رواية عشق الودق للكاتبة ايمان صالح الفصل 22

الفصل السابق

رواية عشق الودق بين العشق واللعنه

#الجزء_الثاني_والعشرون

ماكان من سياف إلا انه هرع من هول المنظر ونظر له نظرة إندهااش وهو يمد يده ليمسك به،، ثم سقط من فوق السلم الذي أخذه ونزل للأسفل قطعااا مفتته من الدور الثالث،، 

بعد مرور عشرة أشهر،، 

في مصر،،،،،،،، 

تقف شَرف وصديقتها أمامها تحاول إقناعها بعدم الرحيل،، لكن شرف مصممه علي أن ترحل،، لكن غجريه خائفه وتحاول معها دون جدوي،، 

غچريه ••جولتلك أصبريك حبه كماني بتك تكبر عن إكدة ونبجو نعاودو !! إسمعي كلامي يابت الناس،، إحنا إهنة جاعدين واهنة جاعدين، 

شَرف ••طب وتاري اللي هناكه؟؟ تار چوزي ؟؟ انساه؟؟ حجي وحج بتي؟؟ أسيبه؟؟ لو انتي مكاني هتعرفي جيمة اللي حصلي ززين جووي،، 

غچريه ••لااه ياختي مش عاوزه أعرف،، آني أصلاا اتعجدت من الچواز،، وانتي فكرك هفكر أتچوز تانى ؟؟ كفايه عليا اللي حصل جدامي ليكي إنتي،، 

شَرف ••أحسن،، خليكي إكدة فاضيه،، عشان لو چرالي حاچه وسبت عيالي من غير أم تبجي إنتي الأم والأب،، دى أمانه فرجبتك خلي بالك،، 

غچريه ••أبااي علي الحديت المچلع، ماسخه،، 

شَرف ••خليكي انتي إهنة،، ماتتعبيش روحك أجعدي،، 

غچريه ••يلا ياتاعبه جلبي يلااا،، 

وذهبوا للعودة للنجع بعد الغياب الذي دام عشرة أشهر،، لم يكن يعلمن ماذا يدور هناك،، ولا ماتخفي لهم الاقدار،، لكن شرف قد قطعت عهداا علي نفسها ان تعود لأرض وفاه الحبيب ومدفن جسده،، وقد عادت،،، 

بعد سفر دام ساعات،، شَرف تحمل طفله لايتعدي عمرها الاربعة أشهر،، أما زياد فقد أصبح في السابعه أو أزيد،، الام بدت عليها ملامح العجز المبكر وحمل الهم،، لكن أعينها بها بريق التحدي وأخذ الثأر،، 

دخلت غچريه وشرف والطفلان،، وكأن أعين الكفر كاميرات ترصدهم،، ينظر لهم الكل بتعجب،، ويتبادلون الحديث،، 

إيهدييه،، شرف رچعت؟؟ دى ماماتتش،، ياسنه سوخااه !! 

ظل العائدون ينظروا للناس والناس ترمقهم بنظراتهم الغابرة،، حتي وصلو لبيتهم،، 

شَرف••شايفه النچع المنحوس، بيبصولنا كييف؟؟ 

غچريه ••حاسه بحاچه غلط،، خايفه بجولك،، 

شَرف ••إسمعي،، إنتي تخليكي معايا،، ماعنبعدش عن بعضينا،، فهمتي؟؟ إلا لو بس رحت بصيت عالأرض وبصيت علي حبيبي،،،، دمعت عينها،، وحشني جووي أصله،، 

غچريه ••طب إيفتحي،، افتحي خلينا نتحدتو چوة،، 

سرعان مادخلو حتي أغلقت غجريه الباب بسرعه شديده،، 

غچريه ••إحنا إكده مهنعرفش نتحرك كتير خلي فبالك،، 

شَرف ••بالعكس يااغچريه،، دحنا لاازمن نتحركو كتير،، اني هجعد أفهمك تاني عاد ولييه؟؟ 

غچريه ••لاه لااه،، آني فهمانه،، بس مبدئيااا إكدة !! 

شَرف ••مبدئيااا إكدة آني عاوزة اروح اريح حبتين وانتي كماني نامى،، ورانا شجا وتعب ياامه،، 

غچريه ••علي جولتك،، هييه يلا ننامو،، ولما نجومو نبجو نتسبحو وناكلو،، ونخرچ عادي هيا موته ولة أكتر،، 

شَرف ••سياف معيجدرشي يعملي حاچه عفشه أكتر مالي عمله،، 

غچريه ••إيوة صح،، منا بجولك أهاا،، هيا موته واحده،، يلا يلا خشي وريحي،، 

إنتشر الخبر في النجع كالنار في الهشيم،، الأمر الذي لم يسر العمده الجديد،، ولا أمه،، إحتد العمدة الجديد حكم حين سمع الخبر،،، 

حكم ••مين اللي جال إكدة؟؟ 

احد رجاله رد قاائلااا،، شفتها بنفسي ياچناب العمدة،، 

بنفس الوقت،، فرحانه تخرج من حجرتها هروله حتي تتأكد من صحة الخبر الذي نقلته لها إحداهن،، 

فرحانه لحكم ••صُح اللي سمعته ده؟؟ 

حكم••بينه صُح ياماا،، لما نشوف آخرتها،، 

فرحانه ••آخرتها وضحت ياولدي،، لااازمن ننفذ مخططنا جبل عشر شهوور،، وإلا الي عملته فبوك مكانش ليه أيتها لاازمه،، 

حكم ••عنديكي حج يمااا،، آني لازمن الأول أجلع أي عين شهدت عاللي حصل،، عشان تبجي عبره لغيرها في الكفر،، 

فرحانه ••نظرت بعينيها يمينااا ويساارااا،، بجحوظ ثم شبثت نظرهاا علي الحائط قائله ،، 

تجصد اللي فبالي؟؟ 

حكم••إيوة هياا،، لاازمن الناس كلها تخاف من اللي هيچرالها عشان مايتچرأوشي علينا لما نخلص من المرة دياتي،، 

روايه عشق الودق بقلم ايمان صالح لموقع الفردوس للروايات رومانسية ، تحميل pdf، رواية رومانسي، روايات كاملة، روايات انجليزية

فرحانه ••خلصنا منهم ياولدي،، آني زهجت،، 

وصعدت فرحانه للأعلي لسياف الذي كانت ملكه جليسه له في أغلب الاوقات،، صعدت مغتاظه،، غاضبه،، نهرت ملكه التي كانت قد إستقوت عليها بعدما حدث لسياف،، فتحت الغرفه عليهم ثم دخلت بدون إستئذان واخذت تتحدث بلهجه حاده غير لائقه معها،، 

فرحانه ••أخرچي بره،، عاوزة چوزي في كلمتين،، 

مَلكه ••خير،، عوزاة فإيييه؟؟ هوا بيجدر يتحدت ولا يتنيل؟؟ 

فرحانه ••أييه؟؟ هتچالسيني وآني وهوا بنتسايرو كماني؟؟ أخرچي بدي أجوله حاچه،، 

مَلكه ••لااه،، المرة اللي فاتت دخلت لجيتك عضاه في يده مخرراها دم،، وجبل سابج لاسعاه بالمعلجه علي رجبته،، كل دواتي عشان مبجاش حاسس بحاچه؟؟ إتجي الله في الراچل،، إنتي عايشه وبتاكلي من خيرة، 

فرحانه ••بغضب،، جولتلك أخرچي بره عااد معوزاشي أشوف خلجتك،، إنتفضت مَلكه التي مازال إبنها فتي،، لايستطيع فعل أي شيئ،، 

مَلكه ••التي تحدثت والدموع في عينها،، جادر ربنا يذلك إنتي وولدك كيف مارجده إكدة،، 

وخرجت وتركت الغرفه،، كاد الباب أن ينقلع من مكانه بسبب هبدته من فرحانه،، 

فرحانه ••لسياف،، عااچبك يابومه يابوز الإخص؟؟ من يوم ماخدتك واني حزينه والضحكه مابتجربش من حنكي،، جال كت بجول إنتا وفلوسك السعد والهنا جاال !! أتاري الغفير اللي عندك أسعد منك في حياته،، 

إقتربت من سياف الجالس لاحول له ولاقوة ثم قالت له،، 

فرحانه ••إسمع ياسيااف،، آني عليا وعلي أعدائي،، الچربوعه اللي رافجتها رچعت،، ومعاها البت بت الحرام،، وإبنها من رشااد اللي إنت جاتله،، أجصد ولدي،، هههههه،، يووه ؟؟ واني ماجلتلكش أن حكم والغفر بتوعه هما اللي فضلو يضربوا فيه تحت بعد ماجولتلهم سيبوه يِرَوِح؟؟ أديني جولتلك آهاا،، بعد مابجيت لابتحل ولابتربط،، 

نظرت له بإشمئزاز،، ثم أكملت حديثها المسموم،، 

فرحانه ••شايف آخرتك ؟؟ مذلول كيف؟؟ إحنا اللي بنخدمووك،، ونجعدوك ونوجفووك،، أحلي ذل ياسيد النچع،، 

إلتفتت له،، عاوزة أجولك،، إني هحرجلك جلبك علي شرف،، نزلت بجوار أذنه ثم بدأت تهمس بها،،، 

عارف هحرجلك جلبك عليها كيف ؟؟ ضمت أناملها لراحة يدها وكأنها تعتصر شيئااا مااا،، ضاغطة علي أسنانها قاائله ،، 

هولعلك فيهاا حيه،، عاوزة أشم ريحة لحمها في البلد بيتشوي،، 

ماتستغربشي من الغل اللي آني فيه،، دة تار جديم،، تاري معاها أخلاجها اللي أنضف من أخلاجي من زماان ،، أبوها وأمها اللي ماسرحوهاشي تبيع شرفها مجابل الجرش واللجمه،، سمعتها اللي خلتك نفسك فيها كنها چنيه دهب،، چوزها اللي من وهيا لسه بت بنووت كان بيعشجها عشج،، تفرج عني إيه هيا عشان تتحب إكدة من الناس؟؟ 

حبيت فيها إيه عني ياسياف؟؟ كل الحجاات دى؟ صُح؟؟ تمام ماشي،، إنت حبيت وعشجت،، وآني غليت وكرهت،، وإتعودت إني أخلص حساباتي بنفسي،، جذبت شالااا يعتلي كتفها بقوة وعنف،،ونظرت له بتحدي ثم غادرت الغرفه،، وقفت ملكه التي كانت تسمع كل مايدور بينهم بالداخل تلطم خدها بعد خروجها،، دخلت الغرفه علي سياف ووچدته يبكي،، والدموع علي خديه،، ثم نظرلها كأنه يتراجاها ان تفعل شيئااا،، 

ملَكه ••أعمل ايه ياسيااف؟؟ أسيبها تموتها؟؟ عتموتها ياسياف،، 

هز سياف جسده ذهابا وإياباا وكأنه يتأرجح يحاول الإشارة لها بلا،، 

ردت ملكه،، حااضر،، حاضر،، آني هتصرف،، هروح وأحذرها،، 

أخذت مَلكه ملسها وأخذت بعضها وجرت علي الخارج حتي تحذر تلك المسكينه،،، 

دق الباب لدي شَرف التي فتحت بشجاعه قائله،، 

شَرف ••مرت العمدة؟؟ أهلااا اهلااا،، 

مَلكه ••إيه الي چابك تاني يابت عمي؟؟ چايه لجضاكي؟؟ 

شَرف ••لاه وانتي الصادجه،، چايه لتاري،، چاية آخد حجي من چوزك،، 

مَلكه ••شكلك مدرياناش بأي حاچه يابت عمي،، آني چوزى مابجيش العمدة أصلاا،، چوزي إتشل يوم مانتي مشيتي ومن يوميها مابيتحركشي،، 

وجبليها كان عاوز يتچوزك،، بس االي وجفتله البومه بتاعت زماني فكراها؟؟ 

شَرف ••ودي تتنسي؟؟ وياتري مين بجي العمدة ؟؟ ولده الظالم؟؟ 

مَلكه••إيوة،، وخدي عيالك وإرچعي بعدي،، بعدي عن إهنه،، دول عندهم إستعداد يجتلوكي،، 

إستدارت شَرف ثم أمسكت بالطفله التي علي سريرها ثم أعطتها لها قاائله،، 

شَرف ••آني متت من يوم ماچوزك رمي فيا بذرته،، متت من يوم ماچوزك جتل چوزي،، متت من يوم ماتداخدت غدر،، آني متت أصلااا ياملكه من ياچي سنه فااتت،، 

نظرت مَلكه في وجه الطفله الصغيرة وضمتها لصدرها وهي تسمي عليها قاائله،، 

مَلكه••بسم الله ماشاء الله،، دى شبه عبروحمان خوها جووي جووي ياشرف،، سبحان الخالج،، 

شَرف ••شوفتي؟؟ يعني آني مش كدابه عااد أههااا ؟؟ ديت بت سيااف،، بت الغلطه اللي غلطها معاااي،، ولازمن البلد كلاتها تعرف،، 

مَلكه••مش هيسيبوكي فحالك ياهتيره،، فرحانه وحكم ولدها بجو عاملين كيف النااار،، بتحرج وماتخليشي،، 

شَرف ••وآني إبتديت بيكي،، وبكرة الكفر كلاته راح يعرف إن بتي بت سيااف،، يعني بوها العمدة،، آني علي أتم إستعداد أعمل أي كشف يلزم لو حد شكك فيا،، 

مَلكه ••اللي فراسك في رااسك؟؟ آني عملت كيف ماضميري جاالي وبرأت ذمتي جدام الله،، ههيه،، السلام عليكم ورحمة الله،،، 

تركتها ملكه وخرجت وهي تظن انها اتت لتخويفها وترويعها،، 

كانت غچريه وقتها في بيتها هلعت خوفااا علي صديقتها ثم جرت علي منزلها وأخذت تنادي،، 

غچريه ••شرف،، يابت إنتي بخيير؟؟ 

شَرف ••تعالي يا غچريه،، چاية تساومني أرچع مكان ماكنت تاني،، شفتي؟؟ 

غچريه ••ماجلتلك يابت الحلااال؟؟ تعالي نرچعو تاني المكان مبجاش مساعينا احنا وهما،، 

شَرف ••لاااه،، مش جبل ماخد حجي منيهم بردك،، آني من النچمه هجوم ألفلف علي البيوت والأسواج والحواري والحتت كلاتها ببنتي وأعرفهم انها بت العمدة،، لازمن الناس كلاتها تعرف ان ودج بت العمدة،، ولازمن يچي حج رشاد،، ياإماا أموت زيه،، المهم لو چرالي حاچه ولادي دولي أمانه فرجبتك،، تاخديهم،، لو چرالي حاچه او حد دخلي ولا أتهچم عليا هخبيهم في الفرن البلدي،، سمعتي زينه؟؟ 

غچريه ••ياختي اتنيلي بدال إكده تعالي نرچعو اا،، 

شَرف ••لااه،، آني ماهرچعش،، آني حاسه اني هموت إهنة،، وعن جريب كماني،، آني هاموت چار چوزى وحبيبي،،

#يتتتبع،،،،،،،،،،،،،،،،،،،،،،،،،،، 

الفصل التالى

تعديل المقال