رواية عشق الودق للكاتبة ايمان صالح الفصل ٢٠

الفصل السابق

عشق الودق بين العشق واللعنه
#الجزء_العشرون

$$$$غچريه ••إنچدوا الرااچل !! هيجتلوووه،، وما كان عليها إلا أن جلست في الأرض باكيه وبدأت تهيل من تراب الأرض علي رأسها وتولول،،،،، 

دقائق وسمعتها صديقتها وخرجت لتري المنظر وتعرف ماجري من أفعال صديقتها حتي أخذت طريقها جريااا الي قصر العمدة،،،،،،  

بعد دقاائق،،، 

وصلت للقصر وأخذت تنادي،، 

شَرف••فرحااانيه ؟؟ يافرحاانيييه،، تنادي والدموع تنهمر من عينتيها والعرق يسيل علي جبتها وتلعم في الشمس الساطعه كحبات اللؤلؤ،،، 

ردي عليا يابت،، ردي عليا ياصحبه جديييمه،، إطلعيلي،، 

خرج الحرس من الداخل،، وهمو يتهجمون عليها بالضرب،،، 

في التو خرجت فرحانه وولدها،، صرخت بالجميع،، 

فرحانه ••بس ياواد إنت وهوا،، بس يغفير منك ليييه،، سيبوها دى غلباانه،، إهه !! خير ياحبيبه آني خرچتلك اهو عاوزة اييه ؟؟ 

شرف ••يعني معارفاش ؟؟ دخليني،، عاوزه چووزي،، 

فرحانه ••حيييه !! چوزك مين ياشابه ؟؟ واحنا شوفناه؟؟ دة خرچ من ياچي ساعه،، تلاجيه بعد ماعمل الجلج هنا وخرب التخريب اللي هوا راح يكمل بره !! أصله معذور بجي،، هيييه معلش !! ماهو مطعون في شرفه،، ههههه،، 

شرف ••خرچييه،، خرچييه وهنرچ من الكفر كلاته وهكتم الحجيجه وابعد عنكم وهسيب حجي بس سيبوهولي،، ابوس رچلك،، 

روايه عشق الودق بقلم ايمان صالح لموقع الفردوس للروايات رومانسية ، تحميل pdf، رواية رومانسي، روايات كاملة، روايات انجليزية

انخفض علي الارض حتي تقبل قدمها وماكان من تلك الظالمه الا انها نطرت وجهها بعيداا بقدمها قائله،، 

فرحانه ••إييوعييي !! اخي !! إنتي عتبوسي رچلي اني؟؟ مسحت علي قدمها إشارة علي أنها مشمئذة منها،،، 

شوف سبحان الله !! من كاام سنه !! كنت أني الچربه إيوة من عمر ولدي ده،، فااكره ؟؟ كنتو بتعملو فيا ايه انتي وصديجتك؟؟ إنخفضت لأسفل موضع شرف التي تبكي في الارض،، 

مش نسيالكو تريجتكم عليا وعلي غيرتي عالعمدة من بت عمك ،،، بس شايفه ؟؟ لحد دلوك ماردتش عنك أذي،، إديكي مذلوله تحت رچلي كيف ماتريجتو زمانات !! هههي،، ولسه صاحبتك كماني،، كل هذا الحديث الداائر بصوت منخفض،،، 

شرف ••بتتشفي فيا في چريمه چوزك عملها فيا؟؟ 

علت بالصوت حنجرتها فرحانه وهللت وقالت،، 

فرحانه ••لاااا خلي بالك بجي عشان العمدة ليه الف رااچل يجطعو لساانك ياشاابه !! إنتي بترمي بلا عالعمده لييه ماتبعدي عن چوزي بدال ماتحصلي چوزك،، 

شرف ••هاتيلي راچلي وانا ارحل ومهاتشوفيناش تاني،، هنرحلو،، 

فرحانه ••روحي دوري عليه بعيد عن إهني،، احنا مالناش صالح،، غوري،، غوري يااخاااطيه،،، بلا بلاوي،، خدوها من إهني،، 

وبدأت تصرخ شرف بإسم زوجها بعدها حملوها بعيدااا خروجااا من القصر والاقوها خارج البوابه وظلت تنادى علي رشاد دون جدوي،،، ارتمت بجوار بعض الأشجار بالخارج دون رحمه،، وبدأت تبكي وهي ملاه في الارض منهارة وتصرخ وتحفر الارض بيدها وتهيل التراب علي رأسها،، 

شرف ••رشاد،، رشاااد،، عوود ياخوويه،، عودلي يانني عيني من چوه،، عود يانضري ودنيتي كلاتهي،، يارشاااد،، مين هيربي عيالي غيرك يارشااد؟ إهئ إهئ إهئ،، مين ياحبايه جلبي ميين،،، ياارب،، ااااااخ،،، 

حاولت إستجماع قوتها حتي وقفت من الارض وبدأت تمسح وجهها المنغمر بالدموع والتراب وبدأت تتفكر ماذا ستفعل،، لكن عقلها مغيب بالفعل،، لاتعلم كيف تفكر وبدأت تتحدث مع نفسها بصوت عالِ قليلااا ثم منخفض قليلااا،، 

شرف ••هيكون راح فين بس؟؟ رموه إهنه ولا اهنة؟؟ يارشاااد ؟؟ وبدأت تنادى وهي تمشي علي الطريق،، 

راح فين بس؟؟ آني،، آني بجول يمكن يكون فى الارض!! زهج ورااح ؟؟ يمكن ؟؟ هاشوفه اةة،، وذهبت للأرض هرولة،،، 

يارشاااد ؟؟ رشاااد،، ياحبيبي،، إنت فيين ياحبيبي ؟؟ من بعيد لمحت جثه ملفوفه في شئ ابيض،، 

شرف ••ديه دي ؟ ايه اللي متلجح دواتي ؟؟ يكونشي هوا ؟؟ لاه لاه هلاجيه حي ان شاء الله،،، وهمت بالجري علي ماهو ملقي على الارض،،، 

حتي إنصدمت،،،،،، 

رشاااد !! دة إنتا ؟؟؟ رشاااه !! رشااااد،، لأياخويا جوووم !! جوم ياسبعي وسندى وعزوتي ورااچلي،، جوم ياراچل عاتموت وتسيبني عااد ؟؟ وبإيه بسببي؟؟ لاااه يارشاد مش هجدر أعيش وانت ميت بسببي لاااه،، يارشاااد ؟؟ صرخت بعلو صوتها ولم تجد أحداا يخطو ورائها ثم ضمها بحضنه غير غجريه وزيااد،، 

غچريه ••بسس،، جومي ياجلب امك،، جوومي،، نظرت لها شرف والدموع في عينيها وعيناها تشبه عيناً بركانيه،، جومي ياجلبي لاازم نعمل اللآزم،، 

إقترب منها زياد حاضناا إيها قاائلااا،، 

زياد ••آني عارف مين اللي عمل فابويا كدة وفيكي كمان ياما،، والله ياما لازمن لما أكبر آچيبلك حجك كيف مابويا وصاني،، عاد ذهن الطفل للورااء ليتذكر حديث أبيه قبل موته معه ميقظااا إيااه من نومه،،، 

رشاد ••زياد ؟؟ إنت ياواد يازيااد ؟؟ جووم ياولا تعالي،، 

إستيقظ الطفل البرئ النائم وهو يدلك في عينيه بيده الصغيره،، 

زياد ••فيه إيه ياأباا،، 

حضنه أبيه حضنا طويلاااا لدرجة انه كاد ان يعصره،، 

زياد ••براحه ياأبااه،، چسمي وچعني،، تركه أبيه وبدأ يتحدث معه،، 

رشاد ••إسمع يازياد،، إنت دلوك كبير وراچل البييت بعدي،، يعني لو چرالي حاچه لاازمن تكون انت راچل امك إنتا فاهم؟؟ 

زياد ••وإنتا هتروح فين ياأبااه؟؟ 

رشاد ••تلألأت الدموع في عيني رشاد،،، آني ؟؟ آني يمكن مابجاش موچود بعد إكده،، لو چرالي حاچه إعرف ان السبب فيها هوا العمدة سياف وإبنه،، لو جرالي حاچه واني بچيب حجنا وحج أمك،، لااازمن تنتجملي،، فاهم؟؟ ماتكرهشي اللي فبطن شرف،، حبها،، وعلمها ان اللي ظلموها هما اللي عملو حچات عفشه في أمك،، فاكر الوحش اللي حكيت عنيه ليا؟؟ الوحش دة سيااف يازياد ولما تكبر هتفهم هوا كيف اذانا كلنا،، 

زياد ••آني لو حصلك حاچه لاازمن أموت اللي زعلك يابوي،، 

رشاد ••بس يازيااد،، لاازمن تچيب حجي فاهم؟؟ لاازمن،، وظل يحضنه كثيرااا قائلااا له،، الارض بتاعتنا حچتها وعجدها في الشكمچيه بتاعت دهب أمك،، خده وخليه معاك حافظ عليها عشان تلاجي تشتغل وتاكل من زرعها انت وامك،،، وماتنساش أبوك أبداا ياولدي،، وظل الإثنان في حضني بعضهمها حتي طلب منه زياد ان ينام بجواره وغطا في النوم،،، وكأن كلمات رشاد تلك لإبنه قد حفرت في ذااكرته،،،،،، 

عاد زياد بالحديث لأمه،،،،، 

زياد ••ماتخافيش يما،، مهما چري لازمن أچيب حج بويا،،، 

شرف••سمعت كلماته إنهارت بعد أن ضمته وظلت تبكي في حضنه الصغير قاائله،، ولادي إتيتمو بدري يابوووي !! منك لله ياسياااف،،، اااااه ياحرجه جلبي يمااااا،،، إسمع يا زياد ياولدي،،، حج بووك هيااچي علي يدنا صُح؟؟ هييه ؟؟ إنت رااچل وبوك طلبمنيك إتچيب حجه،، يبجي لاازمن تبجي چاري فكل حاچه لحد ماچيب حجه ياولدي،، إهئ إهئ إهئ إهئ 

زياد ••وحياتك يادم بووي لالااازمن آخد إبتارك من كل نفر مساعدناشي،، 

بكت شرف بحرقه،،، 

من وراائها غجريه تبكي وتولول هي الاخري من حرقه المنظر،،،،،، 

في العزاااء،،، بعدما حدث بيومين،،، 

وقفت شرف للشرطه ومنعتهم من تشريح جثة الزوج وأيدت العمليه ضد مجهول،،، ليس خوفااا من العمدة ولكن لأنها قررت أن تنفذ وصية زوجها لها هي الأخري،،،، 

ضلت شرف تتذكر ماحدث معها أيضاا منذ يومين حيث أوصاها ببعض الأشياء،، شردت بعقلها للوراااء،،، 

يوم إكتشاف الكارثه،،، اليوم الذي جاءت فيه الدايه وضربها فيه رشاد،، كيف علمت أن مافي بطنها ليس منه،، شردت للوقت الأبعد،، وقت سفر رشاد حينما بعث له العمدة الغفير،،، عندما بدأت تحدثه وتقول له ان يسافر،،،، 

،،،،،، يوم أن جاائه الغفير وترك له الرساله عن لسان العمده،،،، 

رشاد ••العمدة،، 

شرف••ماله تاني المخفي دواتي عاوز منينا إيه؟؟ 

رشاد ••مخابرش،، جال إييه،، عاوزني اروح أچيب تموبيل حرت،، ولا چرار ولا معرف اييه،، وبيجول هايطلعلك من المصلحه جرشين حلوين جوي،، نظر لها،، 

شَرف ••ودياتي محتاچه كلام بردك ؟؟ رووح،، روح هاته وتعالي لو فيها جرشين وانت عارف فلوسه كتيير ابن الحرام دواتي،، روح خلينا ناخدو جرشين عاللي معانه من فلوس الغله اللي لسه متباعهِ ونچيبلنا دار بعيده عن إهنه حبتين،، إنشالله في نچع تاني،، 

رشاد ••ياسلااام ياختي ؟؟ طب والارض بتاعتي وبتاعت أبويه ؟؟ 

شَرف••ياحلاوة!! نجعدو چارها لحد ماتبجي ارضين !! ماتتباع ياراچل وتچيب زيها واحسن كماني،، بلاش تضيج مخك،، شوف مصلحه ولدك فين عاوزين يبجاله حاچه لما يكبر هوا ولو ربنا كرمنا بغيره،، 

رشاد ••آني خايف عليكي ياشرف،، العمده دة إبن،، 

شَرف ••إبن اللي ابنه ياخوويه !! واني يعني عيله ؟؟ وبعدين انتي لو سافرت آني معايا ربنا،، وغچريه وكمان الواد زياد،، دة رااچل إنت مستجل بيه ولا إيه !؟؟ 

رشاد ••لاه ياجلبي آني عارفك زين وعارف إنك بميت رااچل،، بس الخسيس النچس سياف حبوله طايله وخايف لايكون عشجك،، 

تأثرت شرف بالكلام وقاطعت كلامه،، 

شَرف••إيه دي ؟؟ إنت بتجول ايه انت؟؟ لاهوآني واحده من إياهم ؟؟ العفش دواتي مايعرفش غير دولي،، وخلاص جفل عالكلام عاوز تسافر سافر معاوزش عجلك فراسك تعرف خلاصك،، 

رشاد ••أباااي ؟ ماصدجتي جفشتي ؟؟ طب يلا بس أجعدي لچل تاكلي 

شَرف••لاااه،، ماوكلاش معاك،، بعصبيه خبطت آخر طبق طعام بيدها علي طبليه الطعام ثم دخلت للحجرة لتيقظ الطفل الصغير ليتناول طعامه،،، 

دخل ورائها رشاد لحق بها قبل ان تدخل لغرفه زياد،،،، 

رشاد ••امسك بيدها،، يعنى يابت إنتي عوزاني أسافر جبل ماجضي معاكي يوم حلو يابت!! 

شرف ••أبااي عليك !! الله أكبر،، ليه مهتعاودشي؟؟ 

رشاد ••لاه مش الجصد بسيي!! بس إنتي عارفه اني إتوحشتك جووي،، أديلنا يااچي خمس تيام ولسه الدنيا عنديكي ما ظبطتشي،، 

شرف ••بخجل وإحمر وجهها،، وااه ؟؟ يعني اعمل إيه ؟؟ أجول للعادة الشهريه متاچيشي؟؟ إمشي ياوليه إكدة؟؟ 

رشاد ••أطاح بيده بعيدااا قائلااا،، آني عارف بس إيه اللي چابها دلوك ؟؟ إتوحشتك وهمشي بكرة وماعرفشي هعاود ميته !! 

شرف ••سافر ولما تعاود هتعاود تلاجي عروسه مستنياك،، وإبتسم الإثنين بقهقهه،، ههههههه 

رشاد ••لما نشوف يابت ياحلوة إنتي،، ياابووي !! أحلي بت في الكفي كلاته ياولااد،، 

شرف ••هههههه،، بس يارااچل اختشي عاااد،، ولم ينتبها إلا علي زياد واقفااا واضعاا يده في خصره قاائلااا،، 

زياد ••ماتروحو أوضتكو وتتحدتو أبااي؟؟ حتي إنفجرا في الضحك 

زااادت دموع شرف حينما تذكرت يومها،،،،،، 

لم تفارقها غجريه ولم تفارق خطواتها ،،، 

أما بالنسبة لثرايا العمدة،، التي أصبحت مشتعله من يوم وفااه رشاد،،، فقد وصل الأمر برمته لملكه،،، حتي شبت نار النزاع بينها وبين فرحانه من وقتها،، الكل يتحدث عن أن العمدة وإبنه هم الجاني الأول بالرغم من نفي شرف لذلك الكلام،،، 

ماإن سمعت ملكه تلك الكلمات حتي دب الخلاف بينها وبين زوجها وفرحانه،،،، 

مَلكه••كل اللي حُصل دة بسبب نچاستك !! تااني عتكرر مصيبه تانيه ؟؟ لاااه ومع مين المرادي ؟؟ مع جرايبينتي؟؟ لااه ياسياااف،، آني مش هاسكت النوبادي،، 

سياف ••هتعملي إيه يعني عاد؟؟ حليهالي وآني أعمل اللي تجولي عليه،، 

مَلكه ••تنهدت ثم إزدردت ريقها قاائله بصعوبه،، لاازمن تصلح اللي خربته،، 

سياف ••كيف يعني؟؟ 

مَلكه ••بكفاياك عااد بجي إستچهال بعجولنا،، إنت عارف جصدي زيين،، لازمن تتچوزها،، ولو في بطنها عيل صُح يبجي لاازمن يتكتب بإسمك،، 

لن تروق تلك الكلمات من كانت واقفه تتجثث من بعيد حتي ردت عليها ردحاااا،،، 

فرحانه ••ايييه ياخيه ؟؟ بتجولي إيه عاااد؟؟ يتچوز مين ياضني أمك؟؟ هوا بتاعك لحالك ولييه؟؟ 

مَلكه ••هسسسس،،، أسكتي سااكته يااخاطيه ياوش الشووم،، من ساعة ماجدمك لمحني بجي علي إسمه وخطي عتبه بابنا وهوا بجي أسوأ من الأول،، 

فرحانه ••ههئ،، مانتي لو واخدة بالك منيييه !! مكانش لاف علي ولا علي غيري،، 

سياف ••باااس،، إكتمي منك ليها،، هسس،، مَلكه طول عمرها ست الدار دياتي،، وماعملتش حاچه عفشه وااصل،، آني اللي غلطان ورومرام،، عشان إكده رافجتك،، وهيا ماغلطتشي لما جالت عليكي خااطيه،، غلطتي معايا ولا لااه؟؟ أمسكها من ذراعيها بقوة وبدأ يحركها،، 

فرحانه ••سيااف !! الوااد واجف!! 

سيااف ••إنتي أكبر غلطه فحياتي يافرحانه،، آديلي ياچي عشرين سنه مترازي بيكي،، تتدخلي فحياتي واجول ماشي عشان الواد الكابير،،، تجوليلي إعمل ولاه أجول عشان خاطر حكم،، لكن لحدت ماتتدخلي بيني وبين مَلكه واللي بجوله هجولك لااه،، وخدي بعضك وروحي من مطرح ماچيتي،، 

حكم ••آباا؟؟ إتچنيت عااد ؟؟ ردت ملكه،، چن لما يركبك،، رد حكم،، إسكتي يامرة انتي،، 

ماكان من سياف إلا أن رفع كفه وناول حكم كفااا كاد أن يفصل رأسه عن رقبته،،،، 

وقف حكم وأمه مذهولين مما حدث،، ثم القي عليهم سياف بقية الحديث 

سياف ••من إهنه ورايح ملكه هيا ست الدار تاني ماش إنتي،، وكلامها اللي جالته هنفذه،، إنتي وولدك تجعدو في مبناكم ولما أعوزكم هچيكم،، وفعلااا عشان تبجو كلاياتكم فاهمين،، آني هتچوز شرف وهعجد عليها في أجرب وجت،، 

فرحانه ••بفزع،، لاااه،، علي چثتي لو حصل دواتي،، نهرها سيااف،، 

سيااف ••هسس إكتمي،، زي ماصلحت غلطي معاكي هصلح غلطتي معاهه إنتي فاهمة؟؟ لو مش عاچبك الباب يفوت چمل من دلوك،، 

إبتعلت ريقها قاائله،، 

فرحانه ••ماشي ياسياف،، إللي تشوفه يحصل،، ونظرت لملكه شرذااا وكأنها تريد أن تخرج من عينا شعاع ناري يخترق جسد ملكه يلقيها محترقه من غلها ثم قالت،، يلا ياوليدي عشان أحطلك تلچه علي وچك دواتي،، وأخذت إبنها وصعدت لإعلي،،،

#يتتتبع،،،،،،،،،،،،،،،،،،،، 

الفصل التالى

تعديل المقال