدير الشركه سفيان للمساعده الفقراء وخاصة التى تم تنفذها فى الصعيد وتحدث مع مهاب على انه عاقد العزم على انشاء مستشفى خاص فى اسيوط ولكن طبعا بعد ما ينهى الماجستير بالقاهرة فوعده مهاب مشاركته بالبناء فى هذه المستشفى وصرح له انه ينوى البحث عن عروسه من الصعيد لانه يعشق الصعيد
ابتسم مازن / واه مصر اياك تتزوج منينا
مهاب / اه ولازم اتجوز صعيدية مليش دعوه
شريك مازن / وما لهم يا واد ولاد بحرى
مهاب بضحك / جمال وزى الفل بس قلبى هواه قبلى ههههههه
مازن/ خلاص عروستك عندى بس افتكر لو زعلتها هقتلك
مهاب / وانا اقدر بردك يلا ايدى على كتفك انت وسفيان باشا لو متجوزتش قتلكوا انتم الاثنين
مازن / ههههههههههه اجمد يا ولد هتتزوج على نفسيك اكده ههههههه
شريك مازن / ده واقع مش بيحب الصعيد بس هههههه
مهاب / ماشي يا عمى كده هشتكيك لابويه ومش هيرحمك هيكسبك تانى فى الشطرنج
شريك مازن / غور يلا قال يكسبنى قال ده انا فاحت ابوك ومدينه هههههههه
مهاب / هقوله وحياتك
شريك مازن / لا لا احسن مدفعتش لسه الرهان اللى فات هههههههههههه
ضحك الجميع واتفقى على اليوم الذى سيذهب مهاب الى الموقع ليبدأ تصاميم المستشفى .
بعد ما خرج مازن من الشركه اتجه مهاب لمكتب حازم بالدور الخامس
السكرتيرة / الباشمهندس مهاب وصل يا فندم
حازم / دخليه
السكرتيره / اتفضل حازم بيه مستنى حضرتك
دخل مهاب المكتب واغلق الباب خلفه
مهاب/ كده تمام مضى العقد وهروح بعد بكرة اشوف الموقع سأل عليك وقولت انك اضطريت تسافر وهترجع بعد شهر
حازم / كويس كلمته فى موضوع تدريب اسماء هنا
مهاب / لا يا حازم هى لسه فى اولى هندسه يعنى يادوب عدت اعدادى هندسه فاضلها 3سنين هقوله تيجى تدرب هنا اذاى
حازم / معرفش اتصرف بدى اشوفها واسمع حسها يا مهاب قلبى بيوجعنى
مهاب / طيب بكره الأثنين هى عندها محاضرات ايه رأيك اعملك مقابله مع عميد الكليه وانت تقنعه ان الشركه عايزه شباب من اولى هندسه يدربوا فيها واشترط انى انا اللى اختارهم وبكده اجيب اسماء وزميلاتها المقربين وكمان كام شاب عشان يبقى الشكل رسمى من الكليه
حازم / وايه يخلى عميد الكليه يوافق مثلا
مهاب / اتبرع للكليه بمبلغ كبير
حازم / حلو موافق
مهاب / طيب اقوم انا اهرب من الشركه واروح عشان بقالى يومين ما نمت بسبب مدير مفترى. اوعى تقوله يا سفيان ههههههههه
امسك حازم مكعب الاقلام امامه وقذفه بوجهه
حازم / على الفرع الرئيسى يا مهاب يلا بينا
مهاب / لا كده حرام بقى
حازم / مشارك اطفال انى يلا بس واوعدك ساعة زمن واروحك بنفسي
مهاب/ وعد يا بوص
حازم / بوص شغال فين انت يلا ياض يا مهندس
وخرجوا متجهين الى الفرع الرئيسي فى التجمع الخامس
###########################
بمكان اخر كانت اسماء تساعد والدتها بالمطبخ وهى تدندن باغنيه لام كلسوم
بعيد عنك حياتى عذاب
متبعدنيش بعيد عنك
مليش غيرم فى الهوى احباب
حميده / يا سيدى جولى ( قولى ) كمان
اسماء / واه يا ماى متكسفنيش امال
حميده / هههههههه مين بجى (بقى ) اللى ميبعدكيش انطقى
اسماء / وفى غيره يملا عينى يا ماه
حميده / هو انى اللى قولت له احرم عليك يا بت فايز
صمتت اسماء لتكمل حميده
حميده / يا بتى حزنى على بوك ملوش صالح بحبه ليكى وهو كمانى انت عارفة انه ملوش يد فى اللى حصل انى بس كنت غضبانه وقتيها ما يمكن هو عمل كيف ما بوكى عمل
اسماء / كيف يعنى مفهماش
حميده / يمكن حاول يشترى كل شئ عشان مال ابوك مايروحش كيف ما فايز اشترى كل املاك بوه عشان مايتفضحش بس عائلة البنا ما فهمتش
اسماء / ويمكن هو اللى خسر بوى عشان ينتقم لبوه مش هواته من عائلة البنا بردك
حميده / قلبى بيقولى لع ده بردك انى اللى ربيته يا اسماء
وبدأت حميدة بالبكاء على حال بنتها اللى وقف لا عايزه تكمل حياتها وتتزوج من ولاد عماها ولا عايزه تسمح لحازم يدافع عن نفسه
اسماء /خلاص يا اماى اللى حصول حصول وانى اهنه هكمل علامى وشتغل ويمكن حازم يعرف يثبت براءته وبراءت بوى وياجى
#########################
ASMAA NADA
لا تنسوا التعليق والتصويت