رواية عشق صقر الصعيد
الفصل 7
روايات الكاتبة اسماء ندا
ليه مش بتصوتوا هو التعليق بيكهرب ؟
افهم مش بتعلقوا مش لقيين كلام بس مش بتصوتوا ليه لعل المانع خير يا حبيبى
بس برده مش هيأس سعيده بوجودكم
###########################
رن هاتف مهاب فى 6صباحا فأغلقه ونام ثانيا ليرن مره اخره يستيقظ مهاب وهو يلعن من يتصل فى هذا الوقت ويمسك الهاتف ليجد حازم المتصل
مهاب / خير فى ايه فجر ماتت
حازم / فجر مين اللى ماتت فوق با مهاب انا حازم
مهاب / عارف طيب الشركه ولعت
حازم / اعذوا بالله فى ايه يا بنى
مهاب / حازم الساعه كام رد
حازم / 6
مهاب / يبقى فى مصيبه اكيد عشان تتصل دلوقتى ها ايه هى
صمت حازم قليلا ثم قال / قلبى بيوجعنى
مهاب / نعم يا خويا مهى كانه سنه سوده يوم ما دخلت هندسه عشان اقبلك انا عارف
حازم / كده طيب انا هاخد فجر فى السكرتاريه بتعتى نام يا مهاب
مهاب يلعن نفسه فى سره ثم يرد
مهاب / مالك يا زومه سلامة قلبك يا حب
حازم / لا زعلان
مهاب / انجز وقول قبل ما اقتل فجر بايدى اللى حتطنى تحت ضرسك
حازم / مفيش بصحيك عشان تزل الجامعه تكلم العميد
مهاب / يا الله الصبر ....... يا حازم يا حب يا باشا هو عميد الجامعه هيروح الجامعه الساعه 6او 7 ليه يبيع لبن ده انا حتت معيد وبروح اول محضراتى 9
حازم / يا مهاب انت على ما تصحى وتلبس وتفطر وتنزل هتكون 10اصلا قوم كفياك نوم
مهاب/ يخرب بيت اللى دخلنى هندسه على بيت اللى نجحنى بامتياز على بيت اللى شغلنى معيد على....
حازم / حاسب قبل ما اطخك عتقول اللى خلاك تشركنى ولا ايه
مهاب / لا وانا اقدر مستغنى عن عمرى انا ...... حاضر يا سيدى اقفل عشان اقوم استعد
اغلق حازم التليفون ليعاود مهاب النوم مرة ثانيه فيرن الهاتف
مهاب / الو ... قومت وحياتك قومت
...... / هو فى حد كان متصل قبلى ولا ايه
مهاب / مين مين معايه
مازن / هههههههه انا مازن يا مهاب مش انت اللى بعت رساله الان فاضيه كنت عايز حاجه
مهاب / انا ..... والله ما حصل
ويمسك الفون يقلب الرسائل فيجد انه ارسل بالفعل رساله لمازن بدون قصد وهو بيضع رقم حازم على قايمة الرفض لينام
مهاب / هههههههههه معلش اسف والله ده انا كنت بعمل حاجه فى التليفون وانا نايم ضغط غلط اسف
مازن / هههههه طيب حصل خير يلا اسيبك تتحضر للجامعه او الشركه وانى كمان هتجهز للمستشفى قبل ما اروح الجامعه
واغلق الخط وحاول ان ينام لكنه لم يستطع فنهض ليقوم بالرتين اليومى وهو يلعن حازم
بعد مرور 4ساعات استأذن مهاب للدخول لعميد كلية الهندسه ليخبره عن رغبة صاحب شركة الصقر الصعيدى للمقاولات الشهيره بمقابلته ولمح له انه يريد التبرع للكليه فرح جدا العميد واخبرة ان ياتى فى اى وقت يشاء فرد مهاب ان المهندس حازم البنا سيكون متواجد بموقع بجوار الجامعه الساعه 12ظهرا من نفس اليوم ويمكنه ان يذهب ويحضرة للقاءه فوافق العميد .
خرج مهاب من عند العميد وجلس بمكتبه واتصل بحازم
مهاب / الو .. يلا يا باشا تعالى على 1 مهدت لك الدنيا ايكش يمطمر
مازن / دنيا ايش اللى مهدتها لى يا مهاب مالك اليوم هو رقمى معلق معاك
مهاب / بفزع نهارسوح انت صوتك قلب على مازن ليه يا بنى
مازن / هههههههه لا اله الا الله انا بقول تكشف وتلبس نظارة انا مازن يا حبيبى
مهاب / اسف والله ده انا بتصل بالمدير اكلمه على حاجه فى الموقع مش عارف طلعت نمرتك اذاى بس يمكن ربنا بيحبنى عشان اقولك خبر حلو
مازن / اظاهر اكده قول قول
ياخذ نفس عميق ويقول / مش انا هخطب واحده من الصعيد عندكوا من عائلة الراوى بس لسه الموضوع فى دماغى
مازن / واه يا ترى مين فيهم وعرفتها كيف دى
مهاب / مقدمه تشتغل سكرتايرة ليه فى الشركه اسمها فجر
مازن / واه وكيف وابوها عنده شركاته
مهاب / قالت فى المقابله بتاعت الشغل انها عايزه تشتغل فى مجال المقاولات مش التجارة
مازن / اكده فهمت وانت بقى قولت لها انك رايدها
مهاب / لا انا وفقط بس انها تشتغل بس
مازن / هههههه يا عنى لساتك بينك وبين نفسك
مهاب / ايوه
مازن / طيب نصيحه منى يا بن العم متكلمهاش دلوقيت اشتغلوا شوى لحد ما تعرف ان كانت ريداك ولا لع
مهاب / اممممم صح برده احسن يكون ليها خطيب ولا حاجه دى كمان
مازن / هههههههه رب يقدر لك الخير يلا سلام وبص برقم قبل ما تتصل هههه
مهاب / ماشي يا مازن سلام
اغلق معه وعاود طلب حازم وقص عليه مادار بينه وبين العميد واخبره انه هينتظرة خارج الجامعه على الساعه الواحده
###########################
نفس اليوم صباحا
استيقظت فجر بنشاط واخذت شاور وتوضأت وصلت فرضها وتناولت فطورها وودعت ابها واخوتها الذين كانوا تحضروا ايضا كل واحده تذهب لعملها
توجهت فجر لمقر شركة الصقر الصعيدى للمقاولات وصعدت فى المصعد الخاص بالموظفين بعد ان شرحت لها موظفة الاستعلامات ان هناك مصعدان واحد خاص بالموظفين والثانى خاص بالمدراء
وصلت لدور الثامن الخاص بالمدرين فهناك ستعمل سكرتاريه لمهاب بدل هنا
فتح الباب ليظهر ممر يقسم الدور نصفان جهة اليمين مكتوب عند مدخلها المهندس/ حازم البنا والجهه الشمال مكتوب المهندس / مهاب الباذ توجهت باتجاه مكتب مهاب الذى بدأ بهول كبير بمنتصفه مكتب دائرى من الزان فوقه لوح زجاج وعليه جهاز كمبيوتر وتابلت وعدتان تليفون وتجلس هنا خلف المكتب يغلب الون الفضى والابيض على شكل الهول ويوجد جدار من الزجاج يطل على الشارع الرئيسى ويظهر خلفيه رائعه الجمال وكأن امامها صحراء على الرغم من وجود مبانى متباعدة
افاقت من سرحانها على صوت هنا
هنا / اهلا اهلا انسه فجر اتفضلى اقعدى
جلست فجر على كرسي امام المكتب من الجهه الاخرى لهنا
هنا / لا لا تعالى اقعدى جانبى انا جهزت ليك كرسي جنبى عشان اعلمك كل حاجه
فجر بابتسامه نهضت والتفت حول المكتب
هنا / شوفى اولا مهاب به بيجى كل يوم بدرى ما عدا يومين فى الاسبوع بيجى على 3العصر لانه معيد بكلية الهندسه . بيحب اول ما يدخل يلاقى فنجان القهوه باللبن على المكتب ومعاها قطعتين كيك ركزى يا فجر قهوه باللبن مش نسكافيه قهوة بن يعنى
فجر / طيب ما الكافيه يعملها
هنا / كافيه ايه لالالا دى هتعمليها بنفسك هناك شايفة الباب الفضى بمقبض ذهب ده
فجر / ايوه
هنا / ده بقى يا حببتى مطبخ صغير لان مهاب بيه مابيحبش ياكل من ايد حد ووجبة الغداء بيدخل بنفسه يعملها هنا على الساعه 3 او 4 بس القهوه والكيك انتى اللى هتعمليها المشروبات طبعا معاد الحضور ليكى 8 هو بيجى 10فى العاده ولو جهه بدرى بيكون هناك عند حازم بيه يعنى فى وقت تعملى الكيك
فجر/ انا جايه اشتغل سكرتيره مش طباخه
هنا / انتى ماضيتى العقد ولا لسه
فجر / ماضيته امبارح
هنا / قرءتيه كويس
فجر / امم تقريبا
هنا / بضحكه لا مفيش تقريبا مهاب بيه موضح الجزء ده جدا لانه عايز سكرتيرة خاصه مش سكرتاريه عامه لان فى اجتمعات بتكون فى بيت حازم بيه او بيت مهاب بيه او فى فنادق وفى كلتا الحالات حضرتك والسكرتايرة الخاصة بحازم بيه بتشرفه على المطبخ
فجر / اممممم طيب وايه كمان
هنا / حلو كده تعالى بقى اعرفك على التابلت ده هيكون معاكى فى كل حته بالمكت بالبيت حتى لو هتضطرى تنامى وهو فى حضنك
ده عليه كل المواعيد من الساعه 7الى الساعة 11مساءا كل ساعه ليها منبه خاص
7الصبح حضرتك بتتصلى بالرقم الخاص بمديرة منزل مهاب بيه عشان تطلع تحضر له الحمام وتصحيه وبعدين تتصلى الساعه 8 تاكدى عليه مواعيد المكتب وتقرأى عليه مواعيد اليوم وترتيبه وطبعا كل معاد بتتصلى تاكدى عليه لو مش هنا ولو هنا بتدخلى تقولى له . اكملت هنا شرح ما ستقوم به فجر من اعمال على التابلت وعلى الكمبيوتر والمشاريع ونبهت عليها ان صاحب الموقع الطبيى الجديد يجب ان لا يعرف اسم المهندس حازم ابدا ولا يعرف بوجوده
وعندما ذكرة لها اسم صاحب الموقع لطبى مازن الدهمشرى فهمت فجر السبب دون السؤال واؤجأته الى الطار الذى بينهم
فجر فى نفسها
(ياه جد(اد ) ايه انت اصيل يا حازم بتساعد مازن رغم الطار بناتكم (بينكم) )
مر الوقت وانشغلت فجر بالعمل مع هنا ولم تشعر بحضور مهاب الذى رأها ولكن تجاهلها ودخل الى مكتبه
وطبعا هنا بحكم الخبره كانت بالفعل وضعت القهوه والكيك على المكتب قبل وصول مازن وبعد دقائق من دخوله قالت لفجر
هنا / خذي الملف بتاع المناقصة دى وادخلى للباشمهندس ناقشيه فى النقط اللى انتى عملتيها
فجر / حاضر لما ياجى
هنا / مين ده
فجر / المهندس مهاب
هنا / لا فوقى كده مهاب ما بيتأخرش ثانيه ولسه داخل من 10 دقائق
فجر / والله ما شعرت بيه
هنا / هههههه طيب يلا بقى ادخلى
نهضت فجر واخذت الملف وتوجهت الى مكتب مهاب وطرقت الباب لم تستمع رد انتظرت لحظات وتركت مره اخرى لتسمع صوته يسمح لها بالدخول
فجر
(عندما دخلت كان منظر المكتب كأنه بانورة زجاجيه وبمنتصفه مكتب اسود كبير وخلفه مكتبه ضخمه من المراجع الهندسيه والبحوث الاجنبيه عن الرسومات الهندسيه وقسم خاص للرسومات الورقيه وهناك قسم مكتوب عليه روايات واشعار )
مهاب/ هتفضلى واقفه عندك كتير
فجر / امم لا طبعا يا فندم ده ملف المناقصات وكنت دونت عليه بعض ارائى الخاصه وهنا قالت ادخل اعرضها على حضرتك
مهاب / اولا اسمها عايزه اناقشك حضرتك فى افكارى عن المناقصه وليس هنا قالت حضرتك هنا ذيك زى هنا ثانيا هتناقش وانتى واقفه هناك كده
فجر بابتسامه/ لا طبعا هجعد (هقعد )
مهاب / طيب سيبى الملف وادخلى هناك المطبخ من الباب ده واعملى كبايتين شاى نشرب واحنا بنتناقش وتنسيش الكيك
فجر / حاضر بس كوب واحد
مهاب / قولت 2 متجدليش احسن اخليكى تعملى الغدا
نهضت فجر مسرعه للمطبخ وغابت 15دقيقه وعادت وضعت امامه كوب شاي والكيك واخذت كوب لها ثم عادت وجلست امام المكتب من الجهه المقابله لها
نهض مهاب واخذ الشاى وطبق الكيك والتف حول المكتب واضعهم امامها على الطاوله الصغيره وجلس امامها
مهاب / مهو مش هنتناقش وفى مكتب مترين ما بينا اتفضلى تاكلى وانت بتشرحى
فجر / طيب كفيانى الشاى
مهاب / لع قولت تاكلى لا تطبخى
فجر / اكل ههههههه اتفضل
وبدأت تشرح افكارها وهو يناقشها ويبدى بعض الملاحظات ظلا هكذا لمدة ساعتان تركها مهاب تعيد دراسة المناقصه ودخل للمطبخ الملحق بمكتبه ليعد وجبة الغداء
########################
قبل عودة مهاب الى الشركه كان قد جمع حازم مع عميد كلية الهندسه
عميد الكليه / اهلا اهلا حازم باشا
حازم / اهلا بحضرتك
العميد / الاستاذ مهاب بلغنى ان حضرتك كنت عايز مجموعة شباب من الصف الاول يدربوا بشركتك وهتضمن ليهم فرص عمل بعد التخرج بشركتك
حازم / طبعا بالتاكيد وايضا عايز اتبرع بمبلغ يكفى لمساعدة الطالبه غير القادرين على مستلزمات الكليه ومبلغ اخر لتجديد وصيانه الاجهزه المستخدمه فى جميع اقسام الكليه ياريت تحضر دراسة للمبلغ الاجمالى المطلوب
العميد بفرح / طبعا طبعا وده يشرفنى انا هوكل الاستاذ مهاب باختيار الطلبه وهطلب من السكرتاريه عمل الالزم لدراسة المبلغ حضرتك
حازم / تمام اذا كده اتفقنا استاذن انا لانى سايب الموقع ولازم ارجع لشركتى بعد المرور على مواقع اخرى سلام عليكم
العميد / وعليكم السلا م ورحمت الله
نهض حازم وخرج من الكليه على وعد من مهاب انه هيكلم مجموعت الطلبه ويحدد لهم مواعيد العمل فى الشركه مع الاوقات المناسبه لكل واحد على حدا وطبعا اسماء هتشتغل فى قسم المهندسين تحت اشراف حازم من بعيد ليتمكن من رؤيتها بدون ان تراه
###########################
Asmaa Nada
لا تنسوا التعليق والتصويت
انا جربت النجمه لرويات كاتبات اخريات ومش اتكهربت والله
#########################
ASMAA NADA