رواية أفترقنا ولكن للكاتبة بشري
... عدا كذا يووم وبابا فاتح عم كاظم وزي ما توقعت فرح جدا ووافق على طول مع اني كنت عايزه يسأل همس الاول عشان لو وافقت هتبقى فرحتي اكبر بكتير .. اتفقنا على كل حاجة .. ماما ماكانتش موافقة فالاول بس بابا فهمها ان دي حياتي ولازم اختار بنفسي هقضيها مع مين .. عدت ايام قليلة ورحنالهم البيت كانت لابسة فستان جميل والحجاب عليها اجمل كانت اجمل فعيني من اي مرة شوفتها فاتت يمكن عشان طلبتها وبقت على اسمي ويمكن عشان حاسس إنها هتوافق عليا. وفعلا وافقت وعشت أجمل أيام عمري وأسعدها كنت سعيد وفرحان لدرجة اني شايف كل حاجة كويسة وإيجابية حتى أصعب المشاكل شايفها سهلة وممكن تتحل .. كل حاجة حلوة وجميلة .. السماء اصفى والشمس أدفى والهوا أحلى والمياة اعذب .. قررت نكتب كتابنا عشان خلاص ماعدتش قادر على فراقها ولا لحظة .. وهي عامله فيا ما بدالها يوم تكلمني وعشر لاء وكلامها قليل جدا ويا دوب بسمعه كانت عاملالي السهل الممتنع والتقل صنعة وانا دايب لشوشتي .. بس عندها جبروت يكفي نص البشر الهانم رفضت نقدم فرحنا ووافقت على كتب الكتاب عشان ابقى طايل ومش طايل .. وتقعد تذلني على البوسة والحضن .. شقاوتها ماتتوصفش حركاتها بريئة حتى نقالبها .. بتتصل نص الليل عشان تقولي تصبح على خير ولما اكلمها تقفل فوشي حتى فالاماكن العامة كانت بتنكر اني خطيبها .. وساعات انا كمان أعمل فاقد الذاكرة ونعقد نتخانق .. كانت ايام حلوة اوي كنا بنحب بعض اوي ولدرجة اهي ماكنتش أتصور أن فيه حاجة ممكن تفرقنا عن بعض .. كنت بعد الايام عايزها تتخرج عشان نتجوز .. وصلنا لمرحلة اننا بقينا سكن لبعض .. كنت بقولها أبسط حاجة بسألها باخد رأيها .. وكانت بتحكيلي كل حاجة من اول ما صحيت لحدما ننام على صوت بعض .. واخر فترة جبت درج متحرك عشان اطلع لها البلكونة كل ليلة بعدما تعبت وكنت خايف عليها .. كنت باجي الاقيها نايمة فاقرب بهدوء واحضنها وابوس شعرها
همس بابتسامة : هقول لبابا انت ما بتسعش الكلام
ابتسمت وضمتها اكثر : يا ريت يجي دلوقتي ويطردنا سوا من بيته
ضحكت وقامت بهدوء قعدت : هيطردك انت وبس انا تعبانة ومليش ذنب
_ وانا مش هتحرك من غير مراتي
ابتسمت لي اجمل ابتسامة واخدت ايديها وبوستها : حبيبتي عاملة ايه
همست : تمام بس تعبانة شوية
كانت من اجمل الليالي والحقيقة كل ليالينا سوى كنت ببقى فقمة سعادتي وكل ليالي بعدي ببقى فقمة تعاستي وحزني وانهياري هي على طول الل فتفكيري وفقلبي طول الوقت
الشمس طلعت والنور دخل من البلكونة قمت ببطئ قعدت وأنا باصص للبحر وقربت من البلكونة المنظر كان جميل اوي ويشفي الصدور بس انا صدري مريض بقلبي ومش هشفى الا لما اموت
سمعت انين خافت وشهقات قربت وانا مش مصدق أن ده صوتها بس ليه لاء وانا قبل كده شميت برقانها قعدت على الأرض جنب بلكونتها وانا لسه سامع شهقاتها وأنينها طب اعمل ايه .. هي بتحبني زي ما بحبها عارف .. بس ازاي هنرجع لبعض .. ازاي هنصلح كل حاجة ونبني حايتنا من تاني .. ازاي هنفتح صفحة جديدة .. ازاي اصلح صورتي واخليها تشوفني زي ما كانت قبل الل حصل .. يمكن لو كانت مش بتحبني ونسيتني كان أسهل .. كنت هرضى وأعيش على ذكراها وأنا ماعنديش أمل فرجوعها .. بس لو هي لسه بتحبني فلازم اعمل حاجة عشان ارجعها عشان حبنا يستاهل أنه يعيش وعشان انا وهي تعذبنا بما فيه الكفاية .. الدقائق والثواني بيدبحو قلبي ببطىء يترى هي من امتى وهي كده من وقت ما اتكلمنا ولا من الفجر ولا كانت طول الليل هنا بتعيط وانا مش حاسس بيها .. ليه الحياة عملت فينا كده ليه ..
صوت موبايلي رن _ مش مهم _ سبته لحدما سكت رن تاني وتالت قمت بتعب وتقل واخته لقيت قمر ي الل بترن رديت بسرعة : الو
قمر ببكاء : ماما يا عز ماما ماتت
احساس بشع ملاني وحسيت بحاجة بتمشي فعروقي من صوابع رجليا لشعر راسي احساس رهيب مش عايز اوصفه
_ قمر بتقولي ايه ماما كانت كويسة ما لها
مكنتش عارف بقول ايه مكنتش عارف انا فين كل اللي جه فتفكيري اخر مرة شفتها كانت فين وامتى
قمر بعياط : ماتت يا عز اتقتلت تعال بسرعة
قفلت الخط بسرعة وانا ماما بابا وخالد حتى احمد مفيش حد بيرد بصيت على الواتس لقيت رسائل كتير من قمر
بدلت هدوم الل لسه اصلا فالشنحة وطلعت جري على الحسابات وطلبت تاكسي للمطار وفتحت رسايل قمر ولثيتها بتقول : عز انا كان المفروض اقولك أن همس موجودة فايطاليا بس خفت لترفض تسافر وانت كان لازم تسافر عشان اكلمها هي واونكل كاظم كان لازم تتأكد أنه مظلوم يمكن ده يخفف عنك الهم اللي شايله شوية ويمكن ربنا يوفقكم وترجعو لبعض انتو الاتنين بتحبو بعض ولسه مش عارفين ولا قادرين تنسو .. انا ومازن عرفنا أن كل اللي حصل كان مترتب له وأن فيه منظمة عالمية بتنهب أموال الشركات وان المنظمة دي موجودة فكل مكان وليها أعضاء اكثر ما ممكن نتخيل وللأسف فيه اشخاص فالشركة تابعين للمنظمة قدروا يزورو توقيع اونكل كاظم على الاوراق كلها أهم حاجة دلوقتي ارتاح وتحاول تكلم همس وتوصلو لحل ماه ماينفعش تعيشو فعذاب طول العمر والسبب خارج ارادتكم مهما حصل انت وهي بتحبوا بعض حاول ترجعها تاني وابنو الحياة الل كنتو بتحلمو بيها
عز محامي همس قدم أوراق وأدلة تثبت أن ماما هي الل خططت لكل حاجة ده معناه أن ماما بتشتغل مع المنظمة احنا لازم نعمل حاجة النيابة أمرت بسجن ماما على ذمة التحقيق لان الأدلة كتيرة جدا
بصيت لتوقيت الرسالة تاتي لقيتها من ست ساعات طلعلي إشعار من صاحب عمري محمد باعت رسائل كتير " عز انا كلمتك كتير ليه ماردتش علي شد حيلك إنا لله وإن إليه راجعون"
كلمته بسرعة فرد : عز انت فين
_ محمد هو فيه ايه بالله عليك لتقولي كل حاجة
محمد بعدم فهم : انت لسه مش عارف ولا مش قادر تستوعب
_ انا معرفش حاجة
محمد بهدوء : للأسف فيه سجينة اعتدت على طنط سوزان ونقلوها المستشفى وتوفت فيه ...